لبوة على شفا الثار

بارت الرابع والثلاثون

لبوة على شفا الثأر

                                       بقلمي:leo Alfatlawi

Ina: le_m3r

بارت الرابع والثلاثون

بارتين سوه

علقو على كل ومضه♥️

رحيلك الذي لم يكن متوقعا

كان موجعآ
كأنه ثقب صدري بعد ان كنت ارممه لاعوام

***لحن***

--شنو دتحجي يعني بعدها عايشه

--ممكن

--شنو ممكن ماما انضربت بسياره وماتت بساعتها وسولها فاتحه

--دحگتو بعينكم لو بس كلام

--لاماشفنه بس خالو خبر عمو حتى يجي يدفنون

--سهلا يجي  يكله اتعطلت ودفناها راد يثبت الشي لااكثر امج مالها لاكبر ولاشهاده وفاة  ولااثر من اصله

--مستحيل لعد وينها ليش اختفت وهمه ليش كالو ميته يمه كلبي صدك ماما عايشه ياربي دخيلك

--لحد الان ماندري عايشه لولا يمكن يكون جاتلها ودافنها بمجان

--ليش حتى يسوي هيج

--اكو شي امج كاضبتو عليه يكص راسو خايف يطلع

--اي اكو وجانت دوم اتريد تبعد ناي حتى لاتعرفه شنو هو ماادري  بس خالي اجبن من انو يكتلها

--اكو من اليجتل موش هو واحتمال اتكون ماميته موجوده بمجان لاتستبعدين هالشي

--مارحت لخالي وعرفت منه

--لاخالج بفتره نقاها تاركي يستمتع براحه واستجمام بالسجن بس ابنو كضبتو كام يبجي مثل الحرمه يحلف انو مادحگ شي جدامو بس الدثو ابوه مخبرهم ماتت ودافن هاي كل معلوماتو

--اخو مرته هو يعرف اذا ميته لو عايشه

--اخو مرتو مشرف بنفس الزنزانه يلعب وياه شطرنج مانرد نزعجو خلهم على راحتهم بين مايوصل غيث لان هاي شغلتو يعرف اشلون يطلع اخياسهم

--اركان فدوه اذا اتريد تاخذ حق امك وتحرك كلبي سوي اي شي بس  لاتوهمني باهلي والله موكد هيج كسر كوه داعود نفسي على فقدانها لاترد الامل بكلبي

--وانت شكو بحگ امي

--هاا مواني الي تجاوزت عليها

--يولي بالقران  الطگ حلال بيج يبه اكو ختراع اسمو كيد النساء هذا مامار عليج ماسامعه بي

--اشلون يعني

--استغفر الله هاي اشلون راح احميها وأمني حگ امي اخذتو من اصحابو

--يعني من بتت يوم يم سهيله هاي عقوبتي جانت

--لاعاقبت روحي لان كلب ابن ستطعش كلب من فكرت اجيبج هينه وخليج بينهن

رن فونه رفعه باوع الرقم ابتسم ورد  اسمع صوت بيبي بدعه اجه ها ولك يالذيب شعملت

--هلا بالجبيره كل خير گضت

--حرمتك اشلونها مانعدلت

--لاوروح اخوي زادت ثول هانت ماضل شي ونخلص

--امك ماتركد ولاتنهجب لمن اكضبها اطيح حظها

--نسايرها لمن تفض احتمال اجيب العثره يمج الف شغله براسي وهاي رب الثول بس اغفل عنها تلبس روحها مصيبه وتعترف  حتى على روحها زور

-- انجعلك بالكسر ماطولك هيج نجر وتعرف خبث الحيه  عش طاگ البت

--بدعه لاتفرين الحجي وموش اني اطگ حريم وبالنسبه للحيه نطريني اشوي بس افرغ بالقران الجريده الي طكو حرمتي بيها نفسها اخلها بيدها  تصلخ جلدها بيها

--اركان لعب الحريم موش الك يجده بعد واذا على حگ امانتك  يمي مايضيع

--افااا عيب بدعه موش انه الي العب ويه حريم بس   اكو عالم مايرهم غير مگامهم من نحاول نصعدهم اول شي يخلون رجليهم على روسنا يخلوك تضطر تردهم لمجان انزل من الجانو عليه بس حتى تاينعدلون

--اخيك مامنو خبر

--لاوالله انگطعت اخبارو بس خبرت جماعه البارحه كالو موش صاحي ومتحول حيوان محد يتجراء يكرب صوبو

--الزلمه اتسودن عجل المصگوعه ماعرفتو مجانها مافهمتو شبلاه وهيج عمل

--رفيج دربو غدر بي معترف بلسانو  اكو علاقه  بينهم ودحكت التصوير امبين الزلمه صدگ عاشكها وهيه الهتره بدل ماتبعدو عنهم كربت الرفجه اكثر وثبتت كلشي على نفسها

--البت نبهه اشلون انغلبت هيج

--البركه بحفيدتج النكسه عرفت اشلون تلعبها صح فرت شريط عمتي رضيه بناي طيرت اخر بذرة  عگل براسو

--اركان جده روح لخيك لاتخلي بروحو  كسرو جبير ماينجبر بسهوله 

--لاتخافين عليه خافي منو صحو الشيطان الجواه بعد ماخلص عمرنا  نهودو بي
فرحانين الربع مادرون راح يشعل ابهاتهم و يوكفهم على تك رجل يخليهم  يترحمون على ايام الهتره

--عجل اتصل بالجماعه والغي التسليم

--البارحه فتحت الموضوع وياهم بس عمي ابو حمزه اعترض وابو غيث كال اني اكضب مجانو اذا مارضه يريد

--ذوله خوثان راح يضيعوكم لخاطر كم دينار وسخ مثل روسهم  باجر  اذا فرغت جيب شاهين وتعال ليه تانصفي كلشي واليحجي منهم لو يفكر بس يعترض ادوس فجو

--تامرين يالجبيره

--عينك بالعثره وشد عليها خلها تصير مره حوك

--بالقران لو املصها تضل نفسها ماكو غير اربطها وزتها حدر الدرج بالكي تنعدل

--خف جده عليها تراها طريه ومهضومه  وخليك مثل ماانت  امساير الحيايه لحد مانفرغلهن تاانملص روسهن

--لاتوصين يالجبيره اصلا عطيت جلمه لامي  ونفذتها مثل ماطلبت  شفتيني واني مطيع الوالدين وكد جلمتي 

--يالذيببب

--ههههههههههاي ترباتج بدعه

--انگلع لك تربات نجسه اريدلي ازلمه اشد بي ضهري ماكو تفووو

ضحك وسد الفون باوعلي

--اكيد سمعتي الاخيره

--ناي صاير وياها شي

--خبله وخذت خبل شيصير يعني اكيد تكاونو يوم يومين ويردون مثل الزمايل

--سمعتك جذبت على بيبي تره حرام الجذب

--عش يابه  وين  مجذب

--تره داشوفك من تطلع سهيله ماتسبح اصلا يعني مامقربلها

-- وانتي مافتحتي ولاستعملتي ذكائج اله وياي وعش تكولين جذب الحرمه قذره ماتسبح ومع هيج راغبها كمت مارتاح غير بغرفتها

--اصلا موحلو وبگد ماما شنو بكد ماما اصلا ماما احلى منها عيع ذوقك موحلو

رفع حاجبه

--ليش دتباوع هيج صدك داحجي  صح هيه اشويه حلوه بس صوتها يشبه  الرجال

--لسانها عسل وملكاها يخليك ماتفكر تحدر من غرفتها

--لعد ليش اجيت ماضليت يمها

--ماحب اتعبها جثير  اريدها تاخذ راحتها وتنام بهدوء تاتصبح مثل الفراشه وهم لخاطر يزيدلها شوگي اكثر

باوعت بوجهه امنيتي اكوم اهفه راجدي اعمي عيونه

--مضيعه شي بوجهي

--اصلا وجهك موحلو وانت كلك واحد  مستفز وتحبلك وحده مثلك وهم وسخه

--اعصابج يولي وشبيها الوسخه اشو مره حوك موش  جنهه لعبت بت اخوي  ام الربع حتى شوفها  مابيها

--اني مولعابه وشكلي حلو بابا جان يكول بس دورت وجهج  راح تسحل اكبر راس وراج

--الراس عدنه يعني جاموسه وبالفعل اول يوم سحلتج ماجذب ابوج وبعدين وين اكو حرمه لون شعرها اتكول كركم حايل

--والله حلو

--منهو ضاحگ عليج ومقنعج بهالشي وتركج من شعرج بياضج اتكول بياض طفل انفاس ماشايف الشمس يولي حتى ملامحج مخربطه غير اني ماردت اكسر بخاطرج  وكلت اخذج احسن ماضاله بايره بيت هلج

--والمسيح بيبي اتكول انتي احلى وحده بأحفادي

--ياحفاد غير جنكم بزازين اهدي بنيتي ميخالف لاتكدرين حالج ربي مايخلف الشي عبث لابد اكو حكمه من خلقج بهالشكل

برطمت

-- لحن  وروح اخوي كوه كاضب نفسي ضال ادحگ وتكاون ويه الشياطين  ديري وجهج لاانعل ابو الاتفاق لابو العطاج جلمه

--ضل صنف عليه اصلا  ميهمني  كلها فتره ضاله وياك واروح

-- حلو شكلج وانتي  تحجين بثقه

--طبعا واثقه راح اروح لبالك اضل اخدم بأهلك وعيش بس حتى ارضي حضرت جنابك مثل ماتركت  سمار هم اتركك

بعدني احجي وكمش وجهي عصره حجه من بين اسنونه
موش كلنا  سمار قبل لاتفكرين بالسالفه موش تعمليها بالقران ادفنج

دفعني فركت وجهي وهو اخذ نفس من جكارته

--اني ماريد اعيش وياك طلكني

مارد نفخ الدخان  وضحك بستهزاء

--راح اخبر بيبي  تجي عليه واول ميوصل عمو اكوله اخلي يطلكني منك 

حگ خشمه وعدل ضهره عالمخده
ماشوف غير جرني من شعري سحبني يمه انضربت بصدره

همس  اكو ناس تشتري  الطگ مشتره والظاهر انتي منهم

--ليش لان كلتلك اريد اطلگ تره موغصب هو ماريدك 

--من يطلع ابوج من كبرو ويفرغ الفشگ بصدري ذاك الوكت تفكرين اطلعين من البيت يلا انطمري اذا سمعتج تتنفسين بالقران اربطج وهفج ويه الحلال تكملين عيشتج وياهم

--ااااا شعري اركااااااان

--انعل ابو اركان على هاي القسمه صوتج بت الزمااااال شهرتيناااا

دفني دفعه نيمني عالمخده عدل اخذ نفس من جكارته وجابها قريبه على وجهي بسرعه غمضت  عبر وجهي وطفها بالكاع يم راسي وباسني بوسه سريعه من شفتي

طبگ مخدته  ونطاني ضهره نام

حكيت شعري الله يلعنج ناي على هاي الورطه اشلون حخلص منه جنه حيوان مفترس

اروح وشنو خايفه منه اذا ضلو اهله هيج نفس التعامل انهزم قابل اول مره

--لحنننن لاتستعجلين اخرتج

--اصلا مدافكر

--انطمري لا بالقران  انومج نومه ابديه

--ادنه تره ماخذ الدوشك كله جاعصني بالزويه بس اتحرك اوكع بالكاع

--استغفر الله ربي اشلون شغله هاي لحنننن راح يطر الفجررر

--يعني شنو

--يعني راح اجيبج بطراك امحي ذاكرتج انطمررري ياغضب رب الكائنات

--الله اذا انمحت ذاكرتي انسه انت منو واطلع منا بكيفي  بس تحجي وياي اشتكي عليك واشمرك بالسجن انت وسهيله العجوز صدك اتكول  حظن اركان يستاهل الوحد تتكاون عليه شنو يعني

اندارلي باوعلي

--اشبيك غير اريد اتعلم لهجتكم وبعدين احتريت والجو بارد صدك  مره قريت الحيوان درجه حراره جسمه ثابته من هيج سموك ذيب بس دخلت فراشي حميته

ضم وجهه بأديه

عرفت روحي جفصت ضميت وجهي بالمخده وتغطيت بسرعه

--لو بس اعرف حوبتمن هاي

--نااي

--اشتعل ابو اصلها على ابو العطاني هذا الاسم لحن وروح اخوي اهيس نفس منج  اهفج من الشباج ثانيتين الج اريد اسمع شخيرج

شلت راسي باوعتله
--تره اني لحن موسهيله ماشخر بس اممم 

ضم وجه بالمخده
--ربي امتحانك نعل ابو ابوي بكبرو

--لاتضوج اذا اتريد اتعلم اشخر عادي كول

عدل مخدته وجرني دخلني بحضنه ردت اوخر عصرني
--وروح اخوي صبر ماضل لحن ستري على روحج ونامي قبل لاابتلي بيج

شفت وضعه ونبره صوته صدك واصله للاخر مومال اتعاند ويا خليت راسي على صدره ونمت بدون اعتراض

كعدت على صوت هوسه جوه كمت غسلت ونزلت لكيتهم يتريكون بس اركان عيونه تريد تطلع بيده الفون يحرك بي وصافن ويمه سهيله باوعتلي ابتسمت بخبث

حسام جان راد كاعد يم عمتي مجرد شوفته رعبتني

سلمت رفع راسه اركان باوعلي اشر لريحانه هزت راسها اي شال  سبحته  وكام طلع

ردت اكعد صاحت  عمتي وين عالمطبخ غاده اتزقنبي موش جاعده تالي النهار وتردين تتسممين هينا

ريحانه. يمه اسوه طلع رحمه لخيج كافي حتى لكمه ماخليتي يتهنه بيها

--انجعلج بالمرض وانت كومييي يله

--تعالي خيه وياي نتسمم غادي لحد مالله يفرجها

--انجعل فرجها بالكبر كولي امين

شالت الاماعين بس مبينه مخثوثه حيل اشرتلي عالباقي  نكلت الاماعين ورحت وراها دخلت

--شكو بس لاتعاركت ويه اركان لان نام ويمي وكسر كلامه

--لاحبيبه موش يمج السالفه  بيت جدتي بدعه مراقبي وهمه عدهم جوه الكاع غراض ميكدرون يطلعوهن

--هم بسببي مارحتي بعيد

--غيث ماعرفن اشبي هم اوضاعو مخربطه مايكدر يجي ولازم اركان يحلها وحدو محتار بدون غيث مايكدر لان واحد كاضب ضهر الثاني

--وشاهين

--شاهين ملازم ابوي بالمضيف اليوم عدنه طلابه وماضنها تنحل بسلام

--الحمد الله لبالي لان دخل يمي

--لاخيه نزل شافتو ماسابح امنت اول ماحاجتو رد لاتدخلين بحياتي الخاصه حگج وصلج البت بليل تخاف ماتركها تتسون بحدها واذا على حرمتي الثانيه  ماگصر وياها

--موداكوله انزل انام يمج ميرضه

--اي موش غشيم هو ويخلج تنامين جوه وحسام استون يراهق اليوم رد الف مره وصاني عينج بيها هاي مفهيه وثوله خلي تگضب حجابها وتتستر يلا اكلي بساعج نطلع عدنه شغل جثير

كملت ريوك داكوم دخل حسام  باوعلي كصني كص همس ااااخ والله  بخت عندو ابن الكلب

كمت بسرعه ردت اطلع كمش ايدي
-- اكفي لج

--حسام والله اكول لاركان هالمره

--كولي تستاهلين الواحد ياكل طگ لخاطر هالوجه اوووف بويه شنهو هالفهاوه  لخاطر الكعبه من شنو مخلوقه

--اترك ايدي انت موعاقل ولك اني مرت عمك 

--خرب بعمي  دحگي يولي تركج من هالشايب المابي حظ وخلج وياي وروح ابوي اخلج شيخه عالبنات

--خلي سمعك اركان تحجي هيج والله يذبحك 

--لاتخافين ماراح يعرف كربي يولي عش منهزمه

دفعته حيل وطلعت اركض اسمعه يضحك كلبي وكف

صارت سهيله بوجهي
-- شكو جوه منهو جان وياج ولج

--محد وخري من يمي

--اكفي لج سمعيني عدل لالبالج فرحتي اركان كال بليل اضل يمج تره كلمتو حد السيف ماراح يجسرها ماراح يكربلج لوتنگلبين ذهب هيج يخلج بس للخدمه

--واني الرايده هالشي

--الضهر يمي عود هم طلعي بسالفه جديده حتى اطرو لراسج

--حتى بليل هم حگوله انام يم ريحانه واخذي شبعي بي بس كون عاد هو يقنع يروحلج مو هم جبر وتواسيل وضلين تبجين وتهددين اروح لهلي واترك الجهال حتى يقبل بس يدخل غرفتج

--بت الملاهي ماعليج عتب

--هاي بت الملاهي كاتل روحه بس يريد رضاتها وتضحك بوجهه مو حتى ترضه اتنام بحضنه

--هيج عجل هين يرد وندحگ اليصير

--مم عود ميخالف صدك شعرج من كدام طالع الشيب جددي صبغه بس هم صدك الشعر وينصبخ الوجه شنو اتسويله حيره اني منج عدل عالتجميل مثل اركان طول وجمال وشباب اكيد يدور وحده مثله وهم جديده مومخلفه وصايره تانكي مزنجر

--يع منهو هاي التانكي مزنجر انه وحده مفهيه مثل وجهج تجيب طاري وتقلد

--هاي فهاوتي الي جابت اركان وراي لبيت اهلي هاد منطي روحه للموت لاموبس هيج تعرفين اشكد دفع مهر من غير افلوس حتى يرضه خالي

--الدفعهن عمي لان گال يتيمه ونختنه لاتفرحين وتصدگين بكلشي والمهر التحجين عنو سواه ذهب وبدل ماينطي الج انطاه لعمتي كاللها حگ دمعتج مهرها يعني حسبج هينا حالج حال الفصليه بلاش بس للخدمه

--اصلا اني الرديت الفلوس لان كلتله مااتثمن بهيج شي وماريد اخسرك تعرفين شنو گال وروح بابا مااجذب كال تروحلج الفلوس وراعيهن فدوه

--عجل وين عمه تجي تسمع

--تركي عمتج هم يالله تحضرين نفسج تره راح يجي وسمعت الضهر الج بس فشله والله بعد هالهوسه والفضيحه كدام عمو تالي خصصلج ساعه الضهر لاموهنا القهر اكثر الاوقات ماموجود الضهاري اشكد عيب  وهاا صدك عود سبحي حتى انصدك

--ااااخ والله ي لحن اذا ماندمتج واطلعتج من هينه بفضيحه ماطلع امو لحسام

--صدك ربي ابنج احسن مااخلي يربي الج مره لخ

تركتها ورحت خليتها تاكل بصابيعها طلعت بره لكيت ريحانه  تخبز شافتني ضحكت
-- وينو يچي ويدحگ اشلون طالعه

