روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
- أنتَ تحبني ؟
- فستقـه شنو اتفقه ؟
- حيدر لاتكلي اتفقنه واتفقنه هذا الشي الي داتسوي تره مايصير ولاتكُلي وعدتيني أنتَ اذا تحبني كُول مابيها شي
- فستق لاتتسرعين أنتِ تعرفين شي وأني اعرف شي
- لا غلطان ما اعرف أي شي أني
دفعتة وكتلة :- حيـدر كوم اطلع بره هاي الاشياء ماتصـرفلي لا أكعد اهلي كُلهم هسه بالعباس
- فستق أهدي شويه يا عيني
ماخليتة يكمل :- لا أهـدا ولا اي شي كوم اطلع بـره
حضني بكُل قوتة ماكدرت اوخر :- بس أهدي شبيج بويه
- ملاحظ نفسك سويتها بلا ملح يوميـة جايني بنصاص الليالي شكالولك علـيه هااااا شكالولك
شويه شويه وبدأ ازدواج الرؤية عندي بديت اغمضت عيني وافتحها :- ريتاجه ؟
مارديت أجه بأتجاهي تجاهلتـة رحت للمطبخ غسلت وجهي وانداريت عليه كُتله :- روح اطلع خلصني
:- مستحيل اطلع وأنتِ هاي الحالة
طلع علبـة وطلع منها حباية :- هاج شربيها فـستق
- ما اشرب شي روح اطلع
- عوفي لعناد وهاج اخذيها
- ما اخذ شي اطلع
خلاها على المـيز وباوعلي وكالي :- راح اطلع فستقـة وبعد متشوفيني بس شربيها لخـاطري
كال هاي الكلمات وطلع حسيت رأسي راح ينفجر كعدت بالكاع ضغطت على رأسي مرت ربع ساعة ورأسي راح يطك من الألم غمضت عيوني ما شفت شي بعد
كعدت الصُبح حوالي ساعة تسعة أستغربت صـاعدة فوك وبمكاني باوعت لكيت أمي ناي يمي بالغُرفة بالكاع :- يُمه
- ها يابعدي كليلي شلون صرتي ولله مانمت الليل علمودج
- زينة يا يُمه الحمدُلله بس شصعدني هُنا جنت جوه ؟
- لكيتج بالصالة نايمة ومتغطاية ويمج العلبة مال العلاج مو كتلج كعديني
- لحظة يُمه بالصـالة ؟
- اي !
- ها اي نزلت اتوضى وراسي بقى يأذيني
- ليش ما مكعدتني مو كتلج اذا راسج يأذيج تكعديني ؟
- لا يُمه هوه صداح عادي فدوة لاتطوخيها قابل المن اكعدج
- ميخالف يُمه لازم
- ماشي على الجايـات عود اكُلج صـدُك أريد اروح للدكتور لـصداع راسي
- ان شاء الله على يوم اذا فرغت أني اخذج
أبتسمت الها مر اليـوم صار العصـر واحنه دانسوي غده دخل حُسين والعصبية تتطافر ركـع الباب ودخل كالت أمي :- ابني شبيك كول يالله
- أبن الـ**** ملهم اذا ماخليت القسم كُله يضحك عليك بس اصبرلي
أمي :- شـبيك !!!
ريتاج :- خير ان شاء الله
حُسين :- ليشوف ملهم وجماعتة يشوف خير لا ولله
أمي :- دسولف النة مو گلبي وكع
حُسين :- لاتخافـين يُمه ماكو شي
ريتاج :-صدُك تحجي أنتَ مداتشوف امي
أمي :- عـوفي يُمه يا روحي أنتِ كومي صـبي غده مابية بعد
كمت صبيت غده وصحتلها اجت وصاحت لحسين :- حُسين تعال تغده
- ما اشتهي يُمه راح اطلع العصـر وي جماعتي
- دتعال اكلك لُكمة منا للعـصر تجوع
- فدوه اروحـلج عوفيني وداعتج ماشتـهي
كلت الها :- عوفي يُمه هوه من يجوع أكيد راح ينزل
كملنة غده غسـلت الاماعيـن أمي راحت تنـام خذت التلفون وصعـدت شفت الاشعار فتحتة :- فستقه
- مو كلت بعد متشوفيني ؟
- كلت بعد متشوفيني ؟
- اي !
- چا ماكلت بعد ماراسلج
ضليت ساكتة ما جاوبتـة رجع دز :- تعبان فستقه
ما جاوبت ورجع دز :- أسمعي هاي الأُغنية عندي حجي وراها
- حيدر ماريـد أسمع شي
- وأذا كتلج لخـاطري !
- يله مـاشي
- ههههه الحمدُلله طلع عنـدي خاطر يمچ
سكتت ودز الأُغنية بدينة نسمعها خلصت وكال :- عادي نفتح موضوع هسه ؟
- موضـوع شنو ؟
- يالله فستق بويه أسمعيني واريد جـواب منچ
- يعني أنت تريد جواب مني واني كُل ما أسئلك تكلي بعدين راح تعرفين !!
