روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
رحت للدكتور وبلشو العملية وآسر ضل بره أربعين دقيقة يله خلصـت العملية والتجبيـر سوه طلعت بره اتلكاني آسر وسـندني وكتله :- يله أمشينة
- الحمدُلله على السلامه أول شي ثاني شي هيج تمشي مو كدامنة مغامرات يا حبيبي انتظرني اروح أجيبلك عكاز طبي
- ميحـتاج من أرجـع للبيت الله كريـم
- شنو السالفة الله لمن دزني عليك غير أساعدك معليك أكعد هُنا اروح اجيبلك واجي
- آسر بلشـت ما تعجبني !
- أنعل صفحة آسر خوي رجلك ميصير تضغط عليها أكثر ولا تمشي عليها هيج تره بعد بيها المخدر يخلص مفعولة وشوف وين تنطي وجهك
- ميحتاج كتلك تحملت الاقوى ضلت على هاي
- ميخالف عندي شغلة ابقى هُنا و أني أروح شويه وأجي
- أسـتغفرك ربي اذا طلعـت غير شغلة لا أعـرفك ولا تعرفني
- هم ميخالف يله رايح أسئل الدكتور وأرجعلك
- الله ويـاك
راح عشر دقايق وأجه :- ها يله نتوكل ؟
- أوكف شسـويت هاي العشر دقـايق ؟
- بالحُسين رحت للدكتور
- وبعد ؟
- وهاهيه
- متأكد !
- اي بعد چبدي
- تعال اسندني
- على كولتك ليش لا
سـندني ورحنة لسيارتة صعدنة ومشينـة وكال :- أكلك هنه كم بيت بهـاي المنطقة كُلهن اعرفـهن بالاشكال
- لو ألف بيت ندورهن بيت بيت
- أني ويـاك
- لا أرجع لدارك لاتتورط وياي
- حتى لو اتـورط ما اعوفك رجلي على رجـلك اكُلك شو عاجبني اصير صديقك تقبل ؟
- أتشرف
اشو هذا شخط بريك وكال :- عليـك أبو فاضل أبو الحيـادر ؟؟؟
- لعد ليش ؟
- الصـراحة توقعتك ماتقبل مصـار هواي من عـرفتني
- مساعدتك گُلش كافية ألي
- حبيبي أبو الحييييادر على رأسي اخليـك
- سالم
سكتنه فتره وكتلة :- أنتَ من الكوت ؟
- جنه بأربيل ونوب ببغداد شلنة ونوب بالكوت وهاي الفترة أريد أرجع لبغداد
- ليش ؟
- أريد السادس أتخرج منه و أني ببغداد
- ليش سـادس أنتَ ؟
- اي بعدچبدي هاي السنة الثالثة الي بي
- أني هم راح أدرس سادس هاي السنة
- لا بربك صدُك تحجي چا ندرس سوه
- غير تخليني أعفن بالسادس اذا ادرس وياك
- لا بالعكس
- شلون ؟
- أني أريد مُعدل
- على المُعدل تعيد ؟
- بالضبط
- بس لا تريد دكتور ؟
- چا صـارلي سنتين وهاي الثالثـة معفن بالسـادس عليمـن
- العسكرية أحلى أخويه
- حلوة بس مو حلمي
- على راحتك
- حبيبي
- نرجع للبيت الي جنت محبوس بي
- ليـش ؟
- أريد أشوف الاماكن الي حوالية إثر شي علمود أعرف يا أتجاه بي رايحة
- زين تسوي
نصف ساعة ونزلنة كبال البيت الي جنت بي أجه آسر تقدم بأتجاهي وكتله :- لاتسندني ميحتاج
- مُخدر أصلي حتى بعـده ما رايح
- دسكت وتعال نشوف
- صار حبيبي
دخلنة للغُرف أني وآسر وكال :- شـوف ذن اقدام مشي
- شفتهن مو الها
- شمعرفك ؟
- مـالك علاقة
- راح أسكت أني بـعد
- بعد أحسن
- عادي بعد أستقبل گُلشي منك أني
- كفو حبيبي
- من أصـلك
نهينة الكلام وبدينة ندور أثار دخلنه للغُرفة الي بصف غرفتي تصير باوعت على الزاوية جان أكو أثر انسان جان بيها ومصارلة وقت هواي لان تراب خفيف بي
آسر :- ذاك أثر كعده
حيدر :- شفتة
آسر :- ها الها ؟
حيدر :- أي لان كُل واحد بغُرفة جان
آسر :- أف صـعب هيج شي
أبتسمت اله وشفنة البيت وكُل خطوة بي وطلعنة منه وكال آسر :- أكو هُنا أثنين غُرف نص مكاملة
- بـس غُرف ؟
- أي بس غُرف صغيرة يصيرن گُلشي مابيهن لا باب لا شي
- يله نشـوفهن
- يله
رحنه للغُرفة الاولى لكينة أثر وكال آسر :- هاي أكو احد كاعد هُنا
- يعني كاعـدة هُنا ورايحة من هذا الاتجـاه ؟
- أكيد
- زين اذا رحـنة منو يكول ما ماخذتها سيارة ما ماخذها بشر
- محد يوكف هُنا ومُستحيل يوكف بشر كُلها تخاف من هاي المنطقة
- نكول اذا
- اذا صاعدة ف الشاحنات الي هِنا والسيارات يوصلن لحدود المحافظة
- أكـيد ؟
- أكيد ياخوي خذها مني
صـعدنة السيارة وأنطلق آسر وكال :- راح أرجـعلك على الكم بيـت ورانة
- كم بيت ؟
- اي تقريبًا أربـعة وكدامنة سبعة أو ثمانيـة
- مطشرات ؟
- اي اغلبهم لعصـابات او مُجرمين هيج نـاس
- تشتغل وياهم !!!!
