سلام كرزاتي شونكم شنو رأيكم بتطور الاحداث
🍒🍒🍒🍒🍒🍒🍒🍒🍒
وزعت الجاي وگعدت على صفحة شوي والبنات اجن يمي "اي سولفي"
حاجتني جنة وأشوف البنات عينهن علي "شسولف، هاي شبيجن؟؟"
"شوفي غزل عاد لا تثوليها سولفينة شنو صار من رحتي تعتذرين من شاهين"
باوعت لحور بصدمة من حجت
"هاي صدك تحجن سالفة صارلها أسبوع بعدجن تذكرنها"
جاوبتني قمر "اي نذكر عفتي السالفة على النص، ورحتي كملتيها لنجمة"
"نجمة حبست روحها أسبوع ب البيت ومن جنة نتمشى انا وشاهين شفنة نسر وگالي روحيلها لا تظل لوحدها"
" مالنا دخل منو گالج ،
سولفي لا اروح اسأل نجمة "
"تمام راح أسولف"
أشوف البنات عدلن گعدتهن
"شوفن جنت أتمشى وأسولف ويا شاهين وشفنا نسر گلالي روحي يم نجمة لا تخليها لوحدها"
"اي وبعدين"
كلهن حجن بنفس الوقت
"خلني أحجي شبيجن ، رحت لنجمة شفتها ضايجة وسولفتلها الي صار"
🍯🍯🍯🍯🍯
صارت ب ١١:٠٠ رحت ورا البيت
شفت شاهين گاعد وجان يگلب بنقالة
"سلام "
"أول شي الي سلم يگول'السلام عليكم' مو يگطم السلام ، عود وعليكم السلام"
دائماً يسوي هيج انا متأكدة هسة بدل ما أصالحة راح أتعارك ويا
" هسة سلمت عليك ضروري تعلق على گلشي "
باوعلي بطرف عينة ورجع انتباهة للنقال وأردف بملل "أي"
"شنو أي"
"يمكن انتي جاية علمود تعتذرين لو أنا غلطان"
تنهدت بغضب من أسلوبة المستفز
ب الكلام "أسفة"
رد علي بسخرية وهو عاگد حواجبة
"بس هاي 'أسفة'
ضيعتي وقتي علمود كلمة 'أسفة' "
سحبني بين رجليَ وحضن خصري بأيدية أردف بهدوء وحسيت كلماتة أحتضنت كلبي
" شرحيلي أنت بشون غلطانة غزلي شنو سويتي حتى جاي تعتذرين انا ما أجيت حتى اسمعج تعتذرين ،
علاقتنا ما لازم يكون بيها
' أسف و أسفة' أو ' شُكراً و عفواً'
أنا أجيت حتى توضحيلي أنتي ليش أتصرفتي بهاي الطريقة مو أسمع أعتذارج وأنا اذا أغلط ما أعتذر أنما اوضح موقفي وأتفاهم وياج
وأيضاً من يصير موقف وتكونين مُمتنة لا تعبرين عن أمتنانج بكلمة 'شكراً' استبدليها بحضن أو قبلة ، ماشي بنيتي "
رفعت راسي و قبلت حنجه
"وهاي قبلة أعتذار وشكر"
ضحك وسحبني لحضنة
صار هدوء لا انا حجيت ولا هو
" شخبار دراستج"
"زينة اذا صعب علي شي أسأل جبل "
"اذا احتاجيتي شي كليلي تمام"
"حاضر"
وكف وسحبني ويا وصلني للبيت وراح
ويا ما خلصت كلامي اتنبهنا لجدو من سأل نجمة
"نجمة تقبلين تزوجين نسر"
انتبهت النجمة انخطف لونها والاستكانة طاحت من أيدهة ونكسرت
🍯🍯🍯🍯🍯
صار هدوء والكل منتظر الجواب
الانظار توجهت عليها
الزمن توقف ب النسبة النجمة
"لا جدو ما موافقة ،
من رخصتكم تصبحون على خير"
الصدمة أحتلت الموجودين
