الكاتبه: LARAN❤️
تانيتك بحيره وحِزن
اب مختلف وي الابن
لا بي يضل مزاعله
ولا بي يروح يصالحة
غمضت عيني وصورتك
تنشاف كلش واضحة..
(part 49الـ)
( ليالي الجحيم12:00)
مهم: لاتنسون التصويت والمتابعه للحساب داده🔴"
مشتاقه حيييل للمشتاقيلي والي احترمو فتره غيابي ووڪفو وياي والي طلع وجهم الحقيقي فـ مع الاسف اي والله المهم
بنياتي الي مشتاقيلي يمه مشتااااقه
جقنيي بوسه زڪطن نعولتجن ودخلن
.........................
.
.
.
.
.
اشمك من لذيذ شفاك واتغنة وآسكر من اضوگ البيك🫀.
- انفتح الباب ودخل اشهـم تعبانه وشعره نازل ؏ عيونه ويدخن مغير ملابسه لابس اسود راح يم عمه وداد وباس راسها وسند راسه ؏ حضنها وهيه مسحت ؏ شعره
- اصبرك يعمه مدري تصبرني هسه
::- انا عمه انا صبريني منتهي عليها غــادي تراب وراها
- اسم الله عليك عمه
::- بيدي شايلها وتعصر بيدي وتڪلي اشهمـي مو تعوفني خايفه اني اشهـم ابقى يمي حـدر يمي
- سوده عليه ياأمي ويني عنج
::- ادعيلها عمه هيه بنتج وانتِ والده
- ادعيلها يوم ادعيلها
- جاي نحجي وسمعنه صوت حسن عالي بره فز اشهـم من حضن عمه وداد وطلع يرڪض واحنه فزينه وراه
اول حچايه اجت بذاني " راح نخسر المريضه "
بقيت اباوع ؏ الصريخ الي ملى المستشفى
والدڪاتره ترڪض واشهـم وڪفت بي عداد الساعه
ثاني حچايه ملت ذاني حچايه انوار
" لاااااا اييييڤ وتعوفيني دفتررج والمڪتوب للنص ايييييڤ لتعوفيني ذاڪرتج والسوااااااالف لاااااا "
- صار طنين بأذني احس راح ينغمي عليه عمه تلطم ؏
صدرها وتزلغ بوجهاا المُستشفى انخبصت
ماحس غير طار طير اشهـم من بيناتهم دفع الدڪاتره وراد يدخل للغرفه منعوو دفعهم وجووه اسمعه يصيح ويصرخ
وجهي صار اصفر وبقيت ارجف بمڪاني مجاي اعرف شديصير
- بتيييييي يمه بتييييي
:- بقينه واڪفين نريد نفتهم السالفه ماڪو بس دڪاتره ترڪض للغرفه اخير شي سمعت صوته صاح
::- ياعلييييييي أييييڤ منك ردتها ياعلي
:- ماڪو هيج عشر دقايق اشوف اشهـم طلع لابس جفوف مترروسه دم وشعره منڪوش طلعو من الغرفه راحتله عمه وهوا ڪعد ؏ رڪبه بالڪاع وسجد يبجي
- هاااا ولك عممممه احجييييي بتي بتتتتي عمه
::- عدتهااا عدتهاا عمه عدت سبعه ايڤ
:- ماتعرف عمه من الفرحه شتسوي غير صرخت وتخربطت ولزمتها انوار وفؤاد وحسن
بقى اشهـم مدنك للڪاع واني وانوار لحد الأن بحاله صدمه مامتوقعيها ابد بربع ساعه نڪلبت المستشفئ ڪلاب وهسه غير شي شنو هاي شديصير!!!..
......................
غواش مأذيني ؏ عيوني وصداع براسي يرن
صداع براسي يأذي ايدي تبززني من الوجع الم بڪلبي موطبيعي هيج يزرف بيه زرف من الوجع
عضيت ؏ شفايفي بتعب محتاجه مي " اشهـم اريد مي" اول اسم اجه بلساني اشهـم
::- مات وراج اشهـم
:- بقيت اسمع صوته وصارت اصوات وراه هواي ماڪدر اشوفه عيوني تأذيني وجسمي يأذيني بقيت اعصر بالفراش من الأذيه شويه وحسيت احد يفتح بعيوني
الدڪتور: بابا ايڤين تسمعيني!!
:- امم
الدڪتور: تشوفيني هذول شڪد؟
:- فتحت عيوني غواش موطبيعي حسيت مي بعيوني بقيت اشوف بس لحيه الدڪتور ومغوشه ، ماشوف
الدڪتور: غمض عينج وشوي وفتحيهم
:- بلعت ريڪي وبللت شفايفي غمضت عيوني وصحت بصوت خافت .. اشهـم اشهـم وينه
::- يندارلج فدوه اشهـم جيتج
:- حسيت ايده الضخمه دافيه لزمتني عصرت ايده وبقيت مغمضه عيوني
الدڪتور: هسه فتحي عيونج شوي شوي ولا تباوعين للضوه
:- درت وجهي خفيف ؏ غير جهه وبقيت افتح عيوني شوي شوي شفت ملابس سود وايد ضخمه بيها وشم عرفته اشهـم عصرت ايده ورفعت عيوني عليه شفته وعقجت وجهي
::- جاعد تدحچيني لو لا يولي؟
:- اممم اشوفك
::- هذا شڪد
:- طلع اصابعه الاثنين وڪتله ثنين
الدڪتور: الحمدلله عدت مرحله الخطر بعد
::- الف الحمدلله
:- بقيت اباوع بالغرفه ، وين اهلي
::- ڪلهم بره وامج بغرفه متخربطه يمها البنات
:- اريد اشوفهم
::- ارتاحي نص ساعه وتشوفينهم
:- جاب ڪرسي واجه ڪعد يمي يعصر بأيدي ويباوعلي بقيت اباوع بعيونه وحسيت صرت اتذڪر شوي شوي
::- لو تأجلين الحجي بعدين
:- ڪُلشي خلص بيني وبينك
::- مو بڪيفج
:- خلي اصحى واعرف شسوي ڪافي هواي دستوني ودمرتوني بيدڪم واني متحمله مثل اللعبه صايره
::- اشش اشش ولا حرف تحجين تبهذلت لجلج وانتِ هيج تجازيني يازماله
:- صيح اهلي ماريد اشوووفك ياقذرر
::- لو مامريضه جان عرفت اجاوبج بس هين
:- خاين انت وزانيييييييي ياحرام .. ماحسيت غير لزم ايدي عصرها بالزايد ولزم فڪي فد تأذيت
::- ڪلمه زاني اذا تطرينها بعد مره وربج اشڪج واتعبج
:- وخررر عني اذيتني ايدييي روح صيح لأهلي
::- هين ايڤ انا تمرمرت لجلج وانتِ تقابليني هيج
:- طلع وسد الباب حيل وراه غمضت عيوني ونزلت دموعي واني اتذڪر هذاك اليوم من وصلت
شفت خالتي ريم نايمه ؏ صدره وتريد تذب ملابسها وملابسه وهوا نايم ويصيح بأسمي ماتذڪر بعد بس من اندفع الباب ودخل اشهـب وماحسيت بشي بعد
عصرت الفراش واني احس بنار تحرڪني فوك الوجع
شلون سووووت هيج شلون الها نفس!
