لبوة على شفا الثار

بارت الثلاثون

لبوة على شفا الثأر

                                       بقلمي:leo Alfatlawi

Ins:le_m3r

بارت الثلاثون

***لحن***

انفتحت الباب دخل اركان بيده منشفه على ايده   راد يسد الباب دخلت  امه ورا كالها خير

--البت تجي جدتك تريدها

--عش يابه

--مريضه واحنه هم مانريد نتورط بجاهل منها بيضت وجهج جدام العشيره يكفي

--يمه الدنيا طالعه من عيني لاتخليني اسوي شي لو النبي العربي يكفلي هم ميغفرلي ربي

--شقصدك يالذيب

-- لحن صارت حرمتي ماتطلع من هين غير للكبر والسالفه البراسج تنسيها نهائيآ

--اغضب عليك يبن بطني واعتبرك رحت ويه اخيك

--غضبج  ولا كرب لحرمة اخوي لبالج ماعرفت سالفه   شوراها عيب واني تربات بدعه

--عفيه بالذيب دحگ يتربات بدعه وعضد اخيك باجر تدخل على سهيله  وهاي تزتها لختها شعره ماتلمس منها بعد لوتاخذها وتطلع  تحرم عليه شوفتك ليوم الدين

كالتها وطلعت كعور ايده وعضها حيل دفر الحايط

رگع الباب سدها حيل شمر المنشفه 

لميت رجليه لحضني ورجعت ليورا

اخذ باكيت الجكاير وراح يم الكنتور فتح بابه طلع تيشيرت لبسه وطلع من الغرفه نشفت شعري اكثر  ومشطته بسرعه

اتمدد  مرت كم ساعه صار نص اليل   وهو ماكو اشكد حاولت انام ماكدرت رغم نعسانه وعيوني كوه فاتحتها بس  القلق والخوف جانن مسيطرات عليه احس روحي ضايعه بين وحوش ماعرف اشلون اخلص روحي

اتلمس بطني تحركني بعدها  غمضت دخيلك ربي بس لااحبل صدك
ماكدر اعيش ويه هيج ناس اني موكدهم ولاكد عيشتهم وحياتهم 

اركان اشلون راح اقايش وياه هذا عصبي  وانوب بقائي صار مقابل غضب اهله بس لا ناي ميخليها غيث تجي وهو يشمرني

ربي ساعدني دخيلك

افتحت الباب ودخل جان بيده جكاره والثانيه علاكه بيضه

رد الباب برجله سدها شمر الجيس عليه

واخذله نفس من جكارته ذبها بالگاع داسها برجله 
راح يم الشباج وكف يراسل شلت الجيس بي فلوس بس هواي
-- شنو ذني

--مهرج

--شنو مهري مواخذه خالي

--وردلج عيش متفاجأه

هو يحجي  اجاه اتصال رد اسمعه يكله وياك يول شعملت بشر يخوي--كفووو اخذتهن كلهن -- عليك بالعافيه يخوي اهم شي الحرمه جسرت ايدو --عفيه اشمرلو كم شريط  كون تزتو بالحجز موش اقل من سنه --ماعليك زود يالجبير
--مردوده يالضلع  مشكور  -- كالها وغلق الفون

--شسوين اركان  كسرت ايد منو

--اليحط ايدو على حرمة غيرو ينجسر راسو موش بس ايدو

--عزا كسرت سامر خطيه والله السبب من خالي ماله دخل

--خالج اخذ جزاتو تربه من جديد الدثو مالكه غيري يخبر عليه لانجر الزلمه عجبني

--تره موبكيفه زوجته اتكوله هيج سوي

--حرمه تمشي لاوالنعم منو ومن شواربو

--لان مطلوب لاخو مرته

--واني وفيت مجانو وعوضت اخو حرمتو تعويض يكفي لاشهر ليجدام

كالها واجه يمي  

نزلت  رجليه من القريوله  بسرعه كعد  ذب تشيرته  ردت اكوم كمشني كال وين

--هناك اروح المكان ميكفي

--كومي طفي الضوه وتعالي انطمري جاي تعبان جدي مشعول بكبرو لحن نفسي كوه كاضبها لاتخليني اعفس جهرتج 

اشرت اي وكمت بسرعه طفيت الضوه انداريت كلشي ماشوف هندس هاي اشلون ارد بالله اشغل الضوه لواشلون

اتحرك عالكيف اي

عزه واذا وگعت عليه غير يعلكني بالبنكه

اصيحله واذا طلع نايم يكوم يفرگ حلكج

اني افكر وكمزني صوته صاح وييينج ياغضب ربي

--يم الباب

--شكو يولي يم الباب

--ماشوف ارجع

--ربي شمسوي بدنياي وزتيتني بيها

--يصير اشغل الضوه بس اشويه علماارجع

--العگل يارب الكائنات

-- تره اني موغبيه لاتضل تحجي هيج

مارد ضليت واكفه اسمعه كام وخطواته وصل يمي صار قريب
-- يولي ناويه لشوكت اتضلين هين

--مدااشوف لعد شسوي

-:والميشوف يضل راكد مجانو مايتحرك

--اخاف اوگع عليك  وتالي تضربني

--طاگج من گبل يولي

--اي

--اشوكت كالها وصار نفسه قريب مني احس كلبي يريد يطلع

همس متردين يولي عش انخرستي

--اركان فدوه وخر

احس اشفايفه على خدي يمشيهن على كيفه وايده اندارت على خصري نفسي يصعد وينزل بخوف

صار يطبع بوسات خفيفه على خدي لمن نزل لشفايفي اخذهن 

ماعرف شنو صارلي حسيت بخدر بكل جسمي موهذا اركان الخايفه منه بثواني حسيت نفسي ملكه
سحب شفتي حيل وخر دنك شالني وداني عالفراش خلاني راد يدنگ عليه كمشته من صدره

-- لافدوه 

--ماأذيج لاتخافين

--والله بعدني اتوجع

-- هو اني شلحكت اعمل  حتى متوجعه  ولاتخافين على كيفي وياج

--لاحبااااب

--وداعت عيونج ماراح اذيج واذا ضغطت عليج كولي راح اتركج

كمش اديه وخرهن من صدره  باسهن وصعدهن خله راسه بركبتي باسها عالكيف همس سلميني نفسج

--خايفه

--ماطولج صرتي بأسمي  تنسين هالجلمه

--اركان فدوه

--  اششش  هدئي خليج وياي لاتفكرين بغير حضني

كالها ودنگ يطبع بوسات خفيفه على خدودي

رغم جان يتعامل وياي على كيف وخايف ياذيني صدك واشكد حاول وياي ابادله العلاقه لو اتجاوب ويا ماكدرت بس دموعي تنزل اتكول اول مره يتقربلي  رجع الالم من جديد علما وخر عني احس حيلي خلص

لميت روحي بالجرجف وهو كام شغل الضوه لبس ملابسه اجه يمي مسح دموعي
-- اذيتج يولي

هزيت راسي بلا

--عجل عش تبجين

--بطني دتوجعي

--تكومين تسبحين راح ترتاحين

--مابيه حيل اكوم هسه انام اصير زينه 

--عجل ماتكومين طفين الضوه

ضفنت بوجهه

ضحك كمش وجهي بديه باسني من شفتي وكام طفاه ورجع اتمدد اسحبني لحضنه لفني بالغطه وضل يفرك بنهايه ضهري

