لبوة على شفا الثار

بارت الثالث والثلاثون

لبوة على شفا الثأر

                                       بقلمي:leo Alfatlawi

Ins:le_m3r

بارت الثالث والثلاثون

علقو على كل ومضه ♥️

***ناي**"

اريد اوكف ماكدرت رجليه انشلت واني اباوع لغيث كعد عالتخم يباوعله

انفتحت الباب دخل كرم سمع جود يبجي ركض وكف يمه كله شكو

جود. كلها كرم كلها احبها متصدكني لبالها نسيتها

--كاااافي جود كوم

--لالا كلها تركتها لان ماعندي افلوس ماكدرت انقذها

--كاااافي كافي كوم  لك

--ههههههه ناي اخذها غيث منيي

سد حلكها كرم حيل
-- كووووووم ياخييي

كام غيث سحب كرم دفعه وكعد كدام جود
كمش وجهه
--من اشوكت تحبها

--هيه كالت اني

كرم. كافييييي جوووود غيث هذا يمسلت تركه

غيث. انكتم لابالقران اكوم اترس حلكك بارود  جود من اشوكت علاقتكم

--هههههههههه منو هاي هاي حبيب

ساره. من قبل لاتاخذك واني اجيبلك الاثباتات كم مره حذرتهم بس جانو يستغلون غيابك وعايشين بفلوسك

--سسسااااااره

--سكتت اعرف ماتاخذ بكلامي لذالك ماجنت اكولك بالاشوفه

كام اباوع لايده ترجف عصرها وباوعلي همست لاتصدك

--شنو الماصدگه يولي

--غيث تعرف منغدرك تدري  اني موهيج

--اي تحبيني وصاحبي شنهو

--اخوي والله

جود. لااخو غيث انتي حب

كرم. شو دكومممم كالها وجره

غيث. انتظر كرم

ساره. قبل لاتحجي غيث اسمع التوسل الجانت سماهر تتوسله بناي حتى تركك

كالتها وفتحت فونها صوتي اخر مكالمه مستقطعه بس سماهر من اتكول والله يذبحكم اذا لزمكم والمقطع الثاني الي اتكول ساعات كاعده يباوع بوجهج ليش متاخفون الله ماقصر وياكم

--وهاك شوف الفيديوات جنت اصورهن من انت ترجع للعراق وهمه يضلون وحدهم بس سماهر جانت كامشه عليه مترضه انطيهن الك

اخذ الفون ايده ترجف عينه بي ويفرك براسه

كرم. غيث هذا قديم والمسيح الحي وحسبها اخته بعد زواجكم وداعت امي

مارد جان صافن

-- تره شارب جود  موصاحي هذا لاتصدك التسمعه اني واكف بينهم بالثواني وروح ابوي ماكو شي بينهم

دفع كرم واجه يم جود
-- تذكر يخوي من تلاكينا بالسياره اول مره شكلتلك

--هاا اي هههه كلت لاتخاف روح اني بضهرك

--وانت طعنتني بضهري يخويه    ناااي انتي طالق

ركضت كمشته
--لاغيث

--انتي طالق

--لااااا لا غيث لاتكول لالا سديت حلكه

باوعلي عيونه حمر  همست برجفه اني حبيبتك

وخر ايدي عصرها بجف ايده
-- انتي طالق

رخيت والدنيا صارت سوده ماحسيت بشي بعد

فتحت عيوني لكيت روحي بحضن كرم يغسل بوجهي دورت بعيوني على غيث ردت اشوف خوفه عليه يعيونه ردت يجذب السمعته

همست كرم وينه

--كومي ناي

--لاتكول تركني

نزلت دمعته

شهكت عصرت ايده
-- مايتركني هسه يجي يكول ماكدر بدونج اعرفه

مسح عيونه دار وجهه حجه بصوت مبحوح
-- كومي وياي مايرد بعد

--لالاوالله اموت كرم اموت وهو يدري

--محد يموت غيره كومي وياي خلي اطلع جود قبل لايرد وتالي يكتله غيث موبوعيه تره فاقد مايعرف شيسوي

--اعرفه يحبني مايسويها غيث

--وسواها وكال روحو ارجع ماشوف احد منكم هنا

وخر راسي خلاه بالكاع وكام جر جود خله ايده على متنه كومه  يسحل بي

ساره.  قبل لاتروح اخذها وياك شگال غيث ليش تجبرو يأذيكم 

--عرفتي اتلعبيها صح بس  لاتفرحين الحركتي ماينطفي

--اعرف اطفي لاتخاف بس خلصوني منكم

--خليها ابالج نهايتج راح اتكون مثلج وسخه غيث وجعتي وجع صعب يتحمل رجعتي للبدايه وهالمره الكسر اكثر لبالج سهله لان مامجربتي  محد راح يتحمل نتيجه غلطج ولاراح يشوفه بوجهه الحقيقي غيرج

--اتحمل كلشي من حبيبي بس طلعو وهااا الورقه اليمكم اريدها بعد مومن حق ناي صارت كافي الخمطتو

--وناي ماتريد شي منكم ناي اكبر من هيج شي عينها شبعانه هاي انتي عينج حتى عالحذاء المخلوع بس هم يالله يشبعج

--اقلها نضيفه مومثلكم دخلكم بيته وكلكم اكله وساعدكم ضيع نص افلوسه عليكم طلعتو متسون دينار  وغدرتو

--مواحنه النغدر بأخونه اذا احنه طلعنه منا مطرودين انتي اطلعين بتابوت وخليج ذاكرتها

امشي يخوي يلا ناي حضري غراضج بس اصحي هذا ونروح

طلع اباوع وراه اكيد اني بحلم اي غيث ميسويها
هسه جان خالني بحضنه ويضحك وياي شنو طلكني

غمضت احس گلبي ينغزني خليت ايدي عليه كلبي ديوجعني يعني  هو موبخير

ساره. هههههه كلتلج لاتتحديني شوفي اسهل منها ماكو بثواني  كلش خلص  ضاع حبكم الجان يسولف بي هو صاحي وهو نايم 

--هو وعدني هسه يرجع ويكول اتسرعت ما يتخلى عني بهالسهوله

--بنتي اصحي لويصبوج ذهب مايرجع وحده طعنته بشرفه بس والله جنه متوقعين يحبسكم ويعذبكم اشلون خلاكم ترحون هيج بدون عقاب

مارديت كعدت احس الدنيا تفتر ماكدرت اتحرك لميت رجليه لحضني خليت راسي احس شفايفي يابسه  اعرفه يحبني ومايكدر بدوني هسه يرجع بكول لاترحين اموت اذا بتعدتي

مرت ساعه واني صافنه اريد استوعب الصار حتى دموع بعيوني  ماكو
انشمرت جنطه بحضني رفعت راسي لكيتها واكفه

--خليتلج كم شغله وجوازج وكم دينار كولي ساره موزينه

غمضت مارديت

--خليج هسه يجي ويسحلج ويشمرج متعوده عالشمر مبينه

صدك جود اشوكت جنتي ترحيله بس والله سباع ولامره خليتو يشك لو يلزمكم

لوماحاجي جود ومعترف بالسانه ماصدك غيث لو الف شاهد نجيبه عليكم

يلا المهم خلصت منج وحرمات تعبج راح بلاش راح اخلي يرد للادمان ونرجع مثل قبل سهراتنا وطلعاتنا

اووف هم وخلصت منج مامصدگه ردت شقتي وحبيبي لحضني

اندكت الباب راحت فتحتها دخل كرم كال يلا كومي

--ماروح

--نااي والله راح يندم ويعرف الحقيقه بس انطي فرصه هسه تعبان هم حقه تره انتم اعز اثنين على كلبه

--كرم مااستحق منه هيج يسوي بيه

--ادري والله انتي انظف من تفكيره وحتى جود وداعت امي بالبدايه صدك جان هاويج بس بعد ماخذج غيث صرتي اخته

--لواخته مادمرني بهالشكل

--والمسيح الحي الاخذها هلوسته وتخلي يذكر شي قديم ولج غيث المتشبع جسمه اذا اخذها يرد طفل ويحجي بامه

