روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
- مرحبًا أني مُلهم
تفاجأت مُلهم شنو جابة على حواء جاوبتة ودزيت :- يا مُلهم ؟
- متعرفيني بس أني اعرف عنج گُلشي ابسط شي اسمج حواء
- ما اعـرفك وتعـرفني ؟
- مثل ما سمعتي عزيزتي
اتصلت عليه بسرعـة گُبل رفض وبعد حتى صـورتة راحت عرفتـة انطاني بلوك فكرت اكُل لحـيادر بس خاف يأذي حواء زين حـواء شنو الي دخلها بمُلهم مُلهم شنو الي جابـة لحواء الف سؤال ببالي
ماعندي غير حل أنُ ادز مسج لحيادر واكُله بدأ راسي يأذيني گُبل رحت للعلبة الدواء بلعت حباية ورجعت فتحت تلفوني وراسلت حيادر وكتله :- حيادر موجود بسرعة جاوب
- اي حبيبي بيـج شي صار شي محـتاجتني كولي ؟
- حيادر تكدر تصعد اذا تندل غرفتنة ؟
- بس كُليلي صـاير شي
- اصعد وافهمك حيادر مو مال تلفون
ما طول خمس دقايـق وفتـح الغُرفة ودخل :- شـكو بويه
- وين عكازتك ليش ما صعدت بيها ؟
- خلـي تولي كُليلي شصـاير
- أكعد افهمك بس عليك الله لاتسوي اي شي ولا تأذي حواء
التفت لحواء ورجـع باوع عليه :- شنو شبيهـا حواء ريتاجه بيهـا شي
- لا ما بيها شي شوف
فتحت اله تلفون حواء وانطيـتة اله قره المُحادثة خلص :- أني اله هذا الكلب
- كلب ؟
- اي كلب وابن الف كلب هم
أستغربت وسئلتة :- صاير شي بينك وبينهـة ؟
- أشياء مو شي واحد
- اشياء !
باوعت عليه وكتله :- سولفلي هـاي الاشياء من رُخصـتك وليش أنـي ما اعرف شي منها ؟
- فستق مو وكت
- لا وكته واله هسه تسولف الي
- كتلج مو وكتـة
- صدك داتـحجي
- اي .
ذبيت حسرة وكمت وكتله :- ميخـالف لاتسـولف تحلم تحـجي وياي بعد
- فـستقي شبيج
- وتسـأل هم
- كعدي خلي اسولفلج
- شتسولف ؟
- الي تردين تسمعيـة
- الاشيـاء ؟
- اي
كعدت بس بعيدة عليه وكتله :- أسمعـك .
- شوكت شفتي مُلهم أول مره تتذكرين ؟
- اي من أجه يريد حُسين وطلعتلة أني
- أستلـم
- ليش ؟
- لمن تطلعيلة أنتِ جنه جريذي
- كمل حيادر لاتغير الموضوع
- اي بيـوم الاجك الجريذي للبيـت وأنتِ ست الحُسن طعتـيلة جان يريد يـحجي وي حُسين علمود عـركة صايرة بالجامعـة وحُسين جان طرف بيها لا اكُلج ولا تكُليلي هيه كُلها العركة علمود بنية ومدخلين حُسين بالسالفـة هوه حُسين ابدًا مـو يم السالفـة
- اريد السالفة الي متعاركين بيها أنتَ ومُلهم ؟
- شمدريج متـعاركين ؟
- لعد صايرة بالتفك وجريذي وكلب وكُل هذا مامتعاركين !!