و الانظار توجهت لنسر الي جان هادء بصورة غريبة ب النسبة ألهم
وگفت نجمة حتى تطلع بس النسر كض أيدها
"وين رايحة بوية ما تشوفين الارض كلها كزاز ، وحدة منجن تجيب شي تلم الكزاز "
أردف بهدوء وهو يمسح على أيدها يمنعها من الطلعة وبعدها وجه كلامة للبنات
ألي گامن حتى يلمن الكزاز
طلعت نجمة و انظار الكل وراها
لحد ما أختفت من أنظارهم
قطع الهدوء النسر من أردف
"جدي بعد لا تفتح الموضوع
لحد ما أنا أجي و أگلك ، من رخصتكم "
صعد النسر لغرفتة وعافهم يتسائلون
عن سبب تجاهله لجواب نجمة
سأل أبو نسر الجد
"حجي شنو رأيك ب الي صار ،
وشنو راح نسوي"
جاوبة حجي يعقوب وهو يگوم
" نسر رفض نفتح الموضوع بالبداية
لأن يعرف راح ترفض ،
سوو الي گال علي الشيخ نسر هو أعرف بنجمة "
عافهم الجد بحيرة وطلع ضلو يسولفون وشوي شوي ينسحبون لبيوتهم
صعدو جاسر وياسر لأخوهم دگو الباب
🍯Pov: النسر🍯
جنت ارسم البناية من سمعت الباب يندگ
"تفضل"
دخلوا الولد وجاسر سألني
"خو ما ازعجناك خوية"
"لا بعد أخوك ماكو أزعاج"
أشوفهم واحد يباوع لثاني وياسر يحرك حواجبة ويغمز لجاسر "بدل ما تغامز بعيونك أحجي انت"
أشر على روحة "أنا"
"لا جدي حنش لو ما حاجي وياك نسر جان أنحولت"
"هههههههههههه"
ضحكنا انا وجاسر عليَ
صار هدوء وانا رجعت ارسم رفعت راسي من حاجاني جاسر
"أحم...
شوف خوية صحيح الموضوع ما يخصنا و
ما يصير ندخل بس حبينا نسألك عن رأيك برفض نجمة ، وشنو راح تسوي بخصوص هذا الموضوع"
كمت من المكتب وتوجهت للقنفة گعدت مقابل ياسر
" لا تگول هيج خوية أنتو سندي وحزام ضهري بهاي الدنيا ، وبالعكس انا اصلاً ردت أخذ رأيكم ب الموضرع ، ما أعرف شنو أسوي "
تنهدت و عيني علي ياسر من گعد يمي
"شوف خوية نجمة من بدت هذا الموضوع حتى لا تزوج
لكن بسبب كلام الناس جدي قرر تعقدون ،
لصراحة انا أستغربت من اختارك أنت والكل جان يعرف أنت ونجمة واحد ما يطيق الثاني ،
لهذا السبب هي رفضت من سألها جدي"
ألتفتت على جاسر من أردف
"كلام ياسر صحيح نسر ،
نجمة ما رفضت تزوجك و أنما
رفضت الزواج ، لازم واحد يگعد يحاجيهة حتى نعرف سبب رفضها للزواج"
"تمام نشوف شنو نهايتها ويا نجمة هي أسمي بس ب المناسبات تگولة أنتظرها توافق علي"
جاوبت ياسر و أردفت بسخرية نهاية كلامي
"هههههههههههه"
ضحكنا وبعدين كملت
"باجر أبلغ عمتي وحبوبتي يحجن وياها ونشوف وين تصفا"
سولفنا شوي وراحو ينامون أنا هم غسلت وذبيت روحي على الفراش أفكر بنجمة الى أن غفيت
🍯🍯🍯🍯
"تمام حبي باجر أحاجي جدي والشيخ وأشوف شنو يكولون ، مع السلامة"
سديت النقال وگمت جاي ادهن أيدي و أجت عيني على الحلقة
