(NOTE: Please don't steal this poem I just made kasi ito po ang gagamitin namin ng aking partner for our performance task in Filipino tomorrow. I'll edit this once we've finished performing this, upang i-grant ko sainyo ang permission na gamitin ito. THANK YOU!)
KAMUSTA KA NA?
Kamusta ka na? Congrats dahil sa wakas naka-graduate na tayo ng hayskul
At mga importanteng bagay na rin ang ating hinahabol
Sana naalala mo pa rin ako, pati na rin ang mga pinagdaanan nating dalawa
At huwag mo sanang kalimutan ang matatamis nating mga ala-ala
Kamusta ka na? Ang tagal na diba? Noong huli tayong nagkita
Ngunit, ang pinakahuli at pinakamasakit nating pagkikita
Sa araw na 'yon sinabi mong "pagod na akong mahalin ka, tama na"
Tama, hindi na maibabalik pa ang dating pag-ibig na mayroon tayong dalawa
Kamusta ka na? Balita ko may bago kana raw
Siya'y mabait, maganda, matalino, at palagi mong hinihiling
Siya'y kagaya rin ng isang bulaklak, isang bituin na sa wakas iyong narating
Iyong bagong tahana't mundo, iyong buwan at araw
Kamusta ka na? Sana natandaan mo pa rin ang ating mga pangako
Akala ko, sabay-sabay nating tuparin ang mga iyon
Pero, tingnan mo kung anong nangyari? Iyon ay napako
Natatawa ako, ilusyon lang pala 'yon, at sa iba kana nakipagrelasyon
Kahit masakit, umaasa't nagbabasakaling baka bumalik ka sa akin
Pero malabo nang mangyari 'yon, tiyak puso ko'y iyong wawasakin
Sawa na rin akong pakinggan sa mga salita mong puro kasinungalingan
Lumalamig na ang ating pagmamahalan, hindi na rin tayo nagkakaintindihan
Hindi ko inaasahang ang noo'y matamis nating ngiti
Ay hindi rin inaasahang matatapos sa isang hikbi
Oo, minahal kita ng husto't walang pagsisisi
Pero iniwan mo akong nakalutang sa ere ng walang sabi
Sana ika'y maayos na nagpaalam
Kahit ako'y iyong naiwan, ay klaro't mayroon sana akong alam
At sa lahat ng mga salitang ating binigkas
Ay mayroong malungkot na wagas
At nang nakita ko na ulit ikaw at ang matamis mong ngiti
Tanggap ko nang hindi na 'yon para sa akin, di ba naman?
Para na 'yon sa tinatanggi mo't pinili
Para na sa babaeng iyong ipinaglaban
At noong dahan-dahan na siyang lumalapit sa'yo sa ating tagpuan
Hindi na maalis-alis ang iyong titig sa iyong kasintahan
Nang kayo'y magkalapit na, kamay niya'y iyong hinahawakan
Pinalaya na natin ang isa't isa, kupas na ang ating nakasanayan
Ayos lang ako rito na minamasdan ka, pinipilit ko pa rin ang sarili kong sumaya
Masaya ako dahil binuo't inayos kita, kahit ako'y iyong sinisira
Masaya ako dahil binuo kita, ngunit ika'y itinadhana sa iba
Masaya ako dahil ipinagtagpo kayo ng Mahal nating si Bathala
Bago ako lumisan sa ating bayan
Sapagkat mag-aaral na ako sa ibang paaralan
Ay binisita ko pa rin ang ating tagpuan
At sa mga oras na iyon, ay nakita kita kasama ang iyong kasintahan
Tunay nga siyang diwata o kabilang sa mga tala
Ingatan niyo sana ang isa't isa dahil parehas kayong kayamanan
Ipinakilala mo ako sa kaniya ngunit tawag mo na sa akin ay "kaibigan"
Umalis muna siya saglit at binigyan tayo ng oras para makipag-usap ng walang alinlangan
"Ikaw, kamusta kana?" ang naging tanong mo sa akin
Huminga ako ng malalim pinipigilang hindi maging iyakin
"Ayos lang ako" ang tanging sagot ko
"Salamat sa lahat, sana mapatawad mo ako" ang sinabi mo sa akin
"Matagal na kitang pinatawad, huwag ka nang mag-alala pa..."
"Dahil mahal kita sobra, ngunit matagal na kitang pinalaya"
Sabay kaming ngumiti
Nawala na ang bigat sa aking puso, ito ang pagwawakas na matagal ko nang minimithi
Dumating na ang babaeng mahal niya
Nagpaalam na silang dalawa, at masayang nagpasyal
Para makabuo pa sila ng mga ala-ala na espesyal
Na katumbas sa mga magagandang selestiyal
Maraming nagsabi sa'kin, nakilala ko ang maling tao sa maling panahon
Pero sa'kin, siya ang tamang tao na saktan ako
Siya ang tamang tao na nakapagbago, na sa akin ay inaahon
Lahat ay may dahilan, lahat ng mga sakit ay tanging temporaryo
"Ikaw, kamusta kana?"
ScarletVidia
2023