لبس حوايجو سروال sport في gris و مريول ابيض شيح شعرو و هبط...وهو هابط من الدروج عينيه تحلو فيها و هيي قاعدة في salon حاطة ساقيها على طاولة تتفرج لابسة top اكحل و شورط بدنها كلو مفصل افخاضها و صدرها باينين
وهو باهت متكونسي في بلاصتو تدورلو
_ صحا دوش
_ عيشك...هيا تجي
_ اي لحظة نسكر التلفزة🙂
هو مشى للكوجينة و هي خلطة عليه قعدت على الرخامة حركتلو الغرائز متاعو كراجل🙂....جبد لي يستحقو وهي تتفرج فيه plutôt سارحة فيه...يقص في الخضرة،يطيب في sauce يعمل في العجينة ect....
_ تعرف
_ شنيا نعرف زادة
_ خدمتها لأميمة باهي علخر والله
_ اي
_ تعرف توى مودالات لعملتهم انتي للموسم جاي خدمتهم و بعثتهملي كملت الخدمة في نهار والله bravo
_ من اول خطوة عملتها في مشروعي هي اول من شكون عاوني اذاكا علاه نعزها
طلعت عينيها لفوق كلي يتأفف
_ اماا موش خصيصة في التلوصيق😒
_ هااهاها في شكون تتلوصق؟🙂🙂
_ في Auris لي يخدم في buvette تي ماو فيك انت🙂 والله حليلتها علاه مخذيتهاش
_ كان مجيتش انتي راو خطبتها🙂...الطفلة حدها الخدمة زيد موش جوي جملة نوعيتها
_ اي اي صحيح🙂مكمش كيف كيف...ليوم قتلها بدل حوايجك كلي بقت تڨحرلي🙂
_ علاه تبدل في حوايجها؟
_ اذيكا لبسة تجي بيها جاب ربي بنت بلادنا ولا عرفت كيفاه نتصرف معاها...قال شنيا sexy girl🙂
_ شنيا قلت؟🙂
_ شي شي🤭
_ نعن دين ****
نڨزت من بلاصتها تجريلو
_ شبيك شفما ترى يدك
خايفة عليه تنفخلو على يدو كي صغار وزاد هبل كي حطت لسانها على يدو تبردلو فيها اما سخنتلو بدنو دخل بعضو بلعمل ولحمو قشعر
_ يا شبيك بهيم وين كنت سارح ياخي؟؟
_ فيك🙂
شافتلو مفجوعة
_شنيا؟🙂
_ نقصد في كلامك يا بڨرة🙂(وضربها على راسها بشوية)
_ اننن باهي🙂....عمتك بڨرة🥹🤙🏻
وعلى غفلتها يشد كمشة عجينة حطها على وجها...تكح شرقت فيبالو تفدلك اما طولت شويا جرى صب كاس ماء و عطاها تشرب...وباااا ترجعلو فازتووو😭 مريولو مشا بالفرينة...نحاه وهي عينيها تحلو صحافي عملت روحها normal اما عينيها ووجها حمارو و هبطت راسها
_ هيا ايجا عاوني...قلب قتلي تحب؟
_ اي اي😙
_ عملت sauce tomate ؟
_اي هوكا يطيب نشوفو و نجي دخلش الدنيا بعضها
_ oki maynouchty
_ شنيا قلت عاود؟
_ مينوشتي🙂
_ بلاهي🙂
_ ولاهي🤭
_ راجل بطولي بعرضي تقلي مينوشتي؟🙂💔
_ اخرالي 🤭
_ موش قتلك لكلمة هذي معدش تعاودها لنهدلك فمك
_ نقول لنحب اخرالي😙
شد الكاس comme quoi باش يحدفها عليها و هي تضحك
_ هاو طاب ايجا نڨدوهم
كملو عملو حطهم في الفور هي مشات لبيتها تقرى في كتاب وهو قعد في بيروه يرسم في مودالات جديد حتى يجيه تلفون...
