لبوة على شفا الثار

بارت الواحد والخمسون

لبوة على شفا الثأر

                                      بقلمي leo Alfatlawi

Ins:le_m3r

هديه  المليون ♥️
بارتين سوه

***لحن***

صوت عمي وهو يصيح لحن ويه صوت هوسه ترست البيت

ركضت للجراره جرتها اخذت مگص فتحته خليت على وريدي

انفتحت الباب دخلت ماما باوعتلي اشرت شنو هذا

-- والله اكتل روحي لاتتحركين

--ليش يماما اشبيج شصاير

--ماريد اتزوج

--لحن يحبيبتي والله خوش ولد وراح  يداريج

--مااريييد ماما ماريده مااتزوج طلعيني منا لو اذبح نفسي

--صوتج لايسمعون تالي ياخذوها حجه ويخربون الزواج

--خلي يسمعون اني اريده يخرب

--يمه سوده بوجهي هو يريدها من الله حتى يرجعج لخالج يماما ليش اتخبلتي مو جنتي راضيه

--مارضييييت انتي جبرتيني كله منج انتي دمرتيني لبالي صدك راح يخلص اختي طلع حتى اليه راح يضيعني

--لاهو وعدنا

--كافييي ماما كافييي عايشه بالاوهام  دمرتينا ليش هيج دتعاقبينه ليش تكرهينه هالكد

--لواكرهجن جان خليت  اركان يرجعج  ماقنعتج تاخذين هذا بس حتى تبعدن واختج اتعيش

--واني ماريد اعيش  وروح بابا اكتل نفسي وماتزوج

بعدني احجي وندفرت الباب  دخل عمي كال شكو ولج بت الساقطه صوتج انعل ابوج بكبره

--لاتشتم باباااااااااا الله ينعلك

--ينعل منو شو تعالي خلي اربيج قبل لااسلمج لهذا الاثول

ضغطت عالمگص   بركبتي ورجعت ليوره مالحكت حتى احجي لواهدد اجاني راجدي وكعني اني والمگص انشخطت ركبتي

دفر المگص حيل ودنگ شالني من شعري حجه من بين سنونه تردين تنتحرين ولج وتخسريني افلوس المهر

بجيت بصوت عالي ضربني على راسي لمن دك بالحايط

كمشت راسي  ولميت روحي

-- ساعتين العالم يجون اذا سمعتج معترضه ابيعيج اعضاء واطلع ربح فوگ مهرج

--عمو ابوس ايدك اشتغل طول عمري خدامه عندك بس لاتزوجني

--تردين ترجعين لابن الزنا مو
بس اعرف دواج شنو لبالج راح ازوجج وترتاحين ماترحيله غير بليل والنهار اتخدمين جوه رجلين بناتي

ماما. موبكيفك اشتكي عليك

--كومي  لج تشتكي الخبله غير اضيعج ورقه ماتكلفيني اشمرج بالمصح واخليهم يشتغلوج هناك

--شرايدددد بعد مواخذت كلشي لاخليت لابيت ولافلوس ولاورث شنو الرايده فهمني خاف ربك موعندك بنات هم يجيهن يوم

--انعل ابوج لابو امج بت الشوارع اذا سمعت جايبه طاري بناتي ادوس حلكج طلعيييي يله

وينج ريتاااا بابا تعالي وانتي  ماضل شي ويجون اهل العريس  كون  صدك ترفضين حتى اعرف شسوي بيج وهاي امج اردها للمصح

هزيت راسي أي

رن فونه كام طلعه رد ها بابا --منو -ليش مايندل --يلا جاي اني اخذه انجيبه ونجي خلي ينتظرني جاي --يله طلعت شغل السياره --

ريتا. ها بابا طلبتني

--اي بابا عدليها خربطت وجهه بت ال--- اليشوفها يكول غاصبها تفو عليج وعلى امج

--منو خبرك وين رايح

--رجلها الاثول مايندل المومن وين خبرني اروح ويا حتى انجيبه

--لعد موكال محضرين مومن وراح نجي شنو ميندل

--ماادري الضاهر صاير عنده شغل ذاك يله مانتأخر المكتب قريب هسه انجيبه ونجي عدليها 

اندار دفرني  اجت بطني احس روحي شاطت عصرت نفسي انطويت

--كومي وياها يله كون تشلعين كلبها حتى اعلكج بالبنكه

ماما. كافي راح تموت اتركها اني ارتبها

دنكت رادت تكومني  دفعها ركعها بالميز وكعت تفل بوجها  وطلع

زحفت الها سندتها واخذتها لحضني امسح بوجهه من قذارته

شهكت اعرف ماراح انقذها ولااكدر اخلص روحي عرفت حكمت على روحي بالدمار بهذا قراري

ريتا كعدت عالقريوله تبرد بأضافيرها دخلت يمها اختها كعد اتصبغ بأضاهيرها  يتهامسن ويباوعلي بقرف اتكول حيوانه كدامهم 

مسحت ماما ادموعي كالت لاتهتمين هسه نطلع منا ويصيرلج بيت ومحد يكدر يحاجيج

--ماتزوج ماما والله لو تذبحوني

--لحن لاتعبين كلبي عاجبج الوضع

--لو عمري كله اضل تحت رحمتهم بس للضرب هم ماراح اوافق عالعقد

باوعتلي سكت وانتجت عالحايط مأيسه لميت
رجليه لحضني افكر اشلون اخلص روحي

صار المگص كدامي ماكو غير   اگطع الوريد ياخذوني للمستشفى ومناك اشرد ارد لاركان

كمت سويت روحي اجيب اكلنس اعدل مكياجي
وكفت يم المرايه امسح بالكحل النازل وعيني بيهن  اريدهن يلتهن عني

اول ماشفتها اندارت لاختها اتصبغلها ايدها الثانيه  دنكت شلته بسرعه وشلت البدله حتى ميبين رجعت كعدت يم ماما

كلبي يريد يطلع خايفه قوتي اتخوني وماكدر اسويها

غمضت اخذت نفس لحن اتكدرين ماراح تتوجعين هواي  اهون من نومه بغير حضن اركان

مرت الساعه وعمي ماكو لاهو ولاالعريس يخبرون ماكو مغلقه اجهزتهم

الي يكول ماحصلو راحو للمدينه والي يكول للامام يجيبون مناك وزدحام  والكل منتظر

مرت الساعه الثانيه وهم ماكو  انخبصو مايعرفون وين يدوروهم

اني على كعدتي حاضنه رجليه والبدله تارسه الغرفه من كبرها

جنت اتمنى البسها لاركان ماحسبت احساب اموت بيها

خليت راسي على متن ماما الي تباوعلي كأنما قرت افكاري بس ادموعها تنزل

اسمع صوت  بيبي بدعه تحجي ويه عمي ابو سمار  وهو يكلها لخاطر امي دخلتج احنه مانستقبل خطار

--انعل ابو شاربك مغسول حظك  ناگص مروه وغيره

--حجيه لاتخليني اتجاوز

--كونك ازلمه وتعلمها وروح ولدي  ماتكلفني جلمه گبل لاتفكر تحجي تكون حدر التراب 

--هسه شحجينه كلنه لاتغلطين ياحجيه

--عجل اليطرد خطارو شنهو موش زلمه وماعندو اصل

--اني مااطرد خطاري بس انتو مامرحب بيكم

--ولاحنه نتشرف بجهرتك الملصه بعد لابالقران اخلي حتى اسمك مالو اثر تفو حرمات الشوارب على وجوكم

وخرت ماما وكمت شلت البدله وطلعت لكيتها واكفه بهيبتها  كامشه عصتها  بصلابه  واتخاز  بي  هو  اتكول كتكوت يمها وراها عمتي ام شاهين وسميره

شافتني شالت عصتها خلتها على صدره دفعته دفعه من قوتها اجه يوكع ليوره كوه سيطر يعدل وكفته

اشرتلي تعالي ركضت لحضنها حضنتني وبجيت بقهر باست راسي

-- طاكها يالناگص

--مواني عمها ضربها وهيه بنتا

--عجل اذا بتكم اطكوها هيج غوثه وتستسبعون على يتيمه

--اني مالي شغل هسه يجي اخوي واتفاهمي ويا

--واني ماانطر احد  البت النه وجاين ناخذها

--اليوم زفتها وين تاخذيها شنكل للعالم الجايه تاخذها

-انگلع يول لافشگ راسك جيبلي واحد جبير احجي وياه

--حجيه تره اتجاوزتي هواي

--وجسر راسك نفس اذا طلع منك ازغر واحد  بزلامي  يطرك بالنص بعد انعل ابو شاربك من بين الزلم

طلع عمي ضايج وهيه كالت طكوج يجده

--موتوني بيبي

--جعلهم بالكسر حگج يوصلج يجده

--راح يزوجوني

--خلي يخلص روحو من كضبه الذيب وبعدين يفكر

وخرت عنها مسحت عيوني وطلعتها ايدي كلتها شوفي اشلون ضربني 

--وكت ويصلج حگج يجده الاايد الي انمدت عليج تنبتر والصوت العله  ينكتم والجسر كلبج ينجسر راسو

--لاتعوفيني بيبي اخذيني وياج فدوه

--يكفي  يجده لاتبجين لابالقران اخلهم يحركون البيت بهلو

شهكت ردتني لحضنها باست راسي همست جايج ذيبج  يردج لحضنو يجده

وخرت ضحكت واني دموعي تنزل

اجت ماما كالتها شكو اجيتي

--انتي هم حاسبه روحج ام جثير عليج هالجلمه

--مالكم شغل بناتي ذني

--عجل ماطول تعرفين بنواتج ماعرفتي تحافضين عليهن بالقران. اشك ناي منج عبنها صدگ مره حوگ مابيها خصله منج

--ناي موبنتي من يوم الي عصتني واخذت ابنكم

--هاي التبريتي منها تسوه سلف بكبرو بشوارب ازلامكم البت عمرها ماتخطى العشرين وكومت الدنيا وفرت عگول ازلام وراها بس لانو خافت يوصلون ولدها وهو جنو ابريعصي عيونو لسه  مافاتحها

--بالعافيه عليكم  هيه نفس نوعكم  تركو هاي الي  اجفينه شر احفادج كافي ظلم

--الظلم يمكم موش يمنا مربيه زلام مايمدون ايدهم على يتيمه ولاياگلون حگ حرمه  مكسوره

--اليسمعج يصدك وهمه تجار اسلحه وقطاعين طرق حتى الحيوان عنده رحمه اكثر منهم

--اتخسين انتي وعشيرتج تجيبن طاريهم كرب الحيوان ازغر واحد بزلامي بشواربكم وهاي النه برضاتج وان غصبا عنج ماروح اذا ماخذها لأنج موش كفو