همست اركان

--عيونو

--اشوكت حترجعني لاختي

--ماكو  اختج تشيليها من قاموس حياتج

--ليش

--ماطولج دخلتي حضني ماطلعين غير للكبر

--وعدتني

--وفيت جسرت چلمه اكبر راس بالسلف ورحت جبتج من نص اهلج

--اني ماكدر اعيش هنا

--تتعودين

--امك دتكول اتبره منك

--حجي لسان ماكو ام تتبره لخاطر حرمه

--كلت اوديج لاختج

--قبل لاتصيرين حرمتي هاي اذا موام جهالي هسه

--عزا اني حامل

--بيج بخت بالظلمه بالقران  جان هفيتج كله شرط اتشغل عقلج الراكد

--اركان والله ماكدر اعيش وياك اني موكد اهلك

--محد يتجرء يحچي وياج نص چلمه

--وحته انت تعصب بسرعه وتضربني واني ماعونت اخلص من سمار

--هالمره راح اعديها الج بس والخلق السماوات السبع يالحن اذا جبتي طاري هالحرمه وانتي بحضني ادفنج

--اريد اروح يم اختي

--تتلاكن بالموت

--منو مات؟

--ابوي هسه شيعتو واجيت انطمري يولي

--ماريد اضل وياك انت تضربني

--ماطگ مره

--لعد موضربتني البارحه وغتصبتني

--عالطگ محگوگلج ورضاتج اشريها بروحي بس الاغتصاب هاي واكفه يبه انتي حرمتي

--اركان من اجيتك ردتك اتخلصني وترجعني لاختي  انطيتني كلمه واني ثقيت بيك 

--هاي هيه يولي مثل ماتردين  ماراح اغصبج عالعيشه وياي

كالها وسحب ايده من جوه راسي انطاني ضهره

عدلت راسي باوعتله السويته صح لولا
جازف بروحه وتحمل ضغط اهله حتى يحميني
بس اني هم ماكدر اضل ويا

الجو بارد والغطه خفيف كوه كدرت انام
ماكعدت الا على صوت الديج

فتحت عيوني لكيت حاشكه روحي بنص حضنه وهو محاوطني بذراعه

وخرت ايده عالكيف ماكدرت ثگيله

ردت اسحب روحي صاير نص جسمه عليه

همست اركان

ماكو

حركته بأيدي اخذ نفس وعدل نومته انوب صرت حشگ جواه صحت ارررركان

شال راسه كوه فاتح عيونه اشر شكو

--انجعصت

رد نام وضغط عليه اكثر صرخت اررركان

--ومرض شكو

--كوم اكعد من النوم  ناسيني جواك

--اششش صوتج

--عززززه حموووت اكعددد اركان مجعوصه حختنگ 

اسمعه ضحك وخر  كمت  اجتني لسعه برد

-- شنو هاي شو بارده

--عجل عش نهزمتي موجنتي دفيانه

--يادفيانه لوماملحگه وكاعده جان متت وبيبي كالت اتبره منك اذا اتقربت

--اها وانتي خايفه على غضب امي كربي يولي كالها وسحبني رجعني لحضنه

--اركان ايدك فدوه تره اختنكت

--اتنعوصي اكثر شعلي يولي شعلي

--هاا

عصر وجهي
-- شتعل اصلج ناي يولي رضات امي مقابل بعدج لاتكفريني

--اااا وجهي حيطگ

--ذمه وماتتحمل غضب امي اسحگ بيها
دنگ اخذ شفتي

دفعته كمش اديه همس دخيل هالوجه الچنه  فلگة گمر من الصبح 

--اركان تعبانه والله صدك اشوكت اتطلكني

باوعلي اخذله اشويه وتركني كعد
-- صبري علي بس هالايام بين مايهدء الوضع

--راح اتسفرني

--عجل ازتج بالشارع طبعا اسفرج يولي  حجابج وسترج ماوصيج عليه

--ماعندي كلشي

--اوصي اخيتي تجيبلج التعتازي لاتحجين ويه احد خليج ويه ريحانه

--ذني الفلوس ماريدهن اخذهن

--ذني حگج يولي

--لاذني باعني بيهن خالي اركان  اني موللبيع

--يخسى اليكول هيج عليج جيبيهن يولي وحگ مهرج يصلج اليله حدر رجليج

--شنو يعني مافهمت تره ماريد شي

--الج حگ يمي تاخذي من نص عيوني  اضل محگوكلج بس بالزفه هم اعوضج مجانها

داحجي  و اندكت الباب كام فتحها   دخلت طفله  كالت صباحو بابا---

***ناي***

طلع جود يركض يريد يفتح الباب واني انشليت اريد اكوم ماكدر

كلبي احسه اتوقف ماكو براسي بس غيث من يستنجد بينه انتركه

سندت روحي كوه اريد ادخل واخاف اشوفه منتهي ساعتها اعرف حتى الموت ماراح يشبع روحي

دخلت صار كدامي راسه بالكاع والاطباء يمه واحد يقيس ضغطه والثاني ضاغط على راسه باوعلي ماعرف شهمس وغمض احس روحي راحت

ماعرف اشلون ركضت واشلون شلت راسه خليته بحضني عصرته حيل
-- وعدتني ماتتركني غيث كوم

غيث ارجع مالي دخل بيك اشرب روح حانات ادمن والله ماحاجيك بس لاتعوفني والله اموت وراك

دخل جود كال وخري

--اتركه تاخذه وخر جووود

--ناي خلي انلحك عليه راح يموت

--لاميموت غيث مايتركني غييث غيث افتح عيونك كلتها ونزلت دموعي على وجهه مسحتهن اختلطن ويه الدم

كرم كمشني والاطباء وجود شالو راح وياهم كرم لان ماكدروله

اخذت المفتاح ونزلت اركض قبلهم فتحت السياره طلعو شايلي من صدره واديه رجلي تسحل بالكاع فاقد

خلو بالسياره صعدو ويا الاطباء وجود شغل السياره داس راح طاير

كعدت بمكاني جسمي خدر

راح كرم خليت راسي بحضني لساني انشل ماعرف حتى اندعي

دقايق واشوف تكسي كدامي نزل كرم بسرعه صعد للعماره اخذله اشويه ونزل بيده المستمسكات والفون باذانه يخبر بجود كال كومي يلاااا

كمت صعدت ويا بالسياره رحنه للمستشفى نزلنه لكيناهم واصلين قبلنا

دخلت اركض لكيت جود كاعد بالكاع خال راسه بين اديه رحت كعدت كدامه كمشت اديه
-- وينه

باوعلي ونزلت دموعه

--لاتكول مات

--لا بس حالته تعبانه اندعي ناي

--شندعي واني الموته جود اني كتلته ماراد يتعالج اني غصبته خليت بقائي  ويا مقابل علاجه بس ماعرفت راح يروح ماعرفت راح يموت مقابل ماتركه ولك انييي موته بيييدي

--غيث قوي راح يكوم

--شيكوم شوف دمه تارسه ملابسك راح واحنه الكتلنا جان يترجانه كال ماكدر جود احنه طبرنا عالموت 