--لعد ماعرررفها غيييث ليش هيج طلكني ليش حسسني اني بهالرخص

--موسهله مرته واخو واكو مشاعر بينهم

--يامشاعر كرررم انت موجود بينه شدتحجي

--حتى لوكانت قديمه وادري ماكو هيج شي بس هم صعبه عليه يسمعها ماتدرين بحاله شنو هسه ولج انتم اعز ثنين على كلبه

--روح كرم ماروح وياك ماكدر كرم ماكدددر والله ماكدر احبه تعرف شنو اضيع بدونه بعد ماكدر اوكف مره ثانيا ماكدر اشوف حياتي بدونه

--طلگج ناي ميفيد حالحجي بعد

ردت احجي دخل غيث شافنه
-- عش بعدكم

--كوم ناي كالها و كومني

راح طلع واني ورا  وصلت يم غيث

-- كلشي سويت بحياتي  ظلمت ضربت ارتكبت وجذبت بس خيانه ماخنت ولاكسرت بثقت احد خلها بيه

--روحي ناي

--من كلبك غيث

--ناي ماريد اذيج طلعي ولاتجين بعد ماريد ادحگ وجهج

--ماخنتك غيث تعرف كلش زين ماسويها مواني الي اسوي هيج

--انتي غلطه من البدايه بس تاخرت جثير بيها

--ليش غيث شقصرت وياك ولك انطيت روحي الك دخلتك كلبي وحسبتك كل اهلي حبيتك اكثر من روحي  حسبتك النفس العايشه بي

--واني ماحسبتج شي

--هيج رخيصه عندك وتتخله عني بهالسهوله

--روحي ناااااي

--مرتين خليت ثقتي بيك وطلعت موكدها رايحه ماراح تشوف وجهي بس خليك متذكر ماراح اتحصل وحده اتحبك ابكد ولاراح تخاف عليك مثل ماجنت اخاف عليك من البدايه سالفتك غلطه
بس هالغلطه كلفتني هواي مومثلك اني

صدگت بيك اتحبني خليتني احلم بوقع اكبر مني

كسرتني

وجعت كلبي

ماراح اسامحك عمري

مارد اندار مسح وجهه وخله اديه على راسه
شلت الجنطه طلعت منها الجواز والفون شمرتها على ساره وطلعت

احس كلبي مات انعصر انداريت  لكيته يباوعلي بكسره  عيونه حمر متروسات دموع

نزلت فتحت باب العماره بكد مالجو بارد ابكد ماالنار الجوايه تسعر داخلي صرخه تسكت العالم

الدنيا ظلمه والجو بارد وممطر باوعت للشارع وين اروح هسه

شلت راسي باوعت للسما ربي ماعندي غيرك مليت وتعبت اشوكت تاخذني يمك وتريحني من هالعذاب

كعدت بالباب خليت راسي بين اديه

حسيت قمصله على متوني انداريت لكيت كرم

--شبيج ناي  لاتخوفيني

--مخنوگه صدري ضايق عليه

--موبكد ضيگ  صدره كومي خويه

--معقوله هيج هنت عليه يدري ماعندي احد يدري اضل بالشارع اشلون انطاه كلبه

--لوهنتي عليه مايتركج ترحين هيج موغيث الي يسويها   بس وصلت يمج هانت عليه روحه  بس حتى لايأذيج

--شبسرعه انتهى البينه مالحكنه حتى نتوادع مثل كل حبيبين

-- حتى تضلون بگلوب بعض  ذكرى حلو  الوداع الم

مسحت دموعي وكمت

-- الجو بارد لفي روحج زين

--ههه هاي دزها هو لاكلش كلف روحه

--ناي هاي قمصلتج ومومحل عناد تتمرضين يلا كومي وياي نروح للفندق اليوم وباجر انشوف سكن

--ماروح وياك ماطول طلگني بعد ماله دخل بيه ارجعله واني ادبر روحي

--ناااي وين دبرين روح تره نص اليل احنه

--هاي ثاني مره يسويها يشمرني بالشارع وين صاحبك

--بعده بالشقه صافن على روحه مامصدگ سوه هيج و خرب حياتكم

--كلش متأخر وهاي القمصله ردها  خايف عليه من البرد ماخايف عليه من الشارع 

--وين رايحه

--لجهنم مالكم شغل بيه دخولي بحياتكم من البدايه غلط بس جنت مجبوره اعتذرلي منهم خربت صداقتهم كله لايترك جود ماراح يحصل صديق مثله انسوني طلعوني من حياتكم لاتخربون خوتكم بسببي

--خربت الخوه 

--لا هسه يهدء  غيث اعرفه اكثر من نفسه اشكد مايعصب بس كلبه طيب ومايكدر يستغني عن جود يعزه اكثر من نفسه انتظر اشويه واخذه وروحلها اتعتذرو منه مشكلتهم اني راح احلها الهم

--شنو تحليها

--حسبوني مادخلت حياتكم ديربالك على نفسك وعليهم

--واني ماريد اضل وياهم جاي وياج انتظري اجيب جنطتي واجي نروح سوه يطبهم مرض همه يحلوها بينهم

دخل يركض للعماره شمرت القمصله بالباب طاح منها كارت مصرفي ضحكت لباله يعوض كسري بفلوسه 

خايف عليه  من الدنيا غيث لبالك كرم راح يحميني
ماتدري انت اكثر واحد ظلمتني

ودرت وجهي مشيت ماعرف وين بس رحت بسرعه حتى لايلحك كرم ميستاهل يترك اصدقائه بسببي

من البدايه المفروض مادخل من البدايه المفروض اروح

هاي خربت كلشي ورجعت تايهه مثل البدايه
بس رجعت بكسر كلبي وبوجع روحي

خلصت الشارع انداريت باوعت للعماره شفت كرم دنگ شال القمصله وعيونه تتجول يدورني

عبرت وهاي اخر نضره جانت

غمضت عيوني نزلت دموعي احسها حركت خدي

دخلت بالشارع الثاني رجلي اخذتني بدون لاحس من مكان لمكان

هدوء وبرد مابيدي بس الفون ومغلق محتاره وين اروح حتى افلوس احجز فندق ماكو

تعبت وجمدت بس اخاف اكعد بالاخص وجهه الصبح اعرف هيج وقت يطلعون من الملهى

ضليت مستمره امشي لمن تعبت  احس روحي جمدت ورجليه بعد متعيني

شفت ماركت معزل رحت كعدت يمه بالزويه لميت رجليه لحضني وضميت راسي انفخ اديه اريد اطبكهن ماكدر  وجهي من كثر البرد ماحس بس

انفخ بديه وخليهن على وجهي ردت بس اشويه دفو لان بعد ماسيطر على حركه جسمي

سحبت التشيرت دخلت رجليه لصدري ودخلت اديه جوه لان نص ردن صح جبير بس خفيف جان

لوجه الصبح واني على كعدتي حتى تفكيري اختفى لان حسيت راح اموت من البرد
بدت العالم تطلع وكت دوام كل اليمر يباوعلي لبالهم مختله عقليآ

كرهت نفسي من نظراتهم بعد اريد اشضامتلي الدنيا شمحضرتلي مفاجأه

كمت صفنت على روحي وين اروح هسه واني بطرگ الجواز ولادينار

ارد للحاره ماكو غيرها
راح اتحمل شوفت غرفه بيارق كدامي

يعني من فراغة كلبي وخايفه عليه من القهر
لميت شعري رفعته لبست نعالي اتجتفت  ورحت امشي بسرعه بلكي  ادفه اشويه

بس جذب الهوا يجي مخلوط بنسمات المطر  يكص كص

صرت زركه وفقدت الاحساس علما وصلت للحاره اخر نفس

دخلت الها لكيت ابو المحل مفتح استغرب من شگلي سلمت رد كال وين جنتي

--بارض الله الواسعه سامو وين

--بشقته الصايع وين يروح دخلي ادفي هنا

--زهره بعدها بغرفتها

--اي موجوده كلهم على مكانهم بس انتي شنو الصارلج ليش هيج حالتج وين اختفيتي هالوقت كله

--جنت مخطوفه خبر سامو خلي يجيني بسرعه

--دخلي جوه هسه اخبره

دخلت جان اكو تدفأه خالها مال حطب رحت اركض يمها كعدت اريد ادخل بيها الدفو يدخل مثل الجرح لجسمي