اني متعجبه ومصدومه لحد هل لحضه هاي
خالتي ياناسسس ياعالم خالتي وهذا زوج بنت اختها!!
انفتح الباب ؏ السريع ودخلو اهلي حسن وفؤاد وانوار وريم وحتى ماما وعمي وعمه هدئ
هواي جاين
حسيت الغرفه نملت ابتسمت ونزلت دموعي بوجع واني اشوف ماما مفرفح ڪلبها اجت عليه طايره وحضنتني وتبجي
- ياروحي يايمه راح ڪلبي عليج صارلج ثلاث ايام
واني لا ليلي ليل ولا نهاري نهار
:- بقت حاضنتني وتبجي واني ماڪدر احضنها متأذيه
بقو يتحمدولي السلامه واشهـم مجتف ؏ صفحه وبس يباوع اخير شي اجن البنات انوار وريم حضنتني وانوار شاورتني
- ڪسرتلج خالتج البربوك تڪسر
:- درتلها وجهي وهيه ابتسمت وتهز براسها
- شلون صرتي ماماتي
:- وجع قليل عندي
- خلصتي خلصتي من هل مرض بحيل الله وآهل البيت
:- هزيت راسي واني اريد اڪل اشهـم هوه ونضراته
ماما ابويه وين ماشفته؟
- نسيتي هوه جان طالع من المستشفئ وطلقات ميڪدر يطلع من البيت بعده جرحه رطب
:- هزيت راسي وسڪتت وهمه يسولفون يمي
::- عمه لازم ترتاح هسه صار وقت دواها ونسئل الدڪتور يمتى تطلع
- اي اي صح عماتي انتَ
:- هز راسه وطلع واني اخزر بي اجت عيني بعين حسن شفته يباوعلي ومرڪز بيه شتت نضراتي عنه وبقو ساڪتين وانوار تمسح ؏ ايدي وريم يمي جان تحجي
- ولج لو تشوفين شسوينه بيها تموتين ضحك
:- انصدمت عزاا ريم وين تدري وهيه يمڪن افتهمت
- لا تستغربين احنه خوات وأيد وحده وانوار انتختني وياها اروح نڪتلها وبردنه ڪلبج ولو شوي
:- عضيت ؏ شفايفي بقهر شيبرد ڪلبي ريم لج سالفه متتسولف المنو اسولفها ميصدك
- حقج حقج بس لا تسڪتين عنها وعن حقج
:- خلي اصير زينه واعرف شسوي شويه ودخل اشهـم والدڪتور
- المريضه لازم ترتاح اليوم حتى نطمن عليها وباجر نشوف نسجل الها خروجيه او لا وهسه لازم تشرب سوائل حتى تشرب علاجها او بالاصح هاي الفتره تشرب سوائل واشياء خفيفه عند نزولها للمعده
:- بقيت استمع اله وهمه استرخصو وطلعو بس ماما بقت واشهـم
::- عمه انتِ روحي للبيت ارتاحي وغيري ملابسج وطمني عمي وتالي حــدري هنا بالليل
- لا عمه يبقى بالي يم بنيتي منو يبقى يمها
::- انا ابقى يمها واخذي البنات وياج زحمه مرت المرحوم هنا وتعبت وانوار بتڪم حامل وتعبتو انتم
:- بقيت صافنه ؏ ڪلامه شلون قنعها ويريد يوديهم ڪلهم حتى ماعرف شيسوي اجت ماما باستني وطمني شوي وتجي
واني الوجع مسڪتي والدوه سطرني
اجه حسن ومقبل يروح وهم قنعته ماما باسني وحضني ويهمس بذاني
- الي ڪعده طويله وياج حبيبتي
:- عصر ايدي وباس ڪصتي وطلعو اول مانسد الباب دار جسمه عليه وهوه يتنفس سريع
::- تعبتيني
:- راح اخلص منك بڪل وسيله بس ارجع لعافيتي
::- هذا حلم من احلامج وشيلي حتى من احلامج
:- نتراهن واتحداك راح اروح ڪبال عينك واعيش حياتي ويه غيرك وويه نفسي وحياة جديده بدونك
حجيت هيج وعيونه نملت دموع ويعض ؏ شفته
::- ولج وحق ربج ادفنج بڪاعج لا تزودينها عليه وتستغلين وضعج وانتِ مريضه ترا أذيج بغير طرق
:- صح انت هاي شغلتك حجيت هيج ماحسيت غير شال الغراض وضرب بالڪاع وصاح
::- لج يوووولي ڪافي وربج راح اجرم بيج اذا تبقين هيج
:- درت وجهي منه لغير صفحه واني ڪلبي نار وايدي ترجف نزلت دموعي بضعف راح اتخبل خالتي!!!
اشهـم زوجي شلون شلوون ياربي ثبت العقل عندي راح افقده ..
بقيت ابجي ؏ الخفيف محترك ڪلبي نامت بحضنه؟ ڪعدت ؏ صدره؟ شمت عطره ؟ ميته ميته
::- لاتبچين
:- بقيت ساڪته حسيته تقرب يمي ولزم ايدي ردت اسحبهم بس تعبانه وهوه قاومني
::- وداعت امي يا أيڤ مو نفس تفڪيرج اصلا بالأساس الي تفڪرين بي شيلي من بالج
:- خالتي وانت اشهـم
::- خرب ** خالتج
:- لتڪفرررر ياحقيررررر لتڪفر
::- شڪيتيني شك بخالتج ادري سندريلا هيه ومادري لج والله ماحس بشي ولا ادحج غواش ؏ عيوني وجسمي بايد من ضربه السلاح الصوبتيني بي ياخوش مره
:- ولو بيدي هم ارجع واصوبك هم
::- ڪلها صارت ؏ اشهـم بيمن ترديني اربح؟!
:- شلون شلوون محسيت
::- لج زماله يولي صارلي ساعه شرطن لج ماحس مغوش ؏ عيوني مصخن جسمي تعبان وبس عطرج بخشمي يدخل حسيت احد رش عطرج حسبالي انتِ وهيه ماطلعت صوت شلون ترديني اعرف !!!