- لا يمعـود شنو السـالفة
- لعد شنو عرفك بيهم ؟
- كم مـره فتت منا وتعجبت من هدوء المنطقـة وليش هيج جبيرة وهدوءها يكتل وبعـدين سئلت عليها طلعت هيج سمعـة عليها ف وكعوكم هُنا بيها وتريد اكُلك شغلة ؟
- كول !
- اذا لكيت المرة انصحـك لاترجع بسرعـة
- ليش
- احتمـال هم يرجعون ياخـذوكم
- چؤ أرجع
- علمودك بالحُسين فكر وشـوف واذا تريد أهلك أروح اطمٰنهم أني وأرجعلك بس أريد عنـوانهم
- ان شاء الله
ساعة ووصلنة لاول بيت نزلنه أني وآسر وكال :- دير بـالك الكامرات تخـطاها
- خلي يولن شمعرفهم أني حيدر يمعود
- شمـدريك ما الضابط الي خطـفك هُنا بيتة ؟
كال هيج وطلع تشيرت كصة بالنص ونطة الي نص واله نص وكال :- تلثم بي
خذتة منه وتلثـمنة سويه ونزلنة وكلت اله :- بيش السـاعة هسه ؟
- سبعة نص المغرب قبل الوحد نطلع المنطقة تصير أخطر
- ويـن أروح متكلي
- بيتي مفتوحلك صدُك جذب غير صرت خوي أنتَ
- تسـلم حبيبي
- ولو يله أمشيـنة
دخلنة أول بيت مالكينك أي أثر بي وبيتين وياه ومزرعة فتشناهم ودورناهم هم نفس الشي صارت ساعة وحدك ونص
- أمشـي خوي حيادر باجر نكمل مُغامرة
- تره واصـلة حدها
- أسفين بالغلـط
صعدنة السيارة ورحنة لبيتة نزلنة ودخلنة :- شعجب وحدك كاعد ؟
- أني عـازل من زمان مـرات يجون يبقون يمي شـهر عادي بس من أرجع لبغـداد لا ينقفل هذه البيـت
- ها خوش بعد روحي
- اي بعدچبدي أكُلك أبو الحيادر
- كول ؟
- شمدريك ما راجعة للبيت هسه ؟
- ماترجـع وحدها أعرفها
- متـأكد
- حافظها .
- زين أكُلك مره ثانية
- هم كول ؟
- لهدرجة تحبها واذا كلت صديقتي أني أهج واشرد بالحُسين
- اي مو حُب أحبها لا هُيام تعرف شنو الهُيام ؟
- لا
- اعلى درجات الحُب هوه الهُيام
- يعني هسه توضح لي أنُ تحبها زين ليش ماتعترف إلها
- مامستعد ترفضني و أخسرها مشـاعرها مو مثل المشـاعر العندي .
سمعنة الأذان وكتله :- يله كوم نصلي
- ورجـلك !
