لبوة على شفا الثار

بارت الخامس والاربعون

لبوة على شفا الثأر

                                     بقلمي :leo Alfatlawi

Ins:le_m3r
بارت الخامس والاربعون

**لحن***

شلت راسي مصدومه من الكالته اباوع لماما ابتسمت فرحانه وهيه مستمره بالحجي تمدح بابن بتها لمن كالت هاي خو بعد ماعدكم حجه وتكولون اثگال ولازم انروح

ماما. بس ليكدام مااخليها تروح للخارج كافي ذيج ماعرف وين اراضيها والله اعلم اشوفها بعد لولا

--لاحجيت وياها وهيه من زمان مقهوره عليه لان وحدي ضليت كالت تتزوج يمج وكل كم شهر يجيها يضل شهر شهرين ويرجع

--هو شافها لوعالحجي

--اي من مخبرتهم شايفها واني قبل بساع حاجيتهم قصتها واشلون اخذتها وضميتها يمي ومدحتلها بهدوئها واخلاقها وهم تتصل واحد يحجي ويه الثاني حتى يتعرفون

--هاي هيه داده الي الله كاتبه يصير بلكي تستقر وترتاح امن على وحده اقلها

--اي بيبي لحن ماكلتي شنو رايج

--مااتزوج بيبي

ماما. وليش عيني ماتتزوجين

--ماما جربت مرتين وفشلت كافي خليني اشوف مستقبلي تره الحياه موبس زواج

--لاكولي ضحك عليه واكل راسي بكم كلمه اكلج اي

--هسه دتشوفيني رجعتله حتى هيج تحجين

--واني ماانتظر تردين لهذا السگط لحن ماما لاتشلعين كلبي خليني أمن عليج قبل لاموت

--اسم الله عليج ماما من عمري على عمرج بس الزواج كرهته ماريد اتزوج بعد

--دتعرفي عالولد وشوفي هسه انتي اشبيج هوستي وبعدها المره بس حاجيه

ام سروان.  اني ماغصبج بيبي راح اخليج تخبري وتتفقون واحد يشوف الثاني وتتعرفون هذه زواج مولعب ادري بيج خايفه بعدج هم حقج زواجج مايتعاشر الله يساعدج

--حباب اركان وحتى السواه جان غصبا عنه عاداتهم تختلف واني جنت اعاند ويا ولامره ضربني ولاعاقبني ودوم جان يتعارك ويه اهله علمودي حتى لوجنت على خطأ

ماما. منو الحباب تاجر الاسلحه ولج لاتخبليني تعرفين شنو شغله هذا   قطاع طرق وتسليب لحن اركان تمسحي من راسج ماريدج اتذكري اصلا واني لوجنت موجوده اذبحج ولاخليج ترحيله

--ماافكر بي  واصلا مقرره ماارجعله بس هم مااتزوج

بيبي. خليها براحتها اني رايحه يم ام ارزيد اشويه واجي ماتاخر

كامت راحت مبينه ضايجه ماعجبها الحجي هيه طلعت واستلمتني ماما بين تنصح وبين اترزل  سكت مارديت كامت اخذت الفون كالت بعد ماكو متخبرين

--مااخبر ماما هاي مره سويتها وعدتج مااخبره

--لحن ياحبيبتي سمعي مني ياامي وين انروح متكليلي

--ماما رحميني تره اني بشر كل يوم مزوجتني واحد وتعالي اتعودي عليه حتى نعيش هاي موعيشه لواموت هواي احسلي

--هاي كلها لان كلتلج ماتردين لاركان

--اي احبه اتكولين همجي اتكولين موخوش ادمي اني ثوله حبيته

--ترجعيله تنسيني لااني امج ولاعرفج بعد واكص ايدي اذا طولتي شهر  حتى كتل يكتلج انوب  هذا ماعنده عقل وظالم واذا رجعتيلي اتفل بوجهج مااستقبلج

--مارجعله بس مااتزوج

--ادري بيج راح تردين بس فكري بيه اني وين اروح ذيج دكتلي صدر وطلعتني من بيت اخوي وهاي راحت بعد ماشفتها عاشت حياتها وذاك سكن التراب وانتي هم ترحين اني وين تعبي بيكم لييش من دون العالم     

--ماتركج ماما والله بس والله نفسي متتقبل بعد احد

--راح تتعودين وتحبي وتشكريني بعدج زغيره لاتضيعين نفسج ويا واحد مثل هذا لاعدهم دين ولايعرفون الله ماعدهم غير الكتل والتسليب

سكتت مارديت لان اعرفها مقتنعه ومستحيل اتبدل رايها

--بنيتي سمعي مني هسه تجي ام سروان كليلها موافقه

--لاماما

--بس سمعي دااحجي كليلها موافقه وانطوني مجال اتعرف واحجي ويا والله متحصلين هيج نصيب شوفي عيشتنه اشكد حلو مكان نضيف ومره حبابا وهو كل كم شهر يجيج ماراح يضغط عليج

--تره دتبيعيني  ماما منو ترضه على روحه تتزوج هيج ماما هذا ذل والله 

--ماابيعيج ياحبيبتي بس هذا لكطه من زمان عيني بي وين انحصل هيج يخلينه عايشين سوه ويخليج اتكملين دراسه واذا ضايجه لان يترگج اتكدرين اتقنعي واتخلي يحبج ويضل يمج يله يبعد روحي فرحي كلبي وافقي

باوعتلها  مجرد اتخيلت انام بحضن غير اركان اقشعر جسمي

ثاني يوم من الصبح كعدلي ثنينهن يقنعن هاي اتريد واحد من اهلها يرد يمها لان وحدها ولكتني لگطه منو ترضه تاخذ واحد كل كم شهر يجيها خالها بس للسياحه

ماما مامصدكه بيت تعيش بي وترتاح هم حقها بس اني ماكدر صح ماعشت ويه اركان هواي بس كلبي اتعلق بكل تفاصيله حبيته هو لهجته وعصبيته حتى غيرتها عشقتها واني اشوفها بعيونه من يباوعلي وخايف احد يشوفني

ماعرف اشلون مر اليوم واني عايشه بنص ضغط اشتاقيت لصوت اركان بس ماعندي فون اخبره وحتى الباب مراقبته ماما خايفه التقي بي لواتواعد ويا جانت مراقبتني اربعه وعشرين ساعه تكسر خاطري من اشوفها هيج خايفه اتركها بأي لحظه وهيه ماضال عدها غيري حتى ناي گطعت اتصالها مانعرفها وين

كاعدين العصر بالحديقه اجت بيبي  بيدها الفون متصله فيديو كالت هاج ديريد يحجي وياج

--بيبي كلتلج موهسه

--بس احجي هسه ماكلنه شي هيج بس سلام

--مامستعده هسه اسلم دتشوفيني مكفشه

--عادي انتي حلوه بكل هوستج دكمشي يابيبي لاتشلعين كلبي --ها بيبي لاتخجل مومترضه تحجي وياك هاي دشوفها جنها شمس تضوي واتكول مهوسه مامتحضره

خلت الفون على وجهي جان شاب متوسط بالعمر اسمر شعره خفيف اشويه من كدام شافني ابتسم كال اشلونج لحن

كمشت بيبي ايدي خلت الفون بي وراحت

صارت عيون اركان كدامي شلت الكبوس خليته على راسي بسرعه كال شنو محجبه

--تقريبا

--لالا هيج ماحب

--تره مسلمه اني

--ههههه ومنو كلج اني كافر بس من حق الانسان يعيش بحريه ويخلي العالم تتمتع بماخلق الله من جمال ليش اتضمين شعرج المهم بعدين نحجي بهالموضوع