--صدك افلوس مهري مسويهن ذهب ومنطيهن لامج

--لاوروح اخوي مهرج يمي وذني السواهن من افلوسه بس حتى يبعد شرها عنج بس بروح اخيج لاتكولين خليها مصدكه حتى لاتأذيج واشوكت ماترديهن كولي

--تره والله موبحالهن اصلا مااريدهن واني كلتله اخذهن بس حزت بنفسي السمعته

--عجل لو تسمعين الحجي اليكسر الكلب الي اسمعه كل يوم  شتكولين

--هاي وانت عندج ابو اخو

--خيه مافارغيلي كافيهم هم الدنيا والركضه  صح مامقصرين ولايرضون بالعوجه بس مايدرون بخبث الحريم يشتغلن من جوه لجوه ويضهرن بالوجع الملائكي جدامهم

--تركج منهم  اني اتعاركت وهسه خايفه توصلها لاركان

--دهر الدهرج ويامن اتكاونتي

--ويه سهيله بي والله هيه حركت كلبي كالت اخذ مهرج وانطاه لامه وحسبج هنا مثل الفصليه ومامعبرج

--خيه انتي ماتستجنين اله تخربين على روحج  كم مره نبهتج دحگي لحن اذا اركان شال ايدو منج محد راح يحميج تنسحگين بالرجلين

--بعد مااسويها بس اوكفي وياي هالمره وكليله ذيج بلشت فدوه

--دلمي الخبز ويلا خلينا اخش جوه انكمل التنظيف

كعدت الم الخبز وهيه اطفي التنور سمعنه صوت شاهين  ورانا كال حي الله يالربع

ريحانه . هلا بيك خويه

--لاموخوش رد   امبينه عالگه اليوم الله اليستر اي اشلونج مرت اخوي

--هلو

--ريحانتي متأكده هاي  حرمة اركان

--هههههه بالقران حتى اني ضاله اتصفن اشلون راح  يرهمون ماعرف ابوي اجه

--اي بالمضيف اليوم بليل نطلع للبر بحيل الله

-- الله يحميكم ويردكم سالمين

--بعون الله وينول الي بالي ويجمعنه بيت يابه موش بيت بالقران راضي حتى بگن

--من اعجز عود لان ماضل بالعمر شي

--راضي وحگ لا الاه اله الله بس كون صدك يتصيرين من نصيبي وصبح بوجهج يابه لواخر نظره الي بالعمر هم موافگ  

راح ترحون للتسليم

ماعرف وره غيث ضالين مختفي ماكو واحد يعرف عنو شي وجدتي تكول لحد يتصل هو يرد من وحدو

--شاهين والله خايفه عليك لاتروح بداعتي عندك

--اخر عمليه اطلع بيها وداعت عيونج واول ماارجع اجي اوكع على عمي وحگ كتاب الله ماطلع اذا مايسجلج باسمي

--ماراح يكسر بأخو

--عجل خلو يكسر بأبوي ويلجم كلبو  وروح اخوي ارميج وارمي روحي وراج خلينه غادي يم ربي ننجمع وهمه يكملون اتفاقهم براحتم

--والله تعملها

--تردين تموتين ولج

--اذا وياك موافقه خلص كلبي واني مناطره خايفه بأي ساعه واحد يطلبني وابوي يغصبني

--بالقران بس يفكر  بس يدحگ موش يطلبج اترس حلكو بارود

--لحدمن شاهين والله تعبت

--لحد ماتذبين الاسود ولج ماحن كلبج عليه وتغيرين ها لون وداعت امي كل ماشوفج ينگص نص عمري لان احس بعدج بااسمو

--اذبه بيوم الحنه بس عجل اقنع ابوي تره حتى اطفال بعد مايصير عندي انوب تجي اتكول لازم اتزوج اريد جاهل

--مكتفي بيج بنتي وروحي والنفس اليصعد وينزل ريحانه بروح اخوج هونيها عليه وافگي

--لاتطلب مني هيج هذا ابوي ماكدر

--ابوي ابوي من اشتعل ابوج عالساعه العشكتج بيها ولج  رحمينييي ولج مايررضه عجزت واني اتوسل كرهت روحي واني ضال بس ادحگ بكسره بلكي يحن وينطيني

--عجل شعمل اغدر بي وانهزم وياك

--بالقران كمت اتمنى انام اليل  ولج اتختل عن هلي خايف يدحكون بعيوني ويعرفوني باجي ريحانه تره صعب الزلمه يبجي واني صرت مثل الجاهل بسببج كل مااسمع طاري اسمج تنزل دمعتي

--شاهين مكاعد تحس بالنار الجواي والله اضعاف الوجع بگلبي اذا انت ماتنام اليل اني اخلص حتى يومي بحسره ضاله بين نارين انت وابوي كل واحد اعز من الثاني ليش تحسه هينه عليه

--هذا اخر كلام عندج

--لاشاهين لاتتركني والله اموت وراك

اباوعله خله اديه على وجهه  وهيه شهكت بصوت اخذ نفس راح يمها كمش وجهه بديه مسح دموعها بطراف اصابعه دنگ باس راسها همس لاتبجين تهون

--اوعدني ماتتركني وراح تصبر لحد ماابوي يوافق

--الصبر كل هالسنين يصبر للكبر

--من عمري على عمرك

--ماطالب من رب العالمين غير اذا ماجمعنه بالدنيا  كون نندفن نفس الكبر و يجمعنا بالآخر 

--ان شاء الله

همه واكفين يسولفون واني الم الخبز ماسمع غير اركان صررخ لحننننن

طفرت صرت وره ريحانه باوعلي شاهين
-- شعامله يالمعثره

--والمسيح الحي ماكو شي بس هاي مرته خبيثه

--عجل بس هالچلمه تطرو لراسج يبه مره ابكد امج مايصير هيج تحجين

--مااحجي بعد اكمش اركان حباب

--اهاا يعني دخيله

--اي هيه دخيله

--هههههه موش هيج تنكال  يولي

-- عززه اجه اركان

-- اتلگطي عليه  بسرعه

صفنت بوجهه جرني  صعدني  الدرجه خلاني ورا وصل اركان كال  حدري هينه لج

شاهين . دخلت يمي اتركها

--يول كل مصيبه تسوي اكبر من راسها حدرري لج
انه الجاتل روحي ورحت ساحل روحي بس حتى ادحگين بوجهي

--وانه اشهد من خذيتنا ورحت تتكاوين ويه الهوا نسيت

--بعددد شاهين  اذا ماكضبتها هالهتره وطلعت حليب امها من خشمها ماتنعدل 

--ههههههه يخوي ياهتره دخيله ماتعرف شلون تكولها  اتركها لخاطر الكعبه

--دحگي اذا ماتهبشتي وبطلتي تهرتين اطرج بالنص

--سمعتي  اربزي وكضبي لسانج يولي بالقران اذا لكفج  يورج ور

صفنت همست هذا حجي يعني

واحد باوع للثاني هز ايده اركان وشاهين طكها ضحكه

ريحانه . خيه لمي الخبز خويه اركان هذا الجلب مالتك كضبه لايهد عالعالم

--منهو حلو

--حسام وتركو بالزرع يم الحلال اخاف يلكش احد عظه وتعال يعمي شيلني

--عجل وين جان عالعثره مالكشها عضه

كمت شايله الخبز
-- منو كلك اني غبيه واروح لهناك

شاهين . اكص ايدي لوماسامعتو ينبح وتزنحت لغادي

--من ينبح عليك معناتها ماكل من غيرك

--لاهاي قويه بالقران  اركان اشلونك يخوي  خو مو يمك الحجي

اباوع لاركان غمض عيونه  كعور ايده حيل وعضها

كمشت دشداشه ريحانه  همست غلطت بشي

--ههههههههههه اخ يمه بطني لاخيه كلامج حكم بس جيبي اليثمنو

--مواني هم اكول لعد اشبي اخوج يله هو اشوكت ضحگ حتى متفاجاه معصب

--لحن يله  وياي لاتجلطين الزلمه

دخلنه جوه واني عيني بي اشلون يمسح بوجهه  وشاهين كامشته الضحكه

رجعنه للمطبخ حضرنه الغده هيه تطبخ واني انظف
الولد طلعو واحنه كل وحده كمشت شغله سهيله ملاسقه لعمتي وياها بس تفتر وتتلوگ

واني وريحانه  من مكان لمكان علما صار الضهر ضهري طگ من التعب

حسيت نفسي مدبگه باوعت للساعه عندي وقت ربع ساعه علما يجون الولد ويصبون الغده

صعدت لغرفتي اخذت ملابس دخلت للحمام علكتهن بسىرعه ونزعت ملابسي دخلت جوه الدوش سمعت طكطكه بالغرفه لبالي اركان

تركته وكملت غسل لبست وطلعت انشف براسي لكيت حسام بوجهي منتجي عالباب اول مشافني عظ شفته

رجعت دخلت للحمام وسديته
--عش يولي انهزمتي

--حسام وروح اهلي اكول لاركان يموتك

--ماسويلج شي بس طلعي

--راح اصرخ والله

--يولي بس نحجي طلعي دخيل ربج على هذا العطر ولج بشنهو غسلتي يبوووي كون اكضبج  وروح ابوي املخج تمليخ وماتبرد ناري

--ماتستحي وماعندك تربيه اله اكول لعمو

-- بالقران  فكري بس تحجين اشوه وجهج خلي يطگني عادي بس حرمات هالوجه الحلو يخرب وكتها لنشوف  منهو يدحگ بوجهج