:- بقيت ساڪته واستمعله ڪلامه ڪله صح بس ڪلبي ميقتنع محروك
::- وربج يا أيڤ هاي خالتج اذا ماشڪيت ڪ*** بيدي ماطلع ابن امي انا تسوي هيج وياي؟؟
:- اريد اطلع من المستشفئ
::- ببيتج ماڪو غير بيت
:- اريد يم اهلي
::- سويها وشوفي شيجرالج
:- درت وجهي عليه اخزره وهوه ڪام من الڪرسي ويمسح بأيده ؏ السريع صارت عيني ؏ جف ايده صاير احمر ويمسح بي ولمن رڪزت شفته دم!!
::- انا طالع هساع اجيج
:- راد يفتح الباب ؏ السريع ويطلع وصحتله دارلي
::- ها بابه شمحتاجـــه؟
:- شنو هذا الدم
::- يادم؟
:- الي بأيدك .. نزل عيونه لأيده ومسحها بأبتسامه
::- هذا صوابــچ نفتح
:- طلڪني
::- صـار
:- ابتسم نص ابتسامه بتعب وطلع غمضت عيوني والدموع حاره بيها اريد اصرخ من خنڪتي
حبيته!
صرت اغار عليه!
نار بصدري اله!
عيونه تذبحني!
لاااا لاااا موهيج أيڤ مو هذا الخططتتت اله خططتت اڪسررره خططت اوڪعه لا اصحي ارجع ڪملي البديتي بي .. بقيت مغمضه عيوني تعبانه ماعرف شلون وغفيت
::- شلون تردين تعوفينــي يولي انا ما ادحج لغيرج!
:- حسيت بنفسي بديت اصحصح واسمع صوته
بقيت مغمضه عيوني واستمع اله
::- نار غاديه بصدري عليج ماسويها وروح امي
:- عصر ايدي وباسها احس رجفت فتحت عيوني بقى يباوعلي بضياع واني اقابله بقهر ودموع
::- أيڤيني
:- مشمئزه روحي منك ؏ فراشي صارت!
::- ادري يابابا انا نج*** و؏ فراشج صارت
:- اششش اشش ولا تحجيها وتڪمل بس نطلع تحررني منك ومن سجنك ومن حياتك وتعوفني بحال سبيلي
::- الله ڪريم مو بڪيفج الحجي
:- اريد ماما اريد اهليييي انت شعندك يميييييي
::- صوتج مايطلع ادبسزز
:- لزم ايدي وعصرها قرب راسه وقاوم صوتي وڪلامي من طبك شفته ؏ شفتي
احس راسي صدع ولعبت نفسي ريحته ڪُلها جڪاير رغم احب ريحة الجڪاير بقيت ادفع بي لأن راح اتقيئ دفعته حيل وشرمخته
::- خرب روح ابوج الڪواد من ساعتج لهذا يومج تأذين بيه والمقابل اداريج واحافظ عليج زماله
:- وخررر عني حقير وخرر بقيت امسح بشفايفي ودموعي تنزل
::- لتمسحين شفتج لا اشلعها الج وربج
:- حقيررر سايڪووو مجرممم حجيت هيج صفن بوجهي صغر عيونه عليه بترڪيز ومسح شعره بحراره
::- ڪلتيلي سايڪو موو
:- ايي ومجرم حقير شوف شراح اسوي بيك
::- امممم ناويه اطلعين السايڪو الي تحتي
:- بقيت ساڪته وانطيته ضهري واعصر بالفراش مختنڪه اريد اشهـَـم وماريد الي شفته
احس راح انفجر اذا ابقى هيج
بقيت بالغرفه وهوا طلع يدخن بره مر حوالي ساعه احتاجيت التواليت ومابيه حيل اڪوم اجيت ابجي واني احس تدررت ؏ روحي
غطيت روحي باللحاف وعصرت وصرت انشغ بصوت عالي واصرخ من الخجل حضنت روحي واني اتوجع انفتح الباب بفزعه شافني ابجي ورڪضلي
::- شبيج بنياتي شبييييج
:- لا تقترررب منييي وخر وخررر بسببك ڪُله بسببك بقيت ادفع بي حتى لا يشوف شي ولا يحس بشي انتبهه لعيوني ونزل راسه بقى يباوع للفراش واني لزمت ايده وعصرتها من الخجل والدموع
::- مصار شي باباتي اهدي زوجج انا لاتستحين مني
اشيلج هسه تشيليني بڪبرتي
:- راح سد الباب وقفله وجانت موجوده جنطه سوده نزلني من الجربايه وسندني عليه
::- تمشين لو اشيلج؟
:- تدمر ششلون تشيلني
::- ميخالف اصيرلج تراب واغديلج فدوه
:- عصرت ملابسه ورفضت اخذي للحمام الي بالغرفه سد الباب وجنف ردانه بقى ينزعني ملابسي وصدريه المستشفى مني
واني اغطي بجسمي منا ومنا غسل الي ولبسني ملابس وشطف جسمي وسمه عليه بقيت انتبهه ؏ معالم وجهه صار احمر ويتنفس سريع ويعض بشفته متوجع
ومعرفت شبي مادري ماتذڪرت بوقتها جرحه لبسني وغسل وجهي وشعري وذب حجاب عليه طلعني ومددني ؏ الڪرويته
::- ابقي نايمه هساع اجي
:- هزيت راسي وهوه راح للجربايه سحب البطانيه والجرجف وطلع وسد الباب صفنت بالحايط ورجعت بجيت والرجفه اخذتني شوي ودخل جايب فراش غير فرش الجربايه بي واخذي شالني بحضنه وخلاني ؏ الجربايه
::- هساع عمتي راح تجي وتجيبلج شوربه وياها تا تاڪلين وينزل شي لمعدتج قبل ادويتج ويجي الدڪتور يشوف وضعج
:- بقيت ساڪته ماجاوبته مر وقت لابأس بي نفتح الباب ودخلت ماما وحسن احس مي بارد نزل ؏ ڪلبي ابتمست ماما والدموع صارت تلالي بعينها
- روحي راحت وياج أمي انتِ
:- اسم الله عليج يوم
- الحمدلله ؏ السلامه بنيتي
:- ابتسمت بوجهه حسن وجاوبته وعيوني راحت لأشهـم يعصر بأيده ويعض ؏ شفته تجاهلته وماما باستني وحسن اجه حضني بقيت معلڪه برڪبته تعبانه ومخنوڪه باس راسي وهمس بذاني
- ڪلشي يعدي وتصيرين بخير بس ساعدي روحج
:- هزيت راسي وماما عدلت ڪعدتي وبقت تشربني الشوربه والعصاير اخير شي شفت اشهـَـم عيونه حمر والدموع بعينه طلع من الغرفه ؏ السريع حتى بدون ميترخص حسن بقى يباوع وراه ويهز بأيده
- والله اذا يطلع اشهـَـم هوه وراه طيحتج هاي يابه وحق الله اموته بيدي هل انسان الغامض هذا
- عيب ماما عييب شنو هل حجي زوج اختك هذا شنو اله دخل بوڪعت اختك شدتحجي والله لو يسمعك ويخشن خاطره منك ماأرضى عليك
:- بقيت ساڪته ومستمعه الهم ولا نطقت حرف بس الي جاذب نضري ماما تحبه حُب مو طبيعي ڪأنو ابنها بس لو اعرف شسوالها وهيج حبته بساع!!!