--بعدني ماموافقه وماكو شي نحجي بي

--وليش ماموافقه شنو الي مانعج عرضي تقبل بي اي وحده وكامله المواصفات هم

--دتكول عرض يعني بيع وشره واني مو للبيع

--لاماكلت للبيع بس طلب اخذ وعطا مثلا اني راح اتزوجج حتى اتضلين يم بيبي وراح اوفر كل طلباتج وانطيج حريتج لان بطبعي مااحب اقيد احد

اتحسرت وباوعتله

--تتحسرين ليش ماعاجبج الحجي شنو مو كد المقام

--لابس هيج اجت لاارادي تدري اني متزوجه مرتين

--حياتج هاي  عسى ماعشره ما عليه بالقديم اني هم متزوج وانفصلت

--يعني مايهمك اذا واحد منهم ضال بكلبي او جنت بحضن غيرك قبل

--انفصلتي لولا

--امم

--لعد هاي هيه راح اتصيرين الي  هذا لون شعرج الاصلي لوصابغته

--لاطبيعي

--مم ممكن انغيره بالمستقبل لان ماحب لون الاشقر

--لون بشرتي ماترهم غير ويه لونه

--بسيطه تتغير لون بشرتج بالصيف كم جلسه عالبحر تسمر البشره وتنزلين وزنج دااشوفج ممليه خلي اكون واضح وياج حتى لانختلف وتصير مشاكل احب زوجتي اتكون مودل

--لعد ماافيدك

--لابس تعديل اشويه راح اتكونين بيرفكت مواول مره اشوفج شفتج وانتي تخبرين ماما عجبني شكلج وهدوئج

--كل اشكد تجي

--كل ست اشهر  او سنه حسب فراغي راح اجي شهر او اكثر بس مصرفج واحتياجاتج انتي وبيبي توصلكم كل شهر تردين اتسافرين مثلا سياحه غير دوله او محافظات ترحين بس خبريني

-- متقبل  اطلع بدون اذنك

--ههههه لاشنو كالولج متخلف  بس حتى احولج افلوس

--شتعرف عن حياتي واهلي

--ماريد اعرف شي اعرفج انتي كافي

--هذا مايكفي تدري ليش اريد اتزوج لان اريد احد يحميني من اهلي احد يكونلي سند وميخلي بشر يوصلي

--انت كلتلها متزوجه يعني ماماخذه بودي گارد واذا على اهلج كوني طيبه وياهم   ولاتعانديهم همه مايأذوج 

--يعني  عادي عندك انضرب

--ماكو واحد ينضرب بدون سبب واذا ضربج باطل تكدرين تشتكين

--لواكدر اشتكي مجان كاعده هسه اخبرك

--تمام اني اخبر اهلج واكلهم يبتعدون عنج ولايهمج منخلي مثل هالمشكله الي مالها اهميه توقف الزواج

--موبس يضربوني تره حتى عيونهم وسخه ويحجون بعرضي

--حقهم  يباوعولج جمليه وبعد مايكدرون يحجون بعرضج اذا صرتي بأسمي

هزيت راسي اي

--شهر الجاي ممكن اجي عالعراق حتى انكمل مراسيم الزواج

--يامراسيم تره

بعدني احجي وماما سحبت الفون كالتله ها خاله اشلونك

باوعتلي بخزره كمت تركتها تسولف وتضحك ويا حتى. لايطفر

دخلت جوه شافتني بيبي كالت ها شفتي اشلون حلو حباب 

--اي بيبي

--كون صدك وتصيرين من نصيبه وتجيبيلنا طفل يونسني بعد الوحده العشتها

--منو يكول يريد طفل هذا خالني بس وكت السفر يتسلى

--لاتكولين هيج هو من زمان يريد عراقيه لان الي هناك مايصلحن يكونن امهات ولازوجات صالحات

--الله كريم بيبي بعد وكت هالحجي انطوني مهله افكر

--امج كالت موافقه لحن ورجعتلهم الجواب تره

--موبكيف ماما

دخلت ماما كالت شنو الي موبكيفي لعد ترديني اشوفج اتضيعين روحج واسكت

--ماما وين مضيعه روحي مدتشوفيني يمج

--هو هذا الضياع ماما انتي مدتحسين بعدج ازغيره تركتج كم شهر شفتي اشصارلج من بعدي ناس ادور تريد اتكتلج وناس شامرتج وناس ضاربتج ياحبيبتي بردي كلبي وكولي اي والله خوش ولد

--خوش ولد على روحه اني شكو

--لحن هذا الشهر جاي وراح نطلع اني وام سروان نجهزلكم وكون تعترضين وروح ابني  اهج وماتشوفيني بعد لان شفت مالي قيما يمجن

--ماما لاتغصبيني فدوه اروحلج

--مااغصبج انتي ماتعرفين مصلحتج اني اقرر مكانج

--قبل كلتيها وغصبتيني اتزوج سمار شفتي اشسوه بيه من رحتي لومااركان جان موتني

--ليش لان رادج مره لعد من حقه يكتلج تره عرفت انتي مانعته ماخالته يتقربلج تالي رحتي لذاك السكط انطيتي روحج وهاي كدامي شمرج بعد ماحطمج ولعب بخلقتج لحن كلمه والثانيه ماراح اغصبج

--شنو ماما

--ترحين لاركان روحي بس تنسين عندج ام واني اروح ادفن روحي حتى اخلص اتضلين وياي نستقر هنا توافقين ولاتكولين مااتزوج المره هم ملت شايلتنه صار اشكد

--نطلع انعيش وحدنه

--لبالج سهله ولج لونكدي مانكدر انعيش زلم مامدبرتها مواني مريضه وانتي زغيره يطمعون بيج يماما والله مااكدر لاتكسرين ضهري بيج خليني ائمن عليج حتى اروح اشوف اختج وين وافقي يروحي

--اعرف ماما والله بس انطيني كم يوم والله مااكدر اكولها هسه

--لاهاي هيه اني اكولها مكانج يلا يروحي مبروك وزواجه الدهر

باستني وراحت لام سروان تبشرها طلعت بره دموعي تنزل بسكته وين اركان تعال شوف حبيبتك وين المن راح ينطوها

كعدت لميت رجليه كلبي يوجعني اشهك بقهر

مر اسبوع وماما وام سروان كاضياتها اسواكه وتجهيز واني بس اباوع محتاره شسوي
كل يوم يتصل حفيدها من بعيد اسلم وروح يوكف اركان بعيني مااكدر احجي ويا احس روحي ملكه بس اله

اليوم كوه يخلص شطوله كلبي على ناي يفور ماكو اتصال گاطعه فرد مره المعجبني ماما بارده من ناحيتها صح تسال بس قليل وترجع اتكول عايشه اتهنت ونستنه خليها لاتلحين عليها من يومها تفضل روحها علينه

اتعجب هيج كلبها صح احبها لماما بس احس ناي جزء من روحي من اسمعها تحجي عليها اموت قهر لان داحسها تزرع نسبه كره بينه

خلصت غسل اماعين وبيبي واكفه تطبخ مسحت اديه وكفت اريد احجي وخجلانه تخاف ترفض واني من كثر الملل حسيت روحي راح اطگ