--حتى لو اتشوه بس خلي يربوك اول

--ابنهم مايكدرون يسولي شي هيه طگه عالماشي وينفوني لبيت خوالي كم يوم وارد بس انتي اويييلي شسوي بيج بالقران مي نار ارشو على وجهج ماطلع من ضهر ابوي اذا ماسويتها

--اطلع منااا فدوه ولك اني مرت عمك اتخبلت انتت

-- بالقران  من دحگت ترافه وجهج ماضل عگل براسي منين جابج عمي اشتعل ابوه

--كله حوصله اله

بعده ماحاجي وانفتحت الباب دخل اركان اتبنجت بمكاني واني اسمعه يكله شسوي هينا يول

--ها عمي ماادري سمعت لحن تصرخ واني كريب كلت ادحگ شبلاها

--وتسمعها تصرخ تخش الغرفه هيج

--جدتي نختني كالت البت تتخبل الحكها

--انعل ابو جدتك لابوك تعال واعلمك اشلون جدتك تنخاك

مااسمع غير صوت خنگه وحسام مكطوع نفسه يرافس

فتحت الباب واشوفه خانگه يريد يشمره من الشباج و هوه كامش ايده يبجي وجهه احمر مايكدر يشهگ 

اندفرت الباب دخلت ام اركان تركض  كمشته
--ولك اركااان شبلاك

--بعدي يممممه

--ولك اني دزيتو سمعت حرمتك اتصارخ اتصيح حرامي ماكدرت اصعد عالسريع نخيتو

دفعه وگع بالكاع رفسه بطنه صار عليه ام اركان

--اجتلني گبلو

--هاي السهله تامرين

كالها وطلع فونه يتصل

--ولك اكلك اني نخيتوو روح حاسب حرمتك كل اشويه وصارخه وخالتنه نلتح مانعرف شكو

حسام.   عمي صرخت هيه عجل اتركها

--كلت صرخت؟

--وروح ابوي يعمي صرخت  ماجذب

ام اركان. بدل ماتشكرو

--هسه راح اشكرو شكر ماراح ينساه طول عمرو

--شتعمل اركان يمه هذا ابنك انت الربيتو

--موش اني الربيتو الرباه انتي واختج والحرمه من تربي ماطلع غير حرمه مثلها واحنه مانحوي مخنثين

--ارركان شناوي بيمن كاعد تتصل

مارد رجع عاد الاتصال

-- يبعد امك  هالصفره راح تسودنك كل يوم متكاون ويه واحد بعد حتى ماتعرف لازغير ولاتحترم الجبير

--عمي ابوس ايدك بس اتريد احلف احلف هيه الصرخت

--دحگ يبن بطني اذا مديت ايدك على حسام لو مسيتو بخدش لحرك روحي هذا الطلعت بي من الدنيا اجبارتي من ازهر

اركان. والاجباره مارايديها انردو لابو يتسله بي

--هيه  هاي الرايدتو عجل من خشت البيت نوت على كطع النسل مثل اختها من خشت بيت عمك وخذت زلمتهم ونهزمت بي لدار الغرب لبالك ماعرفنهن على شنهو ناويات

--هاا يول شاهين اصعدلي لغرفتي فوك --مناطرك يخوي

--يبووو يبووو  نويتها يااركااان   هاي قسمتييي بدل ماتعدل حرمتك وتكضبها عن الفرخ ولك ماريد احجي ولك كوه كاضبه لساني اكول تتعلم حگها ماتربت بيت وعرفت العيبه شنهو

--لاتكضبين لسانج زتي الرايدتو

-- عطيني الامان ماتاخذ حسام واني احجي

--الج الامان احجي

--ماردت  اگلك بس بعد الراح تعملو ماكدر اسكت بس امانه الله ماطكها تضل يتيمه طلكها وفضنه

-- تم  

-- انطيني جلمه من لسان ازلمه ماترد بيها واني اجيبلك شهود يبن بطني لان اعرفن الفرخه فاره عگلك واحلفلك حتى على كلام الله

باوعلي اركان  مامفتهمه شنو تحجي اندفعت الباب دخل شاهين

ركضت  لاركان كمشته  من دشداشته  حيل وخليت راسي بضهره لان اني ماعرف شنو ناوين 

--اركان حلفتك

--يابه وعطيتج جلمه احجيي خلينه نسمع

--وروح اخيك هيه تغوي وهو جاهل كم مره شكالي وحتى ابوك يعرف بالسالفه بس كال سكتي بلكي تعقل 

--بعد

--ومره ريحانه كضبتها تقنع بي لخاطر يصعد غرفتها

--حلو كملتي

--لاااا اهدء يمه مامصدگني حگك انده ريحانه وهاي ماتجذب خلوها تشهد احجي لك موش كالتلك اركان جبير واني جزانه نفسي منو

حسام. وروح ابوي هيج كالت وهددتها اذا عادتها اكلك

اشر اي عصرت دشداشته باوعت لشاهين دنگ

--حلفتك بالغالي تريد تأدبو ماراح اكضبك بس انزل جدام ابوك وحلفو لخاطر تعرف الحگ المن

وخرني وراح دفع امه جر حسام من جواها شمره على شاهين وامه كامت تلطم سحله شاهين طلع واركان فتح الكنتور طلع قامه وراح ورا

ام اركان. حيهمممم ولك لحكووو راح يكتل ابنو اخوووو

اجت سهيله تركض مبينه جانت بالحمام الخاولي على راسها  كالت شكو

--ولج اركان اخذ ابنج وراح هو وشاهين لحكي

--عش شعمل

--هالمصگوعه صاحتو للغرفه وكضبهم اركان سوه

--يبووو عرفتها من البارحه تلتح ورا عمه دخيلج كومي ابني يذبحه

--تعالي كوميني ولتحي لعمج بالمضيف خلو يلحكنا

--عمه دخيلج حلفي انو هيه التلتح ورا وهيه التتحرش بي يعمه يروح ابني

--وحلف حتى ريحانه بكتاب لله بس كوميني

اجت كومتها وطلعن يركضن سديت الباب وراهن

ياربي اني ويني وين هيج عالم شلت اديه ترجف

وكفت وره الباب مااسمع صوتهم مبين اخذه وطلع

شمرت الخاولي مشطت اشلون مجان شلت شعري

مره الوقت وماكو اي صوت صار اليل متت جوع   غيرت ملابسي لبست الشال ونزلت لكيتهم يتعشون حتى ماصايحيلي بس اركان موطبيعي

سلمت بس عمي رد السلام وباوعلي بأسف 

كعدت يم ريحانه  همست شكو

--اكلي وسكتي راح ابن اخوي

--عزه مات

--لابس اركان دفنو وطلعو من جديد عاد تربات السلف بي

--وينه

--اخذه شاهين زتو بالمخزن يم جدتي بدعه تاتكمل ترباتو اخاف قصر حفيدها

--لعد ليش ديباوعولي هيج بس لا صدكو بالصار

--محد حجه بيج لاتخافين ولمي شعرج عدل وتستري

عدلت الشال حتى شهيتي انگطعت كوه كلت لكمه

خلصنه شلت الاماعين للمطبخ دخلت سهيله شافتني طكتها ضحكه بصوت كالت زهبي روحيج خيه

--المن

--على بيت اهلج هههههههه

انداريت لريحانه اشرت شنو

--ماكو خيه موش هسه من ترد اختج

--ليش شنو الصايره

--موش تردين ترحين لخيتج

--اي

--عجل هاي مثل ماتردين كلها كم يوم وتجي تاخذج لاتسألين لان  والله احسلج

--اركان صدك بالحجي

--لابس ربي  ينتقم من الطش خبر بالسلف ابن اخو عاشگ حرمتو وكضبهم سوه

--عززه منو وشبسرعه

--خالتي ام عامر الله ينتقم منها وهسه عمي طكها وطردها لاهلها اجه لابوي اعتذر وطلكها

-- لعد اني شذنبي

--انت اذا بقيتي هينه معناتها حسام لازم ينذبح تايلمون الفضيحه وهو اصلا ماضال بي نفس ولاعضم صاحي كافي خيه لاانتي تكدرين تعيشين ويانا ولااركان  راح يرتاح كوه گاضبي عن ام عامر لايعمل مصيبه  لمن عمي رمه اليمن جدامو يالله هدأ

سكتت ورديت اشتغل

مرن كم يوم بس اركان مايرد بالنهار  واذا دخل    يتعارك ويه ذبان وجهه البيت كله كامش حذر منه حتى شاهين  والولده مايحاجو يتجنبو يتحجج بس يريد يكمش واحد يكتله

بليل يرد تالي وكت يخلصها يم الشباج بس يدخن وينزل ويه الفجر

بالنهار كرف شغل حتى الخدامه مومثلي علموني حتى عالخبز شبعت جويات اذا فكرت افتح حلكي عمتي تستلمي بالعوده طلع حركت حفيدها بيه

لاكدر اكول لاركان لان اعرف راح تصير عركه وخايفه هالمره انشمر بالشارع قبل لاتجي ناي
كمت قبل لاتكول عالشغله اكوم اسويها حتى لاانضرب

حيلي انهد وجسمي تعب من الشغل والكتل بس ماكو مكان اروحله اتختل بالختلات اكل شي لواكعد اشويه ارتاح اتندمت على كد شعر راسي اشلون انهزمت لوباقيه الف مره ارحملي

خلصت تنظيف المطبخ  كعدت ارتاح اشويه وريحانه واكفه تطبخ

دخلت بت سهيله بيدها فون تلعب اجت يمي شافتني كاعده  شمرته وركضت جابت مشط حتى اتمشطلي فرحانه بلونه