--بتي ياعااالم بتي ابكيفي اذبحها اكتلها مالكم شغل وراح ازوجها هسه يجي خطيبها يعقدها دااشوف اشلون تاخذيها بعد

--بس كضبي لسانج حتى لايلعبج على حبل الموت حاسبين خاطر  لبنواتج وساكتين عنج ام عاشق خلنه حباين افضلج

بعدها تحجي وصار صوت هوسه بره مال زلم
جرتني بيبي كعدت عالقنفه وكعدتني يمها

كمشت ايدها حيل باوعتلها بترجي
-- لاتخافين عندج زلمه ياخذج من حلگ السبع موش مثل ذوله الخوثه

ام حمزه. يمه لحن تستري الازلام خاشه طالعه

--اخاف اكوم يحبسوني

--اني وياج يعمه اليصل صوبج انهشو كومي لبسي شي

بدعه. تركي البت اني الفها بعباتي  وينهم الازلام التحجين عنهم ماكاعده ادحگ غير وجوه مغنثه  انكس حرمه بالسلف بروسهم 

--عمه لخاطر محمد تعرفين اسوادين زلمتها وهيه الله يستر عليها مفرعه ماضامه شي اخاف يخش واحد  من شبابهم يدحگ عليها

--وهذا الرايدتو لخاطر امدو حدر جليه وافلع عينو وانعل ابو شاربو انكتمي وگعدي وانت يجده اتلگطي عليه وانستري بعباتي

كعدت عمتي واني انحشكت بيبي كامشه ايده سميره واكفه من الجهه الثانيه يمها

نص ساعه والهوسه بعدها ماما كاعده يم بيبتي ام بابا تباوعلي بغضب وبيبي بدعه   عينها بنات عمي اشلون مصلخات والولد تدخل وتطلع بيناتهم عادي

ريتا خاله رجل على رجل تباوعلي وتضحك  اتأشر عالحلقه تقصد راح انعقدج كدام زوجج. غصب

صار هدوء دخل رجل ريتا  كال وين عمتيي

ام ريتا. ها عمه شكو

--خبري عمي دنفتهم اشبي اتخبل

--شكو ماما شصاير

--خبر عمي ابو سمار هسه يكله عقدوها لاركان بابا ليش يكول مرته هيه اصلا مامطلكها

--عزه وينه انطيني الفون داخابره

--فدوه عمه  فهمي العالم الي اخذنه افلوسهم والي جاين شنو انكلهم بس قنعي يرد بكلامه واني اخذها بيدي اعقدهم بالمكتب غصبا عالكل

راحت باجي اتخبر وهو وياها يلقنها شتكله واشلون اتقنعه همست بيبي منهو هالنجر ابن عمج

--لازوج هاي الكدمج

--عجل عش هيج محموگ وجاتل نفسو

--حتى يضل يتحرش بيه بكيفه

--عفيه بالسبع لاتكولين لاركان يذبحو يجده ويضيع نفسو

--لالا مااحجي ابد بس قنعي ماما ماكدر اطلع غصبا عنها

--هينه امج سهله شغلتها

هيه تحجي ورجل ريتا دگ رجله بالكاع صاح صدگ يحجييي

دخل سمار كال لحن حضري روحج اجه المومن راح يعقدكم

ماما. واني ماموافقه شنو بكيفه

--باجي اتفقو والمومن اجه

--وين عمك وخطيبها

--يكول عدنه شغل نتاخر  وخطيبها خبرو يكول بطلت ماريدها مارد لمن تزوجوها حتى اهلي لايغصبوني

ام ريتا. يااا صدك يحجون ذوله شبدل الحجي على ساعه

--ماعرف باجي يله لحن فدوه زوجج معصب كومي بسرعه 

ماما. اني ماموافقه خلي يروح لحن انطيها لواعرف ادفنها بيدي روح كله امها ماموافقه

--باجي اهله سادين الشارع وبابا وعمو موافقين  شدتحجين انتي

--واني مالي شغل لاابأهله ولاابوك وعمك  كلت مانطي بنتي

طلع عصرت ايد بيبي اشرت انتظري

دقايق ودخل سمار كال تفضل وصوت اركان يكول يالله

دخل ورا مدنگ احس ردت روحي واني اشوفه كدامي واكف

جاي بالبنطلون  سلاحه بمتنه والغتره لافها على راسه زايدته هيبه

كامت ماما كالتله اركان لاتحجي ولاتتوسل لحن مارجعها الك

--كولي يالله عمه

--كلت يالله اي وبعدين

رجل ريتا. دتكلك ماانطيها شكو لازگ

--انكتم وهجب يول وانتي عمه التامرين بي تاخذي من هالشارب بس مال ماتاخذها احجي غيرها

--انت دتفتهم لولا

--ولو الجلمه جبيره بحگي وموش انه الي ينگال عنو هيج بس تهونين طلبي الرايدتو حرمتي رايحه وياي خلها برضاتج يكون افضل

--هيج لعد ماتطلع اذا ماتنفذ كل طلباتي

--امري

--قبل لاتفكرون اتكولون لناي اعتبروهن مكتولات وبيدي  بس حتى يموتن بدون تعذيب

--موش يمي الحجي السبع هو اليحدد هالشي

--تعزل لحن بيت وحدها

--تم

--مهر غايب وحاضر بالرقم الي اطلبه

--صايرلج

--نيشان وذهب حالها حال البنات

--تستاهل

--تعقدها محكمه واذا اجتني زعلانه مالك مره يمي بعد

اشر على عيونه شال راسه شافني كدامه خزرني
دخلت وره بيبي شمره صفحه عباتها على صدري ومتوني اشرتله روح يله

طلع من خباله ركع الباب على كبره دفره وكمل طريقه

رجل ريتا كام يصيح عمه صدك تحجيين تنطيها لهذا الهمجي

ماردت ماما بس تباوعلي بقهر ضايجه لان كامشه بيبي بدعه واتحامه بيها

صاحو من ورا الباب وين العروس

كمت اسحل بالبدله كامت بيبي وياي  بس مثل المريضه كوه تتظاهر بالقوه  ومستنده على عصتها وصلنه وره الباب كلتله نعم

--اسمج بويه

--لحن ارزيد ال---

--مسلمه

--اي عمو بس لقبي عالقديم ماتغير 

--موافقه عالزواج من اركان -----

--نعم

--على بركه الله كالها بده بعقد كلبي يدگ 
بيبي يمي واكفه على راسي تقره وتمسح بيدها فوگ شعري  ماعرف شنو

ماما متكتره كاعده تبجي ونسوان عمي وبناتهن من الحرگه حتى اتغير شكلهن

لمن وصل للموافقه وسالني من الفرحه ماعرف اشلون اكولها كلبي يريد يطلع
كلت نعم وبيبي هلهلت

كمت اضحك ودموعي تنزل حضنتها مامصدگه باستني وهمست روحي حبي على راس امج

اشرت اي ورحت لماما دنكت عليها بست راسها
-- هيج تركيني يالحن

--ماما دتشوفين كدامج مارحموني

--الله يهنيج بس لاتجين اتكولين ضلمني وخلصيني

--ناي يمي واركان حباب مايأذيني تعالي وياي فدوه

--ماروح يم ناي ولاتخافين عليه ادبر روحي سلميلي على اختج كليلها كلبها ماحن وتجي اتشوف امها

--راح اجيبها واجيج اول مايشتريلي بيت اخذج تعيشين ويانا

صوت زلم رج البيت وهمه يصلون على محمد

صاحو يالله

شلت بدلتي من الجوانب رجعت يم بيبي دخل اركان ورجل ريتا بعده يخازر بي

وصل يمي سحب البرگع غطاني بي وكال لسميره شي استرها بي

--شجيبلك

--جفن ابوج وينو يولي اي شيي استعجلي من الله ياخذج بجاه محمد

اجت ريتا تتموع جايبه الكبوس كالته على كيفك شدعوه هسه منو شافها

مارد جره من ايدها ولبسني اباوعله زغر عيونه باوعلي من فوگ ليجوه دمعت عيوني خفت يعرف شي وترجع الهوسه

ببيبي اشرتله وهو هز راسه  اي و شده  الكبوس حيل ولف اجسمي بي اختنكت بس خفت احجي

ماما.  شنو اليثبتلي راح اتنفذ الطلبته

--اليرد بجلمتو مانو زلمه عيب عمه هالحجي

بدعه.مهرها موش افلوس يالزلمه

--افا حكها وصلها كبل لاتصير بأسمي

--عجل بالمبارك عليك اخذ حرمتك يجده وانت طلعن واهليتجن گضت

طلع محفظته سحب افلوس شمرهن على باجيتي اشرلها  مكان البدله  رجعها لجيبه وكمش ايدي وهيه هلهلت وام شاهين  وسميره طشن جكليت على روسنه

اول ماتحركت عثرت كال ثول

عدلت وكفتي وشهكت  كمشني عدل راد يسحبني وخرت ايده استغفر و دنگ شالني وطلع يمشي عالسريع

وصلنه بره وبدو بالرمي جماعته شعلو المكان هوسه وحتى هلاهل

صعدني بالسياره وفتح الباب الكدام لبيبي صعدت سدها ورد صعد يمي

الولد شغل السياره وشحطها عيني بالباب على ماما واكفه تبجي نزلت دموعي

طلع فونه من جيبه اتصل ثواني ونفتح الخط  كاله يول شوف شغلك --كفو من شواربك  -- اريد صوتو يصلني للغربيه --دز واحد من الولد اريد نسيبو --لا حصت دحام  كون يصبح مايكف على رجلي --حي الله الازلام  -كفو كفو والسبع تنعام من اصلك --ماعليك زود مردوده يالجبير 

سد الفون وانتجه  عينه بالجام اصلا ولاتكول موجوده يمه عرفته ضايج من تصرفي لباله صدك اني الجنت اطرده وقبلت انزف برضاتي

على طول الطريق السيارت تتغالب بيناتنا  والهورنات الشباب طالعه من الجام اتهوس
صدك اجواء زفه رغم هاي امنيتي بس كلبي يم ماما تركتها مكسوره وراي 

وصلنا على بيت بيبي بدعه  دخلو السياره نزل سلم  عالولد كاله اي احد يتصل من الاهل لاتردون ماتندلون مجانه اصلا

--حاضر عمي

--المجان امنو عدل  والخياس لاترودهم لمن عطيكم الاوامر

--تم

--روح لاستغفر الله المحامي علاء الدين  لنشوف وين تصل وياه

--طالع بوجهي عليه

سلم وراح قفل البيبان واجه نزلني نزلت بيبي فتحت باب الصاله وهو كامشني لااوكع وصلت للغرفه دخلت وهو راح يم بيبي يسولف على المحامي