- بس أسمـعيني
- كول حيدر
- شنو المانع الي مدايخلج تتقبليني بحياتج فستق ؟
- منو كال أني مامتقبلتك بحياتي أساسًا لو مامتقبلتـك مدانحجي هسه سوه
- زين چا ليش داتطرديني كُل ما أجي ؟
- باوع حيدر خلي نفـسك بمُكاني أني اجيك بنص اللـيل أنت تتقبـل الفكره لو لا او من يكون البـيت فارغ
- هنيالي
- حيييدر يعني تقبل اذا كعدو اهلي لو كعد حُسين ساعتها ما اعـرف شيصير من ناحية أنت ومن ناحـية ثانية أني
- أروح سبع فدوات للتفكر بيه شيصير
- دانتناقش لو حضرتك داتتغزل !
- لا يله كملي
- شنو أكمل أنتَ مقتنع شيـصير
- صح فستقه أشتياقي الج دايعميني حتى تفكير مدايخليني افكر بس شلووون !
- شلون شـنو !
- فستقه
- كول
- شلون بأشتياقي اذا أشتاقلج وييين أروح
- مُشكلتك حيدر
- فستقه راح أقسـي عليج
- شلون بله !!
- أتمنى يجي يوم وتشتاقيلي بي وماتلكيني ساعتها راح تعرفين
- شنو أعـرف ؟
- حلو يعني راح يـجي هذه اليوم
- لا حيدر غلطان مايجي
- عايشين ونشوف بويه
- يا حيـدر ولله عندك ثقه عالية
- افا لعد ليش
- اي كمل
- لا مو وكتة
- سكتنة شويه وكال :- وتدرين شـنو
- شنو !
- وساعتها يا فساتق راح تشوفي وجهي بكُل مُكان وراح تدورين عليه بس ماتشوفيني
- هاي منو الي يدور عليك أني !
- عندي احساس
- داتحـس غلط
- يجي يوم فسـتق
سكتت شويه وكتلة :- كول
- أريد أجيـب كُتبي اقره ابقي موجودة خاف بنـص القراءة اتذكرج أريد احس بوجـودج يمي
- هيه محادثة
- ميخالف
- بكيفك
- عشر دقايـق وأجي
راح تقريباً أقل العشر دقايق و أجه وكال :- موجوده فستق ؟
- أي
ضليت شويه ونمت كعدت على صلاة المغرب باوعت بالتلفون جان دازلي :- كومي صلي فستقي واقري سورة البقرة ولاتنسيني بنهاية الصلاة أهم شي
دزيتله ماشي وكمت صليت وقريت قرآن وكملت ودعيـتلة نزلت جوه بعدهم نايمين صـحت :- يمعووودين أكعدو
ماكو حس صعدت فوك لكيت حواء دزتلي رسائل :- رتوووووج فدوه جاوبي
اتصـلت عليها ورساً جاوبتني :- ولچ داموووت بطني داتـأذيني
- يا عُمري ويين الألم بالضبط ؟
- صفحتي ولج موتتني صارلها هواي مداتحمل
- شنو بأيدي حبيبي كولي لحـيدر خلي يوديج
- لا لا رتوج ماريـد اكللهم يله باي راح اروح
- حوووواء
سدت الخط اتصلت عليها مره ثانية ماكو جواب قلقت عليها كُلش :- ريتاجه تعالي يُمه
- جيـت
- تعالي نسوي عشه سوي زلاطة وأني عليه الباقي
- مـاشي
خلصتها وكتلها :- وين الليمون ؟
- خلص شوفي عصـير الليمون بالبـاب مال الثلاجة
خذتة وعصرت فوك الزلاطة تذكرت حيدر من سوه الزلاطة الي
جانت كُلش طيبه بدون مقدمات صعدت فوك
- وين صاعده راح أصب عشه
- دقايق وانزل
رحت للتلفون فتحته دزيتلة مقادير الزلاطة بسرعه حيادر دزيتلة وخذت التلفون ونزلت رغم كملتها للزلاطه بس ماعرف شنو الدافع الي خلاني ادزلة فكرت احذفها بس لا خليها
زلت جوه شفت أبوي سلمت عليه رحـت داصب عشه وي أمي وشفت أشعار على التلفون فتحتـة جان حيدر دازلي :- ها حبيتيها ؟
دزيتلة :- اي گُلش طيبة اريد طريقتها
ثواني ورد :- الف عافيـة
كال هالكلمات وبده يدزلي الطريقة على شكل مسچ صوتي عفته وكمت دانتعشه و أجت على بالي حواء كلت اخلص عشه واروح اتصل عليها كملنة عشه راحو أمي وأبوي بالصالة غسلت الاماعين
وصعدت فوك اتصلت على حـواء مرتين ثلاثة ماكو جـواب دخلت أسبح وبالي يمها كملت طلعـت بديت امشط شعري كملت وبـديت أتصفح باليوتيوب صـار ملل
نزلت جوه لكيت أمي وابوي كاعدين ديسولفون ضليت كاعدة يمهم نص ساعة ونركع الباب مال البره طفرت أشوف منو شفت حُسين داخل تتطافر منه أجه بأتجاهي وصاح
- ريييييييتااج
- هاا حُسين شكو ليش داتصيـح ؟
كلت هيج أجه لوه أذاني :- هسه اكلج ليش منووووو داخل للبيت من جنه طالعين ؟؟؟؟؟؟؟
....
يتبع ⬅️ - البارت العاشر -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.