فتحت قراصتي شهكت

--شبيج

--لونه حلو من ينفتح من اكبر اصبغه مثلج والبس عدسات هم مثلج

--لاذني طبيعيات بس هم اتكدرين اتسوين مثلهن

--عجل عش اني مومثلج

--كلمن يشبه اهله اني مثل اهلي وانتي على اهلج

--يعني ابوج وامج مثلج

--بابا اي بس ماما لاتختلف اني طالعه اكثر شي على بيبي بس هيه شعرها ابيض اني اصفر وناي ماخذه عيونها

--اشلون ابيض يعني شكلها اشلونو

--انطيني فونج اني اراويج شكلها

انطتني فونها دخلت على صفحه سمار دوم ينشر صورها ويا كلتلها باوعي هاي بيبي

--دهر دهرها مفرعه ومصلخه بس شكلها مثل العابه هاي متخاف من الحرام من اكبر اصير مثلها

--لاميصير لان انتي مسلمه هيه مسيحيه

--هذا منو الزلمه

--ابن عمي

--حلو جنه الامير مال سندريلا حباب هو لو هم يعصب  مثل بابا

--لاحباب مايعصب

دخلت سهيله جرت الفون باوعت وشهكت صاحت ارررركانننن ويننننك ادحگ حرمتك خاله البت وتحجيلها على قصة حبيها الأبن عمها الحباب ------

***ناي***

اول ليله جانت اصعب من جنت اتصورها ماذكر اشوكت نمت بيومها بس الي اذكرى تعبت وتأذيت هواي حلفت بعد مااسامح ولاراح يرف كلبي

رغم تعب كلبي بس لازم اكوم اوكف للمره الالف اذا مولخاطري لخاطر لحن واعرف ذوله عائله الظلم بدمهم يكسرون بدون رفه كلب

غيث اعتبرته دمعه نزلت ومسحتها مواني الي ابجي وراه واحد شمرني

ادري اجذب على روحي بس لازم استمر بالجذبه حتى اصدكها

كاعدت الصبح على دكت الباب كمت راسي مصدع من المخده المسويتها من الكارتون كمت فتحت الباب لكيت سامو اشرت خير

--انطيني فونج اروح ابيعه

--انتظر اروح وياك

--ليش ماتثقين بيه

--بروحي ما اثق تريد اثق بيك وانطيني قمصله هاي الابسها

--ابيعها

--طمع متصيرلك جاره ارجعها الك اليوم بس اشتري ساعه مواكثر

--يلا استعجلي وهاج لبسي الرجال منتظرني

اخذتها ودخلت لبست حذائي عالسريع شلت شعري وطلعت ويا وصلنه اله سلمنه الجهاز باوعه كلبه
-- مايسوه هالسعر.

--تمام رجعه اني اخذه للشركه ابيعه

--ماياخذو منج مابي اوراق

--لابي اوراق ومسجل بأسمي والسعر الطلبته تره نص قيمته

--انطيج بي ربع يفيدج وهسه نص الباقي باجر

--ههه احلف يول بربك تحجي صدك  عيب واني تربات الغثيث

--مافهمت

--السعر الطلبته والدفع مقدمه يفيدك تمام ماكو الله يسهلك اتوكل ابني

اشر لا

رجعته بجيبي درت وجهي اشرتلي  باي من ورا واني امشي  مثل مايسوي غيث من ميعجبه الحجي  صاح وراي اوكفي

--اشتعل اصلك غيث
  مديت ايدي اريد الفلوس

-- انتي سوريا

--شلك بالجنسيه

--بس حتى اذا طلع مسروق ميسبب المشاكل ونتفاوض بعد سعره غالي

--كول والله مرتين اشبي الي مگطع الجامع بالفرائض حبيبي يفيدك بهالسعر لولا

--تمام بس هواي

--اهووو اشلون شغله عطلانه هاي ياخي لاتاخرني عندي الف شغله وراي

طلع افلوس حسب واني ويا عيني شفته اتوقف اشرت كمل استغفر وكمل انطاني الفلوس سلمته الفون

طلعت الطلب انطيت لسامو واكراميه
-- اجو سألو عنج ناس البارحه

--اي وشنو رديت

--نكرت كلت مااجت ووصيت ابو السكراب ماشافج

--عفيه عليك منو غيث

--لاولد متوسط بالعمر جسمه رياضي مودل شكله

--جود هذا اتركك منه اريد شغل

--اشتغلي ويانه

--بالاجرام والتسليب انيالج ياانهار تعالي شوفي بتج ساموو مورجلي هيج معناتها اني نفس الشي شغل مال بشر اريد

--رجعي لشغلج القديم ماكو غيره

--ماكدر والله نفسي ماتنطيني اكسرها اكثر اريد بمطعم لو ماركت كافي اي شي

--هنا ماكو شوفي بالحارات الباقيه

--تمام قمصلتك اردها بليل بين مااشتري

سلمت وفترقنا كلمن بجهه

رحت للملابس المستعمله اشتريت كم شغله اعتازهن ضروريات
غيرت بالمحل اخذت بوت وكلاو هم لبستهن لان مثلجه الدني طلعت وين اروح هسه

ادور شغل حتى اطلع من المكان الاني بي

نزلت الكلاو ولفيت المشمر خليت اديه بجيوب القمصله ورحت ادور من مكان لمكان

لمن وصلت لساحه الميدان  صار بوجهي اول فندق الي كعدنه بي ضحكت فرت الدنيا بيه وهاي اني بنفس المكان وهم ضايعه ودور على شغل بس الفرق انتن اختفيتن صفيت بروحي

ماما كلتي ماتركجن لمن امن عليجن لعد ليش رحتي
بناتج كل وحده بمكان ضايعه مصيرنه مجهول

اشكد مضه من العمر واشكد باقي
هم يخلص ونرتاح

اخذت حسره طلعت من نص كلبي واني اعرف  الدنيا ماكتفت مني بعدها مستمر بالعب وياي

كمشت مداليتي  راح اخذ حقكم وحقي من كل واحد راح اخذ اختي اردها لحضني ونكمل مثل ماجان يحلم بابا ويتمنالنا

رفعت الكلاده بستها رجعتها داخل البلوز ورحت اكمل طريقي تعبت وماكو شغل

صار الغروب والدنيا غيمت احس روحي بهتت
مابيه اتحرك والدنيا بدت اتنث

كعدت اباوع للعالم الي يمشي والي يشتغل والي يسولف ويضحك غمضت اخذت نفس اجت ريحه اكل بخشمي 

فتحت عيوني صارت الكافتريا كدامي كمت رحتلها اخذت لفه   اكلت اول لكمه لعبت نفسي

شكيت بيها شي فتحتها شفت مايونيز  عادي مابيها شي مميز

رديت لفيتها ردت اكل  كلبت معدتي شمرها وركضت للحاويه اتقيأة

كمشت بطني بتعب شصارلي يمكن لان بدون اكل فتره طويله لو برد ؟رفعت راسي الدنيا تفتر

رجعت كعدت مكاني احس جسمي يرعش ربي دخيلك 
خليت راسي بحضني اخذتلي اشويه حسيت روحي احسن

رفعت راسي عيوني مثل الغواش عليهن وثگال
فركتهن

نااي اختج وراج متنظره ديري بالج تتمرضين انتي ورطتيها وطلعتيها من اهلها

فركت وجهي وكمت الدنيا افترت نكثت راسي ومشيت اضيع فكرت التعب

بدت الدنيا تمطر خفيف اتجتفت من البرد وايست

رجعت بعدني ماواصله استوني نزلت من الدلمش  مطرت خليت القمصله مالت سامو على راسي وكمت اركض عالسريع 

وصلت سابحه دخلت قفلت الباب الغرفه ابرد من البره

نزعت ملابسي علكتهن لبست بجامه اشتريتها حتى بدون غسل وادري مستعملات

ركضت للحاف دخلت جوه الكارتون جان يصل جواي لميت رجليه حضنت نفسي الرجفه محطمتني

انتجيت غمضت وهذا اليوم مر بدونك لبالك من راح تتركني راح انهار وراك لوراح اذكرك

خليت ايدي على كلبي جذب والله هذا كلبي يدگ بس جبت طاري اسمك

اجيت على بالك لوالحقد نساك منو اني

اشلون يومك الاول من دوني

نومتك جانت براحه ماحنيت ماشتاقيت

هم كلت هاي اتخاف من الظلمة اشلون گضتها وحدها

دفيت من دون حضني لو بدلته 

شلت ايدي باوعت الحلقه تعاهدنه ماننزعهن بس من انموت

بس ماعرفنه اكو شي اوجع من الموت

اطلع من كلبي مثل ماطلعتني من حياتك  خليني اعيش

خليت راسي عالمخده نزلت دمعتي موبيدي اشكد اريد امثل بس احن اله غصبا عني اشتاقيت لدفو حضنه لغزله وسوالفه

دحگي يولي

هم يجي يوم وانساها لوتضل مخزونه من ضمت الكلمات اليوجعن كلبي

احس الحماوه تطلع من عيوني
لفيت روحي حيل اندكت الباب وصوت سامو يصيح نايييي

--سم ابن الطرگه شهرتني كلها عرفت اصخام ساكنه هنا

--ناااااي

--ابن الثوله اجييبت صوتك

--ناااي

--انعل ابوك لابو غيث ولك اجييت

كمت فتحت الباب شكووو

--اريد القمصله

--سامووو احترم روحك لاتكعد تتنطط على سوالف تافهه تعرف المن اخبر وشنو يسويلك

--اريد قمصلتي

--ليش مصلخ ومتوازي على قمصله هالمره دكيت الباب هيج وقت المره الخ اشخط خدك الثاني سمعت يول