شافتني ابتسمت كالت شرايده لحن

--اتسمحيلي اسوي مرجوحه بالحديقه والله ماخرب حديقتج بالزاويه بعيد

--اجيبلج جاهزه ليش حتى اتسوين

--اسويها ومن اطلعين جيبيلي وحده بس اتلهه بيها كم اليوم

--واشلون اتسويها

--عدنه بالمخزن خشب شفت وحبل ملابس هيج بالشجر واشكلها

--روحي بس لاتتعورين ديري بالج

رحت للمخزن دخلت طلعت خشبه وحبل  طلعت اتربعت بالحديقه بس اريد شي الهي روحي واشغل تفكيري بي 

خليت الغراض اشد منا يفلت منا ساعه يالله كوه ضبيتها كمت اركبها بالشجره ندكت الباب صاحت بيبي لحنننن الباب

--بيبي دااسوي بالمرجوحه روحي انتي فدوه

--ام عاشق فدوه فتحي الباب هاي ام ارزيد اجت

رحت ماما فتحت الباب واني مستمره اربط بالشجره متصير رادلها قوه

اجت ماما كالت لحن هذا طفل يكول طوبتي عبرت عليكم

--ماكو ماما اني واكفه بالحديقه

--عالسطح روحي جيبيها رجليه مابيه اصعد

--وينه خلي هو يصعد

--ميخالف يماما روحي ويا لايوكع الطفل ويبلينا

صحت للولد دخل جمدت واني اشوفه ابن اخت اركان باوعلي وغمز اشر عالسطح

بعد ماعرف شسوي ركضت كمشت ايده ورحت للدرج صعدته السطح كلتله اشجابك ولك

--اجيت العب طوبه

--جاي من الغربيه لهنا حتى تلعب طوبه بابنا

--ماعدنه مجان نلعب غادي بس والله عدكم كمريات بالشارع ول يابه كيك موش بنوات

--عزه بعينك عليمن تطلع ياسر اركان وين

--ضال بالطريج يدحگ على ماخلق الله من جمال

--ربي عائله كلها سكط اتريد واحد عدل ماكو

--لاه يمرة خالي مارضيتها منج  عجل خالي اركان شبلاه  موش عدل ترك بنوات الغربيه و بنوات الجنوب وجاي حدركم تايشوفج

--كول خلص بنات الغربيه والجنوب وحول عالوسط ياسر انعدل واحجي عدل اركان شرايد ليش دزك

--يكول اليوم بالوحده باليل ناطريني بالحديقه اريد احجي وياج

--شيحجي كله لايجي مااطلع

--يكول عش مغلق مبايلها

--ماعندي مبايل مالت المره وخذته يلا روحي لاتسمع ماما وتبليني

--امج موش  حلوه عش متشبهجن

--استغفر الله ربي ياسر امشي يلا

شال الطوبه غمز ونزل يركض اليشوفه ميكول  تسع سنوات هسه صدكت ثلثين الولد عالخال

نزلت عاضه شفتي طايره من الفرح بعده يذكرني وقلقان عليه

رجعت للمرجيحه اسوي بيها وكلبي يرفرف ويا اتخيله هنا يمي بنفس الشارع وديراقبني اشوكت اطلع

لليل واني بعدني اسوي واخيرآ كملت بعد جهد وعناء

گعدت عليها اول هزه وكعت كمت دفرتها ضايع بيج التعب وهم اسويج بس انتظري اتعشه واجى اليوم للصبح

دخلت جوه جانت ماما حاطه ورقه وقلم وام سروان ترد وهيه تكتب النقص

متعشيات وخالاتلي عالميز
نزلنه وكعدت اكل وهنه مستمرات حتى ماياخذن راي بأي شي اني هم ماشاركت  بالي بأركان الي راح يجي بليل بس لايسويلي فضيحه وتالي ماما بدل الشهر اتخلي بأسبوع الزواج

اسمعهن اتصلن ابأمه حتى اتحول افلوس لباقي الجهاز

خلصت اكل كمت فتحت التلفزيون اتمددت اباوع وندعي كون ينامن من وكت صار العشره وهنه مستمرات

كامت بيبي سلقت المطبخ وفرشن اتمددت يسولفن واني عيني بالساعه

نمت وهنه بعدهن كعدت صارت الساعه كدامي ب٢

كمزت طلعت على اطراف اصابيعي  فتحت الباب  طلعت باوعت بالحديقه كمشتني العبره رايح ماهو

رحت للمرجيحه دفرتها كله ابسببج تعبت ونمت من وكت

كعدت لميت رجليه اسوتي اخلي راسي بحضني اندكت الباب خفيف

كمت ركضت رحت بم الباب همست منو

--اشتعلو اهلج  وينج يولي

--جنت نايمه

--عرفتح بالقران  ثوله نسيتيني ونمتي

--لعد مارحت

--ضليت متأمل بلكي تكعدين وتذكريني فتحي الباب لحن

--لااركان فدوه ماما حتكمشك

-- وكتاب الله طالع من الموت وجايج لحن ابروح اخيج بس اشوفج ماطول ماخلي امج تكضبني

--مااكدر والله

--يولي بس دقيقه مااتاخر لحن لاتخليني اتوسل ولج من  العصر واني واكف بالشارع مناطر الوكت وحسبلو بالثواني شعمل لكلبج حتى يغفرلي

--كول مليون مره اسف

--وحگ رب العباد  اكولها اذا هذا يرضيج بس فتحي الباب

--ماافتح للغرب

--صرتي غريبه يولي

--اي طبعا غريبه نسيت لواذكرك

--مانسيت حتى اتذكريني باليوم الف مره العن نفسي فتحي الباب لخاطر محمد ولج ماكسرت خاطرح وداعت عيونج طلعت من نصهم وادري اي غلطه يروح راسي بيها بس كلبي متلهف على شوفتج ماكدرت اصبر بعد

--ماكدر اركان افتح الباب والله يلا روح لايشوفوك الجوارين بالباب فدوه يكولون لبيبي اذا تحبني صدك روح

سكت اسمع حسرته من وره الباب وراها اخطواته تبعد

اخذت نفس ورجعت للطارمه بعدني نص الطريق واسمع دبه قويه انداريت واشوفه كدامي ردت ادخل  مالحكت  ركض دنك شالني كال وين يولي

--اركان

--يندارلج فدوه اركان واهلو يولي مشتاكلج

كالها ودخلني بحضنه اخذ نفس طويل وباسني

حوطت اديه على ركبته خفت اوكع همست يلا نزلني

--وين انزلج ولج مضارب فشگ صاير نهار غادي وطلعت تااجي ادحگ هالجهره المفهيه اتكلي نزلني

--هوگع

--اخليج بنص كلبي  واحميج بضلوعي واكضب صدري بديه خاف الهوا يمر بيج اشلون توكعين يولي

--مشتاقتلك

--اويلي يابه دخيل ربج  هالكلمه كافي اتخليني ارد انطيهم راسي واني مرتاح

--لا اركان

--عيون اركان وروحها العايش بيها اشلونج يولي

--زينه عايشه

--عجل عش ماتردين على مكالماتي صالبتني مثل الزمال ضال بس ادحگ بالوجوه كلبي يمج مولع خايف لاصايرلج شي

--ماعندي فون خذته بيبي وقابل شصايرلي ضاله بالبيت حتى مااطلع يلا نزلني

--امج الناگصه ماتتأمن رب الي ضمت جاتل ابنها وعايشه بحضنو ماتغدر بيج تنطيج وتكسر كلبي

--شنو يعني

رجعني لحضنه وخله راسه بركبتي اشتمها همس بويه شمه وحده تعوضني عن الجنه
باسها وصعد على خدي باسه