- هههههه
ضحك وكال :- عجبتيني فساتق ولو مو اليوم عاجبتني أنتِ
- اي اي سـولف ليش متعاركين ؟؟
- هسه نوصل للسالفة المُهم مرت السالفة هاي الى مُلهم تعارك وي حُسين فستقه تتذكرين اليوم الي أجيتج بي بيوم الاهل راحو للزيارة ؟
- اي
- هُنا جان مُلهم الشفية جاي علمود حُسين وشايفني وشايف سيارتي
- ياااا وهوه كايل لحُسيـن ؟
- اي غير حيوان اي ف من جنتي بالمستشفى رحت اله نعنعته تنعنع
مفهمت شنو الي كال ابدًا قاطعتك وكتله :- يعني شنو نعنعته تنعنـع ؟
- يعني لعبت جقلمبات أني وياه
- يعني شسويت ؟
- فستقي دلكفيها عاد يعني لعبت بي جقلمبات داكُلج
وسعت عُـيوني وكتله :- كتلتتته ؟؟
- شنو لا دغدغتة بس
- ولله كاتلة
- ذاك وينه جنه جريذي
- أستغفر الله شلون هيج تسـوي بله نسجنـت أنتَ ؟
- لاتصيحين حبيبي العالم راح تكعد وشنو أنتِ خايفة عليه بعد روحي
- كمل يله من كملت تنعنع شسويت
- وهددتة بشي وهوه خاف من أبوي وتتذكرين يوم الرجعنة ؟
- يـوم الي نخطفنـة ورجعنة مو ؟
- عفييه اي هوه
- شبي
- أجه يهدد أنُ يوصلج هوه نفخة مابي نوب يهدد عاد خابرت آسر ورحنة نعنعناه
- شحـدة يوصلي
صفنت وره شويه وكتله :- زين حيادر لعد شنو اله دخل بحواء ؟
- يريد يتقرب منـها علمود ينتقم مني
- شكد حيوان
- اي أدري بي من زمان
- لعد حُسين ليش بعده وياه ؟
- مغشوش بي عباله صديق صالح بس هو مالح
- وذاك اليوم من سوه حادث بس لا أنت الي دعمته ؟
- يا حادث ؟
- وره ما أجه التهديد
- هههههه غير أني وآسر كسرنـاه وهوه لزكها وكايل لجـماعتة سويت حـادث
- بربك حيادر
- وربج فستقي
- ليش ما يـشتكي عليك ؟
- تردية يشـتكي عليه ؟
- لا مو داكول شعجب يعني
- غير أبوي عسكري ويرجف منه
- مو هين كمت اخاف منـك
- أمانج اني
أبتسمت وكتله :- هيه هاي الاشياء كلها ؟
- اي هاهيـة
- أكلك
- كولي يابه
- شوكت نرجع ؟
- يومين ونرجع ضـايجة من شي ؟
- لا بس داكلك لان قرب الدوام
- ماشي حبيبي
سمعنه أذان الفـجر وكتله :- هاي شكد صار دانسولف
- ساعتين ونص يمكن
- هسه يكعدون شلون راح تنزل ؟
- شبيـج فستق سهله
- شلـون ؟
- انزل من الدرج
- يا شوف شلـون ما ادري راح تنزل من الـدرج عبالي راح تطيـر ولله
- اطير لخاطرج
- اي عيني
- راح انـزل
- يله قبل لا يـخلص الأذان وبعد لاتمشي بدون الـعكاز
- صار هُيامي أمري
نزل وره نصف ساعة كعدت حواء صلينة وكملنة وكالت :- صدُك تصـالحتو ؟
- اي
- يُمه كولي ولله ؟
- ولله
- الحمدُلله يا رب شگد حـلوين سوه
ضحكنة ونمنة كعدنة الصبُح نزلنة جوه صبحنة عليهم ورحت كعدت يم أمي وام حواء وسئلني :- شلون صرتي ؟
- الحـمدُلله
شويه وصاحتلي حواء :- رتوج تعالي نروح يم البنات دايخبزن بالبُستان
- جايه
- تعالي نلبس عباه ونطلع
حركت رأسي بمعنى أي لبسنة عباه وطلعنة رحنة للبنات لكيناهن ملتمات وحده تخبز وحده يم التنور وكالت داليا :- تعالي رتوجه تجربين تخبزين ؟
بعدني ممجاوبة وكالت حواء :- يله يله رتوج أني وراج
ريتاج :- ما أعرف أني ولله
داليا :- عادي الحيـاة تجارب تعـالي جربي
من بعد إصرار من البنات كمت اجرب وكتلهن :- اريد بس أخلي الخبزة بالتنور لان البقية گُلشي ما اعرف