شربت علاجي شويه ودخل اشهـم وبضهره الدڪتوره يعني وراه عدلت حجابي واجه الدڪتور يطمن ؏ وضعي ويفحصني ويفحص مڪان ڪَلبي
::- من رخصتك دڪتور لو تخليني انا افحصها
:- ضحك الدڪتور بوجهه اشهـم وڪأنو عرف اشهـم شنو بي اخذ الغراض من الدڪتور وفحصني بداله وبقى يسئلني بدال الدڪتور انو اتوجع او لا جان يحجي الدڪتور
- انه افضل لو ترتاحين بعد يومين بالمستشفئ ونطمن ؏ وضعج النهائي ووضع قلبج حتى ليصير مضاعفات وأضرار بعد العمليه
:- ردت امانع واشهـم سبقني
::- ماشي دڪتور الي تشوفو مناسب سوي
:- ترخص الدڪتور وطلع وماما بقت فوك راسي تقره قرآن وحسن واشهـم بالغرفه شوي وحسن ڪام طلع يدخن بره
اباوع اشهـم عيونه حمر شغل جڪاره بالغرفه يريد يدخن ومبين نعسان بلعت ريڪي وبللت شفايفي
متنــام؟
::- عيوناتي جفاهــا النوم بعدج
:- غمضت عيوني واني متنهده ذب الجڪاره بالنفاضه لأن ممنوع عليه استنشق روائح واصلا ممنوعه الجڪاير بغرفة المريض
ذباها ومسح وجهه وهوه يتنهد ويذب حسرات تمدد ؏ الڪرويته وغطه عيونه بأيده ونام .. بقيت اباوع عليه وتأمله واني مقهوره منه وعليه
الاثنين داخلي تجاهه مقهوره من ومقهوره عليه
يمڪن صح ميسويها ويه خالتي بس هيه شلون الها نفس و؏ فراش بنت اختهاا المنضر ميروح من بالي!!
ذبيت نفس ماريد اتذڪر بعد لأن نفسيتي تعبت
غمضت عيوني ؏ صوت قرآت ماما وجان مفعول الدوه قوي بسرعه نمت ..
لهناك واسمع اڪثر من صوت فوك راسي
فتحت راسي واحسه مصدع ومقسوم بالنص من هوسة الافڪار الي صارت بي اباوع الدنيه صبح يعني من امس لليوم نايمه
شفت انوار ومروه وخالو فؤاد وابن عمي محمد واخو وعمه هدئ ووحده من خالاتي صايره هوسه بقو يتحمدولي السلامه وانوار ڪعدت يمي ولازمه ايدي قوي وتبتسم واني مطمنه
شوي وريڪتني ماما وعلاجي والدڪتور هم تطمنت عليه اباوع بالوجهه مابيهم اشهـم بقيت التفت بالغرفه بزيت انوار بأيدها ودنڪتلي
- ها شتردين؟
:- اشهـم وين ماشفته!! بقت تباوعلي وذبت نفس
- ضغطه صعد وراح يخلوله ڪانيولا وخشمه طك دم
:- نخمش ڪلبي عليه وفزيت بساع وينه وينه هسه
- راح بغرفه اخذو يتمدد
:- دنڪت راسي متوتره واعصر بيدي احس اريد ابادر هل مره اني اريد ابادر اله بس داخلي نار نار والله هسه ئيقنت هل مثل " النار ماتلسع اله صاحبها "
وهسه النار لاسعتني وڪاتلتني بمڪاني عليه احتاجيته بس داخلي يمنعني اريد ابادر تأذه علمودي بس هاي قليل بأذيتي الشفتها ويا!!
بس رغم هذا نسيييت نسيت اريد ابادر واروحله سحبت نفس طويل واني اتنهد تعبانه
اخذيني انوار اله
- وين اخذج ولج موزين عليج
:-اخذوني اله فدوه لخاطري انوار بقت تباوعلي بحيره
- والله ماعرف شڪلج أيڤ بس اصبري لعد
:- عدلت حجابي وهمه يمي راحت شاورت حسن واجت هز راسه وماعرف شنو همس الها واجتي
- يڪول خلي تصبر شويه بين مايروحن زحمه همه جاين علمودها وتعوفهم وتروح
:- هزيت راسي بس اني داخلي صار برڪان نار علموده همه يحجون وياي ويسولفون واني بالي مو يمهم وماعرف شنو اجاوب اصلا
هيج ثلث ساعه وترخصو وانوار بقتَ حسيت هل ثلث ساعه صارت عليه 3 ساعات و 3 سنوات عدلت حجابي واجاني حسن
- يعني مصره ترحين ايڤ تعبانه انتِ مابي شي هسه شوي ويجيج
:- اريد اشوفه حسن!
- صار
:- ماما بقت ساڪته تباوعلي ونضراتها جديده عليه مفتهمت منها شي لبست حجابي وعدل ملابسي والڪانونه وتجالي هوا وانوار
صرت امشي ورجليه خدرانه متسعفني شويه ووصلنه للغرفه رادو يدخلون ومنعتهم
- لزوم وياج واحد فوفه حتى يسندج
:- محاجه حبيبي اني اسند روحي ؏ الحايط لتخاف اڪدر امشي ماقبل ؏ تصرفي بس مراد يزعلني
راح وعينه عليه
بقيت لازمه الباب دخلت وسديته واني امشي ؏ ڪيف شفته نايم ؏ السديه وقميصه مفتوح منه 3 ازار والڪانيولا بأيده بلعت ريڪي وعصرت ملابسي برجفه شصاير بي!!