الغرفه مثل ماهيه دوشگ مرتب على جهه والبطانيات مبين رادين اله

رحت سحبت الدوشگ فرشته كعدت عليه

اسمع يحجي بحرگه ويه بيبي وكلبي يدگ اندعي ربي يهدي  مارايده شي

شيهدي كال لاتتزوجين اتزوجت

كال لبسي محتشم اتصلخت كال لاتخلين واحد يشوفج صرت فرجه لامه محمد وعيسى

انتظرت اشويه لبالي راح يدخل ماكو

اتأخر الوقت وهو بره كمت وكفت كدام المرايه اباوع لشكلي استوني انتبهت لروحي مكياج حلو والتسريحه جانت برم

دنگت عالبدله من فوك مفتوحه والضهر هم وجوه نفش

سمعت غرفه بيبي انسدت ركضت اسد الباب حتى لايدخل مالحكت خله ايده دفع الباب دخل رجعت ليورا

شمر فونه والسلاح اتخصر يباوعلي مبين الدنيا طالعه من عينه

عصرت نفسي

اتقرب رجعت عثرت بالبدله كمشني

-- رب الثول   تردين تنامين بغير حضني

--لالاوالله شوف ركبتي جنت ناويه انتحر

--اشوكت بحيل الله لمن تصيرين بأسمو

--ماعقد كلت من يجي المومن اشلع شريان ايدي من يودوني للمستشفى اشرد

--وين ترحين

--هاااا مادري اخبر ناي هيه اتكلي

باوعلي شهكت كلتله بترجي اركان والله

--اشش لاتحلفين الضاهر اني مامالي عينج

--هئ والله

--كتلج لاتحلفين

--راح تضربني

--ماطگ حرمه بس اربيها وخلها حتى بالحلم تحسب حساب لاتعيد الغلط

عصر خصري واني اريد اسيطر على روحي من الخوف ماكدر

عيونه بعيوني الي انترسن دموت تترجاه

خليت راسي بصدره همست والله احبك لواعرف اموت مانام بغير حضنك 

وخرني  عنه عصر خدودي ودنگ اخذ شفتي

جنت اتخيل راح يعاقبني بهالشي بس جان يتعامل وياي بهدوء  وهذا الشي الي زاد خوفي

ايده وره ضهري يمشيها فتح السحاب

رفع تشيرته شمره ودنگ شالني خلاني عالدوشك
خله راسه بركبتي رغم لهفته فاضحته بس حركاته عيشتني برعب

نزعني البدله على كيفه ايده يمشيها على جسمي
همس عش خايفه

--اركان والله ماسويها  فدوه بس 

ماخلاني اكمل دنك اخذ شفتي  ماتركها لمن شافني انگطع نفسي وخر شهكت

مسحها بأصبعها باوعتله بترجي رد دنگ سحبها حستها افتحت بين اسنونه

نزل لركبتي هالكد ماضغط عليها كامت تحركني اخاف ادفعه لواحجي بس من سمع ونتي تركها ونزل على جسمي

اي احساس ماحسيت ويا غير الخوف اتخيل اشلون راح تكون عقوبتي

رغم التعب وهلكت طاقتي كلها خلصت  بس ماتحركت لمن وستكفى وخر من وحده

جريت البدله استر جسمي بيها رن فونه كام لبس اخذه  وراح  دقايق واجه خاله على اذنه يخابر  وبيده جرجف  شمر عليه وطلع  بسرعه

اسمعه يكله تركو معلگ لاتخاف صل  مايموت-- ماعليك زود كفو من شواربك -- رفعلي  نسيبو فلقه على كد المحبه -- ماتگصر يخوي -- خليك وياي ثواني بس اصل للسياره وردلك الرقم

بعد صوته عرفته طلع  اخذته الجرجف  لفيت جسمي كمت طلعت بره دخلت للحمام همزين الكيزر معلوگ جان جمدت
كاسرت المي وسبحت عالسريع

شلت شعري كبايه ينگط مي ولفيت جسمي بالجرجف

طلعت اطگطگ من البرد دخلت للغرفه لكيته متمدد يدخن شافني فتح البطانيه اشر تعالي

رحت اركض دخلت   جوه البطانيه سحب تشيرته لف شعري وخلاني بحضنه ضميت راسي بصدره

مشه ايده على جسمي اسمع حسرته عرفته شاف اثر الضربات   ضغط عليه لان ارجف من البرد غطاني عدل وضل يحرگ  ايده على ضهري حتى ادفه

صدك دفيت رغم خوفي بس من ادخل بحضنه احس بالامان ونام بدون لاادري

كعدت على حركت اصابيعه على خصري ونفسه بركبتي اخذ نفس طويل وهمس اشكد اريد اقسي عليج بس كلبي الناگص مايطاوعني

مارديت سويت روحي نايمه

وخر شعري عن وجهي احس يرسم ملامح وجهي بأصابيعه عالكيف

صار نفسه قريب دنگ مشه شفايفه على خدي نزل لشفتي طبع بوسه خفيفه

لميت روحي لباله بردانه عدل راسي على ايده ودخلني بحضنه النعسه بعيوني بعدها ثواني وبعد ماحس

الشمس بعيوني وبوسات خفيفه  على خدودي
كعدت اخذ نفس وكام

--هذا حجاب لبسي تانروح يلا

--بيبي كعدت

-- لاطالعه جدامنا ويه الازلام ماعرف اشصاير استعجلي يولي

--لعد متخابرهم

--ماكو استغفر الله الشحن گاضي والشاحنه طارت  يلا يبه اتهيري مناطرج بره لاتتاخرين

كعدت وهو طلع من الغرفه جان وكت الضهر صاير الشمس بوجهي

اكو جبه وشال ماعرف منين جايبهن بس بيهن ماركتهن مبينات جدت

سحبتهن شلعت الكارت  ولبستهن ماكو شي جواهن غير الداخليات

كمت رحت للحمام غسلت وجهي شلت شعري عدل ولبست الشال طلعت بره لكيته مطلع السياره واكف يمها 

صعدت راح قفل الباب واجه صعد رجعنه لبيت ابو غيث على طول الطريق جان ساكت لمن وصلنه اتلكونه بالباب شكلهم عدهم مصيبه

ركن سيارته ونزل  كال شكو

حسام. عمي مصيبه نتصل وانت تفصلو ماترد وانوب انغلق

--جان عندي شغل مافارغ ارد وابعد  خلص الشحن احجي يول  شكوو

--ادخل جوه بسرعه جدي طالبك هو يگلك 

اشرلي نزلي ودخل مستعجل

نزلت اجه حسام كال رديتي يولي

-- كلمه وحده اكول لاركان

--ههه خلي يعرف الصار ودحگي اركان اشلون راح يحميج يله يالكيكه دخلي

--شنو صاير ناي بيها شي

--بيها شي؟ لاصدك انتن مصيبه ماعرف منين انزتيتن على روسنا

تركته ودخلت جوه واسمع البجي وصلت للصاله واشوف بيبي متخربطه وسماهر املخه وجهه واسماء خانسه يم ابوها بس مبينه مضروبه لان حلكها وخشمها كلهن دم وشعرها متناشر

عمي ابو اركان شافني كال هلا يبه

--اشلونك عمو

سماهر. اشلونووو بعد ربي ياخذجن منين جابوجن من ياملهى

اركان. ثمني كلامج بت عمي جلمه ثاني ادفنج مجانج

--راح اخوي وكمت تتحجه

--اخيج هو اخوي وكلام زايد مارايد لحن حرمتي هاي جدام الكل اليسمعها جلمه موش يوصلها بالقران احسب الله ماخلقو

بيبي. لحن صعدي لغرفه اخيتج وانت  وروح لاترد اله براس ناي ----

***ناي.***

فتحت الباب مره حلوه صح جبيره بالعمر بس مبينه هيبه ومتروسه كالتله جثير الهلا تفضل

--مشكوره ام غيث هاي الامانه

باوعتلي وضحكت

وكفت مصدومه انطاها عاشق جان نايم وذب الجنطه

--يله  يبه انتي  بأمان هسه بس خلج نبها لاتكشفين المجان تره تطير روس بيها

--هاي ام غيث الي هو غيثي

--ههه اي غيثج لازم ارد كبل لاينتبهون عليه 

--عمو اكو كامرات ديربالك

--لاتخافين حاسب حساب كلشي موش اول مره هاي يله اودعناكم

ام غيث. ماگصرت ابو كاظم الله وياك

سلم وراح واني على وكفتي بعدني مصدومه

ام غيث حاضنه عاشق تشتم بركبته ابتسمت  فتحت ايدها كالت تلكطي عليه ييمه

رحت حضنتني واخذت نفس طويل

-- اوووف يريحه اوليدي

وخرت يعني عايشه

--محد يعرف بس ابو كاظم وهاي انتي الثانيه

--لعد ليش مارديتي 

--سالفه طويله دخلي يعمه وينو ابنو ياهو منهم

--الي بيدي

--ههههه عجل اثنينهم ولدو هيج خايفه افرق بينهم

--ماخايفه لان صدك ثنينهم اطفالي

--تعالي بارد لايتمرضون هذا ناكع  البيدج

--الله يرحگ بدعه وبزرتها السكط 

باوعتلي وبتسمت ماردت راحت كدامي دخلت جوه طارمه اصغيره كلش  اربعه في اثلاثه بيها فتحه مال باب من الجهه اليمنه عليها برده

وباب مقابيلي عدل دخلنه منه جانت  غرفه زغيره

بيها قنفه وحده قديمه  وافراش تعبان بس دافيه صوبه على جهه نفطيه وميز  عليه كم بطانيه

سدت الباب كعدت عالقنفه خليت علي بحضني غافي

شمرت دوشگ بالكاع نيمت عاشق  وردت اخذت علي ودته بصفه غطتهم

حكت رسه بيدها انزعج دكدكتله رد نام ردت خلت ايدها على راس عاشق حركت شعره وضحكت

-- هذا ابنو

--تره كل طفل اتحكين راسه يرتاح

--اله غيث يلم حلگو ويضيگ عيونو متنرفز وبنفس الوكت ينام مرتاح

--اشكد مايتعارك بالنهار ويزعل بس باليل يجي يخلي راسه بحضني ويدخل ايدي بشعره حتى ينام

--عجل اشكد عاشگج

--لاجان يدورج بيه

--جثير حريم مرو بحايتو بس دحگ بيج حنيت امو ودفو حضنها جان يسولفلي عنج ابو كاظم واشلون تعاندي وتعصبي هو حاملج