--كافي تره حرام حتدخل للنار

--راضي يابه وروح اخوي لو يخيروني  دنيتي بحضنج واخرتي جهنم ابصم بدون لااقرا

--نزلني يلا

باسني عالسريع ونزلني كمش ايدي راح يم الترك كعد وسحبني يمه كعدني اخذني لحضنه

-- موش كافي بالقران  اتربيت اني وهلي

--ماما ماترضه

--اشتعلت امج ياطريج يجيبها

--ماعرف وتكول اذا رحتيله انسيني اتبره منج

--وانتي بعد ماتثقين بيه

--امم

--حكج يولي اني لوعندي بت مانطيها لواحد مثلي ناگص غيره وروحو بنص الموت

--سهيله حامل

--شنهو يولي

--مودتكول عندي بنيه

--لو عندي  والبهيمه منين تحبل يولي

--امم عالاساس دتضحك عليه المهم مالي شغل بيك هاي مرتك خوموتضل عمرك بلا جهال

--من غيرج مارايد

--مو بتي تطلع على ناي وانت تكرها

--دخيل محمد عدها جاهل بكد جف الايد بس الفرخ جنه ابريعصي اتريد تكضبو ماتكدر يزاگط  موش طبيعي مجلوب على امو

--شدراك عدها ولد

--تراه ابنا يولي وها صدك وصلج سلام بيدي كال بوسلي خالتي

كالها وكمش وجهي باسني من شفتي دفعته

--غيث وينه بس لاراح الها

--وين يروح غير تورط ورد وانعل ابو اصلو ضال مثل الثور بس ينطح تارك حرمتو غادي وهو هينه متسودن   مايكدر يردلها  حاجزي  يمنا طالبين راسو مجان عمي ابو حمزه بس يتحرك يصكو 

--وبيبي بدعه ترضه تنطي مكان عمو

--جدتج بدعه مستعده تنطينا كلنا فداء لخاطر حفيدها وابنو بس ماتدري بالسالفه ضامين عنها

--تره اتحبك انت هم نفس المحبه

--واني احبج

--اركان

--يبعد اركان وهلو شرايده يولي

--صدك شعري موحلو

--منهو الزمال  الكالج يولي من جمالو عندي
واهس بي اعد الخصل للفجر 

--بارده يلا كوم روح

--عش اروح كربي ادفيج شرط اكسر اضلوعج بحضني

باوعتله عض شفته وجرني  نزع غترته لفني بها ودخلي بحضنه  خليت راسي على صدره غمضت امنيتي اضل العمر كله هيج ماتحرك

ورث جكاره حاضني بايد والثانيه يدخن بيها
اركان

--روحه ونبض كلبه

--خلي اجرب مره وحده والله ضلت بنفسي

--بوسيني

--دتجذب قبل هم كلتلي وماخليتني

--لا حاليا متوازي وجد جدي مشعول بكبرو لخاطر بوسه انطيج حتى بدعه موش جكاره

شلت راسي من حضنه كمشت وجهه بسته بخده بسرعه وخرت

--حلفي

--ماعرف غيرها

--هينه اني اعلمج

كالها وكمش وجهي اخذ شفتي بين سنونه ضربته بصدره حيل ماهتم ضل مستمر بلهفه

دفعته وكرصته بأضافيري اتحمل كسر خاطري تركته لان حسيت روحي اني معتازته اكثر ماهو

شفت اتجرء اكثر وبده يفقد السيطره دفعته وكمت
دنك ومسح وجهه

--يلا كوم روح حيصير الصبح

كام انطيته غترته طلع فونه من جيبه فتحه طلع السيم كارت دخل واحد ثاني كال خلي يمج

--حتشوفه ماما

--غلقي يولي وضمي بمجان بس بليل فتحي حتى امن عليج ماكدر اجي بالقران  مجانه  خطر

--تمام بس مااوعدك كل يو-- ياااااا

--خير يولي

--وعدت ماما مااحجي وياك

--حلفي

--والمسيح الحي

--يلا ماحجينه جثير حدري يولي  هينا خلي اخذ نفس منج تاروح

رحت حضني واخذ نفس طويل كمش وجهي باسني من شفتي

--لحن ماوصيج يولي

--مااطلع

--ولاتتحجين ويا احد بس يخلص المكاون ويه الهمج  اجيب اهلي واجيكم

--ليش حتى اتجيب اهلك شنو عالاساس متكدر تاخذني هيج

--بالقران اخذج ومن نص بيتكم من بين ازلامكم والزلمه ومن ضهر ابو يكف بوجهي ويعترض بس انتي اغلى من هيج عملتها مره دحكت  بعيونج نضره كسرت روحي قبل لاتمس كلبج

--اني  الي اجيتك وطلبت منك تره مالك ذنب بالصار

--وروح اخوي اجيبلج اكبر شيوخ السلف وادفع بثگلج مهر واطلعج من بين اهلج ابدله وزفه تحلم بيها بت املوك بس لخاطر تكفين  بوجه اكبر واحد وتكتمين شكو ناگص يفكر يغثج

--وليش انت ماتسكت اليغثوني

--موش بس اكتمو وداعت ابوي اليفكر يحجي وياج ادفنو بمجانو  واحسب الله ماخلقو  مع هيج اريدج  ادوسين فچهم  برجليج ومگامج يصير فوگ روسهم

--هسه عمك ابو غيث يعترض ميجي وياك

--لاامني توب واذنو وصلت حدر رجليه من الجر واذا بس فكر يفتح حلكو وكتاب الله الف الحبل على ركبتو واجيبو سحل وانعل ابو ابو بكبرو

-- غيث يزعل عليك هذا ابو

--لاابشرج حاليا غيث خارج منطقه التغطيه محتار بمصيبتو عائلتو كل واحد بكتر  واثنينهم بخطر الي يمنا والي غادي  وهو ضال يتزنح بمجانو مثل الزمال

--خطيه كسر خاطري والله هو حباب بس اخته عيع 

--هذا الحباب اذا اتحول بس  الله يجيرج منو واختو جايتها الصكه التكتمها

--شنو يعني

--  يعني اندار فدوه لهالخدود التلمع ويه ضوه الگمر دخلي جوه اذا تضلين هيج لباجر ماتحرك

بسته بصدره ورحت جوه اشر دخلي دخلت سلقيت الباب رحت للغرفه واشوف ماما  كاعده كدامي

تباوعلي بتوعد -----

***ناي ***

صوت صرخه ويه قوه الضربه جانت كفيله بفقدان توازني

شي بارد نزل على وجهي فتحت عيوني
النفس مگطوع  احس شي حاشر بطني اريد اسحب نفسي مااكدر

باوعت لساره على كعدتها منتجيه عالكشن بس الجام  داخل عليها

همست كوه يطبع صوتي ساره حركي السياره ماكدر اتنفس

ماردت

--ساره سا كلتها وكحيت احس اختنكت اكثر

العالم التمو  فتحو الباب  من يمي واحد كدامي حتى يجر الكرسي لان راجع عليه

قسم يم ساره يسحبون بيها

اشكد حاولو ماكدرو اشوفهم مخبوصين اشرت بس وخرو الكرسي لان بعد مابيه اسحب النفس انكطع نهائيآ

اجه واحد مبين قوي دفع الولد وطك الكرسي شهكت حيل اخذت النفس

خليت راسي عالكشن وغمضت ماتحركت  لمن سمعت صوت جود يصيح وخررررووو

فتحت عيوني لكيته كدامي يدفع بالناس وصل يمي دخل سحيني من السياره صرخت تركني

-- منين متوجعه

--بطني

--مبيها شي بس ساعديني اشويه حتى اطلعج لاتحترك السياره بيج

--ساره شوفها شبيها اشو ماتحجي

--يطبها مررررض نااااي انطيني ايدج يلا ولك كررررررم اندار مناك ادفعها

--ماكدر جود اتركني

--ناي ناي ايدج بروح اخوج اتحملي اشويه راح اسحبج

همست ماكدر وغمضت

اسمع صوت الصريخ بره يكولون ابتعدو راح تحترك.