رحت يمه ؏ الخفيف حتى ليحس بيه ومبين تعبان ونايم بعمق رحت ڪعدت يمه وسندت راسي بأيدي الاثنين واني اسمع انفاسه وصدره يصعد وينزل
بقيت اباوع ؏ تفاصيل وجهه واتذڪر من يضحك خفيف وتبرز غمازته لو من يدخن ويغمزلي وهوه يشرب جڪاير
لو من يتحارش بي تنهدت تنهيده جبيره واني تعبانه لزمت ايده خفيف وخليت راسي ؏ بطنه وبجيت
اشهـم هواي خليتني ابجي منك مو عليك
خليتني ابجي من الخوف والرعب والأذيه والي ردته خليتني ابجي منه بسببكَ ولا مره خليتني ابجي عليك من الحب من الخوف والقلق عليك
اله هسه اله هسه تغير ڪُلشي هسه دموعي تنزلك من الغيره والحب والعذاب والصراع الي ديصير داخلي متأذيه منه عصرت روحي ؏ بطنه بدون مادري وسمعت أنينه
::- اخ أيڤ اخ
:- نزيت ومسحت دموعي ردت اڪوم ونلزمت ايدي
::- انتِ تطيبيني بدل ڪلشي من دوه
:- ماعتقد
::- انتِ دواي فوفه دواي انتِ
:- فرڪت وجهي غمضت عيوني وذبيت نفسي
::- لا تتعبيني فوك تعبي انتهي وراج والله
:- مو انت الحچر الصلب الي تنهي ناس هسه تريد تنتهي وراي اني
::- غير عن الناس انتِ ڪلش غير
:- اريد اطلع منا
::- صبريلي يوم واحد واطلعج
:- تعبت اني
::- تعبج ذبي عليه يباا عادي
:- صفنت بعيونه بلع ريك وابتسم خفيف
::- حدريلي شوي
:- شتريد
::- بس حدري
:- ذبيت نفس قدمت روحي سحب راسي واخذ شفايفي ويدفع براسي عليه ڪأنو واحد عطشان وديشرب مي ويريد يرتوي دفعت روحي منه وبدون قصد مني لجمته بأيده
::- راضي حتى بأذيتج راضي بابه
:- مسحت شفايفي واني مطنڪره عليه
::- رجعتج وياي للبيت مو لغير بيت
:- نشوف
::- حدري نامي يمي
:- وين انام يمك مخبل انت احنه بمستشفى لو ناسي
::- ماناسي حدري يمي ومعليج
:- بقيت اباوع اله ومتردده اخير شي سحبني واضطريت اذب نعالي وصعدت ؏ السديه يمه وسوالي مڪان طلع تلفونه وماعرف ؏ منو اتصال
::- الغرفه الي انا بيها ممنوع اي شخص يدخل الها تسمع لو لا تمام
:- سداه وهوه حتى بالحجي يهدد ولاعنده هدوء
::- نامي بحضني يلا
:- درت راسي بصدره وهوه حضني
::- ماخنتج ولاسويت شي واذا تردين جيبي قرآن احلفلج عليه ماعندي مانع وروح امي ماسويت شي
بس خالتج ڪ*** وبيها فلفل من جوه وحيل مشتهيه الـ ع** فلا ادري بيها هيج مفلفله عليه
:- ضربته بصدره من ڪلامه يحجي بالخط العريض ولايستحي ابد حضني واني ماعرف بس ابتسمت بحضنه وهوه باس راسي
::- انا اشوفج وحده بهل ڪون هذا شلون اسوي هيج
:- عيوني بدت تقفل ماعرف شنو السالفه صرت انعس بساع بساع ..
فتره طويل واحس نفسي بفراش اريح وانصى شوي
بسرعه فزيت وشفت روحي ببيت اشهـم وبغرفتنه والڪلوبات مطفيه
وضوه خفيف من الشباك يدخل انتهبتت ؏ خياله واڪف يم الشباك يدخن غمضت عيوني واني اذب نفس شجابني شوصلني شصار؟
عدلت ڪعدتي وهوه سمعني طفى الجڪاره
واجه يرڪض عدل نومتي وهوه مبقى الڪلوبات طافيه ويباوع بعيوني وبس ضوه الشباك ضارب بوجهه ومخليني اشوفه
::- صح النوم بابه
:- شوصلني هنايه اهلي وين؟
::- غبتي عن الوعي يومين وبالبيت جبتج واهلج قبل ساعات راحو طبعا من بعد ما أمنوج عندي
:- حجه هيج وباس خشمي وڪلامه ممرتاحتله ولا يطمن عافني وطلع من الغرفه والشك صار ياڪل بعقلي
تسحبت ؏ ڪيف وشفت خياله من دخل المطبخ بقيت امشي وصلتله شفته ورث جڪاره واستڪان جاي بارده يمه!!
بقى يسوي حرڪات تدل ؏ انو هوه تعبان
وميوزن تصرفاته ابد ميعرف شيسوي ممرتاح
ساعه يمشي خطوه ساعه يرجع ويباوع للجڪاره
يباوع لستڪان الجاي يمسح عيونه يمسح ؏ شعره ووشواربه يفتح قميصه دنك راسه ؏ السنك وهوه يهمس بغضب ماعرف شنو
دخلت للمطبخ واني خايفه ومتوتره منه ومن تصرفاته شبي ماعرف دار جسمه عليه وعيونه حمر ويباوعلي تقدمت عليه ولزمت جتفه واني ساڪته اباوع صار جسمه يهتز يبجي
:- وڪفت ڪباله واباوعله بقهر وهوا مدنك راسه ويهتز من البجي
::- متتتتت موتونيييي وووولج نهونيييي وراها ول خالي انا انتهييييت وراهاا انتهيت
:- ضرب ايده بالسنك وڪسر الڪلاصت الدم بده ينزل من أيده سحبني وحضني ويهتز من البجي وهوا يدفع راسه برڪبتي وصيح بوجع ،
::- متتت والله متتت طيره متتت وراهااا تعبتتتت تحولت انسان ثاني من الشفتو
:- رفعت ايدي ومسحت ؏ شعره وهوا يهتز جسمه من البجي احس داخلي صار يأذيني عليه حيل بقى يهمس بصوت تعبان
::- باليوم اموت الف موته واحييه مره وحده بعدها
:- تعدي بس تناساها
::- موبيدي امي هاي لو ميته عادي اقبل والله
:- اشش اسڪت تعال ايدك تنزف
::- عساني بالموت
:- سديت شفايفه بيدي اششش اسڪت سحبت ايده وغسلتها والدم ينزل بغزاره منها نشفتها واخذته للصاله
اتحرك خفيف لأن جسمي بايد ماعرف شبيه
جبت لاصق جروح ولفاف عقمت ايده ولفيتها بقى يباوعلي رجع جسمه للڪرويته ويباوعلي
::- احبچ
:- مشڪور
::- خرب روح ابوج الڪو**
:- لاتغ..
::- اششش اش لاتڪملين روحي نامي
:- انام احسن من ما اڪابل وجهكَ عفته ورحت للغرفه مقهوره منه هاي فوك ماساعدته يغلط ؏ بابا
خليت وتغطيت لهناك واحس الجربايه نزلت وهوه اندحس بضهري
::- اموت ؏ ربج بت الڪلب
:- سحبت نفس ردت احجي وسد حلڪي بيده
::- اشش نامي بحضيني والصباح رباح
:- سڪتت غصباً عني ونمت ..
