لبوة على شفا الثار

بارت الثاني والخمسون

لبوة على شفا الثأر

                                       بقلمي:leo Alfatlawi

Ins:le_m3r
بارتين سوه ♥️

بارت الثاني والخمسون

***لحن***

كامش ايدي ويباوعلي بترجي كال بس شنهو دخيل الخالقج احجي مو وريتيني ور  صايرلها شي

--اول مارجعت لاركان اتصلت بيه من فونك

--اي

--كالت اني زينه و

--وشنهوو

--كاعده ويه امك بنفس البيت 

--امي عايشه ؟

اندار لاركان عاگد حاجبه متفاجئ من السمعه اشر شنو

اركان. اني ماادري بيها عايشه بس ادري مانهزمت اكو من الي جبرها تروح

--لااالالا ناي شوصلهاااا الها

--غيث

--اركان طلعنييي انعل ابهاتكم واحد واحد دبرلي زمال يشيل القضيه عنييي

--ميخالف بس اهدء

--شهدء امي عايشه اشلون وين جانت كل هالسنين وعش اختفت

--محد اكد خبر موتها وتعرف عمي ذاع هالخبر لخاطر يسد السالفه

-- ناي يم امي تعرف شنهوووو ولك اررركان ناي يمها

--احصلها وردها

--بس اريد افهم ابليس اشلون عرفت امي عايشه وين لكتها

--ماعرف بس اكيد احد بالبيت الو ايد وصلت من ناحيتو واله مستحيل تحصلها بهالسهوله

كمش راسه غمض عيونه صگ على سنونه ضل يرد ناي ناي ناي

--يخوي انردها ماتروح

كمش اركان من ياخته جره حيل
-- دبرلي واحد يشيل القضيه طلعنييييي سمعت شنهو الارايدو طلعنييي من هينه

--ولايهمك ازلامنه جثيره  راح ادبرلك احد

--لادورها اتركها ولاتكول لاحد هاي عايشه بعدهااا

--محد راح يدري

--بوجهك عالمحامي شيطلب انطي كل الوسائل استعملها وياه اذا رفض صلخو ووكلو لحمو

اشر اي دفعه اباوع لديه يرجفن يفتح ويسد بيهن

غمض عيونه بقله صبر
كعد دنگ خله راسه بين اديه همس عفيه يبت انهار لعبتيها صح ااااخ بويه اكضبج لولا

كمشتني الرجفه اتندمت لان كلتله ردت اهدي ماعرفت راح يتخبل

الوقت منتهي الناس تطلع وهو حالته تعبت اركان

محتار يباوع للوقت وعينه بي يريد يهدء لان وضعه اتخربط بالزايد

اجه الشرطي كال يلا الوقت خلص

كمش غيث جره مانشوف غير كام ركعه بوكس بوجهه ركضو الشرطه التمو عليه يتلاون ويا الي يضربه بجعب السلاح والي يريد يسيطر عليه يكمشه
اصواتهم صعدت  صارت هوسه

جرني اركان طلعني رد  يركض راد يدخل منعو

راح استلم فونه وكف يخابر مخبوص ماعرف المن بس كله اتخبل ياريت يزتو بالانفرادي  بين مايهدء --لايخوي موش بوعيه -- ماعليك زود يالجبير تأمر --اعتبرهن يمك  اليوم  --هاي هيه يخوي مشكور --ماوصيك  لاتتاخر عليه حاول هسه اتخبرهم -- الله وياك

سده واجاني  باوعلي بنظرة انخلست من يمي فتح السياره صعد  شغلها ردت احجي كال نفس ماريد اسمع منج

--مادري هيج راح يتخبل ردت اهدئه

--راح يفلقو للصبح يصلخون جلدو وينعلون ابو اصلو بس كفوو منج بالقران ماكو اثول غيري

--مااندلها هيه مره خبرتني ماراح يفيد اذا كلتلكم

باوعلي وضحگ بستهزاء دار وجهه شغل السياره

درت وجهي للجام عسى مازعل عمره والله ماراح اكله وين ناي لو يموت

على طول الطريق ماحجينا شفت نفس الدرب الي اجينه بي سكتت عرفت مرجعني لوادري هيج جان مارحت من الاساس

وصلني للباب جان حسام واكف يسولف ويه الحارس دانزل كال اي شي صار ميصل خبر عنو

--ماحجي

--شغله الخزنه مالت غيث واوراق وشغلات ورث ماتحجين عنها ولاتعرفين شي

--على شنو دتقصد مدتفهم

--لاالفهم يم الهتره متاكد منو اااخ بويه لو توكع بيدي

سكتت

--اخاف احد يسألج الزمال زلمتج يعرف الرقم السري تردين ماعرف ومادحكتو يفتحها ابد

--تره هيه مفتوحه جانت من اجينه

--لان ابليس جانت توصل رساله بيها لوماملحگ وغالقها جان جلطت البيت بأهلو لحن تعملين الاكولو بالحرف

--تمام

اشر نزلي بدون لايباوعلي

اول مانزلت شحط السياره اجه حسام كال شصار يولي

--شتكول انت بهذا وجه عمك

--عمي غبي  هوو الي عندو كيكه مثلج هم يريد من ربو شي

--حسام اريد فون

--هلا والله لوطالبه ركبتي عطيتج بس تلفون ماكو دخلي يولي

--منو جوه

--الاهل كلهم كاعد يحضرون تانرد لبيتنا

--واخيرا اوف

--عش يولي اكو زمال مضوجج

--اي انت واذا تجاوزت اكول لعمي

عفس خلقته دخلت جوه لكيت هناء بالحديقه خاله رجل على رجل اتصبغ بأضافيرها رحت يمها فتحت الجبه نزعتها وكعدت كالت ها يولي تونستي

--اي كلش فريت بغداد شبر شبر

--عجل مامشتريه شي

--صدكتي ولج جنت بالسجن بس شفنه غيث طلع معصب لوبيده يربطني وره السياره ويجيبني سحل

--اشش لاتكولين هيج يتشمتن كولي جنت بالمطعم ورحنه عالكورنيش وافتريت تره سهيله وعمتي من طلعتي لسه يطحلن

--تركج منهن اريد فونج فدوه

--اي ورطيني ويه اركان الخبل دحگي هذا الحارس الجدامج بالحرام يخلي ينخلني من فوج ليجوه بالبارود

--بس اخبر ماما والله كلبي يمها كلمااكول لاركان يرد بعدين ماطول بسرعه

--لحن اذا احد عرف اكلهم هيه الخذتو بدون علمي

--اي فدوه لخيتي الورده

انطتنيا من جوه الطبله اخذته ورحت يم بيت الحارس دكيت رقم ماما اتصلت اجاني صوتها مبين استوها كاعده كالت منو

--هلو ماما اني لحن

--يابعد امج اشلونج اختج اشلونها

--زنات كلبنه يمج وين انتي هسه صحتج اشلونج

--لعد اذا هيج ماتجن اتشوفني

--موبيدي ماما والله زلمنا مايرضون لوكدر جان كل يوم يمج اشلونج ام سروان اشلونها

--ماهيه طالعه تتسوگ زينه المره وره مارحتي صح ضاجت وبالاخص بتها من سافرت ضليت اسبوع  يم بيت جدج لان عمج ونسيبه اختفو والعالم مخبوصه ادور عليهم تالي اجتني كالت تعالي الزواج قسمه ونصيب

--واشلونها هسه هم تضوجج

--لاوالله حبابه المره اجرت منها غرفه وكاعده وياها احسن حتى ماحس روحي ثگيله عليها رجلج هم الله ينطي كلما يجي ينطييني مبلغ اعيش منه

--عمي شخباره شصار وراي

--كامت الدنيا وراج عمج خبر رجل ريتا كله تعالي منتظرك ماعرف وين بس طلع وهم مارد واسبوع اندور ماخلو لامركز ولامستشفى لمن وكفت سياره مضلله  بليل شمرتهم بابنه وراحت

--ميتين؟

--لو ميتين افضل لاضاله ايد ولارجل مامكسور خو رجل ريتا اقري عليه السلام لانفس ولاحس بس يتصفن تالي اخذهم عمج ابو سمار   وردهم  للشمال لبيت جدهم يداروهم

--والعريس وينه

--لاهذا رد بيومها مامضروب هواي طلعت ميلشات غلطانه بأسماهم وماخذتهم زين ماميتين عاد امه خافت عليه ماتاخرو يومين وردو كالت ماكدر اضل بالعراق خطر الوضع اشلونج ويه اركان مرتاحه ناي اشلونها

--مرتاحات ماما ماعوزنه بس شوفتج

--غير اكول لزوجج جيبها لواني اجيكم مايرضه يكول من ننتقل لبيتنا واني اجي عليج اخذج لايضل بالج زينه صحتي

--الحمد الله يلا ماما اني اول مايصير عندي مجال اخبرج لان الفون مالت مرت عامر

--سلميلي على اختج كليلها ماحن كلبها ماكالت امي ليش هالحقد الشايلته

--اندعيلها ماما ناي هم متبهذله ويه الدنيا

--ربي يهنيجن ويردجن لحضني

--ان شاء الله يله يعمري لازم اروح

سلمت وغلقت الفون رجعت كعدت يم هناء انطيتها الفون خلته يمها اجت سجى هيه واسماء يتمشن ويضحكن همست هناء دحگي اشلون راح اطير الضحكه

وصلن سحبن الكراسي كعدن كالت اسماء اي لحن ورين رحتي

هناء. ههههه تركج وين راحت سمعي غيث شمسجل لناي

--شنهو مسجل

--المزرعه والبيت هذا والمطعم وباقي املاكه بأسم ابنو وهم هيه المسؤولة عنها

--ماكو هيج حجي شنو تايهه فوگ ماباگت ولدنا وانهزمت بدل مايذبحها

--كليلو وهم ندل مجانها بس مايرضه احد يكول وينها يخاف عليها راح يعيدون الحكم بس يطلع يردها واكيد شنو شرطها تااتردلو

--واني الصاينه شرفو وضاله هينا مناطره طلعتو تالي هيج يعمل والله ماراح اسكت اذا ماخليت ابوي يأدبو ماطلع بت ابوي

كامت راحت جوه تريد تنفجر اجه عامر شايل بته الزغيره ردمته بالطريق من كثر ماعمت من الحركه باوعلها متفاجئ

كامت سجى  راحت بسرعه  يمه خلت ايدها على ضهره وهمستله دنگ يسمعها مانسمع شتحجي بس هو ضحگ دار وجهه صارت عينه بعين هناء اختفت ضحكته

دنكت اتصبغ اظافرها  همست الله ياخذك ياحقر بشر شفتو بحايتي

--بداعت بناتج بعدج اتحبي

--لحن كلمه ثانيه دموعي ماسيطر عليهن بعد

--لعد وين القوه والقوه

--لج دحگي اشلون واكفه تهمسلو وهو اشلون يباوعلها اااخ يگلبي راح اموت ربي ارحمني

--اجه هناء ضحكي

وصل نزل بته يريد ينطيها لهناء كالتله لاخلها
يمكم تاتتعلم اشويه حتى من اتركها ماتبجي وراي

