روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
وشفت صـورة مربع صغير بنية شلتها وشفتهـا صورتي أني تلمستهـا صورة مطبـوعة قديمة گُلش يمكن بعـرس أخو كلبتها لضهرها وجـان اشوف مكتـوب بيها "عُيونج يصفنن عُيوني عليج"
ضليت فترة طويلة داحاول افهم وفززني صوت حيدر من كال :- ها بشري ريتاجي فهمتي الكلام
فزيـت وانداريت لكيتـة وراي عفتهـا وسديت المجـر :- لا
- هسه أفهمج
كال هيج وراح سد الباب وقفلة ورجع :- لاتخافين بس علمود اتأكد محد يدخل فجأة
المهم تدرين يعني شنو هاي صـورتج ما اكُلج شگد صار الها عـندي راح أفهمج الي كاتبـة أني يا فستقي كُل ما اكعد يمج لو اباوع على عُـيونج العسلية عيُوني يصفنن علـيج يعني من جمالـج
أبتسمت وأجه شال أيدية وخلاهن على خشمك وسحب نفس قوي :- أنتِ المُخدرات الي يرضى بيها الله وداتعاطاج
أبتسمـت وكلتلة :- حيادر أريـد اطلع
- روح روحه لحيادر لحظه أشوف منو بالممر وأرجعلج
راح أقل خمـس دقايق رجع :- يله نزلي مـحد موجود كُلهـم جوه
- ماشي
نزلـت ورحت الامي وسئلتها :- يُمه بابا وين ؟
- رجع قبل شويه
- ليش مو ويانة ؟
- تعرفين أبـوج ما يرتاح اله ببيتنـة هوه كوه بات ويانـة
- هم كلت شعجب
- علمودج
- اوي فدوه
عفتها وكمت رحـت احضر وي حواء وبالي كُله يم حيادر لـيش يحبني أني ما طلعت غير مره بطـريقة لهاي الدرجـة حبني وعنده صـورتي وحب شكلي وعُيوني وشـوكت لحك الـف سؤال ببـالي
رحنة نتغـدة كملنة وكمنة البنات راحن يغسلن الاماعين وأني خذت تلفون أمي ورحت صعدت لغُرفة حواء تصفحت بالتلفون شوي ونمت
كعدت العصـر لكيتهم داياكلون كيـك وچاي كالـت أمي :- ريتاجه أكُلي وكومي بدلي
- صار
كلت وصعـدت فوك أبدل بدلت وكملت وطلعـت من غُرفة حواء لاكاني حيادر كبال غرفتـة أجه بأتجاهي وسـحبني لغُرفتة قفـلها وكتله :- صدُك تحجي عـوفني بله أحد شافنة ؟؟؟
- محد يشوف راح اشتاقلج يا قُره عيني انتِ
- افتح الـباب اريد اطلـع !!
- بس انطيج هدية ؟
- ما اريد هديـة رجعـني
- بس اهدي
- هذا مو تصـرُف تجي تسحـبني من أيـدي وتدخلني لغُرفتـك إذا يعجبك هـيج ف لا أني ما يعـجبني
خلة أيده على جبينك :- أني ما اسوي الج شي ليش داتخافين مني ؟
- حـيادر بالعكس اني ما اخـاف منك بـس أخاف لو احـد شافنة ساعتها شنو ليفيد !
- عيوني أنتِ تتوقعين أني اسببلج المشاكل ؟
- لا
- لعد هاهية
أبتسمـت اله وأبتسم الي وراح للمجـر فتحة وطلع علـبة لونها فستـقي منها وأجه بأتجـاهي :- يله فستق فتحيها
خذتها منها وفتحتها بقفل فتحتها وطلع سنسال على شُكل فستق :- الله حلوة
- عجبتج ؟
- اي حيادر گُلش حلوة بس مناسبة شنو هاي الهدية ؟
- مو اله مناسبه حبيت تبقى ذكرة مني الج
- شُكرًا
- ما بيناتنـة شكر
أبتسمت وكال :- باجر ترحيـن وياهم ؟
- اي ليـش ؟
- ببيت الشيخ هواي ولد وهواي بنات لاتختلطين بيهم أبدا خاصًا الولد
- ليـش
- بـدون ليش
- أنتَ تروح ؟
- مو اكيد اذا اريد اروح ف علمودج
- ماشي
فتح الباب وطلـع خمس دقايق ورجـع :- يله محد أكو
- والعلبة ؟
- اخذي السنـسال وغيرة مره من تجـين اخذي العلـبة
عفت العلبة يمه راح ضمها بالمجر ورحت طلعت كلت من ارجع للبيت البسها واذا سئلتني أمي اكللها من حواء رغم أكدر ارفضها بس ما اعرف شنو الدافع الي خلاني اقبل هديتة
نزلت وسلمنـة عليهم وعلى البنات وطلعـنة مسافـة الطريق ووصلنة نزلنـة ودخلت لكيت بابا شفته سلمت عليه وصـعدت فوك بدلت ونـزلت جوه توضيـت وصعدت اصلي
كملت قريت قرآن ونزلت لكيت أمي كاعـدة شافتنـي وكالت :- ريتاجه اذا اشتري الج تلفون عادي ؟
- اي عـادي
- صار
- صدُك ؟
- اي لـعد ليش
- اروحلج فـدوة
رحت حضنتها وبستها :- تردي هسه ؟
- ولله ؟ !!