اخذ راسي لحضنه وبجه بصوت عالي

دفعته كعدت انتجيت اباوع لاديه بيهن دمه ضميتهن بحضني

طلع الدكتور من غرفته اباوع وجهه مخطوف

كمت اريده يحجي باوع لجود ومسح وجهه  الدنيا افترت وضلمت غمضت ماحسيت بعد

فتحت عيوني نايمه عالسديه ويمي كرم باوعتله مدنگ عيونه حمر خفت احجي كمشت ايده باوعلي بجيت

-- والله مابي شي

--مات مو

--وداعتج عايش بس تعبان فطر بالجمجمه صاير عنده

--فاق

--والمسيح الحي فاق  وحجه ويانه وسال عنج وانطو جرعه رد نام

--اشكد صارلي مطموره

--بالساعه سمطوج بمهدء كالو الصبح تكعد ولج اخاف انتي هم مدمنه ليش مااثر بيج

كمت احس راسي يريد ينفجر ضغطت عليه

-- رجعي نامي تره ضغطج معلگ

--ماعليه خلي اشوفه

--ممنوع الزياره حجزو

--ليش

--لان دمه بالتحليل طلع متشبع بالكوكايين

--عزه هذا يموت اذا حجزو ومنعو من الطلعه

--ميخالف بس خلي يطيب احسن مايموت من السم الياخذه ردي نامي الله يحركج وكفتي اكلوبنا لبالنه انجلطتي

--لاتخاف ماموت عار

--اتموتين يطبج مرض  شلت هم الموته اشلون راح يحملوج هناك هم ميتين وهم ناي تفتر عليهم

باوعتله ابتسم وخربط شعري
-- لاتخافين غيث اسبع من انو يموت هيج موته تافهه

--اريد اروح يمه

--خلي اصيح الممرضه اتشيل السيروم

--لاوعلى شنو ممرضه سحبه هيج ينشلع هيج

كلتها وجرته شمرته باوعلي وهز ايده
--وافق شنن طبقه

--شنو يعني

--ذاك الخبل راسه بي فطر وماضل شي صاحي بي سحب جود من ياخته كله ناي اذا صارلها شي امدك بالحبل من العماره

--فدوه اروحله

--منو اني

--كرم تره كلش تافهه وهذا الدكتور الخوفني اذا ماسطرته كله ادبه بيها ماطلع بت ابوي ابن الكلب طلع وجهه اتكول طفل بايل على روحهه كلت راح غيث

-- لاطلع متفاجأه لباله مندري مدمن وعادي واذا راح اني موجود خوش ولد اخبل والله

--بصمه لوكتابة

--مال اتفل بوجهج كومي لج هاي الغرفه حاجزيها بفلوس حرمات ندفع بيج دينار

كمنه طلعنه بس الدنيا تروح وترد صدك غيث محجوز وجود يكمل اوراقه حتى يحولو غير مصح خاص بهيج امراض

ضلينه بالباب كاعدين للمغرب طلع الدكتور كال لجود تكدرون اتحولو هسه حالته استقرت

كمت ركضت فتحت الباب  ردا يمنعني دفعته حيل سطرته بالباب ودخلت اركض لكيت غيث ملفوف راسه كوه يفتح عيونه باوعلي ابتسم ركضت لحضنه خله ايده على راسي

-- ارتاحتي يولي سگطتيني

--الله ياخذك لبالي متت بسببي

--وانتي ماراح اتركيني اذا ماتنهيني على ايدج

--لاتتركني غيث اموت والله

--يولي اذا  ماامن عليج واخليج تتلاوين ويه الوكت  وتأخذين حگج من حلگ السبع  ماتركج

--كلشي ماريد  تعبت واني اتلاوه اريدك انت تحميني

--باس راسي وصاح ااا

رفعت راسي لكيت عيونه حمر تعبانه غمض مسحت وجهه عالكيف بسته بخده

--نزلي اشويه

--ديسمعوك  خلينا نطلع منا بوجه ابيض

--لاموخوش سالفه اشلون راح افارگ هالوجوه الحلو دحگي الوراج اتكول ملاك مصور

--هاي وانت ميت هيج والله بيك كله اويلي

--اشكد تاخذين وجيبيلي رقم ذيج الدكتوره

--روحك غيث اسكت احسن مابزز عيونك 

ضحك بتعب خله ايده على وجهي
--وگعتي بسببي يولي

--لا ريحه الديتول دوختني

--اشتعل اصلج ديري بالج تعترفين

--تريدني اجذب

ابتسم وغمض مابي يرد دنكت بسته وكمت
دخلو يدفعون بسديه اتكابلو عليه نقلو عليها طلعنه رحنه بالاسعاف لغير مستشفى

جانت خاصه ممنوع ندخل حدنه بالحديقه 

دخلو مرت الايام يوم اتعس من يوم وياه خاصه وكت النوبه من يجي وكت الجرعه يتخبل

رابطي بالسرير وينطو مهدئات بس ميفيد جان جسمه متشبع بهيج شي

يسمحولنه اوقات ندخل يمه من يهدء جنت اشوفه كاعد بالكاع عاكس رجلي مدنگ  ياخذ روحي

وبالاخص من اشوفه يتوسل  بجود يكله خبر ابو ساره يسحب اوراقي  مروتك بعد ماتحمل يخوي

احس بخنكه ماكدر اتحمل اباوعله اطلع بره ابجي لمن تخلص روحي
شكو ادموع جنت ضامتها طلعت

كمنه نحسب بالثواني ويا موالايام نريد بس يتعده الوقت

بليل نام بالحديقه كلمن بطانيته ومتلفلف
كرم كمش الشغل يجينه بس بليل يجيب اكل

بالنهار  بعد ماتعارك  وياهم وابو ساره ادخل وكومه واسطات يالله رضو اضل يمه وهم بعد مايامنون ينطي الجرعه ويهدء يالله يخلوني ادخل

كاعده بالغرفه خال  راسه بحضني وكامش ايدي وهاي صارت حالته اتكول طفل واتعلق اعرف مايفيده من افرك راسه بس احسه يريد يستمد القوه مني ميعرف اني اضعف منه كمش ايدي باسها وباعلي كال تعبتي

--لواعرف العمر كله اكعد هالگعده بس انت تتشافه ماراح اتردد

--بعدج تحبيني مثل قبل

--وليش حتى ابطل

--شفتي حالتي كدامج مكسور وضعيف واطلب الرحمه 

--حبيتك اكثر لان صارعت الموت لخاطري

--وراح اتلاوه ويه الوكت بس حتى اضل ادحگ ضحكتج بس لاتهديني

--ماخليت ايدي بيدك اذا ماجنت ناويه اكمل وياك ماراح يجي يوم تنام بدون حضني

--قبلج كالتها  وتركتني

--ماعرف شصاير وياها بس متأكده مستحيل اتسويها ماكو ام اتضحي بأبنها حتى لوجانت مجبوره

