لبوة على شفا الثار

بارت الثالث عشر

لبوة على شفا الثأر
بقلمي:leo Alfatlawi

Ins:le_m3r

بارت الثالث عشر

لكيت مشط اخذته ورجعت للمكان حفرت بي حيل طلع بدايه جيس اشويه منه سحبته حيل كمت متفاجأه واني اشوف بين اديه صفيحه ذهب وكم مداليه ويا

طلعته من النايلون بسرعه حكيته بالحايط حتى اتأكد منه

ماتأثر اباوعله هذا منين جابته معقوله مثل ماگال المحقق عدها بيت دعاره

بس لا مستحيل شكلها مومال هيج

يجوز مال العجوز ماكو غيرها او هذا تعب عمرها كله لان ماذكرت عدها افلوس دوم جانت مفلسه

اخذته وكمت كلبته هذا الضيعتي عمرج وخلصتيها بتعب لخاطره

المن صار وانتي وين هسه شنو استفاديتي من انتقامج وسنين حارمه روحج من الحياة

اخذت نفس وخليته بجيب الجاكيت غسلت وجهي طلعت سمعت مثل صوت غيث يكول ابيش الساعه جانت ترجع

زهره. الفچر وبترجع تطلع معها مشان تنطف العماير

--اي مستشفى راحت سقطت الطفل

--ماراحو مستشفى مكان معاهم مصاري انه الي نزلتو بيدي كانت حتروح في بس ربي رحمها وأومها بالسلامه

--ماعرفتي شنهو سبب نزول الطفل يعني هيه سقطته لو هو وحدو راح

--ليش ماألتلك هي كانت بتشتغل بعماره عم تسمع الارض اتزحلأت من كتر التعب سأطت شوف اخي اني لابعرفك ولابعرفها اصلا هي كم اسبوع ضلت معانه

بس الواحد يحكي الي بضميرو ناي مافي متلها اتحملت التعب وشافت اشيا مافيه حدى بيحملها بس ابد ماامشت بطريئ مومنيح وكت مايأست وعرفت حالها ماراح تأدر بتحصل على مصار كان بدها اتبع عضو من أعضائها على انو اتبع حالها

-- يول ماشاك بيها ماخليتها باسمي واله وانه ضامنها اكثر من هلي بس خفت لايكون سمعتها كلام بسببو نزلت الجاهل

قبل لاتجاوب طلعت خفت اتخربط بالحجي وتلوصها

صار كدامي كلتله شجابك وشعرفك اني هنا

--اتأخرتي خبرت الولد كالو مااجت عرفت ماكو مجان اتولين بي غير هينه

همست ماتنعدل

--كربي يولي وحجي بصوت مسموع

--شنو واحد ميقره الفاتحه

اخذ نفس وهز راسه بيأس

رحت يم زهره جان ابنها واكف طلعلي لعابه زغير وضحك كال هاي لكيتها البارحه من جنت الگط رزقي وضمتها الج

كعدت كدامه اخذتها من ايده وبسته همست شكرآ راح احتفظ بيها

--راح اتركينا

--ماعرف احتمال ارجع تاركتها للضروف

--وين مكانك مشان كل يوم اجي اشوفك من نروح للشغل

--ماراح اطلعون للشغل بعد راح تعيشون بمكان نضيف وتتسجلون مدارس وتكبرون وتصيرون شي مهم الكم مستقبلكم

--طيب تعي معانا الله يخليكي

--راح امر عليكم كل مايصير عندي فراغ وهاي لعابتك راح تضل يمي اذكركم بيها

دمعت عيونه حضني ضميته حيل وبسته

كمشت وجهه اباوع بي البرائه والطيبه ربي جامعها كلها بيهم مايعرفون من الدنيا غير التعب مسحت عيونه وكمت طلعت السبيكه كلت لزهره شوفي هذا تعب بيارق

--شو هيدا

--ذهب

--بس منين چابتو هي يادوب تكفي روحها وين لئيتي البوليس نبشو كل شي ماكانو موجودين

--اكو مكان جنه نضم بي فلوسنا محد يندله غيرنا

--الله يرحمها وهيدا نصيبك تتهني في

-- لانصيب اطفالج هذا حتى لايشوفون الشفناه تاخذيلهم شقه وتسجليهم مدارس لاتخليهم بعد يشتغلون هالمره اجت وياج عدله ورجعتيلهم المره الجايه الله اعلم شيصير

--لامافيني هيدا كتير

--لاراح تاخذي وامانه لاتنطي لزوجج

--شوعم تحكي لگي هدا تعبك كمان مافيني اخدو مو كنتي بدك تاخدي شقه مشان اهلك

--مالج شغل بهلي اني اعرف ادبرلهم مكان اهم شي اطلعين الاطفال منا وتشوفيلج مكان وتشتغلين شغل غير هذا لا دمرين مستقبلهم اول شي اتسوي طردين زوجج حتى تعرفين اتكملين صح

--كيف فيني اعيش من غير سند

--بنتي لاتخبليني سندج قوتج رجال شنو تره وجوده مثل قلته تردين اتكملين طريقج صح شيلي هالكائن من حياتج

الرجال حاله حال الجاكيته البراند تستخدمي بمزاجج وكت حاجتج ينشمر ابأول خدش

عضت شفتها وبتسمت عينها وراي انداريت لكيت غيث اديه بجيويه يباوعلي رافع حاجبه اشر كملي

مارديت جريت ايدها وخليت الذهب بيهن

--سمعي نصيحه من وحده جربت كل الطبقات اخذي شقه بمنطقه شعبيه راح تلكين بيها ناس بسطاء وصاحبين نخوه لاتقربين يم --- ماتشوفين منهم بس الاذيه وقله مروه

--مو الكل

--لاالكل واي غلطه حتى لوماكان الج ذنب بيها راح يحملوج مسؤوليتها اتگول انتي الي اختاريتي اتكون حياتج بهالشكل

هزت راسهه حضنتها حيل دنكت بست الاطفال

انداريت للغرفه باوعتلها شكرآ بيارق على كل لحظه وكفتيلي بيها على كل امل وحلم رجعتي لحياتي ماراح انساج ابد

سحبني غيث انداريتله كال كافي

اشرت اي نزلت دموعي شهكت ماتحملت اودع مكانه اخذني لحضنه باس راسي همس الله يرحمها كافي يولي لاتبجين

سحبت روحي منه مسحت عيوني سلمت على زهره طلعنه

صار سامو كدامي بيده سجينته ومنتجي على حايط يحگ بخده جان يباوع لغيث ماعاجبه

الحمد الله مامنتبهله صعدنه شغل سيارته خليت راسي عالجام

حركها اباوع الجهال تلعب وتضحگ ياريتني ارد لهذا العمر ياريتني ماكبرانه

غمضت اخذت نفس احس راسي يريد ينفجر رجعته عالكشن افرگ بي

--شبلاج يبه

--ماعرف راسي ديوجعني

--اخذتي علاجج

--اي بس ماعرف ليش رجع الالم

--ماضل شي نصل للشقه ورتاحي هذا ارهاق

--وين ياشقه والمومن

--عش هيج مستعجله عالطلاگ اهاا صدك نسيت براند
المهم يمج شريط حب اخذي وحده راح يخفف الالم

--حب شنو

--مضاد للجذب والعرامه

فتحت الجكمجه لكيت شريط حب ابيض كلتله هذا
هز راسه وشمرلي بطل مي

من كثر الالم طلعت ثنين انتبهلي كال وحده لاتكثرين

--لااني متعوده اطبگ اثنين

--لاهذا مفعوله قوي وحده كافيه

اخذته شرب مي وشمرت الثانيه من الشباج

--اشتعلت امج

--خو امك هي حبابه قحط بعدني احجي

شحط سيارته وكف ردت افتح الباب كمشني من شعري

--دحگي لج صبري خلص وياج كلمااكول اصبر تنعدل تزيدين ناااي وعمة الساده حلكج هذا افلشو الج

--غيث لاتتجاوز على اهلي حتى مااتجاوز

--بت القندره منهو متجاوز

ردت ارد عصر حلكي بيده الثانيه كال حرام اخليج بجنطه السياره لمن اتعفنين نفس اذا سمعت منج انهيج

دفعته انتجيت درت وجهي للجام مجتمع ذكوري قذر
كلشي انطيني صبر بس خلي اطلگ واخذ جوازي واعلمك اشلون الرد يجيك