دخل كرم من الباب الثانيه كعدني عدل احس ضهري طگ

صرخت ماهتم دفعني على جود وجود سحبني حيل يمه دنك شالني وراح يركض لمسافه

--جود بطني حموت

--هسه نوصل هاي الاسعاف اجت والشرطه

--ساره لحك عليها لاتحترك

--ماعليها طلعوها لاتحجيين سكتي

خلاني عالسديه وعصر بطني دخلوني بالاسعاف صعد كرم وخر ايد جود وهو ضغط على بطني وجود ركض لسيارته صعد سدو الاسعاف
فون كرم يرن بس مايكدر يرد

لمن خلولي الاوكسجين على خشمي وشكلو مغذي

وخر ايده والممرض يغط عالجرح

غمضت احس فقدت لان ماحس باي الم

رد عالفون كاله ها غيث لالا هاي ناي --والعذرا عايشه بس تنزف

ماااااعرف غيييث ماعرف دتنزف ومختنكه --جانت صاحيه هسه غابت عن الوعي --لابالطريق بعدنه -غيييث لاتخبصنيي داكلك فاقده --لالاتتنفس اي تتنفس -الضربه براسها وبطنها دتنزف --ساره ماعرف عنها شي راحلها جود بس الضربه جايه بيها ماعرف عايشه لوميته

اخر كلمات سمعتها وماحسيت بعد

فتحت عيوني بالغرفه  غيث يمي  خال راسه على ايده عالسديه وايده الثانيه  كامش ايدي

حركتها رفع راسه عيونه حمر حيل ومبين تعبان كلش

اخذ نفس ترك ايدي وكام طلع انتبهت  غسق واكفه على صفحه  تبجي ورويدا بيدها قران تقرا

شافنتي اجنت حضنتني غسق وبجت بصوت

--لبالي بعد ماتكعدين الله ياخذج موتينه اكو زماله تفقد يومييين

رويدا. الحمد الله على سلامتج يبستي اكلوبنا

همست ساره

--صارلج يومين فاقده  لاتحجين اتعبين

--ساره شصارلها

--غسق روحي شوفي الدكتور كليله فاقت

--راح غيث اكيد كله هسه يجي ناي فدوه لاتحجين ماعونه تردين للدنيا يمه عزه بعيني اشوفها مابيها نفس فاقده كلت هم راحت

--ساره ماتت؟

دخل الدكتور ويا كرم اجه يمي يضحك بس ضحكته مكسوره كال الحمد الله على سلامتج

هزيت راسي لان مابيه احجي

اخذ حسره طويله وسكت ضل الدكتور يفحصني ويتاكد كتب تقرير وطلع

-- كرم ماتت ساره مو

--الله يرحمها

--لاااا فدوه لاتكولها

--ناي نازفه هواي وبسبب النزف فقدتي الوعي يومين  عندج مضاعفات اشهر ماتكدرين تتخطيها لاتبجين والعذرا تموتين بعد مانلحگ عليج

--ليش ماطلعتوها مو كلتلكم لحكوهااا

--ميته قبل لانوصل لاتبجين بروح اخوج

--ماتت بسببي

--دخيل الحمزه ناي غيث وحده متحمل عليج ومحملج كل المسؤوليه لاتثبتين السالفه عليج يذبحج

--جانت اتسوق واني جريتها اني موتتها

--ندري  وسامع صوتها وهيه تتوسل بيج لاتكتليها  بس بروح اخوج اذا حجه دخلي بعينه وجذبي السمعه  كليله جنه نسولف عادي ماوصلت يمها

--جريت ايدها وهيه فلتت الاستيرن بس والله مجان ابالي اكتلها كرم والله مومجان قصدي اموتها

اكو عضه بيدها بس هاي اتوديج حبل المشنقه لان السياره الداخله بيكم يكول هنه فرنها عليه والولد عنده كسور وهم طالب حقه

--اي عضيتها لان ماقبلت تنطيني الحب   يعني شنو هسه  روحه صارت بركبتي

--هذا يومها ناي اذا سمعج ابوها يذبج سجن فدوه اروحلج لاتحجين

انفتحت الباب دخل غيث جان لابس قميص اسود امطبك ارداناته ومفتوح اول دكمتين من فوك  شعره مخربط شفايفه بيض

اجه يمي دنگ حجه على كيف
   راح يدخلون الشرطه تنكرين كلشي جنتي وياها رايحات تتسوكن والحادث ماتعرفين عنه شي

هزيت راسي بأي

--الحبوب الي بالسياره ماتعرفين عنها شي ماتتعاطين انتي سمعتييي

--اي

--علاقتجن قويه صديقات موغير شي زواجي منها  ماتذكري ابد

--والله السويته بدون وعي

باوعتله والشهكه بكلبي  عيونه دم لونهن ضغط على سنونه وعصر جف ايده عدل وكفته

دخلو الشرطه مسح وجهه وندار للشباج راح وكف كامش راسه

طلعو الموجودين جان مترجم هو يسال واني اجاوب مثل ماكال غيث حجيت لمن كال اشكد صارلج تتعاطين

صفنت اجه غيث وكف حجه وياهم المحامي بصموني وطلعو

--اووويلي شهالحقد الشايلتو

--والله

--اششش وداعت ابني اذا ماخليتج تتمنين الموت وماطايلتو ماتسمى عالزلم تجتلها يولي عش يابه بس لان اخذتو منج كم يوم هيج ترديها

--ماكتلها والله حادث صار

--اشكد جنت اتمنى اسمع خبرج موش هيه

دخل كرم  جره دفعه بره اسمعه صاح وكرم كله اله اتخبلت غيث الشضايه بعدهن بداخلها حالتها خطر شدتحجي انت 

--بلكي لنها ميته وخلصان

--جذذااب صار يومين مثل الخبل تفتر عليها غييث اصحى

صوته بي عبره كله راحت ساره بذنبي

--الله يرحمها ويصبرك بس ناي حالتها  هم خطره واحتمال ماتنجح عمليتها تتسكط

--اااااااااخ بويه

--كول يالله يخوي روح طالبيك بالطب العدلي

--مااكدر

--غييييث اشبيك يخوي لك جوووود تعال ااالحگ

ردت اكوم بطني اتشنجت كمشتها ورجعت اعصر بنفسي من الالم

دخلت رويدا وغسق ركضت كمشتني
--شسويتي

--غيث شبي

--مابي شي يمكن انخفض ضغطه اخذو  هسه يجيكون وضعه

--ساره بعدها مادفنها مو

--ماعرف

--يريدني اموت حتى يدفنه سوه

--اي كلش من هيج لاليل ولانهار  عينه غمضت  مكابلج يريد ينجن مايعرف شيسوي يتوسل بالدكاتره يكلهم اي عضو تعبان منها اخذو مني بس كون ترد

