لبوة على شفا الثأر
بقلمي:leo Alfatlawi
Ins:le_m3r
لاتگولون قليل بارتين سوه 💔
الحياة اختبرت صبري بطريقه قاسيه جدآ
لااعتراض على قدري لكن حضي اهلكني !
بارت الثامن ---
هنه يتفقن واني رجعت ليوره داخل الغرفه وسديت الباب ابسرعه ردت اقفلها مالكيت المفتاح
احتاريت شسوي من الخوف بعد مااندل دربي
شناويات اشلون يخفني ذني
اسمع خطوتها صارت قريبه
اتلفت بالغرفه اريد شي يحميني ماصار غير الحمام كدامي ركضت دخلت وقفلت الباب وراي
الفون تركته عالميز من همشت روحي حتى مالحكت اشيله
ثواني وانفتحت الباب واسمع احد دخل وصوت وحده ماسامعته كالت وينج عيني يالعروس
سكتت اخرسيت من الخوف
اجت للحمام دگته
-- شنو بعدج اتسبحين
--هاا اي هسه طالعه
--استعجلي جاين العالم اتريد اتبارك
--هسه بس اخلص
--يلا ذني ملابس استعجلي شو دفتحي الباب وخذيهن
--خليهن يمج اني اخذهن من اطلع غيث ميرضه احد يشوفني بدون ملابس
--ياع وين ادحگ شكلج بس امد ايدي يله ياخاله لاتفتين افادي فتحي الباب
هيه تحجي ودخلت ام عامر اجت كالت وينها
--بالحمام تسبح
--لامتسبح هسه جانت اتمكيج شفتها روحي طلعي بسرعه لايشوفج احد
--عش موش الزلمه ناطرنه
--غيره مره طلعي ابسرعه لايشوفج احد هينه لان الشيطانه عرفت جذب ماتسبح هاي هتره وبت ليل گضبتنه من حجينه
اسمع المره ركضت وهيه وكفت وره الباب كالت شوفي لج وداعت عامر اي نفس منج امحيج
--على شنو دتحجين
--على الشيطان الملعبتو حبل بيدج بس موش عليه من الاخير جلمه منج اضيعج
--ماتكدرين وهسه اكول لغيث
--منهو يصدگج عندج دليل وينها المره الشفتيها لو عرفتي اسمها تردين بت البارحه الجايه منعرف اهلها وين تتهم ام البيت والله صدك من كال ابو غيث عينكم بيها البيت وصگعه تخرر صلافه
--شرايده انتي
--طلعي خلي نحجي
--مااطلع وهم اذا طلعت متكدرين اتسوين كلشي حتى لو ماصدكوني راح احجي وماراح اتلحكين تاذيني لان كلها كم يوم وراجعه لتركيا