--اجيتي بزونه مغمضه

--وفتحت بتيزاب هاك هاي قمصلتك مبلله عود شرها وصدك اريد شغل  دورلي فدوه

--بالنص

--لاياناقص

--هههههه ناي الجمليه لاتتطاولين

--وين الشغل

--كافيي وين القنص هو مامعتاز بس اني احاجي الج وبالنص الاجره

--لاخليها ربع والله اريد افتح التدفأه واشتري دوشگ راح اموت برد

--احنه بالشته تره ماكو شغل

--اعرف اليوم دورت لمن مليت ولازم احصل شغل اريد اجيب اختي تاركتها يم عالم تاكل بشر همه وعايشين

--تمام باجر احجيلك ويا هاج هذا شربي وشكريني يلوگ لعيونج

شمر كارتون عصير وراح

سديت الباب دخلت اركض لفراشي دخلت جوه اشكد حاولت ادفه ماكدرت كمت سحلت الكراتين خليت وحده عالثانيه ورجعت نمت عليهن لفيت الديباج حيل

جسمي حار بس مثلجه بنفس الوقت صار كدامي العصير ضحكت ابكد مامخربط ابكد ماادمي احسن من هواي بشر تعرفت عليهم

سحبته دخلته جوه الغطه سحبت الگصبه فتحته وشربته نصه وحس البرد صعد لراسي شمرته وغطيت راسي

شلت ايدي باوعت الحلقه فريتها تستاهلين هسه اخليج بيدي لوانتهى وقتج

صاحبج مدفي حبيبته بحضنه وانتي دفيانه بأيدي

نزعتها طلعت ايدي شمرتها ورجعت ايدي جوه الغطه
عيوني من التعب ماحس بيهن بدن ينسدن دقايق ورحت بالنوم

موثگيله نومتي بس ماكدر افتح عيوني مثل الغشاء عليهن

احس انرفعت من الكاع وصرت على شي عالي دفو قوي كأنما بحضن احد

اريد احرك ايدي لو افتح عيوني ماكدر

نفس بركبتي وايد يحرك بيها ضهري  مثل اليحاول يدفيني

فتحت عيوني الصبح صاير بس تعبانه كلش كمت اتمغطت ضحكت ماتصورت اني هيج قويه نمت بدون لاافكر بي

هيج صايره مشاعري معدومه لاصدك تحيه للربتني

غيث موبس اني رخيصه عندك لاطلعت انت ارخص وبالعلامه مافكرت بيك بليل ولاشتاقيتلك نمت براحه

كمت دالبس القمصله اجه عطره بخشمي احس كلبي رف

سحبت ملابسي اشتميتهن ماكو لعد هذا بجسمي باقي لوشنو حتى عطرك غثيث مثلك ميرضه يروح

لبست القمصله طلعت للحمام لان واحد ومشترك

كمشت سره بين ماوصلي خلصت ردت اطلع وكفت اغسل وجهي انتبهت للمداليه مالتي بيها الحلقه اتفاجأت اني شمرتها ماتذكر خليتها ويه الصليب

زاحمتني وحده عالمغسله تركت المداليه غسلت وجهي وطلعت
رجعت للغرفه غيرت ملابسي طلعت الفلوس حسبتهن مابيهن فون عادي رجعتهن بجيبي لبست الكلو والمشمر

طلعت اول شي رحت للماركت اشتريت نستله وعصير نفسي رايحتلهن ماعرف ليش

طلعت رحت للحاره القديمه لكيت سامو بالكهوه  سلمت وكعدت كال شتشربين

--لاصاير صاحب واجب من اشوكت

-ياصبييي كهوه للمدام

--لاعجبتني  بس مااشرب كهوه بدله بجاي ولاتكول مدام بعد

--تمام الشغل اتكنسل ماكو

--ؤك مواشكال ادور اني بس اريد دوشك اذا تحصل مستعمل

--افلوس

--ماعندي هسه بس احصل شغل

--ماكدر اجيبلج محد ينطي بالدين

--الله يلعنك كرم 

--شنو

--مويمك يم القسمه  اشكد مر وقت واشكد افتريت مكانات بس  مااجه بالي ارجع للحاره وللمكان نفسه فد يوم

--بعدج تذكرين بيارق

-- المفروض ينصبولي تمثال اكثر اشخص يفقد احباب بدون دموع

-- متبجين  ابد ؟

--ابد والله مرات احس روحي  اله مجرده من المشاعر

--ومن جنتي زغيره هم متبجين؟

--مااذكر اصلا مادري  من كثر الصدمات والمصايب بعد مااحس لو  تشكيلتي هيج

--زهره واولادها  وراج

انداريت لكيتهم استوهم راجعين من الشغل  مبين عليهم التعب شافوني اشرو ضحكت ودزيتلهم بوسه بالهوا

--اكو الامهات ميستحقن هالقب

--وبعضهن قليل بحقهن هالاسم  ملائكه من الجنه 

--يله خلي اكوم شكرا عالجاي

--وين

-- افتر والله كريم بلكي احصل شغل 

سلمت وطلعت ماعرف وين اريد طالعه بدون وعي
لكيت واحد عنده كهوه جانت بمكان ختله

دخلت سلمت رد الرجال كلتله جايه على شغل

--ماعدنه

--اي شي وباي اجره اقبل

--هنا كلها رجال تجي وانتي بنت راح تسببيلنه متاعب

--لاوالله كدها جربني واذا صار شي اطردني حتى بدون اجره

--شغلنه متعب ونغلق تالي وقت

--ميخالف

--الاجره عالتجربه بالبدايه نص واذا شفناج اتماشيتي نزودج اشويه

--ؤك موافقه

--بس لغتج موقويه

--لاافهم التكوله بس بالرد صعب اشويه راح  اتعلم عالسريع جربني ماراح تخسر شي الله يرزقك

--الاسبوع الاول تحت التدريب

--ميخالف اشوكت ابلش بالشغل

--خلي يرد المدير واحجي ويا خلي رقم تلفونج

--ماعندي فون بس اشوكت يجي حتى اجيك

--الضهر لو العصر

--تمام اني رايحه واردلك العصر

سلمت وطلعت رحت للميدان هناك الاجواء حلوه وزحمه متخلي الواحد يفكر

كعدت شلت رجليه لحضني باوعت للطريق وبتسمت منا جنه نجي اني وكرم

وين صفه بيكم الوقت رجعتو بعدكم
سديتو مكانكم وگطعتو رزقكم راحت صحبه سنين بثواني

غمضت مر شريط لقائنا الاول بالسياره
جود واكف يضحك وكرم ماد ايده يريد يسلم

غيث اديه بجيوبه يباوعلي ماعاجبه شكلي
اجه صوته بمخيلتي وهو يكلي ضحكي لج

ضحكت بغصه 

مسحت عيوني
وعوجت راسي عالتجوه اباوع للعالم مرت كم ساعه واني صافنه بمكان  وكلبي يدگ بغير مكان

صار الضهر كمت رجعت للكافيي وصلت دخلت لكيت الولد الحجيت ويا كلتله بشر

--مااجه هو واحتمال مايجي اليوم

--يعني ماكو كول

--لاخليج اشتغلي وياي لان معتازين صبيه ويانه خلينه نجربك واذا عجبني شغلج اني احاجي

--شكرا ان شاء الله يعجبك شغلي

--مشتغله قبل

--اي بمطعم -----

--اها مطعم مشهور هذا ليش تركتي

--صاحبته ساره تشتغل بالممنوع واني اخاف من جماعتها

--ماعرفها المهم يلا راوينا شغلج

هزيت راسي دخلت جوه ذبيت قمصلتي لان دافي المكان لبست الواقيه رفعت شعري ذيل احصان
لازم اثبت وجودي حتى لاانطرد

رحت يمه كلتله شسوي

--افتري عالزبائن سالي اذا يعتازون شي والي خلص رتبي طاولته

--تمام اعرف

--ليكدام شغلنا متعب كلش واجره قليله

--اعرف بالشته قليله الحركه من زمان اني هنا اعرف النضام شنو

رحت من طبله لطبلع ولليل  احس ضهري انطبگ حتى استراحه مال غده ماكو بهتت والدنيا اتروح وتجي كوه واكفه شافني اشر هاا

--بس ارتاح شويه

-- تمام اخذي فنجان قهوه على حساب الكافي

--ماشاء الله ولاتكول داخل حاره االناس داخله طالعه مطعم الغثيث موهيج

--منو الغثيث

--واحد الله يحركه هم عنده مطعم بس الفرق هناك احساب  واحد يمكن بأجرت يوم كامل من هذا المكان

اكيد المكانات الراقيه تختلف اتاخر الوقت اذا تردين اطلعين عادي

--يعني استمر بالشغل 

--تمام شغلج اليوم حلو بس باجر تجين من وكت

--ميخالف ماتفقنه عالجره

--كلنه اسبوع

--اعرف اسبوع بس لازم نتفق

--انطيج الف ونص بالشهر من غير البغشيش

--تمام بس تكدر اتسويهن بالنص كل اسبوعين

--ماكو اعتراض باجر من وكت تجين

نزعت الوزه اخذت قمصلتي وطلعت

من التعب والبرد حتى نسيت بدون اكل رحت كبل للغرفه دخلت  يالله اتذكرت

مابيه اتحرك ماضل شي للصبح

الحمام ناي ماكو طلعه هنا نص اليل

ضلي احجي ويه روحج لمن تتخبلين

وعالاساس عاقله ديلا

فتحت الباب ظلمه ولابشر قفلت الباب وركضت للحمام دخلت بسرعه بسرعه غسلت وطلعت مديت راسي اتأكد اذا اكو احد