--ماطلعو الگزاز من بطني

--اليوم عمليه ثانيه باليل راح يسولج ماعليه سهله لاتخافين

كعدن يمي وكرم دخل هم كعد جان ساكت على طول الكعده

غيث ماشفته لاهو ولاجود لليل وكت مادخلو يهيأوني للعمليه

شلعو المغذي والدم نقلوني للسديه الثانيه اجه كرم كمش ايدي ابتسم كال منتظريج ناي

هزيت راسي اي
--وين غيث

--بره كاعد

--صيحله

--خلي يولي تركي خبل

--بس احجي ويا دقيقه فدوه قبل لاياخذوني

مالحك يرد طلعوني من الغرفه بالطريق لكيته  كاعد شافني كام

--غيث اريد اشوف ابني الله يخليك

--مالج ابن عندي ولو تموتين جوه هواي ارحملج عالراح تشوفي بحياتج

--حرام عليك اموت واني بحسره شوفته

دار وجهه

--بس صورته اخر طلب

--كرهت حتى ابني لانو منج

--عاشق امانه يمك لاتضلمه بذنبي

ردت انزع المداليه ماكدرت كمشت  ايد  كرم همست

--اخذ المداليه  لبسها اله وحجيله عن اليوم الي التقينا بي

باوعت لغيث جان يسحب النفس بصعوبه وعيونه مليانه دموع لونهن بلون الدم

--امانه لاتكله امك باعتك اذكرله بس الشي الحلو لاتكرهه بيه وحتى لو مره وحده اتجيبه يزوني كافي لاتحرمني منا حتى واني ميته

خله اديه على راسه ودنگ

--راح انتظره كل يوم   لاتتاخر عليه

مسح عيونه كرم ودفعني وياهم دخلنوني للغرفه

خلولي المخدر انتظرو هواي ومااستقبل التخدير
حجه وياي الدكتور جان لغته انكلش ماافتهم عليه

دز احد دقايق ودخل غيث لابس لبس عمليات اجه يمي حجه ويا مافتهمت شنو بس وكف يمي رفعو الغطه حجز بيني وبين بطني

ردو بنجوني موضعي دقايق مواكثر بعدني صاحيه بلشو بالعمليه صح مااحس بس مجرد اشوف يتنقلون ويدنكون على بطني رعب

واحد منهم اجه عدل الجهاز شفت ايده بيها دم ومشرحه من خوفي كمشت ايد غيث  بدون شعور  عصرها واشر يمج

اشويه بده البنج يخف كمت احس بنغزات

النفس اسحبه عالسريع كلبي دكاته كثرت اختنكت
الطبيب يحجي وياهم وهذا الكامش الاوكسجين يم خشمي كمش راسي رفعه

اريد اتبلعم ماكدر نشف ريكي الدنيا ظلمت انخبصو   واحد يمرغ كلبي واحد يحرك  بالجهاز

غيث  يعصر بايدي حيل  عيونه بالشاشه   مال دكات الكلب وعين بييه غمضت

-- لالا نااي ناي اصحي اصحي
فتحي عييونج ناااااااي

اسمعهم بس ماكدر ارد بديت افقد

ابره انغرست بجسمي عالسريع وصوت غيث وهو يتوسل بيهم
حسيت راسه قريب مني همس

عرفتج عنوديه وكلمتج وحده دخيلج هالمره  عاندي الموت ورجعيلي

ناااااي فتحي عيونج

ولكم اولاد الكلبببببب ماتتتتتتتتتت

فقدت ماحسيت بعد

اكثر شي اكرهه بالحياة من اكعد من بنج لو غيبوبه الم الي براسي مايتوصف

حرگ مو وجع 

عيوني احسهن يردن ينقلعن من راسي

حلكي يابس وطعم مروره اصوات تحفر بدماغي

حركت راسي وصوت كرم صاح صحتتت

فتحت عيوني كلهم يمي عدا غيث

جود.ام عاشق ناويه تجلطينا لو شنو

كرم. واني من البارحه كاعد ارتب سناريو اشلون يكبر عاشق واسولفله على امه اشلون جانت امراه صالحه ماتعرف الجذب ومكطعه السجاده من كثر الفرائض

--هادء وتسمع الكلام وتسامح وماتتجاوز

--وماتبوك افلوس وموفيه كل دينها  وكل يوم تطبخلي دولمه وبرياني ومدلله ابوه ابد ماضوجته

--اكول كرم جيبلنا مي نشف ريگي من الجذب

--احس السكف راح يوكع صاحبك وين

--هههه النجر بالحديقه مكابل السما يتعارك حتى ويه ربه اتكول طالبه طلابه العالم تندعي وهو صيح ردها الي

--حقه دفن وحده والثانيه مايعرف اتفيق لوتلحكها وانوب هو سمعها كلام مثل وجهه الغثيث

غسق. وداعت بابا يناي اذا رجعتيله بعد السمعتي منه اترك صداقتج

كرم. خفي علينه يالصدوقه طيري انتي وصداقتج المعفنه  اشلون صديقه عندج مثل الملاك من كثر زينها ختمتها بالكتل

--افزع لصديقك طبعا

--ولج هو شضال بصديقي متخبل حلو من يكون عدوك حبيبك لاتكدر تاخذ ثارك ولاتكدر تسكت ضال مثل المطلكه رجلها ومات بالعده

جود. شتحسين ناي

--ماحس بشي غيث ليش دخل للعمليه وياي

--خاف عليج من عرف جسمج متشبع بالتخدير ماياخذ بعد وراح يخدروج موضعي كال هاي اتخاف وبالفعل التخدير مانيمج الخوف فقدج الوعي

--اشلون سمحوله

--اهنا يعاملون المدمنين معامله خاصه

--بس جان واكف يم راسي و يدعي عليه

--ههههههه ناي استوج طالعه من العمليه

كرم. صدك اني سمعته دعى حتى على امك

--استلم انوب امي يلا ماطول امنت عليج خلي اطلع قبل لايرد ويشوفني وعلي يعلكني من رجليه

--اشوكت تتصالحون انتم

-- احتركت ورقتنا يله بنتي الحمد الله على سلامتج وخليج صبوره اتحملي تره غيث تعبان وكلبه ملجوم اي شي اتسمعي منه لاتهتمين لان موبوعيه

اشرت اي

--لخاطر ابنكم ادري صعبه عليج بس ساره مهما جانت موخوش بس ماغلطت بحقه وحبته حب مامر على بشر وهو تعود عليها حق العشره بينهم كافيه اتخلي يحزن

--مصدك اني الكتلتها

--الله يرحمها مانريد نعرف شنو الصار بينجن وخلاج هيج تتصرفين لان هذا حد يومها بس غيث كلبه ملجوم عليها موسهله عشرت عمر وحب قديم يدفنها بديه بسبب ذنب هو ارتكبه

--شلون اقتنع اني اكتل ليش متصدكون جنت مو بوعيي

--اقتنع من يوم الدخلتي حياته واخذتي كلبه منها وخليتي ينكر  تعبها ويا واشلون اتحملته باسوء حالاته اقتنع من ترك عشرت وحب سنين وخلاج بأسمه وجاب منج طفل وانتي معرفه اشهر

--ليش دتحسسني انت مويانه جنت عايش

--وياكم ناي وعرف غيث اكثر من نفسه خليتي يتندم على كلشي سواه خليتي بنعل روحه الف مره فكر يحبج ويضحي بيها لخاطر يرضيج

سكتت ضحك خربط شعري

--لاتخافين يحبج اكثر من روحه ماراح يأذيج بكد مايأذي نفسه

--راح يحجزوني هنا

--لاغيث سحب اوراقج واجاب تصريح من مستشفى خاصه بهيج شي تستقبل حالتج حتى يكدر يطلعج منا