--ناي لادردمين عندج حجي احجي بصوت واضح

--يلا اشوكت نوصل للمومن

--هسه نصل للزمال انكتمي

هو يسوق واني راسي بده يفتر والدنيا اتروح وتجي شلت البطل غسلت وجهي نفس الشي فركته ردات استعيد نشاطي ماكو احس بخدر

اشويه وزادت حالتي انوب اباوع للطريق نفس الشارع دنخلصه نصعد الجسر وننزل من الجهه الثانيه

-- غيث شصاير

--سلامتج

--شنو سلامتج دنعيد الطريق وراسي ديفتر شنو انطيتني

--مهدء نوعيه محسنه خلي راسج عالكشن اقل العشر دقايق ترفرفين ويه الملائكه

--شنو يعني

--بنتي لاتشغليني جاي اسوق انكتمي نامي من نصل اكعدج

خليت راسي عالكشن اباوع للطريق والله مامتوهمه نفسه هذا الجسر هسه نصعد وننزل من نفس الطريق انداريت باوعتله يدندن ويه الاغنيه ويدكدك بصابيعه عالكشن

شنو شارب شي هذا لو صاحي

سكتت خلي اشوف كم مره راح نطوف اقل من خمس دقايق وعيوني بعد مااكدر افتحهن حتى لساني ثكل حسيته ايده يضرب خدودي كال ناي تسمعيني

--مم

--هسه تمام

ماحسيت بعدها رحت بالنوم لمن كعدت على الم بشفتي فتحت عيوني بعده الخدر بيه

انتبهت لروحي بحضنه بدون ملابس عالفرشه جان يدخن ويرد يعض بشفتي دفعته
-- شدتسوي

مارد اخذ نفس نفخه بالجو وطفه الجكاره يمه ردت اكوم سحبني رجعني لمكاني ردت ادفعه كمش اديه صعدهن كال انتظري لج

--غيث وخر

--اشلون سقطتي

--شنوو

--مال اتكولين سقطت طفل شوفيلج زمال غيري عبريها عليها موش اني

--شقصدك

--هسه اكلج شقصدي

كالها واخذ شفايفي بين سنونه وايده بدت تتجول على جسمي رفست ردت اسحب روحي منه ماكدرت بس صوت الونه تطلع مني مطوقني من كل مكان

احس شفتي اتملخت بسنونه
تركها ونزل على ركبتي صرخت غيييث وخررر لك غيييييث

سد حلكي ورجع لصدري كلما يحضهن لو يبوسهن حيل اتشوط روحي رفع راسه كال مسقطه مو

هزيت راسي

رجع ضغط على بطني من جوه باوعلي صفنت هذا المن يريد يوصل ماشاف مني رد فعل رد اتقربلي ضرخت ضغط على حلكي حتى لايطلع صوتي و -------

وخر مني لفيت روحي بالجرف والعن بي ساقط منحط

جرني من شعري رجعني لحضنه قرب شفتي من اذني همس اذا اني ساقط انتي اتعديتي هالمرحله من زمان

--الله يلعنك

عصر وجهي دنگ عظ شفتي دفعته ماكدرت اخلص روحي ضربته بصدره بكل حيلي ولاهتم اتكول اضرب بالحايط ماتركني لمن شعلها شهكت من كثر الالم وخر مسحها بطرف اصبعه

--المره اكتفيت بهيج الثانيه افلع لسانج من اصلو

--وخري عني يله

--هاي ثاني مره اتقربلج بنفس الساعه

--شنو يعني

--فهمج كفايه لو اشك تفتهمين انتي شاطره بس بالجذب

كالها وكام اخذ خاولي راد يطلع كلتله اني ساقطه وجذابه طلگني يله

--هينه من عيوني

--غيييث لاتروح والله احرگ روحي لك ليششش هيج دعاملني ليش اتحسسني بالرخص

--على شنهو يارخص عش يولي جايبج بالحرام يبه تراج بعدج حرمتي

--واني مااريدك اريد اطلك

باوعلي رفع حاجبه حجه بستهزاء حلفي ورجع يطلع ملابسه من الكنتور

--شنو التغير انت موجنت اتريد تاخذني اطلكني اليوم

--غيرت رأيي لكيت روحي الخاسر الاكبر بهالسالفه واني اتعودت اطلع من كل مصلحه بربح

--راح ارجعلك افلوسك

--ذاك الوقت اطلگج كالها وطلع للحمام

غمضت عيوني هذا اشلون راح اخلص منه

جريت ملابسي استوني لبست الداخليات ونفتحت الشقه دخلت ساره صاحت حبيبي وينك

ضميت وجهي كملت مسحت وجهي ولبست تنورتي داالبس القميص دخلت وكفت صافنه كالت شتسوين هنا

--ساره قبل لاتتهجمين وتشمرين حجي روحي لغيث وشوفي اشلون جابني لهنا

--غيث شنوووو كلتلج لاتتقريبن منه لولا

--واني ماتقربت هو ماعرف شنطاني وجابني بدون لاحس

--جذابه غيييث ميسويهااااا كالتها واجت اتريد تجرني دخل بسرعه سحبها كالها ساره هدئي

--شنو اهدء انت مو كلت راح اطلكها ولك اجيت حتى احتفل وياك بالمناسبه الكاك بحضنها

مارد دنگ شالها وطلع دخلها للغرفه الثانيه وسد الباب مااسمع غير صراخها وهو يحاول يهدئها

لبست قميصي عالسريع ردت اطلع واسمعها اتكل

--ليشششش هي ليششش هاااا ولك غيث موكلت متصير باسمي غيرج مو كلت غلطه اخذتها وراح اصلحها شنو التغير وجاي اتكول مرتي

--اطلكها بس هدئي حبيبي

--اهدء مو اتريدني اي راح اهدء و مااسمح لاحد ياخذك مني ومحد تصيرلك زوجه غيري

--ساره اذا كربتي صوبها اعدمج العافيه لاتخليني اذيج كلتلج راح اطلك

--جذاب محد يعرفك بكدي ماخذتها لخاطر الطفل ولاراح اطلك

--لالخاطر ابوج اخذتها اشبيج بابا حتى الطفل مااريده منها

--واني مااتانيك وهاي الساقطه راح اخليها تتمنى بس ماواصله تركيا

--كونج بت ابوج من صدك وتنفذين الكلتي

--تعرفني كلش زين انفذ وحتى انت راح اندمك راح اخليك تترجاني بس حتى ارحمك

--روحي سوي كل التكدرين عليه بس وعمة الساده يساره اذا شعره وحده لمستي من ناي يكون اخر يوم الج بالدنيا

--اخبر بابا وهو يحاسبك

--خبري وعملي التردي ناي اذا بس سمعت موش ادحگ صايرلها شي ادفنج انتي وابوج بنفس المجان امحيكم من الكوكب

--تكتلني لخاطرها غيث ليش مواني حبيبتك مواني الخلصت عمري بحظنك مااشوف غيرك لعد وين وعدك وين حبك ترديد تموتني علمودها وتكول مااحبها

--يابه شحب بيج شي انتي هو اني نفسها كارهه اجي احبلي وحده ماخاله شغله عوجه ماعاملتها

--لعد ليشششش اخذتها ليش اتزوجتها

--تدرين بسماهر من زمان اتريد جاهل

--لاالف وحده حصلت والف وحده جانت متاحتلك حتى تحصل طفل منها ليش بالذات ناي خليت عينك عليها من يوم الكلتلي جاي بسياره حسيت وراك شي واله انت من شوكت تجي بر

--كم مره سالتي وكلتلج لخاطر كرم اجينه تعرفين نفسه عزيزه وميخلينه ندفع طيران وهو ميكدر يجي غير بر

--اهاا يعني صدفه صارت جيتكم نفس اليوم تذكر من رجعت شنو جنت تگول لجود اشلون توصفهااااا لو اذكرك كالتها وضربت شي ماعرف شنو بس صوت تكسير وغيث انخبص

دكمت قميصي عالسريع اخذت مفتاح الشقه من الميز وطلعت بسرعه بلكي لنها كاتلته ومخلصتني منه

دخلت للشقه سديت الباب

بعدني ماشامره المفتاح واسمعها دكت الباب وترصخ نااااااي فتحي

وراها غيث مااسمع شنو حجه بس يمكن شالها ورجع للشقه

شمرت الجاكيته يلا بالله هم حضي ماعرف انقهر ماعرف اضحك حتى بالحلال مخصوبه ومفضوحه لوبس اعرف ماما بأي ساعه دعت عليه الي هيج دااشوف بحياتي