اشويه واجه سامو ملثم شافني دخل  كعد وخر الثام عن وجهه واشوف شگ على طول خده شهكت

--شبييبج

--شصارلك ولك

--عركه بسيطه شردج وين زوجج

--انفصلنه

--ليش

--ماتفاهمنه

--وهذا هو هيج مطلعج بالبرد

--لااني طلعت اتركك منه اريد منك تساعدني

--ليش اجيتيني

--ماعندي غيرك ولاعرف احد بتركيا سامو اني بالشارع

--ماعدنه مكان فارغ وزوجج يشتغل ويه روس كبار يأذونه ماكدر ادخلج للحاره

--طلكني وشمرني بالشارع وهم مايدري اني هنا جايه وهو بطل بعد مايشتغل وياهم

--هه غيث اللعراقي ترك الشغل  

--سامو اني بالشارع راح اموت من البرد ماعندي احد غيرك

--ناي اتسببيلي  مشاكل

--اذا صارت شي اني اطلع بس هالايام بين ماحصل مكان اضل بي سامو البارحه للصبح شوف اشلوني سابحه بالمطر والبرد موتني

--روحي فندق

--ماعندي افلوس لوعندي مااجي سامو اخر امل انت الي

--اذا ماعندج افلوس منو يرضه ينطيج غرفه

--اخذ فوني بيعه وگطع منه افلوس الغرفه سامو اترجاك بس كم يوم اخذ افلوس مال شهر ميخالف

--غرفه بيارق محد يرضه يكعد بيها تقبلين اتاخذيها

--لاشوفلي غيرها سامو لاتقسى عليه كافي بهذله الوكت  ادري جذبت عليك بس جنت مجبوره وخايفه ردتك تحميني بذاك الوقت

--وهسه

--هم اجيتك تساعدني  ماعندي غيرك سامو بس كم يوم

--ماخليج بالحاره هنا اخذج غير  مكان للامان

--ميخالف

--غيث العراقي اذا سأل عني لاعرفج ولاتعرفيني

--ماراح يسأل وحتى لو دز جماعه انكر التقيت بيه

--اجره اكثر لان على مسؤوليتي

--عندي جواز واقامه تره وهم ميخالف انطي بس شوفلي مكان

--تمام انطيني فونج لان محد ياجر بلاش

--بس احمل الصور بالرام وافرمته

-- كومي وياي اكو غرفه بس خاليه مابيها شي انتي تفرشيها

--ميخالف بس مكان اضل بي هسه

كمت طلعت ويا لف وجهه لان مشوه صاير يخوف  طلعنه من المنطقه

رحنه غير حاره جانت بعيده كلش بتلفات الدنيا قريبا عالبحر جانت اسوء من المكان الچنه بي بالف مره حاره تعبانه حيل وناسها اكثر تعب

الكيعان وسخه سكراب تارس المكان

مشينا  عليه يطبطب كوله مي

وصلنه يم مكان مثل البيت المستقل بس مهدم

دك باب على  اشويه وانفتحت طلع واحد اگرع  مكرش شكله مخربط مبين عليه صديق سامو نفس الدزاين

حجه ويا بس سريع ويمكن كردي لان اكثر الحجي مافهمته

اخذ مفتاح وكال يلا قريبه منا دخلنه شارع حتى المقبره ارتب منه وصلنه يم غرفه فتحها دخلنه جانت بيها بس كارتون مطشر وقواطي مشروب خاليه قذره كلش كال هاي تفيدج

--اي اتفيدني لعد وين اروح ماكو تدفاه شي اموت هيج

--لافواتير التدفأه وكون واحد يفتحن بأسمه وانتي دخلناج هنا بدون عقد اجار وابو المكان مايامن يفتحها

--اشكد طلب اجار

--١٥٠٠راد ومقدمه

--حيل غرفه خاليه بهيج سعر وبدون تدفاه

--بكيفج مترديها طلعي ولاتكولين ماعندي وانت مرت غيث العراقي الله اعلم اشكد رصيدج هسه

--والله كتلتني بغيث الاستغفر الله هاي تركيا اشكبرها ماانشمرت غير بطريقكم اشكد لعد محظوضه تمام هسه انطيك الفون بس هلي اخبر اختي حتى لاتقلق واحول البرامج مالتي

--ساعه وارجع وهذا المفتاح واي واحد ماراح يعرف انتي هنا لادخلينه بمشاكل

--تأمر بس جيبلي شي ادفه بي لان راح اجمد واذا تفتح الصوبيا اكون ممنونه ادفع الفواتير اني كله لايخاف

--هسه اروح احجي ويا يفتحلج الفواتير بس الدفع يكون مضاعف لان راح يفتحن بأسمه

--مواشكال عادي جيبلي وياك شي انام عليه هم

--خلي اشوف جهازج بالاول يسوه هالخساره كلها

طلعته شافه اشر اي رجعليا وطلع

رحت طلعت شكو وصاخه عالسريع لان ماكدر اتحرك برد موطبيعي

احس اعضامي اتحطمت

سديت الباب وتأكدت من الشبابيج لان موامان هنا خاصه باليل من يشربون اخطر منطقه وازبل مكان هذا

فرشت الكراتين واحد بص الثاني اندكت الباب فتحته لكيت جايب دباج

--جان جبت مخده وياك

--ماعندي ومستعجل اريد اروح

--تمام مواشكال ادبر روحي

-- فرمتي جهازج واخاف اتاخر عادي رايح بشغل اشوكت ماافرغ اجيج

سديت الفون اخذت الديباج ورحت بجعب الغرفه عالكارتون كعدت لميت روحي جوه الغطه انفخ اشويه دفيت صح موكلش بس اهون

طلعت الفون فتحته لكيت كومه مكالمات من كرم

تركته  ودخلت على اركان فتحت الحضر  كتبت هلو اركان سلملي على لحن وكلها لاتقلق اذا اتصلت وماحصلتني لان جهازي راح اغيره

بس اكدر امنلها مكان راح اجي اخذها اصبر عليه اشويه امانه الله يمك لحن دير بالك عليها

دست ارسال واستوني احضره اتصل خجلت منه رديت كال هلاوالله بالذيبه اشلونج

--بخير اشلونها لحن

--شتكولين انتي اشلونها

--اركان ادري السويت غلط وادري خربت ويه اهلك قبل غيث بس وروح بابا مجبوره ماجان عندي حل ثاني واني والله بس يصير عندي مكان اجي اخذها اصبر عليه اشويه ادري ثگلت عليك بس والله نفسي مامدبرتها ماكدر اخذها هسه

--عش يابه مامدبره روحج شنهو املاك غيث مامكفيتج لو اكو لعبه ثانيه كاعده تفريها

--غيث طلكني

--شنهووو عش طلكج شصاير

--لاتسال من البدايه زواجنه غلط

--وين انتي يبه

--هههه بالشارع وين يعني

--شنهو تسودن هذا اشلون هيج يسوي ناي ابروح اخيج شصاير لاتكولين ماتراهمنه غيث اخوي واعرفو اذا مو شي جاسر ضهرو مايعملها

--سارره كالتله  تحب جود طردنا اثنينه

--سماااهر الله يلعنها ناي دزيلي صوره لجوازج خلي احجزلج بين ماشوف هذا الخبل وينو

--ماتقصر اني ادبر نفسي بس اريد منك اديربالك على لحن

--نااي رعونتج اجليها ردي لمن تنحل بينكم لاتضلين بالغرب وحدج

--المن ارد اركان اهنا اقلها اكدر ادبر روحي هناك منو عندي

--عجل انه موش اخيج

--تسلم اركان والله لوماعرفك كداها وعزك بمعزت عاشق ماأمن عندك لحن

--يولي لاتضلين تمسلتين دزيلي جوازج وهسه احولج افلوس روحي فندق لحد ماحصلج حجز

--روح اركان وسلملي على لحن عينك بيها امانة الله يمك هاي ثوله  كلشي ماتعرف علمها تتعلم لاتعصب عليها تره ترفه ماتتحمل

--ناااي خويه

--الله وياك كلتها وغلقته حضرته بسرعه لان ادري اذا رديت اخرب عليها حياتها اقلها امنت عليها اني مومهم عسى ما اموت هسه الفايده من وجودي