--كم يوم وياخذوني

--بس تستقر حالتج وتتحسنين اشويه
كالها واخذ نفس يباوعلي بأسف

--ابو ساره ماراح يسكت مو

--وعنه ماسكت اذا بي حظ يوكف بوجه غيث حتى يدفنه بصف بته لاتشيلين هم هسه يسكته بفلوس واذا ماسكت بفلوس يسكته بغير شي

كرم. جود حبيبي بدون مطرود غيث بده يصحصح والحمزه على هاي اخلاقه ماتكلفه دفره يردك بحضن امك

اشر اي سلم وطلع

مرن اربع ايام البنات ملازماتني اربعه وعشرين ساعه يتناوبن عليه ماتركني لحضه

غيث مادخل للغرفه ابد بس اسمع صوته بره كاعد اتحسنت حالتي وتعدة مرحله الخطر جيگو وضعي وسجلو خروج

طلعوني بعدني بالطريق وبده مفعول المخدر يروح من جسمي ماعونت اوصل دخلوني للشقه غيث مجان وياهم

صارت غرفه ساره كدامي وغراضها مطشره انعصر كلبي نزلت دموعي صح ماشفت زين منها بس مهما يكون اكلنا سوه وحجينه ونمنه نفس المكان

جرتني رويدا ودتني لغرفتي لكينه خال الابره عالميز اخذتها ونمت بسرعه

كعدت ثاني يوم احس بطني تتگطع
محد يمي بالغرفه صحت رويدااااا ماكو رد عرفت الشقه فارغه

كمشت بطني اريدها تهدء ماكو بس صوت الونه تطلع مني

لميت رجليه لحضني كمت اتلوه من الوجع ماكدرت اصبر بعد سندت روحي وكعدت  صار ضغط عليه مثل الشي الي انفتح صرخت

انفتحت الباب دخل غيث بطرگ البنطلون بس شعره مخربط وعيونه حمر بيده جكاره

سند متنه عالباب واكف يباوعلي ويدخن

--غيث غيث راح اموت دخيلك

-ماتموتين تدرين ليش الله خالقج حتى يدمرني بيج

--راسي راح ينفجر

-- هطري بالحديده اليمج ترتاحين

غمضت وعصرته حيل انداريت جريت المخده عضيتها بكل حيلي

تركني وراح

دفعت المخده وكمت وجع فتح العمليه مايجي واحد بالاحسه الم موت يحركني بدون شعور

رحت اسحل بروحي كوه طلعت لكيته بغرفته كاعد عالجربايه  دخل كعدت يم رجلي باوعتله بتوسل

--كومي طلعي ناي

--غيث ارحمني اتريد تنتقم اكتلني لاتعذبني هيج

--ماريدج ترتاحين والموت راحه

-ماكتلتها والل

--لاتحلفيييييين

شال قميصها كال دحكي هذه تذكرين من جانت لابستو هسه حدر التراب بدونه بسببج

-ماكتلتها غيث ابوس ايدك انطيني

--كل انواع الوجع توقعتو منج بس تاخذين روح لا

باوعلي بكسره وهمس عش يولي موتيها مو كسرت حتى كلبها لخاطرج

--ماجنت قاصده اموتها وروح اخوي

--اتمنيتج مجانها ترحين ربي عاقبني واخذها

--ميخالف اموت هسه انتحر بس انطيني الابره ارحمني غيث داموت

--وهذا الاريدو تموتين تعذيب وداعت ابني لعذبج عذاب اخلي اكبر امنياتتج الموت

--عذبني اكتلني اي شي سوي  بس لاتكطع العلاج
ولك داموووووت

اتسندت على رجله ردت اكوم فلتت ايدي  وكعت
بطني احسها صارت بالنص عصرت روحي حيل كمت اتلوه من الالم

جان يباوعلي متشفى بيه

ماكدرت اتحمل اكثر اتسندت عالكاع وكعدت رجعت كمشت ايده
--ابوس ايدك بس هالمره ارحمني

--تردين الراحه

هزيت راسي واني دموعي تنزل

--زتي  روحج من البالكون راح ترفرفين ويه الملائكه

مسحت عيوني وكمت اختل توزاني ردت اوكع كمشت بي وكمت كامشه بطني الي تصب دم رحت للشباج فتحته مغلق جرته حيل ماكو صرخت فتححححه

--فلشي براسج

ضربته براسي بكل قوتي
ماصارله شي رجعت ضربته حيل سحبني بسرعه دفعني عالباب

صار كدامي الحمام رحتله فتحت دخلت جان عدنه صيدليه فتحتها بسرعه اكو اشكال دوريات واحبوب

اخذت شكو شريط ايدي ترجف كوه اسيطر افتحهن واخلي عالمغسله

خلصت الشريط والثاني شلتهن خليتهن بحلكي جرني من شعري وعصر وجهي دنكي عالمغسله
خله اصابيعه على  معدتي ضربها ضربه خلاني اتقيئ كل الماخذته

وكعت بالكاع مابيه حتى اتنفس نمت لميت رجليه ارجف واون جتني حاله مثل الصرع

دنگ شالني من الكاع دخلني للغرفه خلاني عالجربايه

راح للكنتوره فتحه وطلع ابره اجه ضربني اختفى شكو الم بثواني غمضت

نزعني تشيرتي وفتح الضماد عصر بطني ماحس بشي

رحت بالنوم تركته يعالج بالجرح كعدت صاير المغرب جان ماموجود باوعت بطني ملفوفه بضماد جديد ولابسه واحد من تيشيرتاته

صار اليل وهو ماكو جوعانه بس ماكدر اكوم ولاتكول هاي اني القبل اشويه افتر اتكول مابيه شي  هسه حتى حركه ماكدر اتحرك

اتاخر الوقت وهو ماكو م ردت اكوم حاولت ماكدرت ضليت على مكاني  لنص اليل وافتخت باب الشقه صوت كرم دخل وغيث يدندن يجر بحجي  عرفته شارب وجايبه كرم

دخلو وصل لغرفته راد يدخله اسمعه كله لا لا خليني هينا

--بارده هنا تعال لغرفه ناي

--هه ناي وكعت بيدي لبالها مالكفها بعدددد يول خليني اكعد

هو كالها واسمع دبه بالكاع وصوت قوطيه يشرب بيها

--غيث يخوي بس اتسند عليه كوم اسبح كلك اتراب

--جانت اتخاف من الموت واني اضمها بحضني امنها مشتري علاج يگفيها لسنين تالي دفنتها بيدي

--الله يرحمها هذا يومها

--كرم تركتها حدر  التراب واجيت ولك اتخاف وحدها عش ماخليتني يمها يخوي

--بس اسبح اصحي ارجعلها

--صاحيييي اني صاحي بعد عني وينها هاي ماماتتتتت بعدها

--غيث كافي رحمه لديننننك ضاله اخر نفس هيه اتركها

--وكلام الله راح اخليها تتمنى الموت راح اعيشها بجحيم اسوء من حياتها

--مااتصور اكو اسوء من هيج  مدمنه ابنها ماخذه   متسكطه بالفراش تحت رحمتك

--حفرت كبرها بجدامه واني الراح ادفنها بيدي

--لعد ماكتلتها شكو مبقييها محد راح يدري ولاواحد يسال بلكي يشفي غليلك

جنت منتظره رده هدا ماكو صوت ثواني اسمع ضربت القوطيه بالحايط وصوته بي كسره يكله ماكدر اعيش بدونها

--مواتكول اتمنيتها مكانها

--حتى الحكها وارتاح من الدنيا تعبت
حبيت وحدها كلبها حجر الموت عدها تسليه مريضه بالذبح بس عشكتها صرت مريض بيها