--من اول لحظه طلبت منج هالطلب عرفتج اتجذبين وماراح تنطي

--ولاراح انطيك ماتعودت لانجبر ولااتخلي عن شي راجع الي

--ماجنت عايش قبلج ولانبض كلبي دخلتي ضويتي بعيونج شكو ظلام بحياتي

--كل لحضه واني بحضنك بعدال عمر

--حبيتج بدون لانتبه دخلتي بدمي مشيتي بالوريد  اسرتي كلبي قبل روحي

--هم يجي يوم  ويقل حبي بگلبك

--من اكون حدر التراب وهم عيني تضل وراج دحگ طريقج وروحي يم ربي تترجاه يحميج

--ماراح اتموت راح تطلع ويصير عدنه  بيت دافي واطفال يتلكوك  من  ترجع من الشغل  يركضون. لحضنك واني اطلع من المطبخ طابختلك الاكله التحبها

--وعديني ناي راح تواجهين وياي كل الصعوبات لحد ماصفي شغلي ماراح تعبين وتركيني بنص الطريق

--وعد يجي يوم واذكرك  بهذه اللحظه من انت اتكون شايل( هيا )على كلبك  واني كامشه (عاشق )بيدي

ابتسم  كمش ايدي باسها وعصرها خلاها على كلبه وغمض

انفتحت الباب دخلت ساره 

باوعلها ورفع راسه باوعلي شفت بعيونه نظره  عرفت خايف ازعل وخرت راسه من حضني

--وين تردين

--ماطول اجت يمك خلي اروح  للشقه اغير ملابسي

--لاخليج يمنا لاترحين من انام روحي

-ماتاخر ارجع هاي ساره يمك اذا عتازيت شي

--ماضل نص ساعه ويمنعون الزياره لاترحين

-- حتى لومنعو الزياره راح تلكاني كاعده وره هالباب

سحب ايدي باسها
--لاترحين وحدج خلي كرم يوصلج

اشرت اي كمت طلعت بعدنه مابتعدت  يم الباب واتذكرت فوني رجعت فتحت الباب 

لكيته كاعد يفرك براسه  وهيه بحضنه شابكته تبجي بصوت

رجعت ليورا  سديته على كيف كمشت كلبي غمضت حسيت ايد على متني انداريت لكيت جود كال  يلا امشي

دنكت خليت اديه بجيوبي رحت ويا اتمشى وعقلي ويا التركته جوه 

--اذا تتألمين ليش اتركي

--اي شي راح يفيده لعلاجه مستعده اسوي حتى لو بي وجع كلبي

--والومه ليش تعلق بيج

--منو؟

--اخذ نفس وكال تركج من الحجي غيث يحبج الج

-- بنفس الوقت يحبها هيه هم

--هههههه غيث تركيبه عجيبه ماعرف شنو من كلب شايل اشلون يحب اثنين نفس الوقت

--انت كلت تركيبه عجيبه ولو جان الحب اتختياري مجان حبيته

--مستعده اتركي

--ماعرف يمكن لوجانت ضروفي غير مجنت حبيته اصلا 

--مولبالج سهله عليه ديتعذب اكثر منج الي يشتاق لاثنين ويخاف عليهن   شي صعب

اليحب يفدي ويعش براحه لان يخلي براسه اذا صار شي لحبيبته يروح وراها بس هو محروم من هالشي ضال بين نارين روحه يمج وكلبه يمها محتار اشلون يخليجن بروحه لان يدري اذا صار لوحده شي منجن ميكدر يخلي الثانيه وحدها ويروح 

--راح يجي الوقت يختار وحده ايكمل طريقه وياها

--ماراح يجي

--موشرط هو احنه نختار

--شيليها من راسج  غيث  يسمحلجن بهالشي
وين رايحه شو دنمشي خط مستقيم

--اني للشقه اغير ملابسي

--تعالي منا هذا جلب مامأمن لاترحين يمه

--شنو مامأمن

--ماكو بأذانه حاجز صفاره اخاف يلحكنه تعالي منا

--نايم واحنه مويمه دنمشي عالكيف مراح يحس

سكت مشيت عالكيف وصلت يمه هو جلاق وهيه صرخه طفر الجلب من مكانه ركض ركضت ورا شافني اتخبل بعد ميلحگ  بعد

صارت مسافه بينه تعبت وكفت دنكت على رجليه اخذت نفس عدلت وكفتي انداريت لكيت جود متخصر صافن عليه

ابتسمت رجعت يمه وصلت
-- صدك تحجين جان عضيتي فرد مره

--والله حرمات مالحكت

--استغفر الله يابه اشبيج وين جنتي عايشه

--بمزرعه جان عدنه حقل مال اجلاب من جنت عايشه بالصومال

--جنتي بالصومال؟

--اي لعد ماكلتلك هاي قبل لاننتقل لنيجربا جنت اربي ذياب مال ثلج

--نيجريا وذئاب ثلج

--مدااجذب شبيك

--ههههههه امشي ناي

رحنه للشقه دخلت سبحت عالسريع الحمد الله نسه شغله الحجاب مركز عالملابس حاليا

خلصت طلعت لكيت كرم كاعد بالباب طلعت ليره خليت بيده

باوعلي بطرف عينه

--اشبييك

--بت الفكريه رجلج يمتلك نص اسنيورت ليرا تنطين

--هذا مالي الحر وين جود واشجابك انت

--جود رد من زمان واني لكيتكم ماكو اجيت وراكم قبل لاينتبه وتعلگ

--شبي هذا كل عقله

--الزن عالوذان امر من السحر يلا تردين

--اي كوم

مرت الايام  وحالته  اتحسنت كلش ماضل شي ويطلع

كاعدين بالحديقه بالشمس جود كاعد وغيث خال راسه بحضنه كرم يلعب بالبزونه لاوالله شالع كلبها ماخذ قيطان حذائتي ويحرك كدامها وهيه اطفر

-- كرم حرام خطيه

--غيث على كبره ماكسر خاطرج من شمرتي هنا كسرت خاطرج بزون

--القيطان جيبه لايضيع وتالي تخرب حذائي

--عندج غيث هو قي--قبل لايكمل طفرت بس مالحكت كمشني غيث من رجلي سحلني رجعت كعدت كلتله تره ديجذب

كرم. والله ماجذب بس دااتذكر المثل شنو انتظر

غيث. المارهم حازم باضهرنا نشده قيطان برجلنه

كرم. اي هو هذا

ضميت وجهي بسرعه

--شيلي اديج يولي نطلع وسهلا اذا ماطلعت الشفتو  هين  من عيونج ساعتها حقج بالمثل

كرم. اني منك انتحر هم شغلك بيدي وهم مرتك ناي

--انعل ابو الحلال لابو خيرو يول بس خلصني منهالصگعه يكفي 

--للاسف هذا عرض اجه جان مؤبد  لطموك بي  ماكو رده بيها نانوو فونج يضوي

طلعت فوني لكيت رويدا رديت ها روشه

--ناي لحكيني بابا باجر يجي شسوي

--حلو اتصلي بي كليله بابا اندعيلي اتصلو بيه كالو نتيجه التحاليل طلعت وخايفه اروح اجيبها هو حيندعيلج وراح يشجعج ترحين

--اي وبعدين

--ترحين للصيدليه تشترين شكو باندج ويود احمر اتكعدين اتربطين رجلج من فوگ ليجوه لليل وفتحي ويا كام كليله ابشرك طلعت سليمه بس دااطلع من المشتسفى وكعت