نزل دموعي وانا اذكر كل موقفي ويا نسر،
فزيت على صوت الباب مسحت دموعي
"تفضل"
دخلت ماما وأنا امسح دموعي
" ويامن جنتي تحجين "
"مليكة ، راح افتح الموضوع مرة ثانية ويا جدو والشيخ أريد اجيبها يمي"
" عوفي مليكة وألتفتي لروحج شوي "
"ما بية شي أنا"
"منوووو الجااان يبجي قبل لا أدخل خيالج ، أكووو وووحدة تسوي سوايتج مااا عرفتي تگلين لجدج ينطيج فرررصة تفكرررين ب الموضوع بدددل مااا ترفضين وتهينين نسررر گدام الكل"
صيحت بوجهي وهي معصبة على صوتها أجت شمس و أخواني و بابا
"يمة أنا ما هنت شيخكم وهو يدري أنا ما اريد أتزوج ، لو أريد أتزوج جان وافقت على أول واحد خطبني وما نشرت سالفة أنا محجوزة و خليت العام تحجي علينا"
حسيت أعصابي أنهارت رديت عليها ودموعي تجري و بين كلمة والثانية اسحب نفس
تقدم علي أدم حضني و أياد يمسح دموعي
"أنا ما رفضت شيخكم أن رفضت الزواج ما عندي أستعداد أتحمل مسؤلية شخص ، أنا نفسي ما متحملتها بعد مو أتحمل النسر "
أشوف بابا سحب أمي وطلع وأشر لضرغام عليَ
شمس راحت أتجيبلي ماي
سحبني أدم وگعدني على الجرباية وهو گعد گدامي
"ماكو داعي لهاي الدموع روح أخوج ، فهمينة من شنو خايفة أنت بالضبط"
ضليت ساكتة ما أعرف شنو أجاوب أدم
أنا نفسي ما أعرف شنو أريد
ألتفتت على ضرغام من حاجاني
"شوفي روح أخوج أنتي الزواج صح مسؤلية و ألتزام لكن بنفس الوقت هو أمان و أستقرار ،
راح تكونين مسأولة عن كلشي يخص نسر وهو كذالك راح يكون مسؤل عنج ،
أنت راح تكونين أمان بالنسبة ألة وهو كذالك ، أنت راح تصيريلة أم ثانية وما يتقيد بتصرفاتة وياج ، أحياناً الزلم يحتاجون حضن ينامون بي وشخص يمسح على راسهم ويهتم بيهم ، شايفتني انام بحضن أمي
، لا ، لأن أستحي أكول صرت رجال و مزوج عيب اروح أنام بحضنها لكن من ادخل غرفتي ما أتقيد بتصرفاتي أرجع طفل أحتاج أحد يهتملي وشمس لعبت دور الأم ألي ، أنت هم نفس الشي نسر عبارة عن طفل أهتمي بي مثل ما تهتمين لأبن جوري ماشي خوية"
جان كلام ضرغام عبارة عن ضربة خلتني أشوف الزواج على حقيقتة وأنتبهت حتى أدم وأياد جانو يسمعون كلامة
"تمام باجر راح أطلب من نسر نروح لمكان هادء نتناقش بي وبعد النقاش ارجع جواب لجدو علمودا الزواج"
كلهم ابتسموا بوجهي سولفنا شوي عن الدوام وكلمن راح لغرفتة ينام
كعدت الصبح على المنبه لبست فستان أسود
توجهت لبيت جدو دكيت باب المطبخ ودخلت جانو گعادين على الطبلة يتريگون
"صباح الخير"
"صباح النور"
ردو علي توجهت الجدو بست باطن جف أيدة گعدت بين نسر و جنة
أنتبهت على نسر كالعادة لابس اسود
"أحم..