- آسر ما اكدر لازم اصلي
- براحتك هسه اجيبلك السجادة
- و أنتَ ؟
- وراك
حركت اله راسي بمعنى اي وراح جاب السجادة ورجع صليت وكملت ودعيت رب العالمين اوصل الها بأسرع وقت كملت وانطيت السجادة لآسر
- فرشتـلك خوي اذا تريد نـام
- أشكُرك ولله
- خوي شنو مسوي قابل
- اردها بعرسك ان شاء الله
- لا عرسك حبيبي
ضحكنة وكمل صلاة راح طلع أكل وأجاني :- تاكُل وياي ؟
- لا ولله أكل عوافي
- يمعـود دتعال أكُل
- وداعتك ما اشتهي حبيبي أكُل أنتَ إلف عافية
- على راحتك
راح ياكُل واني رحت انام حاولت أنام ما تغفالي عين بالأخير بيه ما بيه نمت كعدت الصبح ساعة ثمانية رحت كعدت آسر :- كووم ساعة ثمانية ونص هم يالله نشوف بقيه البيوت
- كاعد كاعد
- يله كوم
- شلون صارت قدمك
- لا زينه
- لا زينـة ولا شي العكـاز وبصندوق السيـارة
- صـدُك تحجي شكتلـك أني ؟
- بعدين حاسبني عليك الزهرة خلي نكوم
- آسر لاتتصرف من كيفك ما احب هذه الطبع
- ليش
- بدون ليش
- هاهية صار
كمنة وانطلقنة دورنة لبيوت والمزارع وخلـص اليوم وهم رجعـنة ساعة بالوحـدة ونص باليل :- اكُلك أبو الحيادر بقـن بس ثلاث بيوت اذا خلصـناهن نبلغ الشرطه ؟
- لا
- ليش يمعوود ؟
- آسر بدون ليش
وصلـنة للبيت ونزلنة نمت وكعـدت للصلاة صلـيت وكملت ورجعـت نمت كعدت الصـبح :- آسر كوم
- كايم اليوم أخر مُغامرة النه بهاي المنطقة
- يجوز أرجع اعيدها
- ترجع تدور البـيوت مره ثانيـة ؟
- اي .
- صدُك تحجي ؟
- أشاقة كوم
تريكنة وطلعنة دورنة بيتين وثلاث مزارع مالكينك أي أثر او شي وكتلة :- بيش الساعه صارت ؟
- وحدة ونص بقه بيت واحد بالنهاية يصير وأكو مزرعة بعيده عليه
- أمـشي
- باجر نشـوفة حتى اذا مو بي نعبـر على الحدود
- آسر أمشي كلـت
- هاهية صار
- لعد يله
- صار يله أصعد
صعدنة وانطلقنة ساعة ووصلنة نزلنة كبال المزرعة لبسنة اللثام وتحركنة
خلصناها وطلعنة وكال آسر :- مابيها شي
- أمشي بقى البيت
- يله
وصلنة للبيت مسـافة خمس دقايق ونزلنة وكـال آسر :- يله نعبر
- أعبر وأنتَ وراي
- يالعباس كون نلكهـا حوصلتي طكت من المُغامرات كفيـلك العباس
- بدون حجي آسر
- عليك العشرة لاتسكتني
- يا عشرة يا خمسة وصارلنة اربع ايام .
- أربعة چا هينات يخوي ؟
- لا
- أبو الحيادر الكفو ماينكر العشرة
- يله بلا حجي بعد روحي
- تدلل علينه
سكتنة شويه وكال :- أعبر أنتَ حيادر اذا متكدر أساعدك
- ميحتاج بس الزم العكاز
عبرنة ونزلنة بالحديقة نزني آسر بعكسة وكال :- شووف شوف على الكاع أثار مشي
- شفتهـن
- چا ان شاء الله هُنا
حركت رأسي وافترينة على البيت :- لللك تعال خوووي هذا الشباك مكسور
- وينه ؟
- دتعـال وياي
وصلنة يمه وكال :- هذا وهذا دم بالكاع !!
سكتت وبداخلي أكول يارب هيه شويه وكتله :- جـيب خشبة شي نكسر الشبابيك علمـود ندخل
- صار
راح جاب توثية جبـيرة وأجه بديت أكسـرالشبابيك :- لك بين مجرم هذه على كيـفك
- ميهم روح على باب المطبخ بالكت ينفتح
راح وشـويه ورجعلي :- البـاب خشب شيفتحة
- عوفة تعال وياي
كسرنا سوه ودخلنة وكال :- أمـشي نصعد فـوك
- خلي ندور الطابق الأرضي
- هسه يطلع نايم بغرفته المجرم
- علمود أجرم بي
دورنه الطابق الأرضـي وكال :- البردة بيهـا نقط دم ؟
- صدُك تحجي
- تعال شوف
شفت الـدم وبداخلي اكول ان شاء الله الها ضـلينة شويه نفتش وكتله :- أمشي نصـعد فوك
- يله اريد أشهد على ملتقى العشاق
- دسكت يا عشاق أنتَ
- ها منـو الهايم أبوي ؟
- أصعد وأسكـت
- هم صار صرفت صار هواي اليوم بس ميخالف
صعدنة دخلنة الطابق الاول :- راح اصـيح
- على خاف نايمة شي وتخاف
- أكو احد هُنااااااااا ؟
- هوه هيـج
- چا شلون أني هذا العلى كيف مالتي
- خـرب
....