--ابنج مو نبي تره مزعج لطريقه محد يكدر يتقبله

--عجل عش تقبلتي واذا غاب عنج ساعه عينج ماتغمض

--غبيه حبيته

--هههههههه ربي لايفرگ كلوبكم جان يفصلج بأوصاف تفوق الخيال اتصورتج احلى من هيج

--وين سمعتي

--يوصلي صوتو كل يوم وهو يحجي لابو كاظم ويشكيلو من تصرفاتج  ومزاجج الكل يوم شكل 

--جنت مريضه مصار هواي من شفيت لان ضعفت اتغيرت

--عش تمرضتي

--حرمني من ابني

-- انهزمتي وريتي كلبو وجتلتي حرمتو

--والله حادث صار بس هو ميرضه يصدك

--لومامصدگ ماجان تركج عايشه ماياخذج بحضنو ويسهر للصبح بالحديقه بس لان مايكدر يسمع صوت صرختج وانتي تتعالجين

--عذبني هواي

--محد مرتاح بهالدنيا ييمه دحگتي الخير كلو العايشين بي ماشفت راحه يوم لمن دخلت هالبيت وانتي هم ناطري كم شهر وراح تعرفين الفلوس موكلشي

--عمري مجنت احسب الفلوس هيه السعاده ماردت من الدنيا غير زوجي وبيت زغير دافي وجهالنه بينا يلعبون وبديت احققهن اله بس هو دمرني رجعني لايام جنت اتمنى اتخطاها

-- مرتاحه هسه من راح

بجيت واشرت لا

--الله كريم يمه  كومي حللي وشنهو النقص للجهال خلي اطلع اجيبهم قبل لاتليل الدنيا هذه الجاهل راح يتمرض

--ثنينهم حليب وممات وحفاضات

كامت سجلت اساميهن بالفون طلعت افلوس من الجنطه مديت ايدي

-- عندي خليهن يمج من اعتاز اخذ لسه الوكت طويله بينه

--تمام بس اريد مكان امان  اضم الجنطه بي

--والله وفرت بيج الدنيا يبدعه واجت التكسر راسج وتوكفج على تگ رجل

--تره اشياء خاصه بيه ليش ركضتي لبدعه

--لان دهاهه غدرها هالمره كسرت وجبرت لخاطر تشد عودج  ماعرفت اول لسعه راح تكون من نصيبها

--همه جبروني اسوي هيج

--رادت تگضبج من ايدج التوجعج لخاطر تتسند عليج نست  اليصل حدر اشبال اللبوه ينهش بدون لحمو رحمه

--موبس لهيج كرهت كثر الدم العايشين بي

--ماراح يبطلون لاواحد يگضبهم ولاروح تكسرهم مرض يلتح اسرع من جرف السيل لوغيث مامسجون جان هسه حدر التراب بصف اخوتو

--يمه اسم الله على كلبه بعده ماشبع من ابنه

--ولامن حرمتو خلصها وليدي تعب بقهر وسهر ليالي مناطر طر الفجر لخاطر يأمن وتغمض عينو وهو يدحگ ضحكتج كومي يومه ذيج الخانه اخذيها الج فارغه  ودوسي على كلبج ونسيهم لخاطر اتكدرين تكملين بين جهالج بأمان

اشرت اي اخذت عباتها وطلعت كمت ذبيت الشال طلعت ملابس غيرت خليت الغراض المهمه بالباب وقفلتها نزعت مداليتي خليت المفتاح وياها ورجعت لبستها

اباوع  اكو غرفه بطن الغرفه الكاعدين بيها بس ظلمه

رحت دخلت بيها فتحت الضوه بس افراش مفروشه خاليه طفيت الضوه وطلعت

كعد عاشق ركضتله شلته خليته بحضني شبكته حيل وضحكت

بعدته يمطگ اووف يروح امك رجعت لحضني دااشم ريحتك

بس بالمقابل فقدت ريحه ابوك

وعد راح اعوضك عنه ماراح اخلي شي ينقصني راح اعوضك على كل ثانيه فقدتك بيها اعوض واحقق كل حلم بيكم واثبت للكل اني كدها من اخذتكم ونهزمت

ضليت العب بي لحد ما دخلت عمتي ام غيث كالت كرت عينج

--عزه عمه مامصدكه لوتدرين اشفت ورا واشلون تعذبت

--لاجمه  كلبي يعمه لا تحجيلي عنها

--لافرق انتي تركتيهم بأرادتج ماجبروج مثلي

--منهو كلج؟  شي ماتعرفين بي لاتحجين عنو ولاتجيبن طاري السالفه مره ثانيه لخاطر لانتخارب  كومي عطيني هالگرطف خلي اشمو وسويلو ممه تارضعو

شمرت العلاكات وعباتها اجت كعدت يم الصوبه بست عاشق عاط بوجهي منزعج صفنت شبي هذا 

انطيتها ورحت اسوي ممه طلعت بره ادور عالمطبخ ماكو بس الباب الي عليها برده دخلت بيها صدك طلع مطبخ

طباخ عينين وسنگ زغير على جهه معلگ سلت اماعين بيها كم ماعون وخواشيگ

خليت مي عالنار وكفت منتظره هيج ماترهم عوزهم ترمز ذوله

دفه دااسوي ممه صاحت عمتي يمه ناي سوي ثنين هذه هم كعد

سويتهن عالسريع  ورحت للغرفه لكيته صدك كاعد وام غيث خاله واحد بحضنها والثاني اتغيرله حفاضته

دخلت وسديت الباب لان برد كلش

--شنهو اساميهم

--انطيني علاوي

--ياهو منهم

--ابن شاهين  الله يرحمه ابني اسمه عاشق

--عاشق  معقوله غيث  رضه يسمي هيج

--موبكيفه غصبا عنه سميته

-- كويه يعمه بس الي  تكدر تاخذ احفاد بدعه وتنهزم بيهم موش بس كويه

--هتره اعرف بدعه دوم اتكلي هيج

--جنت مناطره هاليوم من سنين مناطره ربي يردلي حگي ولجمه گلبي

--جان عندي فضلول اشوفج

--عش لازم من كثر الحقد والكره الحاملو ابني الي زاد فضولج

--شبعت ضيم بسببج اي غلطه اسويها يذكرج واكل المقسوم منه

--جان جاهل ماوعه عالظلم والطگ الجنت عايشن بي

--يكولون جان عمي يحبج ومدللج

--الله يجازي الجان السبب وفركنه سلمتو بيد ربي

--ليش مارجعتي

--رجعتي ثمنها ---اووف تركينا من هالحجي ربي ماگصور  هالدزج ليه وهذه اوليد غيث بحضني اشم ريحتو مثل ماحرموني منه ربي حرمهم من اوليدهم

--غيث اتأذه بسببج هواي لحد الان عينه بالباب منتظر رجعتج

-- وراح يضل مناطر عينو بالباب  اوليدي بسبب اهلو علمو عالطغيان والكره شالو شكو رحمه من كلبو ماخلو بس الفراگ الحقد

--راح ١٥سنه من شبابه

--ماتخلي بدعه اطلعو لو تعرف تدفع ازلامها  وعشيرتها كلها فديه لخاطرو

--اتحبه كلش

--جانو ثلاثتهم هو واركان شاهين ذوله تاخذين روحها ولاتوصليهم ربتهم بعافيتاها اكلتهم لحمها وشربوهم دمها گوت كلوبهم وخالتهم مايهابون الموت غفلت وريحت واحد ماتغلط وتضيع الثاني اطلعو

--ان شاء الله يطلع بس ماارجعله بعد

--اذا رجعتي تطير ركبتي يعمه دخلتج على حساب نفسي

--واني ماراح اخذلج بس لازم اشتغل لان عندي ثنين وجاي الثالث بالطريق الله يحركه ورطني وراح

--هههههه يضمن ابن بدعه يفكر لبعيد خايف ترحين من ايدو اشكد عليج

--ماعرف بس بعدني استوني

--عجل ذكريني الصبح اجيبلج زيت الزيتون دهنين بطنج بيها  تاماتترهل وتشد  واجيبلج اعشاب تايقوه الجهل

كملت رضاعتهم بس فطنت  لعاشق عباره عن جلب  اريد اكمطه مااكدر يتزابگ ويصرخ بوجهي بعصبيه تعبت وماسيطرت عليه

بديت افقد اعصابي لان ماعرف شبي سحبته من ام غيث كال شبلاج يمه

--عمه مجلوب دشوفي جان هادء على حضي انگلب

--دجيبي يعمه وبعدي لغاد

--عزه هذا شبي ديتصارع اخاف مريض

--لانشط مابي شي ابو هيج بزغره

--عمه كل يوم ماينسمع صوته كاضيها نوم وهادء اخاف برد

--عش ماتكولين  اكو من اليعطي بالختله تاينيمو هذا الجاهل طبيعي هيج يتحرك

--عزه بعينهن صدك من جان عندي اول ماجبته مايخليني انام للصبح حتى بالنهار رغم جان مبكره ولادته

--انجعلهم بالمرض يهل بدعه مابيهم واحد بگلبو رحمه

مرت الايام صدك مرتاحه عمتي كلش حبابه ومامصدكه بالجهال  تشيل واحد تخلي واحد دقيقه ماتخليهم بالكاع بس من اتروح للسوگ

صح اشتاق لغيث بس ركضتي ويه الجهال وتعب الحمل منسيني بالنهار

بس بليل احن لحضنه افتح فونه اكلب بصوره ويامنه بتركيا من يتغزل بالبنات ويخليني اطفر حتى يضحك عليه

شقاه ويه جود وكرم ونظرته من احجي منفعله ورفعت حاجبه من يعرفني داجذب بس يسايرني حتى لاعصب

اخلي ايدي على وجهي الكي دموعي تارسه  المخده اباوع عاشق كدامي نايم  اغلق الفون اخاف ربي يغضب عليه ويرجعني لذيج الايام الجنت اتمنى بس اكمش ايده بيها

رغم مرتاحه وبديت اتعود عالعيشه وفرحانه بالجهال يمي  بس كلبي عد لحن قلقه كلش ماعرف شصار

كاعده باليل وبيدي فون غيث  عمتي اتلولي لعاشق الي ميرضه  ينام

رجعت الشريحه اتصل بغسق احسها اتمدني بالقوه  مهما كان الانسان متاكد من قراره بس يضل معتاز احد قريب يشجعه

اجاني صوتها تعبان مبين نايمه كالت غيث طلعت من السجن

--اني ناي

--واخيرا سمعت صوتج ولج وينج

--اخذت الجهال وانهزمت

--كفوووووو كفوو بالذيبه كفوو عجبتيني

--ههههه اول واحد يشجعني عالسويته

--تركيهم خرب بأهلهم شكو لاطشه بس للظيم اشو رجلج وطار وين انتي ولج

--بمكان ماكدر اكلج اخاف رقم غيث مراقب

--اشلونج مرتاحه احجي والله بالي يمج ورويدا ام دميعه كل مااريد افضفض يمها تبجي كمت مااذكرج ابد