::- فوفه ايڤيي ايڤ ايڤونه
:- ڪعدت وهوه يصيح بذاني
::- ڪعدي تريڪي حتى تشربين علاجج وتسوين تمارين
:- عوفني نعسانه
::- مو بڪيفج لازم تشربين الدوه ؏ الموعد
:- بقيت نايمه لحد مسحبني من الفراش وغسل وجهي اخذني للمطبخ صار يسوي وصل صغار ويوڪلني لحد مشبعت وشربت عصير برتقال مسوي الي طبيعي جابلي الدوه وڪعد يشرب بيه
::- صحه وعافيه
سلامه بابه
تطيبين لتخافين
صحه بالعافيه
:- بقيت صافنه بوجهه يحيرني هل انسان حيره موطبيعيه ابددد
::- البيت نضيف بس ڪعدي سوي رياضه ڪتبتها الج بالورقه راح اروح للمستشفى ماطول عليج واي شي تحسين بي اتصلي عليه
:- هزيت راسي وهوه باس راسي وخدي وراح بقيت صافنه وره أثره اخير شي ڪعدت اسوي الرياضه لحد مخلصتها
وحسيت براحه وهاي الرياضه لتقويه شراين القلب والاوعيه الدمويه وحتى تخفف من سرعة القلب
خلصت وتمدتت ؏ الڪرويته مر وقت طويل والساعه صارت بـ 3 هستوني غمضت عيوني اريد انام وانفتح الباب ودخل اشهـم
::- بنياتي نعسانه تأخرت عليج مو؟
:- حيل تأخرت وين صرت
::- شغله مستعجله صارت عندي هساع اجيج
:- دار ضهره ؏ اساس يودي الأڪل للمطبخ وشفت مسدسه بضهره انصدمت شجابه وهوه المسدس بالغرفه
لثواني رڪزت بملابسه السود لعد وين بدله المستشفى هنا تأڪدت اڪو شي صاير اجه غير ملابسه وصب الاڪل وجابه يمي
بقيت اڪل بدون نفس وتفڪير شوي ورن تلفون اشهـم معرفت منو اله لمن حچه
::- عمي الغالي الطييب الوفي اليوم ذاڪرني
:- رد عليه وبقى يهز براسه ونعقج وجهه
::- هله بيهم الله ڪريم سهله اشوف ايڤ هسه
:- سده منا وسئلته .. شنو شصاير؟
::- اهلج يردون يجون
:- وشنو تسئل ايڤ شصاير!
::- من يجون تعرفين
:- هزيت راسي وشبعت وهوه غسل المواعين وشربني ددوه صارت بـ 4 ونص اندك الباب ودخل حسن وماما
ڪعدنه وهيه تطمن عليه اخير شي حجت
- يلا ماما حضري ملابسج ترحين يمنه هناك فتره
:- هزيت راسي واني فرحانه وعيون اشهـم صارت دم ويضغط ؏ ايده بعصبيه
ڪمت للغرفه وطلعت جنطه جبيره اريد انهي ڪُلشي بعد طلعتي منا هل مره انفتح الباب ونسد ونقفل التفت شفته اشهـم قفل الباب ويباوعلي بعصبيه
::- وين تردين
:- لأهلي لو ممنوع
::- ماڪو روحه
:- لا والله اروح هل مره
::- روح اهلج لو الروحه اختاري
:- صفنت بوجهه بتعجب والدموع انجمعت بطرف عيني .. اطلع بررره مجرمممم تعبت منك تعببتتتت دار وجه ورفع راسه يتنفس سريع
دار عليه واجه بأتجاهي رجعت لميز التواليت والعطور طاحت صاح بوجهي:- ڪاااااافي ولج ڪاااافييييييي خسرررتتتت هووواي ڪااافي
شال ايده وضرب المرايه وتناثرت أجزائها ؏ الڪاع صرخت برهبه وبقيت اعيط ، مووتتني جرحتني ڪافي ڪاااااافي خليتني جوه جناحك الڪسرتني ڪافي
سحب نفس بتعب وڪال:- ول خالي انا التعبان مو انتِ والله مو انتِ ..
:- لميت ڪل ملابسي ودموعي طاحت اڪيد هسه ماما سمعت وراح تڪعد تستفسر لميت الجنطه وعفتها مشيت ردت اطلع
دفع ضهري ؏ الباب وقفله مد ايده لخصري وعصره خفيف شهڪت من الوجع ولزمت ايده
::- اششش خليني
:- أذيتني عوفني مريضه اني
::- ولاصوت ولا نفسسس
:- لزم عيوني بأيده وغمضهم جسمي رجف وعصرت جتفه قوي باس عيوني ونزل لخدي شماه نزل لشفتي اخذها بين شفته قوي وسحبها أنيت خفيف وعيوني نعست وخر شفته مني وخله خشمه ؏ خشمي ويتنفس سريع
::- لاتعوفينــــي يباا
:- عوفني فتره ارتاح
::- انا اتمرمر بهل فتره والله
:- لاتضغط عليه اصير اڪرهك اشهـم!
::- اخذ نفس طويل وشدد حضنته.. يجرالج بابه خلاص روحي ارتاحي ولا تتعبين يمي
:- ضغطت ؏ ايده وباس ڪصتي
::- من راح ترجعين راح تعرفين هواي اشياء
:- بقيت اباوع بعيونه وهوه بردت نضراته الي عافني واني لبست واخذت الجنطه شالها عني وطلعنه رحت للصاله
باوعتلي ماما وباوعت للجنطه تعجبت شوي جبيره بس سڪتت سلمو عليه وطلعنه واشهـم يباوع عليه ويدخن وعيونه حمرر
حرڪنه واني درت من الجام اباوعله شمر الجڪاره قوي بالڪاع طلع سلاحه سحب اقسام ودخل جوه سد الباب احس ڪلبي نخمش بسرعه ضربت جتف حسن
- ها ها شصايررر
:- اوڪف اوڪف ارجع للبيت ارجججع حسن
- شبييج نخبصتي شصاااايرر خبلتيني
:- نسيت شي ارجع
- شنسيتي
:- من الخوف عطت ؏ حسن .. هسسسسه شبيكك رجعععع ارجع شنووو تسئل
- وقز القرررررررط ادبسزززز شنو هذا الصوووت زماله
- ميخالف ماما ميخالف اعذرها تعبانه ونفسيتها نازله
- نوصل وانه اعلمج
:- رجعييي يلا دار السياره ورجعنه للبيت فتحت الباب ونزلت ارڪض مثل المخبله ادك بالباب قتل نفسه!!
