النسر و المشاكسة ( متوقفة مؤقتاً )

⑦①

گاعدة بالسياره تنتظر النسر يلي
طلع من الاسواق اتجه بخطواته للسياره وعينه على
نجمه الي جذب نظرها شخص يمشي باتجاه نسر
وانتبهت شايل بيده شي يلمع بسبب اضواء الاسواق من ركزت على ايده عرفت شايل سچينه

باثناء ما يمشي تعمد يصطدم بنسر ودفع السچين بقوه بخصره جحضت عيون نسر من الالم
ونزلت دموع نجمه بصدمه
ما عرفت منين اجتها الجرأه و القوه
وفتحت باب السياره بسرعه
ظلت ادور حواليهة مثل المخبله على شي تضرب بي هذا الشخص شافت قطعه خشب مشموره على الارض ركضت باتجاها بسرعة شالتها
وتقدمت بهدوء
باتجاه هذا الشخص حتى لا يحس علي

دفع نسر عالارض ورفع السچينه
علمودا يغرزها بقوه بصدره
قبل لا ينزلها رفعت نجمه الخشبه وضربته على راسه بأقصى ما عدها من قوه

أغمى علي وطاح على نسر دفعته عالارض وركضت للسياره طلعت نقالها واتصلت على ضرغام تتوسل حتى يرد عليها

" رد رد ، ضرغام فدوة رد علي ، الو ضرغام دز سياره اسعاف للاسواق القريبه على بيتنا اكو واحد طعن نسر بخصره "

الي بس فتح الخط وصله صوت اخته المهزوز وهي تبلغه شنو صار بنفس واحد وقبل لا يستفسر ويطلب منها تعيد كلامها سدت الخط

ركضت لنسر وحطت راسه بحضنها وبدت تضرب على وجهة بخفه وتضغط بأيدها الثانيه على الجرح حتى لا ينزف وحاچته بهستيريه ودموعها تنزل

" لا نسر ، نسر لا فدوه اگعد ، نسري افتح عيونك الله يخليك ، اوعدك بعد ما اسببلك مشاكل انت بس افتح عيونك ، نس. نسري "

حولت نظرها للحقير من تحرك بثقل واذكرت هي نست تبلغ ضرغام عنه اجه على بالها ازاد بيتهم قريب منا
اتصلت على مليكه بس فتحت الخط طلبت منهة تنطيني ازاد شوي وسمعته اردف

" سلام عليكم خويه ، خير محتاجه شي "

" ازاد الاسواق الموجوده بدايه شارعكم ، اكو واحد طعن نسر وانا ضربته على راسه
و اغمى علي تعال بسرعه اخذه قبل لا يصحى ويشرد "

اخذت نفس ومسحت دموعها بقوه
ردت علي وقبل لا يسأل عن شي سدت الخط
خمس دقايق ونزل ازاد من سيارته
وحس رجليه جمدن من منظر نسر المدد على الارض ونجمه لتضغط على الجرح حتى لا ينزف

استعاد وعيه من تحرك الشخص لطعن نسر وقبل لا يشرد لزمه اجته لكمه قويه من ازاد خلته يفقد وعيه مره ثانيه

سمعوا صوت الاسعاف
وگف قريب الاسواق ونزل ضرغام يركض انصدم من المنظر و الممرضين ركضو لنسر شالوا للسياره
و ضرغام ركض لأخته يتفقدها سأل ازاد بصدمه من انتبه لوجوده