قارورة الـ مُخلد

الحلقة |34|

الڪاتبة | زينب صلاح
في | قارورة الـ مُخلد

لا تنسون التصويت + متابعة للحساب + التعليق بين الفقرات 🤍

♥♥♥♥♥♥♥♥♥♥♥♥♥♥

عيوني تصب واسناني من الحادث لحد الان مصكوكه صك ما اگدر احجي لساني معگود جفلت من الماي الي صار ؏ وجهي ورفعت راسي اباوع لقيصر وهو يغسل وجهي گال..

- ولج احير بيمن بس فهميني شجاج؟

ما جاوبته بس دموعي زادن حضني وهو يتنهد بحزن  صارلنه ساعة واحنه هنا بالمُستشفى مُخلد بالبداية ما رد علينه من نتصل بس بعدين ومن اصرارنا جاوب وهسه هو واهلي بالطريق..

ابني وين خلاه قيصر ورجع ما ادري وما سألت كُل الي بالي اختي ومنظرها..

اباوع من بعيد اجه مُخلد وبس شافنه ركض..

مُخلد- شكو شصاير جود بي شي؟

باوعله قيصر محتار شيحجي وشيگول..
- قيصر وكعت گلبي احجي شبيكم وهمسه شلون تعوفونها وحدها بالبيت

اية- همسه!!

ثنينهم باوعولي واني انهاريت بالبچي قيصر حضني يمسح ؏ ظهري ومُخلد ظل صافن عليه شوي وگـال بصوت يرجف متردد..

- ه‍ همسه وين قيصر؟

- اگعد خلي افهمك

دفع ايد قيصر وحجه بحدة..
- احجي ولا تظل تلف ودور

نزل راسه وگال..
- وكعت من الدرج و وهسة بغرفة العمليات

رفعتي راسي اريد اشوف ردة فعله وجهه جان جامد وعيونه مركزهن ؏ قيصر ضحك بخفه وگال..

- تعرف ما احب الشقة الثگيل

- ما اشاقة

- لاااااا جااااي تشاااااقة

صرخ بصوت خله الدكاترة والناس كُلها تباوعلنه قيصر لزمه وگال..

- شنو مصلحتي بهيج شقة وصوتك الناس منا عيب

- انعلللل ابوووك لابوووو الناااس مرتييييي ويييين ولكككك قبللل شويييي جانتتتت تتصلللل علللليه

بچيت من اذكرت هي اتصلت عليه قبل لا توكع شنو جانت محتاجة ليش اضطرت تنزل وحدها واني شلون ما رديت وخليتها وحدها واعرف وضعها؟..

حجه بتوسل..
مُخلد- بس باوعلي فهمني باوع هي زينه موو وكعتها خفيفه مو فدوة اروحلك احجي وگول اي وطمني

قيصر مسح دموعه الي خانته وگال..
- قوية قوية من فوك وكعت

بهت ورجفت شفايفه عيونه صبت وما اشوفه غير انفه نزف وعيونه نگلبت صارن بيض لزم صدره ووكع قيصر بلگوة سيطر عليه بسرعة جابوله سدية وركضوا بي لغرفة العمليات والصدمة جانت..

- صارت عنده ذبحة صدرية

بابا وماما واخواني وصلوا اباوعلهم يرجفون ولعيون حمر من بعد ما گعدوا يمي ومرت فترة..

مهيب- قيصر ومُخلد وين؟

بچيت والكلمة طلعت گوة وبخنگة..
- مُخلد صـ صارت عندة ذبحة صدريـة

ابوي حط ايدة ؏ راسه..
- رحمتك ربي گومهم بالسلامة هو ومرته

مريم- اختج شلون وكعت وانتم الي تنزلونها وتصعدونها وين جنتي؟

بچيت ما عندي جواب انهاريت شه‍گتي فطرت گلبي امي الماتت من البجي حضنتني تحاول تسكتني بس اني وين فقدت
اختي اذا صارلها شي ما اسامح نفسي ، هاي ساعة ثانية تمر وهمسه ما طلعت...

قيصر اجه بعد فترة الوجه مطعون والعيون حمر سلم ؏ ابوي واخواني وگعد..

قيصر- ما طلعت؟

هزيت راسي وبچيت..

جابر- اخوك شلونه؟

- توه طلعوا من غرفة العمليات

عمو ابو قيصر اجه هو وامير ومُنير ونفس الحالة ما عدنه شي غير الانتظار ساعة وره ساعة لحد ما صارن خمسة..