سجى.   وعش يمه شنهو اخدم عندج  وترديني اربي بناتج

--عجل التاخذ زلمه من بيتو وعندو جهال شنهو مصيرها اني راح اتزوج ذني منهو يربيهن

عامر. شنهو تتزوج شبيج يولي

--شنهو شبيه اتزوج مثل العالم والناس لبالك اضل عمري هينا ادحگ عليكم هم بعدني زغيره واريدلي بيت وجهال وحياة حلوه ورجل يسندني ويشوف متطلباتي

--لاتهترين حتى لاطگج

--لاطكني تااطلع من هسه دحگ عامر الولد الي اجاني اني موافقه عليه لو تگوم الدنيا ماتكعد هم اخذو ماتكدر حتى تعترض

--شبيج شبييج تخبلتي موكلتلج نطريني بس هالفتره واني راح احلها

سجى. شتحل خلها تتزوج

--انتي انكتمي ماريد اسمع صوتج لابالقران ادوسج برجلي

--يعني ناوي اطلگتي وين خالتي خلي تجي تسمع ترضه بهالكلام تانشوف اشلون تسويها وتتتركني

شمر بته وسحبها من شعرها صرخت جرها اكثر

--يعني قصدج موش زلمه وخذ حجي من راس امييي

--عجل رايد اطلكنييي

--صوتج بت الجلببببب

كالها مانشوف غير الراجديات واحد اقوه من الثاني
من يمي كمشت خدودي خفت

هناء واكفه شايله بتها كوه كامشه ضحكتها وسجى كل صوت اقوه من الثاني تصيح وعامر ويه كل صوت دفره
لمن اجن عماتي يركضن عالصوت جرنها من ايدها وعمي ابو اركان كله شبيك تسودنت

--اي تسودنت ماريدها وهناء اذا عطيتوها احرك البيت

--اذا غاب الراعي تاهت الاغنام حگك يبوي عبن جسار راسك موش هينا

--من يومي زلمه غصبا على اكبر واحد وغيث مايخوف جلبي لاتضلون كل اشويه جايبين طاري

--عجل خلك مثبت على جلمتك

--اي مثبت ومن اليوم كدام الكل اني الجبير مجانو وجلمتي المسموعه

--والكباريه موش بالصراخ يبعد عمك تاتصير مجانو اخطي على دربو تايهابوك ويحسون للجلمه حساب قبل لايزتوها جدامك 

--منهو جان يهابه لهل اغوث وهو جلمه  وحده مايدبرها بدون جدتي

--اهدي يعمي لايطگلك عرج

--عميييي عمي هناء محد ياخذها غيري

ابو غيث. شنهو خبل انتتت غير محرمه عليك

--وهاي تتحلل هسه سجى انتي طالق طالق طالق

عمتي ام عامر كامت تلطم وسجى اتخربطت كعدت بالكاع

عمي هز ايده وراح وعمي ابو غيث كله هيج حليتها انت

--يبببه  ام بناتي مااكلك اني ماغلطت لاغلطي ماينحجي بس وداعت بناتي جنت شارب وماحاس على روحي وغيث الجبرني اخذها

--غير يريد يلم اصخام وجهك عجل الي يخلي عينو على بت محرمه شنهو ينگال عنو

--موش بوعييي ياعالم وداعت بناتييي موش بوعي هاي صلحتها هسه كافي بعد اريد حرمتي

هناء. واني ماريدك بعد

--موش بكيفج

--لابكيفي وشتكدر اتعمل بناتك اتهددني بيهن هاك اخذهن اني هم مارايدتهن

شمرت بتها ودخلت الطفله كامت تصرخ دنك ابوها شالها يرجف عينه بهناء كمشته ام عامر كالتله رد سجى

--ماردها لو تفشكون راسي يله خلها تولي لهلها

--موش بكيفك تردها وغصبا عن شاربك لوتعرف شكاضبه عنك لالبالك بالسجن وتفلت من ايدو بالقران يدزلك جماعه وانت بفرشتك يعدموك

ابو غيث.  كول يالله يبه ردها لاتفشلنا جدام العالم شيكولون عنه وانت كل يوم مغير وحده بيهن

--ماريدها انتم جبرتوني طلكتها ماردها لوتكصون ركبتي

تركتهم يتعاركون ودخلت جوه رت اصعدت فتحت غرفتها هناءاشرتلي تعالي

رحت جرتني دخلت للغرفه مالتها سدتها كالت شصار وراي

--ديتوسلون بي يردها وهو يحلف مايرجعها

--راح يردها

--لاكال ماردها حتى هددته امه مارضه ليش ماترجعيله ماطول طلكها

--ماردلو لمن اذلهم اثنينهم واحرمها عليه حتى اتضل تخدم جوه رجليه ماتكدر حتى اتشيل عينها

--اكو هيج خوات انتن عجيبه

--اكو اختي دخلتها بيتي وشاركتها ملابسي واكلي غدرتني واخذت رجلي مني وهيه تعرف اشلون واحد يحب الثاني خلتني انام بحسرتي والدمعه بعيني للصبح تعرفين سنو شعورج من ادحگين مكان زلمتج فارغ يمج وتعرفي نايم بحضن اختج

--الله يساعدج

-- موكلشي نطلب منه العون ونريده هو اليحققو تره عطانه عگول وكال تصرفو واني الراح اخليهم اثنينهم يبجون دم بدل الدموع النزلتهن

--اشلون باوعلها وانتي جنچ كمر وناعمه

--هسه صرت جني كمر جنت مهوسه وخالتي مشغلتني جوه ايدها بس اخبث وتنزنح وره اختج تازتها بمشاكل لمن راح زلمتي

--ههههههه بت المحضوظه تجي وياها عدله رغم سوء نيتها

--رغم ماجنت اذيها اول وحده هيه وكفت وياي وعلمتني شعمل اي اشلونها ناي

--واني شدراني

--تره ادري منو الخلاها تنهزم وشفتها ابيوم الي انهزمت واني الي راقبت المجال حتى تكدر اتكمل  لانها ذيبه وهمه يستاهلون

--صدك وين رنو

--يم اهلها يخافون عليها يردون الوضع يهدء اليوم لو باجر راح تلكيها ناطه   على روسنا تعالي كعدي شبيج واكفه وهم ساعديني اختار فستان البسو

كعدت وهيه فتحت الكنتور اطلع بالفساتين تقيس اباوع اشلون تتصرف وتضحگ بس جذب عيونها تلمع بقهر

غيرت ومكيجت كملت كمنه طلعنه لكينه الوضع هادء وسجى تضحك تباوع لاختها بحقاره اشكد لعبت روحي مبين راده لذمته

صعدت فوگ صارت بوجهي سماهر عالدرج تفلت عليه  
--وجه الفكر مادحكو الخير من يوم الدخلتن هينا

--هسه يجي اركان واكله السويتي

--تااذبحج وداعت بنتي لحن حرف يوصل لاركان ادبرلج مصيبه واخلو يجتلج بيدو

--مولان خفت من تهديدج ماراح احجي لا بس ماحب المشاكل واذا عدتيها وروح بابا اگوله وانتي تعرفين شيسوي

--انجعلج بالموت بجاه محمد

تركتها ودخلت غرفتي شمرت حجابي اخذت ملابس رحت للحمام سبحت طلعت اريد مكان اعدل وجهي بي ماكو الله يطيج ناي ماكلتي اخليلي مرايه صاحيه لاختي

اخذت علبت المكياج رجعت للحمام الحمد الله مامفلشتها مبين غيث محترمها هنا

عدلت وجهي بالاخص من سمعت رنو جايه الوضع هنا مايتأمن اذا حتى المحرمه تاخذ اليعجبها موهذه محلل وفوكاها زعلان مني

شلت شعري طلعت رحت للشباج وكفت اباوع للحديقه سوده عليه ناي جانت تباوع لحنه زوجها منا اشلون تحملت هم يجي يوم واعيش نفس الاحساس

خليت ايدي على كلبي بس اتخيلت وجعني كلبي اسم الله

رجعت البرده ورحت لفراشي اتمددت لليل واني على نومتي وحدي لمن دخلت ام اركان بيدها لفه كالت عش مانزلتي تاكلين جوه

--ها عمه موجوعانه

--كومي اكلي لاتوكعين شيخلصنه من اركان

--ليش زحمتي روحج عمه

--هاج اكلي وبشري ماصار عندج جاهل

--لا ماكو ماعرف ليش

--يله لاتستعجلين يجي معتازه شي

هزيت راسي بلا اخذت اللفه وهيه طلعت كعدت اكل بيها متعجبه شنو هالحنيه صايره كلش تهتم باكلي يمكن اركان موصيها

كملتها ورجعت تمددت كاعده من الصبح وتعب الطريق رحت بالنوم بدون لافكر حتى

كعدت على حركه يمي فتحت عيوني لكيت اركان امجتف ونايم

اباوعله حتى وهو نايم غاضب ضحكت عود زعلان ماحضني
مديت ايدي مشيتها على لحيته كعد باوعلي كوه فاتح عينه وخر ايدي وانطاني ضهره رد نام

كعدت خليت راسي بركبته بسته دفعني كال لحن تعبان

--احبك

--لحننن اريد انطمر

دنكت بسته من خده دفع راسي حيل واندار ضايج -- رب الحلو حتى بالكرمه ثوله

--ماما كالت ماكو كراما بين الرجال ومرته

--انعل ابو امج   لابو رجلج لحننن الدنيا طالعه من عيني لاتخليني اكوم انعل ابو اهلج واخلص الطيحان الحظ السلگت بي ابو ابوي 

--اسفه

--كومي لحن نامي على فرشت اختج ماريد ادحگ بجهرتج

كمت بسرعه رحت للجربايه وخرت البطانيه وتمددت غطيت راسي احس كلبي وجعني من كثر السمعته

دموعي تنزل خليت راسي بالمخده اكتم بجيتي

اكل اشويه اكول هسه يجي ماينطي كلبه للصبح كاعده وهو ماكو  لمن  رن المنبه

كام دخل للحمام سبح لبس ملابسه وطلع من الغرفه

عرفته بلش بالحرب وياي اتربعت وشهكت بقهر لمن تعبت كمت غسلت وجهي وطلعت من الغرفه نزلت كالعاده الاوجوه مكلوبه لكيت رنو واصله كاعده يم اسماء يگصن ويضحكن

صبحت محد رد دخلت للمطبخ سويت ريوك كعدت اتريگ اجت يمي هناء كعدت كالت شكو شصاير

--ليش

--اركان نزل وجهو يتلاطم كالهم اريد ارد لبيتنا جدتي اعترضت اتكاون وياها وطلع

--ماعرف تعرفين اخلاقه موجديده

دخلت سجى الخاولي على راسها لابسه كلبيه حمره شافت هناء غمزتلها وضحكت بصوت عالي

كمشت ايد هناء باوعتلي

-- لاتضوجين

--لاوعلى شنهو قابل اختى جانت ويه زوجي هه

--والله ميستاهلون دمعه منج عائله كلهم قذرين

--عينج بزلمتج تره قبل اشوي سمعت عمتي ام اركان اتكول لجدتي هذا الشهر اذا ماصر عندو جاهل انوب اردلو سهيله يقسم عدل بينهن

--حتى اتركه وروح اخوي

--وين ترحين هم كالتها جدتي بالقران اتركو وابنج يتسودن  ردت ماعدها مجان هيه امها وكاعده عاله واهلها بعد الصار يذبحولها وبعيدن سهيله من حكها هم زلمتها بعدها زغيره اتريد حكها

