رجعت وياكم ب الجزء الثالث من قصتي
النسر و المشاكسة
لاحظت المشاهدات هواي بس محد يتفاعل رجاء تفاعلو انا جاي اتعب على ما اكتب
وممكن تطلعون على قصتي الثانية
وشم الذئب 🐺
🍒🍒🍒🍒🍒🍒🍒
الجد "وهسة يا بعد جدج تعالي يمي عندي حجاية وياج"
"حاضر جدو مسافة الطريق وانا يمك"
رديت على جدو وسديت النقال ألتفتت على ضرغام "ضرغامي ممكن توصلني لبيت جدو" طلبت منة يوصلني وبعدة ما حاجي وطفر نسر "طلعتي من بيتكم للبستان لوحدج وهسة خايفة ترحين لبيت جدي"
تنرفزت من كلامة لازم يعلق على كل حجاية تطلع
من بين شفايفي واكفلي مثل العظم ب البلعوم
"منو كال انا خايفة بس ردت اتمشى و احجي ويا أخوي لو هم لازم أستأذن يا الله أحجي ويا أخوي"
كملت كلامي وصاح أدم علية
"نجمة بطلي طولت اللسان لا أجي افرك حلكج أخليج بعد ما تكدرين تحجين"
نهظمت من كلام أدم دائماً يصير بينا جدال والسبب واحد وهو نسر وأكيد أطلع أنا الغلطانة وين يصير الشيخ يغلط
"خوية ضرغام روح لشغلك أنا اوصلها، وانت شاهين ودي البنات وتعال"
يحجي وعينة علي يشوف رد فعلي بس انا فكري ما جان يمهم أصلاً جنت أفكر بعلاقتي ويا أدم ألي دائماً متوترة وأغلب الوقت يصيح علي ،
وفعلاً ضرغام راح وشاهين هم راح يودي البنات واباوع لغزال حالها مو احسن مني
تمشيت ونسر يمشي كدام والولد وراي أباوع على نسر من يمشي برزانة وهدوء وأكو صفة كلش أحبها أنو مهما كان معصب الهدوء يطغى على عصبيتة
وصلنا لبيت جدو دخل نسر قبلي وراح سلم على جدو وبعدين اللولد سلمو علي
" تعالي نجمتنا ليش واكفة بعيد "
ابتسمت بوجها وتقدمت بست باطن جف أيدة وكعدت يمة
" أي يبا ما راح تسولفين ليش رحتي للبستان والفلاليح صاعدين ع النخل"
بلعت ريگي وحسيت حلگي نشف من التوتر " وأنا شدراني حفيدك مغير موعد عطلتهم"
بس حجيت طفر نسر "لو جاية مستأذنة جان دريتي"
خزرتة وأنا اسمع جدو يرزلني رزالة ناشفة "هاي ليش طالعة بدون استأذان أنا مو كلت ما أطلعن من بابا الحوش ألا تستأذنن"
"لا جدو مالك دخل بي أستأذنت من بابا قبل لا أطلع أوصيتة ينطيك خبر"
حجيت هيج وجدو عگد حواجبة وصاح "وأنا وين شفت أبوج اصلاً ما أجة للديوان ولا أتصل علي"
YOU ARE READING
النسر و المشاكسة ( متوقفة مؤقتاً )
Humorفتاة عنيدة و متمردة تحب المغامرة أبن عمها يكون الشيخ بعد جده يجبرها على الألتزام بكل ما يقول و يجب عليها أتباع أوامره ولأنها مشاكسة وتعشق المغامرة تقوم ب التمرد على كل ما يقول تابعوا معي لنتعرف على مصير هذه الفتاة ستكون الكتابة باللهجة العراقية