مسحت وجهي النعسه بعدها بيه الله ياخذك شنو انطيتني وهيج مسطوره انتي هم ثوله من اتعرفي منحرف وصاحب مكسرات اتثقين بي وتاخذين منه سم اشلون

رحت للغرفه اخذت ملابسي رحت للحمام علكت ملابسي وفتحت الدوش دخلت جوا ماعرف ازيل التعب ماعرف الهم لو قذارت هالقذر

شنو جانت تقصد ساره من اتكله جذاب وهو ليش خايف منها ويهددها

اعرفه يحبهاحسيت بخوفه ورجفته عليها من تبجي بس شنو الضامه الي يخلي هيج مكمش بيه

موشغله حب مثل متكول ساره لا جان اتقربلي بهلفه لو صدك هذا مجرد رغبه لاكثر

ولاالخاطر غريزته الحيوانيه الف وحده يجيب احلى مني وحتى اصغر يحصل

حتى الطفل مجان هامه يصير اولا

غيث منين طلعتلي وشنو رايد بالضبط

كملت السبح وكفت انشف انتبهت للمرايه اثار بطني مال عض الله يلعنك ذني اشوكت سويتهن اكيد من جنت مطمور

لبست وطلعت اباوع للساعه ب٩ونص والولد بعدهم ماجايين

بس الحمد الله مااجو من وكت جان انفضحت

رحت للفون اخذته اتصلت بكرم فصله دقايق واجاني مسج ناي اليوم نتاخر شفت ثاني عدنه

قريتها وغلقت الفون رجعت لغرفتي مشطت عالسريع شمرت روحي عالفرشه اتصلت بالحن هم ماردت وذني هم ماادري وينهن اخاف معوزه اني طياح حظ يكملنها

اتصلت بعمو رد صوته نايم كال ها ناي

--عمو وين ماما اشو اتصل ماكو

--رايحات للعرس ويه امي زواج اخوه مرتي اليوم وضلو هناك

--اها اشلون صحتها ماما

--مابيها شي زينه بعد بس العمليه وتكوم كلشي مابيها واذا طلعت خالصه من الورم احتمال مانسوي متانين التحاليل

--اذا اجن خليهن يتصلن بيه

--تمام ناي حاجي زوجج خلي يدز الراتب عالرصيد بعد لايدز اركان

--ليش شبي اركان

--سمار يخاف منه كلما يجي سوده عليه يضل يومين مايدخل للبيت كاعد باب البيت

--ليش حتى مايدخل واركان ليش حتى يخوفه

--ماعرف ولايرضه يحجي من اسأله هسه كوه كام يدخل وبس بليل من الفجر يطلع يگعد بالحديقه بره ناي ذوله مجرمين وشكلهم يخوف لومامعتاز افلوس لعلاج امج فلا اخليهم يوصلونه

--تمام عمو ومنا وجاي اني راح احوللكم بعد ميوصلولكم وابنك علمه خلي يسترجل اشويه شنو هالجبن العايش بي

--ابني رجال

--كلش من ينام بره يخاف يدخل بيتهم عرفته واتراهن حتى مامهدده بس خازره هذا

--رجال غصبآ عنج وهذا التحجين عنه فرق بينه وبين الحيوان بس السلاح الشايله ناااي خلي يبتعدون عن جهالي لايضل يهدد داگلج مرعوب شذنبه بسببجن هيج حالته

--تمام عمو ولايهمك هسه احاجي يله روح نام تصبح على خير

سلمت وسديته خليت راسي عالمخده ياربي كون صدك متعتاز عمليه حتى اكدر اجيبهن هنا

غمضت رحت بالنوم لاسمعت من ردو ولااشوكت طلعو ماكعدت غير على صوت المنبه ثاني يوم

راسي مسطور بعده اباوع للساعه ٨ طفرت ذوله شنو ليش مكعدوني صدك يحجون لو يجوز كعدوني واني ماادري

كمت غسلت وجهي ورتبته وغيرت ملابسي شلت شعري

سمعت الباب تندك طلعت فتحتها لكيت ساره كدامي دفعتها كلتلها اريد اطلع ومشتكلج ويه غيث اتحليها ويا لاتجين الي اني حالي من حالج

--شوداج لشقته

--مارحت بنتي ليش متصدگين انطاني سم واخذني بدون لاادري

--ناااي خليني ادخل

--اريد اطلع اتأخرت عالشغل والولد ماموجودين

--وشنو ممنوع ادخل

--اي ممنوع تدرين بجود ميرضه

--وليش راضي بجودج لازم مسكته بغير شي يدري غيث مكضيتها بحضن صاحبه وبايعتها عليه شريفه

--امم حلو لعبه جديده تعالي دخلي خلي افتهم شنو تردين

دخلت سديت الباب كلتها يلا احجي الرايدته شنو

غيث واني مبتعده عنه الف متر واليوم بلذات ماراح اخلي يتحرك مكان اذا مايطلكني

--ماراح تسويها وراح اتبوسين حتى رجله بس حتى يخليج وين محصله واحد مثله وانتي تاكلين بالزبل

--ولج والله حتى خجلاني من روحي واكفه اتعارك لخاطر واحد تافه مايسوه دينار بس هم حقج بالنسبه الج لا هذا صنفج

--ولالبالج بحالج البارحه كال بس ردت اكسر عينها جبتها للشقه لان شايفه روحج دخلج بس حتى يبينلج انتي اشكد رخيصه ينام وياج حالج حال الساقطات ويشمرج اول ميخلص وبلاش

--امم بعد شنو كلج

--راح يطلگج وتردين للعراق لان اكتشف انو تتنقلين من حظن جود لحضن كرم وحتى الطفل نزلتي لان ماعرفتي منين صار

--هم حلو بعد

--تتهزلين حضرتج مامصدكه وداعت غيث اذا مارجعتج يم عائلتج المنحرفه ماطلع ساره

--منحرفه ؟

--اي وليش متفاجئه لعد ليش ذبحوا اخوج لوماعرفين بي شغلته هاي

هيه كالتها واحس كلبي اشتعل نار
-- كلشي تحجي وتتهميني بي اتحمله واكول ميخالف حقها محترك كلبها بس من توصل لعاشق لاماحزرتي

اني گاضيتها بحضن صاحب زوجي وخوي منحط غير انتي الله دزج الي من السما بهالوقت

شو تعالي كلتها وسحلتها من شعرها عرفتها راح تصرخ سديت حلكها عضتني دفرتها ابطنها انطوت ركعتها بعكس ايدي بضهرها

وكعت بالكاع كعدت على بطنها جريت الكوشه خليتها على وجهه سديت حلكها بيها ونزلت عظ وبوكسات

دفعتني وكعت على ظهري اندارت عليه قبل لاتفكر تضرب جريتها من شعرها وصلتها قريبه ركعتها كله بكل قوتي حسيت راسي اتفلش

كمشت راسها وكامت اتريد تروح لغيث طفرت سحبتها من شعرها اندارت بت الحيوان و ضربتني على وجهي

رجعتها للكاع وبلشت بوكسات بحركه كلب اضرب وصيح من الحيوان هاااا رجع اضرب فقدت ماحسيت غير تفله بوجهي شلت ايدي امسحها

-- موبس حيوان منحرف كمشو ويه ابنه وذبحوا

هي تحجي واني الشياطين طگت اطبول الحرب بعد مااحس ولااشوف شلت راسها ودكيته بالكاع شفتها سنحت

حسيت براحه مسحت وجهي وكمت

باوعتلها اخترعت من شفت شكلها اني شسويت بيها حتى نفس ماضال

شلت شعري عدلته ردت اطلع واسمع شقه غيث انفتحت انداريت اباوعلها بس اتون وتبجي بهدوء

عزا وين اضمها اذا شافها يموتني

ركضت اخذت الفون وطلعت دااسد باب الشقه طلع بيده الفون يتصل شافني اشر شكو لان شافني وجهي بي اتشخط من اضافيرها