جدو بما أنو گاعدين والشيخ موجود أمس أتصلت علي مليكة تريد تشوفني، حاجي جدها حتى يجيبها"
"أن شاء الله أتصل اليوم وأشوف شنو يگول"
"بعد كلبي جدو ، بس لا تگلة أتصلت علي گلة حفيدتي تريد تشوفهة ماشي"
"أن شاء الله"
"أوي فديتك جدوو"
گمت بوست خدود جدو وطلعت ورا نسر للسيارة
خلص نص الطريق وأنا محتارة شون أفتح الموضوع وياا
" أكول شيخنا عادي بعد الدوام نروح لمكان هادء حتى نتناقش بموضوع الزواج "
باوع علي ورفع حاجب "بشنو نتناقش مو أمس
رفضتي حضرتج"
"همم صحيح بس من رحت للبيت وفكرت ب الموضوع أكتشفت انا أسرعت ب أجابتي وگلت أتناقش وياك ب الموضوع بالبداية وبعدين أنطي أجابتي لجدوو"
همهمت بداية كلامي وأشوفة يلتفت علي ويرجع يباوع للطريق
"تمام بوية بعد الدوام نتناقش بالموضوع ، نزلي وصلنا"
أبتسمت بوجهة و قبل لا أنزل مديت أيدي ب أتجاهة أشوفة صافن علي
"شنو تردين مصرف"
"لا ، أريد أيدك"
باوعلي بأستغراب ورفع حاجب مدلي أيدة
فريتها و بست باطن جف أيدة
"أسفة لأن تصرفت بتسرع أمس"
حركت أبهامي وبديت أرسم بعشوائية باطن چف أيدة
"ماما أمس صيحت علي وگالتي أنا هنتك من رفضتك گدامهم بهل طريقة"
سحب أيدي و باسها "أمج غلطانة ، أنتي ما هنتيني جدي سألج وأنتي جاوبتي ، من حقج الرفض والقبول ماشي بوية، لا تفكرين ب الموضوع بعد راح أدخلين عالم الدراسة أهتمي بدراستج حالياً من ينتهي الدوام نتناقش ب الموضوع تمام"
"تمام، مع السلامة"
سلمت علي ورحت لقسمي ما صار شي يلفت لأنتباه ب الدوام تقربت أكثر من هيام و طلبو من عدنة نرسم أي شكل والتقديم الاسبوع الجاي
طلعت للگراج انتضر نسر تقدم بأتجاهِ شاب
"سلام عليكم"
عدلت وگفتي وسلمت عليَ
"وعليكم السلام تفضل خوية محتاج شي"
"العفوا أنا حسن وياج ب القسم"
"أهلاً وسهلاً تشرفت بمعرفتك"
"الشرف ألي ، شفتج اليوم جايبة وياج كتاب مادة تاريخ الهندسة وحبيت أسأل منين جبتي"
"ولد عمامي درسو هندسة وهاي الكتاب من عدهم اذا تريد أسألهم منين جابو الكتب وأبلغك"
"تسوين فضل ، شكراً جزيلاً"
"العفوا خوية"
راح الولد وأنتبهت نسر واكف على صفحة وعينة علي شاف الولد راح وتقدم بأتجاهي
باوعلي والشرار يطاير من عيونة راح فتح السيارة صعد وطبك الباب بقوة
صعدت بس سديت الباب سألني
"منو هذا ، وشنو يريد"
بلعت ريگي وأشوف الحدة بعيونة
"سألني على الكتب منين جبتهن وانا جاوبتة"
هز براسة وشغل السيارة وأنطلقنة شفتة راح بأتجاه البيت انا ما حجيت لأن شكلة جان كلش معصب
وصلنا للبيت بس عبرة ما وكف مشة شوي وكفنا يم بستان وكف السيارة ونزل نزلت ورا فتح الصندوك وطلع فرشة فرشها جوة شجرة وگعد
أشرلي بيدة گعدت بصفة
"اي سولفي"
أخذت نفس وحجيت
"شوف شيخ أنا عنيدة وما أحب المسؤلية والزواج مسؤلية كلش جبيرة أحس نفسي ما مستعدة أخطي هيج خطوة، لازم انتبه لكل حركة اتحركها وكل تصرف يصدر مني وكل كلمة أنطق بيها ،