مهيب تقدم وضرب الباب..
- خلييي يطلللع احددد يطمممنه

گام قيصر وسحبه..
- طبيعي يتأخرون جوه مو روح وحدة بل تلاثه

شهگت من شفت مُخلد يمشي من بعيد وهو يستند ؏ الحايط كُلهم داروا عليه ونتبهوا وين اباوع اخوانه تلاثتهم ركضوله..

قيصر- شطللللعك

مُخلد- همسه و وين؟

گالها بتعب وعيون شاخصه گعدة قيصر وگال..
- بعدها بغرفة العمليات

دموعه نزلت باوع لابوي الي ما يقل عنه تعب..
بلع ريك وسند راسه ؏ الحايط غصة بصدرة يرجف ودموعه تصب انينه ولوعته خلتنه گلنه نبجي عليه..

اباوع لعمو اول مرة يكون قريب منه گعد يمه وسحبه بس صار راس مُخلد ؏ كتف عمي صاح بلوعه...

- اخخخخخ يا بوووووية

شهگ يبچي بصوت..
- يااااارب

خالد- ان شاء الله تطلع مرتك وبناتك بخير خلي ثقتك بالله چبيره ابني

مُخلد- ما اريد يابه ما اريد بناتي هي تكفيني شسوي ببنات امهن ماكو

جابر- لا تگول هيج ان شاء الله خير

هز راسه وگام سنده قيصر..
- وين؟

مُخلد- تأخروا خلي نشوفهم اريد اطمننن ولكك موو رااح اموووت

توه مشه ونفتح باب الغرفة وطلع الدكتور اباوع لـ مُخلد دفع قيصر ووگف گدام الدكتور الي گال..

- نقذنه وحدة من الطفلتين بس الثانيه جانت ميته بطن امها

نتر بي..
- مرتتتتي ما يهمننني غيرهااا

نزل راسه وگال بحزن..
- سوينه الي نگدر عليه للاسف زوجتك دخلت بغيبوبة

ما نحسه غير واكع من طولة واخوانه احتاروا بي اني ظليت بصدمتي اباوع لاهلي ما يقلون عني بشي..

همسه بقت بالعناية المشددة وبنتها بالخدج لان اجت قبل بوقت..

وهيج مر اسبوع نروح ونرجع للمُستشفى وكُل يوم عدنه امل همسه تگعد بس هي ؏ حطتها ماكو اي حركة مُخلد انتهى عليها يريدها تگعد بأي طريقة حتى للخارج راد يطلعها بس الدكتور گلنا شي خلانه ننصدم..

- بسبب ضعف بقلبها بنفس اللحظة الي نشيل منها الاجهزة راح يوگف گلبها ونفقدها

بيومها مُخلد صدُك فقط ظل يضرب ؏ راسه ويردد «بسببي» ما فهمنه ليش وما ركزنه لان صدمة انُ عدها ضعف بالقلب ما خلتنا نفكر بشي بس الي نريد نعرف من شنو وليش ويمتى؟

مُخلد صار عنده ضغط مزمن لان كُل ساعة واكع علينه ومرتفع ضغطه ولا ياكل ولا يشرب الا بالتواسيل هو حتى بنته لا شافها ولا راحلها وما يقبل نحجي بيها يمه..

حتى اسم ما انطاها يگول..
- امها تسميها لان اذا حققت وصيتها هذا يعني انه متقبل فكرة موتها وهذا الشي مستحيل

من اسوء فترات حياتي مريت بيها
مُخلد شكل عنده ضغط مزمن وبابا سُكر
ماما نايمة بالفراش وبس تبچي
راما ومهيب وكعوا دور ثاني بسبب التقصير
وقيصر اجته عقوبة بسبب الغيابات

وكعت همسه
كسرت الكُل

اني ابني مريض دومه ما اعرف ليش
تعبنه حيل وحيلنه نهد ظلينه نندعي بس علمود تگعد همسه وترجع حياتنا السابقة
مجرد غيبوبة دخلت بيها دخلنا انذار فما البال يصيرلها شي

بيوم گاعدين اني ومُخلد وبابا گدام غرفة همسه ننتظر الفرج وعيوني شكلت ويه قيصر الي جانت وياه وداد
تعجبت امرها وشنو سبب جيتها..

بس الشي الي صدمني اكثر لابسه عباية راس والحجاب متحنكه بي واسود يعني بعدها حزينة ؏ ايهم بس جانت صدُك حلوة وبريئة بهذا شكلها..

قرفصت گدام مُخلد ولزمت ايدة هو جان بس يباوع عليها وعيونه شرحت لهفته عليها واشتياقة..

