لبوة على شفا الثار
بقلمي:leo Alfatlawi
Ins:le_m3r
بارت السابع
انداريت شفت ساره ادموعها تنزل بهدوء كامشه سجينه بيدها
اتذكرت من كالت انحر التاخذه
رجعت ليورا رفعت اديه اريد اهديها حجيت بصوت ناصي بس افهمج
ماردت اتقدمت ترجف عيونها صايرات دم
--ساره مومثل ماسمعتي
--انتي وغيث اشوكت وليش ؟
--والله غصبا عني ساره انتي متعرفين شي عن حياتي
--اعرف اخذتي حب عمري اخذتي املي الوحيد بالدنيا
--ماخذت شي كلها اشهر وننفصل
--واني مااتانيج كم شهر افصلج من الحياة قبل لااخلي غيث يلمسج
--والله يحبج الج وبعده على وعده وياج كال مااخذ غيرها
--وهذا اخذج وغدرني ضيعني دمر حلم عمر ويا
اشوكت حبج يمته عرض عليج الزواج اشكوت عقدتو
--ماحبني ولايعتبرني من الاصل هيج عقد وهمي
--وهمي ومايحبج ومسويلج عرس وماخذج لهله لعد اني شنو بالنسبه اله مره وحده اتمنيته يعرض عليه هيج عرض مره وحده اتمنيته يحاجيني ويغصبني عالجيه مثل ماسمعته يحاجيج سنين واني اتوسل يعرفني على اهله هذا كله موحب تكولين لعد شنو
--مولان يحبني بس لان اخته رادت هالشي
--سماهر-- كالتها وضحكت بصوت عالي حسيتها جنت
زاد خوفي من تصرفها رجعت ليورا انضربت بالجربايه
صكت على اسنونها وكالت كل السوته حتى تبعده عني واني ماراح اخليها اتسوي الي ابعقلها غيث الييييي
اباوعلها رفعت السجينه واجت تركض حتى مالحكت اتحرك لحظات وصارت يمي اترد تضربني
كمشت ايدها حيل ابعدها اشوف السجينه وصلت وجهي خليت ايدي الثانيه كدام وجهي احمي وغمضت لان حسيت السجينه اخترقت ايدي
اريد ادفعها واخلص نفسي ماكدر ضاغطه بكل قوتها اتريد توصل وجهي اتخبلت رسمي وصوت صراخها مستمره نفس الكلام تعيده موتييييي موتي
حسيت قوتي بده تنهد موساره الضعيفه نفسها ماادري منين جابت هالقوه ماعرف لان جانت متحس من القهر لو ماخذه شي يخليها هيج
بديت افقد السيطره ماجان كدامي غير اترك وجهي وكمش بالسجينه بثنين اديه
كمشتي من شعري صاكه على سنونها اتريد اترك السجينه سحبتها لوسحبت روحي
صرخت لحكوننيييي من همشت روحي عكست رجلي ودفرتها بطنها انطوت تركت السجينه ودفعتها بدون شعور بكل حيلي وكعت بالكاع