الزواج راح يقيدني ، لازم أبلغك بكل حركة وتصرف يصدر مني أشوف نفسي مو گد هيج مسؤلية أنا روحي ما متحملتها بعد مو أهتم بشخص ثاني"
حضن وجهي بأيدية وباس راسي وسحبة لصدرة
"أعرفج بنيتي ، أعرفج كلش زين ما يحتاج تگليلي، ما رايد منج شي أنا مستعد أتحمل كل تصرف يصدر منج وبالمقابل أريد منج تتحملين كل تصرف يصدر مني ، وخلي الباقي علي "
رفعت راسي من صدرة وباوعت لوجهة
"زين ما راح تقيدني وتتحكم بتصرفاتي ولبسي"
أبتسم بوجهي وكرص خدي
"التصرف ألي مو حلو راح أطلب منج تغيري ، و بالنسبة لملابسج أنتي ما تلبسين ملابس تبرز مفاتنج لبسج كلة عريض بس"
"بس شنو كمل"
"راح ألبسج عباية ، جنت مفكر ب الموضوع من عقدنة بس كلت أخليج براحتج ، صح ملابسج عراض وما يبين منهن شي لكن الستر حلو"
"ضروري عباية"
"ما اريد أجبرج عليها اريدج تحبيها قبل لا تلبسيها"
"وشون راح أحبها؟؟ "
"زين أنتي ليش ما تحبيها!؟"
"مو قصة ما أحبها ، أحبها بس ما اريد ألبسها أحسها تقيدني بالحركة"
"ما تقيد بالعكس ، شوفي البنات مو كلهن لابسات شو ما كالن العباية قيدتنة. "
"يمكن لان لبسنها من چانن أصغار فتعودن عليها و ما يتقيدن بالحركة وهنَ لابساتها"
وخر راسي من على صدرة وگعد گدامي أخذ أيدي بين چفوف أيدية وسألني بجدية وهو عاگد حواجبة
" زين أسألج سؤال؟؟ "
همهمت كأجابة وهو أردف
"أذا چان عندج ذهب و جواهر وين تضميهن؟!"
" أضمهن بمكان محد يعرف بي حتى لا أحد يشوفهن و ياخذهن أو يجيسهن ويروح رونقهن "
" حلوو ، و الهدف من سؤالي أنتي جوهرة ثمينة بالنسبة ألي و أنا هم ما اريد أحد يشوف هاي الجوهرة و يتمتع بجمالها غيري لهذا السبب أريدچ تلبسين عباية حتى بس أنا أشوف جمالج و أتمتع بي ، فهمتي قصدي مشاكستي "
ه
مهمت گاجابة
ضليت ساكتة و صافنة بوجها طريقة كلامة وشرحة خلتني عاجزة عن الكلام
"هاا بوية شو ساكتة"
"شنو أكول ، طريقت شرحك خلتني عاجزة عن الرد"
ضحك على جوابي "القرار راجعلج بوية ما أجبرج على شي أنا"
"تمام راح ألبسها"
"متأكدة من قرارج"
"همم أي متأكدة"
باس راسي وأيدي وأشوف الفرحة بعيونة من گلت راح ألبسها
عبرت بزونة من گدامي وصفنت عليها وهو ضل ساكت ما حجة بعد باوعتلة وگلت
" شيخ "
"نعم مشاكستي"
"عندي شروط اذا وافقت عليهن نزوج"
"وشنو شروط حضرتج"
"أولاً لأطفال مو نزوج وبعد شهر يكولون حبلي أذا صدك أريد طفل بعد سنة على ما نستقر وأتعود عليك
ثانياً أذا سويت شي خطأ أو شغلة ما عجبتك لا تصيح علي فهمني خطأي وأقنعني مثل ما قنعتني قبل شوي ب العباية
ثالثاً نزوج بعطلة نصف السنة مو هسة لأن بداية دوام وما ألحك. ، هاا شنو جوابك "
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سلام أدري تأخرت عليكم بس على ما كملت البارت وأذا نتبهتو أستبدلت الكرز ب العسل هذا البارت لأن عسلي ساعدتني ب لأحداث
🍯Bt_o236🍯
فديتج عسلي
لصراحة ما راجعت البارت أذا أكو أخطاء أملائية ف أجاهلوها