--محتاره خايفه

--من شنو ولج ناي اول مره تشتغلين صح شوفي حياتج رجلج ١٥سنه مسجون تعرفين شنو عمر يعني

--هو هذا المخوفني اخاف ماكدر للجهال وحدي واتندم

--ماراح تتندمين بكد ماترجعين وتعيشين يم عيالج الجلاب داده  تردين اتتزوجين لوناويه اتضلين على غيث

--يمه انام بغير حضن غيث غير انتحر لاطبعا عسى مامؤبد  ماسويها صح ضايجه منه عالسواه بس موااتركه

--لعد سمعي مني كملي دراستج وهذه اول خطوه واحنه وياج

--ماراح اكدر ماضل شي عالامتحانات والجهال زغار رادلهم عنايه عالسنه التجي

--نااااي لاتخبليني السنه الخ جامعه والجهال يدبرون بليل اقري انتي مودارخه المواد بس مراجعه واني ورودي وياج فتحي كام نساعدج

--ماعرف

--لاتعرفين واني هالسنه راح اتركها المواد صعبه هنا لغتهم تعبانه مادبرها السنه التجي حرد للعراق اعيد سنه اولى يله نانو حتى اني وياج بالجامعه فدوه

--سويتيلي واهس

--لاباوعي الواهس الاكبر رويدا راح تصير معيدا بالجامعه واني اقنعها سوه بنفس الجامعه ناي حبيبتي مادام فارغه ماراح تحصلين مثل هالفرصه ثبتي للكل انتي كدها

--خايفه افشل

--ماعرفتج هيج ضعيفه هاي رويدا اتسلم عليج اتكول حتى لواول سنه ماتقدمتي للامتحانات تعتبريها تجربه ماتخسرين شي لان اصلا اسمج مسجل ناي فدوه حتى فشله من بابا نخيته  ترك شغله وراح كمل امورج 

--تمام راح اجرب خليج وياي وامانه غسق محد يعرف داتصل بيج

--لابس سوي صفحه وشلعي الرقم وقطعي كل التواصل حتى نبدي صح وعيشي ماطولج بحريه كلها كم شهر ونرجع نلتم سوه ايد بايد راح نتخطى كلشي الله يلعن الزلم وقرفهم

--اي والله ماقدمونه بكد مادمرونه هاي هيه عليها راح اسوي صفحه واشلع الرقم

--ناي اول شي تشترين كتب سمعتي

--باجر اشتري صدك سويتيلي واهس لازم اوكف على رجليه واثبت للكل اني كدها اجه الوقت الي اعيش مثل مااريد حتى اكدر اخذ حقي

--كفووو يله روحي شلعي الرقم لاتلكفين يالنجره

سلمت وغلقته

اتصلت باابو كاظم   امنت على لحن  ومنه عرفت ماما يم ام سروان ضاله

شلعت الشريحه و گطعت كل تواصلي وياهم صدگ  صار والوقت الي لازم اوكف على رجليه واخذ حقي من كل واحد ذلنه وجان اله ايد بدمارنا 

سويت صفحه ودزيت طلب لغسق ضافتني بكروب اسمه الله يلعن غيث وجماعته ضحكت عالاسم

مبين جود ضاربها بوري الي نوت حتى ترد للعراق وتاركه الجامعه بس يعجبني اصرارها وقوتها ماتبين ابد ولاتهتم

احنه بمكان بغداد بعيد يعني مايخطر على بالهم
ثاني يوم كتبت لعمتي شنو اعتاز جابتلي صح ماضل هواي عن الامتحانات واعرف روحي مالحگ بس تشجيع عمتي وتواصلي ويه غسق ورويدا هو الي خلاني اصممت اكمل

الحمد الله من تسجيلي واوراقي كامله بقه بس مركز الامتحاني اندله

هو هذا جان بدايه مشوراي وبدايه ايامي  الجديده الي قلبت حياتي  بعد ماجنت احس بروحي ضعيفه كمت احس روحي انسانه الها قدرها ومكانها بالحياة

كلمايمر على بالي غيث يطلع وياخذ اطفالي   وينطيهم لبدعه كدام عيني  وارد مذلوله تاركه حق الراحو وراي  يصيرلي حافز اكثر

اطلع حركتي بالقراءة اضل لوجه الصبح لمن يأذن اكوم اصلي وشمر روحي ماادري بنفسي من التعب

استوني نايمه وصرخ ابني الاكيوت الحباب الي صوته ماينسمع

كمزني كمزه لبالي انگرص شلته سكت ومطگ جوعان  اجيت الكشه بعضه كوه كمشت روحي

عمتي ميته ضحك كالت عليمن يطلع

--شكرا عمه وصل التاك بس تره اني جنت هادئة بزغري هذا على ابنج

--دجيبي وسوي ممه لايكعد علاوي انوب تتخبلين فرد مره

--فدوه اروحله ابو الهدوء حتى من يكعد صوته ماطلع قابل مثل هذا جنه جلب اجرب ياصدك مره كلي غيث هيج معقوله جان يقصد اني مثل هذا

--اوف ياغيث كلما تمر الفرحه جدامو تضيعها بدعه بشرها اذا عرف بيج ماخذتهم اكيد يتسودن موبعيده ينهزم من السجن ويدورج

--ههههه لعد من حيعرف المفاجأه الناويتها اله

--ناي بعد عمري يكفي خذتي حگج من يشوف روحو بالسجن مايكدر يتنفس وانتي ماخذ ولدهم وتفترين هاي نص عمرو

--السويته مايجي يوم واحد من العيشناه  اتخيلي اتنامين بحضن واحد حارمج من ابنج وكتالين اهلج ويشوف دمعتج والتوسل بعيونج ويدير وجهه

--صح ابني ظالم بس يتصرف بعگل يعرفج متهوره وكلبج بعدو رجيج  خاف يخسرج

--لا جان يصنع مني شخصيه تناسبه  قويه من ورا  وانسانه ضعيفه كدامه  تخضع لاوامره واني الراح  اقلب الموازين  راح يجي يوم يلگاني واكفه كدامه بقوة بحيث يحسب احساب للسلام   مو يكلي رجعي الجهال لبدعه

--ان شاء الله واني وياج احب الابنيه القويه الي تواجه الصعوبات وماتنكسر بس راح انوكل اني لحگي سويلي ممه قبل لاينهشني  عاشق

سويت ممه انطيتها ورجعت اتمددت طايره النومه رغم تعبي جنه ابو مايرتاح اله يخرب الراحه

مرت الايام واني حتى الجهال بعد مالحگ اشيلهم من بعيد العب وياهم وارجع للدراسه صرت جلد وعضم حمل ونوم ماكو ودراسه بس من اذكر هدفي ازيد ضغط

مانام غير ساعتين دخلت بالغرفه الداخليه حتى اركز لان ماضل وقت عندي

افلوسنه بدت تخلص لان مصرف الجهال هواي واني غبيه بالدراسه اذا مااكتب مااحفظ

كمت امسح وارجع اكتب حتى لاخسر اوراق
جنت متراهنه ويه الوكت لواغلبه لو يكسرني

بس انكسرت هواي وكمت اعرف الطرق الصح منين مادخل بطريق بي ظلمه لمن ادرسه عدل يالله اخلي بدايه تقدمي

بلشت بالامتحانات راحت عمتي اخذت هويتي ودورت عالمركز اندلته لان طلعتي اشويه صعبه

حتى من طلعت جنت منقبه حتى لاانعرف  لان بعد وكت ضهوري مو هسه بعدني رجيجه

اليوم اول يوم الي كاعده وكلبي يريد يطلع وزعو الاوراق والاسئلة قريت السؤال الاول طلعت ناسيه وعيوني بعد ماشوف بيهن من كثر الدموع

العالم كلها اتحل بس اني فاشله

خليت القلم مسحت عيوني رددت اني قويه راح اكدر ناي مستقبلج ونتقامج كلها يحدده هذا الامتحان

اتذكرت ماما من جانت اتعلمنا شنكول قبل الامتحان وصدك انحل صح وكتها

ربي اشرح لي صدري ويسر لي امري وحل العقده من لساني

ياحي ياقيوم برحمك استغيث

هم لاحكني غيث اشتعل كرم

كمشت القلم وبلشت شي ورا شي والحمد الله راح التوتر وكامت المعلومات تجي بالتسلسل

اكتب واتخيل الناويه اسوي خلصت الاسئله  راجعت تمام الحمد الله بست ايدي وخليتها على گصتي ما انسى دين بابا بست المداليه

كمت سلمت الورقه وتكسي كبل للبيت مثل السبيه منهزمه من التنظيم

يوم وره يوم اني امشي واقرا وعمتي وراي لفتها وتركض اكلي لاتوكعين ابن غيث يصيرله شي
راح يطلع تعبان راح يتكسح ماتفگ لمن اكل وتقيئ يالله ترتاح

مالكيت صعوبه بس بالانكليزي الإنشاءات اقرا واحد انسى واحد عانيت كلش رحت بيومها من الفجر اني وعمتي للكاظم زرت خليتها بالامام كلتها امتحن واجي ضلي اندعي لاتبطلين

رحت امتحنت والحمد الله جابو الانشاء الي حافظته  من فرحتي شالت الاسئله بستها لكيت الكل يباوعلي اتفشلت رجعتها كتبت الانشاء اول شي

الاسقاطات اذكر بس ثنين الباقي طارت تركتهن وكملت الباقي

خلصت كتبت بأصبعي عالدفتر

لاتخف دركآ ولاتخشى 

سلمت الورقه وكمت اخذت تكسي للامام دخلت ولكيت عمتي وياها اثنين نسوان مخبوصات ركضت كلتلها شصاير

--اخذي ابنج وطلعي من بيتي كبل لرجلج انعل ابو لابو ابنه

--شبيج عمه

--ولج خبلني مايهجب الجاهل موش طبيعي مخبل لالا موعاقل يطلع بي خيط هذا

--يااا عمه اشبيج والله حباب ليش تحجين هيج

--عجل اخذي بره بره منه ومن ابو

--منو تاخذه خافي ربج اني جايه من الامتحان تعبانه

--ماكو بعد ترحين للامتحان تاخذي وياج اني مره جبيره موش حمل هذا المصگوع

--عمه شمري باب الامام بسكوت وخلينه نرد لامن شاف ولامن دره

--محد ياخذه يضل شرد بالعالم حتى للزياره محد يجي بعد

--لاتاخذه المكديه تكدي بي يمه علاوي بعد عمري تعال صدقه لمحمد اذا طلع عندي ابنيه من هسه الك