--ماكو شي رايحه للمطعم

--وعش مزنحه

--لان اتأخرت كلتها وسديت الباب

اسمع صوت الفون مال ساره يرن جوه انتبه غيث عكد حاجبه واجه

ركضت ردت انزل لحك كمشني من شعري باوعتله

-- فتحي الشقه

--مابيها احد

--نااي المفتاح كالها وجرني صعدني الدرجه صرت يمه اشر المفتاح

طلعته انطيته

اخذه ايد يفتح وايد كامشني

فتح الباب شافها كدامه بالكاع تبجي مفصخه دفعني جوه وسد الباب

راح دنك عليها كومها مسح وجهه شهكت حلكها وخشمها مدمايات تركها وكام اندارلي اجه يتمشه يمي

--اسمع قبل لاتحجي

عكد حاجبه كال شسمع

--هيه اتجاوزت وغلطت

--وهيج اطگيها

قبل لاارد ماحس غير راجدي شلع خدي كمشني من شعري عصر وجهي بيده الثانيه حجه من بين اسنونه
-- مومن طبعي اطگ حرمه بس الضاهر انتي مامحسوبه منهن حالج حال الحيوان متجين غير بالطگ

--خلصت وخر يله

--نااااي ناي كالها وعصر حلكي بيده حسيت شفتي انفتح جرحها
ناااي وعمة الساده انهيج لاتجربين حظج وياي ساره ماتگربيلها

هزيت راسي اي دفعني لطمني بالحايط رجع لساره كومها اخذها للحمام يغسللها

اخذت فوني وگع بالكاع وطلعت امسح بشفتي كامشتني العبره

وكفت بالكراج امتانيه الباص اتذكرتها اشلون حضنها خايفه عليها واشلون ضربني نزلت ادموعي مااتحملت

اجه الباص صعدت دكيت الكارت وكعدت بالكرسي والشهكه كامشتني كلما ردت ابطل ماكدرت

الناس اتباوعلي خجلت من منتظري بس موبيدي كلبي محترگ ليش الكل مستضعفني وهيج يهينوني

يعني هو يدري بيها باطله وضربني لخاطرها ليش بس لان ماعندي احد ويدري محد يحاسبه

وصلت كمت نزلت مسحت ادموعي دخلت للمطعم صار جود كدامي باوعلي كال شبيج منو وياج

--محد وين كرم

--جوه يشتغل غيث ضربج مو

--لا كلتها وردت ادخل كمش ايدي سحبني وكف كدامي كمش وجهي بين ادي باوعلي همس ليش ضاربج

نزلت دموعي مسحهن شسويتي حتى هيج مأذيج

--بس دفعت ساره وهو شبعني راجديات ودفرات اخر شي سحلني من شعري وشمرني من الدرج شوف وجهي اشلون اتشخط

--نااي بس دفعتي ساره متاكده

--بس راجد ضربتها اندارو عليه هو وياها موتوني شوف ايدي اشلون صلخها وقميصي شگو

باوعلي وضحگ خلاني اضحگ خربط شعري

-- بطلي اتاذين بالعالم
يلا غيري ملابسج وغسلي وجهج تعالي استلمي شغلج تره كرم گام يسحب خارجي من التعب

--روح جيبلي شي فدوه شفتي تحركني بلكي تبطل تنزف دتوجعني

--يلا هسه اجيب لزكه من الصيدليه بس غيري ابسرعه حتى اتكمشين مكاني بين مااروح

رحت غيرت ملابسي طلعت لكيت كرم يمسح
-- ام غمازه متجين تمسحين مكاني

--يامسح لعد متدري المدير سلمني مكتبه

--مبين من وجهج الشابع بي راجديات شمسويه ولج

--كتلت ساره كتله تسوه عمرها اخر شي خنكتها وطلعت حليب امها من خشمها

--ليش ولج خطيه

--تتهمني اني وجود عدنه علاقه اتريد اتخرب الامه اخاف عايزه خراب

--لعد تستاهل حيل بيها مافركتي حلكها

--غير بقه حلگ من الاساس طيرته الها خليتها بعلباتها صدگ كرم اسالك سؤال الله عليك جاوبني بصدك

--شنو ولج مصيبه اكو

--لاساره تشتغل بمافيا لو لا

--ماعرف بس ابوها عنده ملهى مشهور وبالدوله ليش

--ماعرفت بس سمعتها البارحه تهدد غيث وهو شكله جان خايف من تهديده

--ههه غيث خايف شوفي غيرها

--والله مداجذب يريد بس يسكتها

--ناي ساره خطره وعدها غيث بالدنيا كل اصدقائها خارج القانون شغلهم ومحد يكدر يلزم عليهم شغله بس اتخليج ابالها تره ادمرج

--وعالاساس هسه ماخالتني ابالها تره تفتر عليه بس ماعرف ليش لحد الان بس حجي وبالاخص اليوم من شفت حركتها واشلون تحجي شاطي باطي حتى اتحرني يمكن خايفه اشتكي عليهم

--ضحكتيني انتي وشكواج بعدج باب المركز يشمروج عالحدود بالصحراء مصدكه روحج تره احنه ابااكبر بلد مافيات اشتحجين انتي

--لعد شنو المانعها لسه ماواصلتلي وهيه تكدر بكلمه منها اطير راسي

--اكو من اليطير راسها هي وابوها روحي حبابه ماعرفتج بهالغباء جود ديصيحلج

ماعرفت شيقصد ماكو غير جود كامش عليها حاجه ويهددها الي هيج ساكته

رحت وكفت مكان جود وهو طلع

اجه كم واحد اتحاسبت وياهم خلصت رحت للطاولات رتبتهن

افتريت بالمطعم امرتب والكل واكف على شغله ماكو خربطه هاي لوعدنه هيج وماهو المدير جان حتى دومله لعبو

اتعده الوقت وهو ماكو رجعت كعدت مكانه اجه كم زبون انطونه الاحساب وطلعو

اباوع الساعه اتأخر هذا صدك يحجي هياتها الصيدليه وين راح ساعه واجه الكلب المدير تالي يحاسبه ابسببي

طلعت بره اباوع الشارع ماكو شلت الفون اتصلت ماكو
سديته خليته بجيبي ردت ادخل وكفت سياره غيث بالباب ركنها و نزل

اجه امدنگ يعدل بردانه يطبك بي وصل للباب يريد يدخل خليت رجلي امنعه شال راسه اشر شكو

--عدنه صيانه منستقبل زبائن

--امم بعدي بنيتي

--لاتكول بنيتي موطفله اني صدك ذكرتني بطفلتك سكتتها لو بعدها تبجي

مارد حك حاجبه هو ومدنك وصل يمه جرني من ياختي همس كم مره انبهج عالدگمه كالها ودگمها دفعني ودخل

دخلت ورا سحب الكرسي كال كهوه بسرعه

--ماعدنه بن

--وين جود

--ترگ الشغل

--حلو ناي كهوه لاتخليني اكوم امسح الطاولات بيج مبين مافادتج كتلت من اشويه

--مثل مامسحت بحبيبتك الكاع تدري اشلون جانت تتوسل واني اكتل بيها ماخليت كلته ماجربتها اووي كسرت خاطري واني اركعها كلات خو اخر بوكس صدك انكسر كلبي عليها

--مثل منجسر كلبي عليج وانتي مثل العصفور بيدي خايفه

--ماحزرت مو اني الاخاف ولاراح يجي يوم اخاف منك وهاي ساره كلمااشوفها راح انطيها كتله حشگ ولبگ شرط اعدلها الك واشيل شكو نعوصه

--منهو كلج رايدها تفقد نعوصتها وشبلاج اطفرين من تحجين يولي انوثتج وين يله روحي حبابه لو اكلج حباب مجاي ادحگ شي يدل على انج بنت

هو يحجي واني اكل بشفتي الجوه النار مشتعله افور فوكاها يقلد ردت احجي همس تركي شفتج اذا عدتها افلش حلگج

--اشوكت اطلگني

--هسه بس اشرب كهوه اتهيري

درت وجهي مريض نفسي رحت كعدت مكان جود خليته بدون طلب

باوعلي وهز ايده اندار طلب من غيري جابله كهوه ضل يشرب ويگلب بالفون لمن دخل جود شمرلي اللسقه كلتله ليش اتاخرت

--جبيتها من العراق ماكو هنا

--اجه العثره صاحبك شوفه شيريد متانيك

--ناي خومالغيتي ويا

--لاوالله طردته بس لزكه

--عفيه بالبطله اريدج اسبع ولج وجهج ماضل بي مكان للضرب ليش متبطلين

دمعت عيوني كلتله يگلي انتي ولد مابيج انوثه

--هههههه ماعنده ذوق هذا اجمل بنت شايله جمال طبيعه ورقه فراشات

كرم. ولك يارقه متأكد والمسيح اذا ننطيها مجال تتلاوه ويه شاهين ابو الكص وشرط اتشوهه وجهه