حملت كلشي صور بالرام اخر فيديو جان لغيث من واكف يطبخ كمشتني العبره

اكيد مرتاح حسه

راح تكدر تنام من دوني راح تكمل حياتك طبيعيه

لوجنت اعرف بهالرخص عندك ماتعبت كلبي وخليته هيج يتعلق بيك

بكد ماحبيتك بكد ماضلمتني

الله يسعدك متساتهل غير الخير

مسحت الفيديو وحذفت شكو ذكرى ويا هاي هيه قصتنا خلصت لهنا طلعت الشريحه وشمرته يمي

احس راسي يفتر وجسمي جمر جان طعم مر بحلكي ماعرفت ليش  اول مره تصير عندي هالحاله بهتانه وجسمي بس نغزه

لفيت روحي حيل تعب وارهاق ابسرعه رحت بالنوم

كعدت على صوت طكطگه وخرت الغطه لكيت صايره ظلمه كلش شلت الفون الساعه ب٩ بليل اشكد نايمه وماحاسه

انكلبت كلبي خالي ابتسمت هسه وكت رجعت غيث

هم اشتاقيتلي هم حسيت مكاني فارغ يمك

كمشت تشيرته وحضنته حيل احبك كلتها وشهكت
ليش تركتني موتعرف اموت وراك

كدرت تغمض عينك واني مويمك

كدرت تهدء واني موبحضنك

موتخاف اطلعني من الباب لعد اشلون كدرت تطردني
موتكول كلبي اذا مانبض معناتها انتي موبخير

لعد ماحسك كلبك بيه

هنت عليك كدرت اطلعني من حياتك بهالسهوله

ناي وانتي هم طلعي من كلبج

ماكدر والله

لميت الحاف وعصرت روحي ابجي بقهر كلبي يوجعني

سمعت ظربه قويه بالباب كمزت لميت روحي يم الحايط صميت حلكي حتى ضوه ماكو

ربي دخيلك شنو هذا هسه حتى من اصرخ محد يسمعني

اخذله شخطه واختفه وراها اسمع ضحكه غمضت وسديت اذاناتي اندكت الباب حيل وراها انرفست

واحد يحجي بالتركي يكول منو جوووه بس مبين سكران

سديت حلكي حيل حتى النفس گطعته
كمت اقره ايات قرأنيه

رجعت اندكت حيل وصرخ فتحووو ولك قاسممم افتح  كالها وكام يرفس الباب خفيفه اشويه وتنكسر

بعد ماعرف اشلون اسحبت الفون

فتحته خليت الشريحه ونصيت الصوت بسرعه وهو مستمر يركع ويصيح فتحو

فتحت الجهاز اريد ادور على رقم زهره حتى تتصل بسامو يلحكني

رن كرم اتوقف الدك اسمع خطواته تبعد خليت الفون على كلبي حتى لايطلع الصوت لمن خلصت الرنه

اخذت نفس
رجع اتصل من جديد رديت بس بصوت خافت
-- ها كرم

--ناي وينج وشبي صوتج

--خايفه كرم كلتلها وبجيت

--احجي وينج اني جايج

--اشش كرم اسكت اشويه بلكي يروح

--منوووو ناااي وينج احجييي بالشارع مووو 

--لا بمكان ماعرفه بس ماعليه والله لاتخاف

--مبين من رجفه صوتج

--تره موحيوانه اني طبعا بارده وخايفه  جود وينه

--مااعرف راح مدري وين اتصل عليه مغلق

--وانت

-- هاا اني بالمطعم  لازم اغلق الفواتير واسلم المطعم حتى ارجع للعراق

--ارتاح غيث هسه من طشرنه

--ناي دترجفين خرب بييييج حتى ملابس ماخذتي بس اريد اعرف شنو بعقلج

--شخص مايستاهله روح كرم واخاف تتصل ومارد لاتقلق لان حبيع الفون

--بعددد شناويه اتسوووين

--اشبيك اشبييك دتصرخ ليش محملني المسؤولية لعد شسوي اضل بالشارع اريد افلوس انطمر بمكان البس اصخام راح اموت
الحماوه معلگه يمي من البرد وبطني دتتملخ من الجوع

--ميخالف لاتبيعين جهازج اني انطيج افلوس ورديهن من تشتغلين

--مااكدر اسددهن ورادلي فتره يالله احصل شغل يمكن اروح غير محافظة لان غاليه هنا  ادري ماراح ادبرها

--ناي تعالي للمطعم ونحجز سوه انرد للعراق

--المن ارد متكلي خليني هنا اقلها اكدر اشتغل

--اخذج لبيتنا ويه اهلي  حالج حال نرمين والمسيح الحي  موتكولين اخوج اني

--ولان اخوي واعرف وضعك مااروح وياك  هو اهلك كوه مدبرهم كافي خربت صدقاتكم وظيعت رزقكم 

--لعد وين ترحين

--كرم لاتسالني اني ماادري الدنيا تفر بيه  البارحه حنت دفيانه بفرشتي اليوم بالشارع كاعده كاتلني البرد ضامه روحي بزويه خايفه لااوكع بأيد احد يلا روح كرم الولد اجه

--ياولد انتي شدتلعبين

-- بطلت العب كرم تعبت   صفيت وحدي وياريت مثل قوتي قبل اخر لعبه  كلفتني هواي اذتني كلش طلعت منها  مكسوره مااتصور ارد اوكف بعدها

اني احجي واسمعه صوت تكسير يمه عرفته غيث 

غمضت خليت ايدي على كلبي نزلت دموعي غصبا عني طلعت شهكتي

كرم. ناي اشبيج

مسحت دموعي رديت مابيه شي بس بردانه اشويه

--تبجين لان بردانه صدك تحجين

--ههههه لاوضيفلها خايفه بعد يلا روح دانطي الفون

--ناااااي كولي وين انتي خرب بيج

غلقت الفون خليته على كلبي غيث دتحس هسه شنو سويتلي

خليت راسي عالمخده غمضت ناي تذكرين اول ليله نمتها بدون اهلج

مانمت ضليت للصبح اباوع لماما ولحن وافكر اشلون احميهن

بس هسه ماكو لالحن ولاامج تعلمي اشلون تحمين  روحج

راح اكدر اوكف من جديد كدرت للاصعب ماكدر لهاي
رجع صوت الحركه كمشت التشيرت اتكول ينطيني الامان صارت روحي بي

ماعرف اشلون نمت لو اشوكت بس الاعرفه تعبت وكلبي وجعني هواي  ولازم اكوم ابدي من جديد  -----

***لحن***

واكفه يم سهيله  تخبز واني اشلع بس بالي يم اركان شنو ماما ماكو الها كبر وين ودوها لعد

دااشلع  الخبزه ايدي لاحت التنور صرخت وشمرت المنگاشه والخبزه داخل التنور

-- الله ياخذج يمصخمه دنگي طلعيهن

--اشلون اطلعها ديشتعلن

--يمه يالفهاوه يمه اخ ياركان منين جبتها لحن ايدج دخليها وطلعيهن لاادخل راسج

--طفي التنور

--يبووو يبووو شطفي تنور حطب لحن دخلي ايدج وطلعيهن ولاداعت جهالي انده عمتي لتشوف شغلها وياج

--ايدي مجويه وترديني ادخلها

--عجل خليج عمممممه تعالي دحگي الخبز كلو اتحرگ

توته. يما انده جدتي

--روحي وماخبز اليوم اذا ماتشوفلي حل ويه هاي اني ماضل بس اخدم وياريت جايب نتيجه النهار كلو يدحگ لفهاوتها 

اجت عمتي كالت صوتجن الله ياخذجن

--دحگي عمه الخبز حركتو ماخلت بي اني موش خدامه تره عندي اهل تالي عمري مثل زعطوطه تصرخ بوجهي وتتامر عليه

--شصاير لج يالمفهيه شسويتي 

--كلتلها ساعديني بالخبز اشو كامت طلع وتشمر بنص التنور كلتها عش هيج تسوين تكلي تنكتمين موزين من اكفه يمج اني اركان كال هنه يخدمنج