رجعت ركض للغرفه فتحتها استوني اسدها اندكت سكتت
رجعت اندكت وصوت بنيه وره الباب فتحتها  --اتفضلي

--احنه جوارينج بالغرفه المقابيلج

--هلابيج امريني

--لاهاي شوربه الج ماما دزتها -------

البدايه فهمت شنو حجيتي بس الاخير شنو

--انضيفج بيها

--شكرا حبيبتي ليش زحمتي روحج

--احنه نطبخ ونشتغل هنا اكلي منها اذا عجبتج حتى نتقف كل يوم اجبلج منها

--لاشكرا اني اكل بره

--موغالين مناخذ هواي خمس ليرات قطعه صمون وطاسه شوربه

--خلي اكل اليوم واشوف باجر اتفق وياج

رحت سديت الباب كلش وقتها اجت

نزعت القمصله ودخلت جوه الغطه ركض اول دفيت روحي بس جذب يادفو

سحبت الشوربه شربتها بدون خبز ردتها بس ادفيني

رجعتها وتمددت لميت رجليه لحضني اليوم الثاني واني بدونك
وين انت هسه شقتك اكيد اترتبت وملابسك مكانهن

حياتك هدأت
كلبك رد يدگ للغير

لعد اني اشوكت يبطل يدك اشوكت بعد ماحس بيك اشوكت تصير ماضي ومن اذكرك ابتسم بدل ماتنزل ادموعي

خليت ايدي على كلبي وغمضت احبك رغم السويته بيه

كلبي مانبظ لغيرك ولاراح يدگ بيوم لاحد

حسيت روحي ملهوفه لشوفته وخرت الغطه جريت تشيرته الاجيت بي دخلته وياي  اخذت منه نفس طوييل

مشتاقتلك ابكد محبتي الك

حضنته وخليت راسي بي اتخيل روحي بعده يمي

غمضت واني حاضتنه دقايق وماحسيت بس نمت بهدوء ودفو

كعدت على دكت الباب وصوت الابنيه وخرت الغطه واشوف النهار رايح كمزت فتحت الباب

-- الطاسه  اذا ممكن

--دقايق فدوه راح الوقت هذا يطردني هسه اني شديصيرلي ليش هيج انام مااحس

--ها الجو بارد هنا اكيد من تدفين تنامين

--هو وينه الدفو هاج عيني الطاسه

--اجيبلج اليوم

--اي بس افلوس كل اسبوعين انطيج

--ميخالف اسجل اسمج

--اي اي يلا باي

ركضت لبست قمصلتي وحذائي شلت شعري بأهمال داطلع  انتبهت للتشيرت مشمور يم الحايط

شوداه هنا البارحه جان بفراشي

رفعت ملابس عطر غيث بيهن قوي معقوله من تشيرته هيج لكفن ملابسي

تركته ورحت اركض حتى المشمر والكلاو نسيتهن من الاستعجال

وصلت اخر نفس لكيته واكف يعمر نركيله دخلت قبل لايحجي
--بيبيتي مريضه وجنت وياها بالمستشفى

--واني ماعندي اعذار تردين تشتغلين تجين من وكت

--ميخالف اخر مره اترك النرگيله اني اسويها

--تعرفين

-لااتعلم واني شاطره بالشغل بساع اتعلم

--ماعرفت اسمج اني اسماعيل كالها ومد ايده

--سلمت واني ناي

وخرت ايدي بسرعه وكعدت عالنرگيله وهو يباوعلي اخاف اغلط بيها

شاب متوسط بالعمر رشيق عيونه كبار بس مبين تركي من الشكار مالته

كوه كمشتني الضحكه جنه فهاوت لحن وصفنتها

كملت شايله النركيله وهو فاگ حلكه بعده فلتتها وصحت اكمششش

طفر راد يلكفها كمتشها وضحكت

اخذ نفس وكف متخصر بعدين ضحك هز ايده ضربني على متني  ودخل

--اخ يمه اشوكت ابطل هالرعونه يولي انوثتج وين وهو حسبج مثل صاحبه بهالحركه

اشتعل كرم

مرت الايام ويه شغلي صح تعب وهواي مضايقات بس متحمله و اسماعيل مخفف عليه هواي الولد هادء وكيوت واني معتازه هيج شخص كافي التعرفت عليهم كلهم شاخطين

جنت اضن اكدر اتخطى غيث مثل اي شي صار بحياتي بس الضاهر جان هو النهايه الي سكتت كلشي بداخلي

خلصت شغلي سلمت الورديه ردت اطلع وكفني اسماعيل للغرفه

--لااروح لاسنيورت اشويه افتر ليش اكو شغل اضافي تريدني اخلصه

--لا بس منتبهلج من اشتغلتي لسه كل يوم وره الشغل ترحين لاسنيورت شنو عندج احد هناك

--ذكرى اصدقاء حتى لوماهمه ومااشوفهم بس اختنك بيوم  المااروح واشوف المطعم

--خلينه نروح نشرب شي بي

--مغلق المكان واني اسفه مااطلع ويه احد

-اشلونه الشغل ويانه مرتاحه بي

--صح متعب بس الحمد الله فايدني اقلها اكل منه وضلت افلوسي اشتريت دوشك وفون صح تعبانات ومستعملات بس يمشني

--صحتج تعبانه  بسرعه اتكومين تنفتين عندج مرض شي

--لاماعندي بس  ماعرف شبيه  من اشرب شي حلو رأسن ادوخ لاعندي افلوس اروح للطبيب ولاعندي وقت اروح للمستشفى

--قللي اكل الحلويات  واذا تعتازين افلوس خليج للشفت الثاني خوش بخشيش يجون الموظفين

--هاي هيه اني هم اضوج بالغرفه وحدي

رجعت لبست وكفت ويا   لتالي وكت  صدگ حصلت خوش بخشيش سدينه المكان ورجعنه وصلت للغرفه شفت الحمام كدامي مابيه ادخله ومعتازته

دخلت للغرفه قفلت الباب  شمرت ملابسي وخليت الفلوس الحصلتهن يم الباقيات متگللي اشوكت تكثرن انهد حيلي وانتن على حطتجن

رحت لفراشي كعدت فتحت الفون خليت الشريحه فعلت عليها دخلت الارقام

اتصلت على ريحانه  ماكو ماردت الوقت متأخر

اتمددت مرت ساعه وعيوني ماجايهن نوم
اباوع للغرفه لحدمن اضل هيج وبعدين

لاكدر اجيب اختي ولاكدر اعين نفسي

شجيب اختي اني اكل ماعندي اكل مواجيبها

لااكدر بدل الوجبتين الاكل اكدر اكل وحده واضم من الفلوس
اشتغل شفت ثاني
مسحت وجهي ماكدر جذب

اسمع دكه خفيفه عالباب

صحت منوو

ماكو رد

اذا ام العشه روحي ماريد

ماسمعت شي رجعت لفراشي حاولت اشكد انام ماكدرت ليش شنو التغير كل يوم انام بدون لاحس

طلعت فوني اكلب بي دخلت على صفحه جود ماكو نشر من اخر مره جنه سوه

دخلت على كرم لكيته ناشر صورتهم قديمه غيث كاعد وجود خال ايده على متنه وهو حاضنهم من وراهم اثنينهم

خليت صورتهم على كلبي خربت خوتكم ضيعت ضحكتكم الجانت ماليه المكان

ردت ادخل على صفحه غيث مانطاني كلبي
طفيت الفون وحضنته  ضميت وجهي بالحاف  كلبي يوجعني  اتمنيت ابجي ردت بس ارتاح مخنوگه

صرخت اطلع من كلبييييي الله ياخذذذك

سمعت احد ورا الباب  سديت حلكي خفت  كمت شلت فوني  رحت يمه همست منوو

مارد اختفه الصوت

كعدت احس كعد وره الباب وانتجه منو انت راح اخبر البوليس كوم روح

مارد

شارب اكيد ومتيه مكانك وين

والله احسن شي بالدنيا اتسويها  اشرب  انسى الشرف المبادء ماتعيش احد

بس لاتثق
ولاتحب

لاتتعلق  بأحد خليك وحيد

لاتبجي

كلتها وشهكت مسحت ادموعي   حجيت بصوت يرجف   كلهن راح يوجعن كلبك

شايف من تشتري بروحك ويبعك برخص

من تنطي كل حبك ويطلع ماعنده وفه

جنت احسه يمشي ويه دمي داس على كلبي

بس راح انساه راح اطلعه من كلبي

بجيت بصوت عالي كلتله جذب والله ماكدر احبه حبيته اكثر من روحي 

غمضت وخليت راسي عالباب احس دموعي تحرك خدي

سمعته نفسه وره الباب جان عالي مال واحد مخنوگ 

هههه شفت وين وصل بيه الوقت كمت اشكي  همي لواحد سكران

اتمنيت مثله هيج اكدر اشرب  انسى اني منو انسى كل المر بحياتي  ولو لحظات بس اريد ارتاح

اتمنى اطلعه من  گلبي

اني ماعندي كرامه مو بعد السواه بيه لحد الان كلبي يدگله

لميت رجليه خليت راسي عليهن
مر الوقت  جسمي جمد من البرد  كمت رجعت لفراشي اتمددت واسمع صوت  المطر عالي كسر كلبي الولد الي كاعد بالباب جوه المطر