باوعت لجود مقهوره ضحك
-- وداعت هالعيون التضوي احلى اميره مالج شغل بيهم

--الحمزه يضحك عليج لايم الجمال ولاتعرفين دربه تتلاصصين جنج بزونه شارده بليله بدون گمر يلا لج هاج الماسحه روحي مسحي البره تره المدير طالعه سوادينه واذا شاف البره وسخ يمسحه يخدج البلا غمازه

اخذت الماسحه جود راح كعد يم غيث واني طلعت اسمح البره وكفت سياره نزلو منها شباب لابسين اسود ضخمين

واحد وجهه كله مشخط ومتروس وشم والثاني اصلع لابس نضارات خفت من شكلهم وكفت على جهه لحد مادخلو انداريت اشوفهم سلمو على غيث وكعدو يمه

رجعت امسح اخذو ربع ساعه وطلعو شغلو سيارتهم شحطوها شحط

كملت مسح شلهت بنطلوني اغسل برجليه ماحسيت غير دمغه من وراي انداريت لگيت غيث يريد يروح لسيارته اشر مسحي عدل هو ويمشي

شلت الماسحه كرم كمشها بسرعه
-- امروتج والحمزه يشمرج بنص البحر ماعنده مانع

--ويين راح مودنروح نتطلگ

--لعد مادريتي غير المومن عزل فتح كافتريا وغيث گال مشغول اليوم باجر يدور غيره

--انتو اتضحكون عليه عود لو شنو

--منو يتجرء يضحك على سعلوه مثلج

--اريد شغل لخ بليل

--خفاششش

--كرم

--ميخالف اكو مصنع اشوفه الج بس تره ١٠ساعات بليل

--ميخالف شوفه فدوه كون من اليوم ابلش فدوه

--شنو الجديد

--اريد ارجع شكو افلوس اخذتها من غيث

--لعد حتضلين عمرج كله تشتغلين وهم ماراح اتسددين ليش شنو الصاير

--حتى لو اشتغل كم شفت بس مااخلي يمن عليه بعد ماانخلق الي يساومني بفلوس

--ولو مافهمت شتقصدين بس هم خليها باجر حتى اليوم انروح ورا الشغل انشوف المكان ونتفق ويه صاحب المعمل هو صديق جود خوش ولد اذا خلصتي ردي للطاولات

--منو ذوله الاجو من ساع على الغثيث

--غثيثين مثله شنو الجديد

--لاصدك اول مره اشوفهم بس شكلهم موقانوني

--عالاساس غيث الشكله قانوني ناي اشتغلي ولاتدخلين بيهج امور وساره للمره الثانيه ابتعدي عنها

--خلي ارد الراجدي الحصلته من غيث وابتعد

--لوماهذا الراجدي جان هسه بعدد الاموات انتي اذا خاله براسج اتردين اهلج هنا فاشتغلي من سكات وصيري حبابه امشي على قاعده لااسمع لاارا لااتكلم وابعد عن ساره واضل تحت حمايه غيث

--غيث ديشتغل شغل موزين اذا هو بايع روحه ماعنده شي اني عندي اهلي اول شخص ابتعد عنه اذا اريد اعيش بسلام هو غيث

--جان من البدايه اخذتي نصيحتنا ومادخلتي روحج بهالمعمعه الي ماراح اطلعين منها غير وانتي راسج مفصول عن جسمج

--محد يكدر يفصله غير الركبه

--وعبد الركبه ناي لاتشوفي يسولف وياج بهدوء واكثر التجاوز يعبره الج تراه يلعب ويه الشياطين بالنار

--اذا هيج اتعرفو شنو الجابركم اتضلون ويا

--نفس الجابرج وبنفس الوقت اخونه يضر نفسه قبل لايفكر يضرنه بس اذا خلص صبره لو حس بغدر مايذكر غير عذاب جهنم يله حبابه انسي السمعتي مني ودخلي مسحي الطاولات

عليك الطاولات اني غسلت الارضيه

لاتمسحيهن وغصبا عنج صار اسبوع شايل الشغل مكانج واذا مانعتي امسحهن بخدج المطعوج

--جوووود

--اشش بطلت بعد الله شيسوي بيج لاشكل ولااخلاق

-- بس اكمش اذاناتك من تحجي لاطير

--محزوزه وملبوسه

--كول شنو معناتها وامسح الطبلات مكانك

رفع راسه ودخل بدون لايجاوب عالاساس ماكو هيج
شمرت الماسحه و رجعت جوه ويه العمال لليل على فد وكفه ماشاء الله مطعم جبير ومكانه سياحي واني بالي يم ماما ماعرف شنو وضعها كلمااتصل يكولون ماموجوده

خلص وقت العمل غيرنه ملابسنه اني وكرم طلعنه انشوف المعمل

صعدنه الدلمش كعدنه سوه صعدت وحده افريقيه   واكو مكان يم كرم اجت كعدت وهو لزك بيه همس ناي مو اني نفس دينج واخوج

--اي وشنو

--كعدي مكاني حبابه

--ليش بس لاخايف لعد اني هم اخاف وجبانه وموحلوه

--والحمزه اجذب ناااي اخيج نااااي كالها وانجعص ابصفي لان عدلت كعدتها اباوعله وكوه كامشه ضحكتي لان اتباوعله بغضب وهي ضخمه بحيث هو واصل لمتنها ولام روحه خانس خايف كل عقله

--يلا حكوم بس انت اتسوي عشه اليوم

--حتى جواريبج اغسلهن

كمت بدلنه مكاناتنه انتجيت غمضت كال خرب يومج من اكول ارجل من ابوي يعترض جود

--عنده ذوق يخاف على مشاعري يعرفني تاثر بهيج شي

--ضحكتيني لومابالسياره جان عرفت شرد منو عدها مشاعر انتي عرفتج من اخذتي غيث

-- اشكد صار علاقه ساره وغيث

--ماادري بس الاعرفه غيث يحبها صدگ يمكن اكثر من مااتحبه هي

--هي تمشي بطال لو ماعدها هيج شي

--للامانه ابد صح عدها اصدقاء حاسبتهم زملاء عمل غير غيث لو تذبحيها ماتتقرب مخلصه اله اول شخص بحايتها هو وغيث هم يعبدها مويحبها

--لعد ليش ميتزوجها لاتكول لان مدمنه ماله شغل

--ماعرف والله بس دوم اتصير بينهم مشاحنات وياخذون اشهر متخاربين ويردها لان ساره مدلله الابنيه الوحيده لابوها وصاحبة مزاج وسهرات يمكن لهذا السبب غيث متبعد عن الارتباط بيها

--ولامره عرض الزواج عليها

--لا واصلا غيث كاره هيج شي ومستحيل يتزوج اتفاجأنه من كلتي عرض عليه ماعرف اشلون غير فكرته يلا كومي وصلنه

كام وكمت ورا سوالي مجال انزل

رغم شقاهم وياي وحجيهم عليه اله اشوف عدهم غيره وميرضون احد يوصل يمي

نزلنا رحنه للمعمل جان مال اقمشه دخلنه سلم عليهم وضل يحجي ويه الموضفين بعدين اجه المدير سولف ويا اكثر الحجي مااعرفه بسبب السرعه بس الحمد الله اتفق ويا من العشره بليل للخمسه الصبح الدوام وكال من باجر تكدر اتبلش وقعنه على استلام الشغل وطلعنه

رجعنه للشقه دخلنه لكينه جود بالمطبخ غيرت ملابسي روحت ويا وكفنه انسوي العشه ونضحك ويه كرم الي شمرنه علي غسل الملابس خلصت بلشت بغسل الاماعين وجود رتب الصاله ونضفها

صبينه العشه دناكل دخل غيث بيده فونه يخابر شمر مفتاحه وضل اكف اسمعه يكله كم ساعه

ماتأخر --لايول لحد يتحرك انتو اتهيرو وامنو المجان بين مااصل --- اررركان لاتجازف يخوووي بالقران اذا انگضبتو تنتهون --يول بس اسمع -- تمام عجل خبرو الازلمه ودز شاهين جدامنا تايتأكد ماكو غدر واني جاي ماتأخر --في امان الله يخوي