--وليش هيج اسوي خو بس اكله سليمه

--غبيه موحيگلج حجزي وتعالي هيج ماراح يكلج لان اسبوعين اقل شي يالله ينفتح الجبس

--واذا اجه

--هلابي خلي يحجز فندق ومصاريف اسبوعين وخطيه ابيوم النفتح الجبس راح تنكسر مره لخ ونرجع اجبسها هم اسبوعين بين متخلص الفيزه

شلت راسي دااكمل حجي لكيت جود فاگ حلكه وغيث رافع حاجبه يباوعلي

رويدا وبعدين

--هاا اكلم لاتباوعولي هيج على فكره دتوتروني اتخلوني ماعرف افكر عدل

غيث. لايولي اخذي راحتج استمري

كلتلها عالسريع شنو اتسوي وسديته هز ايده ورد يراسل اباوعله يكتب ويبتسم كلتله غييث المن دتراسل

--حبيبي المؤذن تأخر گاعد اخبرو

--اشلون يخليني اجيبله المومن والجامع كله يصلون على روحه غييييث كلتها روگعته برجله

--خرب بروحج  شبيج يولي صوتج

--الفون شمره لااشمرلك صاحب المسج بالمصح وخليكم تتونسون  سوه

--اشتعل ابوك جود

جود. واني شكو

--اله اتصير شريف بذيج الساعه وتضمها زتها بحضن خالها ونعل شرف اهلها

--كسرت خاطري تتوسل

كرم. الله حرمات ماجنت واشوف ناي تتوسل

--وعلي فاتتك بعد مانزلت عليه ذيج النزله سحلت الكاع ردت كمشت ايده تتوسل بي بكل صلافه  حتى يخلصها

--وطبعا ابو كلب الحنين ماقصر تعالي لج من سلمت ليش مارديتي عليه

غيث. عالاساس ثگيله وكذا حتى  ادحگ بجهرتها واكول خوش بت

باوعتله كتله بصمه لوكتابة

شفته كام كمزت هيه طفره وهيه ركضه كال خليج يولي لاتردين

طلعت اكو اسواق اشتريت عصير رجعت لكيت كرم بعده متربع يم البزونه يلعب و جود وغيث واكفين يحجون اواش

رحت عالكيف اسمعه يكله دحگ يول موش حرمه بعلي صاروخ

--هههههه هاي دكتوره يمعود

--انطيني نص ساعه بالقران  كالها وانتبهلي كمل  خوش مستشفى عنايه مضبوطه ماتوقعت هيج

--عزه ابعينك غيث ماراح تنعدل

--شكو لج لسانج يولي وعمه الساده اكضبو واشلعو من الاصل

--اي فر السالفه فر وانت شبيك عود العاقل واكف دتشجعه

جود. يابه شبيج مره صاحبه ايتام ديوصيني اساعدها

غيث. يول ميصير تحجي بالصدقه يروح ثوابها

اباوعلهم متأثرين وعايشين الدور 

تركتهم ورحت يم كرم
-- ارحمهااا يااخي اتخبلت

--اخذها وياي للبيت اتعودت عليها

--كرم انت بدون حيوان كاتلك الوسخ ومتيه روحك انوب وياك بزونه يطردونه من العماره

--محزوزه وملبوسه لان احلى منج شوفي رجلج شديسوي

انداريت لكيته عين بالفون يراسل وعين بالممرضه صحت حبيبي اجيبلك الرقم

--رقم منهو يولي

--عزرائيل ديفتر فارغ هالايام ماكو انفجار بغداد

--يولي منهو يشيعني

--اني

--ميصير يعمري انتي اتجذبين ميوصل تشيعج وجود شيعي ميشيع  بس اليدخلون للائمه   وكرم مسيحي حدو يشعلو شمعه  يوصلني بس دخانها

--انتو اشلون ضالين ويا ؟

كرم. شفقه  ٠

خلصت فترت العلاج واجه اليوم وصار موعد خروجه

واكفه بالشقه مامصدگه كل اشويه ادخل للغرفه اشوف مكانه وتخيل وصل و نايم عالفرشه

ماخليت شي ماطبخته حضرت  كلشي وعيني بالساعه اروح وارجع

الفرحه الشايلتها بروحي ماتنكتب بين اسطر

جنت اضن هاي اخر معاناتي والدنيا واخيرا ضحكتلي ومقرره احسمها ويا

وهنا بدت اول خطوه  بمشواري للجحيم ****

***لحن***

اباوع الطفله عمرها تقريبا خمس سنوات دنك عليها اركان باسها كالها صباح العافيه يبعد ابوج

-- جدو يريدك

--روحي  يبعد ابوج   چاي صيحي بطريجك عمتك ريحانه

--كاعده تزهب الزاد

--خلها تكملو وتجي لعمتج لحن

--منهو لحن خلي ادحگ عليها

--تعالي حدري هين ودحگي براحتج

دخلت الطفله باوعتلي كالت الله  بابا تشبه لعابه شعرها اصفر

--موش بس شعرها  حتى فهاوتها وداعت ابوج

--تحجي

--حاليا باتريها گاضي تعالي العصر بين متشحن

--اجيبلك شاحن

--لايبه تشحن بغير طريجه هاي بس هوينه واني افلوها الج

--شسمج

--كلتلها لحن وبتسمت على اسوالفها

--بابا حلو تحجي ناعم

--اشتعل ابوج يولي دافع جثير افلوس بيها لاتخليني ارد اشعل ابليسها وگوم المكينه

--يصير اخذها وياي

--لايولي هاي حصرآ لبوچ ممنوع المس

--جيبلنه وحده لحسام مثلها

--والله يبوي غاليات سعرها يجسر الضهر تجميعه العمر كلو يادوب كفو

--جدو ينطيك

--ماكو يولي بس وحده يم عمج غيث وذيج راكبها جني خبله

--بس اجيسها على كيف عادي

--هههههه تعالي كالها وكمش ايدها جابها يمي مدت ايدها الزغيره كمشت شعري متعجبه على لونه
شهكت

--ها يولي شبلاج شهكتي

--بيييضه مثل البزونه

--شربي حليب ولاطلعين للشمس تصيرين مثلها

--خلي اطلع  اصيحو لحسام يدحگ عليها

--ويين يولي ياحسام طلعي يبه  انوب راح تعزم السلف بت المسلوگ

طلعها وطلع سد الباب سحبت الثوب لبسته استوني اكوم دخلت ريحانه
--صباح العافيه

--صباح النور فدوه بيبي وين

--شتردين منها

همست اريد اسبح بس اخاف تشوفني

--هههههه لا بالوهاد موش هين  كومي عجلي  للحمام قبل لاترد واني اجيبلج ملابس

كمت بسرعه طلعت وياها الحمام جان قريب دخلت  سديت الباب

فتحت الدوش دخلت جواه سبحت جان اكو الشامبو اخذته غسلت شعري لان مدبك من الجو ماينعرف حر مدبگ وبالغرف برد مينگعد