--كون صدك اركان ويسويها لواعرف انام بالشارع ماضل ويا اني خايفه من رنو انوب ترجعلي سهيله

--هههههه لاعادي يثلث والله هو يكيف وكدها بي حيل درزن نسوان

--هناء موضايجه اطلعيها بيه ولي عني

--عجل عينج بي وخلج نبه لحد ماتردون من هينه وتخلصون من خالتي ام عامر هيه راس الحيه اليوم عيدها من نزل اركان كالب خلقتو ماعرف شكالت لسهيله وهيه طايره من الصبح

--ولج عرف اني ضامه عليه  وطردني البارحه

--بس تركيلي هالسوالف مال الزعل والطرده تاليتج مجاني كاعده وادحگين زلمتج طالع من غرفت حرمتو الثانيه وهسه اثبتلج هذا هو جه 

انداريت لكيت عمي ابو اركان داخل وهو ويا خال اديه بجيوبه
فاتو كعدو صاح سهيله يولي جاي

ركضت سيهله صبتلهم واجت كعدت يمه  صح مايباوعلها ولامعبرها بس صدك ماطردها مثل كل مره باوعتلي هناء رافعه حاجبها

دخلت بيبي كاملها كمش ايدها كعدها ورد مكانه كالتله اشلونو اخيك

--بخير جده

--شعملت ويه المحامي

--قافل ماخلينه درب مادخنالو ماكو فايده  حصلت محامي  راح يفتح القضيه من جديد

--ان شاء الله خير يجده حسام كبر النوب طلعو وياك وعلمو عالسلاح لاتخلي هيج

--بعدو عضمو طري

--يول صار ازلمه عجل انتم من طلعو حتى شواربكم ماخاطه راح يستغنث الولد طلعو وهم علمو اشلون يگضب الشغل ماضلنا غيرو بعد ماالهتره خذت ولدنا

باوعلي وكال نحصلها  ونرد ولدنا جده  سهيله دشداشتي الرصاصيه غسلها واوتيها بسرعه

--من اعيوني  بس اخذني بدربك اني واسماء انريد للصالون

--هينه اتهيرن  واخذن امي وياجن  لاترحن وحدجن

اباوعلها اتأشرله على عيونها وتضحك

وعمتي ام اركان اتأشرلها عرفتها دتحضرها اله وهو هسه بحجت زعلان راح ياخذها حجه

كمت رجعت لغرفتي دخلت وركعت الباب وراي شمرت حجابي وكفت اكل بضافيري شسوي هسه والله اتركه بس يسويها صدك

اسمع صعدته عالدرج مسحت عيوني فتح الباب دخل شمر مفتاحه والفون مااهتم الي اصلا

ذب تشيرته وراح لفراشه اتمدد كتله اريد اروح للصالون وياهن

--ماكو طلعه

--ليششش هااا ليششش شنو ماخذتي فصليه محبوسه اربعه وعشرين ساعه

--شبيج يولي

--كلشي مابيه مخبله هيج ارركان لالبالك ماعرف شنو ديدور براسك بس وروح بابا لواعرف انام بالشارع هم مااضل وياك

--يبه صوتج اتخبلتي

--هذا الهامك صوتييي اررركان لاتخبلنييي بس استاهل اني حماره ماتبت من اول مره كوووم رجعني لماما يله

--استغفر الله ربي الصبر ياصاحب الصبر

--ماتوديني هسه اني اروح

--كونج صدك وتعلمها بالقران يالحن اكضبج اطلع روحج بيدي انهجبي يولي وبطلي تهترين

اندكت الباب وصوت سماهر كالت شكو

اركان. ماكو شي يخوي اجتها الحاله

--صوتها وصل حدر الشارع جدتي دزتني

كلتلها تردين صوتي ميطلع اخذو اركان طلعووو مناااا ولا والله افضحكم ال

كام ركض سد حلكي

سماهر. طكها يخوي هاي عرمه مثل اختها ماتجي غير بالطگ

هيه كالتها واني من حركت كلبي ضربته  بكل قوتي بصدره صاحات حيييل بعد ايدي ايدك

غمض عيونه وضغط على حلكي نزلت وخر ايده

-- ارتاحيتي وهاي ايدج اذا مديتها انوب اكسرها الج

--ماتكدر بس حجي تتهدد وتضل اتهوس وكلشي ماكو

ضم وجهه فركه ورد  لفراشه نام

احسه يفور كلبي من يتصرف هيج رجعت للجربايه دفرتها كال كملي اخاف اختج تاركه شي صاحي

--محد كاللكم تاخذونه

--زمايل عجل اكو عاگل يسوي اسوايتنا

--اركان اذا خذت سهيله وياك ترجع متلكاني

--اكو بشر يستعجل اخرتو

--قبلها كلتلي وماكتلتني

--حگج يولي من امن العقاب اساء الادب

--يعني مامؤدبه مووووو

--ربي اني جبتها لروحي

--قصدك اتورطت مو اذا ماتكوم هسه اتوديني انتحر وروح بابا كووووم

خله راسه جوه المخده

رحت يمه سحبت المخده ماكدرت اوخرها كامشها حيل

دنكت عضيته من ضهره حيل ماتحرك

رجعت عضيت من زنده هم ماكو اتكول اعض بدوشك

كعدت يمه وبجيت وخر المخده باوعلي

-- كملتي كومي ردي مجانج كملي بجي اريد انطمر

مسحت عيوني قبل لايشيل المخده دنكت عضيته من خده عصر وجهي

--لالالحن بروح اخيج بالقران انفضح

وخرت مسحت حلكي
--مره لخ لاتحلفني بااخوي

--كمي لج لابالقران اهفج دفره اسطرج بالحايط

--بعد ماخاف منك اعرفك بس تحجي وسهيله متاخذها وياك

باوعلي صفح واتجتف انام

دنك بعدني ماعاضته من صدره عصر وجهي وسحبني

-- بت الثوله واكعتلي عض شنهو

راريد احجي ماكدر علكي مجعوص بيده ضربته بمتنه كمش ايده ودنگ عضني من شفتي اريد ارحرر روحي ماكدرت

ايده تتجول على جسمي الي تنزع بيده يشمرها والي تعصي يملخها

رجعلي العضات مضاعفه اصرخ صوتي مكتوم ساد حلكي اضرب مايأثر بي  ماتركني لمن اخذ اليريده وبمزاجه

وخر ينفت نام على ضهره  لفيت روحي باوعلي كالب خلقته بعده
-- كومي يله وبعد لاتجين هينا حتى لااذيج

لفيت روحي بالجرجف وكمت امسح بدموعي للحمام دخلت اباوع لروحي بالمرايه املخني وفوكاها بعده ابو الراهي

شمرت الجرجف سبحت عالسريع ماجايبه ملابس باعت الخاولي خطرت بالي العب على اعصابه  اريد اشوف اشكد يضل زعلان 

لفيت المنشفه على جسمي طلعت  لكيته نايم
اخذت المشط ورحت يمه كعدت هزيته من صدره فتح عيونه اشر شكو

--كوم مشطلي

--حلفي

--والنبي

--لحن كوه كاضب روحي عنج يولي عش اطگج واذيج

--بطني توجعني ماكدر امشط يلا هسه شنو اكوم اروح لببيبي

--عتبي الباب ودحكي اليصيرلج

--اهوو رد يتهدد بابا والله بعد ماخاف اشبيك

ياكل بشفته وباوعلي بقله صبر

ضحكت ماسيطرت على روحي اخذ نفس واتجتف غمض عيونه

دنكت بسته بخده دار وجهه

بسته من خده الثاني فتح عيونه
اخذت شفته بسنوني كمش وجهي بجفوف اديه  وخرني
-- باين  ماتنهدين

--احبك والله

--واني بطلت احبج كومي

برطمت وخرت اديه ردت اكوم كمشني كال نامي هينا

--لاانام بفرشت اختي

--الجو بارد موتكولين بطنج توجعج

--مو زعلان

--والزعلان يراضو لو يتركو يطخ راسو بالحايط

--يله لعد  اعتذرلي

--يولي الدنيا بالمكلوب تشتغل يمج لو شنهو اااخ لو بس اكضب هالثول الي براسج

اتثاوبت وتمغطت دكيت صدري وخرت ايده اريد اكوم جرني لحضنه غطاني

دخلت راسي بصدره باسني واخذ نفس طويل

--موزعلان ليش تبوسني

--يولي بالقران اعز من هلي عندي بس لاتستغلين هالشي

--ماسويت شي

--عجل ابوي الي يتجاوز واليطگ

وخرت راسي باوعتله
--انت تحرك كلبي تعاملني اتكول طفله ماافتهم

--عجل العملتي مال وحده تفتهم تطفرين وتغلطين وروح اخوي كوه اگضب روحي لااذيج

--اسفه بعد مااحجي وياك

--يبه ماكتلج لاتحجين عملي التردي وكولي اليطلع من كلبج لاتكتمين بس داخل الغرفه بينه موش جدام هلي تفضحيني

كمشت وجهه بسته من شفته همست احبك

--مارايد حبج نعل ابو اصلي وذل جدي بكبرو

--لعد ليش جاعصني بحضنك هيج ومن اعصب وعضك  كول تتجاوزين

اندار عليه اخذ شفتي بالبدايه ماراد يضغط خاف ماراغبته بس من شافني تجاوبت ويا اجاني بلهفه مايدري اني مشتاقتله اكثر ماهو رايدني---

خاله راسي بحضنه نايمه احس بطني وجعتني حيل لميت روحي
--شبيج يولي

--بطني

--اخاف اكلج بيه ولابيج وتطلع ذيج الشغله

ضحكت

عصرني بحضنه كال اندارلج فدوه  جعل محد يضحك غير

--اركان بطني دتتملخ

--اخاف اذيتج يولي

--لابس ضجت

--ماعاش اليضوجج

--صدك راح ترجع سهيله

--يابه شنهو خبل عمر كضتو تزنح وراي ماكلبتها من صرتي بحضني وطمست  لجهامتي بالعشگ ترديني ادحگ بجهرتها

--بطني ارركان حموووت

كام عاكد حاجبه كال صدك تحجين

مارديت عصرت بطني لان احسها تتملخ وشي نزل عليه عالسريع

وخر الغطه وباعلي متفاجئ كعدت واشوف روحي فايضه بالدم  خوف والم وشكل الدم افترت الدنيا ورحت مادري

فتحت عيوني بالمستشفى وهو واكف يمي كامش ايدي بس عيونه حمر وتعبان

جانت عمتي واكفه تحجي وياها الدكتوره واسمعها اتكلها نص ساعه اذا ماتوقف النزف نضطر نقلع الرحم----

***ناي***

غسق. شنو الخطوه الجايه نانوو

--لو سمحتي تلميذه المحامي علاء الدين

--هسه عجبتيني   احب لعب الاكبار بس اكو مشكله

--شنو احجي

--هذا مايشغل ويا بس الروس الاكبار وصاحبين الخبره موطالبه  وماعدها حتى اسم عائله وانوب رجلها واحد من اشد اعدائه

--ذني كلهن سهلات يمي ماراح يعرف عني اي شي لان ماكو اي اثبات غيث زوجي وادخله بجميع الطرق ماافوت حاله اذا ماخلاني جوه ايده اتعلم بس رادلي تعب

