انا توا ماشيا اما بجاه ربي تذكر قداش عطيت٬ قداش ضحيت انا فما مليون ولا زوز ليقتلك متخلنيش امان... حس بيا 💔
_________________________________________
مرام تحكي:
درت ٬ اول حاجة ينجم يقولها عبد كي يشوف لي قاعدت نشوف فيه "تباركله و كهو " هو بدن هو زين هو شعر هو ستيل هو ريحة برفانو لواحد ملقا ميقول في اللحظة هذيكا مجاني حتى شيء في مخي حتى لين ستوعبت لي انا قدام امين ولد خالتو لأحمد ليعيش في فرنسا لحقيقة اول مرة نشوفو en directاما يوريلي فيه احمد قبل في l'insta صحيح أحمد محلاه و قنبلة زين اما هذا... فماش منو. عادي اي طفلة في بلاصتي باش تخمم هكا🙂. اما لاهم لمكنتش نتصور لحياتي باش تتبدل على يديه.
To the present :
_ شبيك تبكي
_ شيء سمحني شبيك هوني تبع فيا؟؟
_ هاهاهاها صلي عنبي يا بنتي انا امين ولد خالتو لأحمد نعيش في فرنسا
_ نعرف
هو يحكي و مرام غارقة في تفاصيلو لي تجذب اي بنية و عينيه لعسليين و غزرتو شفايفو كي يحكي قعدت باهة حالة فمها
_ الووو نكلم فيك
_ آه... شفما شبيك
شدها من مرفقها و خرجها لصالة لعباد لكل دارتلهم أحمد باهت يديه يرعشو ماو فاهم شيء.
يشد أمين مرام من يدها يوقفو في وسط الصالة و هي باهة و يهبط على ركبة و نص يجبد خاتم من جيبو
_ مرام تقبل تعرس بيا نهنيك و تكون حلالي و دنيتي نوعدك نحبك و منسلمش فيك لين نموت و نوقف قدام اي عبد يجرحك
مرام في اللحظة هذيكا مزالت موش مستوعبة شنيا يصير و منغير متشعر
_ أأأ...أي...أي نق...نقبل
غزر أمين لمرام و عنقها ووشوشلها في وذنها
_ متخافش مبعد نفسرلك كلشي
شد أمين يد مرام خذا ساكها من فوق طاولة و خرجو و ناس لكل في صدمة كان يمينة لي كانت تتبسم و راضية على روحها.
_ تي سيبني! شنوا لي عملتو انتي قبيلا ياخي نرمال؟؟ولا تتمنيك عليا و تعدي في وقيت كيما ولد خالتك؟؟ فسرلي تكلممم تهبلنيش
_تي سكر خليتني نحكي انتي؟؟ و متخافش impossible نعمل فيك لي عملو أحمد و نتخلا عليك
_ هاهاها شنيا؟؟ تتخلا عليا علاه بصيفتك شكون بابا
_ بصيفتي عبد يحب يعاونك
_ وعلاه تعاون فيا سامحني متأكدة لي أحمد عندو يد في الحكاية و منجمش نعرس بيك
_ احمد مفيبالوش و علاه متنجمش
_ مزلت نحبو
_ تي زحي افهم راو عرس باش يبدا حكاية جديدة معا مرتو و انتي تقلي مزلت نحبو t'es folle والله
سكتت مرام و هبطت دمعة من عينيها
_ باهي انا قابلة اما راو باش نتشمت في احمد لا أكثر لا أقل
_ ملا علاه انتي لي يسمعك يقول مقطع روحي عليك
_ مضربتكش على يديك انا
_ باهي بركة نفدلك
جبدت مرام مفتاح كرهبتها و باش تمشي
_ معلموكش تقول bonne nuit ؟
ڨحرتلو شادة ضحكتها لي مشافتهاش من ايام
_bonne nuit ياا شقتلي اسمك
_ أمين أمين
دارت مرام تضحك و أمين يدور في راسو
_ يا ربي يا خالتي فاش وحلتني ربي يصبرني عليها ها الطفلة و كهو اما ولاهي موش دونية مفهمتش علاه ولد خالتي لبهيم مشدش فيها صحيح ملا بدن و ملا زين يا زحي
روحت مرام لقات بوها في الصالة يستنى فيها
_ وين كنت؟
_ تسأل فيا وين كنت؟؟؟ كنت في عرس لنحبو يا بابا نعرش تستحق نقلك بابا ولا جرتك تعذبت راني. الله يرحمك يا امي
_ كل شي عملتو على خاطرك
ڨحرتلو مرام و مشات لبيتها طول نحات talon و حلت سلسلة الروبة نحاتها نحات sous vêtements متعها و قعدت في بانو ماء تخمم خذات دوش و تمدت على الفرش نجمتش ترقد و أحمد يعدي في ليلة دخلتو مع طفلة غيرها برسمي ميحس بالجمرة كان ليعفس عليها و هي تبكي لين هزها نوم.