ضليت جوه المي لمن سمعت الباب تندگ

سديت البوري فتحت الباب انطتني ملابس اخذتهن

همزين ملابسي الداخليه غاسلتهن خطيه لبستهن لكيت جايبه كلبيه وشال

عرفت سوالف اركان لبستهن وطلعت باوعتلي صلت على محمد  كالت مشي وياي

رحت وياها دخلنه غرفه جان بيها سرير ومرايه فتحت الكنتور طلعت كلبيه ثانيه كالت لبسيها هاي على قياسج ذيج جبيره

--اخاف صاحبتها ماترضه

--صاحبتها تصير بت حمات اختج

--منو ماعرفها

--اسمها رنو بت سماهر اخت غيث

--لعد شتسوي تجي هنا

--موش سهيله مره رجلج  تصير خالتها وسهيله بت خالتي ام عامر فهيه تجي كل فتره كم يوم يمها تغير جو

--ماعرفها اصلا مشايفتها

-- وان شاء الله مادحگين جهرتها

--ليش

--يوو فد غثه ومتتعاشر وشايفه روحها اتكول الكل جوه رجلها لاعدها اخلاق ولاتحترم احد وانوب خالها مدللها خالها ماتلوح الكاع

--عزا خطيه ناي تلكيها شالعه كلبها

---هههههههههه اي كلش وين عنج اركان جان كلج ربت رنو وعشريتها هاي الخايفه عليها

--هاي الطفله الي دكت الباب بت اركان

--لابت اخوي الله يرحمه جانت زغيره من راح ابوها وصارت على ايد اركان البت كبرت لبالها اركان ابوها

--خطيه ابوها اشلون مات

-- راحو ويا الراحو

--انتي ليش لابسه اسود

--على زلمتي

--لعد موهذا زوجج البارحه جان ديحجي وياج

--ششش يمعود لايسمعوج دخيلج فدوه لحن انسي السمعتي البارحه هذا يصير حماي

--اشلون ماتو شنو انفجار

--لاشغل اعوج ماعرف الله اشوكت يتوب علينه منه راحت ازلامنا كلها وبعد جاي تاخذ بهالشباب الزينه

--عزا بس لاهذا نفسه الي زوج ناي من اختفى بي

--اي بس حظه بالسما والله كلنا مات ونصبنا الجوادر يمكن على عين التيمه اخيتج ربي انطاه خبزه بعد كضبي خيه هاي خلي اطلعلج شي يرهم وياها

اخذت الكلبه لبستها  جانت كلش حلوه مرتبه
رحت عالميز مشطت شعري ضفرته جابت يمي علبه مال مكياج كالت خلي اشويه

--ماما استوها متوفيه

--الله يرحمها والله تفرحلج عجل انتي عروس واول فرحتج بس اشويه لاتزودين

--والله ماكدر البارحه غصبا عليه مكيجني

--لخاطري عجل بس عيونج كحليهن  مومكياج هذا اسود 

--ماعرف والله

--اني اسويهن بس كعدي

كعدت وهيه سحبتهن خلت مسكاره ردت اكوم جلبت بس مرطب خفيف هم يرطب شفايفج لان مبينات

كملت لبستني الربطه لفتها من وره  ونزلتلي كدلات ثنين
باوعتلي وضحكت كالت بالعافيه عليك يخويه

--هذا موحجاب ركبتي وصدري كلها طالعه

--محد يجي هين بس ابوي وبن اخوي هم زغير خلي يتمتع عمر وهو حارم نفسو لخاطر سهيلو الله ياخذها

--لعد اذا مايريدها ليش دتلح

--امها الشرنه تحش براسها ميته على اركان اتريد اتكوش على كلشي ماتشبع

--وسهيله شنو مغصوبه يعني

--يع منهو مغصوبه سهيله امنيتها تبوس رجلو لاركان بس حتى يدحگ بجهرتها حرمته من الزواج والله ادحگ الشباب بالسلف يزفوهم اموت من ادحگ نضره بعينه لهفه للعرس

--وليش ميتزوج شنو مترضه

--لاابو غصب عليه يعقدها حتى احفاده لايربون عند الغريب لان البت زغيره بعدها وخاف تعرس اركان مارضه لان مريت اخو بس همه لحو عليه طلع بحجت اول بختي مادخل على متزوجه تالي شرطو عليه اذا اتزوج يدخل على سهيله بعد ماعنده حجه

--اها ولان هالشرط ماتزوج

--انضلم اخيي اسنين ضال بس يدحگ بس ربي فدوه لاسمه ماگصر وياه انطاه ملاك

--بيبي بدعه هنا

--لاطلع اركان يوصلها لبيتها هاي ماتضل يم احد

--موكالو بيتها راح

--عدها بدل الواحد خمسه  يلا خيه اكلي هالكمه حتى نطلع يم الاهل

اكلت عالسريع كمت وياها 

طلعنه لكينا ام اركان ويمها سهيله كاعده واكو ولد يطلع عمره ب١٦ لواكثر يمه الطفله يلعب بيها

رحت سلمت  شالت راسها ام اركان عفست وجهه كالت لاهلا ومرحبا

صاحت الطفله حسام هاي لعابه بابا

باوعلي كصني من فوگ ليجوه درت وجهي  ردت اكعد

ام اركان.  وييين كاعده

--ها بيبي

--وجعه ابيي تنام بظلوعج طلعي ويه البنوات خلي يعلمنج عالشغل  وانتي ريحانه اخيج تارك افلوس ماعرف شرايد كال بس عطيها وهيه تفهم

--هااا اي يمه اعتازيت كم شغله من السوك وطلبت منو

--عجل خلي حسام يوصلج يله قبل لايصير الضهر روحي

-- بس اغسل الاماعين ماطول

راحت وام اركان اندارتلي
-- وانتي ؟

--شنو بيبي تردين اني اسوي

--كومي سهيله علميها عالبيت

سهيله.   البيت عليه عمه خلي الخبز والحلال عليها

--هاي مفهيه خافن تضيع حلانا

--لاعيني بيها ماخلها بحيدها لمن تتعلم

--لنشوف اشجاب ذيب السلف اخذيها وانت يالمفهيه فكي عيوناتج وادحكي عدل اذا صار للحلال شي ادوس راسج

--شنو يعني حلال

--يمه احرگ روحي انوب ماتعرف شكول عليك اركان الله يحركج يناي سوده بوجهنا جنت شايله هم اخيتي وكعت بالانكس

سهيله. اني اعلمها كلشي خاله تركيها وراي  يلا لج امشي

طلعت ويه سهيله بره اخذتني لمزرعه بيها جان حيوانات  كومه   اكو سود ضخمات
بس شفتهن جمدت من الخوف باوعتلها كلتلها هذا شنو

--صلي على محمد لاتخلين عينج وتموتيهن

--صلوات على النبي بس شنو هذا

--جواميس وهوايش وعجول غنم حلانا

--وشنو اسويلهن

-تنضفين مجانهن وتحلبين الهوايش تنطيهن بوه علف

--يعني شنو

--يووو جنج راح تورين  كلبي حدري لج يلا كالها ودفعتني

راحت كدامي جرت وحده موكلش جبيره طلعتها بالحبل  اشرت كمشي 

كلمااريد ادنه اخاف لمن صرخت بوجهي مديت ايدي كمشت طرف الحبل صاحت حييل  عدل لاتسرح

--يعني شنو

--هيج كالها وعصرت ايدي عالحبل كمشته عدل

--وين حترحين

--افوت انطي علف ادحگي حتى انتي انوب ادخلين وعين بيها اذا سرحت عمتي تفصم راسج

--واذا ماقبلت تبقى اله تتحرك

--لحينوو بطلي تنعوص اني موش اركان وتفريها عليه اعفس جهرتج عينج عليها  اذا راحت لاتردين للبيت عمتي تطبر راسج مجانها