_ااا شفما بلال
_ فما شي صحبوش هيا تجي ليلة نصهرو في **** ليك وحشة والله
_ نعرش تاعب شوية
_ تي هيا بركا تنساه تعب بالجو وزيد فماش برشا بنات تهنى
_ باهي نشالله وقتاه؟
_ 10 صاحبي تبطاش
_ باهي
علق تلفون هبط...خرج البيتزا ركح الطاولة و طلع لبيتها باش يعيطلها...دق الباب
_ ادخل
دخل يلقاها متكية على كرشها فوق الفرش شادة زوز اوراق
_ فاش تعمل
_ ايجا ايجا جابك ربي
قعد بجنبها علفرش خزرلها
_ شنيا؟
_ شكون لي صورهم هذوما؟
_ علاه تسأل انتي؟
_ سؤالي واضح non؟🙂
_ أنا
_ برسمي؟؟؟
_ نكذب عليك💀تي والله انا...اما قدم
_ ياااا قداش محلاهم والله...اما نجم نسألك حاجة؟🙂
_ ياسر تسأل انت
_ علاه جات période خدمتك تبدلت رجعت كل جمعة تخرج ب modèle جديد je pense في 2021 هكاكا...مبعد رخيت فرد مرة شصارلك؟
في رمشة عين رجعت بيه الدنيا لأكثر وقت تعذب فيه...حسب روحو مسمعهاش و قام
_ ايجا نتعشاو
_ مجوبتنيش راك
_ فما حتى شيء وقتها كنت نافح اكثر و زيد هبطت لتونس تفرهدت مكانش فما مشاكل
_ اننن فهمتك
خرج من البيت سكر الباب تكا عليه جبد نفس و هبط
و خلطت عليه قعدو جات عينيها على البيتزا
_ يااااا محلاااهممم🥺🥺🥺🥺❤️ نحب ناكل
_ هاهاهاها😂 خوذ كول
خذت عضة
_ مبنهااا...عيشك مينوشتي🥺❤️
_ صحا صحا...مينوشتي يا ربي( حك شعرو)🙂🙂
سكتوا هي غاطسة تاكل وهو يخزرلها
_حقا
_ نعم(فمها معبي وتحكي)
_ خارج مبعد
_ لوين🙂
_ مع صحابي
ڨحرتلو ورجعت تاكل
_ تبطاش
_ باهي
كملت كلات...لموا الطاولة هي حطت pc قدامها تخدم و هو طلع يحضر في روحو...وهي قاعدت هكاكا يجيها تلفون من نومرو تونسي متعرفوش...ترددت باش تجاوب اما مبعد جاوبت
_ الو عسلامة
_ اهلا مرام cv
حكت شعرها تحاول تتذكر الصوت...ضربت جبهتها
_ أمانييي....cv وانتي شعاملت
_ والله هاني اختي غاطسة في التحضيرات للعنكوش خلاف القراية شمازال جمعة و توفى قرايتي
_ نشالله بالنجاح حبيبي
_ عيشك عيش اختي...أمين بحذاك؟
ملاااحظة صغيرة: *************************
لميعرش اماني هي اخت أمين البنية الوحيدة و خوه اسامة...مفماش وقت باش تتعرف مرام على عايلتو مليح puisque العرس جاء على غفلة اما ديما تحكي مع اماني في insta
*****************************************
_ لا امين طلع لبيتو خارج مبعد
_ اياا خير
_ هاهاها علاه شبيك
_ ماو تعرف الي عرسي قريب و قررت باش نجي لفرنسا انا و أمي ناخذ قضيات لعرسي بعد الجمعة الجاية نشالله و زيد امي توحشت امين و حابة تشوفو عادة حبينا نفاجؤه
_ يااااا ملا جو مرحبا بيكم تنساش نهارت لي تجيو كلموني نجي نعارضكم
_ باهي مرة خويا هياا نعطلكش bonne nuit
_ باهي حبيبتيbonne nuit
سكرت تلفون حطاتو على جنب و كملت تخدم...بعد دقايق تسمع في أمين هابط مالدروج ضربتها ريحت برفانو البنينة...شيعت عينيها عليه ترمش في عينيها باهتة قلبها يدق حبست في بلاصتها...هو كان لابس هكا
_ هاني خارج...نجم نجيش ليلة
مخها بدى يعطي و يجيب يعني nrml يخليها وحدها ينجم يكون باش يبات مع شكون...عينيها كلي تعباو بالدموع surtout لهيا تخاف تبقى وحدها في بلاصة مسكرة بعد موت امها صارتها الحكاية هذي
_ علا..ه...وين ماش..ي
_ خارج مع الولاد ونجم نروح مع صاحبي بلال...هيا bye
هبطت راسها لوطة تنجمش تتكلم هو حر موش باش تربطو بيها...خرج ركب في كرهبتو direction لبلاصة لقلو عليها بلال...هي في بلاصتها معنقة المخدة ترعش بكلها حطت مسلسل تتفرج فيه تحاول تنسي روحها شي(برشا عباد عندهم لحكاية هذي تنجم توصل حتى لدرجة الاغماء)
23:00
00:00...