رسُل :- عادي
خبزت كم خبزة وبالاخير أيدي طخت التنور نجويت شوي كالت حواء :- غير تنتبهين
ريتاج :- ما ادري
خلصنه خبز ورجعنة اول ما رجعنة صبينة الريوك خلصنة الريوك وكالت حواء :- رتوج تعالي وراي
- جايـة
رحنة للبنات سئلتهن حواء على مرهم كالن ماعدنة وكالت :- أمشي نصيح حُسين يجيبلج
- عوفـية يمـعودة هيج تطيب وحـدها
- ما تطيب أمشي تعالي نكُول لحُسين لحيادر
- جاية
رحنة صحنة حُسين وأجه وكال :- عين الشمس خيرج كالو عطبتي واحتركتي
- اي وودوني للنجـف هم
- خيرج وين الحرك بصماخج ؟
- هههههه ها شعـجب هاي بس أني احتـرك من صماخي وأني اخبز ؟
- اي گُلشي يصير يله أذا طلعنة وي الولد أني أجيبلج
- مـاشي
حرك بمعنى إي وراح وكالت حواء :- اي هسه تمام
بس دخلنة أجه مسـج على تلفون حواء باوعت عليه وكالت :- هذا حيادر
- شيريد
- دخلي أجاوبة وأشوف شيريد تعالي نصعد فوك
- يله
صعدنة فوك ودخلنه للغُرفة باوعـت جان تلفوني على الشـحن بس مكلوب سئلت حـواء وكلتلها :- صـاعدة فوك أنتِ ؟
- لا من الصبُح ما داخله ليش ؟
- تلفوني من خليتـة على الشحن ما كلبتـة وهسه مـكلوب
- متأكدة ؟
- أي
- يمكن وحدة من البنات صعدت نظفت لو مسحت
- يمكن المُهم حيـادر شيريد ؟
- اريد اتصل عليه
- اتـصلي
اتصلت شويه وجاوب وكال :- ها بويه ريتاجي بيها شي
- ريتـاجي ؟
- روحي
- تطورنة يابة
- عوفي التطور شلونها هسه ؟
- حـرك خفيف بأيدها
- بروحي ولا بيهـا
- يُمه العشق
ضحك وكال :- يله راح اروح أني أجيـب الها من نطلـع وي الولد
- ليش وين تطلعون
- بدون ليش
كال بدون ليش وسداه بوجه حواء وكالت :- أمشي ننـزل راح يصيـر الغدة
نزلنة وره نصف ساعة صبن الغدة تغدينة وكملنة والولد كالو راح نطلع وضلينة نسولف على ما أجه الليل كامن البنات يسون كيك وأني وحواء وياهن وكالت عليا :- ريتاج شوفي أبني بره من رخصتج روحي جيبي
- صـار
كمت طلعت بره ادور على الطفل وشفت نفس الولد الي أجه وأني جنت داغسل الاماعين ما اعرفة بس يمكن أشهم أستغربت ليش مرايح وي الولد وكال :- جاي تدورين على شي خويه ؟
- لا بـس أبن عليا كالت بـره روحي جيبي
- دخلي أني اجيبة الها و من تطلعين خلي شي على رأسج مترهم هيج بيت كُله زلم
حركت رأسي ورجعـت دخلت وكلت بگلبي هوه بكيفـك تالي يجيني يكُلي خلي شـي على راسج أنت منو يمه بس لا صدُك حقهم لان هُنا كلـهن حجابات غلسـت ورجعت يم البنـات عليا ما سئلتني ابدًا شويه وكامـت طلعت بره كملنـة الكيك
وأجو الولد باليل حُسين صاحلي ورحت اله وكال :- ريتاجه عيني ثلاث مرات تخلي باليوم لمن تطيب
- مـاشي
- عفيه عيـن الشمس
أبتسمت ورجعت دخلت وهوه راح للديوان صار وقت العشة ونزلنة تعشينة وكملنة أجه مسج على تلفوني من حيادر :- لاتنامين اليوم
- مـاشي
دزيتلة ماشي وقفلت التلفون وكمت يم البنات بالمطبخ يغسلن الاماعين ويسولفن
داليا :- راح يبـدي الدوام
رسُل :- شوكت ؟
داليا :- لو باجر لو عـكبة
رسُل :- هلأ بي
داليا :- تكيفيـن لعد
رسُل :- اي عيني اي اكيف لعد ليش
داليا :- هههههه
عفتهن وصعدت للغُرفة خليت مرهم لا أيدي ونمت كعدت ساعة وحدة ونص البيت هدوء يمكن نايمين باوعت على حواء نايمة بصفي