سمعـت هذا الصوت وبداخلي اردد ان شاء الله يـساعدوني يارب يارب أحد منهم زين ويساعدني يارب دمـوعي على خدي وأبجي بـصوت مكتوم ورأسي يأذيني وبـطني موتتني وضهري راح يطك عرفتهـا الشهرية
غلست وشويه وسمعت صار دك قوي على باب الغُرفة القبلي من لا وعي كمت فتحت الباب وطلعت :- ساعدوني عليكم العباس أبو فاضل
- ريتااااااجه بويه هـاي أني
- حييادر ؟؟
- أي يا عيناه لحيـادر
شافني أجه حُضني حضنة كسر ضلوعي بيها وبادلتة الحُضن :- خايفه أني حييادر خايفه راح أموت
- لاتخـافين يا روحي أجه أمانج أجه
حضنتة وصوت شهكاتي علت بدأ يمسح على شعري :- هاهيه يا ريتاجه راح نرجع يا عيني راح نرجع كافي لا تبجين أنعل الساعة الكتلج بيها روحي
- ليش عفتنييييي ليييش كتلي روحي رحـت مشردة أتوسـل توسل علـمود يطلعوني من هـاي المنطـقة حيادر عشت برعب صـارلي ثـلاث أيام بطني تون عليه من الجـوع رأسي يـأذيني وماعندي علاجـههه وييييين أروح جيت هُنا ردت معييين .. حيييادر ليش كـتلي روحي !!!!!
- ياريت روحي رايحة ولا كتلج روحي شو باوعيلي
بعدني عن حُضنة شـاف أيديه وكال :- هسه أداوي جرج جـرج لاتخافين يا روحه لحيـدر
باوعت عليه وعيوني مدمعة ونطقت :- أشتاقيتلك
بعده ما ناطق تذكرت قدمة وباوعت على القـدم لكيتها مجبريها :- حييييادر شـلون صارت ؟
- عوفج من قدمي صدُك مشتاقتلي ؟
- اي
أنتبه على مـلابسي :- مـلابس منو ذن ؟
- ما أعرف خذتهن منا
- أمشي أمشي نرجع وبدليهن
لزم أيدي ونزلنة :- صدُك شلون نرجع ؟
- أمشي بويـه .
طلعنة بره وصلنة للحـايط :- يله عُبري من البـاب تكدرين ؟
- أي أكدر
- يله بس ديري بالـج وتلكين سيارة بره صعـدي بيها بدون مُقدمات
- سيارة منو ؟
- صـديقي بيها يله مو وكـت سوالف أعبري
- أنتَ تكدر ؟
- اي اكـدر لاتشيلين هم گُلشي ما بيها
حركت رأسي بمعنى أي ورحت عبرت وشفت السيارة رحت إلها ركض جان رجال صاعد :- الحمدُلله على السلامة خيتي ماتشوفين شر
- هـ هها الله يسلمك
شويه وأجه حيادر صعد :- يله آسر توكل
- تـدلل
حرك وحجه الي دايسوق :- شلون مُغامرات وياك
- نعل مـو ؟
- ههههه
نزيت حيدر وكتله :- منو هذا ؟
حيدر :- صديقي آسر بعدين اسولفلج عليه
ريتاج :- زين وين راح نروح ؟
حيدر :- لبيـتة
ريتاج : - شنوووووو !!!!
آسر :- كبـت العيطة
حيدر :- آسر !
آسر : چبـدة ؟
حيدر :- أسكت
آسر :- صار
ريتاج :- ليش مو لبيتنة ؟
حيدر :- المُكان مو أمن هُناك فستـقه
ريتاج :- حيييادر مشتاقه لاهلي أريدهم
حيدر :- ميخـالف يا روحي بس يومين ونرجع
ريتاج :- حيادر أريد اهلي ؟؟؟
حيدر :- اصيـر الچ اهل .
سكتت ودرت وجهي عنه وأحس بطني راح تتگطع شويه ووصلنة كبال بيت مرتب نزلنة دخلنة البيت وحيادر يمشي على عكاز باوعت عليه :- عليك الله زينه ؟
حيدر :- وعيونج .
آسر :- أني أروح اجيب اكل عصافير بطني تريد أكل
حيدر :- روح
راح ودخلنة أني وحيدر كُبل سحب أيديه وخلاهم على خشمه وكال :- عافية مو أيدين فستق تدرين شنو ؟
باوعـت عليه بتردد وعيونة على جـروح أيـدي كتله :- شنو ؟
- هايم بيج أني بويه
....
يتبع ⬅️ - البارت الخامس عشر -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.