لو شراااح يسوي ليش سحب اقسام ودخل؟؟
بقيت اضرب بالباب بعصبيه وحسن نزل وراي متفاجئ من تصرفي انفتح الباب وشفت اشهـم عرڪان وبالفانيله باقي شافني وتفاجئ بشڪلي
::- شنو شنوو شصاير شبيج أيڤي
:- هاا بقيت ااباوعله وانبهت وجهي دفعته بتعب ودخلت للبيت.. لا بس نسيت شي بالبيت بقى يباوعلي بشك واني دخلت وهوه دخل وراي وحسن بقى بره
دخلت للمطبخ وسد الباب وقفله
::- ماناسيه شي اعرفج ليش رجعتي
:- بقيت اباوعله بخوف متحملت شمرت روحي بحضنه وهوه شالني من الڪاع شيل وهوه حاضني
::- افيييش خالي حضنج عافيه ڪامله اليه
:- بقيت حاضنته ودافنه راسي بصدره وهوه حصر جسمي ؏ الحايط ونزلني يبوس بيه بلهفه نزل لرڪبتي لوسط صدري شماه باس باطن ايدي
::- وروح امي احبـــچ
:- ابتسمت وهوه باس طرف شفتي
::- دربالج ؏ روحج زماله
:- ضربته بصدره ومسحت دموعي ولفيت حجابي
::- شو سمعيني صوتج
:- اي تمام ماشي
::- ينــدارلج فدوه اشهـم ويصيرلج تراب
:- ابتسمت وهوه عصر ايدي طلعنه للحديقه واني مستحيه من حسن ودعته وطلعت
- وينه الناسيته
:- اخذته ضميته
- اممممم
:- حسن زعل مني ويحجي من وره خشمه وياي صعدنه وفتره ووصلنه للبيت لڪيت سيارتين يم بابنه دخلنه واول مفتحت باب الصاله طشو جڪليت فوك راسي
( هلا بالجوڪليت مال المثغفين عييني جوڪليت)
:- ابتسمت واجنه البنات يسلمن عليه وعماتي وخالاتي بس الوحيده مموجوده هيه خاله ريم من خلخلت عضامها أمين يارب
اخير شي شفت بابا نايم بديوانيه الضيوف ؏ جربايه عفت ڪُلشي ورڪضت حضنته خفيف واني حذره من جروحه بقى حاضني واني ابجي من الخوف ومشتاقتله
- الحمدلله ؏ سلامتج باباتي ردت اڪون وياج بهل محنه مثل ماخططنه بس الحال حڪم والعالي راد
:- الحمدلله عدت بابا لتخاف باس راسي وڪعدنه يمه اتطمن عليه ولازمه ايده مشتاقتله شوي وترخصو يرحون وبقت ريم ومروه خابرت رجلها تبقى يمنه راحو وبقينه بس احنه
وحسن ڪعد بالديوانيه يم خالو فؤاد ومحمد ابن عمي وبابا ماما راحت تغير ملابسها وانوار اخذتنه لغرفتنه ورحنه جان تحجي انوار بحرڪة ڪَلب
- صيري زينه هذا الاسبوع أيڤ ونشتغل ريم خالتج الحيه
:- شوفي شلون راح اطلع حقي من عيونها
- شصاير شصاير
:- التفتنه لمروه الي متدري شي وڪعدنه نسولف الها
- يا يا بربوك والله عرفتها من عيونها طيحن حضها
:- بقيت اعصر بأيدي بحرڪة اريد هسه الزمها واڪطعها بسنوني تڪطع ومايبرد ناري ندك الباب ودخلت ماما
- شوي ماما بنياتي اريد احجي ويه ايڤ
:- ترخصن البنات بأحترام وطلعن ڪعدت ماما يمي ؏ الجربايه لزمت ايدي وتباوعلي ساڪته
- احجيلي
:- شنو احجيلج ماما
- ڪلشي
:- ماعندي شي
- ڪُلشي عندج ..
من اجه ابوج انتِ اختفيتي ووره ساعه فقدناج ندور عليج بعدين اجه اتصال انتِ بالمستشفى ولازم تسوين عمليه
ومساع عياط انتِ واشهـم اريد تفهميني لتخلين شڪوك بڪلبج ماما اني هم امج ولازم افتهم خوما اخلي حياتج هيج!!
:- تنهدتَ واريد اشوفلي جواب مقنع بدون ماحجي الحقيقه
- احجي لاتصفنين وتسڪتين
:- من اجيت عدڪم وبتت جنت زعلانه ؏ اشهـم لأن تأخر وعفته واجيت بتت يمڪم بعدين بيوم طلع بابا من المستشفى اتصل عليه يهذي وماعرف شبي حيل تعبان
انخمش ڪلبي عليه من الخوف وماعرف شسوي وشتصرف بسرعه بدون متدرون لبست وطلعت للبيت
من وصلت شفته نايم ؏ الجربايه وخشمه نازف دم ومغمض عيونه اني من الخوف عبالي مات صرخت منا وبعد ماعرف شصار لمن ڪعدت لڪيت روحي بالمستشفى..
احجي والغصه خانڪتني وتذڪرت الي صار
بلعت ريڪي وهيه بقت تباوعلي بحزن
- ومساع شبيڪم ماما هم خطيه ؏ ڪيفج ويا تعبان هوه وتعب حيل وياج من جنتي بالمستشفى
:- مساع مرادني اروح واني اعصابي تعبانه بقينه نعيط ثنينه بس بعدين راضيته مسحت ؏ راسي وباست ڪصتي
- الله يخليڪم ياماما بس هم خطيه هوه
:- هزيت راسي وابتسمت بوجها وهيه طلعت ذبيت نفس جبير همزين عدت هيج وماجفصت
دخلن البنات بقينه نسولف وتذڪرنه سجاد وبقينه نبجي مبقى ؏ اربعينته شي غير بس 4 ايام
بقينه وحده صافنه بوجهه الثانيه مرن يومين بدون اتصال اشهـم واستغربت هل شي بس سڪتت ماعندي ڪلام
ومر اليوم الثالث بدون ميتصل عليه وباجر
يرحون لأربعينية سجاد ويحضرون راح ابقى يم بابا وانوار منعوها تروح وموتت روحها من البجي
راح نبقى اني وياها يم بابا وهمه يرحون بليل قبل ليروحون اتصل عليه اشهـم وصوته خشن متغير
::- فتحيلي الباب بليل اجي يمج
:- هستوني اريد احجي وسد التلفون هذا شبي!!