--لايمه لاتحجين بالامام ماتعرفين الدنيا شضامه يلا كومي قبل لايطردونه

رجعنه للبيت عمتي خطيه شمرت روحه من التعب كالت بس ساعه انام

ضليت افتر بعاشق حتى يسكت حسبت ساعه وخمس دقايق كعدتها
باوعتلي صفح

--يله عاد صدك ضايع بيج المعروف

--انعل اصل معروفج وينو مامدحگه منو غير عاشق الخبل

--باوعي الساعه تركتج نايمه خمس دقايق اضافي يلا اجه دوري تره ديزاگط حفيدج راح ينط

--والله ياحفيدي يجلطنه كلنا وهو يضل على سوادينو البارحه جارتنا تسالني اذا ممتون تاتعدلو الو

--لعد بطريقج مري عالسجن اخذيها لابنج العود وياج فرد مره اتعدله

--اني هم كلتلها هذا طبع ابو مابي شي الجاهل تعال يبعد جدتج

خذته اشتمته كالت افيششش يريحه غيث

شمرت روحي بالفراش اسمعها تلاعبه وتكفله فرحانه بي هالمره طيبه الدنيا بكلبها

علي ياخذ ممته يخلي راسه بحضني وينام بدون صوت

واليوم اخر يوم امتحان مانمت واصلت نهار وليل  والبنات وياي اتصال مباشر لمن  صليت غلقته  راجعت ورحت للقاعه الامتحانيه

ربي ماكسر بخاطري الاسئله اجت سهله حلكي مفتوح اضحك وامتحن خلصت بست الورقه وانطيتها للمراقبه

رديت ركض للبيت عالاساس انام بس بائت احلامي بالفشل واني اشوف عمتي كاعده بالباب وخاله عاشق بحضنها جنه طير مهلوس بس عيونه تزرزر حتى راسه يلولح مايكدر يضبطه عدل

باوعتلي ابتسمت اشرت شكو

--تدرين من ساعه شنهو فكرت

--تنتحرين

--لاهاي قديمه الفكره الم جويلاتي وارد لبيت زلمتي بيدي جفني بس حتى اخلص

--يااا عمه اشبيج اصلا دباوعي العالم اشلون يباوعوله ومتعجبين  بالهدوء الشايله طابكنه اني وابو ماخذ الخصل الجميله والحلوه منه

--عمه غيث طلكج اكيد مايخليج لسه على ذمتو اخذي ابنج وتوكلي

--لاعمه احبج ماكدر افاركج

--اني ماريدج اخذي اشتعل اصلكم تورطت مره منهجبه وكاعده شخطر على بالي وجبتكم

--عييب عمه شكولون العالم تطرد جنتها

--شكول عليك غيث من تعرف روحك مسودن تروح تاخذ وحده انكس منك مافكرت بخلفتكم شتطلع

--يمه صدقه ديباوعلج يكول بيبي حبيبتي هسه اتبدلي وتسويلي ممه يله عمه كولي يالله واستهدي بالرحمن  هاي عين صابتج كومي دخلي

--علاوي يمكن كعد اخذي هذا خلي اروحلو

--عمه اجه ابو العتيگ شمري علي وركضي ضيعي روحج بالشوارع حتى ميندل بيتج وين

--والله المفروض اشمرج انتي

--اووف ماريد اصدمج بس بعد كم شهر راح اجيبلج واحد لخ اذا موتوم

اباوعلها اشو هاي صفنت ودنكت شالت حجاره ركضت دخلت جوه

دخلت وراي تضحك سدت الباب اتبوس بالخبل الي الجوارين صارت عدهم حسره النومه من هدوءه

مرت الايام والفلوس وشلت تمامآ  والراتب ميكفي حليب وحفاضات

بعد توسل ويه عمتي قبلت اسوي كبه بالبيت حتى تودي للمحلات يشوفوهن ونتفق وياهم

كعدت من الصبح لان وقت نومة عاشق مثل الخفاش

دخلت للمطبخ وعمتي تمشي على طراف اصابعها كالت شسوين

--ليش دتهمسين

--اشش عاشق فتح عيونه كوه غفه يله جيبي اساعدج

--حمسي اللحمه واني اسوي التمن

--نكعد بالطارمه من هسه اكلج منخش جوه

--حتى بالشارع اكعد بس كون يضل نايم استغفر الله عمه هذا اذا كبر شيصير

--يصير غيث الخبل ماينگضب اذا ماحصل احد يتكاون ويا يرگع راسو بالحايط صدك ماترحين للسجن تشوفي

--اروح بس موهسه بعد وكت هالحجي

كملنه الكبه طلعنه بالطارمه سويناها سلفنتها  لعمتي اخذتهن طلعت

رجعت على اطراف اصابيعي اول ماخليت راسي شفت اكلوبات عاشق انعلكن ينبهني لجوله الحرب الراح تبدي

الجهال تبجي من تكعد ابني مگروص

اباوعله يدور راسه بالغرفه لمن شافني ابتسمت ابتسامه خوف همست عاشق حبيبي بس ربع ساعه ابوس ايدك

عاشق لاتباوعلي هيج اني مثل امك زين باوع نعقد اتفاق انت تسكت واني اسويلك قوطيه حليب شكلت
برطم برطمت ويا شغل صافرت الانذار

اتربعت وكمت ابجي بصوت من ضيمي

سكت ابن الغثيث على صوتي من فرحتي ابجي واضحك بنفس الوقت

ساعتين ورجعت عمتي فرحانه بيدها قوطيه حليب كالت لكيت اسواق ياخذ منه

--الحمد الله ابوس ايدج عمه لارجليج اخسلهن بدموع عيوني بس خلصيني منه راح اموت

--يبوو تعبانه عجل مادريتي صار بيه ضغط

--يمااااا تعالي ليه انعل ذاك اليوم الصعدت بي السياره ولكيت غيث بوجهي سوده بوجهي من كلتله خلي انسوي طفل

--عبن مخبله اكو وحده تسوي طفل من هالخبل

بجيت بصوت وكلتها اثنين عمه ثنين

--مسودنه هيه التعاشر غيث بعد اتفكر بالجهال

--تفلي عليه عمه تفلي كال ماريد دگيت رجل اله هسه انسوي اني ماحب الجهال اشلون قنعت ماادري

--يااا ولج اخاف جان منطيج شي مغير عقلج بي

--ماكو غيرها مخدر عرفته ابن الاطعه اذنها

--منهو ولج الاطعه اذنها لايالهتره

--اني منج مااسكت جنتي تغلط عليه واسكت لاوالله اخذ ابنها واطردها

--لاحبيبتي ماحزرتي اني الي اطلع خليج انتي وابنج بالبيت متنازله عنو

رجعته بحضني وبجيت بقهر

--ههههه جيبي ونامي يله
تعال ويول شبلاك  بس تلتح انهجب يجده عجل من تكبر وهذه سوالفك يطردونه من المنطقه

هيه تحجي وهو يزاگط بيدها حتى كمش ماتكدر تكمشه من الوكاحه

اندكت الباب صاحت تعالييي ام محمود ماكو احد

--عزه عمه بكفشتي صدك دتحجين

--حبابه ماتعيب تعالي خيه هينا خشي

كعدت عدلت شعري دخلت مره متوسطه كمت سلمت عليها باعتلي كالت هاي مرت ابنج داده

--اي حرمت غيث وهذا وليدها

--كره عينج ربي يحفظهم الج 

--تفضلي كعدي

كعدت واني جريت علي خليته وراي نيمته اخاف عليه من العين لان دبدوب غطيت حتى وجهه كافي عدنه خبل بالعائله

ضلت اتسولف وتلعب بعاشق لمن سولفتلها عمتي عالكبه كالت ياا لعد اعرف ناس هنا دكاتره هو ومرته يردون واحد يطبخلهم

--عجل كليلهم هم يفيدنه كم دينار

--جنتج تعرف تطبخ

--طيب نفسها بالاكل جربي وحكمي

--خوش العصر اروح اتفق وياهم كل يوم تودولهم اكل وتاخذين اسبوعيه وهم اشولفلج الاسواق مال ابن اختي

--الله ويدج وهم الجوارين اي واحد يريد تعالي كولي

مرت الايام بالنهار ركض نتناوب على عاشق وبليل نكعد انسوي كبه وكدور دولمه للعالم رغم التعب بس الفرحه ماليه اكلوبنا واحنه انشوف نتيجه  تعبنا كدامنا ماضايعه

كاعده ابدل لعلاوي ودخلت عمتي تركض كالت ولج نااااي كومي

--خير عمه

--ابن جوارينا يكول طلعت النتائج

--واني

--شعرفني دكومي يعمه بالمبايل يكول طلعن بجاهك يالكاظم ماترد ابنيتي فرح كلبها

انشليت ماكدر اكوم اشرتلها عالفون جابته الي فتحته ودخلت لكيت الروابط نازله صدك دتنزل  دست تحميل

وكمت افتر اتكول اطلوكه وبالفعل حسيت الم جوه بطني لوتني اتذكرت ابني الراح خفت

رجعت كعدت اكل بأضافيري مرت ربع ساعه لان لود جان

واخيرا طلعت دخلت على مركزي اكلب ودموعي تنزل اصعب موقف حلم عمري واملي تعب هواي

طلع اسمي طالعه بدرسين بعني ادخل امتحان نهائي دنكت سجدت وبجيت وعمتي وياي

سحبتني حضنتها وبجيت بفرح عمري كله گضيته ابجي بحزن اول فرحه تدخل كلبي ---

***لحن. ***

كاعده بغرفه ناي عازله روحي بسبب الحجي الي اسمعه منهم

اشهر وهمه مستمرين يدورون على ناي ماملو وكل واحد يتفنن شكل اذا كمشها شيسوي بيها اسمع وصافنه احسهم وحوش موبشر

بالاخص سماهر لحد الان مانامت يوم نومه عدله تفتر بالبيت مثل المخبله ماتخلي واحد كاعد اطلع فوج زلم وترد فوج ليل نهار ادور

الحمد الله ابو كاظم موجود ويخليني اخبرها امن جان انجنيت كل اشويه اكول كمشوها وديعذبون بيها

انفتحت الباب دخل اركان شمر سلاحه والفون لكاني كاعده عالفرشه كال كم مره نبهتج ماتكعدين على فرشتهم

--اشوكت تشتريلي بيت

--البيت حاضر بس نحصل خبر عن اختج واخذج الو

--اركان لاتبلش وياي تره مليت من تصرفاتك اني مالي ذنب كل مره اتعاقبني بسوالف ناي

--استغفر الله يولي حجيت شي

--اي شوف روحك اتفوت وتطلع تصرخ بوجهي رجعني لماما تره ماغصبتك تجي تاخذني اررركان مليييت تعرف شنو مليت