راحت دخلت جوه اتودي حشيش اصفر واني واكفه وره هاي وارجف

اترحكت كلتله فدوه اوكفي

مشت جريت الحبل

اذاماوكفتي حضربج الله يخليج اوكفي والله اذا اتحركتي حيكتلوني

مشت ولاهتمت

-- سهيله مدترضه توكف فدوه تعالي

--كضبيها لج

اتذكرت بدعه من كالت لاركان اكضبها وهو ضحك ودمغني
انداريت اباوع وراي شي حتى اضربها مثل متكول بلكي صدك  توكف

لكيت عوده مديت روحي مالحتها جريتها مارضت تجي اتريد تتقدم تركت الحبل وركضت جبت العود رجعت بسرعه كمشت الحبل  لفيته على ايدي كم لفه  حيل كلتها هاي باوعلي شنو بيدي  اذا ماوكفي اكيد افتهمتي شسويلج

ولاردت مشت

--سهيله هاي متخاف

-- انجعلج بمرض يعجز عنو الاطباء كضبها حيل

شلت العوده وضربتها على مؤخرتها مثل ماكالت وهيه اتخبلت ركضت ايدي ملفوف بيها الحبل  اركض وراها

حتى العوده وكعت من ايدي اريد بس الحك 
من ثولي عثرت وكعت سحلتني وراها كمت اصرخ لحكونيييي ولكم راح تبوكنيييي ياعالمممم

واجه صوت  اركان ويا واحد  يتراكضون  كمشوها
وكفوها دنگ اركان كومني

--صارلج  شي

--بعديش جاي تسأل سحلت بيه الكاع كلها

  كلتها وبجيت

شاهين. هههههههههه يخوي شجابج عليها

اركان. اتأذيتي يبه 

--اي اتشخطت رجليه وايدي انشلعت

فتح ايدي فركها وباسها  اجت سهيله
-- شبلاج يالمفيه

--انتي كلتيلي كتليها

--ياع شوكت ولج

--والله اركان كالتلي كضبيها اني ضربتها هيه سحلتني

يباوعلي صافن وشاهين يضحك مسحت اعيوني وكامشتني الشهكه

-- كله من وره ناي هيه ورطتني يلا كوم رجعني بطلت ماريدك

--كومي يولي اشتعل اصل ناي وانتي هين يبت عمي

سهيله. واني شكو عمتي كالت علميها عالحلال

--وتركتو شغل الدنيا كلو بگه بس الحلال

--عجل شنهو ماعدكم حلال

كلتلها صح منطقه زراعيه بس ماعدنه عجل ولاحلال

اني كلتها وشاهين غص بالضحك وراركان  غطه وجهه  مسحه كوه كامش ضحكته
-- كومي يولي

كمت  ردت امشي
-- عزه الستر ضاع

--شنهو يولي؟

--الحجاب اركان والله جنت لابسه

--الله  يلعنك غيث شاهيين الستر يخوي

--هههههههههه دخيل بيكم منين ادوروهن واحد اضرب من الثاني

--لاوروح ابوي مادورنا  هيج نزتن من السما علينه

جاب الربطه خالاها على راسي سندني اركان  يمشيني وشاهين  مستمر يضحك

دخلنه جوه واني اعرج كوه امشي  جان ابو واكف يسولف ويه مرته وابو غيث ويا  شافوني كالو شصاير

اركان. اسأل  الوالده الله يحفظها

ام اركان. شمسويه المفهيه

--سلامتج يبه حرمتي اليوم اخذها اردها لبغداد ويه جدتي

ابو اركان. ماتتحرج من هين غير للكبر لو لبيت اهلها ونص جلمه ماتحجي

--يبه ماترهم هين

--زغيره تتعلم اترك شغل الحريم لاتضل تهوبز جدامي  وانتي ام ازهر على كيفج وياها البت زغيره ماتفهم تركي الشغل وعلمها عالحجاب  لاتضل مفرعه هيج جدام السلف

ابو غيث.  اشوكت تحدر للجماعه

--هسه طالع تجي وياي

--لااني اشرب استكان جاي يم بنيتي وارد

--عجل اخذ راحتك البيت بيتك وانت يبه اركان خلص شغلك والحكني

سلم وطلع وام اركان كالت دحگ يخوي  اشلون يتكاون وين روحو هذا يخليني اعلمها

ابو غيث.  موش بكيفو  واذا ماجت للطريج حتى طكيها وخله اسمع بي معترض اعوچ فچو

كمشت دشداشته من ضهره دار ايده كمش ايدي

-- وحگ دم اخوي اليكرب صوب  حرمتي احسب الله ماخلقو

--ترد بوجهي لك

--حگك على راسي عمي  لك كل الحشيمه  بس من انطيتها جلمه احميها مايصير العكس غير على كص ركبتي وانت حكمك على اهل بيتك

--شگصدك لك

-ماگصد بس بيتنا مامنگص ازلام تاتجي تأمر بي وتعلمنا اشلون نتعامل ويه حريمنا

 
--غسلت ايدي منك من خذت العالم وجلعت بيهم للماعدهم اصل چبت بت مصخمه وجهه اهلها وخليتها باسمك

--البت محسوبه عليه وأصلها راد لجهالي ماردا الكم اكبر بشر مايكدر يعترض 

--المفروض نسحگ راسك  من رحت  جيبت وحده اهلها يبعون بنواتهم بلاشرف لو من خوال حفادنه مامعرف اصلهم شنهو  موش بس نعترض  حتى افرغ الشاجور براسك وطم عارك

--حلو هذا كلام جديد المطلوب  شنهو

--كلت يتيمه وماعدها احد سايرناك وجبناها بس لهين تكف حدك البت تضل بغرفه اخيتك  تحرم عليك اذا سمعتك موصللها راح يكون غير كلام وياك

--هذا الحجي تحجي تخوف بي الحرمه ابنك

--يعني شنهو لك

--البت حرمتي وغيرها ماتصيرلي والماعاجبه يهطر راسو بالحايط

-- تعال اخذلك اطراك عبنك انغسل حضك مثل الارعن سبع اخوته

-- مثل الارعن مثل الزمال مايهمني وروح اخوي الي يصل لسمعته لحن لويفكر يمسها بجلمه امحي واني كد جلمتي  وتعرف

ام اركان. وتنفذ وعدك لسهيله تصير حرمتك شذنبها صار سنين مناطره لوتاركيها تتزوج هسه كم جاهل عدها

--اليوم يدخل على حرمتك واله

--واله شنهو كمل 

--اچسر نيبانك  وزتك يعيدون ترباتك يالذيب

--افا واني تربات بدعه

--اي وتربات بدعه شنو فرگهم عن البشر

--ربتنا ازلام كد جلمتنا وماننجبر  ونعمل شي غصبا عن شواربنا 

--عجل حضر جفنك يزلمه الشواجر

هو كالها وامه لطمت على وجهه  ركضت على ايده دنكن باستها كالتله دخل الله ودخلك  اوليدي