--هيه هم تحبك

--لاعلقتني بيها وتركتني مثل امي اضل للصبح امناطرها واتوسل للخالقني بس يحنن كلبها وتردلي

--انت اذيتها

--لالا دللتها حبيتها سويت الي تتمنى بدون لاتطلب  انطيت بروحي بس حتى اسعدها عافتني بوكت جنت محتاجها بدون ذنب بدون رحمه

--انطيتها وعد ورجعت بي

--مارجعت بي غلطت غلطه وحده بس غصبا عني وداعت امي ماخنتها حتى بغيابها  احضن خيالها من انام

وروح ساره راح ادمرها 
بردان يخوي غطيني

--بس اتسند عليه

راح صوتهم امبين كومه واخذه دقايق واندكت الباب عليه خفيف كلتله تعال كرم كاعده

دخل متبهذل وتعبان كال معتازه شي

--غيث اشلونه

--اشلونه بعد جبته من يم كبرها جان كاعد يمها شارب لمن طالع من اذانه

--نام هسه

--اي بالصاله خليته لاتوصلين يمه ولاتحجين ويا اتحملي منه اي شي يحجي لاتردين بين مايهدء تره تعبان  ومايعرف شيحجي اي شي تعتازي اتصلي بيه

--ماعندي فون خلي رويدا تجيني معتازتها

--مايرضه غيث اجت الصبح وطردها كال هيه ادبر روحها تركوها

--قصده اتذل روحها وتبوس ايده حتى يساعدني

--اكلتي

--لا

--هسه اشوفلج شي تاكلي

راح استحيت اكله يكومني اروح للحمام مع العلم كلش معتازته جنت

دخل بيده لفه وكلاص مي خلاهن يمي سندني ردت اكعد بطني حسيتها انفتحت رجعت انتجيت اشرت اتركني

--تردين بعد شي

--لا هاي هيه شكرا بس هم خبر رويدا خلي تجيني الصبح معتازتها كلش

--تمام يلا رايح اني

اربع ايام  وغيث انواع الذل شوفنيا الابره لمن اوصل اخر نفس وابده افقد يالله ينطيني

العمليه انفتحت من كثر الحركه بدل الم المرض اتضاعف جان يستلذ من يشوفني ابجي من الوجع

بديت افقد كل طاقتي كوه افتح عيوني

هاي كلها موبكد وجع كلبي على ابني كمت اتمنى انام حتى احلم بي جاروبه بيدي صارت جزء من روحي

اشتمها احسها ترد روحي رغم مالبسها هواي بس جانت مصبرتني اتخيله يمي وارجع البسها اله

الساعه عشره بليل صارت عندي اسوء ساعات بحياتي   وقت الجرعه
صار عندي رعب منها قبل حتى لاتصير

خاله المنشفه على بطني لان تنطي دم وميرضه يجيب احد يعالجني ضاله انشف بيها واخذ علاج بكيفي

اتسندت وكمت للحمام روحي تطلع من اعتازه بس غصبا عني شيسوي ماعندي احد

كملت غسلت وجهي اباوع بالمرايه صايره مومياء جوه عيوني اسود وجهي ذبلان واصفر

لميت شعري طلعت  كامشه بطني وامشي طلعت للصاله  لكيته كاعد بالكاع منتجي عالحايط بيده جكارته ويمه قوطيه شرب

شال راسه شافني اخذ نفس منها  ونفخ كال شطول عمرج

--اذا متت ترتاح

--لا لان الموت راحه واني اريدج تتعذبين

--لعد خليني هيج تعذب بيه  بلكي ترتاح لمن اموت وحدي

--هيج ههههه كل عقلج هذا تسمي عذاب ناطري نرد ودحگي المفاجأه المحضرها الج وعمة الساده لخليج ادفنين نفسج بيدج

--مكافاك ابني اخذته

--اخذتي مجانو ساره واخذتي روحي ورجعتيني لايام جنت اترجه ربي اذا اغمض عيني كون مافتحها  خليتيني اخجل حتى ارفع راسي بين اهلي ورفجاني خايف بأي لحضه واحد يزت جلمه بحگج ويذكرني بكسرت كلبي

--غيث ابعد عاشق عن انتقامك

--هو راح ابعدو نهائيا مولان اريد ادوسج بي لابس لانو منج واني ماريد شي يذكرني بيج

--وين راح تودي

--لمكانو الصح كلما يكبر يوم بي يلعنج الف لعنه لان جبتي للدنيا

--ماتريده رجعليا ليش حتى اتأذي طفل ماله ذنب

--ههه لبالج بعدج صاحيه انتي وراح تكدرين اتربي

--اكدر

شال القوطيه شرب منها وكام راح للمطبخ طلع بيده سجينه وصل يمي لبالي راح يأذيني رجعت ليورا

--لاتخافين مااذبحج لسه وقتج ماجاي كضبني هاي

انطاني السجينه

كمشتها بحركه سريعه  جرها حيل انشكت ايدي اباوع الدم ترس جف ايدي

--حسيتي بشي

--لا

--كضبي عدل

كمش ايده وخله السجينه بيها  وكف يدخن ويباوعلي

رفعت رداني شخط ايدي شويه  ماحسيت ابأي شي رجعت زودت الضربه هم ماكو ضحك

--ليش مداحس

--خليها بأيدج ماضل للعشره جثير ودحگي التسوي بروحج حتى ماتعترضين من ازت ابنج بالملجئ

--لاغيث خطيه بعده زغير والله راح يعذبو الك حق يمي اخذه بس مو تأذي

--هو هذا الرايدو اخذ حگي منج هيج راح انفرغلج واخذ كل حرف وغلطه من روحج

خليت السجينه على ركبتي

--واني راح اخلصك مني

--زتيها لاتتخبلين

اتقرب ضغطت على ركبتي حيل دخلت اثر السجينه  همست وخر بس تتحرك انحر روحي

--موتج ماراح يأثر بيه شعره وحده

--مولخاطرك اموت لخاطر ابني ماطولني عايشه راح تشوفه بيه ماراح ترحمه

--عجل جيبي هاي

كالها وبحركه سريعه سحب المداليه گطعها  

--اتصور هاي بعد ماتفيدج

--رجعها

--ولاهذه الجاروبه

دنگ شالها من الكاع

--لالا غيث اخر ذكره ذني ضلن خليني اموت وهنه وياي

--واني اريدج اتموتين وانتي بحسره كلشي

طلع الجدحه  شغلها نزلت دموعي باوعلتها بترجي يتركهن

ضحك بستهزاء وحركها لواحس حرك روحي

فتح البالكون شمرها رفع المداليه همست بكسره لاتشمرها هاي مال عاشق

--زتي السجيني

--حياتي راح تكون عذاب لابني

--عجل  دحگي اشلون توكع مثل وگعتها من رگبتو وكت من ذبحو

--اتركها غيث

--بعدي السجينه عن ركبتج

--مادامني كدامك اتشوفني ماراح ترحم ابني واني استكفيت ماريد اعيش اكثر صار الوقت الحگ  اخوي غيث عاشق امانه يمك

-- نطرررري قبل لاتنحرين روحج دحگي المداليه  اشلون تنسحگ  بالرجلين مثل ماسحكو  راس اخوج قبل لاينحرو

---لاااااااا لااا غيثثثثث

رفعها وشمرها بكل قوته

هيه صرخه  وهيه ضربه بدون شعور ماحسيت غير والسجينه نابته بنص صدره ----

لاتنسون التصويت ♥️