حضرو الڪوستر وودعناهم بس حسن قبل ليرحون نوم انوار حتى متبجي وتتعب طلعو ودموعي وراهم وذبيت مي وراهم
سويت عشه لأبويه وانطيته علاجه وسويت النه عشه بين متڪعد انوار بقيت صافنه بالفراغ مر وقت طويل وصارت بـ 11 ڪعدت انوارر وافتقدتهم
- ها وينهم
:- راحوو
- شنوو
:- لاتبجين الله يوفقج ويخليج انوار تعشي وارتاحي حتى تنامين وعسى ولعل يجيج بحلم .. باوعتلي وعيونها ممليه دموع جنها طفله وتريد تقنع بشي
- ها هيج تڪولين يجيني بالحلم؟
:- ان شاء الله يجيج يروحي بس لتبجين موزين عليج هزت راسها وهيه مسڪور خاطرها صبيت عشه وڪعدنه نتعشه ونسيتها بالسوالف وشراح نسوي بخالتي
- اني رايحه بالغرفه ارتاح وامدد لأن تعبت
:- روحي حبيبتي روحي ارتاحي
- تصبحين ؏ خير واي شي تردينه تعاي واذا تردين تعاي نامي يمي
:- ماشي هزت راسها وابتسمت بوجها وين اجي يمج والخبل مالي يريد يجي لميت المواعين وغسلتها وشربت علاجي
صارت بـ 12 ونص انطفت الڪهرباء فزيت بخوف واني اباوع للصاله صارت ضلمه ڪمزت واني اتلمس الاشياء حتى اوصل لباب المدخل واطلع
وصلت وانضربت بشي صلب ڪُل ضني نضربت بالحايط بس ايد ولزمت خصري قوي شهڪت ردت اصرخ وهمس بذاني خفيف
::- اششششش محد يلزمي خصرج غيري هيج
:- بقيت اتنفس سريع واحتريت من القرب البيني وبينه
::- ارجع الڪهرب لو اخليها هيج ضلمه احلى؟؟
:- اشهـم فدوه لتسوي هيج
::- لتخافين هسه ارجعها ونصعد فوك
:- بلعت ريڪي وبقيت خانسه بمڪاني سحبني من خصري وطلعنه بالحديقه رجع الڪهرباء ودخلنه للبيت
صعد بيه لغرفتي بهدوء دخلنه وسد الباب وقفله وصار يباوعلي
::- مشتاڪلج موت وروح امي
:- بقيت اباوعله وافرك بأيدي ڪأنو اول مره اشوفه
::- حدري بحضيني
:- بقيت واڪفه بمڪاني وخايفه تقدم هوه عليه وسد الضوه وخله خفيف حضني وشمرني ؏ الجربايه وصار فوڪي
يمسح ؏ شعري باس راسي ڪصتي عيوني خدودي خشمي اخير شي ختم بوساته بشفايفي صار يبوسني بقوه وبهدواه احس اختنڪت بس سلب ارادتي ورروحي مني ..
::- احبچ شويه بحقج
:- لفاني بحضنه وذب الغطى علينه وباس راسي ضميت راسي بصدره مستحيه منه رغم مطفيه الاضويه
::- شلون انطاج ڪلبج تحرميني من شوفتج وصوتج 3 ايام ومن راح ابوج وتصوب اسبوع حرمتيني
:- للحضه صفنت اتذڪر شصار وره ضربت ابوي ومنو الي ضربه .. اشهـم
::- روح اشهـم وعقلو
:- انت صوبت ابويه .. هدء الجو بيني وبينه وبس انفاسنه واضحه بالغرفه وهوه سڪت
::- جؤ ماسويها
:- انت لاتڪذب عليه
::- انا لو اريد اموتو بمڪانو بس هاي خفايف بحقه
:- يعني انت
::- سدي السيره
:- ليش لو راح ابوي منو الي غيره؟؟
::- راحت امي وترڪت برڪبتي 3 نثايه بنات منو غيرها بقى ليش تحلليل عليج وتحرمين ؏ غيرج
:- راح يجي يوم وتعرف ابويه ماله ذنب بڪُل الي صار وتتندم وساعاتها متشوفني يمك وتشوفني عايشه حياتي
::- حلم ابليس بالجنه
:- عفته ولفيت الغطى عليه لبست ملابسي وشمرت الغطى عليه دخلت للحمام وڪعدت جوه مي بارد ينزل ؏ راسي بقيت ساعه بمي بارد واحس بردت حيل
::- ايييڤ ڪافي اطلعي أيڤ
:- بقيت ساڪته وجسمي احس برد واني عيوني صارت تغمض مرديت عليه بس بقيت صافنه
::- ايڤ تسمعيني طلعي عاد لا اڪسر باب الحمام عليج
:- طلعت من المي ولفيت الخاولي ؏ جسمي وطلعت وشعري ينڪط مي باوعلته وعيوني نعسانه شمرت روحي ؏ الجربايه ونمت بدون مالبس ملابس بقيت بالمنشفه..
حسييت راسي مصدع هيج ثڪيل موتني
وشي بارد ينزل ؏ ڪصتي فتحت عيوني وحراره بيها شفته بوجهي ويدخن ويسويلي ڪمادات
::- شلون صرتي باباتي؟
:- تعبانه راسي
::- ارتفعت حرارتج
:- شڪد الساعه هسه؟
::- بـ 6 الفجر
:- بلعت ريڪي بدوخه وغمضت عيوني فتحت عيوني واني خطر شي ؏ بالي رغم تعبانه
باوعتله واني حابسه ضحڪتي
:- انت منو ضرب ؏ ڪصته وصاح
::- انا رجلج من صخام الصخم وجهج
:- بقيت اضحك عليه وبطني تأذيني
::- هاي هذيتي شوي وسويتيني غريب لو تتمرضين بعد اسم الله شتسويني؟
:- سڪتت ورجعت غمضت عيوني شويه واجاه اتصال وعباله رجعت غفيت اني
::- ها ڪرار تجيني بالبيت نڪمل الشغله ونفضها
:- احس روحي طلعت ونخمش ڪلبي شنو يريد يسوي بس لا يقتل ابويه بقيت لازمه مڪاني وارجف بخوف ومغمضه
مر وقت وحسيته طلع من الغرفه واني ڪمزت وراه ودايخه صرت انزل خفيف فتحت باب الحديقه وطلعت مفتوح باب الخارجي
شفت ڪرار متلثم وماعرف شنو انطى لأشهـم بعدين شفته لثام لبسه ولبس الشفقه ماعرف شنو اشهـم أشر لڪرار ؏ بيتنه وصعد بالسياره
اجه ڪرار بأتجاهه بيتنه شافني واڪفه توسعت عيونه وبقى يباوعلي بحزن وخوف .. ڪرااار؟؟
- اششش لاتحجين ولاتصرخين اريدج بشغله هاي الورقه خليها يمج اقريها واخذي الرقم اتصلي بيه
:- قفل الباب عليه وشخطو السياره بقيت ارجع محسيت غير صوت قوي صار ..
ييييييييتبع
.
.
.
.
.
.
.
.
.
اي شي مراح احجي بس انتضرو بوست راح انشره انستا واتباد تلي .. انتو حتى رمضان ميوڪف بعينجن اي والله دشوفن عقاب الله ؏ مود لهو دنيه طلعتن اخلاقجن الصدك
ححسابي واتباد تابعوني عليه
قناتنه تلي نسولف بيها وتعرفون ڪُل الاخبار
يلاا
في أمان الله وحفظه
الكاتبه: LARAN❤️