روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
- وييييين أضمج ريتاجي وييين خاييييف عليج بويه
- حيادر صـاير شي ؟
- أريدج يمي فستقي لاترحين باجر
بعدته عني وكتله :- شنووو صاير داتخوفني ؟؟
- لاتخـافين يا حبيبي
- سولفلي علـيك الله
- بعديـن .
- حيـادر وضعك مو طبيعي ؟
- لا ريتاجـه طبيعي
رجع حضني ماخليتة بعدتة خله أيديه على جبينة :- روحي طلعي
بدون مُقدمات ولا اكـول اي شي طلعت ونزلت كعـدت يم أمي بـس بالي يمه وقت طويل نـزل أخذ سويج السيارة بـاوع عليه وطلع قلقـني بالزايد
أجه المغُرب وأجو الخطار وأني كمت يم البنات شويه ورجعت يم أمي خذت تلفونها وأريد الوقت يمُر ماكو وضل بالي يمه وخفت من كلامة گُلش خوفني
مر الوقـت و أجه حيادر انتبهـت عليه شُكلة متبهـذل شوي عبـالك متعارك صبينـة عشة وتعشينـة وكملنة وشلتـه الاماعين ودانغسـل بيهن أني والبنات
حواء :- رتوج داده روحي كُعدي احنة نكمل
ليلى :- ولج هواي اماعيـن شيخلصهن
حواء :- يخلصن لاتخافين داده مو بس أنتِ على كيفج لايصيبج تشنُج
ليلى :- هههههه يُمه لا شبيـة يصيبني شكالـولج عليه عينـي
عفتهن ورحت كعدت يم امي والبقية خذت تلفون امي وبديت اتصفح بي وره وقت أجاني مسج باوعت عليه من حيادر
باوعـت لحيادر جان وحدة كاعـد وحُسين وحليم دايـسولفون سوه :- عندي هـدية الج اذا اقدمها تقبليها ؟
- شنو هيه ؟
- أبويه أنتِ داكلج هديه
- لا ما اقبلهـا هسه .
- شوكـت الها وقـت ؟
- أي
- بيها الخير
سـديت التلفون وكمت وصعـدت لغُرفة حواء طلعـت ملابس اريـد اسبح وانتظف لان اليـوم الاخير وخلصـت الشهرية
طلعت ملابس ودخلت أسبـح كملت وطلعـت طلعت علبة الضماد وضمدت جـروحي ونزلت كعـدت يم أمي وحُسين
حُسين :- تعالي ريتاجه
ريتاج :- جيـت
شاف الجروح الي بأيدي وكال :- تره هاي يحتاج الها خيـاط
- لا لا ماريد اخيـط اضـوج من الخياط يبقي أثـر
- لعد شلون يا يابه
- مداتأذيني خليـها هيج أفضـل ولله مابيها شي هيـه تطيب وحدها
- ان شاء الله .
مر الوقت وصعدنـة فوك دانباوع فلم أني وحـواء شويـه ونزلت لكيت ليلى واكفـة يم باب المطـبخ استغربت وسئلتـها :- ليلى بيج شي
ارتبكت وجاوبتني :- لا ماعندي يله راح ادخل
دخلـت حتى بدون ما خـلتني أعرف مشيـت لباب المطبخ لكيـت حُسين بره ديخابر رحتلـة وسئلتة :- شعجب طالع ؟
وره دقايق سده وسئلني :- ها كولي محتاجه شي بيج شي ؟
- لا مابيـه بس أستغربـت ليش داتتـصل بره ؟
- خـابرت على ملهم مـسوي حادث بسيـط
- خطيـة مابي غير العافيـة يله راح ادخـل جوه اني
رجعت دخلت باوعنـة وخلص الفلم بلوعت على حواء نايمـة خذت التلفون وبديت اتصفح وره ربع ساعة أجاني مسج من حيادر :- كاعدة ؟
- أي
- ليش كاعـدة بيج شي ؟
- لا مابيـة شي
سكت وره دقايق دز :- ننزل جوه ؟
- لا ما اكـدر خاف كاعـدين
- لحظـة وأجي
أجه وره فترة :- محد كاعد يله ننزل نكعد يم الشجرة ؟
- ما اكـدر خاف أحـد يكعد ويشوفنة
- وعيونج محـد يكعـد
- أنزل أنتَ وره دقايق أنزل أني
- يجرالج
نزل وره وقت نزلـت وكعدنة وره الشجرة صـايرة بنهاية الحـديقة :- راح تروحـون باجر ؟
- أي .
كلت هيـج وحُضني بعدتـة وكلت :- أريد ادخل
- بس شويه
حركت رأسي بمعنى أي وكال :- أنتِ خط أبيض فستق
- خـط أبيض ؟
- اي بويه خـط أبيض
- أني سامعـة خط احـمر مو أبيض
أبتسم وكال :- لان اللون الأبيض لون البرائة والنقاء وسُبحان الله من خلق هاي البرائة بوجهج
أبتسمـت ونزلت رأسـي وكال :- يله ندخـل ؟
- أي
رحـت صعـدت وگبل نمت كعـدت الصبح ساعة عشره نزلت اغسـل لكيتهم كاعـدين :- صباح الخير
كعدت أتريك وياهم شويه وأجه اتصال على تلفون حيادر كام وكف بالباب مال المطبخ وكال :- هلا حبيبي آسر شلونك .. الحمدُلله بخصوص الشغلة الردتها .. كفو
سده وكام غسل واخذ العكاز وصـعد فوك مر الوقت جنـت كاعدة يم البـنات وكـالت حواء :- رتوج راح ـنروح سفرة كُلنا سوه لمـدة أسبوع نضل
- وين ؟
- لبيت الشيخ ولج رايحة اله قبل زرع وأشجار وبساتـين تخبل وشط وگُلشي
- حمستيني شوو
- غير تخبـل ولله من صدُك تستمتعيـن بوقتج تتمنيـن لو ينعادن هـاي الايام
- شوكت نروح ؟
- بعد باجر
بدت تحضـر ملابسها وأني طلعت بـره الغُرفة شفـت غُرفـة حيادر مفتوح البـاب مالتها عجـبني ادخل وأشوفها دخلت لكيتة ماكو باوعـت على الميز كُله عطـور وملازم واـقلام وكتب وساعـات بس گُلش مرتب فتحـت المجـرات لكيت صـندوق يصير اخضـر
وصلت للمجر الاخير شفت بي كطن بي دم بس مبين قديم وملفوفة بلاصق جروح عفتة
وشفت صـورة مربع صغير بنية شلتها وشفتهـا صورتي أني تلمستهـا صورة مطبـوعة قديمة گُلش يمكن بعـرس أخو كلبتها لضهرها وجـان اشوف مكتـوب بيها
....
يتبع ⬅️ - البارت السابع عشر -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.