وين اهله شنو الوصله لهالحاله

اتلفلفت زين بالغطه ونمت  ماكعدت غير على صوت الفون كمت الجو دافي والتدفئه تركع ترحمة لسامو على هذا الدفو 

شلت لكيت حمات لحن تتصل رديت

اجاني صوت لحن تبجي كالت وينج

--شصايرلج لحن

--تعبانه ناي بعد ماتحمل

--احنه المفروض انموت بذاك اليوم

--ناي تعبت كل يوم دتضربني ودتهيني وتهددني اذا كلت لاركان تشمرني بتهمه لو تسويلي شي تشوهني

--ماتكدر اتسويها اشكي لاركان

--مليت كل يوم يتعارك وياهم بسببي الكل كرهني بطلت اشكي حتى لو يسألني اكله مابيه شي مشتاقه لناي لان تعبت من العتاب وحقهم معيشيني بيتهم ويوكلوني اكلهم واني اخلي يتعارك وياهم

--اتحملي راح اخذج

--اشوكت والله راح اموت

--لامتموتين بس الم كم دينار حتى اجي اجيبج بيهن تعالي وياي نفس الغرفه ونعيش سوه منا لمن الله ياخذ امانته

--ياريت ياخذها هسه واخلصج من حملي

--انجبي يالمفهيه اني عايشه لخاطرج لاتحجين هيج حتى اشمر روحي بالبحر واخلص شبقالي غيرج

--ناي اكو شي ضامته عليج اركان حذرني مااكلج بس ماكدر اضم اكثر

--شنو احجي

--ماما احتمال عايشه

خليت ايدي على كلبي حسيت شي خطفه

--ناي وينج

--وياج بس داحس بتعب

--شبيج

--ماعرف الدنيا تفتر وكل اشويه تنخطف روحي تركج مني شنو ماما احتمال عايشه

--مالها كبر ولاشهاده وفاه ولااثر من الاصل

--كتلها الكلب ودفنها بمكان عرفته الناقص الحيوان

--مثل مكال اركان ليش متكولون عايشه

--ماما متنحبس كل هالوكت حتى لو افترضنا هددها مريضه تنسى وتطلع جان عرفنا لان براسها بيتنا القديم اول مكان تروحلها والجوارين راح يخبرون اهلنا

--يعني ماكو امل

--لابالنسبه الي زاد املي بالحياة وكثر انتقامي عرفته وروح عاشق هو الكاتلها بس اااااخ شراح اسوي بي ووروح الراحووو اله اخلي ياكل لحمه بيده ويشرب من دمه بدل دم اهلي

--واحتمال عايشه

--راجعه واطلعها من جوه الكاع وهم اخذ حقها

--صدك غيث طلكج

--ههههههه تهمني بشرفي ويه جود

--واني ويه حسام اركان متخبل حتى كره دخلت البيت بسبب هالشي كمت احسب الايام اشوكت تجين وتاخذيني ناي داحس روحي حشره منبوذه كرهت نفسي واني اشوفهم كلهم ماطايقيني ويردوني  اروح والله لواكدر جان انتحرت بس اخاف كالتها وبجت

ضميت وجهي بحضني عضيت ايدي حيل

--ناي اي مكان اضل وياج والله لو بكبر هم اتحمل

--لحن برد وجوع انتي متتحملين   كاعده بمكان والله الحيوان ميرضه يعيش بي

--اني اعيش وياج خبزه تكفينه نتقاسم بيها غطه واحد يدفينه ناي اخذيني والله ارضه بكلشي وتحمل بس لاتخليني

--اصبري عليه ماتركج راح اشتغل شفتين واحصل مكان احسن بشويه راح اجيج

--لاتعالي اخذيني واني وياج نشتغل كافي ذلت العالم خلينه نعيش بكرامه

--تتحملين لحن

--وداعتج اتحمل لواعرف صبح وليل بس اهم شي اخلي راسي بحضنج مثل قبل وانام مأمنه

--هاي هيه استلم اجرت هذا الاسبوع واجيج بلكي صدك ايدج وايدي نكدر نعيش بمكان زين  يله حبيبتي روحي صار وقت شغلي

--يعني ماجيتي

--لايالثوله يالمفهيه اجييي يالحماره

-- هسه امنت ناي اخاف ماتصل لاتقلقين ولاتكولين لاحد لحن اتصلت بيه

--ليش وين انتي لحن وليش صوتج ديرجف شصاير وياج

--هااا لاكلشي ماصاير بس استعجلي تعالي لاتركيني  يله روحي ماكدر احجي بعد راح يجون

سدته حتى مافهمتني شكو  

كمت  طلعت المكان مطين والمطر بعده ماشوف غير رجلي راحت بالخالي

فتحت عيوني لكيت روحي بالمستشفى انداريت شفت كرم كاعد يگلب بفونه همست شجابك

--خبروني كالو طفله اطفر بالمطر وكعت

--شدلاك مكاني

--وعالاساس انتي بالصين هو سامو المعفن راجدي من الغثيث يعترف حتى على ابوه وين دافنه

--غيث دزك

--غيث ويه الاذان رد للعراق عدهم شغل وهالمره خطر كلش عمليه جبيره

--شمدريك ردت علاقتكم

--لاخبرني كال مودع الله يخوي  كلبي امانه يمك

--يا گلبه هذا

--ناي اني لومكانه وعرفت اخوي يحب مرتي انعل ابو اخوي لابو مرتي

--كرررررم

طفر  كال ول حمزه مرتي موانتييييي

--جود شفته

--لااختفى ماكو بيوم الطلعنه من العماره سلم عليه وحضني كال ديربالك عليهم وسلملي على ناي كلها غير اخت مااشوفج وكول لغيث مواخوك اليغدر بيك 

--شخبار غيث اكيد مرتاح

--اخر راحه بحيث لاليل ولانهار صاحي يتغزل  بالملائكه

--رد للشرب

--ضاع غيث بالحضه خسر اصدقاء عمره وحبيبته

--بعدك بالشقه

--لاطلعت اجرت غرفه بسكن طلابي ماكدر اضل ناي الشقه خنگه بدونكم

--خربتكم اني دمرت صداقتكم

--وزدتي عدد خواتنا

--ليش ضليت

--والمن ارد تره حالي من حالج
لمعت عيونه

--كرم شصاير

--رويدا عقدت

--ربي يعوضك بالاحسن

اخذ نفس وضحك كال احلى شي صار رحتو كلكم فد روحه

--المثلنه مخلوقين مو للحب غلط من حبينا احنه انخلقنا للتعب والشغل ونكون سند لغيرنا

--ونكون اهل لاطفال ونسويلهم الماكدرنه احنه انسوي نعوض الشفناه بيهم باركيلي راح اصير خال

--مبروك بس اشوكت اتزوجت اختك

--هااا

--شنو كرم اختك اشوكت اتزوجت

صفن بوجهي

--عزه بعيني خلص الشحن كرم حبيبي نرمين اتزوجت

--لا

--لعد اشلون اتصير خال

--موانتي خامل

--شنوووو

--والله بالحلال متزوجين اهدي  بس خلي افهمج

--شنو حامل اشوكت صار

--هسه اخبر غيث واتأكد منه

--لااا لا لاتخبره 

--ليش خطيه جان منتظره وتعالج على حسابه بلكي اترد العلاقه ونرجع فد بيت مثل قبل والله ضايع بدونكم

خليت ايدي على بطني حسيت بأحساس حلو باوعت لكرم وضحكت

--الله طلعت غمازتج

--راح اصير ام

--وغيث الابو عوع عوع  ابنكم يطلع جلب

--ماارجعله ولاراح يعرف بي انتهى حقه بي راح اخذه هو واختى واختفي كرم وداعت الصداقه اذا دره غيث يحرم عليه احاجيك طول عمري

--ماراح تكدرين تعتنين بي وحدج

--اكدر  راح اقسي عليه واخلي يكونلي سند قبل لايكون اخ وحبيب  اعلمه  ياخذ حقه بأيده ميعتاز احد

افهمه  الثقه غباء

الحب وهم

كتمان الوجع اكبر من الوجع نفسه

--ميعتاز جيناته الوراثيه الماخذها منكم انتي وابوه كافيه  يلا ياام عاشق لازم نطلع اتصور صحيتي

--انتظر اريد خدمه منك

--عيوني الج

--اريد افلوس دين اروح اجيب لحن واجي بس نرجع اردهم لك

--وين راح اتخليها

--وياي بالغرفه ونشتغل سوه بس كم شهر بين متكبر بطني نروح غير محافظه نعيش

--سهلا اشوكت ترديهن

--اذا عندك اليوم حتى باجر احجز

--تره غيث هناك

--وغيث انتهى من حياتي ماكو شي اسمه غيث

--اذا شفتي كدمج واكيد راح تلتقون هناك

--راح ادير وجهي واحسبه ماموجود

--لعد اروح وياجن  ماخليجن وحدجن اي محافظه نستقر سوه

--وصاحبك اتركه

--راح اكون ويه ابنه يلا تكومين

اشرت اي وخرت الغطه داكوم واني السعاده ماسايعتني

اول مره افرح من صدك هالفرحه مادخلت كلبي من اخر كعده بين اهلي

دخلت الدكتوره كالت همزين لحكت عليكم

--خير شنو الصار

--التحاليل طلعت

--شنو اكو غلط يعني موحامل

--لاحامل بس عندج مرض مزمن ونسبته صاعده كلش احتمال  الطفل يطلع مشوه لويأثر عليج لسلامتج   لازم تنزلين الطفل ----

لاتنسو التصويت♥️