قامت الصباح تلقا أمين باعثلها مساج ليباش يتقابلو لتحضيرات العرس. لبست top في ال bleu و سروال في ال beige و هبطت تفطر قعدت على الطاولة مع خواتها يوسف و محمد و بوها صبحت عليهم خذات tranche خبز و قهوة كحلة و مبعد قالت
_ باش نعرس
قعدو لكل باهتين كان بوها قلها بصوت بارد
_ أمين العامري ولد خالة أحمد تقدملي و قبلت و باش نعملو عرس خفيف و نسافرو لفرنسا
_ وكي نقلك لا
_ شنيا بابا زادا خليها تفرح شويا يزيها نشاله مبروك اختي
_ عيش خويا يوسف
كملت فطورها و قامت خرجت تلقى أمين يستنى
_ منين تعرف دارنا زادا؟؟
_ صباح الخير الساعة عندي يمينة و تحبني نعرفش هيا اطلع اطلع
ثنية كاملة وهوما ساكتين حتى وصلو ل boutique عرايس كبيرة
_ أهبط هيا
دخلوا جاتهم مولاة المحل
_ عسلامة سي أمين مدام لمياء لباس
_ تسلم عليك و قتلك هنيني عليهم
_ بهيشي توا مرحبا بيكم شكون هالمزيانة لمعاك
_ سلام
_سلام بنتي
_ تنجم تقول على قريب مرتي
_ هاك تعرف تختار ماشاله تفضلو تفضلو
قعد أمين على canapé و مرام تدخل تقيس و تخرجلو
_ أمين هاهاهاها تعبت راني خمسة روب و معجباتكش وحدة هيا امان
_ تي قيس و اسكت بركا راك مرت أمين العامري وماأدراك
_ و انا مرام العياشي راني تنساش
ڨحرتلو و دخلت تقيس كان يشوف في التلفون حتى خرجت مرام
أمين يحكي:
مفهمتش شنوا لي حسيتو بضبط وقتها٬ زينها مايتقاومش صدرها لكبير لي مفصل بالروب بدنها ال sexy لي جاتو يهبل لعرق يصب من جبيني و احنا في فيفري نعرش أما حسيت بشهوة غير عادية لين تمالكت عصابي
****
_ هاذي آخر وحدة شقولك... نكلم فيك وين سارح
_ مدام إيناس لفنا هاذي بربي و هيا انتي
خلص الروب و خرجو و ركبوا الكرهبة
_ بسبورك جبتو ؟
_ اي خو
_ صحيت بعد العرس في الصباح نمشو
_باهي
_ نجم نسألك حاجة؟
_أسألتك برشا اما اسأل
_ كيفاه عطيت فيا ثيقة و راضية بكل شيء نقولو
_ خاتر تعبت و عندي فيك امل نشاله متخيبنيش
_ متخافش
وصلها لدارها و مبعد مشا لصاحبو لفي تونس أيمن
_ واا صاحبي ملا كعبة دبرتها
_ كيفاه
_ تي زبي ملا بدن عندها
_ ميهمنيش فيه بدنها
_ تي يزينا بربي راجل مينجمش يتحكم في احاسيسو كي يشوف بدن هكاكا صاحبي راو
_ قوم نيك جيبلنا حاجة نشربوها قالو أحاسيس
نهار العرس:
مرام كانت هكا
وهو: