لبوة على شفا الثار

بارت الثاني والثلاثون

لبوة على شفا الثأر
                                       بقلمي:leo Alfatlawi

Ins:le_m3r

بارت الثاني والثلاثون

***لحن***

باوعت لاركان منتظره شنو يرد جان  مدنگ على سبحته يحصر الخرز يوكفهن لمن اتريد تنگطع ويهدهن لمها عصرها بجف ايده وكال اني اترخص عليكم بالعافيه

كام طلع ضحك عمي ودنك ياكل بس امه تتخازر وياي وسهيله بغير عالم عينها بخطوته من يمشي

خلصنه ريوك وكفت اغسل اماعين وريحانه ماعرف وين راحت

فضيت كلشي عالسريع وطلعت للممشه مال البيت اليكعدون بيها لكيت عمتي كاعده وسهيله اتكلها مصمم اشكد توسلت مادحگ بوجهي ابد

--لان اول مره وصعبه عليه بعده بعينه اخيي اتحملي

--والله يعمه اخلي بعيوني واحملو على ضهري بس خلصيني من هاي

--هاي ماتضل لاتخافين حتى عمج هم ماقانع احفاده يصيرون من وحده اهلها كواكين ويساومون عرضهم بفلوس

--اريد اكلج شي بس خجلانه

--احجي شنهو بعد

--نويت اخليلو اعشاب لخاطر يحمه ومايگضب نفسو عني

--عملي التگدرين عليه اهم شي اتجيبين راسو وتحملين بجاهل تابدعه الله يحركها ترضي اتعطينا ورثنا

--واذا مارضه مني يصير الجاهل يمكن تحبل هيه قبلي

--موش بكيفو من جثر احفادنه ويمنع اصيارهم وهاي دبارها يمي لاتخافين 

--عجل احجي وياه

--شگله ولج اتخوثتي انتي زلمتج قنعي لايبعد عنج كليله ايريد جاهل عجل خالني بس تگضي وگت  وتخدمون عليه
هين اذا ماطلعت الصار من عيونها بت السياب مااطلع انه امو لاركان

--  البارحه ردت يصعد ينام يمي رد بالقران روحي واصله لخشمي اهفج بدفره اجيب اخرتج خفت صدك يطكني اني ماعونت يدخل غرفتي بعد هالسنين

--اااخ يمه محد يكدر على عينو  تربات بدعه نفذ چلمتو  ودخلج  بس بمزواجو

--عمه دخيلج لاتحجين لاحد حلف الف يمين اذا عرف احد لوحس يطلگني

--يعملها عش لا شفرقو عن عضيدو موش ذاك جابها غصبا عن شوارب ابوه وزفها جدام السلف بدل بت عمو

--لااركان مااخلي راح احاول ويا لوعرف اذل نفسي وابوس رجلو بس كون احبل منو والباقي هين اعرف اشلون اخلي بحضني مايدحگ غيري

--ابنيج اشلونه

--سوده عليه مكسر مايكدر يتحرك ياخذله بالشهر نايم عالطگ  الاكلو الله يكسر ايد شاهين و ياخذها الذبته بتهمه مثل شرفها الخايس

--هين اذا ماطلعت الصار من عيونها بت السياب مااطلع انه امو لاركان

تركتهن يحجن وطلعت للمزرعه كعدت اباوع للزرع صافنه بحضي  بعد شنشوف من الدنيا شضامتلنا

احسها مگابلتنا مكابل ماعدها غيرنا تتسله بينه
اسمع صوت ريحانه صاحت لحننن

كمت دخلت لكيتها دتدخل لغرفتها رحت وراها فتت لكيت كومه علاليگ بالكاع
-- گربي خيه

--شنو ذني

--الج غريضات تعتازينهن رحت اشتريتهن دحگي المايعجبج تااردو

--تره عندي جايبه ملابس من اهلي يكفني

--خيه انتي حرمه اركان ابن  الشيخ ابو ازهر لازم تگونين اشيگ وحده من بعد عين اهلي الكباريه الكم 

--هههههه وين عنج ناي جان عرفت شترد  المهم الكباريه لهلها 

--اووو لحن لاتطوليها وهيه گصيره عدنه الزلمه ياخذ ثنين وثلاثه حتى يربع وروح ازهر لخاطر ولد اخوه دخل  لان البارحه وكفت بكل صلافه جدام ابوي كالتلو اذا ماحسبني حرمتو الصبح ارد لبيت ابوي اولي بيه

--تره عادي مضايجه اني

--من هيج زتيتي الجلمه الي سودت الزلمه وخلتو من الصبح يهج مايرد

--لعد منو انطاج افلوس وكلج اشتري

--ابوي كال دحگي اخيتج شمعتازه لاتشوفي هيج گوي ويحجي بجفاف ترا ابوي صاحب بخت ومايضلم احد بس والله لخاطر احفاده شد على اركان لان يعرف اركان راسو يابس

--الله يحفظه الكم

--يلا دحكي اغريضاتج

كعدت انطلع اباوع ماخاله شي ماجايبته جهاز كامل حتى ملابس نوم وميكب 

كلبيات فساتين كلها انوع غاليه مبينه اشكد جنت ضايجه بس فرحت من داخلي اتكول طفله ماعرف لان حسيت اكو من الفكر بيه لو لان محرومه من هيج شي

ضليت البس ونزع للوقت الغده

طلعت ريحانه اتحضر الغده واني لبست فستان جان كلوشه من جوه ابيض بي ورد ناعم لفيت ويا ربطه زغيره كلش من وره على ضفيرتي

طلعت لكيت عمي استوه داخل وياه شاهين وهذا ملاسق اله ماعرف شنو وضعه راح للمطبخ وعمي للغرفه

الكل مخبوص يحضر بالغده وعمتي بره تخبز
ينزع ويشمر عالقريوله دخلت وراه
--الله يساعدك عمو

سحبني باس راسي رد هلا يبعد ابوج

--اساعدك 

--الف رحمه على ابيج زهبيلي دشداشتي عندي طلعه وره الغده

اخذت ملابسه علكتهن شلت وحده
-- هاي

--لايبه البيضه وصايتي الكحليه

رجعت الدشداشه طلعت اليريدهن خليتهن عالقريوله

اخذت المشفه رحت ورا وكف عالمغسله غسل واتوضه ناوشته مسح ورجعلياها
-- ويين اميمتج

--ماتت

--الله يرحمها اگصد على ام اركان

--هاا دتخبز بره البيت

--موش بره  اسمو الاوهاد وهذه النچعد بيها ثنيه

--دتحجون لهجتين

--من زمان  تهجرنه  كبل لاتصيرين وضلينه سنين جثيره  بس تضل لهجتنه الاصليه راس الجلمه يلا حضريلي السجاده

هزيت راسي ورحت للغرفه فرشتله السجاده وكف يصلي واني طلعت دخلت للمطبخ لكيت شاهين  ياكل وهو واكف ريحانه  ضايجه

-- عمي هذا المنسف معوز عدلي

ضحكت لان شكلها حلو من عصبت ومتكدر تحجي

اندارلي شافني  بسرعه دنگ راد يطلع من المطبخ كالت سهيله عجل اركان وين

--يم جدتي

--عش شعندو اشوكت يرد

--شنهو اشعندو غير اشغالنه مايرد كم يوم ويه عمي ابو غيث يضل

--عجل ماراح عامر

--عامر خل يضب روحو ويركد وبعدين يفكر بأمور السلف والشغل بت عمي المنجاسه معوزه

هو كالها ريحانه  عوزها تبجي

--تركيها اني حسويها

شاهين . الف رحمه على هلج ولامنيت العالم

--احمد ربك ريحانه بس اتباوع ناي جانت اليقرب يم الاكل ميريد روحه مره سامر حب يتشاقه وياها اخذ من الطاسه اشويه مركه شالتها ولبستها براسه

سهيله. عبنها ناگصه تربيه

شاهين. حرمه غيث تسوه حريم السلف

--تخسى هالمفرعه البلا اصل تسوه روسنا واحنه بنات اشيوخ

--المفرعه وكفت لزلمتها وطلعتو من حلگ الموت بعد ماغدر بي عضيدو دخلت مجان دحكت بي شي يطير اركابنا دفنتو مجانو وطلعت كأنما مر  من جدامها

--لوبس اعرف شنو الحظ العدهن الي يخلنكم هيج جاتلين روحكم وهنه حتى دينهن ماعرف وسترهن معري

--الستر يمج يخوي  صدگ حسام اشلونو

--بخير وربي ياخذ حگو لليتيم

--عش تطالبين ربج وخالو يشم الهوى هالايام يرد غيث ويدحج السالفه

--لادخل الله ودخلك يبوو اوحيدي يروح بيها

--اهاا عش يابه خايفه هيج موش تكولين مضلوم وتردين حگو وهذا خالو راد ياخذو من حلگ السبع الو

--مانريد جاهل وغلط وتربى اترك السالفه تولي هو راح ازتو على بيت ابوي مادحگون شكلو هينه

--عجل كضبي لسانج لخاطر لاينداس فجج

--تراني صرت بذمة الذيب وان شاء الله كم شهر اصير ام ابنو

--هه سلميلي عليه  ونصيحه اخويه لاتأمنين جثير وتكربين لنيبانو لسلامة راسج 

دارت وجهه وطلعت كالبه خلقتها دنكت اعدل بالاماعين اسمعه همس لريحانه واني اشوكت ابوج يرحم بحالي يكلي عطيتك

--البت تسمع شاهين

--خلي تكون شاهده على ضيم كلبي وتدحگ اشكد ذاليني  واني متحمل صابر

--اليسمعك يكول فقير صدك اركان وين راح شاهين

--يحصد الزرعات

--اشوكت الله يتوب علينه من هالشغل

--من جدتج يرف كلبها وتعطينا حگنا يابه بالقران مارايد حكي بس اتكول ريحانه كلبك الك اتنازل عن كلشي وروح اخوي

--شاهييين

--تور كلبي وتصيح شاهين

--امك اشلونها

--اتسلم عليج وتكول مشتاگتلج بكد العمر عمر ماتمرين علينا اتشوفيها بالقران تكسر الكلب ضاله بس ادحگ الباب تتأمل دخلتج منو

--سلميلي عليها وكلها من تصير كد كلمتها وتاخذني غصبا عالكل

اخذ حسره وهمس رب الدعيت على اخي بالموت لخاطر اخذ مجانو ماكدر اخذج من حضن ازلامكم  غصبا على شواربهم

--. لحن لتحي   ابوي يندهج

طلعت رحت للغرفه لكيته صدك يصيحني دخلت  اشرت ها

--يبه لفي  السجاده وزهبو الزاد  

--كمل عمو منتظريك تخلص

--عجل وين الجماعه شو هدوء

--بالمطبخ سهيله  تصب وشاهين ديخربط وريحانه معصبه منه بس متحجي

--ههههههه خوش حجي ناوشيني هديماتي وهذا شعرج يبه اتعلمي تضمي تره زلمتج مسودن

اشرت اي شلت ملابسه انطبتهن وطلعت للصاله تركتا يغير الحمد الله ماشاف سهيله طلعت من الغرفه جان اكتشف جذبت

مرت الايام واركان ماكو بس جان اسمع صوته من يخابر ريحانه ويوصيها لاتتركني وحدي

عمي صار مسؤليتي اتلكاه من الباب اخذ من ايده وحضرله غراضه جنت احس بيه حنيته بابا الفقدتها رغم مبين صلب وحجايته وحده بس وياي غير مايرد السلام اذا مايبوس راسي ويمسح عليه 

حسام عمي وداه لبيت جده الثاني لان متحطم وسدو السالفه محد عرف شكو مشت انو معلي صوته على عمي

سهيله رجعت ام العشرين مكابله الصالونات صبخ وعلاجات وخبطات تتحضر لرجعه اركان حتى غرفتها شمرت شكو شي قديم جابت فرشات وجهاز كله جديد

هيه ضخمه صح سمره بس مرتبه حلوه تلبس كله راقي ويه المكياج والذهب اليشوفها يكول عروس استوها ولامبين عليها عدها ولد هالعمر والعرفته متزوجه من عمر ال١٣

واكفه اغسل  اماعين كالت وريحانه  تركي البيدج وتعالي وياي

مسحت اديه طلعت لكيتها مشغله توته وصديقاته يصعدن فوك الغراض مالتي

اشرتلي صعدي

صعدت فوگ دخلت غرفه جانت جديده مبينه بنائها حديث بس فارغه مابيها بس كنتور بابين وميز مرايه

شباج عالمزرعه  دخلت وراي بيدها دوشك گطن ابو النفر ويا ديباج شمرتهن كالت يلا رتبي غريضاتج

--ليش هنا موجنت جوه

--لاجهال وهوسه جوه هينه اريح معزوله  لان على شوفت عينج ولدنا داخله وطالعه وهم حمام داخل الغرفه احسن

--هاي راح اتصير غرفتي

--بس كم يوم بين ماتصفى الامور وتجيج الغرفه التستحقيها

توته. عمه كملنا اشوكت تصبغين اضافيرنه

--كلمن ترتيب ويه لحن خلي تتسبح وتصبغلجن يلا خيه اني نازله اغسل الاماعين مجانج و انتي كملي ترتيب ويه البنوات حتى يساعدنج وشتعوزين گولي

--بعدين عمو حيجي

--لاابوي اليوم راح للغربيه مايرد كم يوم يلا استعجلي  وسبحي حتى اجي احفلج وجهج صاير هوسه

اشرت اي هيه طلعت واني رتبت ملابسي فرشت الدوشگ يم الشباج مبين جديد اشكد يحبون هيج اشياء كومه اشوف عدهم منهن خليت الديباج

مسحت الميز والغرفه دخلت للحمام هم رتبت الشامبوات بي وغراضي الخاصه فرحانه اول مره يصيرلي مكان خاص صح بسيط بالنسبه العدهم بس بالنسبه الي طايره بي حسيته مملكتي الخاصه

اخذت فستان دخلت سبحت وعلى واهس الحمام الجديد سويت جسمي

اسمع الباب تندك وصوت ريحانه  كالت يلا فضيها

خلصت عالسريع وطلع

لكيتها متربعه هيه والاطفال اتصبغ اضافرهن باوعت لفستاني
-- موجنه ضي گ من فوگ ودلعتو نازله

--مودتكولين عمو راح ومحد يجي

--لاهين البيت مايفضه عدنه ديوان وذا راح ابوي يجي من يسد المضيف غيرو

--اغير

--لاخلج هسه سالفتج ماكو احد يلا نشفي شعرج وتعالي

--والغده

--صبيته وكلو ضلينه بس اني وياج ناكل بالمزرعه على برد الهوا بس يلا

--هسه بيبي اتصل اتصرخ عليه

--خيه اشبلاج هيج خايفه بس اتلتحين اربعه وعشرين ساعه

--لعد متشوفيها ادورلي الزله حتى اترزلني صاعده ونازله تغلط عليه وتهددني  اذا ماتعدلت تضربني

--لحن لا الشغل يخلص ولاا مي تسكت خيه صحتج اهم سمعي وطنشي حتى اتعرفين اتعيشين

--هنه كم يوم وطلع منا ناي كالت ماضل شي واخذج اهم شي خلصوج من بيعت خالج اتحملي عادي 

--تصفى ماتضل هيج يله استعجلي كملي خلي ننزل نتغده

نشفت شعري وظفرته اجيت يمها نظفت وجهي خليت ميكب خفيف خطت عيوني

--سبحان الله كلمن الله منطي عيون نفس لون شعرو

--لابيبي شعرها ابيض وعيونها فيروزي وناي شعرها بني وعيونها هم فيروزي حتى سمار شعره اصفر وعيونه غير

--سمار حلو

--كلش حلو

--عش تركتي

--يضربني ومايحب ناي وامه تكرهني وفوگ هذا كلوله مسيحي زواجنا جان باطل

--لويسلم ترديلو

--لاماحبه ولااطيقه جبان كدرته بس عليه يضرب بيه ويخاف من ناي لان  اتموته كتل

--لاعليج القران ناي اطگ الزلمه

--ههههه من هيه وزغيره وكحه وتضرب اي واحد يعارضها مره ابن جوارينا كاللها اذا لعبتي طوبه بابنا اشكها ردت والمسيح الحي اشگ وجهج بس جرب

--هاي مرعوصه موش وكحه

--ومتخاف راحت لعبت اعناد بي اخذ الطربه شكها وشرد لبيتهم فلشت الباب ورا بالحجار اله اطلعو اشك وجهه رادو اتعاركو ماسكتت اجه بابا كتلها مافاد لمن اجه عاشق موتها كتل لان دوم مفشلته بالمنطقة سحلها لبيتنا   بس مابجت ابد ضلت منتظره اشوكت يرد للشغل وتطلع للولد

تالي من طلع ربطها بالجسر مال سقف الفاليوم لان عرفها من طلعت خلته يتعده المنطقه اني كاعده ادرس يمها كالت لحن اريد اروح للحمام

--هههههههه فتحتيها ام كلب الرهيف

--والله لبالي صدك تدخل بطرق اتخليج اتصدگين كالت مو رفضت كالت تدرين ليش ربطني حتى ادرر على نفسي ويفشلني كدام الشارع ترضيها فتحيني بسرعه اروح وارجع ماكله لحن فتحتني اول مافتحتها حتى الباب مافتحته طفرته وراح دقايق ونسمع صرخه وهيه طفرت بيتنا طلع بابا كالتله اكتلني عادي بس اهم شي اخذت ثاري.

--اصخام ابوجهه شكت وجهه الجاهل

--خيطو كم اخياط ولليل بالمستشفى بابا وياهم اشكد مااشرحلج ماوصفلج هدوئها

--هههههههه لامبين من سيطرت على بيت عمي عرفت هدوئها  كومي يلا ولفي ربطتج مثل لعبة الكارتون وتعالي وياي

طلعت استوني الف الربطه انفتحت الباب انداريت لكيت اركان سلم رديت وكملت لبس ردت اطلع  --وين يولي

--دانزل للمطبخ

--خلي هدومي بالحمام وعش فارشه يم الشباج

--الهوى حلو وقريب وملابسك موهنا بغرفتج

--حلو عجل هاي المن وبعدين وين نازله بهيج لبس كل عقلج انتي

--محد موجود عمو راح لعد متدري

--لاهمزين نبهتيني كالها واجه يمي ردت اطلع كمشني كال وين يولي

--ارركان ماتلمسني بعد صارت عندك زوجه

--حلفي

--والنبي

--على امرج كالها وسحب الربطه

--جيبها اركان تره اطلع بدونها

--واشلونها هيه وهذا نفنوفج مواحس بي مضايقج خلينه انفهو اشوي كالها وجره حيل انشگ من صدري

دمعت عيوني مقهوره اول لبسه فرحانه بي دفعته كمشني من خصري عصر حيل
-- مره ثانيه موش  بس اشكو لاطيحو لحظج

--اكول لعمو يضربك اتركني احسن

--متأكده يولي ماكسر خاطرج  انطگ

--لاوخررر يلا

--عجل هيه طگه طكه  شو تعالي خلي اخذ حيفي منج حتى لاتشكيني باطل

ردت اشرد دنك شالني شمرني عالدوشك حتى مالحكت اكوم كمش ايده وصار عليه

ماعرف منين ادفعه يتنقل من مكان لمكان وكلها بعنف ولهفه بنفس الوقت

شفتي لخدودي  هالكد مالح كامن يسعرن ركبتي احسها تملخت

دخلت اضافيري بصدره وخر كمش اديه ثبتهن ونزل  لخصري حتى هو ماسلم منه سمعني بجيت تركه ورد لشفتي   -----------------

عدل مخدته نام
-- يلا كومي  لحكي على ابوي قبل لايطلع

جريت الغطه لفيت جسمي ودموعي تنزل اتحلف بي

--احجي بصوت عالي يولي

--بس البس وروح بابا لشكيك وهسه اتشوف

--هاج هذا الج  لاتنسي

--اشكد ماتستحي

--اكفي يولي

--لبالك راح اسكت من اتوكفني

--لايولي بس هذا هم ضال هين اضن الج لوغلطان يبه لمي غراضج كالها وشمره عليه

من الفشله بجيت بصوت عالي طلعت اسمعه يضحك

نزلت بسرعه لغرفه زهره دخلت لكيت سهيله يمها

-- شبلاج خيه عش تبجين ومنهو هيج مبهذلج

--اخوووج ملخي وكتلني وين عمو

--ههههههه شتردين من عمج

--شوفي اشسوه بيه داكلج طيح حضي

--عمج ماهو هين من يجي عود  اشكيله

--وروح بابا لشكي واخلي يضربه

--منهو ينطگ اركان امم لاهو صدك راد واحد يطگو من خال هذا خدج بدون اثر

--دتضحكين انتي

--لالايروحي عش اضحك على هاي البهذله يستاهل الواحد يشكي

--موبس بهذلني لا حتى فستاني مزگه وضربني كف شوفي خدي وعضني بطني

--لالا عجل هذا راد واحد يأدبو

--لعد اضل يمج مارجع للغرفه بعد

--لاترحين نامي يمي اليوم  خلي  وحده حتى لايعيدها

سهيله تفلت عليه وطلعت وريحانه طكتها ضحكه

--ليش تفلت

--بعد هذا كله وتكولين عش لاانتي سالفه

--فوك ماسحلني بدل ماتكول خطيه

--يمه  يتهنه بعد اخته

--داكلها انسحلت اتكلي يتهنه بس شوفي منو التصعدله فوك بعد ماكو يجي عمي واكله هم يعاقبه وهم يرجعني لاختي اني تايهه ويلعب بكيفه

--دگضبي روحج وخلج هين لايلكفج منا لمن يجي عمج ويصير خير

--اريد ملابس اسبح

--اهاا الشغله موش بس سحل طلعت

خجلت دنكت ضحكت
-- حلالج خيه لاتخجلين تتهنون يارب اشيل ضناكم على ايدي كومي عندي بالكنتور باقي كم شغله

كمت  اخذت ملابس طلعت كامشه ثوبي من صدري
لكيت سهيله تبجي يم عمتي وعمتي تحجي عالكيف

شافتني خزرتني مافهمت على شنو تركتهن ودخلت للحمام اني طايح  وذوله يدورون ثارات

لليل واني يم ريحانه كاعده نسولف ويمنه بت سهيله تلعب بشعري

انفتحت الباب دخلت سهيله كالت  وحده منجن تكوم تزهب الچاي أچونه ربع اركان

ريحانه. روحي اني ولحن نحضرو كومي خيه

--وبطريقجن الاماعين مال العشه هم غسلوهن

--عجل عش ماغسلتيهن انتي

--مالحگت وتوته خلها يمج بعد ماترهم تنام يمي ابوها هم يريد ياخذ راحتو

--مم تنام بعيوني اخذو راحتكم ولايهمج كومي لحن خلي انحضر الضيافه

كمنه شلت شعري بهمال ولبست الربطه مثل الاسكارف

طلعنه رحنه للمطبخ هيه سوت الجاي واني حضرت الفناجين لان سوت كهوه 

بعدنه ماصابين دخل اركان كال وين صارت الكهوه

--حاضره يخوي بس اسجب  بعدي خيه لاتنجوين

وخرت وكفت يم الكونتر ماحسيت غير انكرص خصري حيل كمزت انداريت لكيته يحگ بخشمه ومدنگ اليشوفه ولايكول هو

فركت خصري وسكتت ادنيت عنه ودرت وجهي  كملت صب اجه يريد ياخذه جر شعري من وراي بحركه اسريعه 

صرخت وهو شال الصنيه وطلع 

--اسم الله شبلاج خيه

--جر شعري والله

--ياع شبيج خيه شنهو جاهل ويجر شعرج دحضري بعد فناجين

--لعد موعدكم دله وهناك يسوون 

--الكهوجي ماكو نايم وجماعته موش غريب هيج اسهل ويصل حار يلا بين ماجيب بن من المخزن استعجلي

طلعت واني حضرت غيرهن دخل بيده الصينيه خلاها واجه يمي رجعت ليوره

-- وين ريحانه

--راحت تجيب بن وخرر

--تصرخين يولي

--لعد انت جريتني من شعري

--كربي عش منهزمه

-اركان تره اصرخ وخرر

--تامرين يولي

راح  باوع بره ماعرف المن اجه بسرعه كمش وجهي وعض شفتي كمت اكمز اريده يهدني ماكو ضربته كمت اصيح ضغط حيل حسته شلعها وخر باوعلي كز على سنونه رد اخذ بوسه عالسريع  وطلع 

مسحت حلكي وحاصرتني البجيه  دخلت ريحانه باوعتلي
--متكليلي شبيج

--مابيه شي وماحضر بعد كوابه خلي هو يجي يحير بخطاره

--اكفي لج يحير بخطاره بالقران اذا سمعج يصب الكهوه على راسج

--شاطر بهاي

--عجل تردينو بشنو شاطر 

--ماريد كلشي نعست اشوكت نخلص

--روحي طرديهم

سكتت وضليت وياها شفته دخل رحت بسرعه يم ريحانه

وكف حگ گصته مدنگ وهيه كوه كتمت ضحكتها

--هاي يخوي اخذ الصينيه مابيها لكفه

--هههههه لوطير هم اكضبها   بعد اخوج تسلم ايدج

شالها وطلع انداريت
-- لاهواي حصلتو

--منو

--هيج عالم موش يمج يلا صعدي فوگ نامي لان بت سهيله يمي اليوم

--افرش يمكم

--لحنن على غرفتج

اشرت اي وصعدت دخلت للغرفه طلعت ملابس خفاف غيرت وتمددت اكعد من الصبح انعس من وكت

اول مااغمضت رحت بالنوم

بين حلم ويبن صحيت احس ايد تمشي حلى بطني فتحت عيوني لكيته يمي وخرت ايده ونداريت حضني من وراي وخله راسه بركبتي
-- بعدج زعلانه يولي

--لا وعلى شنو ازعل

--حگ تاخذي من هالشارب كولي اليرضيج شنهو ماكول غير تم

--ماريد شي بس لاتأذيني والله دتوجعني ماتحس انت

--ول ول يابه وين موصلج

--اااركان

--عيونو
دنك باسني وخرت راسي همس بالقران جاي جدي مشعول   وانتي رب الفهاوه سحگتي باصلي

--كلت اي شي اريده  اطلبه

--رده لاختج موش هسه لاتطلبين ماكدر الشغله بعدها خلي تبرد

انداريت وخر شعري عن وجهي ودنك باسني عالكيف 

-- لعد بس اشوفها

--هينه اخذج الها لو اقنع غيث يجيبها بس يالحن بالقران اذا چلبتي لو هالرعنه طلعت بالعبه جديده ادفنجن سوه

--اي بعد اريد ماما

--شنهو يولي ؟

--اريد اروح لكبر ماما ازورها

--هم سهلا تندلي

--لامحد يندله بس خالو واخو زوجته

--باجر  عندي شغل بغداد اخصلو امر بالحله اسال عنو  واخذج الجمعه تزوريها

--هاي هيه ومرتك منتظرتك تره

--انعل ابو مرتي لابو الورطني بيها لحن لاتضلين نافرتني هيج شبلاج يولي تراني زلمتج

--تعبانه من الفجر دااكعد

--موش شغله تعب احجي شنهو صايرلج

سكتت

--يولي خلي اتفهم شنهو كرهتي كربي

--مداكدر  يعني داتوجع  مدااقبلك

--بعدج زغير بمرور الوقت راح يكون غير شعور

--ماعرف بس مدااكدر وداكرهك من تغصبني وانت تعصب اخاف اگلك اركان اني موحيوانه

--حكج يولي هاي هيه ماكربلج بعد بدون  رضاتج  الج كل الوقت لمن تتعودين عليه وتجين اطلبين هالشي بنفسج

باسني ودخل ايده جوه راسي  اخذني لحضنه وغمض استوني اسد اعيوني وحسيت ايده الثانيه تمشي على خصري  برطمت عرفته يجذب
ضحك وعصرني بحضنه همس عطيتج جلمه يولي

كعدت على حركته بالغرفه صاير الفجر بعدها الدنيا ظلمه

كمت لكيته واكف يم الكنتور فاتح الباب مالته بيده سلاح ماعرف شيسوي بي

اباوع الكنتور مليان انواع الاسلحه خله السلاح بضهره وطلع بعد واحد  قفله الباب

اندار كال كومي نزلي زهبي الزاد 

--حكوم بس بعد وكت

--عندي شغل يلا يولي ولبسي شي على راسج شاهين هين

كمت كوه بعدها النعسه بعيني رحت غسلت وجهي طلعت لفيت شعري خليت الشال كال غيرو

--شنو

--شوفيلج غير هالحجاب ولفي عدل ماريد ادحگ شعره طالعه

رحت طلعت واحد سمائي خليته على راسي

-- ياغضب الله لاتلبسين هيج  الوان هو غضب شعرج وحده يجيب التايهه

--اغير لون شعري بس وجهي اشلون

--عندج اسود

--اصبغ وجهي اسود ؟

--بالقران راح اكفر بيج بويه الحجااااب اسووود

--لاعندي بني طوخ يصير

كعور ايده وعضها

اخذ نفس كال لحن انطمري بطلت ماريد اتسمم

طلع وركع الباب وراه

شبي صدك خبل هسه شحجيت اني شفرق الاسود عني البني

لبست الشال السمائي وطلعت

نزلت لكيته يسولف ويه شاهين  هو يدخن وشاهين  يعبي السلاح طلق

رحت للمطبخ ويه ريحانه حضرنه الريوك  اتريكو وراحو  وحنه بالشنه بالشغل عدهم مايخلص واني جنت معترضه على بيت عمو كله بكد غرفه عمتي صدك ام اركان راوتني الشغل والكراب على اصوله

الضهر ماجو بس واحد ماعرفه بالمضيف ضال اخاف يجي احد

العصر كاعده يم عمتي اتعلمني اشلون اعجن واني غاطه لراسي بالطحين

اجت ريحانه بيدها الفون
-- اركان يريدج

ام اركان. اشتغلنا مخابرات النوب كليله عدها شغل مافارغه

--عجل انت كليله عش اتزتيني بوجه المدفع معوزه اخبال ابنج

--ااااخ يمه منين طلع هالهم وانت سمعي لج كلمه وسدي لاتضليت تهترين

اشرت اي اخذته  رديت ها اركان

--عيونه  امج يايوم اتوفت

--بيوم الاحد ب------- ليش شصاير

--لحن متاكده ماغلطانه باليوم والشهر

--لا طبعا متاكده حتى الساعه اربعه العصر صار الحادث

--شهاده الوفاه شفتوها

--لا يم خالو

--منهو كاللكم انتو هم راح واحد منكم وياها لو شافها

--لابس خالو خبر وهاي هيه شكوو اركان احجي----؛؛

***ناي***

   سديت الفون اني  صافنه من السمعته وين شنو الديصيرلي صدك الدتحجي لوتأليف

جود مستحيل يسوي هيج عمري مالمحت عليه شي موزين حتى تفكيره ونظرته جانت مال اخوه

وصلني الفيديو فتحته وايدي ترجف واشوف نايمه عالقنفه وجود كدامي كاعد يمسح على شعري اخذله اشويه دنگ باس راسي وكام

وصلني مسج منها فتحته

--ها صدگتي

--اي وبهذا اليوم جان غيث موجود ويانا بالشقه جانت حرارتي مرتفعه كلش والطبيب ايسهم مني لهيج خافو عليه

--متاكده غيث كاعد وهيج عادي جدامه يعمل

--سوي اعاده ارسال ودزي لغيث حتى يعرف شيرد عليج لان دتصورون مرته والله اعلم شدتحجون على عرضها ويه اخو ماكلج شراح يسوي انتي اعرف

--الله يلعنج عود كلت خطيه احسن ماتنذبح الحكلها هسه ادزه ونشوف الحجي صدك لوجذب

--لاتعبين نفسج اني راح ارسله وهذا كلامج ويا  وبنفس الوقت خلي يعرف خالين كامره بالشقه بدون علمه تراقبو شيسوي

انتظرت اباوع وارجف اخاف صدك ادزه مر وقت ماكو اجابه  مسحت كلشي وغلقت الجهاز

المرت ساعه والثانيه واني عقلي ياخذ وينطي جسمي كله يرجف خايفه اتسويها ودزهن

اريد اتذكر اشوكت نمت وجود شجان يقصد بهاي حركته

التصوير بجهاز فون مبين ماكو غير من جانت تبات يمنا واني اطلع انام بالصاله

كمت فتحت البالكون وكفت اباوع للشارع اليل جان  الجو بارد صاير كلش واني بطرك تيشيرته
لبست الكلاو وخليت  راسي عالحايط الجانبي اباوع للشارع 

راح اكدر اعوفه اشلون اكدر واني انتظره بالثواني
احس عقلي متبنج ماعرف حتى افكر شسوي

انفتحت الباب مسحت عيوني بسرعه انداريت اشوفه دخل شمر المفتاح باوعلي ودار وجهه راح للغرفه

رجعت عيني بالشارع مبين بده حرب العقاب وياي الله اعلم شديفكر

اسمع فونه يرن ماسكت وهو مامعبره صار عندي فضول اشوف منو

دخلت جوه لكيته متمدد عالجربايه وخال راسه بالمخده باوع فونه لكيت اركان يتصل

تركته ورجعت طلعت للبالكون اخذت نفس شناوي هذا ليش هيج هادء

اتجتفت وغمضت
اعتذر لو اعترفله بالصدگ لواتركه واطلع بكرامتي

حسيت غطه على امتوني راد يرجع  كمشت ايده دفعها دخل جوه
-- دخلي الجو بارد

--غيث  والله  غصبا عني هيج سويت

هز راسه مارد

--خليك مكاني اختك الوحيده شمرها بالشارع وگعت بيد واحد ميعرف ربه مثل خالي جان ناوي  يزوجها لشخص  هاوي امها بس حتى ينتقم

باوعلي وطلع جكاره ورثها

--والله جنت خايفه عليك ماكلتلك ردت بس اتخلص علاجك بسلامه ماردت اشغلك بشي

--امم

--وطلبت منه يخلصها بس هو اتزوجها

--كملتي

--غيث والله

--بس لاتحلفين ذكائج حلو بس تعالي  نرجع للبدايه العقد صار قبل لاابلش بالعلاج

--ماطلبت منه يتزوجها

--طلعي جهازج ودحگي رقمو وينو

--ها

--حاضرتو عش يابه بس حتى اتورطي اخبارج اختج ماتعرفيها مو لان بذات لااااا لان تعرفين اركان زلمه سبع وراح يحميها ماهمج لااشلون راح يدخلها بين اهلو ولااشلون يتخطى المشاكل

-:لاحضرته لان خفت يتصل وانت تنتبه

--يولي خليج مره وحده صريحه لاتجذبين بس والله ذيبه وكفو تحيه للربتج زلم بشورايها لعبتها  بصابيعج  لبستي الزلمه بالحرمه  وفريتها عليه ومحركتنه بمزاجج

--اني موهيج

--يولي انتي اكبر من هيج انت عگل ابليس بنفسه     اخذتي حگج من خالج لبستي قضيه تخيسه بالسجن واختج امنتيها بمجان محد يتجرء يوصل حدها لحد ماتأمنيلها المجان الزين وتجيبيها

--اسمع بالاول

--نااااي اكثر بشر يعرفج اني فريتج بيدي فر اعرف الفكره قبل لاتصير براسج ابروح عاشق لاتجذبين  جان الي ابالج لولا

باوعتله كال حلفتج بالعزيز يولي

--غيث تعبت واني احميهن مره وحده ردت افكر بنفسي ردت اعيش اني هم

--جذبتي واني محلفج

--لاموجذب صح الكلتله ردت احميها وعرفت اركان الشخص الوحيد الي راح امن عليها ويا

--لحدمن لاتكولين العمر كلو

--لحد مااكدر اجيبها لهنا بس والله مادخلتك باللعبة

--ههههههههه لااني شغلتي طلعت اكبر من هيج اني البنگ المركزي والعكازه المنسده عليها لحد ماتكفين بين قوسين مصلحه عابره

--لاوالله ماجذبت عليك بحرف وروح اخوي حبيتك اكثر من روحي

--لوجنتي صدك مثل ماتكولين ماسويتي هيج وتعرفين كلش زين راح نتخارب واني وخويي بنتي انتي واصله مرحله ڤي اي بي بالعب

--لان انت  ماعشت العشته  كرهت روحي هالكد مارخصت بيها   كل محاوله لحمايتهن جانت بالمقابل اضحي بنفسي واي غلطه يحملوني الذنب   تعبت تعرف شنو تعبت

--قصرت وياج

--لا واني غدرت بيك استعملتك حتى انقذ بيك اهلي بس حبيتك والله غيث كلشي حسيته وياك جان حقيقي

--لو حابتني ماتفضلين احد علي ماتخليني بخانتج الاخيره بس وكت العازه بنتي اني غبار بالنسبه الج بس تفضين راح تزيليني

--لاوالله انت حبيبي غيث والله روحي العايشه بيها انت

--يولي ماتستاهلين حتى ارد عليج طلعت غلطان بچثير اشياء

--يعني شنو

--بعدنا بالبدايه نعيد حساباتنا وكل واحد يحصد حگ الزرعو

كالها وكام اخذ مفتاحه وطلع حتى فونه تركه سد الباب

كعدت مكاني  كلبي مخنوگ 

عضيت ايدي اريد اتوجع حتى الدمعه تنزل بدون صوت

ماريد يرد لانو كسرت خاطره وبنفس الوقت احس بيه الم مااكدر اكتمه اكثر

عرفت   روحي خسرت ثقة غيث بهذا تصرفي  جان اكبر غلط من سويت هيج

خليت راسي بحضني  حتى البرد ماحس بي بعد
الوجع الي بداخلي جان مغطي على حوسي 

ماعرف اشكد مر وقت انفتحت الباب دخل اجه اسمع شمرت مفاتيحه  دخل جوه ثواني اجه بسرعه

للبالكون لكاني كاعده   عدلت كعدتي شفته مغير قميصه الجان لابسه اخذت نفس احس حتى النفس خانكني

دنگ راد يكومني دفعته كمت وحدي دخلت ردت اروح للغرفه كمشني فتح الباب وطلعني  بره

شال المفتاح وطلع ردت ارجع دفعني حيل نزلني اول بايتين من الدرج سد الباب

واجه رجع دفعني ليجوه مابطل لمن طلعني من العماره فتح السياره وشمرني بيها صعد وشغلها 
على طول الطريق ساكته لمن وصلنه للبحر نزل وفتح باب السياره طلعني

صرخت عوفني تره مومخبله وكل مره اتجيبني لهناااااااا

--وانتي  ماراح تبطلين هالحاله  لمن تنجلطين

--شنو يعني شراح يهمك  واذا جبت طاري اهلي وروح اخوي اشمر روحي بالبحر

--يطبج مرض ماتحركين شعره من راسي انتي والاشيء  تعرفين وين جنت

--ماريد اعرف

--جنت نايم بحضنها تغزلت بيها بنفس الكلام الجنت اكولو الج استنشقت عطرها وستمتعت بنعومتها

--كافي غيث

--طعم شفتها يروي  عطش سنين

--كافييييي

--انفاسها ناعمه وهدوئها يذوبن اكبر كلب   كل نفس اخذ منها يزيد العشگ اضعاف الها

--الله ياااخذك

--كلما اريد اكضب نفسي عنها ماكدر نضرتها تزيد الرغبه بداخلي

---كافيييييي كافييي كلتها  وسديت اذاناتي حتى لااسمعه

وخر اديه يباوعلي  بستهزاء كال ترحيلها فدوه

ضربته بحركه وصرخت طلكنييييي طلكني اكرهك اااانعل يوم الشفتك بيييي اقذررر انسان انت  الله ياخذذذذك طلكنييييي

دفعني وكعني دار وجهه راح خليت راسي بحظني وشهكت بجيت بقهر

حسيته كعد يمي وحضني دفعته ضغط عليه
-- كافي تعبتي

--طلكني

--ماكو واحد يطلگ روحو

--ماريدك كرهتك غيييث

--وداعت عيونج ماكربتلها ولاوصلت صوبها

--الله ياخذذذك

--عجل اخذج گبلي شنهو زمال يولي اخليج وودع

--ليش توجع كلبي كلتها وشهكت

--لان احبج يولي لاتكتمين ابجيي يبه ابجي منهو المفهمج الدموع ضعف

--الاحبهم ماابجي وراهم

--عجل مايهموج لان لو صدگ جنتي تحبيهم ماتركينهم يناطرون دموعج بخوف اليحب يصرخ ويبجي الكلب اله طاقتو مايحمل اكثر منها ساعتها يسكت وراح تبجيهم  اضعاف الدمو الاستخسرتيها بيهم

--غيث والله احبك

--مم

--اعرف روحي طماعه ردتك انت واختي بنفس الوكت بس والله ماعندي غيركم انت الدنيا العايشه بيها واختي اخر شي بقى من ريحه اهلي ماكدر اقارن واختار واحد

--واني ماردتج تختارين كل الردتو تخليني جزء من روحج تنسندين علي وكت تعبج تنخي وكت عازتج تحسسيني انو روحنه وحده

--اخاف عليك

--من شنهو يولي

--من كلشي ماريد اخسرك مثل الراحو غيث اموت وراك تعرف شنو موكلمه تنگال باللسان غيث اذا اكلك بمعزتهم صرت اجذب عليك ماتو مافكرت الحگهم اكتفيت اخذ بثارهم بس انت اموت وراك ماريد اكمل وانت ماكو

--هين  تبين المعزه  الصدگ اني اتنازلت حتى عن ثاري لخاطرج كل الجنت مخططلو  اتبخر اتغير من الانتقام لشلون راح احافظ عليج واخلج اتعيشين براحه

--ماكدر  لان عاشق يختلف روحه منتظرتني احررها

--وروحي اذا صارلج شي مافكرتي بيها

--راح تلحكني نعيش هناك

--ول يابه شراح يسوي بينه رب العالمين اذا لكفنا

--ماسوينه شي

--لاجذبج غادي مايفيد شوفي غيرو

--هم صدك بس بلكي نكسر خاطره يكول ذوله خطيه مالحكو يتهنون بالدنيا يخلينه غرفه بالجنه

--اوف بالجنه گبل يابه حتى لو بصحراء الاخره هم راضي جنتي راح تكون حضنج

--مازعلان مني

--والله جنت ناويلج غير نيه بس كلبي الكلب ابن كلب ما يرضى عليج دوم مفشلني

--وروح عاشق ماجنت ناوي اضم عليك بس غصبا عني صارت

--العتب عالزمال الناگص غيره

--تره اني نخيته ولحن راحتله دخيله

--من باجر عضيدي واحس بخدشة كلبو  قبل لايدحگ بي

--شنو يعني

--ماكو سلامتج يولي  لعبو اي لعبه وياي بس ذكائكم لاتجربو

--قصدك جان عينه بيها مو اني هم انتبهت مره من جنه كاعدين حجه بيها كدام بيبي كال عد سمار طيره تسوه راسو

--هههههه راسو كملي  يولي

--دااحجي مثلك والله اني هم داانتبه لهالشغله

--بت روحي وتربات ايدي عجل عش ماتحجين مثلي جعل محد يجيب اللهجه غيرج

--اركد يول صير زلمه عيب

--وف يابه اشلون اكضب هالسان وعضو كومي يولي

--اول وين جنت ليش مغير ملابسك

--والله جنت مكبور يم جود ودحگ بأذانتو لكرم وهو يشرحلي خططو الفاشله مثل وجهو تالي سوالي كهوه بدل ماينطيناها بايدي شمرها بحضني

--ربي يجمعه بحبيته

--لو بس ينطيني الاوك وداعتج  انيمها بحضنو

--غيث انت خططك وتفكيرك كوله اجرام اترك الولد هو الوحيد نضيف بحياتنا خلي الله راحمنه على عينه صدك اشلونها لحن

رفع حاجبه

رجعت راسي بحضنه

--ابخير ماطولها بيد اركان الناقص بس كون تصير مره بيها حظ وتقايش ويه بت ابوي

--منو بت ابوك

--حرمة اركان عجل ماتدرين

--عزا بعيني اشوكت مرته اتصير بت ام عامر موعالاساس ضارب عالزواج

--وهو بالفعل ضارب عالزواج لزكوها بي انجتل زلمتها  خالها  باسمو حالها حال اي بهيمه

--اشلون تحجي عليها هيج مواختك

--ماعندي اخت غير سماهر  كومي يلا راح يطر الفجر اهااا انتظري

--شنو غيث

--تنطيني وعد ماتكتمين شي بداخلج اي وجع تجين هين طلعي محد يشوفج ولاراح يسمعون صراخج

--ليش تحجي هيج دتحسسني راح تتركني
يعني راح  تسمحلهم يأذوني

-- لوعليه بالقران اليفكر يدحگ بوجهج اطرو بالنص بس هاي دنيا ماتعرفين شظامه للبشر ناي وعديني ماتأذين نفس بالكتمان اي شي تحسين بي طلعي من صدرج

--ماحس بغير حبك

--دحگي يول نايو اذا تحركشتي بكلبج لو فكرت مجرد تفكير تحرچين مجاني بي وعمه الساده افصم راسج

--عزه واضل بلا راس

--اجيبلج واحد ثاني بلكي جذبو وشيطنتو  اقل

--اشبيكم وياي تره اني موجذابه

--وان اشهد  بالقران  مرات اشك  حتى بأسمج خايف مجذبه بي ويطلع عقدنه باطل

--هه قنعتني ماراح وسال  حتى عن جدي السابع عشر صدك  ااشوكت نعقد محكمه

-- بس نرجع نعقد وبلكي هم اطلعين حامل تااخلي رجلي على روسهم

--صار هياته بطني

--اويلي على الله شراح يطلع هذا

--كيوت وصادق عليه  وفقير وهادء عليك

--امنت على مستقبلو كومي يولي انت مبخره من الدفو واني جمدت

--محد كلك صير كريم لفني بقمصلتك وضل بالبرد وبعدين صدرك دافي

--وضهري وچتافي فدوه للشعب العراقي كومي ناي ولاهفج بدفره شرط  اجيب عدل بذاك اليخت

كل يوم يمر حبي يزيد اله صح ماتخلو من المشاكل بس احس روحي عايشه ويا بالجنه

حتى مجاكرته والعصبيته حبيتها بالاخص من يدخل للشقه ويشوفها مخربطه وهو هوسه بالنظافة

تكمشني الضحكه من يوكف يتخصر صافن لايكدر يصرخ بوجهي يخاف ازعل ولايكدر يسكت

سماهر بعدها على نفس الرنه مال تعالي تركي غلقت فوني نهائيا بعد مانبشت الشقه وصدك لكيت بالتحفيه كامره زغيره كسرتها