--بعدددي

-- لايبو غيث دخيلك ابوس رجلك  هذا الطلعت بي من الدنيا

--العدي كلتو يايدخل عالبت ياعالكبر  هير روحك ولك ليله  موش اكثر رايح ومناك اذا ماوصلني الخبر اخبر الشباب وانت تعرف الباقي

ردت اتبوس ايده دفعها وطلع وكعت بالكاع ركض اركان دنك عليها كمشته
-- التح  ولك روح لجدتك  لبدعه

--كولي يالله يمه

--ولك يذبحك   هذا ماعنده رحمه روح جيب  جدتك وخبر ابوك  وسوي اليريده وروح ابني احرك نفسي

--لو يطلع اخوي من كبرو ويطلب هالشي ماراح اعملو

--يبووو ولك راح يجتلوك تعرف الازلمه الي موكد چلمتو ويكسر جلمتهم يجتلو اركان لاتوجع كلبي ييمه

اندار كال لريحانه اخذي لحن لغرفتج

جرتني رحت وياها و  عيني بي اشلون يسكت بأمه ويضحك على خوفها  وهيه  تلطم على وجهه حتى خرمشته تتوسل وتبجي حتى يكوم

وصلنه  للغرفه  بسرعه دخلتني وسدت الباب

--شنو ذوله صدك يكتلو

-- مايجتلو يكرصون اذنه وهاي توجع اكثر

--عزه  شنو من عائله انتم  واني ماراضيه على اهلي اقوى شي عدهم يصرخون وانتم شغلهم كبل بالجفن

--هذا عمي جلمتو من راس خالتي ام عامر لايهش ولاينش ولاتگول جبير العائله ينحال بسرعه ويعمل اشياء الجاهل مايعملها

--ابوج يرضه بهذا الحجي

--ابوي عامل خاطر لجدتي وهذا اخو الجبير جدام السلف مايكدر يكسر جلمتو ويخجلو

--بس هذا ابنه

--لاتخافين اخوي ذيب لايخاف من عمي ولااكبر واحد مايعمل خاطر غير لابوي  ولاينفذ جلمه اذا مامقتنع بيها

--ابوج يستاهل خوش رجال مبين محبوب

--وهو هم حبج على محبت اختج عنده ناي بالدنيا يكون ويكعد يحجي بيها خشت كلبو  من اول ساعه يكول ماكو غيرها تعدل ولدي وتكسر راسو اليابس

--حتى بيبي بدعه هم جانت تسولف بيها

--اووف ياجدتي خايفه لاتعمل الي براسها وكتها تگب النار وتعالي جيب الزلمه اليهودها

--فونج ديرن

شالته وبتسمت

--عادي امنج على سر

--ههههههه انحبين شاهين تره مكشوفه ردي عليه

ردت وهيه حلكها مشكوك من الضحكه اجه صوته عالي كالها وين يولي صار ساعه مناطر تحت

--صارت هوسه

---ههههه حرمة اركان وروح اخوي فلم هاي الله يصبر اركان عليها ويحميها من الهوش العدكم

--شاهين

--ريحانه كلبو لشاهين كولي يولي

--لاتحجي على امي وروح اني اطلع ويه حسام للسوك

--تاافصم راسج يروح شاهين طلعه بدون زلمه ماكو

--عجل حسام شنهو

--ناكص مثل خالو وكلب ابن سطعش كلب مثل جدو يولي سحلت اسماء من جهامتها وجبتها غصبا عن ابوها لخاطر اخذج ويانا

--اليسمعك يكول صدك متلهف لشوفتي

--شعمل متگليلي بالقران حتى حيلي خلص وانتي ميبسه راسج

--ماانهزم

--عجل اجتل ابوج  واخذج ماكو غيرها

--روح شاهين

--نبض كلبو لشاهين مناطرج لاتتاخرين

سدت الفون

--هاي لوناي جان انهزمت قبل لايطلب منها

--ناي ماعدها احد وراها يكص راسها بالقران اذا لكفونا مايرحمونه يدفنونه احنه وعايشين

--ليش مينطيج ابوج

--بسبب هذا الشفتي عمي الناگص لان يريد اسماء لغيث وينطي سميره لشاهين وابوي يخجل لان الحجابه طشت بعد عيبه بحگه جدام السلف ينطي بنته ويكسر بااخو

--عائلتكم غريبه

--موش غريبه كل بيت بي مشاكل واسرار  ماتنحجي بس احنه ماندحگ  ولانقيس غير على نفسنا

--يعني العرب همه هيج حياتهم

--موكلها اكو عالم مرتاحه وراضيه بالگمه واكو عالم اكنوز الدنيا ماتشبعها الوطمع عامي عيونهم خال الاب بنطي ابنو للموت   الاخ ياكل اخو اووو عايشين بدوامه لوتنكتب قصه رادلها الف صفحه يالله تكمل

كامت رادت تلبس عباتها  ونسمع صوت شباب يحجون ويه اركان يروح وياهم وهو معاند صوته عالي يتعارك خفت يصير شي بسببي وصدك يروح بيها

طلعت ريحانه واني كمت وره الباب اتسنط واندعي ربي يهدي ويروح اسمع الام وكعت وهو انخبص

انفتحت الباب دخلت ريحانه  تركض فتحت الكنتور جرت عبايه وطلعت بسرعه  اخذو الام وطلعو صار هدوء

سديت الباب وكعدت رجلي توجعني حيل شلت الكلبيه شفت دم طالع منها والثانيه متشخطه حيل

باوعت للباب هسه اذا طلعت اكيد تتولاني سهيله وهاي اذا ضربتني محد يفكني من ايدها ولاواحد يعترض بعد الصار

رجعت كلبيتي بس تحركني حيل ونوب القماش كام يلزگ بالجرح

كمت على كيفي فتحت الباب مديت راسي مالكيت احد

طلعت على اطراف اصابيعي عالسريع وصلت للحمام دخلت غسلتهن احس شاطت روحي الله ياخذكم اني اجابني لهيج مكان شكول عليج ناي من ورطتيني

نشفتهن عالسريع مديت راسي ماكو احد استوني اطلع واسمع صوت سهيله جاي من الغرفه تحجي ويه احد اتكله يمه جدتك اتكول وهيه دكت صدر تحميك

حسام.   يمه اخاف من ابوي اركان يذبحني هاي حرمته

--مايلحگ تخلص العيبه وياها منا وتطفر لبيت جدتك ام عامر دخل يم جدك ماينطيك

--والله يمه يذبحوني مايكدرون لابوي اركان هاي اذا مادخل جتل البيت كله حتى يحصلني

--مايچتل ابن اخو  بس يتجز نفسه من حرمته ولك اذا ماسويت هيج حلانه كله يروح بكرشها وتاخذه مثل ماختها خذت خالك  غيث بعد مادحگ وجهه يلا يالسبع

--روحي ناطريني يم الباب اخاف احد يجي ماطول دقايق كالها وطلع بسرعه مالحكت اتحرك صار بوجهي باوعلي وضحك  -----

لاتنسون التصويت ♥️