--ناي تعرفين وره الراح تسوي شنو

--راح يطلكني واحتمال ياخذون اطفالي

--مستعده لهل شي

--لاماراح اسمحلهم ولااخليهم يندلون مكاني لحد مااوكف على رجليه واكدر اواجهم بنفس القوه

--بس راح يطلگج

نزلت دموعي همست اتمنى اخذه لحضني ولو دقيقه مواكثر وراها يسوي اليريده

-- كملي البديتي ديري بالج تتنازلين عن حلمج والله راح تندمين درسي اشكد ماتكدرين اوكفي على رجليج حتى اتكونين بقوته

--خليج وياي

--وياج والله عمري كله عشت بحسرت الاخت بس من شفتج حسيت ربي عوضني بيج

--معتازتج بحياتي

--راح تلكين ايدي قبل ايدج بس انتظريني ماضل شي وجايتج   كون ارجع الكاج مستقبلتني بالمطار بكامل اناقتج والزي القانوني واكفه وكفتج المعتاده

--راح اصير وراح اثبت للكل وقبلهم غيث الي جان حاسبني ضعيفه راح اخذ حقي كدام عينه واثبلته المراة هيه امرأة بقوتها  عمر الرجال ماكان سند ولامثال للقوه  

--ديري بالج منهم لايلكفوج اشلون راح تكون طلعتج

--احاول انتساب  وجازات مرضيه خط ومااختلط بأاحد على كد المحاضرات

--كوني حذره ناي

--ماراح اضهر نفسي ولااتواصل ويه احد حتى لحن راح اگطع وياها لحد مااشوف روحي صدك وكفت واكدر اتلاوه ويه الوكت وشرط اغلبه

--وغيث

--كل ليله راح اسولف ويا بحلمي راح احضن خياله واتغزل بأسمه واشكيله تعب اطفاله شوگي ولهفتي لحضنه

--راح يتحمل فكدج كل هالسنين

-- هو الجبرني اسوي هيج اشكد اترجيته حتى يگلي منو همه ليالي واني انام بحضنه ويشوف دمعتي ماحركت ساكن بي جنت مستعده اتنازل عن اغلى شي مقابل كلمه وحده منه

--مستعده اتلطخين ايدج بالدم وتصيرين مثله

--راح اخذ كلشي بالقانون وارد كل دمعه نزلت منه ارد ضحكت عاشق وكفت بابا بالباب ارد حضن ماما الجانت اتلمنه بي وكت العصر ارد حلم لحن وهيه تركض للمدرسه وتباوع للمعلمه بشغف  وتغمض تتخيل روحها مكانها 

--اشلون راح دبريها بين اطفالج وشغلج والدراسه

--بليل اطبخ للعالم والفجر احضر امور اطفالي والعصر ادرس وعمتي متقصر وياي ايدها ويه ايدي

--راح تعبين

--ماعرفت الراحه حتى احس بالتعب

--امج اشلون راح تركيها

--مرتين خبرتها رفضت حتى تحجي وياي شرطها ارجع اطفالهم واجي اعيش وياها وذني الشرطين ماكدر انفذهن

--ناي قطعي الاتصال وياها ديري  بالج تره دليهم مكانج امج ضعيفه و اذا كمشج غيث مايرحمج صارن هواي عليج

--ماراح يلكي ناي نفسها  راح يشوف كدامه
المحاميه  ناي ارزيد الالجي

--جايتج  راح نكمل سوه

--غسق

--ها يعمري

--غمضي وياي دنفتح واني واكفه بالمحكمه بيدي قضيه عاشق

--هههههه وهاي غمضت ---------

فتحت عيوني  ونداريت لغسق كامشه ايدي وتباوعلي ضحكت اشرت يله شلت راسي  شمرنه القبعات 

--وهاي اخر ساعات النه بالكابوس يااستاذه ناي

اشرت اي ونزلت دموعي

--اليوم راح تلتقين بي ناي انتظرتي وحلمتي هواي لخاطر هالحظه ديري بالج تضيعيها

--داارجف

--مايشغل ضعفاء ناي مستقبلج وثارج كله يحدده هذا اليوم اي غلطه اتضيعين كل التعب والسهر راح تنمحي احلامج بثواني

--لخاطر هالحظه بعدت عن اعز ناسي كتمت وجع بداخلي ليالي مانامهن من كثر مالدموع تحرگ عيوني  كل مااشتاق الاحد اعض ايدي لمن يطلع دمها حتى  لااضعف وافتح الفون

--وهسه شنو ياام عاشق

--هسه ادخل رافعه راسي كدرت احقق جزء من حلمي  ماضل عندي بس اخذ حقهم بهاي ايدي واوكف كدام الكل اكلهم اني اخت عاشق الي الكل داسها وستهان بيها

-- يله ياخت عاشق خلي ندخل  العالم التمت لاواحد يطلع عرف ويضيع تعب كل هالسنين وبدل ماتاخذين حقج ياخذو منج

اشرت اي غمضت اخذت نفس كمشت ايدها دخلنه للجامعه بعد ماجنت امشي مطويه على نفسي خايفه لااحد يكمشني

هسه امشي رافعه راسي مفتخره بنفسي ٤سنوات  على التوالي جبتها بتعب وسهر ماجان عندي معين غير ربي واحلامي الواسعه

دخلنه للقاعه   كعدنه غسق خلال هالسنوات ملازمتني واكفتلي اكثر من اخت او صديقه احسها الشخصيه التكملني

جنت گاطعه ويه الدنيا كلها بس وياها كل ماتحس بديت افقد وانحني تسندني

اباوعلها اشلون تتشاقه ويه زميلنا واضحك كياته وجمال والكل يتمناها بس التتمناه مويمها بغير عالم

فززني من صفنتي بشمرت  بطل مي  كمشته درت وجهي لكيت ايهم اشر وين صافنه

--ماصافنه بس داباوع للعاقله اشلون بهذلت الولد

--يستاهل هو جايبها لروحه ليش تاركات الحفله وجايات هنا

--تعبنه وهوسه تعرف هذا موجونه كافي شمرنه الكاسكيته

--كاسكيته؟

--ابكيفي بمزاجي عندك اعتراض

رفع اديه اشر لا

--عفيه هيج اريدك دوم

-- ولايهمج ولاتضوجين روحج ست ناي اعرفج ماتحبين الاختلاط لذاك عازمج على مكان هادء راح يعجبج

--ايهم يمكن هاي المره الالف تطلب هالشي ونعتذر والله كمت اشيل هم  حتى اباوع بوجهك اخاف اتكرر الطلب واخجل اردك

-- ليش هيج معزوله خلصت السنين واحنه مانعرف غير اسمج

--اني انسانه معقده  انعزاليه ليش متريد اتصدك

--تمام على راحتج باجر  ذو الفقار كال اخذكم للمحكمه عنده محامي شاطر يعرفنه عليه تجين 

--ماروح وياكم عندي شغل اكمله واروح وحدي مناك

--يعني مارحتي بس لوتبطلين جذب احنه بخير

--ليش ماخذين عني نضره اجذب تره اني اصدق وحده بالجامعه اصلا يسموني الصادقه بس غير اني ومااحجي

--روحي قنعي السعداوي بهذا الشي البارحه اكد كال اول وحده ناي اريد اشوفها كدامي بالمحكمه

--اصلا راح يلكاني منتظرته بالباب واصله قبله

--صدكت بالمناسبه العميد دز عليج كال وصلت اوراقج يم دكتور ذوالفقار

--لابربك اشوكت

بعده يحجي وطفرت السول وطلعت اركض لغرفه العماده وصلت قريب من السرعه مالحگ اوكف دست ابريك شحطت وانردم بالدكتور كمشني كال ديربالك بنتي

--استاذ دفعوني ترضاها

--هههههه لاماارضاها بس اكو معلومه لازم تعرفيها

--شنو دكتور

--انتي محاميه وهالشغله تطلب اول شي الصدگ

--افا استاذ الصدگ لعبتي

--والنزاهه

--ملعبي

--لاحول الله دخلي بنتي انتي اجابج للقانون

--معدلي

--على هذا وضعج وسلوكج ماراح تحصلين حتى مكتب يشغلج

--انتظر شهر بسسس شهر وراح اتشوف ناي العاقله الراكزه الي تفتخر اتكول هاي طالبتي

--ولو مامصدك بس دنشوف

--فدوه حجيتلي ويه المحامي علاء يشغلني يمه

--حاجيته ومدحتله باخلاقج كلش هواي بس اعتذر مني كال ماكدر اشغل وحده مبتدئه

--بس كم شهر ادرب يمه

-- هم كلتله مارضه

--استاذ طلبتك فدوه لخاطري ارجع حاجي بس حتى لشهرين جوه ايده والله ماراح يسمعلي صوت واي غلطه لوماعجبته وعد اتركه قبل لايطلب مني هالشي 

--هاي ثاني مره احجي ويا ويعتذر دتحرجيني ياعيني

--انت الوحيد الي تعرف قصتي ومن من اول مرحله وانتي تساعدني وتدعمني ماراح انسالك هالمعروف ابد كملها وياي

--لخاطر هالعيون  راح اخبره بس هاي اخر محاوله ويا اذا رفض انتهت

--تمام بعد مااطلب منك وين اوراقي

--عالمكتب ضلن باجر  عالمحكمه كالولج زملائج اكو محامي شاطر زميلي رشحتله كم طالب من ضمنهم انتي حتى  يتعرف عليكم ويختار كم واحد يدربهم يمه

-- اول وحده تلكيني واصله قبلك منتظرتك يم القضاة ارحب بيك

هز راسه وراح عرفني اجذب اشكد بطران ادخل للمحكمه غير يلكفوني جماعة الغثيث ويسحلنوني سحل لبدعه

دخلت اخذت اوراقي وطلعت رجعت  دخلت  لكيت  غسق يم الباب واكفه ضربتها على ضهرها
-- شكاعده اتسوين

--باوعي هالكيكه الواكف وراج  ديعدل بشعره

--اشتعلت امه ولج اول مره اشوفه شنو مرحله اولى

--لاولج دباعي العضلات والجسم ياويلى شعره وحده قضيه

--عزه بعين امه  لمعت وجهه انظف من حياتي

--ناي اريده

--واني حبيته

احنه مستمرات نتغزل وهو رفع حاجبه باوعلنه غمز اشرلنه  وراح

وحده باوعت للثانيه

-- لاتكولين جان صوتنا عالي 

--ماريد اصدمج بس احنه من كثر الجفاف دنحجي فيس توفس

--دومج مفشلتنا وكاسره وجهنه وين انروح بعد هالفشله

--اني راح اطلع مارد غير وكت الامتحانات   وهم اجي ملثمه

--حصلتي اوراقج

--اي والبطران يريدني اجي للمحكمه ويا ميدري للجامعه اجي بالختلات اتكول محقق كونان

--نطلع هسه

--اي نروح  للمكتب مال المصباح السحري علاء الدين نقراله  اليتيمه بلكي يقبل

ايهم . ها بنات طالعات

--اي فدوه ايهم  لاتنسى اسحب التصوير  ودزه خاص

-- بس اريد اعرف  ليش دوم خاتلات ماتختلطن

--بينه توحد وغسق عدها حساسيه من اتشوف ناس هواي تجيها حاله صرع

--تمام راح  اسحب التصوير وادزه لغسق عود حولي لجهازج قبل لاتحجين ادري بي توحد مايتقبل رقم غير رقم غسق