واكفه بالمطبخ اسوي الغده واسمع غيث يحجي ويه سماهر بالفون ويهدء بيها

اجه للصاله اشوفه يااشر انتظري جايج عرفتها شكتله مني

مسحت اديه وطلعت صحت حبيبيييي شفت الطبخه لوهم حركتها مثل البارحه

عض جف ايده حيل
--مالج شغل بيها يابه ياطبخ شبيج

--عزززا غيييث الملابس من شوكت كلتلك شرهن كم مره نبهتك من تغسلهن لاتعطلهن بالسله

باوعلي ونزل الفون
وروح اخوي  لوتطيرين الكفج رد يخبر كالب خلقته ماعرف شكالتله وهو مسح وجهه

رحت حضنته من ضهره كلتله حبيبي شعري اتكفش اشوكت اتمشطلي

شفته سد الفون واني طفرت لحك على نهايه شعري جرني منه ضميت وجهي بسرعه

-- هيج حميتي روحج

--والله يغيث اذا ضربتني ماخليلك شغله صاحيه بالشقه

--اي

--وحتى التخم اخلي مزبله

--من نضافتو هسه وانتي شخاله
بالشقه يولي حتى الزريبه انظف منها شيلي اديج

--مولبالك تلعب حديد وعندك عضلات اخاف منك

--هاا عجل شيلي اديج

--اي اشيلهن مااخاف بس وخر ايدك خليك زلمه يول واجهني فيس تو فيس اديك ابعدهن

--فهمت الرايدته كالها ودنك شالني

-- والله موقصدي هيج غيييث الاكل عالنار  ولك غييث

--مرض صوتج مااسمعه كالها وشمرني عالجربايه ردت افلت كمشني

-- وين خلينه نتواجه

--لالالا حباب غيث اخر مره اتحركش بيك

--اذا ماتوبج ماتستجنين وتركدين تعلمين بيج اغسل اماعين ومشطلج يولي

--فدوه فدوه غيييث وهاي اخر كلمه لحكت اكولها قبل لايعض شفتي

ضربته بطنه تركني وكمشها فركها بايد والثانيه كامشني دنكت عضيتها فلتت من ايده ركضت ماصار كدامي غير الحمام دخلت بي بعدني ماساده الباب دفعه اتزحلكت وكعت

دخل شالني راح جهه البانيو فتح البوري  شبكته من ركبته بسته من صدره

--متفيدج

--اموت عليك وبعد ماعيدها

--شوفي غيرها

--احبك والله واوعدك اصير حبابه واسمع الكلام

--من باجر

--غيث بارده اتمرض وانت تبتلي

--ميخالف

--يول احبك وعمه الساده ادحك اخر مره هاي اذا اماتهبشت وبطلت تهرت اشلون اتكولها انت

--تهرتين

--اي وكتها طرني بالنص صدك شنو معناه اطرج بالنص

رفع حاجبه  وشمرني بالبانيو المي مثلج

-- شوفيلج غير لعبه تنسيني بيها

--عزه دخت والله كلتها وغمضت

دنك بسرعه   لزم وجهي
--شصابج يولي

كمشته من تشيرته جريت الدوش اليدوي وجهته عليه كام  راد يفلت كامشته حيل

نزع بس مالحگ سبحته وخر شعره عن وجهه وخذ نفس

-- موعتذرت اله اتخليني اسبحك

فتح عيونه على كبرهن
-- ولج من ادحكت بجهرتك لحد الان ماسمعت اسف على لسانج

--افا انا اخت عاشق اعتذر

--والنعم منج ومن عاشق غيري لاتتمرضين ياخت عاشق

--وسفه والله اتريدني اني اغير بدون لاامرمط شقتك

قبل لايترحك طلعت اركض صعدت عالتخم طفرت شفته وصلي نزلت اركض بالشقه من مكان المكان يمكشني منا افلت منا لمن ليصتها تعبت  وكفت اخذ نفس دنك شالني

-- بعد نسيتي مجان

--لاااا لا غيث البالكون بارد اموت ابنك يجمد

--شخليتي بأبني نعلتي والدي بركضج راسو صار طخماخ

--تعبت

اخذني لحضنه يضحك باسني
-- اشوكت تعقلين

--غيرلي ملابسي واني اعقل لان مابيه حيل اغير حموت

--هين جنج على تغير ملابس غير تأمرين

--غيثوو عيونك ابززهن

--انضبي وگضبي لسانج لا اطلعو وكصو من الاساس

--انت خسران بعد منو يحجي وياك

--لاكولي منهو ينگد عليك

--صدك منكده عليك

--بالقران احلى نكد  اندار  فدوه ونذر لهلعيون

-- اليحب الثاني اكثر الطفل الاول يطلع يشبها

--دخيلج لاتحبيني خلي يطلع على عيونج واذا الغمازه نفسها اكون ممنون من رب العالمين

--لعد ليش اول ماشفتني صنفتني

--عجل اشلون اتحركش بيج وادحك طول لسانج

--وشعرفك لساني طويل

--ماراح ارد عليك عيب انت جبير روح حباب شوفلك مكان ثاني ماراح اتحرك منا

--هههههههه حيل بعدك تذكر والله نسيت

--اشلون أنسى احلى ثواني مرت من عمري وخلتني اتعرف على فراشه روحي   كالها وضمني بحضنه اخذ نفس طويل باسني

لواعرف هاي اخر حضنه حان دخلته بروحي

وداني للغرفه نزلني يم الكنتور فتح بابه طلع منشفه نشف راسي واني اتحارش بي اضربه على صدره ساعه على زنوده احب اتلاشه بي وشوف صبره عليه

جان يكتفي يعصر وجهي لو يگز على سنونه ويرد يكمل   كام يعرف حتى  لبسي شنو بدون لا يسأل طلع تيشيرته لبسني ودنك باسني

--غيث ماريد اصدمك بس الاكل احترگ والشقه اتوسخت

--اي يولي والمطلوب

--تنظف وتجيب اكل حاضر

--حلفي

-- وداعتك 

--يلا لج  ترحين مثل الشطوره ترتبين شكو خربطه وتطبخين الج ساعه ماكو غيرو

--لاغيث والله تعبانه ابنك ينطعج

--حظج وحظ ابني وياج ناي ادخل اسبح اطلع الگاج مزروعه بالمطبخ  والصاله تبرگ اكثر من جهرتج يلا لج

هزيت راسي وطلعت شفته  اخذ ملابس راح للحمام ركضت طفيت الكدر عالنار ورجعت طايره  عالجربايه دخلت جوه الحاف

شويه وسمعته طلع غمضت بسرعه سويت روحي نايمه

اجه يمي سحب الغطه
--نامت  الشيرازيه

مارديت

--الافتهمو ماكو غده

-هئ

--ابني يجوع

--موحامل ضحكت عليك

--نايو كومي بنيتي

--نايمه مداسمع

--حلو عجل خلج نايمه لاتسمعين

غطاني وراح شال فونه وخبر حبيبي اشلونج جايج اتزهبي نتغده بره

--كون صدك وتطلع يغيث

--اي يروح غيث شتسوين

--اخذه ملابسي وملابسك وانهزم

---هاي كل قوتج عجل كومي يلا طلعي واني ازت الملابس وراج

--موهسه باجر دتمطر

--لاهسه كالها وجر الغطه شمره دنك شالني طلع وصل للباب كمشت ركبته حيل كلتله شمشتهي

--بوسه وحضن دافي

--لعد رجعني

--هه صدكت يولي المطبخ يندهج

--مدااسمع غيث اطلب مره وحده مامليت كل يوم اطبخ

--ماحب الاكل الحاضر

--لعد اشلون جنت تاكل قبل لااجي

--بنوات الحلال جثيرات تجين نروحلهن ناكل

--وديني للمطبخ حبيبي شمقصر ويانا الطباخ

رحنه للمطبخ  باسني من شفتي ونزلني راد يطلع كمشت ايده

--خيير يبه

--وروح بابا مااخلي ايدي بالاكل اذا ماتساعدني داكلك تعبانه

--ماعرف يولي

--اني احضر وانت بس احمس بساع انخلص

--كل عقلج اكف اطبخ بعدي يولي اخر عمري حالي حال الحريم عالطباخ 

كاعده اثرم وغيث واكف يحمس البصل

عجبني منظره حلو بضخامته واكف عالطباخ خايف لايحترك الاكل اباوعله ربي جامع شكو جمال بي  غلطه وحده مابي