--صوتج بويه العالم كعدت

--هذا الهامك تمام ذاك دوشگج فرشه ونام

--شنهو هاي جديده

--اي جديه اني من اليوم انام بفرشت اختي عود من اترد واعصابك تتحسن اتخليني بيت  ذاك الوكت تعالي طالب انام يمك

--يطبج مرض خلج من زينج وتتمندلين

دار وجهه نزع دشداشته شمرها ونزل الدوشك فرشه اتمدد احسه حركني بالزايد

نمت وتغطيت حتى راسي اتذكر اشلون جان يتغزل بيه يعني جان يجذب عليه

انكلبت صاح ركدي اريد انطمر

--وانت شكو منگلبه عليك قابل

--اشلون اتخليني اكوم اسحلها بهاليل لحن كضبي لسانج يولي

--هاي كل قوتك احلف

--تردين ادحگين قوتي يولي عش تستعجلين اخرتج

--لالبالك اتخوفني

--ماتخافين

--لاماخاف لان اعرفك بس حجي تهوس وتتهدد وكلشي ماكو

--لحن

--هااا اركااان هااااا خليني ساكته لااكوم اطلعك من الغرفه لالبالك مااكدرلك

--لا لاگويه

--اي قويه كالحرب بس اني معبرتلها الك بمزاجي اكول خطيه جاي تعبان تكسر الخاطر

--الله يجبر بخاطرج

--بس تره للصبر حد دير بالك وخاف على روحك الي يوم اعفس وجهك

سمعته كام غطيت حتى راسي اجه يمي جر الغطه
دنگ كال فتحي عيونج يولي عش سادتهم

--اني نايمه

--اها حلو

شمر الغطه شالني راح جهه الباب كمشت بركبته كلتله والله اتشاقه اشبيك ماتتحمل شقه

--عجل وين الگويه والي ماتهاب احد

--جذب اشبيك صدكت

--قويه كالحرب وناعمه كالسلام

--والمسيح الحي جذب اني اصلا وحده فاهيه بس احبك

باوعلي وضحك حضني  رجعني لفراشه خلاني وتمدد بصفي غطاني اخذني لصدره كال ضايجه يولي

--اي والله اختنكت صار اشكد محبوسه

--حگج بس اختج ورتنا ور بالقران الكل يتزنح بمجان شكل بس نريد نعرف وين خاتله

--واني شذنبي كلما تروح ناي اني اتحاسب مكانها

--منهو يحاسبج بالقران  الي يفكر يصل يمج ادفنو بمجانو

--محد حاجاني بس يحجن على ناي صدك اركان اليحب يكدر يكتل اليحبه

--لا بس يملص اذاناتها تاعيد ترباتها

--يعني غيث اذا كمش ناي ميكتلها

--ماعرف هاي يمو

--اتحبني

--لا عش تسالين

--لعد ليش ماكتلتني مو هددت

--گلبي كلب ابن كلب دومه جاسر وجهي ومخجلني جدام الاوادم

--اركان

--عيونو

--سمعت سهيله اتكول لبيبي خلي اركان يقسم بالعدل حرام عليه اني هم مرته

--تهتر وتنكتم وحدها

--اركان اذا قسمت ا

--اشش لاتضلين تلغثين شنهو خبل اسويها امني غير فرشتج مانام

--يعني اتحبي

--لا
--لعد ليش رجعتني

--عجبتني بدلتج

--صدگ ماسولفتلك رادو يصبغون شعري اسود

--بالقران لوعامليها جان دكيتهم كلهم صفر زلم ونسوان

--اريد اتنفس ادنه اشويه جاعصني

--نكتمي وركدي اريد انطمر

--اخذني باجر وياك

--وين يولي رايحين مواجهه

--اي ماانزل من السياره لمن اتكملون فدوه والله مليت بس نفتر اشويه

--غير مره

وخر ايده كمشت وجهه بديه بسته بخده باوعلي رجعت بست الخد الثاني

--وبعدين

--احبك

--غيرو

بسته من شفته

--المطلوب يولي

--تدري اشكد احبك

--بكد الدياحه بشوارع بغداد

--اخذني وياك  فدوه

--ماكو شي بلاش

--ياااا لعد مادريت

--اي دريت لحن صوتج اذا طلع اجسر سنونح داخل حلكج اربزي  لج ---

كعدت الصبح على بوساته يوزعهن على خدودي فتحت عيوني اتمغطت اخذني لحضنه عصرني وباس ركبتي

وخرته كال يله راح نطلع

--سابحه  بس ابدل

--نازل كبلج لاتتاخرين

هزيت راسي كام طلع واني ركض ركض همزين ملابس ناي تاركتهم البس منها كملت لبست جبه وشالي نزلت اركض شافتني عمتي ام اركان كالت وين

اركان. وياي

--يمه كل عقلك شكو ماخذها وياك

--يولي  روحي  عالسياره  هاج السويج

كالها وشمرالي المفتاح اخذته وطلعت اركض تركتهم يقنعون بي مياخذني بس الحلو بيهم يكلهم اي ومينفذ بس الي براسه

اجه  وحده صعد شغل السياره كلتله شو ماكو بيبي

--اذا حضرت جنابج تردين افرفرين وين اورط المره

--ذكرني من ارجع اكافأك

--عطيني مال السم الجرعتو جوه هسه والله كريم للرده

--ليش منرجع لبيتكم

-- احتمال هذا الاسبوع  بس تتحسن جدتي اشويه

-- يعني اله بيبي ويانه

--  عجل منهو اليحميج ياروح بيبيتج  بالقران بس يستفردن بيج ينهشنج يلا اتنكبي تانطلع

شلت الشال خليته على خشمي طلعنه من البيت بس اتعدينه المنطقه تركته اتنفس

الطريق حلو والجو بعد احلى بس اركان اشوف القهر بعيونه كلما نتقرب لبغداد يكثر اعرفه مايكدر بدون غيث وكلبه يوجعه اشكد ماحاول اخفف عنه بس يضل صديقه واكثر من اخو روحه بي

دخلنه بغداد وصلنه للمكان  استوها العالم تدخل ركن سيارته نزل  لبالي اضل اشرلي نزلي

نزلت بسرعه اجه يمي شال الحاشيه مال شالي نقبني بي وكمش ايدي بين ماعمي جان كدامنه جاي كمل اجرائات الدخول

رحنه دخلنه لكينه غيث منتظر يروح ويجي

متغير مونفسه تعبان وشعره خفيف ماكو ذيج التسريحه والاناقه رايحه

حضن عمي  الي  يبجي  ضحگ وباس راسه كالها هانت ماضل جثير

--الله يسهل  والله ماضل حيل لفراگك

--اشلونج خويه لحن

--زينه

--ها يخوي بشر ماحصلتوها

اركان. لاوالله لسه اختفت اتكول فص ملح وذاب

-- طلعوني رحمه لدينكم ولك دبرني اركان شوفلي جماعه يهربوني يعدموني خرب بااهلك هاي راحت

ابو اركان. ردت اعيد التحقيق بس محاميهم محد يكدرلو راح يفر السالفه اعرفو ومانستفاد شي

--علاء الديييين  علاء الدييين   اكضبو لولا اذا ماخليتو يعتزل المهنه ماتسمى عالزلم خبرتو جماعه تركيا

-- اي يخوي راحو الولد للمنشأت والمطارات مامسافره هينا موجوده بس وين مانعرف

--دخيلك يارب وين تروح 

دنگ خله راسه بين اديه اباوع اديه ترجف خايف اخذله شويه وشال راسه عيونه حمر مسح وجهه كال معقوله ضيعت الجهال وتخاف اترد

--شعمل كلي هاي جدامك وروح اخوي  عجزت

--ابوس ايدك طلعني دبرني بروح اخوك ماتضل هالكد مختفيه هاي صارلها شي

دنگ اركان وهو كام كامش راسه يروح ويجي كل اشويه وكال بفلان مكان واركان يرد دورنا

لمن تعب وصار وكت الطلعه كمنه وهو  رد كعد دنگ خله راسه بين اديه كسر كلبي  نزلت دموعي

شال راسه باوعلي عيونه تلمع اشرلي بترجي

دنكت

كام دفع اركان واجه كمش ايدي
-- لحن خويه احجي كولي بخير هيه ماريد اعرف شي غير هالجلمه

--ماعرف

--ماطلع ابن ابوي اذا حاجيتها لو اذيتها بس كولي دخيل نبيج

باوعت لاركان متفاجأه سحبت ايدي من غيث كلتله وين قابل ادري اني

--اركان وعمه الساده لساني مايخاطب لسانك ليوم الدين اذا حاجيتها لحن ابروح عاشق بس كولي هيه بخير لولا

اركان. احجي يولي

--والله اني ماادري وينها بس

غيث. بس شنو دخيل الخالقج احجي مووريتيني صايرلها شي

--اول مارجعت لاركان اتصلت بيه من فونك

--اي

--كالت اني زينه و

--شنهوو احجييي

--كاعده ويه امك بنفس البيت 

--امي عايشه ؟

***ناي ***

من يوم استلام النتيجه اتوسعت احلامي خليت الهدف كدامي صار  ماعندي غير اقره واسوي اكل للعالم

عمتي اتولت الجهال صح متعبين بس خطيه فرحتها منسيتها التعب

اكثر الوقت ام محمود  يمنه اتساعدنه وتسولف ويه الجهال تاخذ الاكل ويه عمتي اتوزع عالمحلات

علاوي نسمه موطفل ينتظرني اكمل شغل ينقق اشويه اخذه لحضني يخلي راسه بصدري يدور حنان

جان راحتي هو العب اشويه لان ابني بس للمصارعه فاقد هالبرائه

سوده عليه خويه هسه حسيت بمعناتك اشلون جنت حاملني

مرت الاشهر وحملي ثگل ماعندي افلوس اروح اشوف جنس الطفل  بس مبين واحد موثنين واني هم خالتها ع الله

حالتنا اشويه استعدلت والناس حبت اكلنا ربي حرمني من حضن امي عوضني بحضن ام شايله حنان الدنيا

اكعد باليل واسمعها اتهز بعاشق و اتغنيله

حبيتك حب لهفه بلهفه حبيتك حب روح بروح

خيرتك واليهوه بكيفه اتريد اتضل اتريد اتروح
لوشوگك ينساه البال ولابعدك غير هالحال

ولاتكدر تنساك الروح اتريد اتضل اتريد تروح

اباوعلها عيونها تلمع وبغير عالم شنو الي ابگلبج اشلون تملكين هالحنيه وهيج تركتي ابنج

شنو الصار وخلاج اتركين زوجج الي لحد الان ضامه صوره وتباوعيهن بالختلات وابنج الي تتحسرين كلما تلعبين ويه ابنه