--عجبتني يااخي اشكد اكلهم ايهم يفتهم محد يصدكني

--شكرا من ذوقج ناي منا وتنتهي معرفتي بيجن وانعل يومي اذا شفتجن بالشارع وسلمت

-- ههه ماتسويها  يلا باي

طلعنه  اخذنه  تكسي للمكتب والطريق كله نندعي  الله يهدي

مانندله بس من كد مامعروف ابو التكسي اول ماكلتله اسمه كال صعدن وصلنه باب المكتب

تحاسبت نزلنه وكفت كدام المكتب طابقين جبير مضلل اكو سكيورتي بالباب  كالت هذا المكتب ناي

--اي ولج دشوفي اشلون ضخم

--هذا راح يرضه يشغل اثنين مهتلفات مثلنا

--انتي اقري ونفخي بوجهه واني احجي واتوسل حتى مستعده ابجي يله لج قبل لايطلع خلي ندخل

رحنه يم السكيورتي  كال اتفضلي

--المحامي علاء الدين

--نعم هذا مكتبه

--عندي قضيه اريد التقي بي

--عندج موعد

--اي دزني الدكتور ذلفقار زميله

--بس اخبره ممكن تنتظرين بلا زحمه

اشرت اي دخل يريد يخبر دخلنه ورا كال بس انتظرن بره

-- شمس حاره منكدر نوكف بلا زحمه عليك  خبره بسرعه

ماعجبه الوضع بس شال التلفون خبر الجوه كالوله عنده شغل مافارغ

اندار كال اعتذر

--شنو تعتذر

--ممكن تتفضلن تجن بغير موعد

همست غسق ناي اذا طلعنه منا بعد محد يدخلنه

--خليج وراي وسوي مثلي ماكو غيرها

السكيورتي. اختي ممكن تتفضلين ورجاءً لاترجعين اذا مايكون عندج موعد

--مااطلع اذا ماالتقي بي

--ممنوع راح اتحاسب اني طلعي راجاءً

--مااخلي يحاسبك واذا مديت ايدك ولمستني اشتكي عليك

--اختتي اتفضلي وياي لااصيح الامن يطلعوج

--سويها اذا انت رجال داشوف

هو يصيح واني ارد  وغسق شاركت اصوتنا طلعت سوينه

كامو المحامين الي بالمكاتب اجو  يسالون شكو صارت هوسه وهو مصر اطلع سحبني دفعته وصرخت نزل استاذ علاء من فوك  كال شكو

--استاذ هاي دخلت ماعرفها شتريد ومصره تلتقي بحضرتك اتكول جايته من طرف زميله

--منو انتي بابا

عدلت قميصي راحت يمه مديت ايدي كلتله المحاميه ناي ارزيد

اتصافح كال اهلا وسهلا

--من طرف الدكتور ذولفقار

--اي حجه وياي البارحه بس يمكن وضحتله الامر

--لاتكفه استاذ مارايده شي بس اكون تلميذتك واتعلم من خبرتك

--اسف بابا لاعندي وقت وفارغ لهيج شغل ولااشغل وياي متدربين

--مااشتغل والله بس اتعلم الله يخليك

--شنو هالاسلوب انتي محاميه المفروض يكون طريقه كلامج باسلوب ارقى موتوسل وتفرضين نفسج بالكوه

--راح افوتها الك

--نعم

ابتسمت همست اسفه

--يلا بابا اذا ممكن ترحين عدهم شغل لاتعطلين الكادر

--هاي طرده يعني

--مثل ماتسميها ابني اخذها منا

كالها دخل مانطاني مجال حتى احجي اجه السكيورتي راد يكمشني وخرت ايدي طلعت وحدي

اجت وراي غسق كالت حتى بعدني مامكمله الايه وانفخها طردنا

--لباله راح افوت حاله اشكد بطران ولك صار سنين ادرس مثل الفاره خاتله بالجحر اطلع بالختلات لخاطرك

--شنسوي هسه اخبر الدكتور بلكي يحاجي لواخبر بابا

--لاابوج بعدي راح يفضحني مايعرف يجذب والثاني انتظري اخر محاوله من نيأس نتصل بي يتوسطلنه تعالي نكعد هنا

رحنه كعدنه  بالباب خليت اوراقي مرت الساعه والثانيه  وهو ماكو

خبرت عمتي امنت عالجهال وسديته  ضلينه للضهر لمن طلع كمت صرت بوجهه وكف متفاجاه كال هم انتي

--شوف استاذ خلي اكلك من الاخير اتكول ماعندج اسلوب اتكول حجي مال شوارع ماكو ثقافه ميهمني اني يااشتغل وياك

--اي

--ياوياك

--ههههه وليش اله وياي تره اكو هواي محامين وشطار

--اني احبك الك

--نعم

--لايعني احب شخصيتك والله درست بضرف كلش صعبه وسهرت ليالي وتعبت تعب مامار على بشر  بس حتى اكون تلميذتك

--الدراسه والتفوق لحضرتج راح يفيدنج وينقلن مستقبلج للاحسن

--مارايده شي بس شغلني وياك احسبني بتك الله يخليك

--اسف بابا والله يوفقج بحياتج من رخصتج عندي شغل اتاخرت ابتعدي عن طريقي

راح للسياره صعد شغلها الشوفير اخذه وراح

غسق. وهاي الطرده الثانيه نانو الثالثه يخبر الشرطه علينه

--والله لو يرمينا بارود ماتركه  غير صار اسنين منتظره هاليوم
هه لباله اتنازل بهالسهوله  غير انت هدفي

--نرجع تره  حتى وقت الدوام خلص هسه بابا يشك وبيه ويعرف مجذبه عليه بخصوص التخرج

--يلا نرجع اخذي تكسي واني منا

--بعدج ماتثقين بيه وادليني بيتج

--لا والله مومااثق ولج انتي تعرفين اسراري اكثر من امي واختي بس اخاف انلكف لازم اخذ حتياطي تعرفين انزل بغير منطقه ولازم اتأكد واخذ سيارة ثانيه هيج راح تتاخرين

--داتشاقه وياج يله عمري صدك راح اخبر ايهم اخذ الصور ودزهن الج 

اخذنه كل وحده  تكسي رديت  للبيت نزلت عالشارع مثل كل يوم حتى اتاكد اخاف احد ملاحقني لو انعرف عايشه معانات موحياة

رجعت مشي بين الافرع كل ثانيه التفت الحمد الله ماكو مبين ايسو مني بعد مايدوروني او عالاكثر بعد الاحداث مال العراق انتقلو للجنوب

وصلت للفرع واشوف عركه ضميت وجهي عاشق عاشق

مسحت وجهي ورحت دخلت بنص الزعاطيط والكي نايم على طفل يعض بي جريته من اذانه كومته كمشها وكام  يطفر
-- اخر مره والله

--عاشق راح اشرد تعرف شنو اشرد ولك ارحمنيييي اهجب مثل باقي البشر

--يولي هو الي اتكاون وياي

--اشتعل ابوك كلتلك لاتطلع لولا

--جدتي طلعت ماكو احد بالبيت اخاف  عجل اضل وحدي ترضيها؟  ناااااي اذاني

دفعته كومت الطفل بسته

-- حبيبي اذا اتعارك وياك مره ثانه فشخه

--خاله ضربني وضرب اخوي

--اخوث نص متر كتلك انت واخوك ولك حجي مايحجي عدل ماتكدرله صدك تحجي

--شوفي خاله ضرب اخوي ابراسه طابوكه طلع دمه

--هسه اعلكه بالبنكه بس لاتكول لامك شيخلصنه من لسانها كول وكعت سمعت حباب

--والله اكلها

عاشق.  اذا انت سبع احجي وعمه الساده اگضبك افلع راسك

كمت اشرتله تعال وهو طفر دكها ركضه للبيت بكد ماحارك كلبي بكد ماكدر اضم ضحكتي

منو يصدك طفل بهيج  عمر وشايل هيج شيطنه 

رحت للبيت دخلت لكيت هيا تلعب بملاعيبها وعلي يمها يوكلها

ابن الكلب يكول محد بالبيت

شافوني اجو يركضون كعدت حضنتهم وهاي احلى فقره من ارد تعب يومي كله يروح من اتربع ويجون بحضني

بست علاوي كلتله زعلانه منك

--عش ماما بالقران ماطلعت

--موكلتلك انت اخوهم الجبير واذا واحد طلع لو سوه وكاحه بسطه

--ماما عاشق ماكدرلو حتى جدتي كالت عوفه خلو يطلع مانريدو بالبيت

--هيااا سوت وكاحه

--لالا هيا حبابه لاتطگيها هو الكلاص وكع وحدو

كمشت وجهه وهيا  تباوعلي برائه ماخذه بس العيون مني الباقي كلها لحن شفت عيونها لمعن دنكت بستها ضحكت يربي حتى ثولها نفسه

وخرتها وبست علاوي كمت رحت لعمتي الحاضنه عاشق عن لاابسطه كالت ها يمه ازهبلج الزاد

--لااني رايحه للمطبخ بس هذا اذا شفته طالع بالشارع احركه

--ياع يمته طلع استوه ماصار ثانيه شعدج ويا نهارج كلو بس تتكاونين فكي عنو

--عمه تره الجوارين كلها تشكي مفشلنه ماخالي عين احجي ويه احد

--يجذبون صوتو مايطلع يمه فقير وليدي دحگي اشلون خايف بعد رويحتي كوم يجده مظلوم انت من يومك

--ضلي ضلي صيحي مظلوم ودافعي لمن يشمرونه بره المنطقه بسبب ابن الكلب

--نايو كضبي لسانج لابترو من اصلو وتركي الجاهل حاطه كونج ويا وطلعين تعب الوكت بي

--عمه تره صار بكد البعير ياجاهل تره كلش مزودتها انتي بعد محد يكدر يحاجي هذا بعد سنه اذا ضل على هاي الوضعيه انوب اليسلم عليه يرد بتفله

--غير ابنكم عجل عليمن يطلع انكلعيي لج ام  وجه المزروف  لاتحسدي

هزيت ايدي اعرفها اتفر الحجي حتى لاضربه ماراح يفيد اتعب روحي لاعاشق يعقل ولاجدته تقنع هو شيطان

رحت غيرت ملابسي صبيت الاكل اجو يمي كعدو اكل واوكلهم اباوعلهم كل واحد شكل

عاشق رغم عيونه وغمازته الي بس ضخامه ابو اليشوفه ميكول هذا عمره متروس وضخم يباوعلي احط الكمه بحلكه يباوعلي صفح بس ميكدر يحجي يخاف اكتله

على مواقل منه  مبين التوم مالته رغم اكبر بس طبيعي لان عاشق اضخم من الازم بس علاوي اسمين وابيض على امه حتى حنيته ماياكل اذا مايوكل هيا الي كاعده خانسه تتصفن مضيعه جمالها بثولها جنها خالتها

اووف ياخالتها اشكد مشتاقه لصوتها صار اشكد مامخابرتني اكيد ماعدها مجال هم ضيمها هاي ماينحجي

كملت اكل فتحت التلفزيون كعدو بس عاشق يحوص شلت من امتونه كعدته يمهم كلتله نفس اعدمك