شلت فوني عالكيف صورته وسويت ارسال لجود كتبت اشلونك 

--هههههههههاي لاهاي قويه

--راح ارسلها لسماهر

--لابربج وعلي تنجلط كرم يسلمج عليج ويكول خلي يغسل جورابي بطريقه

--خلي يكمل مسح الصاله بالاول روحي استغلاليين

--بركاتج شيخه ناي

كال شيخه طفيت الفون
--غيث انتو مو عشاير

--امم

--شيخكم وينه

--مايعرف يغسل اماعين ميفيدج

--لاصدك عدكم شيخ

--عجل شايفتني جدامج عجمي طبعا عدنه شيخ وعشيره

--بمحافظتكم الاصليه لو الثانيه

--وانتي وين تعرفين محافظتنا الثانيه

--تره لهجتك شماتغير بيها تضل مكشوفه صدك ماكلت شيخكم منو

--عمي ابو اركان

--الله عليك لعد شو مامبين شكله مال شيخ

--عش يابه مامبين شنهو لابس تراك ومطول گدله

--لاقصدي لبالي ابوك

--المايكضب حريم بيتو مانو كفو للشيخه 

--حظ عدها بت نهار راح تصير شيخه هالمفهيه

--لابس لاتردينها لايولي كولي غيرها ناي شيخه ادوس بنص السلف التكونين شيختو

--اني هم ادوس بالمضيف الراعي غيث الطباخ

كالتها وكمزت لان شفته اندار بس للاسف مالحكت بعدني ماطالعه لكفني  من حلگ  التشيرت سحلني للبالكون  استوه فتحه  رن الجرص

تركني وراح فتحه دخلت ساره حضنته وباسته بس جان وضعها موطبيعي

-- شبيج يولي

--هاا لاماكو شي بس مشتاقتلك ماجيت الصبح

--سااره منو وياج احجي يبه ابوج اتعرضلج

--هاا لا لا بس ضايجه وحدي كلت اجي يمكم اسهر

--هلابيج فوتي جوه

سد الباب جنت متربعه بالكاع  باوعتلي بغل بس بنفس الوقت جانت ترجف وخايفه من شي

كمت دخلت للمطبخ اسوي شي ناكله بس اذني جان يمهم اسمع غيث يسولف وياها  شاك اكو شي  وهيه مصره ماكو شي

شويت خفايف بعدني مامكمله اندكت الباب فتحها غيث دخلو جود وكرم بس جود جان روحه طالعه يباوع لساره يريد ياكلها

سلمو ودخلو وهيه صارت جامده حتى النفس كوه تاخذه

اجه كرم دخل يمه
--ها حاته اشلونج

--هلو كرم اشعجب اجيتو من وكت

--كلبي كال نانو طابخه اليوم دولمه

--والله هيه النيه دولمه بس الواقع حميسه باجر من عيوني تاخذ الدولمه

--تسلم عيونج بعد اخوج

--شصاير احجي كرم

--ماكو شي سلامتج

--شمسويه ساره وليش هيج جود متخبل جاي

--هسه تعلك وتعرفين الله ياخذها ويخلص العالم من شرها

--عزه شمسويه ولك كتلني الفضول بس احجي بصوت ناصي لان شياطين غيث منتشرين بالشقه يتسنطون

--هالايام الافنديه لايفه على طلاب المدارس تشتغل عليهم دگ مخدرات ماسلم واحد منهم دمرت جيل كامل

--الله يصلحها شنو ماعدها كلب هاي شذنب العالم دز جهالها تدرس وهيه اتعلمهم عالادمان

--هاي ميخالف لكفها جود ساحبه طالبه لوماغسق تلحك وتتصل بجود جان راحت البت باعتها

--يمه اشلون

--ضاحگه عليها وجايبتها للطريق وبايعتها لتاجر كاليتلها بس سهره ماكو غيره وبعد ماتصير الشغله وتتورط البت تاخذها لملهى ابوها اتشغلها هناك لان مابيها رده لهلها بعد

--شبيها اتخبلت هاي

--لامتخبله من كاعها وكم مره غيث كتلها حتى اتبطل ومره تركها وردت باست حتى قندرته وحلفت بكل يمين يكسر الضهر ماتسويها ردها بشرط اذا انعادت يتهي كل علاقته بيها

--من هيج خايفه اجت لبالها جود فتن عليها

--بالفعل جود جاي يگول لغيث على هاي السالفه

--اشلون حب مثلها بس اريد افتهم

--غيث لوانطي مجال يحب حتى امي ترگج منه هالغثيث ربي خوش عاقبه بيج  رويدا اتريدج كالت اتصل مغلق ماكو ناي

--غالقه جهازي نهائيآ من وره سماهر واركان اشلونها

--على حطتها ماكو اي تغير ابوها قافل  اكثر من امي منتظرين الفرج

--الله كريم شيل الاكل يلا دنودي قبل لايفتح الموضوع جود خطيه غيث لازم ياخذ علاجه

اخذنه الاكل كعدنه نتعشه بس ساره جانت تاكل بجسمها مامستقره تالي كالت لغيث بعد ماكدر انطيني كام ضربها ابره يالله استقرت وجود يباوعلها ويبتسم عرفته راح يبلش

-- اسويلكم جاي

ساره. لااني حسوي اليوم لاتكومين

--يلا اني اغسل الاماعين كرم فدوه اريد خبز اطلع جيبلنه لان الصبح غيث يطلع من وكت واضل بدون ريوك

كرم. غسلي تشيرتي  وجواريبي واني اجيبلج

--ياطلابت جواريبك متاكده رويدا تتطلك منك بسببهن

--لاوالله اجيب نص درزن ماخلها تتعب يلا جيبي افلوس خلي اروح قبل لايعزلون

غيث. يمك بالمحافظه اخذ وجيبلي وياك جكاير

طلع كرم وساره سوت جاي جنت واكفه اغسل بالاماعين

صبت الجاي واخذته مامنتبها اصلا دقايق واسمع جود يضحك بس ضحكه عاليه وصوت صرخت ضربه 

طلعت لكيت ساره  واكعه بالكاع مبين غيث ضاربها لان وجهه احمر بس تبتسم

وغيث يغسل بوجه جود ويباوعلها  يغضب

-- شبيك حبيبي هسه تروح تره ربع حبايه خليتله

--بت القندررره كم مره نبهتج لاتعمليها اذا مادست فجج اليوم مانحسب عالزلم بس خلي اصحي انطري

--بس وخر واني اكلك ليش هيج سويت اسمع

-بعدددي انعل ابوج لابو الجابج وخلاج طريجي سااااره اله رفجاني بالقران احركج مارحمج

--بس انطيني مجال طالعه وماادخل للشقه وعاقبني اشلون مايعجبك بس  اسمع هذا الاعتراف منه والله يفوتك

كالتها وكمشت غيث رادت اتوخره دفعها كلبها عالميز وكعت ترس على وجهه رد يريد يكوم جود للحمام

كامت كالتله جووود ناي وكعت

اندار غيث يباوعلها عاگد حاجبه وجود باوعلي كوه يفتح عيونه

اجت يمه كالتله تعرف هاي منو باوعلي ورد كعد يفرك براسه

-- جبان تركتها وهيه اترجتك اجتك تبجي حتى تتزوجها شمرتها على صاحبك حتى تصيد عصفورين بحجر

جود. مو مو جبان ماشمرتها هاي بت كلبي

كام غيث رجع ليورا متفاجاه

ساره. لعد ليش تركتها بعد ذاك الحب الجان بينكم اشلون جانت متأمله بيك وانت غدرت بيها وجذبت عليها

--ما ماجذببببببت  عليها ولاغدرتها احبهاااااا والله احبها واكثر من روحي  بس غيث  اخذها من حضني -----

لاتنسو التصويت

امانه لاتحركون الاحداث بالتعليقات  ♥️