--ياع شنهو نخدم منهو يالصفره

--عمه والله ماكلت هيج بس وكعت الخبزه كالت طلعيها كتلها اخاف

سهيله. لاماكالت اخاف كالت طفي التنور معدان شكو تخبزون من قلت افلوسكم روحو جيبو خبز حاضر 

--عزه والله دتجذب

--سمعتييي يعمه بكد بزري اتجذبنييي تعالي كربي دحگي  حتى المنگاشه زتتها بالتنور

--عمه هيه طاحت وحدها

ام اركان. دخلي ايدج وطلعها وكملي الخبز وكونج تعترضين ادوس راسج

رحت يم النتور اباوع المنكاشه بنص النار

-- يلاااا  لج

رجعت ليورا اشرتلها ما

ماشوف غير جرت عوده مال سعفه واجتني
--تردين جلمتيييي

--عمه والله اخاف شوفي ايدي اشلون احتركت

--عساج كلج بالحرك طلعيها

والله ماادخل ايدي ولااطلعهااا

بعدني احجي ماحس غير الضربه  بضهري خلتني اكمز رجعت ضربتني برجلي شوطتت روحي

ركضت ريحانه  على صوتي اجت  صارت كدامي

--كولي يالله يمه زغيره ماتفهم

--منهو هاي ماتفهم ولج بت شوارع هاي تربيت ساقطه بزر نكس

مسحت عيوني كلتها امي اشرف منج

-- اشرف من منهو ولج

--امي موساقطه ولاابابا نكس

--عجل اني الساقطه قصدج

-- لاتجيبن طاريهم حتى لااتجاوز

--الله يحركهم بنار جهنم الماعدهم شرف لوبيهم حظ ماتذبحو بس يعرفوهم نكسين

--انظف منكم بس كلمن يشوف الناس بعين طبعه

--شنهو ولج  انظف منه مو هين هين سهيله يمه كملي اخبيزاتج راد زلمتها واني اعرفن شحجي وياه

ريحانه. يمه تراها زغيره وماتقصد الكالتو بروح ابنيج تركها

--اني موش شريفه واحنه تربيه شوارع نكسين ماعدنه رداد زلمنه ياخذون الجلمه من حلك الحريم واركان حالو حال الجاهل كدرت تضحگ عليه وتخلي يعقدها بكلمتين  بعد شرايده اكثر من هيج

--ماكالت هيج

--انتي ولاكلمه ولاوروح ابني اكول لاركان عالكاعد يصير وتعرفين تاليتج وين

--دخيل الله  عش يمه اني بنيتج وهاي حرام اطكيها يتيمه

--اترادديني ولج عش متفاجأه الي تعمل هيج وطين راس اهلها كلشي يطلع منها

--ماسويت شي غلط انتو جبرتوني

--من يجي اخوج عود قنعي بهذا الحجي بلكي ينكسر كلبه  يخليج بصف اخيتج موش يدفنج بالبستان

--لايمه ابوس رجلج رحميني وروح اخوي بعد ماعملها توبت هيه مره وجريت اذني بالقران يرمي شاهين

دفعتها راحت  وريحانه تركض وراها تبوس اديها اتريدها تسكت

طلعت للمزرعه كعدت بها طلعت رجلي مصلوخه

رجعت غطيتها والشهكه كامشتني ضليت للضهر ماتحركت لمن  سمعت صوت عالي واركان يصيح لحننننن

كمت بسرعه دخلت جوه لكيته واكف متخصر يباوع للكاع بس الدنيا طالعه من عينه

وامه يمه كاعده ضامه وجهه بالشيله تبجي وسهيله تبتسم بخبث

شال راسه كال كربي

--ماسويت شي والله

--لحننننن كربي ونفس مااسمعلج

--هيه غلطت على اهلي

ام اركان. يمه اركان اخذ حرمتك وطلع من هين يكفي تعبت اني مره جبيره تالي عمري بكد احفادي تهيني وتغلط على شرفي

--كررربي لحن

--بعدك مامصدگني وتكول كربي  يمه يأازهر تعال دحگ اميمتك خلافك اشصابها ولك اخيك مامصدكني ويجذبني  لخاطر جاهله

--حشى يمه اكصو للسانو الي يگول عنج هيج

--وهاي جدامك راح احلفها بس يبطن بطني لانت ابني ولاعرفك بعدها تاخذها وتطلع احسبك حالك حال ازهر واحد دفنته بالتراب واحد بالدنيا

--ماريد اسمع شي  لاتحلفين احد

--عجل طكها واجسر فجها خلها ادنگ تحب حدر رجليه

-مايطگ الحرمه غير الحرمه مثلها

--سهيله جيبي الجريده واخذي حيفي منها

--تااصلبها بالنخله وانعل ابو ابوها بكبرو  الج حك يمها تردها موش اطگوها

--هذا حگي هيج صار البت شتمتني وقللت من شرفي وطلعتك حرمه تكول رديها بكلام اركان اخذها واطلع من هينه  عوضي على رب العالمين

-- كافي لاتبجين لخاطر محمد

--ولك تكليييي موش شريفه واني حرمت الشيخ وام زهر موش شريييفه واني النكسه وموش نضيففففه وانتم نغوله

باوعلي عاگد حاجبه متفاجأه  اشرت لا

--عجل اني اجذب

--لاعمه بس انتي كلتيلي امج موشريفه كلتلج اشرف منج

هو سمع وهو اتخبل دفع ريحانه من كدامه واجاني   ضميت وجهي بسرعه ورجعت  يم الحايط عصر وجهي حجه من بين سنونه صچ هالحجيييي

--والله هيه غلطت اول

ام اركان. وابوي موش نكس مثلكم ولاتردين علي تامتجاوز واكتمج

ردت احجي شفته كعوه ايده وشالها لميت روحي وغمضت  ماسمع غير الضرب بالحايط كل ضربه اقوى من الثانيه

اني لمه وروحي خايفه توكع بيه وريحانه  تبجي وتتوسل

وخرها دفعنه اثنينه  وكعنه  بالكاع ومسح وجهه كوه يجر النفس    ايده صايره حمره حتى دم طالع منها

امه كامت تلطم وتبجي بصوت عالي اتصيح ربي اخذني عبن صرت مالي جلمه حالي حال الجهال

كعد يمها كمش ايدها باسهن كالها وروح اخي اخذ حگج

--مارايده حگ منك لاانت ابني ولاعرفنك روح كلبي وربي

--كاااافي يمه دخيل ربج كاااافي

--ولك ياحگ وانت تخاف حتى اطگها

--امانه هاي ماكدر وروح اخوي

--عجل طلجها

--  بعد السمعتو ماتصيرلي مره

-- جذابببب ولك جذاب ولك انت تخاف اطكها موش اطلكها  ياحيف تربيتي وتعبي ياحيف ذاك السهر كوم اركان اطلع من بيتي متبريه منك

--يمه دخيل ربج  لاتحجين هيج اسوي التردي  بس صبري عليه وين اوديها  ماعدها احد

--زتها بالشارع ترجع للمجان الجبتها منو

--ماترهم عيب بحكنه وحنه تربات مضايف هاي دخيله  تحمليها لخاطري

--ولك تغلط على امك وتكول تحمليها

--اجسرلج راسها وكضب لسانها ابترو من اصلو

--سمعناها من ابن عمك وكلشي مادحگنه غير الخراب حتى وجهه بعد ماشفناه اركان من هاليوم اعتبرتك حالك حال ازهر ويرد ابوك اخلي يتبره منك جدام السلف بكبرو عبنك عار

--لاحول الله يمه بسج بجي اهدي والتردي يجرالج

--طلكها وهسه

--تامرين

-- وتعمل الي طلبتو منك

-- مثل ماطلبتي هذا شاربي موش عليه اذا ماخذت حگج  اهم شي رضاتج لاتبجين بروح ازهر يكفي

--تريد رضاتي ييمه اتريد تمسح دمعتي تعرف شريد 

--يمه هذا الحجي بعد وكتو

--لاوكتو ومن اليوم تخش غرفتها وتصير زلمتها وروح ازهر تحرم عليه شوفت وجهك بعد يلاااا