اشر اي وهو يباوعلي  بنظرة  ذكرتني بأبو

رجعت دمغته فركها وتمدد خله اديه جوه راسه وباع وياهم اعرفه يريد يامني بس اطلع يسويلي مصيبه بس كلت بلكي ربي هداه

شلت الصنيه غسلت الاماعين جبت غراض الاكل حتى الف كبه للعالم

دخلت ومثل ماتوقعت متشلبي عالفراش ويشامر اخوته بالمخاد خليت الغراض وطلعت جبت عود دخلت وهو كام يصيح جدددده موتتني لحكيني

دخلت عمتي تركض وكفت صافنه نزلته اتبوس بي هو يبجي وهيه تدعي عليه

--عمه وروح اهلي ماوصلتله

--انجعلج بالكسر يالمتخافين ربج

--يله بالله اشلون اتقنعيها ديجذب

--يالمصگوعه جاهل وين يعرف الجذب بس كولي اني مسودنه وماخاف ربي اكلج اي

--حلو لعد خلي بحضنج وين مالكفه اصلخه

--حتى اروح لغيث للسجن اكله اخلي يدز جماعه يسحلوج

--اشتعل غييث لاتجيبن طاريه عمه بروح اهلج

--عجل فوتي حال الجاهل

شمرت العوده فوك تعبي ارد اكابل هالشكو

--سمعتج يالهتره هالشكول تسوه وجهج المزروف

--على فكره تره هو هم وجه مزروف

--بعد جدته لايكتلو جنه فلكه كمر ضاوي ربي يحرسو من عيون البشر انعجل يعثر كل عدوينو

كعدت جريت الصينيه والمواد اكبكب وهيه نزلت عاشق من حضنها وبدت تكفل وتصفك وهو يطفر فرحان

ضحكت على منظرهم هالكد مامتعلق بيها حتى لهجته وكلامه صايره مثلها او هيه جانت متعمده اتخلي مثل ابو  نسخه الاصل 

جانت اتشوف روحه بي احسها اتريد اتعوض فقدانه وايامها ويا حتى طريقه كلامه وحلفانه علمته نفس الطريقه صنعت منه غيث ثاني

اكبكب واباوع اشلون اتلعمهم هو وعلي يركصون جوبي وهيا عباره عن لعابه بشعراتها الصفر

كامت اجت كعدت يمي بستها من راسها كالت ماما اريد لعابه متل ييو

--اجيبلج بس ابيع ذني ادز افلوسهن لبيبي والورا النه  اجيبلج التردي

--بعد اريد توب

--وينك غيث تجي اتشوف بتك نفسها بشنو وماكدر اجيبلها

عمه. ماكملتي يمه

--بس هالصنيه بقت والف الدولمه

--ييمه اتعبين راح تسگطين گبل وقتج

--لعد شسوي خطيه ماما هسه منتظرتني ادزلها افلوس اكيد خلصن وادري بيها اتحس روحها ثگيله على الناس اذا ماشاركت بالمصرف

--موش رجل لحن جان يساعدها عش يبستي راسج وكلتيلها لاتاخذ

--مامعتازين احد ماطول عدها بنات مااخلها اتذل روحها وتمد ايدها لاحد

--هم بتها ذيج المفروض تساعدها

--ذيج خلي تساعد نفسها كافي الذل العايشه بي ومتحمله تعرفين عمه من جنت عايشه مثلها يم غيث واحس روحي ماعندي اهل ولازم اتقبل كل الاسمعه واسكت بس لانو ماعندي احد اشكيله شجنت احس

--الله كريم يمه ربي يفتحها بوجهج ويرزقج  وتاخذين بيت جبير واتلمين اهلج بي ويصيرلكم اهل وعزوه

--اندعيلي عمه تعبت واني افكر بيهن واعرفهن ثنينهن عايشات بهضم كل وحده كاتمه بروحها لان تعرف ماعدها مكان تروحله

علي. ماما

--ها يروحي

--اريد طوبه

--لعد وين طوبتك

--عاشق شكها

--الله يشگ  راسه مكسور الركبه اول البارحه اشتريتها منين اجيبب

عمتي. فدوه الو اني اجيب بس انكتمي صوتج خوفتي الولد  غدي من شكولج

علي. ماما افتن على عاشق يجذب عالناس

عمه. العرك دساس يجده شجذب يمته طلع

--جده كال لحمود اذا طگيتني انده ابوي يفشگ راسك كله انت ماعندك ابو اتجذب كله لاعندي يوميه يجي بس انت متشوفه

باوعت لعاشق لمعت عيونه شمرت البيدي وكمت لباله راح اكتله بجه شلته حضنته طلعت بره ابوس بي

--الرجال ميبجي لعد موتكول اني رجال واني السبع وين هالحجي

--اريد ابو كلهم عدهم بس احنه

--انت هم عندك بس مسافر

--عش تركنه

--حتى يجيبلنا افلوس نعيش بيهن وبعدين انت متعتاز ابو حتى تخوفهم بي انت سبع تاخذ حقك بيدك

--هو ابو يطگني ماكدرلو

--انعل ابو ليش ماتكلي لاتبجي يعمري لعد وين ابني الجبير والمتباهيه بي وتاركه اخوته يمه حتى يحميهم هيج تبجي

--ماابجي بعد

--عفيه بالسبع شوف هاي اني كدامك ماعندي ابو هم شفتني ابجي لو اخاف اريدك مثلي

--اني مثلج  قوي دحگي حتى عيوني

--هههه وغمازتك الله يلعنك غيث هالكد ماتنمرت عليه طلعو جهالك ثنينهم مثلي

يباوعلي مافاهم شي حضنته حيل لوتعرف منو ابوك موبس تتباهه لاماتخلي رجليك بالكاع

بسته ونزلته كمشت ايده دخلت للغرفه لكيت عمتي تبجي

--ها عمه سكت حفيدج على شنو تبجين

--ماابجي تعال يروح جدتج انوب اليطگج اكاومو

--الله يلعنك غيث لابوجود مرتاحين لابغيابك مرتاحين

ركضلها عاشق شبكته مسحت ادموعها كالت يله كملي مرتين ابو الاسواق دز عالكبه

--كملت ماضل شي عمه جيبي الطلب  مال ام سعد اريد اشتري ملابس زينه لان راح اشتغل يم واحد كشخه مترهم ملابسي ذني والله اليوم طردني

--سوده بوجهي يعمه انجعلو بالغم والهم يطردج مال المرض ويكسر خاطرج ربي لايوفقو باجر تطلعين تشترين الي ابنفسج انعل ابو شاربو المايستحي يكسر جاهله

--عمه على هذا دعاىج مايصبح عليه صبح

--انجعلو بالكبر بجاه محمد عجل هذا هم بشر كسر كلبج يعمه

--ههههه تره مااضوج عادي

--لاتهتمين بعد عمتج  كضبي هذا
كالتها ونزعت محبسها شمرته بحضني قبل لااحجي كال بروح اخيج لاترديني

--ياعمه صدك تحجين لوادري ماحاجيه

--عجل المن تحجين وتشكين اذا الي ماتكولين
يمه الم رايدتو غير الكم وهذا جه وكتو

--لاعمه فدوه والله مومعتازه هواي بس ردت بنطلون وقميص

--ناي بالقران لساني مايخاطب لسانج ليوم الدين اذا فشلتيني وردتي تاخذي وباجر تبيعي وامانه بداعت جهالج ماتردين ولادينار اشتري الي ابنفسج

--عمه والله راح ابجي

--ميحتاج يعمه اعرفن ادموعج جذب كملي البيدج تاودي

عفست وجهي غمتني وردت تصفك وتغنيلهم وهمه يركصون جوبي

ربي اخذ الحنيه من كلب امي عوضني بحضن ادفه واحن

رجعت اكمل شغلي كملت الكبه سلفنتها كمت غسلت الملابس نظفت البيت

لكيت غسق دازتلي الصور وكم محاضره فايتتني  كعدت اقره طبعا ماكو قرائه متواصله بوجود عاشق الدره مال الله بس ماكدر ابسطه بعد ماشفت دمعته عرفت وكاحته اثر شي بكله ضامه

اباوعله واضحك والله وكبر عاشق وكام يسال عن ابوه ويداعي بعائله

بطلاع الروح كملت  عشيتهم ونيمتهم شمرت روحي بالفراش مثل الميته

كمشت مداليتي ماضل شي هانت يخوي لواعرف اذل نفسي مواتوسل بالمحامي هم ارضاها بس لخاطرك

بستها ونمت كعدت على عمتي وهيه تندسني اشرت اشش

كمت فركت عيوني

--كومي طر الفجر

--هسه كايمه بعدها بالاربعه عمه

--هم يالله ماتلحكين جهزي الحشوه والتمن وغسلي ورگ العنب حتى من اتردين اتلفيهن

اشرت اي وكمت للمطبخ النعسه بعيوني بس من اشوف الجهال نايمه ولازم احصل افلوس حتى اكدر اعيشهم انسى النوم بكبره

كملت الحشوه بسرعه وعيني بالساعه اخاف اتاخر

هدرت التمن وركضت غيرت ملابسي عدل وجهي اشويه مكياج خفيف اشرت لعمتي عالاكل حتى لاتغفل طلعت ركض اجرت تكسي  وعلى طول الطريق فاتحه اتصال ويه غسق ادليني لمن وصلت لبيت  المحامي

رفعت ساعتي لكيتها سبعه اله الحمد الله اتحاسبت ونزلت رحت يم باب الحديقه لكيتها  كاعده كدامي اشرت صباحو

هزت راسها وغمضت اثنينه نعسانات كعدت يمها خليت راسي على متنها 

فتحت فوني اراجع القريته لمن سمعت الباب انفتحت كمت وكفت لكيته يريد يصعد سيارته باوعلي اشر شكو

--صباحوو استاذ

--هلا بابا شجابج من الصبح

--لااحنه  بايتين من البارحه هنا

--هههههه استغفر الله بنتي تره اكو هواي محامين وذو كفاءة عاليه

--ماجذب عليك اذا مااستقبلتني بمكتبك حتى الجامعه اتركها  ماريدها

--ليش بنتي طالبه متميزه ودرجاتج كلها عاليه متفوقه بين زملائج شنو اليخليج تحجين هيج

--حلمي اشتغل عندك ودرست خارجي بس حتى احقق حلمي وهاي صار كم سنه اليل مانامه  كلها  دراسه بس حتى تقبل بيه تالي لمن وصلت للنهايه  اتكلي لا بعد عليمن مكمله

--تمام عجبني طموحج

--راح اتشغلني عندك

--لاراح انطيج اسم زميل الي نفس الكفاءة

--مااريد اريدك انت تكفي حتى لو بس هالشهر  اتعلم  بين ماامتحن  والله بدون لاتكلي اروح فدوه استاذ طلبتك لاتردني

--واذا ماوافقت

--راح اضل كل يوم ابات بالباب وبالنهار بمكتبك ماتخلص لمن تشمر عليه تهمه وتسجني

غسق.  استاذ والله اني منك مااسكت خبر الشرطه تره هذا تعدي على راحه المواطن ويسبب ازعاج

--شاطره لعد شكو ضالات

غسق.  حتى تقبل ندخل مكتبك كلشي منريد بس خبره

--شوف استاذ من الاخير لوتشغلني وياك لو تسجني ماعندك غيرهن وطبعا متاكده الثانيه راح اتسويها

--ههههههه استغفر الله بابا انتن شنو فلمجن

--نريد نتعلم على ايدك

--وليش اني بالذات لاتكولين حلمي ولاتكولين شاطر تره صاحبين نفس المهنه احنه

--انت اتحقق احلامي شطارتك وطريقه تفكيرك وذكائج ماسمعتها عد احد بالاضافه لهذا الشي ماتخاف لامن تهديد ولاتهاب احد

--مم بعد شتعرفين

--اوو كومه مالحك هسه احجيهن باجر بالمكتب اثناء العمل راح ندردش واكلك الباقي

--لاواثقه

--مثل ماواثقه هسه دتكول هاي اتجذب وجايه مدفوعه من جماعه

--عفيه بالشاطره عجبني ذكائج

--شعور متبادل جرب ماتخسر شي

--تعرفين طبيعة عملي وشنو يتطلب من تلاميذي

--الصدك النزاهه اسرار ثقه وذني كلهن يمنه

--حلو بس اكو شي مهم هو السمعه المكتب واكف وماشي بااسم

--يعني مرفوضه بس غسق مقبوله

--ليش

--لان اني مسيحيه واهلي وكت الطاىفيه اتذبحو

--وين عايشه

--يم عمتي مره جبيره بروحها ارمله مايصير عدها اطفال خذتني من زغري وربتي

--تره ملفج بلمح البصر اكدر اطلعه

--مواكلك مرفوضه لان داجذب

--هههههههه تمام  روحي هسه لان اخرتيني على عملي بس يصير عندي مجال نسولف بالموضوع

صعد سيارته مشى رحنه للجامعه دخلنه كمشت ايدي غسق كالت تره اليوم اوف  شكو اجينا

--امشي للنادي  ننتظر المحاضره تخلص اخر محاوله دكتور ذو الفقار ماطول المحامي رخه اشويه

--وذا رفض

--مايرفض واعدني اله محاوله بعد واجه وقتها

--تره كلش شايف روحه هذا المحامي شدعوه

--احسن محامي بالعراق تعرفين اذا طلعتي من جوه ايده شنو بس اسمه كافي اذا الله وفقنا وعدنه حظ يوافق يدخلنا مكتبه ولو ساعه باليوم

--اريد جاي

--واني ماعندي افلوس طلبيلي ريوگ بس نحجي ويه الدكتور نطلع انبيع المحبس اشتري ملابس

--اي والله ناي عوزج كومه ماريد اكسر بخاطرج بس كلش مبهذله

--لوعندج اطفال ابكد اطفالي وتركضين وره عائلتين ماحجيتي هالحجي وهم لو ماجايبتهن وياي من انهزمت جان شفتيني بالجبه جايه

--يله ماضل اخر سنه وراح تتعدل امورج

--والله مايسه ماكدر اخطي اي خطوه دتشوفيني اطلع بالختلات خايفه انكمش وين اكدر اشتغل غير اصبح بحضن بدعه

--لعد اشلون دراستج وتعبج كله تضيعي

--كمت ماحسب حساب المستقبل من كثر المفاجأة الشفتها بحياتي اني العليه اسوي وشكاتبلي ربي يصير اني من البشر الي اثق بعدله الخالقني

--شتردين تاكلين

طلبنه اتريكنه خلصت المحاضره رحنه لدكتور ذوالفقار اول ماشافنه ضحك كال خبرني قبل لاتحجن

--وشكال فدوه استاذ لاتكول رفض

--اتوسطت وطلبتها منه وضمنتجن على مسؤوليتي لاتفشلني كدامه

--ابد استاذ والله راح نشرفك

--دخولجن  بس تحت التمرين كم ساعه باليوم لغايه اكتسابه الخبره

--ميخالف

--احترام وحفظ اسرار المكتب واهم شي الامانه والصدق

--مانعرف اشلون نشكرك

--تستاهلن خوش بنات بس ان شاء الله مايأثر على مستواجن

--ابد وعد استاذ مثل ماحنه نفس مستوانه

تشكرنه واحنه وحده تباوع بوجع الثانيه مامصدكات طايرات من الفرح

شبكتها ابجي واضحك بنفس الوقت طلعت بوجهنه للمنصور بعت المحبس اشترينا  ملابس مكياج واحذيه

اخذت للجهال كل واحد تراك والعبه الرايدها طبعا عاشق سلاح العرگ دساس موبيده دمه يحن للقتال

رجعت للبيت شفت عركه درت وجهي سويت روحي ماعرفه بلكي يكتلو كتله مرتبه ويتأدب

دخلت للبيت باوعتلي عمتي وابتسمت طلعت بسرعه عرفتها راحت ورا اتلحك حتى لاكتله

شمرت العلاليك كعدو الجهال كلمن يطلع الي اله ويضحك فرحان

حتى ملابسي مابيه اغيرهن اتمددت رحت بالنوم بدون لاحس حسيت احد ينزعني جواريبي فتحت عيوني لكيت علاوي

جر الغطه غطاني اخذته لحضني اشتميته وبسته

راح كعد يم هيا يلعبها رجعت نمت
ماكعدت غير بثمانيه باليل اباوع الجهال نايمه والبيت مكلوب 

ام محمود كاعده اتسولف ويه عمتي كمت
غسلت وجهي دخلت ارتب الغرفه كالت خاله باجر رايحه لل--عندج شي اخذه الامج

--اي والله فدوه هسه انطيج افلوس وديلها ومثل كل مره لاتكليلها مني

--لاتوصيني هيه هم بعد ماتسال لبالها صدك منظمه مال ارامل يدزولها

--هاي هم اشتريتلها كم حاجه اخذيهن

--الله يكملج بعقلج ويرزقج على كد نيتج

--لادخيلج تركي نيتي هيج راح اخسر خليني على عقلي هواي احسن

لميت الغراض والفلوس انطيتها الله ينطيها لوماهيه تروح لامي جان احتاريت منو يوصللها

رجعت للشغل اركض حتى الحك اسوي الاكل وادري  احس روحي عقرب مال ساعه اتحرك بنظام بعد مانمت للفجر صليت ونمت ساعتين كعدت على صوت الفون غسق

فصلته وكمت  اليوم اول يوم الي بالمكتب  لازم اكشخ اعرف البشر صاير يقيمو بالملابس والشكل

لبست احسن شي ورتبت شعري خليت مكياج نضيف

طلعت من وقت بوجهي  للمكتب لكيت غسق واصله قبلي  دخلنه  جوه تعرفنا عالزملاء

كلهم عمالقه قدماء حسيت روحي ضايعه بينهم ضلينه كاعدين لمن اجه المحامي من المحكمه عنده قضيه جانت شافنه سلم ودخل كمنه ورا

خله اوراقه نزع سترته خلاها بمكانها نضام وترتيب يصفن بحيت القلم جان مايل عدله يالله كعد

قدمت ملفي اخذه فتحه  باوعه كلب باوراقي قره كال ممتاز

--هسه اشتغل

--ماكو شغل انتي بعدج طالبه  كولي اتدرب

--هو هيج قصدي ابلش من اليوم

--هيج راح اتأثرين على مستواج حرمات وهذا اخر شهر باقيلج

--ماضيع شي  كلت اخر شهر اكدر اقسم وقتي مااخلي شي يأثر عليه  وتعلم الخبره بالشغل  عندي اهم من الشهاده نفسها

--تمام اخليج تحت ايد استاذ

قبل لايكمل باوعتله بتوسل ضحك كال اني مافارغ

--ماريد شي بس اكعد يمك بالمكتب واني اتعلم وحدي

--عنوديه وكلمتج وحده وهذا العجبني بيج عندج اصرار والعنده هيج مميزات راح يكون محامي شاطر وناجح

--بوجودك استاذ ان شاء الله اكون عند حسن ضنك

--ان شاء الله بس اهم شي دراستج ولو ماادكتور ذو الفقار يتوسط  يمي ويترجاني ماجان دخلتجن مكتبي

--شكرا الك ولدكتور ذوالفقار وهم ماراح تندم

هز راسه خبر السكرتيره  دخلت وصاها عليه بين ماقره ملف غسق

طلعنه  كعدنه يمها تعلمنا على  اجواء العمل

مرت الايام والاسابيع  حسيت روحي داخله عالم الجبابره وصراعات بين الوحوش

من هيج مايدخل اي واحد نشتغل بقانون الي ماله وجود نهائيا غير اسمه

قضايه اتعجب ولعب بارواح الناس الضعيف ياكل القوي

اتفاقات بين المحامين بيع وشره وصفقات اتوكف العقل
تجار بأاسم العدله

الحق كلمه مفقوده الفلوس والسلطه هيه السائده

عالم مايدخل بي غير الكلبه قوي وفاقد الاحساس عديم الضمير مايعرف رب العالمين ولاغضبه

بظرف قل من ست اشهر اتحولت شخصيتي من ناي التخاف التحسب حساب لكل خطوه   الي انسانه ثانيه  تختلف اختلاف جذري

زادت ثقتي بنفسي عرفت انو المرأة تمتلك حق اكثر من الرجل وهيه الي تحدد مصيرها
القوه بالعقل وعدم الخوف

اكثر والمعاملات الجنت ادخل واركز  بيها وادرب عليها هيه التزوير

كل يوم توصلنه عدد معاملات هائله بهذا الموضوع اما الاجرام والسرقه مالهن حد ولاينعدن

استاذ علاء حوت بحر الظلم

الي استفاديته من اهلي فقط سمعتهم بالمنطقه  ناس مسيح مالهم اي مشاكل وهذا الشي الي  زاد ثقته بيه

بالاضافه للاختبارات الجان يختبرني بيها جان الطرق اليدخلي بيهن مايخطرن على بال بشر حتى يضمن احافظ على اسرار المكتب 

واكفه يم الشباج كامشه كوب الكهوه وصافنه وين عايشين احنه

اشوف العالم بالشارع تمشي وتسولف تضحك ماتعرف مجموعين داخل غابه ويقودنه القدر بمصير مجهول

دخل واحد الكل الي بالمكتب كامله سلم عليه انداريت اباوعله رجال متوسط بيده فايل كال استاذ علاء موجود

السكرتيره.  نعم بس عنده شغل  ممكن تتفضل تستريح عشر دقايق

--عندي شغل ماكدر واني ماخذ موعد

--تمام هسه اخبره اتفضل استاذ

دخلت واني اجيت خليت كوبي سحبت الكرسي كعدت كال محاميه جدد انتي

--نعم استاذ اني ناي الالجي

--اهلا وسهلا اسماعيل كاظم ال---

اتصافحت ويا عقدت حاجبي متفاجاه قبل لااسئله

طلعت السكرتيره كالتله اتفضل كام  دخل سد البابورا

رحت يمها كلتلها هذا محامي المتهم غيث ال--

--اي وين تعرفي

--ماعرفه بس بالصدفه قريت ملفه قديم اله بس شكو جاي هنا

--راح يفتحون القضيه من جديد

--وجاي يتفاوض ويا الاستاذ عليها

--ماعرف الشغل البينهم هيج قضايه جبيره تضل دخل المكتب مانطلع عليها

--وليش حتى يفتحوها مو انحسم امرها وانحكم

--لاكين دلائل  شهود جديد احتمال يتغير الحكم بس للاسوء لو للاحسن بيد الله

--وعبده الثاني

باوعتلي رفعه حاجبها تركتها ورحت يم غسق الي غاطه راسه بالمعامله تدرس بيها كعدت يمها كالت خلصتي الي وصاج عليه الاستاذ