سد الفون اجه دخل كامو الولد كمت سلمو علي كمت ماعرفت شكو بعدين عرفت مسافر من كال ترحين ويه جود للمحكمه والمحامي نفسه مالتنه اتعرفي

--امم

--مكاون هوسه مصيبه حاولي اتأجليهن لمصلحتج والخلق السماوات تنسحلين ومحد يخلصج

--مااتعارك

--لاهاي هيه بينت جود خويه اي شي يصير دير وجهك يطبها مرض لاتورط روحك بمشاكلها

جود. روح خويه امن ماكو شي ان شاء الله

--تجي ساره لاتنطيها مفتاح الشقه وانتي اذا سمعت متحارشه بيها اختفي احسلج حرام ارد اكلب عيونج سود

--مااتحارش اصلا داادور على شقه اطلع وحدي

--استلم يلا بالله بلشنه بطياح الحظ بعدني مااتحركت ناي اريد اولي لاطلعيلي شغله جديده

--محسوي شي اول وتالي ادور سكن حنه حنتطلگ بعد ميصير اضل بصفتي شنو باقيه يمكن حروح لسامسون يكول هناك ارخص العيشه

اتخصر يباوعلي صفن هز راسه ومسح وجه

-- من يامصيبه طلعتيلي متكليلي منين اجيتيني

--اشبيك

--لاسلامتج يولي ناي مصايبج اتفكرين بيهن وتاخذين وقت لوهيج فجأه يجن ابراسج وتنفذيهن

--مرات افكر ومرات لا والله الي افكر بيها متجي عدله بيدي بس مثل كتلت اليوم للنعواصه مالتك لااجت وحدها

كرم. اكتلها غيث هاي متنعدل

--والله اله اعدمها يالله اخلص ميفيد وياها كلشي

جود. ههههههه روح خويه مالك شغل والله حتى احبسها لايضل بالك

-- اكضبها افلاحه املاجه شتعمل اعمل بس دخيل ربك خلصني من عثراتها

درت وجهي وهو اخذ الجاكيته كال يلا اودعناكم

مارديت دمغني انداريت لكيت الولد طالعين باقي بس هو كلتله شنو

--شنهو يولي طرمه متسمعين

--غيث ايدك لاتضرب

--منهو طاگج لاتعلين صوتج

--اشوكت اطلگني

--من ارجع

--ليش حتى من ترجع هاي شهود بس ارمي اليمن

--استحرم اني اله مومن

باوعتله همس ركبتج ضميها فشله من الولد وملابس تلبسين محتشمه لاتضلين جدامهم تفترين هيج

--من تعرف فشله ليش هيج سويت بيها

--تجبرين الواحد ناي اكثر الاوقات گضي بشقتي تراهم شباب يردون ياخذون راحتهم لاتضلين كاتمه على نفسهم

--اعرف حدور مكان

--كلتلج انهجبي بشقتي بين مااجي ناي رايح بشغل بروح هلج اركدي لاتوريني بعثراتج

--تمام بليل ابات هناك

--حتى بالنهار يبه انتي كاعد تفتهمين الاحجي لولا

همست ليش متخيل كلهم مثل طبعك اتقودهم الغريزه ويدورون بنات تره يختلفون اختلاف جذري عنك هذا شغلك انت بس ابتعد عنهم همه ملائكه

--ااخ بويه والله بيج سحله

--جرب والله اسحلك ساره اعدلك خلقتها واخليها من اتشوفك ا--سكتت كال كملي اتف ابوجهي على هاي المصيبه التورطت بيها

عضيت شفتي كامشتني الضحكه لان صدگ ردت اكول هيج

مسح وجهه باوعلي وبحركه سريعه كمش وجهي عض شفتي

ادفع بي مااكدر واخره ضربته حيل اخاف يجون الولد

وخر ردت احجي كال اششش ومسحها بصبعه

-- مره ثانيه اشلعها اذا لكيتج عايده هالحركه

--الله ياخذك

رد سحبها بس هالمره اقوه شهگت وخر كمش وجهي بين اديه عينه صارت بخدي همس ضحگي

--وخر غيث

--ضحگي لج

شهكت

دنگ باسني منه

--يله ولي كالها دفعني طلع

رحت غسلت بسرعه اخاف اتبين بس شتبين مفضوحه مابيه مجال سمعتهم طلعو ويا يوصلو للسياره

ركضت اخذت فوني ودخلت للغرفه قفلتها رحت لفراشي اتمددت امسح بخدي لعبانه روحي

يعيب عليه مزروف ويبوس بي من اكول بي انفصام يعترضون

اتصلت ب لحن رن لمن فصل ماكو رجعت اتصلت اول رنه ردت كلتلها هالحون وينج

--هو اني ويني سكتي ناي لاتحجين زعلانه

--حقج والله بس وروح عاشق جنت داخله بكأبه وفاصله عن العالم

--امم وشطلعج منها فجأة وذكرتيني

--هذا الله يسخط حظه نساني الكأبه واهلها

--ناي حبيبتي دتدعين عدل انتي لو شنو اشو تدعين الله يزيده جمال ويسخطج

--ولج حرگ كلبي اليوم كتلت ساره يكلي مسترجله

--لاهذا ضلمج منو مسترجله نانو لاياميخاف الله اشلون هيج ديكول هاي نانو ام الانوثه

--انجبي ولج مشتاقتلج والنبي ومشتاقه لماما تدرين هالكد ماروحي محصوره حتى اشتاقيت لشارع خالو الوسخ

--هاي انتي وعايشه بتركيا لعد اني شكول مشموره هنا محتاره بين الشغل وماما

--اشلونها ماما مصارت احسن

--اي الحمد الله كلش زينه وحتمال عمليه متعتاز بس كون متنتكس صحتها

--لحن اريد ارجع والله كلبي بعد ميتحمل فراگ

--وين تردين ناي للضيم لبالج مرتاحين ومنو يستقبلج هو انتي بعيده وكل ثانيه يعيرونه بيج انوب تجين لاتشوفين عمو هيج تره ديحجي وياج هيج بس حتى ادزين افلوس والله اذا رديتي ميستقبلج اتضلين بالشارع

--يعني شنو اضل طول عمري بعيده عنكم بس اشتغل

-- ناي املنه بيج يجي يوم اطلعينه منا لاتكولين هيج دتأيسيني

--موأيسج بس والله مدااكدر تعبت متعرفين بيش مريت بس متجي بيدي عدله وهنا كلشي غالي وشغل مكثف واجره قليله منين مااحسبها مدترهم بس تعب

--انتي بس اجريلنه بيت كملي بلكي الله ماما متعتاز عمليه اني اجي وياج صحتي كلشي زينه صارت راح اساعدج بالشغل

--دتاخذين علاج لوخلص وساكته

--لاالحمد الله مااحس بتعب اتحسنت مجرد حبايه قبل اخذها وهاي هيه اكوم حالي حالهم بالشغل طبيعيه

--الحمد الله عفيه انطيني حافر لخاطر اشمر روحي بالشغل اكثر حتى احصل افلوس اكثر وأجر شقه

--وغيث طلگج

--لااليوم سافر وكال من ارجع اطلگج

--والاتفاق شنو البينكم

--تردين الصدگ وروح عاشق من اتقربلي البارحه كرهت نفسي حسيت بالرخص والذل تخيلت روحي بت ملاهي

--وليش خليتي

--موهو بكيف امي تركج منه واحد منحط الله --

--كافييي ناي لاتدعين اخاف ربي يعيبج

--اكثر من هيج مااتصور اشلونهم وياكم هم يضوجوكم

ماما ماتحس دوم نايمه قليل تگعد واني تدرين مااهتم اسمع واسكد اكو رب ياخذ بحقنا

لحن لاتسكتين رحمه لربج اليغلط عليج هفي دفره سكتي مكانه خليهم يحسبولج حساب لايستغلوج ماطولهم عايشين بخيرنا مايكدرون يحجون

ههه لامايغلطون بس يعيروني بمرضي باجي كل يوم تكعد تحسب اشكد بقى واموت وبت عمو اتكول اندفنج يم عاشق مانوديج لمقبره المسلمين

--من عمرهم على عمرج لاتسمعيلهم مابيج شي

سكتت

--لحن فدوه اروحلج خليج قويه اتحملي بس كم هالايام اول ماالم كم دينار اجيكم راح اعالجج هنا

--الله كريم

--لحن وعديني تتحملين ومتركيني مثل عاشق

--ناي خايفه اندعيلي

--انتي قويه لحن ابوس ايدج كلبي ماضل مكان احمل فگد احد

--ههههه ماشايله الموت اصلا راح اروح يم عاشق بس شايله همج وين اتضلين منو يحملج

--انتي اتحمليني ماراح اتموتين راح اشتغل اشكد مابيه حيل حتى لوليل ونهار راح اجيبجن يمي واعالجج وحتى دراسه اخليج اتكملين مثل ماجنتي اتحلمين

--صدگ ناي

--وروح عاشق بس وعديني تتحملين لحد مالم افلوس

ضلينه انسولف وحده اتقوي الثانيه وتنطيها امل وتشجعها لمن سمعت الولد اجو كلتها روحي يلا اسمعهم اجو وهذا كرم اذا عرف كاعده راح يلطش اله اطلع اسهر ويا

--لعد طلعي شكو نايمه من هسه

--لحن البارحه جنت بحضن غيث تعرفين شنو يعني

--انجبي اني سنكل ماعرف هيج اشياء يله ولي

سديت الفون واني اضحگ شمرته ومثل مااتوقعت باب الغرفه دكها صاح ناااي كومي لاتبجين ادري عزيز ومتكدرين على افراكه بس شنسوي اكل العيش مر

--كرم روح اريد انام

--كومي بداعت الغثيث خلي نباوع فلم هذا جود كاعد يتصفن وحده اتكول ارمله رجلها معرس عليها

--نعسانه كرم باجر نسهر

--نااااي ناااي جود احترگ كالها وكام يدگ بالباب حيل

--كرم روح طفي تره هو الي احترگ ادگ على بابي ليش

--هم صدك جواريبي وين نااااي

كمت فتحت الباب وكف اخذ نفس كال الحمد الله لبالي اتحولتي

--كرم شرايد

--الهوا بارد ربيعي وخدودج مورده ترحين بهذا الوجه الحلو لجود اتكليله خلي يطلعنه شايفه من يضربج الهوا وانتي بيدج عرنوص

--وين جود

--هااا كالها وصفن كال ولج نسيته بره العماره وسديت الباب كالها وراح يركض طلع

--يلا بالله وغيث يكول خليهم وحدهم خلي ياخذون راحتهم استغفر الله

رحت للميز لكيت شفتي زينه مامبينه كلش خليت حمره خفيفه وعدلت وجهي اسمعهم دخلو للشقه جود يرزل وذاك يكله لبالي سافرت ويه غيث سديت باب العماره

طلعت كلتله جوووود

--امريني

--بيك تطلع نفتر اشويه لو تعبان

--يله ماعندي شي الجو حلو بس منتأخر عدنه كعده من الصبح

--تمام
سديت باب الغرفه طلعنه من الشقه نزلنه نتمشه كال وين نروح

كرم. لامينونو

--ولك بعيد شيوصلنه

--تقسيم لاتكول لا قريب

--لاللساحل هم قريب وعالبحر الجو فد شي

وصلنه للموقف لكينه الدلمش يريد يروح

جود -كرررم اركض الحگ الدلمش خلي ينتظر

راح كرم يركض صعد لبانه كله يوكف اشو سد الباب واتحركت السياره جود ضرب گصته كال استلم نسانه

--ههههههه لاهياتها وكفت الرجال اشرلها

--امشي بسرعه تره هذا زمال هسه تاخذه ميدري وين رايح ماعنده مانع ينام بالشارع

شفنها اتريد تتحرك ركضنه وميتين ضحك صعدنه لكينه كرم كاعد والسماعه باذانه مويمنه

راح يمه جود ضربه على ركبته وخر السماعه ضحگ كله هاي شنو شتسوون هنا

--كوم كرم خلي تكعد ناي مكانك

--منو ناي؟

--استغفر الله كالها ومسح وجهه

كام كرم كعدت وهو ضل يمسح على ضهر جود كله نتحملها شنسوي يرجع وين يروح

وخر اديه عن وجهه
-- كرم حبيبي رد سماعتك لاذانك واكف عدل

--احبگ والله بس هالبزونه خربتك عليه بس تتنمر شوف اشلون تلاصص

مارد طلع سماعته خلاها ابأذانه ودار وجهه حتى يخلص منه

انتجيت اعدل كعدتي لان اليمي ماخذ المكان

حسيته مو راحه بس كلت يمكن غلطانه ادنيت يم الجام

هم حاص استغفرت ربي رجعت عدلت كعدتي اشويه واحس رجله تتحرك يتلمس رجلي من جوه شلت راسي ضحكلي دست رجله حيل ونداريت للجام اباوع

ماردت الولد ينتبهون حتى لاتصير مشكله

اخذله اقل الدقيقتين رجعت رجله هم طختني انداريت باوعلي وغمز ماشفت روحي غير اكوم اركعه بوكس بنص وجهه كمش ايدي

اجه جود بسرعه دفعه حررني منه
كال شكو

--ماكو شي جانت ذبانه على وجهه كتلتها

كام الرجال صاح عرفته تركي رد عليه جود اني موكلش افهم بس عرفت انو كال هيه اتعدت عليه

حجايه منا حجايه منا صعدت اصواتنه وكفت السياره

ادخلت الناس جود يحجي بعصبيه وذاك دفعه من صدره حيل اجه يوكع دفعت جود وركعته بوكس ثاني بوجهه

شال ايده راد يضربني دفعه كرم رجعه مكانه حاصره والناس التمت

صارت هوسه بعدوني وهمه ضلو يتعاركون

جعصت نفسي دخلت بينهم لكيت كرم بعده حاصره وذاك يدفع ويغلط على جود الي مكتفي بس يهدء الوضع

دفعته وكمشت راس الرجال ردت اركعه كله رجعت راسي ليورا بعدني مامقدمته ماحسيت غير انرفعت بالهوا انداريت لكيت جود مشى بيه نزلني من الدلمش

ثواني شمرو كرم ورانا وسدو الباب حركو السياره مشو

اتخصر جود باوعلنه كال شسويتو

كرم شال اديه كله اصلا جنت دااسمع اغاني

اني درت وجهي اباوع للطريق اتيه السالفه

--ناي كله كله انتي هم حاسبه روحج بنيه

--لعد اخلي تحرش اشلون

--وييين اتحرش تره جانت عيني بيج ناي اشوكت اتبطلين مشاكل

--اتحرششش رجله طخت رجلي انت ماشفتها

--استلم طاخ رجلها والله موصوجج العتب عليه اني الجبتكم انتو وجه سياره يلا كملو مشي اخذو راحتكم مااوصيكم هم شوفولكم واحد بالطريق ضربو

--والله اليدگ الباب يسمع الجواب

--نااااي يلا

خليت اديه بجيوب بنطلون وطلعت اني وكرم كدامه نمشي وهو ورانه بعد يرزل لمن رن فونه

طلعه رد كاله هاخويه --شنو بعدك ماصعدت الطياره --اهاا الله يسهل لاوالله طلعنه دنمشي بالطريق رايحين لوف جلار --حقك تكول زمايل ريحيلها مشي لوتعرف مرتك اسوت ماحجيت

---لاتعجبك واحد طخ رجلها بالسياره هفته بوكسين بنص وجهه وكمشت صماغه تريد اتسمطه كله

هو كالها واسمع ضحكت غيث طلعت من الفون كله ذيبه اتركها يول خليها براحتها

--انوب هذا يأيدها دروحو ماوراكم بس شلعان الكلب كالها وسد الفون

--ليش كلتله هسه يكول مسترجله

--كولي ولله لعد هذا السويتي شنو يتسمى ناي كله ولج بعمري كله ماتجرأت وسويتها واني رجال وين انوثج بنتي

--نسيتها بالبيت انتو استعجلتوني

--تره كلش تافهه حضرت جنابج امشي ناي

كملنه مشي وصلنه للساحل كعدنه راح كرم جاب عرنوص واخيرا كلت منه طلعت ذره مشويه

كاعدين ناكل ونباوع للبحر بس جود ضايج اني هم ماحاجيته

رد اتصل غيث فتح كام جود كله اشبيك يول كالب جهرتك

--غيث عدا الشقه تره سودنت البت تصرفاتها صارت ماتنحمل

--ولك وعمة الساده مسودنه من گاعها

--دگ الحديد عالحديد وصاح رن اشوكت اطير

--ربع ساعه بالجثير وين الذكي

--هذا ياكل عرنوص هو ناي

كرم. اتجاوز اتجاوز بيك بخت مافارغ ارد عليك داأكل

--انكتم اني منك اطم روحي زلم جوم حريم ولك گرطف جكاره جاتله العالم وانتو تتصفنون

--والحمزه مانطتنه مجال طاحت للرجال كلات وبوكسات سكتته مكانه هو بس كاللها اريد انام طفي اكلوباتج