دفعته وكامت دخلت غرفتها

عض ايده بحركه دفر الترمز كدامه فلشه وطلع

اندارلتي ريحانه  كالت ارتاحيتي

--يعني انتي ماشفتي الصار

--لحننن انتي موش طفله  تعرفيهن خلنج براسهن الف مره كلتلج سمعي وعبري صيري مثلي

--اتكول امج موشريفه واسكت

--عجل اتغلطين على امو وتكولها بوجهو هيه البدت  لبالج راح يسكت صح ماطگج بس راح يكهرج بعيشتج

--ليش

--عش وتسالين ولج خربتيها انتي خليتهم يگضبو من ايدو التجعو اتحملي نتيجه غبائج يلا صعدي غرفتج وبعد لاتنزلين حتى اكلج اني اجيبو الج لنشوف وين تصفى

صعدت للغرفه صارت بوجهي سهيله عاضه شفتها تضحك همست وروح ازهر اندمج لبالج اسكت على طگ بزري اله اخليج تتحملين اضعافو

تركتها ودخلت غرفتي رحت لفراشي شمرت روحي شريد يسوي يضربني عادي يطلكني بعد احسن

بس اذا طلكني وين اولي وهاي ناي حتى فونها غالقته اشلون اوصللها

انفتحت الباب دخلت ريحانه

--ضوجتج بالحجي مو

--لا والله مااضوج منج واعرف اني ثوله لهيج ربي خلقني خرسه لان بس احجي اسود حياتي اكثر ماهيه سوده

--لحن اخي تعبان وهمو كافي وروح اخوي يروح للتسليم يحضني ويضحك جذب عيونو مليانه دموع موش خايف لاوالله ذيب بس يعرف زاتي للموت لخاطر افلوس مادحگ ضحكتو لمن دخلتي انتي لاتوجعين كلبه بتصرفات طايشه

--امج عايشه ماراح اتحسين اذا غلطت عليها بس ترضين اكول على اخوج الميت  نكس ومايعرف الشرف

--لايمه غير اموت عش هيج ينجاب طاري فوك ماضيع شبابو حدر التراب

--لعد ليش الكل يريدنا نستقبل الكلام عادي ليش محد يحس بالوجع من ينذكر بس اسمهم مو انوب يغلطون عليهم

--حگج خيه والله واعرف امي كارهتج على كره اختج تخاف هم اركان يصير مثل غيث ويتخبل بيج ويترك حتى اهلو لخاطرج

--ماردت شي حتى اركان ماريده بس يحميني كم يوم بين مارد لاختي لان والله ماراح نرهم سوه

--قنعي امي بهالحجي بعد ماسمعت  غيث شاري بيت لناي بغداد وناوي يرد يعقدها محكمه ويترك حتى شغلو لخاطر تعيش مرتاحه

--منين سمعت وصدك راح ترجع ناي

--اي البارحه خابرت سماهر متخبله اتكلها دز جماعه سحبو اوراقها مال المدرسه راح يقدملها على السنه الجديده مسويلها مفاجأه هذا ناوي يكمل عمرو وياها

--الحمد الله واكيد ناي ماراح تتركني تاخذني وياها

--هاي اذا خلنها بالاخص من خبر عمي وكال لغيث عالتسليم الجديد وغيث رد يبه حرمتي احتمال حامل واني اخاف ربي بأبني بعد ماكرب صوب الشغل الاعوج حتى ورثي مارايدو متنازل عنو

--وعمي مارضه مو

--يامارضه انوب اندار لاركان لان مايكدر للسبع يخاف يحاجي طلع ضيمه بهالمسكين جلمه والثانيه  كله متفقين تضيعون شغلنه ودمرونه وحنه ماراح نسكت اطلگ حرمتج اتردها لهلها وتعگل اخيك احسن مانجيب راسو حدر الكاع

--يعني راح يطلكني

--والله بعد الضغط مال هلي والصار اليوم ماعرف اشلون راح يحلها

-- اذا طلكني اروح لبيبي

--يابيبي  بعد السويتي منو يدخلج بيتو

-- اندعي ربي يهدي  بس منا لمن ادبرلي ناي مكان

--اووف شكلج خيه بس اريد اعرف هاي الدنيا اشكبرها مالكيتن غير احفاد بدعه تتورطن وياهم

--اروح لبيبي بدعه

--هيه بدعه متخبله هالايام راسي يفتر غيث راح ومارد ماتعرف اشلون تگضبو جانت مفكره بشي والهتره اختج عملت شي 

-- بس يجي اعتذر وانزل الامه هم ابوس راسها شسوي لعد وين اولي اتحمل واكعد لحد ماناي تخبرني اني ماكدرلهم اهلج يأذوني

--اذا غيث ضل مصر على موقفه معناتها انهد اكبر تسليم الهم وربي نجاهم من موت محتم

--ليش

-- لان الشغل مايتحرك شعره اذا ماهو يخلي ايدو بي لان كلشي بأسمو وهالمره داخلين دخله جبيره لو يحطون روحهم مايطلعون بسلامه

--لعد ليش بس بأسم غيث وشاهين واركان مو ويا

-- مو بس ذوله بعد ولد عم ابوي ثنين  وكم واحد من كرايبنا هم بس غيث حفيد بدعه الي مربيتو بيدها تسلمو كلشي وهيه مأمنه من هو وزغير زات روحو بالموت مامهتم صح اركان وشاهين ويا بس هو اكثر واحد مايعرف شنو الرحمه

--ناي اتكول حباب

--هاي من يكون  بحضن ناي حباب ويه الباگين الله لايراويج شره بس بنفس الوقت سبع واخو خيتو مايهاب الموت ولايرد واحد يطلبو

--لهيج اتسمو سبع

--جدتي بدعه طلقت هالاسم عليه من زغرو واركان ذيب وشاهين صگر لان يلكف غنيمو  من بعيد

--من سمعت امج اتهددج اتذكرت ماما من جانت اتهدد ناي  لبالي بس هيه عدها هالحاله

--ولبالج ماتعملها وروح اخوي مستعده هسه تقدمني كبش فداء بس حتى ترضي اركان

--ماما هم جانت تضحي بناي لخاطري تشمرها كدام خالي يموتها كتل بس حتى تحميني

--وناي تكره امج

--لاوالله تموت عليها وابد ماتعاتبها بالعكس اتبوك اكل وفلوس حتى اتوكلها و اتجيب علاجها

--ناي اختج متأكدين منها

--هههه اي وماما ماتكرها بس تضوج منها لان تكول عرمه وجانت  توكف بوجهه وتسوي الي براسها  وهم جانت خايفه عليها اشكد ماكدرت رادت اتعلمها الخوف بس ماكدرت  ناي اشويه وكحه

--اشويه رب الكدرت اتروض غيث هاي مووكحه بيها سر اللاهي يله خيه اذا ضلينه نحجي مانخلص ماوصيج لاطلعين من هينه ابتعدي حتى عن اركان لحد مايهدء ويعرف يتصرف

اشرت اي طلعت واني رجعت لفراشي لليل واني على نومتي معدتي عصرتني من الجوع  لاواحد دك الباب ولاواحد ذكرني بشئ

اتاخر الوقت واني اتكلب سمعت صعدته عالدرج فرحت كمت منتظره دخلته حتى احجي ويا بس خاب ضني من فتح غرفه سهيله ودخل الها

رجعت كعدت لميت رجليه راحلها يعني نفذ كلام امه هاي هيه لحن راحت عليج بس هو جان يحميج وخذنه خلي اشوف اشلون راح تمشيها وياهن بعد

وهاي اول شي بلشو وياج اكل ماكو

خليت راسي استوني انام واسمع طكطكه جوه البيت

كمت بسرعه باوعت للشباج مقفول جريته مانفتح امنت رجعت خليت راسي رجعت الطگطكه غمضت وغطيت راسي اجه بعيني من دخلو علينه للبيت وذبحونه

احس خنگه بصدري فتحت عيوني وكعدت افرك بي

رجع الصوت بس يم الشباج وقوي  اتبنجت مكاني حتى كلبي وكف عن الدگ من كثر الخوف

انضرب الشباج واني صرخت بعلو صوتي

على صوت صرختي انفتحت الباب دخل اركان 
كال شكوو

كمت بسرعه ركضتله كمشته من ضهره همست برجفه حرامي

--شنهو يولي

--صوتك حرامي بالشباج راح يدخل

--بعدي

وخرني رواح للشباج فتحه باوع وعكد حاجبه
-- وين

--والله هسه ضرب الشباج مرتين

--لحن سوالف جهال بطليها ونفس اذا سمعتلج حرام اطرج بالنص

--والله مدااجذب

هز ايده وسد الشباج رد البرده اجت سهيله تلبس بالروب دخلت كالت شكو

--ماكو شي ردي غرفتج وانتي انطمري

--والله سمعت ضرب الشباج

--بلكي يدخل يذبحج ويخلصني منج

--انزل انام يم ريحانه

--دعتبي الباب ودحگي اليصيرلج لحن صوتج اذا طلع بهاليل  ادفنج سمعتييي

اشرت اي طلع ورد الباب وراه كعدت مكاني وعيني بالشباج

الصوت رجع
لميت رجليه حشكت روحي يم الباب عين بالشباج وعين بيدت الباب حتى افتحها وطلع بسرعه

موليله صارت دهر عليه احس كلبي خلص من الخوف

علما صار الصبح وسمعت اصواتهم روحي خلصت
رجعت لفراشي اتمددت اول ماغمضت من كثر الارهاق  روحت بالنوم

كعدت على دفرت سهيله فتحت عيونه  باوعتلي وضحكت كالت حرامي ههههههه

--روحي سهيله

--لبالج بهاي سوايتج ينكسر خاطره ويجيج

--ماريد لاكسر خاطره ولااريده يجي من الاساس

--اوووف  النومه بحضنو تسوه الوحده تتكاون عليها ربي يحفظه الي ويخلي خيمه عليه وعلى جهالي

--خلصتي طلعي

--لايحلوه ماحزرتي عمتي تريدج جوه البيت مخبوص وريحانه بيت عمي ابو حمزه عدهم خطار  راحت تساعدهم  كومييي يلا اني تعبانه اليوم الله يهدي للصبح ماخلاني انام

--عيب اشبيج متستحين

--تاركه المستحه الج من صرختي وكطعتي اليله علينه لبالج تاخذي بس والله عيب من ردج فشلج شتسوالج

--استغفر الله ربي

--كومييي تستغفر يلا ونضفي الوهاد بطريجج

صوت عمتي اتصيح وينجنننن

راحت طلعت تركض واني كمت رحت غسلت وطلعت نزلت لكيتهن يسولفن ويضحكن كالتها ماضل جثير راح اجيب راسو

عجل اليل كله شجنتي تعملين

خاله تسودن عليه ضل للصبح يدخن ماعرف شبي وانوب ذاك اخيي خبرو فتح كام  ماعرف شصاير ويا سكاران طينه كلمه وحده ماتنفهم منو بس كسروني يخوي

--شبه ولج ماعرفتي بلكي ناي بايگته ومنهزمه

--ماعرف بس اركان يكله اهدء راح احجزلج رد بين ماترتاح وبطل شرب راح تنفجر وغيث يرد  يجر بكلامه جر كوه يحجي كلهن نفس الشي من رضيه لناي الغدر بدمهن

--عجل هاي منهزمه اذا كال رضيه يعني طلعت نفس امو

-حييل يستاهل كونو بالاكثر خرب بيت عامر لبالو ربي مايردها بي والله حالتو البارحه شفت غليلي كاعد بزاويه بيده بطله مخربط اتكول حيوان قذر عيونه حمر كوه يجر النفس

--ربي بعد اركان خلصو منها وانتي حركي روحج ماطوله يغرفتج سحبي

--مايدحگ بجهرتي بس عادي اجيبو وين يروح هالايام بطل الطريق الاعوج بعد مايدور حريم اول وتالي يجيني وين ينطي وجهه

نزلت كطعت كلامهن  بصباح الخير

--لاهلا صباح الشؤم على راسج دخلي المطبخ اريدو يلمع

--هسه بس اتريك

--صارخه بت الشريفه تردي يدخل غرفتج ويجسر جلمتي

--والله عمه صوت الشباج يدك

سهيله. امم عالاساس ماتعرفين الصفصافه يدحك بالحديد عالاعموم خوش فشلها اركان وطلع

ام اركان. يلا لج عالمطبخ وراها الثنيه وغرفتي خلصهن عالسريع وطلعي للوهاد قبل الضهر كلهن كاملات

--لعد وين المساعده

--بطلتها عندي ثنين جناين وبت المن خاله مساعده يلا لج لتحي مساعده بت الشوارع تريد

دخلت للمطبخ لكيت عبوه طاكه بي عرفتهن متقصدات سكتت ماحجيت سلمت امري لله

همزين الثلاجه مليانه اربعه وعشرين ساعه والله لوماعالم تجي ويعتازون جان هم قفلنها عليه

سويت لفه عالسريع اكلتها خليت ثوبي بالصفاح لفيت الربطه من وره بهمال

بالشت بالشغل لاساعه ولاثنين طگ ضهري دخلت سهيله وبتها  كالت بعدج يالمفهيه

--خلصت ماضل شي

--يلا فضيها على ساعه تجي ناس لاتفضحينه جدامهم وروحي كولي لعمتي اشكد اطبخ هم جاينه عالم

شمرت وصلت المسح وطلعت سالت عمتي كالت لامحد يجينا

رجعت كلتلها وبديت انضفت المكان الي نكعد بي ودخلت غرفت عمتي زينه موكلش وسخه بسرعه كملت بس احس حيلي خلص
كعدت اخذ نفس صاحت عمتي وين انكمعتي

--بس ارتاح تعبت والله

--كونج مارتاحيتي غير وانتي بالكبر كومي للوهاد اريدو يبرج اكثر من وجهج

--اشلون يعني

--يعني الصخام الذبحو بي ابوج طلعي نضفي ونگلي المطال للجهه الثانيه رتبيهم عساهن اترتبن على كبر امج ساعه واطلع وكونج مامكمله لادوس بطنج  واخليج جوه الحيوانات تبعرر على راسج

سكتت وطلعت بره بس العبره كامشتني ماكدر ارد لان اعرف يردنها سالفه حتى انطرد هالمره وين اولي

شلت راسي للسما نزلت دمعتي  انت اخذتهم وخليتني بدون سند ارحمني ياربي تعبت وماعندي طاقه اشكي  بعد

باوعت للمكان منين انظف واشلون

كله حشيش اصفر ونوب مسوين اقراص من فضلات الحيوان لازم انكلها

كمشت السعفه كمت امشيها عالكاع صح متنظف بس اهون

وصلت الاقراص كلما ردت اشيلهم روحي متنطيني ارجع اتذكر عمتي هسه تجي  غمضت وسديت خشمي شلت اول وحده بطرف اصابعي انكسمت بالنص اني شفتها ومعدتي كلبت

شمرتها كوه لزمت روحي

شلت راسي سحبت الهوا رحت كعدت عالحجر لعبانه نفسي

اجت بت سهيله شافتني ودخلت تركض جوه معرفت شكو دقايق واشوف عمتي كدامي كالت عرفتج طبعا

--عمه والله خلصت شوفي كلشي سويت بس ذني ماكدر فدوه

--عجل انه الاكدر انكل بهالعمر وينو اركان خلي يجي يكول تنعدل وعلى ماتنعدل لمن تموتني كومييي لج