ماكو سر يضل واني صبري طويل بهيج اشياء ماامل

ضبطت المواد كلها ومقرره معدل

المنطقه اتعلمت عليها صارت اعرف اكثر الجوارين بعد ماامنت محد يوصلنا لان مكان ميخطر على بال احد

بديت بالامتحانات اذا جنت انام اربع ساعات ايام المراجعه هسه يادوب ساعه ونص لو ثنين بليل بس من ارد من الامتحان لااخذ  كم ساعه

بس مراجعه لان درخت المواد من وكت غسق اقره واتذكر شرح جود تجيني الضحكه وين صفه بيك الوقت

غسق ورويدا هواي ساعدني دوم افتح كام يشرحلي الشي اليصعب عليه

مقرره  بس اوكف ارد الوكت بالمگلوب واني الي امشي الجنت اتمناه عدل راح احقق كل امنيه جنت اني وكاعده اتخيلها

حب غيث كثر ماقل يجذب اليكول يبعد ينسى ضحكته وشقاوته بتخيلاتي قبل رفته بكلبي

كلمااشتاقله اخلي ايدي على كلبي احس برفته واتذكر كلامه هم رف كلبك هم تذكرني بعد

خلصت الامتحانات بصعوبه ومعانات بس الاصرار اذا صار عند البشر راح يخلي يتجاوز المستحيل

دخلت بنص   الثامن من الحمل كوه امشي زلال عندي ومنفوخه صايره جني غول حمدت ربي غيث ماهو جان صنفني

نايمه صار كم يوم تجيني اوجاع بس العدها مثل عاشق شينيمها

صاير يزحف ويلگط الشغله عبر الاف الاميال يركز ويروحلها زحف ينبش ابوها

حتى ثقب الدود ماخالص منه لان بيتنا قديم
كامشه رجله ونايمه على ضهري

عمتي گاعده تباوعلي وتضحك عفست وجهي كلتلها شبيج

--كومي جيبي حفاضات للجهال ماعدنه

-مااطلع عمه بعد لمن اجيب

--عش يمه هذا الجمال كلو ضامتو هينا هههههه

--عممممه لاتصنفييين كله من وراج انتي اتعسين بطني اكلي اكلي ارتاحيتييي واني اكول غيث عليمن طالع يصنف

--شبيج جنج فلگه كمر هههههههههههه

باوعتلها بضوجه

--ضحكي ضحكي لابوه لابو الورطني وخلاني اجي يمج

--ولج بس لايطلع ابنج هيج سمين مثلج

--عمه والله راح ابجي حرام عليج اني جنتج

--اذا شافج غيث هيج شراح يكول

--غوول بتگ غمازه ارتاحي هذا ابو الاسواق مال المرض البارحه يكلي عدنه نفط معتازين برميل ماعدكم فارغ

--هههههههههههه اخ يمه  ضحكت خير تركي يمه خلو يلعب حرام هيج كاضبتو

--ولي يلا انطلق ابن غيث روح ولي العهد والله ياعمه هذا اذا كبر شوفيلنه مكان بالتجاوز كون ماكو بشر يمنا يصخم اوجوهنا

--جان صخم وجهم ابوه

--وعالاساس ابنج نبي غير صيته واصل للصين لاخال بت ولامره ولاعجوز اي شي يزحف يمشي يطير المهم بي ريحه انوثه

--ربي عطى جزاتو

--اي خطيه محروم ضل ١٥سنه

--لا جزاتو اخذج ههههههههه

برطمت واشوف عاشق  جر الواير مال الكهرباء من فزعتي طفرت بدون لاانتبه  ركضت شلته

وحس المي طگ والوجع فطر ضهري

نزلته بالكاع وطفيت الكهرباء

كمشت بطني كلتها عمه لحكيني

--يمه ولج راح يروح الجاهل

--ااااااااا عمه راح اموووت لحگينيييي

--لبسي يمه وين اروح ولج لبسي اي شي هسه جايتج

ركضت دكت الحايط بينه وبين ام محمود كالتها لحكيني ام محمود بنيتي راح اترووووح

رجعت جرت عبايتها خلتها على راسي وشالت عاشق مخبوصه اكثر مني

اني كامشه بطني اروح واجي احسها تتشكك
دخلت ام محمود كالت بعد وكتهاااا

--ياخيه شسوي راح تجيب وين محمود

--هسه ديشغل سيارته وين علاوي داودي يم البنات

--اي اخذي بس ابسرعه بين ماحضر حضاين للجاهل

--اشلون ناخذها للمستشفى بدون عقد

--عدها عقد بيت حتى لو مايسجلون الطفل بس بلكي يرضون يدخلوها بي لان تعبانه موش مال جده اخاف يصيرلها شي

--لعد يله داده اودي علاوي وانتي كملي بسرعه

دخلت عمتي كامت تشيل واتخلي بالجنطه واني اعظ بديه بعد ماتحملت صرخت صرخه رجت البيت

كامت طلعتني لكينه ام محمود بالباب منتظره وسياره ابنها مفتوحه صعدنه بسرعه بس الالم يموت استحي من الولد اصرخ ولاكدر اسكت

ثاني ولاده وغيث مويمي ولاامي بكد ماموجوعه كلبي مكسور 

اخذوني للمستشفى اطلگ وضرب عاشق لان يفلش بسياره الولد

وترجع تجيني الوجعه اعض ايدي

لمن وصلت اخر نفس اول ماشافتني الدكتوره حولتني عمليه الطفل شابع مي

عمتي يمي تبجي وشايله عاشق كمشت ايدها

-- امانه اتخليهم يمج ماتنطيهم لغيث

--يمي رديله ابنيج يضيع بعدج مجربه اليتم انتي

--ماكدر عمه تعبانه حسبي ابنج مكان غيث ربي انتي لاتردي وعلاوي هذا مكاني

--اتكومين سالمه وتربينهم بيدج علاوي مايرضه بيه متعود عليج لاتخلي يتيتم مرتين

غمضت احس الهوا خلص بريتي

اسمع صوت بجيتها  دخلوني اخذت المخدر رحت مادري بنفس لمن فقت واعمتي تضحگ كالت لاتنطيهم لغيث مو

--بطني يمه

--غيث وينك غيث مشتاقتلك ارجعلي  راح اموت

--شنو جبت

--بنيه جنها كمر

--هيا

--حلو اسم هيا بس اكو خبر ثاني هم حلو

--لاتكولين غيث طلع

--اندعي يطلع الله يستجاب الدعاء يهيج وقت مايستاهل اليصيرلو

--شنو الخبر

--.ابن ام ضياء طلع نتيجتج ناجحه وبمعدل

نزلت دموعي احس وجه هالمره خير عليه اتحس بشر يكلب حياتك ميه وثمانين درجه للاحسن بسبب نيته الصافيه

وهذا صار وياي من التقيت بعمتي

اضطرينه ثاني يوم نطلع من المستشفى بسبب الشفيه ابن الشفيه

وصلنه كامشه عمليتي حتى لاياكلني

اتمددت كلتها انطيني داشوف بتي

--لاتنفتح علميتج دحگي من هينا يمه بيضه گطن وشعرها اشكر

--هههههه تشبه لحن اختي هيج شكلها ياربي متطلع فاهيه مثلها

--لاربي لاتسمع منها اصليلك صلاه الشكر كافي هذا الخبل راح يشرد العالم

--ههههههه عمه دتشوفي اشلون يباوع لاخته صدقه

--لايعمه هذا مشيطن يريد اخليها وينهشها لبالج ماعرفو

--ماسجلوها مو

--لا زين من انطونياها غير لو مانحصل عرف محد يطلعج

--هانت ماضل شي اسجل بالاريده واليعجبني

--شلون

--ههه خلي اكدر اكوم بس وشوف البعده شنو

--ولج بتج هادئه ماطلع صوتها من جبتيها لسه

--لحن عرفتها نسخ ولسق

--ليش سميتها هيا

-- جان امنيته يصير عنده ابنيه حتى يسمها هيج

--الله يكملج بعقلج يمه ناي قدمي عالتربيه حلوه مدرسه حتى بالبيت اتكدرين اتدرسين

--ميخالف عمه تامرين

طلع العاشر ومرت الايام صدك هيا قمة الهدوء

فرغت وعقلي يفكر بالازيد كمت اشتغل واسوي اكثر للمحلات حتى اكدر اجمع

قدمت وسجلت الجامعات الي رايدتها بسكوت  عن عمتي 

توتري بالتقديم اكثر من النتيجه رغم اعرف معدلي زين  بس حظي من يعكس يخربط حياتي

من كثر الخوف والتوتر الي بي اسبوع قبل لاتطلع القبولات اني كاطعه الاكل

كاعده العصر بالباب كامشه فوني  ويمي عاشق وعلي يلعبون رفعت راسي للسما   ربي بس هذا الطلب بعد مااطلب

ثار اهلي حقنا احلامي بدايه وكفتي ربي لاتضيع تعبي بس انقبل بهاي الجامعه بعد مااطلب اي شي بس ادفعني دفعه واني اكمل

ربي اخذت كل فرحه وعوضتني مكانها بشي حشى منك كملها وياي دخيلك

نذر عليه اذا انقبلت اصلي مية ركعه جوه السما

ربي اني مسني الضر وانت ارحم الراحمين

اجه محمود  شافني ضحك كال ها كاعد

--منتظره القبولات اليوم

--معدلج حلو ان شاء الله خير

--اندعي فدوه

--دنطيني هذا واني اندعي

-لااترك على واخذ عاشق واني اندعي لروحي

--خلي يمج واندعيلج مرتين

-- شوفه خطيه اشلون يباوعلك برائه اخذه خطيه

--وره البراءه كارثه مصيبه لاتتسولف ولاتنحجي يلا اودعناكم

رن الفون شلت لكيت غسق تتصل

رديت مووكتج روحي ماكدر احجي من التوتر

--ههههههه مبروك يااحلى محاميه

--لالا جذب غسق الله عليج

--والله طلعت القبولات صار نص ساعه وطلعتج بس يمكن لود يمكم شعليها هاي وينج ولج بس لاتبجين

شهكت من الخنگه

--هههههههه هاي رويدا تباركلج

--ولج اتحقق حلمي ربي ماعرف اشلون اشكرك غسق مامصدكه حلفي ماتجذبين يمه كلبي راح يوكف

--تعبتي تستحقين اكثر ناي سنين عانيتي هاي اول فرحه يعوضج بيها ربي ياربي بدايه الافراح تكون

--ربي ربي ربي يمه كلبي تعبت

--نانووو يمعوده لاتموتين وهسه شنو الخطوه الجديده نايو

--لو سمحتي تلميذه المحامي علاء الدين ال-----

لاتنسون التصويت♥️