شي هو لبرا و هي خايفة...و هي هكاكا تسمع في حركة لبرا سكرت على فمها تشجعت قامت شافت مالشباك تلقاه قطوس عادي رجعت تجري لبلاصتها يدها على قلبها تنجمش ترقد تعدات سوايع و سوايع وهي كل مرة تسمع حس تبكي وتخاف توى حكاية 3:30 متع صباح عينيها تاعبين معبيين بالدموع حالها هكاكا اكثر من 4 سوايع حست روحها عطشت قامت تهز تشرب سمعت صوت لبرا اما لمرة هذي متع دبان عبد حست كان بالكاس طاح من يدها جرات طفات الضو وتخبت طاحت في القاعة في تركينة شادة راسها بين يديها حالتها حالة تبكي و ترعش...سمعت الباب تحل خطوات جاية قدامها مغمضت عينيها...حتى سمعت صوت رخفها و رتحها صوت حسسها بالامان...صوت أمين
_ مرام....
خزرتلو عينيها معادش يبانو مالبكاء...هبط على ركايبو حط يدو علا شعرها
_ أ..ممي..ن
طاحت عنقاتو بالقوي باهت ماو فاهم حتى شيء و هي تطربقت بالبكاء بين ايديه حاول يخفف عليها حتى وهو ماو فاهم شي تحكي بشهقتها
_ نخ...اف...وحدي...معدش...تخ...ليني
_ باهي تخافش ياروحي هاني معاك
هزها بين.يديه طلع بيها لبيتو وهي مزالت في نفس الحالة حطها علفرش نحى صباطو و جاكاة تكا بجنبها لزها ليه حطلها راسها على صدرو...قعد يمسحلها على شعرها لين ترخفت ورقدت بين يديه حس كان بروحو غفى هو زادة ورقدو هكاكا...
ضربت في وجها الشمس قامت دورت عينيها تلقى روحها في بيت أمين وبين يديه غمضت عينيها ستنشقت ريحتو ابنينة لي متتقاومش تخزرلو تثبت في كل تفاصيل وجهو حبتش تقوم باش متقوموش وبحركة لا إرادية حطت يدها على رقبتو تعدي فيها عليها...تحرك في بلاصتو تربكت و قامت بشوية حل عينيه و يحكي بصوتو الخشين لي فيه بحة
_ صباح الخير
_ صباح الخير
_ ماكش متقلقة cv؟
عملت براسها اي قامت جرات للباب حاشمة
_ ااا...نمشي نحضر روحي
خرجت تجري مشات لبيتها دخلت لدوش نحات حوايجها حلت الماء يجري عليها الرعب لي عاشاتو مبارح اثر فيها ورجعلها احداث صارولها قبل...خرجت
من الدوش لبست حوايجها مكياج خفيف...ركحت شعرها وهبطت تفطر
ليوم هبطت هي لولة حضرت قهوة حطت الحاجات لي يكلوهم في العادة كلعادة الفاكية و العسل و الجبن(sportif و فازات) لأمين قعدت شربت قهوتها هبط شادد التلفون
قعد قدامها حط قهوتو حب يجبد الموضوع باش يفهم
_ ياخي شصار مبارح؟ صارت حاجة في غيابي؟
عملت براسها لاا
_ ملا شبيني لقيتك في الحالة هذيكا
ترددت باش تحكيلو
_ من بعد موت أمي نجمش نبقى في بلاصة مظلمة و في الليل وحدي...حتى كي نسافر نسكن مع وحدة من صحباتي ولا عايلتي
هبط راسو خذى الكاس بين يديه
_ سمحني فيباليش
_ لا انتي لي سمحني خليتك تعانيني وترقدني جنبك هذيكا حياتك و انت ماكش مربوط بيا أعمل لتحب
_ لا مدامك في تكلفتي حتى شي ميضرك.....
_________________________________________
To be continued 🫶🏻