فتحت التلفون جاي مسـج من حيادر قبل ربع ساعه مكـتوب بي :- فستقي كاعـدة مو ؟
- اي
- يله عشر دقايـق وانزلي وراي
- ماشي حيادر انزل بالعكاز مو تعوفة
- صار
مرت العشر دقـايق ونزلت للصالـة فتحت الباب وطلعت وره البيـت الباب مفتوح شوي مشـيت اله وطلعت
اول ما طلعت شفت حيدر أجه بأتجاهي لزم أيدي ومشينة كعدنة على الشط طلعت مرهم وكطن من جيبة وكال :- امشي اغسل أيدج علمود اخلي الها من هذا المرهم
- ميحتاج خليـت الها قبل لا انام
- بويه أمشـي هذا المرهم زين حـتى أثر ما يخلي
بعدني ما حاجية لزم أيدي وكمنة رحنة غسلها على كيف وكال :- دا أذيج ؟
- لا
- اذا أذيتج كرصيـني
هزيت راسي شوية وكرصتة رغم ما أذاني بس هيج :- مو قصدي ولله يله تعالي
ضحكت وبداخلي عرفت أني نُقطة ضعفك لهذا الإنسان رجعنـة كعدنـة على الشط وطلع الكـطن وبدأ يمسح المي الي على مُكان الحـرك رغم حركة عـادية مو ذاك الألم بيها بس عـجبني اهتمامة
شوي وسئلته :- حيادر سؤال عادي ؟
- عينـاي الج فساتق جواب
- ليش هذا الاهتمـام كُله ؟
- ريتاجي أني بحد ذاتي ما أعرف صدكيني بيوم وليله صرتي تخصيني ما اعرف هذا حُب لو عشق لو تملك اتخبل اذا يصيرلج شي احس تروح روحي مني حتى لو جرح خفيف يأذيج
ما أريد لان ايأذيني قبل لا يأذيج بروحي قبل روحج بجسدي قبل جسدج ف يا فستقه من تشوفيني أهتم بيج هيج عادي شنو تحسبيها حسبيها اهتمام حُب غيرة ماشي يا هُيامي ؟
- مـاشي
كمل وكال :- لا تشديها ولا تخليلة لاصق جروح عوفيها هيج الهوى يطيبها
كمل وحُضني وكال :- أمان الدنيا كُلها حضنـج ريتاجي
بعدتة وكتلة :- اريد اسئلك سؤال ؟
- بـدون متكولين سئلي فسـتقي جوابي موجـود بكُل وقت
- شلون الواحد يحب شخص وليش
سحب نفس طويل وكال :- أكيد من تحبيـن شخص تردي يمج وتداري ومتردي يتأذه ابدًا تهتمـين بي اهتمـام لابعد الحـدود مهما كان هالشخـص خطر مو خطر حـنون گلبة قاسي مـكروة لا بد يجي يوم ويـبادلج هذا الحُب
راح يصـير أسعد انسان بويه فستقه اذا تـبادلي الحُب مُمكن يسوي گُلشي لخاطرج أصعب شي يـسوي بس تطلبي منه مُمكن تصيرين نُقطـة ضعفة مُمكن تصيريـن ملجأ اله وملجأ الج فستقي الحُب صعب وبنـفس الوقت سـهل
صفنت على كلامة وهوه يحجي ويشرح و أعرفك دايقصد نفسة بكُل سطر خلص وكتله :- شي حلو
- گُلش حلو وعيونج
- عاجبني احب
غير نبرة صوتة وكال :- شتحبين ؟؟
- انسـان اكيد
- منو ؟
- ما اعرف اي احد
- خرب يومك
- منو ؟
- آسر الحيـوان أكو غيرة
- شدخلة
- عجبني اخرب يومة
حركت راسي وره شويه كال :- أريد اذب حُبي بوسط روحج
مافهمت معنى كتله :- شنو المعنى ؟
- أريد ازرع حُبي هذا بروحج
- ها هيج
- اي بعد الهيج واهلها
- أنتَ ليش تحبني ؟
- مو حُب هُيام بويييه هُيام
- يختلف عن الحُب ؟
سحب نفس وكال :- بهواي ريتاجي
- شـلون ؟
- للحُب سبعة مراحل اولها الهوى و أخرها الهُيام مرحلة الهوى هاي مُجرد اعجاب بالشخص المُقابل فقط الثانية الصَبوه وهاي الانتقال من مرحلة الاعجاب
الثالثة الشغـف هاي المرحلة لازم يمُر بيها الطـرفين بس أني مريت بيها وحدي تغلغلـت هاي المرحلـة بداخلي والرابعة مرحـلة الكلف وهاي راح توصل ويـاج لو وين ما تروحين الشخـص هذا بعقلج وبخيالـج وين ما رحتي على مـدار اربعة وعشرين ساعة