--غيث راح تنفتح قضيته

--اكيد اصلا متعجبه استاذ غيث ال-- لسه بالسجن

--هذا الماجنت حاسبه حسابه ابد كلش استعجل

--منو يكول يطلع انطي مجال وحتى لو طلع تره متأخر وين وصلتي بمعاملتج

--بعدني مامبلشه بيها ماكدر احجي هسه ويه الاستاذ بعد خلي يثق بيه اكثر ويشوف كفائتي بالشغل وانوب افاتحه بالموضوع

--راح اتسجلين حتى علي باسمج

--اي حتى اضمن بقائه وياي وتحت رعايتي للسن القانوني

--هسه تركي كلشي ركزيلي بقضيه غيث اشوكت تنفتح ومنو راح يكمشها نفس المحامي لولا

--محامي نفسه والخصم محامينه

--حلو خليج مفتحه دنشوف اشلون يشتغلها واشلون يفر بيها دنتعلم اشويه

كمت رجعت لمكاني   واني صافنه شي ماحاسبه حسابه ولامستعده اله راح يخرب تخطيطي كلها

رجعت للبيت واني الف حسبه بالي دخلت صارت عمتي كدامي شنو شعورج من اتعرفين الي لافتها بيتج راح توكف بالمحكمه ضد ابنج

ركضت هيا  شلتها حضنتني بستها وباوعت لعيونها هم يجي يوم اتسامحيني عالراح اسوي

--ماما

--يروحي كولي

--دوعانه

--يخسى الجوع وين عاشق

--لاح

--وين وله

-بعيييد

--اوووف ياعاشق اشلون راح اسيطر عليك اذا كبرت

نزلتها طلعت لكيته براس الدربونه يلعب اشرتله اجاني يركض هو وعلي دخل بدون حتى لايسلم وعلاوي حضني بسته دخل

باوعت لعاشق ركض شبك عمتي وكعد بحضنها

--حرمات عالمخدرات الاخذتها بسببك

--نايووو

--ابحال صار دم بركبتي من ورا تالي اشلونج ميهونها بيه

--مثل ابوه ميغز بي الملحه ادينه ماصخه

سكتت لان ادري تحجيها بقصد رحت للمطبخ صبيت للجهال الاكل خليته بين ماغيرت ملابسي واجيت

مرت الايام واني حتى روحي هملتها   مراقبه القضيه اول بااول

محامي غيث  دائما يتودد علينه يريد من استاذ علاء يتساهل وياهم وميقدم الاوراق كلها حتى يتخفف الحكم لو يغيرون الشخص

تحدد الموعد مال الجلسة دخلت للاستاذ طلبت منه احضر ويا رفض بالبدايه

جان موزعنه حسب القضايه حتى ندرب خاصه احنه المبتدئين حاولت اشكد ماكدر اغير مكاني بس ذكائه غلبني

انرفضت من جديد ماجان عندي غير دكتور ذوالفقار اتصلت بي وترجيته كال لاتحرجيني امقسمكم وماكدر ادخل بشغله

تركته و بعد عده محاولات كدرت اخذ مكان واحد من المتدربين

قللت شغلي مال الطبخ لان كام يحسبلنا راتب ماعرف كسرنه خاطره لو يريد يسويلنه حافز نشتغل اكثر  صح موهواي بس بالنسبه الي فادني هواي

الجهال نايمه واني فاتحه القضيه اقره بيها رن فوني شلته غسق رديت ها ولج

--شدتسوين

--داقره بالقضيه مالت غيث 

--باجر خميس

--اي الجلسه الاولى اله

--راح تحضرين

--اكيد احضر

--ماتخافين لايلكفوج

--مايكدرون يسون شي خلص الوقت الي اختل بي اجه دوري بس باجر من ارد ابات يمج

--ههههه اعرفج جبانه 

--لابس غايه في نفس يعقوب بعدين افهمج بيها وانتي تجين

--لا جود اكيد هناك  واني ماريد اشوفه تعالي كليلي اشلون القاء راح يصير بينكم

--ماعرف والله كلبي دينيض من هسه  خايفه انسى كلشي واركض لحضنه

--حتى استاذ علاء يهفج دفره وينيمج بحضنه فد خمس سنوات بالسجن  ناي نصيحه لاترحين خليج من بعيد تراقبين افضل

--ماتصور اقوه اكثر من هسه اتعلمت اكون كد نفسي واسحگ شكو واحد يفكر يشمرلي كلمه مويأذيني اجه الوقت الي اضهر كدامهم بعد هالسنين واراويهم ناي الجانو مستضعفيها ودايسها شنو صارت

--اي شنو صرتي ياست ناي

--المحاميه ناي ارزيد  الالجي اشطر متدربه يم اكبر محامي الي نفسه جاب راسهم للكاع

--ماخايفه

--اجذب اذا اكلج لا بس متشوقه لكسرة غرورهم اكثر

--بالنسبه للورث شراح تسوين بي

--هذه الشي الي يخلي ركبتهم بيدي ومحد يتجرء يحاجيني حجايه مو يوكف بوجعي

--ناوي تاخذي

--اخر همي الفلوس مافكر بيهن بس راح استعملهن ضمان حتى احمي اطفالي منهم منا لمن يطلع غيث وارجع كلشي اله

--غيث شنو راح يكون رد فعله

--ماعرف بس اكيد راح  يزيد الحقد بينه  بالاخص من سلمني حتى ركبته واني فضلت عليه دم اهلي وراح اوكف كدامه ويه عدوه

--متأكده راح توكفين ضده

--هو جبرني اسوي هيج خلي يشوف العبده الجان مستاهان بيها وين وصلت واشتكدر اتسوي خلي يعرف انو عقل المراة وقوتها اتفوق الرجل بالاف المرات

--لومايكسرج ماقويتي نسيتي كلمته الشهيره شنو

--الالم بدل مايكسر يقوي اكبر غلطه ارتكبها بحياته لباله راح يكدر يصنع مني دميه متحركه يسيطر عليه مايدري من دخلت حضنه جنت ناويه انكسر حتى اكدر اوكف وكفه صح

--نكول اهلا بناي الجديده

--المحاميه  ناي الالجي الي عاشت كل هالظلم وسحكت  حتى على نفسها واتحملت اسوء انواع الوجع  حتى وصلت هالاسم وكفت هالوكفه

--بقه بس شغله علي لومكملتها جان ارتاحيت صدك وامنت محد يكدر يندگ بيج

--علي مقابل نص املاكهم وروح اخوي اليفكر يخدشه خدش اضيع شكو مزرعه عدهم اشمر تعب عمرهم بالشط

--ماضاع تعب علاء بيج صدك ناي اتغيرتي وكمتي تحجين بثقه

--ماحجيت هالحجي ولارديت بهالثقه  لومادفعت احلى ايام عمري بالمقابل

--راح ترجعين شكو ضحگه فقدتها راح تعوضين شكو تعب تعبتي

-- مارايده الضحكه  ولاحق التعب تعرفين شريد تركج كلشي بوقته حلو رويدا شخبارها هم خبرتج

--اي البارحه بعده ابوها قافل ميخليها تكمل بعنادها لان كالت مااخذ غير كرم حابسها لسه

--اول قضيه هو بس خلي ينطيني مجال اذا ماشمرته بتهمه اخيسه بالسجن ماطلع بت ابوي يلا ولج لي

--شنو شعور سماهر من تلكيج بوجهه وانتي واكفه ضد اخوها

--مثل شعوري من اخذت ابني وتهمتني بالخبال

--والله شوقتيني احتمال اجي حتى لوماادخل بس احضر

--لوبس اعرف شنو كايلج جود الي خلاج اتركين تركيا بكبرها وتردين ارتاح

--ماكال شي يلا روحي كملي قرائه واني اخبر دكتور ذوالفقار يتوسطلي حتى اجي

سلمت وسديته  اليل كلها اقره  واحاول اتفهم وكل اشويه متصله بواحد من الزملاء  اسال عن شي عقلي ياخذني لذيج الايام الجنت بحضنه واسمع غزله

اهز راسي ماريد اضعف  للصبح واني كاعده سمعته يااذن  كمت صليت وقت الساعه واتمددت

بالسته رن فوني كمت كبل للحمام سبحت طلعت لبست بنطلون وقميص شلت شعري سحبت عيوني بالكحل خليت ميكب مرتب

وكفت كدام المرايه ضحكت واخيرا راح اشوفك بعد هالسنين ياتره بعدك على اناقتك گدر غيرك الوكت ويكسر غرورك

انداريت باوعت للجهال نايمين براءة بس عاشق نايم مگلوبي

رايحه اقابل ابوكم الي ناسي شكلكم واصلا مايعرف عنده طفله

دخلت عمتي بيدها صينيه الريوك شربت الجاي عالواكف اخذت الاوراق شلت الروب

طلعت تكسي كبل للمكتب نزلت لكيت استاذ علاء واكف يسولف ويه المحامين وغسق كدامي ضحكت عرفتها تجي تريد تشوف جود  بس تكابر

رحت سلمت باوعلي استاذ علاء من جوه نضارته مارد عرفته ماراضي بس دكتور ذوالفقار داخلنا واسطه

راح صعد سيارته مستعجل وهو ومساعدينا

واحنه سياره ورانا ثانيه وصلنه للمحكمه  الحمد الله ماشفت احد من الاهل مبين واصلين قبلنا

نزلنه دخلنا لغرفه خاصه اباوع للاستاذ اشلون مخبوص ويقره بالاوراق ويا المحامين اني مخبوصه بكلبي ودكاته الي ماكدر اسيطر عليهن

صار وكت دخولنا لبست الروب عدلت شعري شلت الاوراق صح مابيهن فايده بس ردت هيج هيبه

وكفت اخذ نفس حسبت ايدي انعصرت فتحت عيوني باوعتلي غسق وضحكت

--راح ادخل غسق

--رفعي راسج لاتنسين اشكد تعبتي حتى توصلين هالحضه

--راح اوكف كدامه  بعد هالسنين واني بغير شخصيه

--كدامهم موكدامه ناي الكل راح اتكون عينه بيج اي زله لو رجفه راح ترجعج لنقطه البدايه خليج صلبه وباوعليهم بنظره سحكيهم  بيها تذكرين شنو جنتي اتكليلي

--اخليهم يحسبون احساب يسلمون عليه مو يوكفون بوجهي  يداعون بحقهم

--اجه وقته هالحجي

--واني كداها يله

عدلت الروب رتبت شعري عالسريع رفعت الاوراق   رحنه لمكان ندخل منه يمه شرطه اخذت نفس قويت روحي دخل كدامي الاستاذ  واني صرت وراه مباشره وراي الباقين

احس دكات كلبي مبينه من صدري بللت شفتي ورفعت راسي  امشي بثقه جذابه

دخلنه الكل موجود  اهله وحتى جود وكرم

اندارو عينهم بعلاء الدين واني عيني  راحت للواكف وره قضبان الحديد مدنگ 

شال راسه يباوع بتعب للاستاذ  وكف متفاجأه وهو يشوفني كدامه  صارت عينه بعيني  ---

لاتنسون التصويت ♥️