لبوة على شفا الثار

بارت العشرون

لبوة على شفا الثأر

                                      بقلمي :leo Alfatlawi

Ins: le_m3r

بارت العشرون

علقو على كل ومضه ♥️

بكل مبالغه وعزه نفس

تعلمت كيف اتجاوز كل شيئ
                  كيف انام وبقلبي تعب كبير

اقف على قدمي بشموخ بالحظات اليأس

حتى بأقصى مراحل  الضعف انا دائما بخير*****

اباوع وجان انصدم بعامر خالها بحضنه ويبوس بيها

عين بيها وعين بالفون الي رن وفضحني رفعته اباوع جود يتصل

ردت ارد  انتبهلي عامر اجه بسرعه سحبه من ايدي ودفعني حيل ماسيطرت وكعت

--شتعملين هينه   يالساقطه

--منو الساقطه  اني مو عامر جيب الفون

--انعل ابو

--حددددك كلتها  وكمت رفعت  اصبعي بوجهه خازرته

--بعد اخذي اطراك بت الزنه المن تخابرين نص اليالي ياهو التردين ادخلي لبيتنا وتخزينه

--عفيه بالبطل فر السالفه لبالك ماسمعت

سجى. دخيلج لاتفضحيني

عامر.  وشحدها تفضحج غير ادفنها  وداعت ابوي نفس انهيها

--لاتنهيني ولاانهيك اني مالي دخل بيكم من الاصل جيب فوني خلي اروح

--خلي ادحگ  منهو ابن الزنه الثاني الي يتصل بوحده متزوجه

كالها رفعه ضحك
-- جود زمال المستقبل مجان غيث

--لاتتجاوز عامر احسلك لاتجبرني اراويك وجهي الثاني واندمك

--اي بالله شو خلي ادحگ
ناي  منا عدل عالسياره لبيت هلج   ثواني بعد مااخليج هينه سمعتيي ولاداعت بناتي البسج بفضيحه اخليج تتمنين الموت طلعي بسمعتج افضلج

--اي ولايهمك رايحه بدون لاتهدد بس اكو تعديل زغير بكلامك احب اضيفه ادخل للبيت اروح لابوك اكوله تعال شوف الشرف الي كتلتني بي ابنك بالمحارم  يجمع بين الاختين

--نااااااااي

--علي صوتك بعد  خلي يلتمون اتسهلي المهمه اكثر

سجى. ابوس ايدج لاتفضحيني والله يذبحوني

--واني شكو افضحج بنتي بدل ماتبجين روحي دبري روحج تره الي ماعنده غيره على عرضه هذا مامنه رجا ولايعتبر رجال

شال ايده  راد يضبرني رجعت ليورا

-- حدك منا اتمدها منا افضحك وروح اخوي اضيع  دربك اخليك تحتار اشلون اتخلص روحك

--اتهدديني لج

--ليش لا ماعندي شي رجلي وراح واني طالعه خلي اخرب واخذ حقي من الضرب والاهاين الحصلته منك عليه وعلى اعدائي

--ادفنج

--ههههه ابني اشبيك ادفنج وادفنج شنو تايهه ماراح يسألوك  اتركك من اهلي تره  اهنا الكل يعرف انت اتريد تخلص مني واولهم اركان بس جرب اتسويلي شي وهو راح يشوف شغله وياك

--اجتلج واكول انهزمت ماكو اسهل منها

--حيل اشكد قديم انت ودعك من التحديث الماواصلك لسه  متأكد تكدر اتسويها

--دقايق امحيج من الوجود وفوگ كل هذا اخذ  فصل من هلج بدل ماتضحگو علينا وعطونه وحده مامستوره 

--تمام سويها هياتني كدامك راويني رجولتك

--رجال غصبا على اهلج واسحك على راسج

--بس لاتتجاوز حتى لااضرك وفوني بطل رن هسه يتصل على اهلك ينبهم عليه لان قلق مارديت راح يطلعون يدوروني ابني لاتخلي راسك براسي

سجى. دخيلج ناي تركج منه ابروح اهلج
كالتها وجرت ايدي

-- ابوس ايدج صوتج راح انفضح

سحبتها لعبت روحي من قذارتها

ناي بالقران مايرحموني غلطت وسبحان الميغلط هو ضحگ عليه

--ماراح احجي لاتخافين مواني الناقصه وافضح عرض ناس رجعلي فوني خلي اروح راح يجون

عامر.   هاج اشكد تردين وتسكتين

--استر هاليتيمه تره اعرض العالم ترد بعرضك خليها ابالك وانت صاحب بنات

--مالج شغل بعرضي  بس خلصيني من وجودج واحنه بخير اشكد تردين وطلعين منا

--ولادينار اصلا ميشرفني اعيش بهيج مكان
بس ايأس من رجعت غيث تلكيني رايحه من غير ماتدري

--هههههه هنود ناي خلي نكشف اوراقنه انتي مالج ورث يمنه لان ماعاقده محكمه لاتنطرين  عالفاضي اخذي القاسمه الله عش اطلعين بالخساره

--ماامد ايدي على ورث ولاداعي بدينار الي يمكم بس غيث

--مايرجع ماااات  غيث ماااات

--عامر اذا سمعتك اتكول مات ماراح اكلك رد فعلي شنو اسكت ان جان لاسامح الله اول ماشوفه كدامي

كلتها وحسيت ورحي اختنكت ماكدرت اكمل مسحت وجهي ودرت وجهي للحديقه اخذت نفس مسحت ادموعي

-- اروح بساعتها ماضل ولاثانيه

--ضل سنه ماحصلنه جثتو

--ماراح اضل يمكم كلتلك  بس خلي يمر كم يوم اتاكد مامنه رجعه اروح

--هاج

انداريت شمر الفون عليه لكفته مسحت ادموعي ردت اروح كمشتني سجى تبجي وتباوعلي بترجي

--امني مني بس خوفج منه الغدر بمرته وبعرضه لاتتأملين منه شي

--انتي بس لاتحجين لاحد

--مااحجي كافي همي عليه

سحبت ايدي منها  ورحت امشي تركتهم يتعاركون بينهم

رجعت وصلت للمدخل مانطاني كلبي ادخل وهم اصعد للغرفه ومااشوفه

رجعت لمكاني كعدت اباوع للباب 

شلت فوني اتصلت بجود رن ومارد عرفته متصل حتى يامن عليه واتذكر هو منطي عهد ميحجي وياي

خليته بحضني ولميت رجليه لحضني كمشت راسي منتظره امل ضايع

اسمع خطوات يمي شلت راسي لكيت عمي ابو اركان  ردت اكوم كال لابويه ضلي مجانج كاعده

كعد يمي مد ايده مسح دموعي باوعتله وشهكت اخذني لحضنه وبجه وياي

استغفر مسح جهه باس راسي وعدل كعدته

-- عش كاعده هينه

--منتظرته

--يتاخر يعمي راح اتعبين

--لو العمر كله اضل منتظره مااتعب بس خلي يرد

--تحبي

--لا

--ههه يالكويه مبين

سكتت

-- يبوي هاي شارتج طلعت بيه  حجتلي ريحانه عالصار ماعرفت اجي احميج وأوكفهم عد حدهم  اكيد دعيتي وربي استجاب لان مضلومه

--لاعمو اني ماادعي هاي مومن صفاتي  وحتى لو كلت  شارتي ليش غيث بالتحديد

--لان هو اعز شي على روحي  خلاج امانه يمه يعرف ابوه ضالم بس اني مو كفوو ماعرفت اجي اخذج يخلج يم بنواتي وحافظ عليج لمن يرد

--راح يرجع غيث مايتركني يعرف ماعندي احد غيره

--عندج ابنيج من ريحتو موش  مثلي اني البگيت بطرگ اركان ومجسور وره اخيو  بدون سند
راح الجنت متاملين  بي راح الجان ساندنه وحاميني بضلو

--عمو تره اني اخذت مخدر البارحه ووكعت موحمل

--لاه سماهر البارحه خبرت جدتها گالتها عدها لاتگطعين املنه  هذا اخر امل النه  بالدنيا    وانتي اشلون هيج تجازفين بروحج وتاخذين مخدر

--لعد اخليهم يكمشوها  ويروح رجلي بيها

--بت حموله والنعم من اصلج والف رحمه على البطن الشالتج صدچتي من كلتي اشرف عشيرتكم

--اسفه عمو والله حجيت ماجان نيتي ازغرك منكم  بس هو  غلط على اهلي

--الف رحمه على روح ذاك الاب الطيب الي ربه هيج تربيه تسوين ازلام مشوربه البت التحمل الطك وتكف تتحده بصلابه   تالااحد يجيب طاري اهلها هاي بت اصل

دحگت  بعيونج الگوه وعدم الخوف وهاي الصفه ماموجوده بس ابنت الحموله الطالعه من ضهر سبع

--ابوي جان عازف ناي صح على كد حاله  بس صاحب وكفه ينطي بروحه لخاطر صاحبه يوكف بوجه الظلم والغلط مايهمه نفسه  مايعرف الخوف شنو
تعرف من رادو يذبحو اشكد ضربو حتى يدنك ويذلو بس مارسخلهم  ضل يباوعلي مبتسم  ماانحنى مات بشجاعه

--وانتي بت ابوج امسيحيها بوجهي يبوي

كالها وسحب راسي باسها رد كال لاتشيلين بكلبج على اخوي تراه عصبي والحريم مشوشه عقلو

--ماكو بكلبي هسه بس غيث

--كومي يبه دخلي اكليلج لگيمه لاتكعين

--لاعمو صايمه

--يبه ياصيام هذا الدنيا ليل صح مسيحيه بس هم ماكو هيج بدينكم

--لاعمو هذا نذر

--تعبين واتملين  وهو مامنو رده  

كالها وكام اختل توازنه كمت كمشته بسرعه وكف عدل دكدك على متني وراح اشوفه اشلون يمشي منحني ضهره راح للحديقه الجوه حتى يضل وحده

احس غيث ابنه موابن اخو هيبته وصلابته كلها نهدت بثواني

عكس ابو غيث كامش المضيف ولاتگول اكو شي  يكرهه على كره امه

اخذت نفس ورجعت كعدت ارسم بالكاع بأصبعي ومغمضه

رن فوني شلته لكيت جود يتصل رديت هاي جود بشر

--شكو على شنو ابشر

--لكيتو غيث

--منو غيث هذا

--شنو منو غيث الله عليك احجي كلبي خلصان

--وين نلكاه يمعوده وينج انتي بعدج مكانج كاعده بنتي كومي دخلي جوه غيث لاتحجين بعد بي راح بأعماله السوده

--جود بغلات محمد عليك غيث يمك مو

--شنو يمي بتني لاتبليني هسه اهله يكولون هو الخاطفه  الحمد الله من خلصنه منه يااخي جان غثييث خرب يومه

شهكت بصوت   ضحك كال شبيج لج ليش تبجين المفروض انتي اول وحده انتي اتفرحين خلصتي منه

--وين غيث

--راح وأيست منه غرك بالماي

سديت الفون لان كلبي احسه يريد يوكف صوته وطريقه كلامه امبينه موجود يمه

اتصلت باركان فصله رديت اتصلت رد كال شكو ناي

--اررركان غييث وين

--بجنطه السياره للاسف لكينه بس رجلي يفيدنج لو ازتهن بالمي

--الله ياخذك ولك ويينه

--انجعلج يالجسر  انتي وزلمتج  يولي  لاتتجاوزين حتى لاافصم راسج 

--اشوكت تجي

--وين نجي منهو انتي بس ذكريني بيج بس لاالورطتني بالسلاح

همست يمك هو

--لاوالله روحي اشويه واخبرج ولاتحجين لاحد بروح اخيج يشغلونه وعدنه جثير  امور كون نفضها قبل ردتنا

--لالا

سد الفون دنكت عالكاع سجدت ركضت للبوري شربت ماي كطعت صيامي رفعت راسي للسمه ربي ماعرف اشلون احمدك والله اوفي شكو نذر عليه دخيلك راح يوكف كلبي

اتسندت كعدت مااكدر اوكف من الفرحه بعد  ماكو بحلكي غير الف الحمد الله والشكر

اتذكرت عمي ماكدرت اضم عليه خطيه

كمت رحت للحديقه لكيته مدنگ على رجلي ويشهك بهدوء

وصلت يمه خليت ايدي على متنه باوعلي ودكدك على ايدي

كمشت ايده
-- رد غيث

كام كوه حجه بصوت يرجف ابروح ابيج

اشرت وبجيت حضني وكام يشهك بصوت عالي بدون لاينتبه بعدين حس باس راسي وخر عني مسحت ادموعي رافع راسه للسما يشكر رب العالمين

-- عمو  لاتكول لواحد ماعرف شنو عدهم

--متاكده عايشش عايشش سمعتي صوته

--اي والله عمو عايش جود خبرني هو اركان بس لاتحجي لاحد

--لالا مااحجي بس احضر الذبايح اي احضر احضر

--عمي فدوه لايصيرلك شي دترجف

كعد عالكرسي بفرگ بكلبه باوعلي
--روحي ندهي ابو كاظم

--اخاف احد يسمع تعال اسندك روح لغرفته وصي

اشر اي وكام كامش ايدي وصلته لمكان الحدقجي ورجعت  لمكاني كعدت منتظره دخلته

مرت اكثر من ساعتين  وماكو خبر

مرتين خبرتني سماهر تكول دخلي رفضت اسمع بجيتها وصوتها الراح بس ماكلتلها لان ماعرفت شنو لغزهم من طلبو اسكت

صارت الاربعه الصبح وعيني ماغمضت  بالباب
مدنگه واسمع صوت هورنات

شلت راسي واشوف سياره دخلت ماعرف اشلون اكوم انشليت

كمت نزل اركان صاح ها يول بعدها زليخه بالباب مناطره  مامليت من هالكعده

اشرتله اجه

--لاللاسف ماكو لكينه بس جهامتو بالنهر تركناها للسمج نكسب ثواب بيهم

نزل جود من الصدر والوره كرم  هو ماكو

رجعت كعدت دموعي نزلت اشوف جود وكرم  فتحو الباب سندولهم احد نزلو من السياره اشتغل الرمي

ماعرف اشلون اكوم واركض

بدون شعور كمت وركضت وصلتله ضحك فتح اديه  سحبني لصدره

بجيت بحضنه  ضغط عليه حيل وباسني

-- الله ياخذك ليش هيج سويت بيه

--ول يابه استوني راد من الموت

شلت راسي ضحك ومسح ادموعي باس راسي همس  هاي  ناي تبجي عليه

--اجيت اموت وراك كلتها ورديت لحضنه اشهگ

--دخيل ربج بسج ولج  هاي لو ميت جان شعملتي

-:اسم الله لاتكول هيج  كلتها وضربته بصدره

صاح  ااااخ كمش ايدي وعصر نفسه

--اشبيك غيث

--اشتعل اصلو  مابيه شي يولي شنهو متخافين صوت الرمي اوو نسيت فاقده الانوثه

باوعتله كمش اديه بسرعه و يضحك

-- وعمة الساده متصوب لاطگين

رجعني لحضنه بسته من صدره

سحبني اركان كال موش كافي العالم واكفه بعدي لج

مارديت ضميت راسي ضحگ غيث باسني وخربط شعري

على صوت الرمي طلعو اهله ابو اركان سانده الحدقجي

وسماهر تركض وتنجبج بكلبيتها تصرخ ولك لبالي دخلو تابوتك ولك غييث رجعت

وخرت عنه حضنته تضحك وتبجي بنفس الوكت كمشت وجهه بديها اتبوس بي مامصدگه اخذت راسه لحضنها تشتم بي وترجف

عمي ماكمل الطريق كعد بالكاع

ترك سماهر وراح لالعمه  كوه دنگ كامش صدره  حضنه وعمي كام يبجه بصوت عالي يصيح ولك غيث  ولك عش هيج  يبوي ولك  جتلتنا وراك

--هههه ردت اجرب معزتي يمكم

--انعل ابوك لابو معزتك ابن الزمال تجرب بالموت انعل شيب الخلفوك وين وليت

--يم عزرائيل نسوي حصائيه بالخونه وناگصين المرجله

--بسك اركد كافييي ماضلت گوه  ولك اشلع من روحي وادفن انهجبوو يبوي گضيتو حيلي

--الله يعطيك الصحه والعمر الطويل

-:وينكممم يبوووي الذبايح وانت  لاتفوت جوه خليك هينه

--مااكدر وداعتك  تعبان
جود خويه وينك

ركض جود دنك  سنده  كومه واجه كرم ضربه بضهره اندار باوعله

-- شبيك لاتباوع هيج لاافلشك هنا

--هاا يول تجرب

--بس لاتصرخ لاهفك كف دير وجهك انعل شكلك

وخر ايده من متن جود وسحب كرم من ياخته ضحك شبكه وبجه

-- هاااا ول على شنهو البجي كافي يخوي

وخر ومسح وجهه
-- لاتكول بس الحرمه تبجي موهاي ناي بجت

-:لابهاي حگك

همست الله يلعنكم مفشليني

ضحك ومد ايده اشرلي تعالي رحت دخلت بحضنه باس راسي

اجن الحبابات سلمن جان ايد حاضني بيها وايد يسلم من بعيد

مبين يعرف غلهن وحقدهن شنو  اكتفه بالهلا لمن تجه عامر جان بهتان  وصل وگف  صافن

غيث. هاا يخوي شبلاك

-- هااا مامصدك رجعت

--للاسف عندي حساب بعدني مامصفي اجلت روحتي اشوي

--هاا

--تعال كرب يول  اشبيك صفرت

اجه سلم اتصافح اباوع عصر يده حيل ورفع حاجبه  همس مردوده وترك ايده

دكدگ اركان  على متنه 
--اربز  لك لاترجف شخليت للحريم 

--شنهو شنهو قصدك هاا وين الذبايح عش اتاخرتو

مكتفين بذبيحتنا الجبيره

--هااا هسه هسه استعجلهم غيث  تعبان

--يول لايصيرلك شي هدي يخوي كلنا الها

اتبلعم بصعوبه واندار راح مرتبك يستعجل بيهم يذبحون

اجت  رنود طشت جكليت على راسه اتهلهل  وتبجي

ركضت شبكته شفته طول كرصته من ضهره وخر عنها

-- ماشبعت منك

-- يبعد خالج بعدي  تعبان والعالم مخابيل موش حملهم

--شنهو خالو

--سلامتج يبعد يولي لاتلجميني 

رادت ترجع تشبكه جريت ايده كمشت بيها مارد جان كوه كامش ضحكته يحگ بخشمه

جابو الذبايح

طبك دشداشته اركان وسحب الذبيحه جوه رجلي طلع ناوشو السجينه

جنت اني من جهه وجود من جهه الثانيه

صارت عيني بالسجينه من خلاها على ركبت الذبيحه راح بيه الوكت لذيج الساعه رافع  عاشق من شعره وينحر برگبته

فززني غيث وهو ياخذ راسي دفنه بصدره همس لاتبجين راح يجي يوم ونفس الوكفه توكفيها وبيدج تنحريهم

--صدك غيث

--دحگي عليهن وتعلمي كضبة السجينه وگوه الكلب

انداريت اباوع اشلون سطروهن يذبح وحده ترفس يشمرها ياخذ الثانيه وراها

لمن خلصو كام مسح اديه بدشداشته واجه

--بعدي يولي  يله عالجوه العالم راح تدخل وانت ايدك اتسند علي لاتضغط على جرحك

وخرت سند غيث هو وجود

ابو اركان.  عالمضيف يبه استعجلو 

--اي يبه  تامر سماهر يخوي دخلي الحريم جوه وسوي مجال للعالم

--تامر يخوي اخذو بين مايصلخون الذبايح انخش تحت

--تركو كلشي مجانو الازلام تطبخ ماريد خيال وحده منجن هينه يله

اشرت اي  اخذو كوه يمشي للمضيف لان على صوت الرمي والهلاهل التمت العالم

ابوعله واحس كلبي يريد يطير واني اشوفه كدامي يمشي مابي شي

وصلو للمضيف تركتهم ورحت للداخل

دخلت  لكيت هناء كدامي
-- لاتفرحين زايد تره بمناسبه رجعتو هديتو اسماء

--بنتي تركيني والتهي بمصيبتج 

--شنهو قصدج لج

--انتظري المفاجأه كلشي بوقته حلو

--موش اقوه من مفاجأت مهر اسماء  زتج بالشارع  نصيحه دبريلج مجان من هسه

--ميحتاج عود اكعد وياج

--شتهترين انتي اكفي واحجي مثل البشر خلي نفتهم

--بنتي لاتستعجلين على رزقج وهاا صدك اخذي حب ضغط حتى لاتنفجرين

حركت اصابيعي ودخلت اضحك للصاله

اسمع رجع الضرب من جديد شومنو اجه جديد يبارك لان رجعن هلهلن

رحت صعدت فوك دخلت للغرفه  باوعت وضحكت اشلون جان الصبح حالتي وهسه شنو الف الحمد الله ربي

رحت اخذت تراكي ورحت للحمام سبحت عالسريع

لفيت شعري وطلعت نشفته 

رجعت لفرشتي اتمددت مرتاحه انفتحت الباب دخلت سماهر
-- شنهو متنزلين صيامج ماراح تگطعي

--لاوالله مااشتهي معتازه نوم ميته نعس الحمد الله من رجع اريد اغمض

--ناي موش وكت قال وقيل كضبي لسانج الزلمه استوه جاي من الموت مخيط من فوك لتحت اي انفعال تسوء حالتو

--موطفله اني ولامافتهم اعرف اشوكت احجي واشلون اخذ حقي

--ناااي الزلمه  راد كوه واكف على رجليه مطلعين البارود ومخيطي بدون تخدير نازف نص دمو اي خبر يوگع من طوله مايتحمل هدي يمه الله يهديج

--خاله والله تعبانه وعيوني كوه افتحهن  كلش موقت هالحجي وهم امني ماراح احجي مثل ماتردين نسيت كلشي اكتفيت برجعته

--الله يگملج بعقلج دگومي نزلي اكلي لكمه

--بعدين بس ارتاح اشويه بعد مابيه اتحرك

-- ولج خطيه جوه وحده كال صعدي وراها شوفيها وين اخاف تزت روحها من الشباج خبله هاي كومي يمه ولج يومين بلا اكل

--شسوي نازله هو بالمضيف خليني هنا من يدخل للصاله انزل

--لاهو راح يصعدو الولد مايرضه ينام جوه بس يكمل سلام عالعالم  لاتنامين  حتى  اجيبلكم الاكل تاكلون

--تمام

هيه طلعت واني كمت لبست الترواكه مال التراك  خايفه عليه اوكع من الجوع  متدري ماخذه كومه ابروفات مواول مره هاي

انتبهت لفوني يضوي شلته لكيت مسج من ريحانه گرة عينج برجعت غيث

--الحمد الله ربي ماقصر

--ناي اركان يكول لاتحجي اي شي لغيث هسه

--ليش

--يگول راح تفتر السالفه ونضيع جتال غيث بسبب هالشي وحگها مردود من هالشارب

--تمام لااصلا مقرره مااحجي لمن يتشافه خطيه تعبان

--اي بعد اختج والله ندري اذوج جثير حتى ابوي ياكل بروحو بس صبري وداعت جدتي ماراح يسكتون وراج ازلام تجيب حكج لحدر رجليج

--هاي هي مثل ماتردون

--يله يعمري اتهيري زلمتج راح يصعد

--انتي جوه

--اي استوني اجيت ويه امي يله ندهو عليه

سويت سكرين للشاشه وحذفت الرسائل رجعت الفون مكانه ضليت كاعده منتظره وهو ماكو

مرت بالساعه بديت اغفي واسمع صعدو والهلاهل ورا

كمت فتحت الباب لكيت جود واركان يسحلون بي كوه ماكادريله

وصلو للغرفه كوه دخلو اتمدد عالجربايه خلو مخد وره ضهره كال اركان اني اضل يمك ناي انگلعي جوه

-- خاف ربك  تره صار يومين كاعده بالحديقه جني ضفدع متيه مستنقعه

--ناي بدون لغوه نزلي

--احلف لالبالك تخوفني بصوتك

--يولي كضبي لسانج لابالقران اهفج دفره اردج عدل حدر الترك  ويه ربعج

--اخاف ماترضه ومو اني الي انشمر بالترك ويه البزازين

--صدگتي من هاي عيونج اتكول ابليس الله ساخط حضه 

--غيييث اسمع اشلون يتنمررر  رد عليه لو اتخليني ارد

رفع حاجبه كال لاردي يولي

غيث. يول شصابكم تراني تعبان

جود. حل النزاع واختار واحد يضل يمكم

اركان. طبعا اني مارادلها حجي نزلي لج

غيث. اكل تبن  لاواثق من كلامه  انگلع يول

--لاياابن الزمال انعل شرف ابوك ناقص مايصيرلك جاره كالها وطلع يتعارك ويه ذبان وجهه

اجه جود ضرب متنه كاله تنذكر ماتنعاد حمد الله على سلامتك يخوي

--وين اتريد لك

--والله تركت المطعم هيج وحتى الشقه مفتوح فواتيرها من شدهتي  حتى ملابسي ماغيرتهن

كرم. غير هاي ام تك غمازه خبلتنا تسحب بالنغفه وتصيح غييث بابا  اشبي صار بي سهال وماعندي حفاضات

غيث. كرم انت بالذات ترد لتركيا مااريد المح شكلك 

--لااريد اشوف نبع الحنان صدك ولك جود امك دخلت هنا بعد ماطلعت هم سالت عنها لو مامعتازها

--اي موهيه قوطيه معجون كرم حبيبي انزل نام جوه

--لاعيب عدهم حريم اخاف وحده نازعه راسها صيح يالله

جود. لاعدنه واسطه هنا اخذها وانزل

--نانوو امشي صيحي ياااالله كرم راح ينزل

دخلت سماهر بيدها صينيه اكل خلتها
-- الوالد منتظركم

جود. لاوالله عذريوني  لازم اروح

غيث. انجب وحدر تحت  باجر لوبعدو بالكلش انروح سوه

--لايمعود جرحك بعد

--عاليها عجل  لاتروح خلك الصبح تجيني اريد اسبح

--تمام كاعد ماانام اني اشوكت ماعتازيتني خبر اصعدلك

طلعو سديت الباب وراهم باوعت لغيث ابتسم وفتح اديه ركضت لحضنه حضني  واخذ نفس طويل بس حسيت بي متألم ردت وخر شدد حضنته

--راح تتأذه اخاف ينفتح الخياط

-- صدك ناي بجيتي وراي

--لا حتى ماضجت

--مم ولاشتاقيتيلي

--ابد اصلا موعلى بالي گضيتها نوم ولعب رياضه

ورفعت راسي اباوعله ضحك وباسني

--وين جنت كل هالايام

--خفتي بدوني

رجعت راسي على صدره غمضت مارديت اخذ نفس من ركبتي وباسها على كيف همس  اول وحده اجيتي على بالي من دحگت الكمين

--على شنو يضل بالك اتموت ارجع لخالي

--تااطلع من گبري واورج  انتي وخالج

--من تعرف هذا الشغل خطر وتعرف ماعندي احد غيرك ليش هيج سويت

--موش خطر  اكو مستخنث ناقص  وغبي راد يخلص مني بس مااجت بيدو عدل

--غيث خلي نرجع فدوه

-- اكو احد كربلج

--لا

--ناي لاتجذبين احجي كالها وكمش حنجي بيده ورفع وجهي اشر اي

-- لابس افتقدتك ماكدرت اتخيلت اكمل حياتي من دونك

باس راسي ورجعه لحضنه همس ماراح اتركج بس اذا عرفت احد مأذيج وماكايلتلي راح اتخارب وياج

--محد اذاني بس  ردت اتعارك وخفت انبسط مااكدرلهم

--اها  افتقدتي الحارس الشخصي مال حضرت جنابج

--ليش بيك فايده غير هالشي

--حاليا اجذب عليج لواكلج اي

--اشلون ضربوك ومنو الكلب الخبر عليك

--يولي لاتتجاوزين الكلب ينگضب

--شاهين اشلون نفذ وحده موجان وياك بالسياره

--ماكدر ينهزم لان اصابتو اقوى وجان لازم نعبر النهر وهو تعبان اضطريت اخفي بمجان وزت روحي تااضيع مجانو والحمد وگع بيد ناس اجاويد  جان راح  والناكص من عرف شاهين بعدو  كلك غيث عايش راح بلغ لبالو غبي مثلو واترك اثر وراي

--وعالاساس ماتركت تره شبعت مخدر سطرني يوم كامل

--يطبج طويحيل اكو زمال يخلي احد ينبش بغراضو اشلون تخليهم يفتحون الخزنه يعرفون شنهو بيها

--اشعرفني عامر دز رنو كاللها يجبيلي الهويه حتى اخبر واخذ جوازي ويا جنت بحاله ماعرف نفسي بيها اباوع لجاكيتك واتذكر ال١٥منو يأوفيهن مكانك

جنت احجي وهو يشتم بشعري ويبوس خفيف سمع بطل

باوعتله رفع ايده بطلت 

--لااليوم بلاش

--الحمد الله كلت طاح حظي اخذ نفس وهمس كثرن عليك يبن بوي اي وين خليتي البودره

--بالبلوعه هسه تلكي الصراصير والجريدي  كلهم تطوطحون صدك وين رحت بعدين

--والله كل الاذكرو  وصلت للجرف اخر نفس فتحت عيوني لكيت بدون وياه اشلون بنوات يصحن الميت بكبرو

--اترك البنات وكمل من كعدت ليش مخبرت

--ولج كعدت على صيخ حامي بصدري يطلعون الجيله بعدها   خلولي شي اسود سطرني بمجاني ماصحيت غير اليوم الصبح

--خبرت اخوك

--لاتكولين اخوك ماعندي اخ غير اركان

--وجود

--هذا رفيج العمر السند

--عيع اشلونه اخ  يااخي غثيث نفسك طبعك ماينبلع

--اشلون تجبرني  اعفس خلقتها

--اشبيك تحوص مضايقتك اوخر

--لاوالله احس روحي مزنجر

--اتكوم تسبح اساعدك

--ولج زلم ثنين طاح حظ ابهاتهم يالله صعدوني انتي كرطف جكاره تساعديني لو تكسبين بيه ثوب وتساعديني بغير شي اكون ممنون كالها وسحبني  باس شفتي

-- غيث والله فشله تسجل بشهاده الوفاء سبب الوفاة ناي  كمين وهوسه مامتت تموت بذيج الشغله الي حتى عامر الحرمه يكدرلها

--عامر وحرمه  احجي ناي شبي عش اسمع من غيرج

--مابي شي مو يمي اصلا بس هو مثلك يدور بنات

--يدور بنات همم حلو منهو هاي اخت جود وهاي حذائها براس عامر اسماء وهاي عقلها موش يمو سجى خرب بيك يالناگص

--اشمعنه ذني ذكرتهن

--لان ذني مچرسات عدنا والعلاقه يالذكيه رادلها وقت

--خبره حضرتك

--بس صيت وسمعه تاليتي وكعت بوحده كل عين شكل

شلت راسي باوعتله

-- اخاف اكو مشتاقلج سويتي بيه رعب

--هالمره موهواي يومين بدت يزيل النحس اشويه

رجعت راسي بحضنه احساس يختلف  المشاعر موبدينا بدون لاتحس تلكي شي بداخلك ينبض
كلشي بي جان يجذبني  ويخليني اتعلق بي غصبا عني

اشكد حاولت اكتم الي بداخلي ماكدرت جنت مفضوحه بتصرفاتي كلبي ينبض ويه دكات كلبه

حرك شعري كال نمتي

--لا طارت النومه

--فركيلي راسي يوجعني

رفعت روحي اخذت راسه خليته بحضني عرفته يريدني العب بشعره مو يوجعه

دخلت اصابيعي بداخل شعره وضليت احركهن عالكيف اخذله اقل من عشر دقايق حسيت بي رخه نام

وحضنت راسه حيل  بسته وغمضت استوني انام انفتحت الباب حيل كمزته اثنينه

دخلت اسماء وكفت متصنمه

-- اسفه لبالي غيث  بالمضيف نايم

--اي وحتى لوكان بالمضيف اشلون تفتحين الباب هيج

--موكلت اسفه وشصار قابل وين داخله اشو مريض ونايم سوده عليه وشبيج تصارخين صدك بلا ذوق

-- ان لم تستحي فافعل ماشأت  لج شنو نوعج انتي هم داخله الغرفه وهم تحجين كلام اكبر من راسج تعالي بعد اخذيلج راجدي مني

غيث.  يولي صوتتتج

--شنو مدتسمع انت لو مركز بس وياي

اسماء. غيث اتركك منها اريد احجي وياك عالانفراد ماطول دقايق

--تفضلي اسمع

--كلتلك  شي خاص مااريد احد يسمع 

قبل لايحجي كلتلها مااطلع يعجبج تحجين بوجودي تمام ماعاجبج بلكي تتفضلين بره لان انريد انام

غيث. ناي شبيج يولي  اتخبلتي

--شنو اتخبلت اتريدني اطلع من غرفتي حتى تحجي ويه زوجي شي خاص وين صايره وبعدين مو اخوها مريض عدهم شكو هيه ضاله ابيتنا

غيث. بيتنا ؟ كالها رافع حاجبه

--هاي نظرته صحتني لزماني 

عرفت روحي اتماديت بأحلامي واني كلي خلگ وحده بس اتجيبلهم الطفل وترد منين مااجت

دخلت على صوتنه سماهر كالت شكو عش صوتكم طالع

غيث. ماكو شي خويه روحي

اسماء. خاله ترضيها انتي اريد احجي ويه غيث اشويه ناي تطردني من بيتكم

--ياع صدك ولج ناااي اطردين خطاري

--اسفه خاله انفعلت هسه اطلع اخذو راحتكم

كمت ردت اطلع كمشني من تشيرتي راد يرجعني طلعت بطني  دااغطيها

كال شنهو هذا بجسمج

سماهر. ها خويه هيج هاي

--شنهو هيج كربي منو طاكج

--اني طكيتها  يخوي رادت اترد لهلها  واني ضايجه عليك حجيت ردت ماكو منها قفلت صرخت بوجها كامت اتجاوزت عليه  ماشفت غير فقدت وطكيتها

--تجاوز شنهو اهلج منهو يومين غبت كل هذا سويتي لج من شنهو مخلوقه انتييييي

كالها انتجه وكام اجه جرني من شعري كمشت اديه  اريده يهدني حجه من بين سنونه

--كم مره نبهتج

--اتركها اعتذرت مني بعد ماتعيدها

--سماااهر اخذي اسماء وطلعي

--ولك اتركها شلعت راسها جرحك راح ينفتح

كالتها وجرتني
هو كامش شعري حيل وهي سحبتها مفاجأة حسيت شعري اتكطع بيده طلعت الصرخه لااراديه كال ومرررض

دفعني انضربت بالميز اجت بخاصرتي وكفت عاصرتها

-- دحگي  لج وحگ كلام الله ادفنج انتي وعايشه بس اسمع بيج متنفسه  موش  متجاوزه

اشرت اي واني افرك بخاصرتي كامشتني العبره

--عمرج ماراح تصيرين مثل البشر

سماهر. كافي يخوي وانتي طلعي يلا يولي لغرفتي لاتردين هينه بعد

اخذت فوني وطلعت من الغرفه 

اشكد استحقرت نفسي من شفتها متخصره يم الباب و تبتسم ردت انزل لكيتها هوسه

دخلت لغرفه سماهر  سديت الباب كعدت عالجربايه

صافني بروحي لميت رجليه نزلت ادموعي

حيونه اني حيوانه عمري ماصير بشر   ليش  لان مومن مستواكم

انفتحت الباب دخلت سماهر كالت زين من فرفحتي روحه

مسحت وعيوني ودنكت

--نااي دخيل بختج لاتبلشين خلينه فرحانين  البت عدها سالفه اترخصت على شنهو انخبصتي لاتنزلين دموعج

--على شنو ابجي على اخوج ومنو هو اصلا واقهر نفسي عليه

--ناااااي لاتتجاوزين كضبي لسانج لااكصو الج  شصار بت عمه دخلت تتحمدله عالسلامه لاتضلين كل دقيقه متكاونه  وشالعه كلبه قبل لاناخذج تذكرين شكلتلج اني

--اي مالي حق بكلشي عباره عن اله اجيبلكم طفل واولي بطريقي متذكره واني بعدني على اتفاقي وياكم اول مااحبل ماراح تشوفون وجهي كافي تهينون بيه

--اووو دخيل الله من الفجر نكره لاتبجين وتفكرينه خلينه نشتم هوى

--مواني الفكر ولااني النحس الي انحسكم خاله خافي ربج لاتحرين كلبي اكثر تره اني بشر  وهم لاتخافين بيتكم هذا الكاتلين روحكم عليه ماادخله حتى لاافگره بوجودي ولااوصل يم اخوج بعد

كمت طلعت من الغرفه احس العبره كامشتني صار كدامي غيث كاعد يفرگ براسه  واسماء بعدها تحجي ويا تركتهم ونزلت سمعته صاحلي مارديت

نزلت جوه بدون لااباوع احد ولاحجيت طلعت كبل للحديقه ماريد دموعي تنزل واتفشل

وصلت للحديقه الخلفيه مابيها احد بعد الفجر استوه طالع

احس نفسي مخنوگه رحت يم البوري غسلت وجهي اصحي ناي اصحي شدتسوين بروحج ولج اول ميصير الطفل تنطردين

ولج ليش اتخليهم يهينوج ليش هيج اتخليهم يسمعوج حجي وتزغرين نفسج

موبيدي والله حسيت شي بداخلي

ولج هانج وكلج بستهزاء بيتنا ولج جان ديقصد اصحي عرفي روحج انتي منو

كعدت عالمسطبه ضميت وجهي بديه بجيت بقهر حسيت ايد على راسي شلت لكيت ابو كاظم الحدقجي كال عش يبوي تبجين

--ضربني وطردني

--عش هيج اشسويتي

--لان ماعندي اهل لان مومن مستواهم

--عندج كرامه وعزة نفس عندج شرف وگلب نضيف ذني كافيات يخلنج  فوگ الكل

--عمو قهر كلبي كال حيوانه متصيرين بشر

--تسوين اهلو كلهم كافي بت معدله وصانته بغيابه

--مومنه الغلط مني اني حلمت حلم اكبر من مستواي وعشت بواقع وتخيلت روحي بي وهو مو من حقي

--ماغلطتي ذني كلهن من حقج يجي يوم يعرف قيمتج ويجيج يتوسل ندمان

--مااريده بعد كرهت نفسي اني صدك مو بشر من خليته يهيني و من سمحت لروحي افكر بي وهو مو الي من اتحملت القهر وذليت نفسي بس حتى ماانطي بي

--لابشر وبت اصل تراني موجود وادحك واسمع كل الصار كومي تعالي وياي الشمس راح تطلع واخاف يجون هينه الشباب

كمت ويا رحنه جهه المشتمل مالته جانت اكو مرجيحه زغيره رحت كعدت عليها وهو دخل لمكانه اشويه وطلع بيده لفه
-- ولو موكد المقام بس اكليها يبوي وجهج اصفر

--لاعمو الحمد الله كلها نعمه الله

--اسويلج جاي

--لابس مخده اريد انتجي راسي يوجعني

--تفوتين  جوه تتمددين اني رايحلهم يعتازوني

--لاهنا كافيه المرجوحه والهوا حلو بس كون محد يجي هنا

--لامحد يصل صوب المجان اخذي راحتج

خله اللفه يمي وراح دخل جوه جابلي كوشه وراح

خليت الكوشه واتمددت اخذت اللفه لكيت خبز وخيار ضحكت صدك طيب النفس نعمه مايمتلكها الكل

اكلته وشلت فوني اباع بي وينكم ماكلتو اشصار بتنه ميته عدله رجعت ويه خالي انقبرت لو بس اعرف شنو الغيركم ارتاح

لو انتم من البدايه هيج واني مجنت اشوف

رجعت الفون اكلتلي لكمه وعيوني بدت ا تقفل وحدها بعد ماكدرت اقاوم تركت اللفه يمي اباوع للسمه لمن رحت بالنوم

حسيت احد يغطيني فتحت عيوني لكيت جود ابتسمت

--ليش نايمه هنا

--الجو حلو حبيت اغير

--شصاير بينكم

--ماكو شي هو راد ياخذ راحته بالغرفه تركته

--كلش ماخذ راحته  تره هو الدزني يريدج مايكدر ينزل  كومي وشنو هذا  يمج كالها وشال اللفه

--جنت دااكل ونمت

--ناي شنو ديصير وياج ليش ماتحجين

--ماصاير شي شنو يعني يصير اكثر من الااني بي كاعده شابعه اهاين وضرب منتظره اشوكت يصير طفل حتى ياخذو ويخلوني اروح

--غيث ضربج

--موبس هو جود جسمي اتشوه من الضرب تهموني بشرفي شتموني هانوني ذلوني

--ليش ساكته

--شسوي يعني اني ماخذه منه افلوس مقابيل طفل ولو فكرت ارجعهن عمري كله اشتغل ماراح اوفي ربعه دينه ماكله تبن ومتحمله اشوكت يصير حتى اتحرر منه

--غيث ميفكر هيج

--اي من ضربني الصبح وشمرني بره الغرفه ميفكر من كلي حيوانه ماتصيرين عمرج مثل البشر ميفكر من بالغلط طلعت كلمنه بيتنا مني باوعلي بستهزاء وكرر الكلمه حتى ينبهني مايفكر جود كوم دخيلك لايجي احد يشوفك يمي وهم يسوولي مصيبه جديده

مارد كعد مقابيلي خال راسه بين اديه

--شبيك جود تره والله عادي صارت عندي بعد مااضوج

شال راسه باوعلي كال غبي وميستاهل اضفرج

--هههههه بس لا تصدك التحجي اشوكت تروح

--لوالعصر لو باجر

--تكدر اتكله ارجع وياك يعني هو مريض ماراح بستفاد مني بلكي يقبل ارد وياك والله تعبت هنا بعد مااتحمل

--نااااي شنووو ميستفاد منج لج بنتي شنو ليش حاسبه روحج هيج رخيصه

--هو هذا الصح ليش ماتريد اتصدك  تره اني هنا حالي حال الجاريه  و اكبر دليل هذا وضعي ضاجت بت عمه مني شمروني بالحديقه حتى لاازعجهم صار كم ساعه محد سال ويني

مارد كام رد يروح كمت بسرعه كمشته كلتله بداعتي لاتسوي شي والله ردت افضفض حسيت روحي راح اختنك لاتخليني اندم وبعد مااحجيلك

--ماراح احجي شي ردي مكانج تخلص ماتضل هيج

راح واني رجعت لمكاني  اتمددت لميت رجليه اشويه رن فوني لكيت غيث فصلته

دز مسج ماقريته خليته جوه الكوشه وعدلت نومتي الشمس بدت توصل يمي حاره كلشي 

كمت رحت اكو مكان يم شجره كعدت يمها خليت راسي عليها  وضحكت على روحي بالشته ادور مكان ختله حتى ادفه واحتمي من المطر وبالصيف ادور مكانات يحميني من الشمس

يمكن عمري كله راح اضل هيج ماراح ارتاح

كمشت مداليتي وغمضت بعد بس انت منتظر مني احرر روحك

فتحت عيوني اراح احرر روحك حتى من اجيكم اكدر اباوع بوجوهكم اكلكم سويت العليه ماقصرت بشي

شلت فوني اباوع بي دخلت على صفحه لحن
اتصلي اسألي حتى جذب بس حسسيني الي وجود عندي احد خايف عليه

ماما شنو من كلب شايله والله اني بنتج ليش هيج تعامليني  لج ماما والله اشتاقيتلج معقوله ماكو موقف واحد يذكرجن بيه شي مر يحنن كلبج عليه

اسمع خطوات قريبه  شلت راسي لكيت ريحانه وصلت يمي كعدت

--ذبت سمها سماهر فركتكم ارتاحت

--مافرقتنا بلعكس صحتني

--ناي اتحبين غيث

--ماعرف احبه لو ماخذته سند بس الي اعرفه هو موالي من البدايه وعمري كله ماراح اكدر اباوعله  فرق بينا من السمه للگاع التقينا بطريق غلط  طلبه ماردني بس جان بتفاق نفذ العليه بقى لازم اسوي العليه حتى كل واحد يرد للطريقه 

--لاهاي عرفت اشلون تلعبها صح وهذا الفكرت بي من البدايه بس دواها جدتي

--صدك شو مااجت

--ماتواطن بيت عمي تكرهم شلع قلع ولو موغيث جان صفتهم من زمان

--عززه تكتلهم

--هههههه لاموتكتل بس تفلع اذن كل واحد اتخلها بيدو وتزتو بمجان مگطوع تايتربى عدل

--داحسها جبروت مومره صدك وين عايشه

--عدها بيت بس هي موش بي عايشه بغير مجان

--اشلون يعني

--ماعرف اشلون افهمج

--موماتعرفين بس كولي ماكدر احجي لان المكان هذا ملجى للولد من يتوازون ينضمون بي وهم بضاعتهم هناك يخلوها

--شعرفج

--مره لكفت غيث وهو يحجي ويه اركان عليه

--ههههههه عجل سمعي اركان شگال لجدتي من سالت عنج كاللها لاتخافين عليها البت تلعب ويه ابليس

--لو صدك جان عرفت اخلص روحي من خالي بدون  لادخل روحي بهالضياع 

--صدك شنو الجبرج تختارين هالطريج  عش مارحتي لعمج غصبا عنو يحميجن

--يايحمينا ولج مره تعبت لحن وضاگت الدنيا بينا حيل خبرته ماما وترجته يجي ياخذها للمستشفى رد احنه متبرين منكم وياريت تموت حتى يقل عددجن

--الله يلعنه وبعدين شسويتن

--جانت اخر قطعه ذهب ضاله يم ماما  باعتها وراحت للطبيب بدل ماتعالجها اشترتلها مبايل ورجعت لان الدكتور كال حالتها ميأوس منها  لل١٨وتروح سوو شنو الي بنفسها

--الله يساعدكم وهي اشلون اتحملت هيج تسمع

--اتحملت غصبا عنها حتى المبايل الي اجت فرحانه بي اخذه خالي وانطاها مبايله القديم

--الله يحركه حتى الحرك قليل بحقه وامج اشلون سكتت

--هههههه امي جانت مركزه وياي ماعرف ليش تراقبني اربعه وعشرين ساعه كامشه انذار على ابسط الاشياء  مره اخذت الفون من لحن اباوع فلم ركضت لخالي كالتله اجه  اخذ الفون بدون لاانتبه شاف البي كتلني كتله صلخني صلخ

--لازم الفلم موزين

--لاجنت دابحث اسهل  طريقه للقتل بدون ترك اثر

--ههههههه عجل تستاهلين

--انحرمت يوم كامل من الاكل بالاضافه للكتله وحرماني من كمشت  الفون نهائيآ لبالهم راح ابطل
بالعكس فتحو عيني ونبهوني على غير شي
رحت بگت فون سامر وكل ليله  افتحه  وابحث  على شي  واتعلم شغلات جديده لحد ماتوسع  فكري وكدرت انهزم

--ماكشفو يمج الجهاز

--لاافتحه بالختله وسامر هم عرفه عندي ماحجه كال انباك بالشغل جاب غيره وهو هم فگر مثل ماخذته جان رحت بسببه وگعت بمصيبه ماعرف اشلون ربي نجاني وطلعني سالمه من ذاك المكان بالمناسبه فونج يضوي

شالته باوعت بي وابتسمت

--شاهين

--مم كاتب ماالله هداج وتذبين الاسود

-دنگت ترسل  ادنيت يمها اباوع كتبت من تطلبني من جدتي

--يولي وعيونج بس اخف عطيني مجال

--عجل اتحمل وبعدين الاسود شضارك

--ماخفت من الموت بكد ماضاگ صدري وگلت حتى من حزنها راح انحرم تضل لابستو بأسم اخوي موش الي

--من عمري على عمرك

--اندارلج فدوه ونذر لاتحجين هيج

--اشوكت تحجي ويه ابوي

--هالاسبوع بس اكدر اتحرك اول مجان اروحلو هو بيت بدعه  وماطلع اذا ماتخليج بأسمي

--شاهين

--يابعد هلو وطوايفو كولي يعيون شاهين

--من هسه اگلك اذا اتزوجنه وصار عندي ابن مانطي لجدتي وتربي مثلكم

--اشلون اعطيها ابن روحي يابه حتى جاهل مارايد ماطالب من ربي بس يخليج من نصيبي

--الجرح بعد يوجعك

--كلبي اليوجعني بلحظه  من خشت  الجيله بصدري  وتخيلت دموعج تنزل لخاطري حسيت الدنيا ضلمت اتندمت عالساعه الي اعترفتلج  بالعشگ

--لو صدك اتحبني جان عرفت ماخليك اتموت وحدك بس الضاهر قل حبك وبديت تنسى شتعاهدنا

--جان بطلت كل ليله احلم بيج يولي  صرت اعشگ النوم بسببج -ريحانه

--ها يعمري

-- صدك يجي يوم ودحگ راسج على صدري

ادنيت عنها  لان دخلو بالغميق ضلت اتراسل ويا دفجأه كامت عرفتها راح اتخابر لان اتجهت للحديقه الثانيه

دنكت عالفون اكلب بي  ماكو دقايق و انسحب من ايدي  شلت راسي لكيت اركان  واكف كال عش يتصل متردين

--ماشفت الاتصال جنت نايمه استوني كعدت

--كومي غيث يريدج

--منو غيث هذا

--ناي اتكومين لادفرج

--بس جرب وشوف شراح اسوي

--استغفر الله يبه الزلمه مريض مايكدر ينزل ناي خويه مووكت زعلج عدكم شي حلوه بهدوء موجدام العالم كلش ماراهمه هيج

--هو طردني والمكان الي انطرد منه مااردله على كص ركبتي

--وروح اخوي  اكصها بيدي نااي سوادينج خلي على صفحه تزعلين يطبج مرض بس ردي مجانج  كملي زعلج غادي  العالم بدت تجي

درت وجهي صاح شطالبه فهميني خلي اعرف شصخم على راس اهلج

--مارايده شي تركوني يااخي عتقوني موسماهر هي واخوها مايردوني بعد شكو داخله

--انعل ابو سماهر على ابو غيث على اليوم الجابوج هينه  ناي يبا لغه تفتهمين كولي خلي احجي وياج يول العالم راح تجي وهاي كعدتج ماراهمه اول ماراح يسالون عنج وين العطله مالته

--من الاخير شرايد دخله للبيت ماادخل

--اشتعل اصلك غيث كالها وتصل ثواني واسمعه يكله من انعل ابو ابوك  متكلي منين جبتها هاي --راكبه راسه -ماتعرفها شتريد زعلت الخنزير عالاذره  -- بالقران  ماكو غير اله اجتلها واخلص دروح انعل شرف اهلك --
اتخصر يباوعلي

درت وجهي واتجتفت

اسمع كرم اجه كال نانوو

انداريت  لكيته جاي مبتسم وصل يمي دنك خربط شعري سحبه اركان

-- وييين يول ايدك لاالبسها براسك

--تره هاي اختي نفس الدين

--عود من تودعون روحي غادي يم نبيكم سوه هينه  افلش جهامتك بس ادحگ مكرب صوبها

كمت كلتله ايدك شيلها عنه

--بعد تعالي هفيني بطراك

--اني متربايه ماامد ايدي عالاكبر مني

--يعني العمر گاضبج زلمه حرمه مايهمج ماكو فرق يمج

كرم. ناي بداعت الخوه والله تعبان يريد ينزل كوه كامشه جود زعلانه حقج لاتراضي بس صعدي وخليج على زعلج باقي محرج وحده كاعد فوك

باوعتله

--واذا اكلج لخاطري

اشرت اي ورحت اسمع اركان ورانا كال

زلمه طول بعرض صار ساعه الغي مثل الزمال ساحكتني وهذا ابو اذان بجلمه كومج

وكفت غمضت بسرعه كمشتني كرم همس اخذي على كد عقله لاتردين خليج انتي الجبيره

--ديتنمر عليك

--مايفتهم تركي فشله احنه خطار ماراهمه تضربي

باوعتله وضحكت وهو يهز راسه بأي  امغمض عايش االدور

وصلنه جو هو راح للمضيف واني دخلت للمطبخ لكيت الهوسه مال العالم صايره خنگه اشكبره البيت وكو ماخذهم

هناء واسماء واكفات يدكن اسوالف ويضحكن وصلت يمهم كالت هناء.اي وشكلج غيث

اسماء. كال هذا بيتج محد يكدر يكلج جلمه عسى ما تضلين العمر كلو

--الله يحفظه يعني خبر ابوج

--لاخالتي سماهر كالت اني اخبر عني واكله نعتازها ويه البنوات خلها

--يوم الاشوفج منور بغرفته وماليه حضنه جهال

تركتهن يكملن لغوتهن وصعدت للغرفه فتحت الباب لكيت بس جود واكف يم الميز يكلب بالعطور

دخلت بطل رجع العطر

-- وين صاحبك

--صاحبي ؟المهم بالحمام استوني دخلته

--وانت شكو اتخدمه عنده اهل خلي يخدمو تره مامجبور بي

--يلا هو اليوم ارد خلي اكمل جميلي وياه انسوي العلينه بلكي يغزر

--لو تحط طن ملح  ميغزر بيت كامل اتريدلك واحد بيهم شريف ماكو

اشرلي وراج

انداريت لكيت غيث واكف بالباب

راح جود سنده وجابه للجربايه كعده دخلت للحمام غسلت وجهي اسمع يكله خلك لاتروح كلتلك باجر انولي سوه

--غيث العالم تجيكم وانت جرحك اخضر بعد

--ماعليه بس خبرت المحامي

--اي تكدر باجر الصبح ترحون للمحكمه تعقدون  جوازاتكم وهوياتكم  هسه اروح اوديهن اله

طلعت كلتله ياعقد اذا تحجون عليه تره مااعقد محكمه اني

جود. وليش ماتعقدين حضرت جنابج

--شنو ليش جود هيج طلاكنه راح يصير صعب اقلها السيد هو يمين وتفض الشغله

غيث. روح خويه وديهن مالك شغل بيها تهتر وحدها

طلع جود باوعت لغيث
-- تره مااعقد

--ناي روحي طالعه لاتخليني اكوم الطمج بكف  افلش سنونج انكتمي افضلج

--ليش اسكت تره موعبده عندك هم الي حياتي اريد اعيش خو مواضل عمري وياك محبوسه

--وين اتردين تعيشين  ويه منهو؟

--عسى ماارد لخالي هذا الشي رادلي انت الك طفل يمي اسوي وروح

ضغط على اسنونه  انتجه راد يكوم فلتت ايده رد كعد  صاح اااخ وكمش صدره متألم

كضتله  دنكت عليه شال راسه باوعلي

-- صارلك شي اصيحلك جود

كمش ايدي سحبني يمه حيل ضميت وجهي

--من انعل ابو لابو  ذاك اليوم الجمعني بيج 

--ايدي غيث ومحد كلك اصعد نفس سيارتي

--زمال ابن زمال گضيت عمري اولي طيران قسمتي الكشره ودتني للبر دحگي  ناي خلي اكون واضح وياج مزاجي موش  كل وكت يتحمل تصرفاتج

--يعني شنو

--تجاوز طوله لسان تصرفات رعونيه تنسيهن اضن اتحملتج جثير  كافي

--غيث موغصب هو مااريد اعقد

ضرب ايدي بعدها عن وجهي وعصره حيل

انچعص حلكي بس عيوني مفتوحه اباوعله فاتحتهن على كبرهن

--من اهفج بطراك اكو زمال يعترض

هزيت راسي بلا

--عفيه كالها ودكدك على خدي هسه يحبابه تنعدلين ولسانج كضبي احسن ماابتره الج وخبثج وفري لنفسج تركي جود لاتحيلي

هزيت راسي بأي

تنگبرين هينه ممنوع اطلعين ومره ثانيه من اتصل لو ادز احد وراج تجين ركض وحگ كتاب الله  ارفع من شعرج وزتج من السطح

هزيت راسي

--عفيه بالبطله اريدج دوم هيج متخورسه بس تأشرين

رمشت بعيوني

--لاتعملين  هيج حتى لااعميج

اندكت الباب  دفعني فركت وجهي دخلت سماهر بيدها صينيه
-- ها يخوي دزيت وراي

-- اي تعالي وانت گومي اختفي من جدامي

سماهر. ها الله هداج ورجعتي وحدج

مارديت كمت كعدت بالجهه الثانيه مال الجربايه خلت الصنيه كدامه

-- اتريك وحدر جوه العالم مناطريك

--مااكدر اريد انام تعبان خلي ابوي يعتذر

--يمه نزلو  قريوله بالمضيف نام غادي

--شنهو طفل نفاس وين مجان انام  يول بيج شي

--عجل اشلون مرتين ابوي ندهني كال خلي ينزل

--ههههه ابوج الحنين يزتني بيده للموت ويتسقبل ضيوف سلامتي كالها وسحب نفس

--يخوي لاتضوج الحمد الله من رجعت اكل يلا  وانتي ناي يمه متجين تاكلين رادلج عزيمه

--شكرا خاله اكلت جوه

--شكلتي ولج صارلج كم يوم لگمه ماخليتي بحلكج دكومي

--والله اكلت يم الحارس سوالي لفه

--هو الحارس شعده حتى يسويلج لفه

درت وجهي واتمددت شايفين روحهم فوك البشر اذا مومفطح مثل السم الياكلو مونعمه الله تسمى

--ناي يمه كومي اريد احجي وياج

--خاله بعدين اريد انام راسي ديوجعني

غيث. كومي  جيبيلي تيشيرت هذا القميص خنكني

مارديت غمضت

سماهر. مو يحجي وياج كومي

--اني موخادمه جايبيني حتى اخلفلكم واولي خلي اذكرج اذا ناسيه

كلتها وكمت  اخذت ملابس ودخلت للحمام سديت الباب

اسمع كامت وراي للكنتور

رحت فتحت الدوش علكت ملابسي انتبهت ماجايبه المنشفه داافتح الباب واسمعها اتكله اني اساعدك يخوي لاتگدر  روحك هاي زعطوطه ماتفهم بت رعنه ماتنعدل

--لاتركي هسه اخبر جود اريدو فرد مره يغيرلي الضماد

--يا عجل موش اركان موجود خلي اندهه يجيك مو كلو جود خطيه للصبح مناطرك تعب

--اخيي هذا  لايتعب ولايتعاجز مني

--شقصدك غيث

--تعرفين قصدي سماهر كلش زين

--اذا على طگت ناي والله ع

--لاتحلفين خويه تركتها امانه يمكم لالبالج من طكيتها جدامج صدكت بالكلتي لابس ردت ادحگ وين توصل وياج

--والله يخوي ماردت مشاكل عجل ماتعرف معزة ناي بگلبي والله مثل مااعز بنيتي

--بتج للصبح نايمه بالحديقه ماتسالين عنها ؟ كم يوم ضلت بدون اكل متعرفين عنها شي لاتكولين حالتي وتعبانه بنتج جانت بحضنج بنفس الدقيقه الجانت بيها ناي كاعده ادحك بالباب مناطره رجعتي 

--بس اسمعني

--ماريد اسمع اي شي بس اعرف مگصر وياكم بشي حرمتي امنتها يمكم ورحت زتيت  روحي بالموت لخاطركم هيج تسوون بيها

--هيه لسانها طويل وابوي ماتحمل تعرفه عصبي وهي الله يهديها انهدت بي

--اطكوها وتهينوها لو ميت جان اشسويتو

--والله استسمحها ابوي بعدين

--بعديش لمن صلخها و ذلها لمن جسرها عش يخوي هيج هاي واني من طلعت وصيتج بيها فوك ماضلمتوها ارتكبتي عليها بس موش هينه  يبت ابوي

--لادخليك لاتكول بت ابوي ولك اني اخيتك غييث وداعت بنتي  اتكاونت وياه  والله مارضيت غيث انت الطلعت بيك من الدنيا لاتخلي مثل هاي تخرب خوتنا  

--شنهو مثل هاي سماهر وزني كلامج يخوي لاتخليني اسمعج شي مايعجبج  وشنهو تكاونتي  اذا انتي داخله ورها ومهددتها لاتكلي

--عمت عينها نوت الخراب بعد شكالتلك

--هههههههه استغفر الله كومي سماهر طلعي اريد انام ولاتفتحين السالفه تامازغر من مكدارج جدامها

--شراح تعمل غيث

--راح اريحكم من هاي الهوسه وعقدها محكمه

--غيث شناوووي

--كل خير كومي سماهر تعبان اريد انام اخذي زادج وياج   مارايدو

--لايخوي لاتكول هيج ولك اني ربيتك بديه وتعبت عليك هيج تجازيني

--جازيتج بكل خير وماقصرت وياج

--ولك اني جبيتها بيدي هيج تالي اتفضلها عليه

--مافضلتها عليج ولاراح يجي يوم اسوي هيج وبنفس الوقت انتي موصاحبت فضل عليها لان بيج وبلياج هي الي

--راح تخسرنه كلشي لاتتسودن يخوي استهدي

--الخاسرو حلالي مالكم شي يمي

--لاااا غيث والله راح تندم هاي موش كفو اتصير حرمتك

--لوماعرفها كفو تسوه روسكم ماخليها بأسمي سماهر جلمه ثانيه بحگها  تعرفين شعمل

اسمعها بجت يمكن رادت اتحضنه ودفعها لان كالها جرحي لايلجم طلعي سماهر تعبان

سمعت سدت الباب عرفتها طلعت

منين عرف كل هذا معقوله جود

لاجود مايعرف هددتني ولايعرف اني بدون اكل حتى ضربتي ماكلتله منو ضربني

عزا شيطان هذا حتى هو وميت يدري شيدور بالبيت

شلت راسي باوعت لاجواء الحمام خفت خال كامرات كلشي يطلع منه هذا

سبحت عالسريع اجيت اريد البس منشفه ماكو لبست ملابسي على شعري اليصب مي

طلعت للكنتور فتحته لكيت بس فستان قصير  ضال طلعته واخذت المنشفه رديت للحمام نشفت ولبسته انوب يومين بدون اكل  سمنانه اكثر ماشايفه بشر يسمن عالقهر

طلعت  رحت للمرايه رفعت شعري صار العطر الجان بيد جود كدامي شلته اشتميته حلو عطره
ردت ارده كال غيث خلي منو تره ماكو فرق

مارديت عرفته يقصد لان رجالي رجعته مكانه

--غيري ملابسج لايفوت احد

--ماعندي هنه ثنين اتراكات اخذتهن من رنو وهسه شمرتهن بالغساله

--وشنهو بحلكج عضم ماحجيتي

--جنت ارمله المن اكول

--جان رحتي سجلتي بالرعايه اتحصلين راتب بدل هاي رعونتج ولسانج الفالت تركي البيدج وتعالي ساعديني خلي اغير ملابسي

همست  ماتستاهل اساعدك

هو هم احترم نفسه ضل يتماطل ويه القميص بس مبين من النفس تعب  لان اتصلخ وضل ينفت مدنگ

كسر خاطري رحت سحبت التيشيرت

--موش مااستاهل عش اتساعديني

-- اعاملك بأصلي

--هههههه ناي  وبالقران  اتمنى اكلج كلمه حلوه بس خايف من العواقب

--وفرهن لساره راح نرجع

-- بكلشي عانديني سوي اي شي  اتحملو منج بس ساره لادخليها بقائمتج

-:ماشايفتها اصلا ليش حتى ادخلها بقائمتي  لاتاكل هم

--لاوالله راح اكل تبن ايدج على كيفج

--غيث هذا مو جرح طلقه

--اي مال عمليه

--سويت عمليه؟

--زرعت گلب ثاني

--جان خليته باليمنه ليش هم باليسره

--شسويلج اذا انتي دخلتي وقفلتي ماتتحركين من مجانج اضطريت ازرعه هينه

ردت اكوم كمش ايدي
-- كرهتيني ناي

--ماحبيتك حتى اكرهك

بعد ماحاجي انفتحت الباب دخلت اسماء

اني هم مارديت كمشت وجه غيث وعضيته من شفته

شمرت جيس بيدها وطلعت بسرعه
ردت اوخر كمشني من شعري واخذ شفتي بين سنونه

دفعته ردت احرر روحي عصر وجهي بيده ثبته اكثر   احسها يملخ بيها مو يبوس بيها  مابطل لمن اكتفه من وحده

وخرت امسح بشفتي ضايجه

-- حيل لو شالعها كل عقلج يولي اشلون هيج اتعملين  جدامها

--مره ثانيه اسحلها وحبسها بالحمام  حتى تتادب وماتدخل

رفع حاجبه همس اكو شعواط بالجو

--شكد واثق من روحك انت وبعدين  شنو شمرت هاي

كمت فتحت العلاكه لكيت لفات شاورما باوعتله --شنو هذا

--اوووو هذا كرم  هسه يذل ابهاتنا بيهن وتعالي ياطلابه فضي

طلعت لفه ورجعت لفراشي كال جان جبتيلي وحده وياج

--ذيج العلاكه تكدر تخدم نفسك

حگ خشمه عرفت روحي راح انسحل كمت جبت اللفه الثانيه اخذها

-- روحي غسلي حلكج شفتج طلع دمها

رحت غسلتها وطلعت لكيته فوني يضوي رحت اخذته لكيت مسج من كرم كاتب اكلو ماطولني موجود ربي يحميني ويخليني خيمه عليكم

غيث. كرم مو

--هههههههه اي كرم

--دخيل رب كرم اني  تعالي ناي بس وعمة الساده مامشتاقلج جذب هيج بس كربي

--قصدك نحس اني مو اي لعد خبر الحبابات خلي يصعدلك احسن

--زمال مدحگ واحد عندو عشر عصافير تاركهن وراكض وره اغراب

رحت كعدت اكل بالفتي واراسل بكرم اتشكر منه رد تركي الشكر على جهه مايفيدني تعرفين شرايد مكانهن

--اغسل جواريبك اعرف

--ولج منيلي  غير خليتي عينج ضاعن بقت بس تگ

--تره گضيت عمرك بتگ كرم وهم كل فرده شكل لاتشمرها بعيوني وهذا صاحبك ديريد مي اجيبله

--هفي راجدي لاتجيبيله خلي يولي

--اخاف انسحل

--لامايكدر جبان ولج هذا واحد بوخه تره ازغر واحد بمنطقته يضربه

--ديباوعلي كرم

--دخلي اصبعج بعينه طلعي من حلكه

--ميوصل مسافه بعيده

--طلعي من خشمه

--عيع لااطلعها من عينه الثانيه

--ولج نبتلي بي انوب تعالو كودوني ودوني للبار وشوفو اي ياهيه الحلوه منهن

--هم صدك اترك عيونه ادخل اصبعي بالثقب الي ابصدره

--حيييل هسه اشكد تلكين بنات بكلبه شوفي تركيهن كلهن ركزيلي على ساره طلعيها بضفرج وگصعيها هي جنها كمله

--واذا انتبه

--انكله شربت زايد تيهت المكان وراحت للبنكرياس طلعت ويه البول

--كرم حبيبي فاهم وضائف الاعظاء غلط

--هو اليصاحب مثل اشكولج شيذكر استوني خاسر لفه تعال جد واتعب واصرف على احلوكهم

--غيث شاف  الرساله

--حبيبي غيوث الورده خومامعتاز لفه ثانيه بس اطلب والحمزه خادم اني

ضحكت عدل راسه غيث يباوعلي

سلمت ورجعت الفون كملت اكل لفتي لكيته صافن اشرت بيدي كدام وجهه

-- شو صار لونهن خضر

--لان لابسه اخضر ايدك وخرها دانام

مارد اتجتف وغمض

دقايق واسمعه شخر  باوعتله لكيت غاط بالنوم شعره نازل على عيونه

عدلت مخدتي وخرت شعره على كيفي مشيت ايدي على لحيته

اشلون دخلت كلبي بهالسرعه شنو منتظرني وياك
هم راح اتعبني مثل القبلك واطلع بكسره لو راح اتصيرلي سد احتمي بضله

اتحرك وخرت ايدي وغمضت ابسرعه سويت روحي نايمه

نام صفح دخل راسه بحضني وخله ايدي على شعره حضني من خصري ردت ادفعه همس بروح عاشق لاتبعديني تعبان

مر اسبوع مارضه عمي نرجع لتركيا لان خطار طالع خطار داخل

سماهر شدت وياي فد شده اعتبرتني اني السبب الزعل الصار بينها وبين غيث

كامت تحاسبني على كلشي ودائما اطلعيني اني الغلطاني حتى بعد ماردت علاقتها بي

كرهت وجودي وكل اشويه عاضه اصبعها اتكول اشلون دخلتج بيتي كون يرد بيه الزمن اكثر واكثر الاوقات اسمعها تكعد تنصح بي لايستعجل ويعقدني وترد ناطه من ميعبرها

هناء وام عامر صافات فد صفه ينبشن بس يردن يطلگني بالاخص من سمعن راح نعقد محكمه قبل لانرجع لتركيا بعد ميشوفن طريقهن

اسماء ساحله روحه فد سحله قبل لاغيث لا يطلب اشوف الحاجه كدامه خالتها

اتباوع لحلكه وضاله عود ويه رنو نفس العمر ويتسل
اهلها يوميه يجون العصر بس هي اداكتها اقامه حتى تبات

علاقتي بغيث كلما جايها تقوى واتعلق بي اكثر  اكتشفت بي خصله انو يشتغل بهدوء ينطي الامان وعلى ثانيه يفجر قنبله يخلها كلها تتراكض

صح جنت  اتعلم منه هواي شغلات خاصه عدم التسرع ودراسه المقابل قبل لاتنطي الثقه  دوم بعلمني اشلون اكون كد نفسي ونسه شي اسمه خوف

بس بنفس كلبي يغلي وحسب الدقايق اشوكت احبل واتركه  من اكعد بليل واسمعه يسولف ويه ساره ويتغزل بيها ويحسب الساعات يرد لحضنها

احس النار بيه مو بيدي غصبا عني اشكد اريد ابعد نفسي واسيطر على مشاعري مااكدر اعرفه يحبها مو بس حب لايعشقها واكره نفسي لان حبيته بس ماجنت اسيطر على دكات كلبي ولاعلى الديحس بي

كعدت الصبح من وكت لان اليوم يفتحون الخياط من غيث كمت لكيته ماهو نازل

كمت غسلت وجهي نزلت البيت هدوء بره يتريكون والخطار هم بده يخف بس العصريات يجون

رحت للمطبخ ردت اسويلي شي اكله وصلت غرفه سميره دااعبر استوقفني صوت هناء تحجي على كيفها لبالي بالبدايه ويه سميره بس من سمعت اسماء اتكلها مامعبرني ولج عرفتها قصدهن غيث

هناء. ماياخذج لوتموتين ولج غيث مگلب بنات الدنيا كلهن بيده مايورط روحو بوحده تكضه وتحصره هينه

--عجل شسوي يلا نصحيني

--فتح الخياط الصبح  هسه مابي شي بعد وحامي خلي رنود تصيحه هينه وشوفي شغلج

--رنود منو تكول ترضى

--تقبل لان من دحكت  جود نظراتو لناي من جانت نايمه بالحديقه اجت متخبله اسمعتها تبجي وتكول لامها ساعه كامله اراقبو كاعد يمها صافن عليها مايهون يكعدها وامها كوه سكتتها حتى لايتخاربون غيث وجود

--تمام هاي صارت من يمنه وشسوي اذا دخل لاتكولين اغوي هذا مايباوع لعرضه لو تگصين ركبته

--غبيه لا ملخي ملابسج وصرخي عود متحركش بيج هو يخاف من ابوج راح يضطر يسد السالفه وعمي يجبره يتزوجج

--غيث يخاف من ابوي  من اشوكت

--تركج من الخوف يخاف على سمعته لان مامعوزه هو اشلونها سمعته عاطله من امه راح يسد السالفه واذا بيج خير خلي ابوج يطلب مهرج طلاگ ناي لو مايسدون السالفه

هيه تحجي وغيث صاح ناي

انداريت لكيته واكف ويا عامر  بس عامر عيونه حمر وجهه ازرگ يرجف

--هاااا غيث رايد شي

--شكو هينه  واكفه

--لابس ردت ادخل اسال هيفاء وين الخبز دااريد اتريگ

--ندهي  هناء  وينها خلي تجي

على صوته طلعن هيفاء واسماء حلوكهن شاكاتهن من الاذن للاذن يباوعلي كالتله ها خويه رايد مني شي امر

غيث. مايأمر عليج ظالم بس  موش  اني الرايدج   زلمتج الطالبج  كالها ودكدك على ضهر عامر

هناء.   شنهو عامر كول يعمري اطلب

عامر. انتي طالق طالق طالق----

بمناسبة حلول شهر رمضان الكريم اتقدم بأحر التهاني الي متابعيني خاصه والى  كل المسلمين عامه

اعاده الله علينه وعليكم بالخير والبركه♥️

بالنسبه للقصه راح يكون التنزيل  حسب اختياركم

اما انأجلها بعد رمضان او انغير وقتها للساعه العاشره ليلآ

امتابعه تعليقاتكم ♥️