اما المرحلة الخامسة راح تبين الج اعراض الحُب شنو الي اقصده باعراض الحُب يعني من راح تقابلين هذا الشخص او تحجين ويا راح يجيج ارتباك لا ارادي يعني ترتبكين مُجرد ما يحجي وياج الشخص المحُب للمرحلة الخامسة مرحلة الصدُق بهاي المشاعر يسموها مرحلة الحُب الاعمى يتطور بيها الحُب
للسادسـة الي قبل الهُيـام يسموها مرحلـة النجوى هاي اخطر مراحـل الحُب يعني أبسط شي اذا اشتـاقيتي للشخص المُقابل وماتكـدرين تحجين ويـاه راح تضوجيـن او تعصبيـن ومُمكن توصل للـبجي لان شنو لان بس مـشتاقتلة تصيـر مشاعرج متناقضة بين الحُب والـحزن والاشتياق والبجـي
اما مرحلة الهُيام يابويه أني واصل لهاي المرحلة المرحلة الاخيرة هية المرحلة السابعة هاي مو كُل عاشُك يوصل الها ولا كُل مُحب يعني ابسط شي اذا سويتي للشخص الي يحبج مُمكن اذا كتلتي راح يعذرج يعذرج عن گُلشي تسوين اله اذا كان مشاكل راح يتجنبها لان يحبج مهما كان يا فستقه
سكتنة وره شويه كال :- فهمتي مشـاعر الحُب ؟
- اي
- وأني واصل لاي مرحلة ؟
- الأخيرة
ذب تنهـيدة وكال :- اي بويه الهُيام
سكتت لان ما اعرف شنو جـاوبة واضح مثل وضوح الشـمس يحبني ياترى هم راح يصيـر مشاعر اتجاهـة راح امر بحالات الحُـب السبعة ؟
قطع تفكـيري صوتة وكال :- باجر نرجـع
- مو كلت يوميـن ؟
- لا بدأ الدوام اريد اجهز نفسي وحُسين هم كال باجر نرجع
- ماشي
خذه أيدية سحبهن باس باطنهن وكال :- أمشي ندخل
- يله
كمنة نتمشة الى أن وصلنة للباب :- دخلي وراج ادخل اني
حـركت راسي ودخلت وكبل بوجـهي للغُرفة ورحت نمت كعـدنة على صلاة الفجر أني صليـنة ورجعنة نمنة كعدت الصبُح على حـواء تكعد بيه :- كومي اليوم نـروح عزة ولا ادري
- كالي حيادر
- شوكت ؟
- الفجر من طلعنـة
- ماشي يله ننزل نتـريك ونصعد نبـدل
حركت راسي ونزلنة غسلنة ورحت كعدت يم أمي خلصنة الريوك رحت لحواء جانت بالمطبخ شفتها وكتلها
- تعـالي حواء نصـعد نبدل
- يله
بعدنة ما صاعدين كالت داليا :- رتوجه نريد رقمج أني والبنات
- اكتبـة الج ؟
- لا ردي هذا تلفـوني خلي اسـجلة
رديت الها الرقم وصعدنة نبدل كملنة ونزلنة كعدنة يم أمي ربع ساعة وكالن الولد بره دايصيحولجن سلمنه عليهم كُلهم وطلعنة
شويه وكال حيادر :- حُسين انطـيني واير السمـاعة داريد أشـغل أغُنية
- شو جنك عاشك
- حبيبي الغالي عشـك شنو بس أغُنية عاجبـتني داريد أشغلها
شغل أغُنية مجنوني وباوع عليه بنظره سريعة ورجع بسببة حبيت هاي الأغُنية يا ترى هم يجي يوم واحبه لحيادر من زمان حابة اهتمامة بيه
عفت صفنتي وانتبهت من وصلنـة وصلونـة وسلمنـة عليهم ورجعو حيادر باوعلي بنظرة وهوه بالسيارة دخلنـة للبيت وراحو
رحت صعدت لغُرفتي بدلت ونزلت أبوي بالشغل ماكو شويه وكالت أمي :- حُسين روح اكل جيب من بره يمه مابيه اسوي اي شي
- صار يالغاليـة
خمس دقايق وطلع حُسين ما حسيت اله أمي سحبتني للمطبخ حيل وكالتلي :- شعندج وي حيدر كولي من الأخير ؟
....
يتبع ⬅️ - البارت العشرين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.