- اي ولله شبيج ليش مامصدكة عادي يُمه بس أنتِ ولا مره كلتيلي اريد تلفون
- عـادي يله خلي هـسه
- روحي صيحـيلي حُسين
- مـاشي
رحت لحُسين اركض :- حسون أمي تصيحلك
- بيها حسـون هاهية اكو شي
ضحكنة ورجعنة سوه وكالت اله أمي :- اريد تلفون لريتاجه
حُسين :- شـوكت ؟
أمي :- مو راح تطلع هسه ؟
حُسين : - اي
أمي :- من ترجع جيب الها وياك
حُسين :- سهلـة
ريتاج :- أريد ابو التفاحة عليك الله
حُسين :- من عُيـوني
راح طلـع وحضرنـة العشة أني وأمي كملنـة وعزلت ونظفت المطبخ وخذت تلفون أمي وصـعدت شـويه وصاحولي ونزلت
حُسين :- تعاي ريتاج هاج هذا التلفون ابو التفاحة
رحت اله خذتـة منة وفتحـتة جان لونـة رصاصي وبي تفاحـة :- فدوة الك اخوي
حُسين :- بالعافية
صعـد وانيهم صـعدت ورا ورحت لغُرفتي حضـرت الملابـس وكملت گُلشي رحت للتلفون رتبتـة ونزلت الانستقرام علمود حيـادر سويت منبهات كُل وقت صلاة كملتـة ونمت كعدت على صلاة الصبُح صليت وقريت قرآن وتذكرت حيادر ودعيتلـة لفيت السجـادة ورجعت نمـت
كعدت الصبح نزلت غسلت لكيت أمي كاعدة :- يله سريع نزليلي ملابسج لحضرتيهن
- مـاشي
نزلت الها الملابس وكالت :- تريكي وحضري نفسج عمتي راح تجي بالطريق
- مـاشي
كملت ريوك وعزلت المطبخ وصعدت بدلـت وكملت ونزلت وخذت تلفوني ونزلت لامي وكتلها
- هذا تلفوني شـوفي حلو
- بالعافـية حبيبتي
دانحجي واندك الباب رحت فتحتة وصارت حواء بوجهي حُضنتني وسلمت عليه سلمت عليهن ودخلن جوه بس حيادر ماكو مديت راسي شفته دايركن السيارة
شويه وأجه دخـل :- السلام عليكم
- وعليكم السلام
شويه وطلعنة أني وحـواء صعدنـة بالسارة شويه وأجـو خلو الجنط بالصـندوق وصعدنـة وأجه حُسين وكال :- يله نتوكل
حرك حُسين السيارة ساعة ونص ووصلنة دخلنة جوه ووكفنـة كبال بيت شكبرك باوعت عليك گُلش
حُسين :- يله نزلو أحنـه ننزل الجـنط
أمي :- ماشي
نزلنه ودكينه الجرس فتحة النة رجال شاب
كنان :- تفضلوا
أمي :- زاد فضلك
دخلنة وأستقبلنة البنات والشيخ ومرتة وأخو الشيخ ومرتة هم نسلم ونرجع ليورة كلت لحواء :- ولج شو مايخلصـون
حواء :- ههههه هسه داده هسه يخلصون ونكعد واعرفج عليهم واحد واحد
كملنة وكعدنة النسوان كعدن يسولفن وي أمي وعمتي وكالت حواء :- باعي رتوج الشـيخ يصير اخـو أبو أبوي فهمتـي !!
يعني مثل جـدي ولدة خمسة وأخـو عنده هـم عنده ولد أربعة وكلهم كبار وبنـات الشيخ اربعـة وبنات اخـو الشيخ أثنين بـس يجن اعرفج عليهم بالاسـماء دائما يعزمونـة ونضل يمهم فترة وأخوي دائما يوصيني لاتتقربين الهم لا لولدهـم ولا لبنـاتهم رغم همه گُلش زينيـن
وهية داتسولف أنتبهت على السنسال الي لابستة أني وكالت :- لحظة لحظة هذا السنسال منو انطاه الج رتوج
....
يتبع ⬅️ - البارت الثامن عشر -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.