--ماانكلهن عمه اي شي اسوي بس ذني لا

--واني اكول تنكليهم وخلي ادحگ بعدهن مجانهن واني اعلمج اشلون تكسرين جلمتي

--معدتي دتكلب ماكدر

--ولج سهيله ديجبيلي الجريده هاي تعلمت عالطگ

سهيله.عمه حدرج الجريده

دنكت شالتها واجتني رجعت ليورا كالت تنگليهن لولا

--والله عمه ماكدر

بعدني احجي واجتني العوده برجليه صلختهن

--ها شكلتي

--خلص حنگلهن

--يلا لج عشر دقايق اكثر احمي جدر الزيت واصبو على راسج

رحت للاقراص غمضت حتى لاشوفهن شلت وحده صاحت بعدددد

شلت الثانيه فتحت عيني شفتهن بيدي ماتحملت كلبت معدتي اتقيأه

شمرتهن وكمشت بطني كلما اريد ابطل ماكدر احس روحي تطلع

الدنيا افترت ركضت سهيله كمشتني
-- شبلاج ولج

--الدنيا تفتر

--ولج بس لاشايله يالمصخمه

--شنو يعني

--عمه لحكي هالبلوه

ام اركان. من اشوكت متاخرتلج ولج

--لاعمه موحامل بس لان شفت ذني لعبت نفسي

--الله يشهرج يالمصخمه وكفتي دمي بعروگي التحي لغرفتج الله ياخذج

رحت صعدت لغرفتي واني صافنه  صدگ اشوكت موعدها ناسيه صدگ اتعطلت

بس لااني دوم تتعطل هيج عندي اخذت ملابس ودخلت للحمام لعبانه روحي من القذاره

فتحت الدوش وكعدت جواه جلفت لمن صلخت جلدي كلمااتذكر اعيد الغسل لمن تعبت

كمت غيرت ملابسي وطلعت مشطت شعري اشلون مجان تعب الشغل واني منايمه ماصدكت اشوف الفراش خليت راسي بسرعه غفيت

فتحت عيني صاير اليل اباوع للساعه لكيتها ب١٠ معدتي تگرصني من الجرع

كمت غسلت وجهي ردت انزل سمعت صوت اركان بطلت رجعت لفراشي كعدت

مره الوكت واني على كعدتي اتصفن حتى ماكو شي اتسلى بي

اتاخر الوقت واسمعه صعد وصوت سهيله وراه  دخلو للغرفه حزت بنفسي موغيره 

ردت منه بس يسأل لويفتح الباب يشوفني يعني شافني كم وجبه موياهم اكل ماكال وينها بعدها محبوسه ميته عدله

اخذت نفس يلا هيه ضلت عليه

كمت فتحت الباب على كيفي نزلت البيت هدوء ماكو احد

ركضت للمطبخ فتحت الثلاجه مالكيت شي مطبوخ لامن غده ولاعشه

طلعت خبزه وطماطه اخذتهن دخلت عمتي
-- شكوو ولج شنهوو هذا بيدج

--جوعانه

-واليجوع يبوگ لومتعوده وايدج طويله

-مابكت اني موحراميه

--عجل التتختل نص اليل وتنزل تاخذ بسكون وتصعد منهزمه هاي ماشبعانه بيت اهلها ومتعلمه عالمده ايد

--ماسويها بعد هسه ارجعهن

--تزتيهن بالزبل ماترد الثلاجه مانكال افضاله احد

اشرت اي راحت طلعت ردت اشمرهن مانطاني كلبي اني ميته جوع وهاي تلغي

مديت راسي لكيتها ماكو صعدت اركض

دخلت للغرفه سويتهن لفه استوني اكل رجع الصوت عالشباج انسدت نفسي

وخرت البرده الدنيا ظلمه حيل ماكو بس صوت الهوا نعلت الشبطان ورجعتها

رديت كعدت كلت كم لگمه رجع الصوت اقوى طفرت من مكاني

كعدت يم الباب  عيني بالشباج واقرا ايات
ماكو شي بس صوت يجي ويروح  يمكن جني  ليش بهالوكت يجي ومن يعرف اني وحدي

انشخط الشباج تركت اللفه يمي ولميت رجليه لحضني

غمضت اندك الشباج سديت اذاناتي وكمت اقره ايه الكرسي بصوت اختفه الحس ماكو ثواني وجت ضربه قويه بجيت

ضميت وجهي بحضني وعصرت نفسي اردد بأيه الكرسي
مرت بالساعه انفتحت الباب كمزت دخل اركان خليت ايدي على كلبي 

-- شكو يولي

--حرامي كلتها وشهكت

--ياسالفه الحرامي الراح تسودنج وينو الاستغفر الله

--يم الشباج

-- يبه هاي الصفصافه من تجي الهويه اتحركها

--لاداسمع صوت

-وافترضنا حرامي شيسويلي يولي

--يكتلني

صفن بوجي اخذ نفس وراح فتح الشباج كال حدري هين

--لالا

--يولي دحگي الشجره لايضرب عگلج وتتخبلين

--شفتها

--عجل كومي لفراشج  لاتضلين كاعده

--هسه حنام

سد الشباج رد البرده راح فتح كنتوره طلع سلاح  ويا اعتاد سد الكنتور طلع من الغرفه نزل

 
رجعت كعدت مكاني  لميت رجليه خليت راسي عالحايط صح امنت بس هم اخاف اروح يم الشباج
انام

غمضت اقل من ربع ساعه اسمع صعدته لبالي راح يدخل غرفته بس فتح غرفتي ودخل شافني كال والله عرفتج

--هسه يصير الصبح وانام

--يولي كل عقلج انتي يبه شجررره شجره كومي دحگي عليها

--الشجره يصعد عليه حرامي وديخل غرفتي

--ودخل شراح يسويلج كل عقلج انتي بيت مليان غرف شيعمل حدج

--يذبحني مثل عاشق

اخذ نفس كال كومي نامي  اني ضال هين لاتخافين شنهو هاي اليمج

--هاا

--لحن شبيج يولي كل ماسأل تضربها صفنه

--لفه جنت جوعانه لان مااكلت

--اكو بشر ياكل وجه الصبح وين جنتي بالنهار وشنهو هذا خبز وطماطه عش يابه من قله الاچل

--مااشتهيت بالنهار استوني  جعت بعد ماعيدها

--ماشتهيتي لومانطنج احجيييي

--لالا صوتك ماريد موجوعانه اصلا 

--يصير خير كومي روحي نامي

كمت لفراشي نمت وهو طفه الضوه و اجه يمي اتمدد طبگ المخده خلاها جوه ضهره ورث جكاره اخذ نفس نفخه
-- خالج جان مانع عنجن الاكل

--مرات ليش

--ستشون من ماينطيجن

--ناي اتبوك وتنطينه بالبسكوت بس اني ولامره سويتها والله هاي اول مره  اسفه بعد ماعيدها وروح عاشق

--لوجنتي ماخذتلج زلمه بي حظ ماحجتي هالحجي

--اسفه والله اني موهيج مادري مترضون

--الحلال حلال زلمتج وتاكلين خبز بالختله

-ماعيدها

اندارلي باوعتله كرهت نفسي بهاي نظرته نزلت دموعي

مد ايده مسح دمعتي واخذني  لحضنه باس راسي
--لا تبجين يولي

--راح اطلكني

--الرايتو انتي

--اني خايفه

--من شنهو ؟

--خاف اضل وحدي خايفه متجي ناي وضيع اتندمت سويت هيج لوينعاد بيه الوقت مااطلع من بيت عمو  ولااسمع منها

--لبالها الراح يگضبج زلمه سلمتج بيد واحد  مايستاهل اضفرج

--دتشوفني موزينه مو

--انت انظف من انو ادحگين بوجهي وتنامين بحضني

وخرت راسي باوعتله حرك اصابيعه على خدي
-- ثگل همج هد امتوني 

--تعبتك

--برائتج  وصفاء روحج التعبني عاجز  احميج وانتي بحضني عجل اذا رحت  وصفيتي وحدج اشلون

--لعد لاتروح

رجعني لحضنه عصرني حيل همس وين اضمج

--اتحبني

--لا

--لعد ليش هيج دتحجي

--ناگص العب على مشاعرج

--اني هم داكول

باوعلي متفاجأه ضميت خدودي كلتله والله موعالناقص عالثانيه دقصد

--لحن الي يوم صبري ينفذ وهفج بدفره اجيب اخرتج

طلعت الضحكه لااردايه مني بس شكله حلو هو ومعصب

باوعلي استغفر وضحك

وخر ايده خلاها جوه راسه ورث جكاره ثانيه اخذ نفس
-- شتتمنين لحن

--ليش تريد تعرف

--يمكن اكدر احققهن الج

--مستحيلات مع العلم جان سهلا وبده يتحقق بس بثواني اتلاشي مثل الحلم

--تردين تنجمعين ويه ناي وامج بيت واحد

--الله يرحمها جان هذا الحلم الجنه كلنه نسعى حتى نحققه قبل لاتموت

--ومنهو كالج ماتت ----

لاتنسون التصويت♥️