- تسامحني؟

ما جاوبها بس عيونه دمعن هزت راسها..
- ما جنت اعرف شنو جان يحتوي التلفون كُل الي سويته جان طيش مني

- ودعائج عليها

- مو من گلبي انه احب همسه ، لا تتعجب
  همسه اخت حقيقية هواي علمتني اشياء
  الي صارلها أثر بيه حيل وطول الفترة الماضية
  اتوسل بقيصر يجيبني اشوفها

- ما اسامحج اذا ما سامحتج هي

دفع ايديها وگام مبتعد عنها بچت وباوعتلي من رادت تتقربلي گمت وابتعدت
شنو تريدني انسى؟ حتى لو همسه سامحتها اني لا..

باست راس ابوي وراحت ويه قيصر واحنه رجعنا ننتظر بلا فائدة كالعادة متعلقين بأمل بسيط مثل سُمك الشعرة انقطاعة سهل بس احنه متمسكين ؏ هذا الامل وحياتنا واگفه عليه..

باليوم التاسع
تقربت بفضول اسمع بشنو ينطق مُخلد  ويه نفسه وهو ساند راسه ؏ الباب..

- رجعيلي تعبت حياتي ظلمه ما اعرف ليلي من نهاري اريدج قارورتي اريدج تعبني البُعد تعالي شوفي حال مُخلد بدونج ، مُخلدج مريض ومحتاجج ليش ما جاي تحنين وترجعيلي؟ زعلانه مني حبيبي زعلانه لان طلعت معصب منج لو زعلانه لان غلقت التلفون بوجهج انه اسف حبيبي اسف بس رجعيلي مو والله حيل ما عندي

ابتعدت ميته بچي ومن شافني قيصر سولفتله تنهد بتعب وحضني..

قيصر- راح تگعد ثقي بالله

اية- يمته مو تعبنا وشحالنا بعدها
 
- تعالي شوفي بنتها تخبل

اخذني ورحنه للقسم الي مخصصينه للاطفال اباوعلها تحرك بيديها ورجليها..

- نگدر نشوفها

- هي اصلًا زينه صارت بس اخوي ابو راس اليابس لا يقبل يشوفها ولا يقبل يسجلها وينطيها اسم

- خلي ناخذها اله

- يله هسه اشوفهم

راح شوي ورجع ويه ممرضه الي شافتني وابتسمت..
- اجهزها واجيبها الكم

ظليت اباوعلها من الجام جانت تلبسها بلوز بيضه بس طويله حطتلها قفازات بيديها علمود لا تخرمش وجهه ولبستها كبوس براسها ولفتها بلحاف وجابتها..

اخذتها اباوع لملامحها الي تجنن بس للاسف ما تشبه همسه ابد طالعة ؏ امي وعليه شقره وعيونها بُني ؏ عسلي وبيضه وصافية مثل الماي..

- شوف الجمال؟

- تشبهج!!

- ههههه اي فدوة بس اشوف اختي بيها لان قطعة منها

- شلون؟

- شكو!!

- هاي شلون تاكل؟ وامها بغيبوبة منو يرضعها؟

- هي اخذت مميات بس گلبي ما ينطيني راح اخذها اني بين ما طيب همسه

- جانت ناقصة وكملت

- وقتك قيصر؟

- امشي امشي هو شطيح حظي غيرج

- حشاك حبيبي

- امشي

اخذناها ورحنه الهم بابا مات عليها يشم ويبوس بيها ويهمس..
- ريحة بنيتي

اباوع لـ مُخلد يسرق النظرات الها
همسه جانت تسولفلي شگد متحمس
يشوفهن ويلاعبهن ومن دون ما تحجي
اني اتذكر
جان يجي محمل العاب وملابس
من غير غرفتهن الجاهزة..

اخذتها من بابا وتقدمت اله..
- ما راح تشوفها؟

- لا

- هيج تقهر همسه

- هي تگعد وتسميها

جنت احسه طفل متعلق بـ امه وجاي يرفض الواقع علمود يعرف يعيش
انقهر عليه حيل

- نور

رفع راسه..
- شنو؟

- همسه تحب اسم نور ومن زمان تگول لو صارت عندي بنيه اسميها نور
وانتم محتاجين هذا النور حتى ينور ايامنه السوده هاي بلكي ؏ وجهه اختي تگعد لا تحرم بنتك منك وهي محرومة حاليًا من ريحة امها

- تحب هذا الاسم؟

- اي

تقرب وباوعلها وهي بيدي ابتسم بفرح لاول مرة وگال بتعجب..
- صدك نور اسم ؏ مُسمى ما شاء الله

- شيلها

- لا اخذيها

- ما راح تسميها؟

- اريد اشوف همسه اول وبعدين

اباوعله راح اكيد راح يحجي ويه الدكتور الي جان رافض دخوله يگله مو زين عليها
بعد فترة رجع ضايج وياه ممرضه هنوب الفشلة گال بصوت گدامها..

- ولد الكلب ما يمشون الا بفلوس

جابر- لسانك ولك انتَ شنو هذا الاسلوب

- يطلعون الواحد عن طوره يا عمي

- كافي ادخل شوف مرتك واطلع طمني عليها

هز راسه ودخل بابا گال..
- لسانه فالت هذا الولد

باوعت لقيصر بطرف عيني والله لو يسمع قيصر شلون يغرد يحط مُخلد بالجيب الصفح...

مُخلد*

وگفت بالباب رجليه عجزت تتحرك وتاخذني الها شعرها الحلو مفروش ؏ لمخدة مثل سواد الليل وجهه ضعفان وباهت الاجهزة محاوطتها مت كل مكان ، نزلت عيوني لصدرها الي يصعد وينزل بنفس ضعيف..

مشيت اتمعن بوجهه شگد احبها ودموعي تنزل عليها بسهولة وبدون سابق انذار
شگد تعبني حبها بس يا محلاة التعب منها

سحبت الكرسي وگعدت بصف السرير مررت ايدي ؏ شعرها الحلو واخذت ايدها بأيدي وبستها..

- ها حبيبي ما ناويه تگعدين ما تعبتي من البُعد تره حيلي نهد بدونج بنتج محتاجتج وانه بعد حيللللل محتاجج

ماكو اجابة منها تهدي روحي وحرگة گلبي نايمة مثل الملاك..

- ينطيج گلبج تعوفيني؟ ترضين العذاب الي؟ ليش ما تگعديلي واوعدج اي شي تردينه يتنفذ الي تردينه بس گعدي

حطيت راسي ؏ ايدها وسديت عيوني بقوة اريد اوگف دموعي لكن عبث..

- احبج ميت بيج انه قارورتي

شوي وحسيت الباب انفتح رفعت راسي بضوجه للممرضه..

- استاذ خلص وقت الزيارة

هزيت راسي وگمدت دنگت بست جبينها مسحت ؏ شعرها وهمست قريب من اذانها..

- منتظرج لا تتأخرين عليه

عفت روحي جوه وطلعت..

اية*

واخيرًا مُخلد سجل بنته وطلعناها حبيبتي رضعتها ونامت..

قيصر اشترالها سرير صغير وحطه بغرفتي ندبر بي لبين ما تگعد همسه وبعد تبقى بسريرها الفوك يم امها..

خليت ضوه خفيف وطلعت ساده الباب ؏ كيف خاف تگعد هي لو جود ويخبصوني..

درت لقيصر الي جان مدد ؏ القنفه فتحلي ايده واشرلي اتقرب وصدُك جنت تعبانة ونعسانه بسرعة رحتله سحبني ورفعني من خصري خلاني اصير فوگه..

- قيصررر

- ركدي حبيبي مو الي بالج تعبان

- حقك شايب

فتح عيونه وخزرني..
- وتالي ويه هاي الكلمة!!

- ليش تضوج منها؟ بعدين تره صدُك شايب راح تدخل الاربعة وتلاثين

كرصني من خصري..
- وانتِ بعدج زعطوطه كبري مو صرتي ام

- اووي لا تكررص

- وجعووي نخمدي

- تره ازعل!

- طبج طوب فوك شينها قوة عينها هم لسانها چنه بيكيسي وهم هي التتزعل الشرنفص

- بعد اذا تغلط عليها غلط عليك والله

- حتى اشك حلگج

- والله شنو هنوب طالعلي بالشرنفص مو عيب

- عيب منج؟ لا حبيبي ماكو عيب

- اوووف

- انخمدي اريد انام

همست..
- نامت عليك طابوكه

كرصني من خصري..
- سمعتج الصلفة

- انتَ صلف

- وتاااااالي

سُكتت من صاح وحضنت رقبته دافنه راسي بصدره حسيت بي يختض بضحك ابتسمت وبست صدره وغفيت..

گعدت بعد فترة اباوع ؏ نومتنه رفعت راسي للساعة وانصدمت معقولة الجهال لحد الان ما گاعدين؟ ليش مالهم صوت!!

سمعت صوت حجي وهمسات گمت ؏ كيف سحبت الشال وحطيته ؏ راسي وباب غرفتي جان مفتوح ابتسمت من شفت مُخلد شايل نور ويلعب ويه جود وهمه فد لوتيين يضحكوله ويسووله حركات..

صفنت ولطمت خدودي، عزاا هذا مُخلد شافنه اني وقيصر شلون نايمين!! عزاا بعينك قيصر انفضحنه وعلي
شلون فشلة وعيب..

عدلت شالي ودكيت الباب ودخلت..

- تفضلي خويه واعتذر ؏ التطفل

- لا عادي البيت بيتك

باس نور من خدودها وحطها بسريرها ؏ كيف ودنك باس راس جود..

- عذريني دخلت الغرفة بس سمعت صوت الجهال ودخلت

- عادي مصار شي ، همسه شلونها؟

- ماكو جديد

- محتاج شي؟

- تسلمين سؤالج كافي

دخل قيصر يفرك بعيونه..
- ها عضيدي شو هنا؟

- اجيت اسبح واغير هدومي وارجع وبالصدفة سمعت صوت الاطفال واجيت اشوفهم

- راح ترجع؟

- اي

- انتظرني اروح وياك

هز راسه وطلع گال قيصر..
- جهزيلي ملابس

رحت اطلعله ملابسه شوي وحسيت بيه حضني من وره باس رقبتي وگال..

- لا تفكرين هواي حبيبي اختج ان شاء الله فترة وترجع يمج

- مو بيدي قيصر

- اعرف بس انتِ ما جاي تفيدين احد هيج بس لو اهتميتي ببنتها لو قريتيلها قرآن ودعيتيلها هيج انتِ ترتاحين وهي ترتاح

- ان شاء الله

باس راسي واخذ لهدوم وراح للحمام اني هم گعدت بدلت للجهال ورتبتهم وطلعت شايلتهم ثنينهم اريد اسوي ريوك واريدهم گدام عيني ، مُخلد جان گاعد بالصالة..

من شافني هيج گال..
- هاي وين ماخذتهم

- مو اريد اسوي ريوك وطلعتهم يمي

- جيبيهم يمي واخذي راحتج

صح جان تعبان ومو مال انطي الجهال خطية بس ردته يتقرب من بنته لذلك خليتهم يمه اباوعله بسكته من الباب شلون شمها بقوة ونزلت دموعه ، ما اعرف شنو يحجي صوته ناصي..

من طلع قيصر ركضت صبيت الچاي واخذته للصالة باوعلي وگال بهدوء..

مُخلد- اريد ارجع هناك ناكل

- تاكلون وترحون ما يصير هيج تهملون نفسك وادري بابا هم عنودي تلگاه هناك بدون ريوك

- عمي ما رجع بعده هناك

- شوف انتو تريكوا بين ما احطلكم شي تاخذونه اله

هز راسه وسكت حطيت بحافظة اكل لـ بابا ورجعت يمهم نتريك وبحضني جود..

اباوعله يشرب بس الچاي ما حط لگمه بحلگه وبس صافن ويشرد بتفكيره باوعت لقيصر واشرتله..

قيصر- اكل شي مُخلد

- ما اشتهي العسل والله لا تضغط عليه

- مرتك اطيب توكع انتَ علينا تريد؟ زين هي من تگعد وتشوف حالتك هاي ما راح تنقهر؟

- مو بيدي قيصر مو بيدي احس جمره بصدري ما تطفى الا بگعدتها ايامي الفاتت كلها ناقصة وما بيها طعم مجرد ايام تمشي ما بيها حياة الي

يحجي وعيونه مدمعه
چـاا شگد يحبها وهيج يلوب عليها
تمنيت همسه تسمع كلامه
وتشوف لوعته عليها بهاي الايام
خلي تعرف شنو معزتها بگلبه..

بنته بأيده كُل شوي رافعها وشامها وبايسها هيج الله حط حبها بگلبه بس شافها من بعد ما جان رافض حتى تسميتها..

من خلصوا شلت الصينيه توني مشيت خطوتين ودك تلفون مُخلد درت اباوعله انتظر خبر حلو يسر گلبي..

اباوعله صك بمكانه وعيونه شخصت همس برجفة..
مُخلد- شـ شنـوو؟

الصينيه وكعت من ايدي ويه صرخت الجهال الي نرعبوا من الصوت قيصر احتار يجي يشوفني لو يشوف اخو وشنو بي؟

دموعي نزلت وگلبي رجف والامل الضئيل الجنت متمسكه بي من شكل مُخلد انقطع وانهارت كُل امالي برجوع همسه النه وتأكدت هاي النهاية والحزن صار جُزء منه..

يتبع...