--هو مبين زمال واله اكو مطي يتحارش بيها شدحگ بها

--ابربك موتشبه ملوح الطفل الزيبگ تذكره اذا ماحصل واحد يتعارك ويا يعظ الجلب

--هههههههاي جبيتها

همه مستمرين بالتنمر كمت تركتهم كعدت على جهه كمشتني العبره حسيت روحي صدك ولد

خليت الذره ابصفي اباوع للبحر امواجه قويه جبير وغميق

غمضت الله اشكد اتمنى اجيب خالي وعمي واشمرهم هنا

اشلون حياتي جانت لوماجانو موجودين

لوجان عاشق بعد عايش

بابا بعد بذاك المكان يعزف

حسيت احد خله ايده على راسي فتحت عيوني لكيته جود كعد يمي
-- ليش كعدتي وحدج

مارديت ضليت اباوع للبحر

--زعلتي تره نتهزل والله ملكه البنات انتي بس لو تبطلين هالتصرفات

--لوموهاي تصرفاتي جان هسه اني مره لواحد ابكد جدي عنده ثنين نسوان لحن ميته ماما بالمصح

--وماشفناج ولاتعرفنه عليج

--جان هسه مرتاحين مو

--اي گاظيها بالمطعم شفتين حتى الشقه منرد انام هناك حياتنا تافهه بلا اكشن ماعدنه بزونه تسويلنه مشاكل بالنهار اتركضنه وراها وبليل طفر بينه تونسنه ناي والله خايف عليج

--من شنو خايف جود تره لالبالك اني اسويها عمدن لو رعونه والله هذا طبعي اتنرفز ابسرعه الشياطين كلها تتربع كدامي افقد مااحس بعد

--لازم اتبطليها وتتعلمين التصرفات بهدوء وتشغلين عقلج هذا طبع ماوراه غير الاذيه الج تعرفين لو كامشينه الشرطه هسه جان شمرونه بالحجز وانت عندج قضيه بعدها ماساديها

هزيت راسي بأي

-- والله لاتعلمتي ولاراح اتبطلين جان بطل الخبل القبلج اشلون الله جمعكم ماادري

--راح ننفصل ولاتشبهني بي مره لخ

اجه كرم شمر الفون على جود كله غيث يكول ردو للشقه ساره جايه الكم انطيها الجرعه

--كومونه يلا هم الوقت اتأخر بس ابوس اديكم خلونه نوصل بالسلامه

رجعنه للشقه جان الطريق كله يتشاقه ويجر بشعري يريدني احجي مايدري ازعل من العالم ومنه لا

لان ادري صدگ خايف عليه بس اشلون افهمه انو اني هذا دزايني ميتغير

اخذنه لفات بالطريق اكلناهن وصلنه للشقه لكينه ساره كاعده بالباب تفرك براسها

شافتنه صاحت وييين هااا صار اشكد منتظره

جود. صوتج دخلي خلي انطيج السم

--انطيناه كله اني اقسمه يمي وين مفتاح شقه غيث اريدها

--لاالجرعه والا المفتاح ذني مويمي الج جرعه وحده تاخذيها وتولين لبيت ابوج

--لاادخل شقه غيث

--سااااره تدرين بي مايرضه واحد يدخل شقته لاتلحين

مادرت لان جانت حالتها تعبانه اتحگ بجسمها بحاله هستريه دخل جود لغرفته طلع ابره كامت ركض اخذتها منه وضربتها اقل من دقيقه اشويه وردت مابيها شي اتمددت عالقنفه تركتها دخلت لغرفتي نمت ماعرفت ضلت لو رجعت

ثاني يوم مر الصبح بالمطعم ويه الولد والعصر بلشت بشغلي الجديد

وصلني كرم دخل وياي عرفني على مدير الشغل وشنو راح اشتغل دز عالمساعده حتى تاخذني لداخل المصنع

دخلت الابنيه رويدا الي اجت للمطعم نفسها بس ماجنت منتهه الها هالكد حلوه ونازكه 

سلمت رد كرم بس اشوفه مضيع روحه مدنگ وحگ بشعره مبين متوتر

كالتله هاي ناي الكلت عليها

--اي هيه ديرو بالكم عليها يله ناي اني رايح اي شي تعتازي اتصلي بيه كالها وراد يطلع وكفته بسؤالها كالتله اشلونه جود

--بخير

--وستاذ غيث

هز راسه بزين

اندارتلي كالت اني رويدا

--واني ناي كلتها وتصافحت وياها

--تعالي وياي حتى ادليج وين شغلج

اشرت لكرم راح اروح الي واكف على صفنته مويمنه طلعت ويه الابنيه

دخلنه جوه علمتني على شغلي واشلون استعمل المكينه

جانت هادئه كلش حتى كلامها تحجي يثقافه كوه ينسمع صوتها

وبلشت اول يوم كان كلش متعب لان بعدني مامتعوده وهم كاعده من الصبح

خلصنه الورديه الاولى كعدنه ناخذ استراحه چاي

عزمتني رحت وياها اشترتلي كوب كهوه كعدنه نشرب خلينه بصفي افرگ براسي صدعت من كثر الارهاق

-- تعبتي مو

--اي والله راسي يفتر

--اشكد صارلج من اجيتي هنا

--موهواي كم شهر وانتي

--سنتين اجيت اكمل جامعه هنا بالبدايه اشتغلت بالمطعم ويه الشباب بس دوامي صباحي والمدير لغه الشفت المسائي بالمطعم اضطريت اغير شغلي

--ليش تشتغلين اذا جايه للدراسه

--اهلي على كد حالهم واني سكن طلابي ومصاريف الجامعه لازم هم اشيل اشويه ميكدرون وانتي هم دراسه

--لا اجيت ويه اهلي تالي همه رجعو واني اتزوجت هنا

--لعد شعجب تشتغلين ليلي

--لاهم اشتغل صباحي بالمطعم ويه الولد وهذا شفت ثاني

--زوجج يشتغل وياج

--لازوجي الله ساخط حظه بدون شغل باقي عالدياحه والبنات

--هههههه الله يصلحه كل الشباب هيج لاتهتمين بالاخص من يوصلون هنا ويشوفون الاجواء ينسون شنو مسؤوليتهم

--عسى ماانصلح شدخلنه بي بعد كم ساعه نطلع

--ساعه ونص سجلتي بالخط لو كرم يجي عليج

--ماعرف اتصل اذا كاعد يجي واذا هيج لاارجع وحدي

--انتي قريبته

--لا صديقه ليش

--مو شفت علامه الصليب بركبتج والبارحه من اجه سمعته يوصي المدير عليج كلت يمكن من اهله

--اكثر من اخ الي كرم والصليب جانت مداليه اخوي بس اني مسلمه مومسيحيه

--هيه موديل هالايام

--لاموموديل احنه اصلنا مسيح بس بابا صار مسلم صح حول دينه بس ضلت عادات المسيح عدنه وعلمنه عليها اضافه للاسلام

--اشكد حلو احب الدين المسيحي ناسه يكونون كلش بريئين وشايلين طيبة الدنيا بكلوبهم

--صح عليك يالله يتصرفون ماعدهم لاحقد ولايعرفون شنو الحيل وهذا كرم اكبر دليل اكيد اتعرفتي عليه اثاء شغلج وشفتي حنيته

هزت راسها بأي بس عيونها راحن غير جهه يتاملن خيال

شلت الكهوه اشرب شمااشوف اكو وراكم لغز جبير ليش هيج واحد يحب الثاني ومبتعدين

بس عزه بعينك كروم واني اكول فقير اشلون سافطه وحده بس حقه عليمن يطلع منو صاحبه

رن فوني رجعت الكوب مكانه وطلعت من جيبي لكيته ساره رفضته روجعته

ردت اشيل الكوب ردت اتصلت

رديت
هاا ساره كلش مافارغتلج روحي طالعه من التعب اتصلي بغيث وشمري غضبج عليها

--وينج

--بجهنم وانتي شكو

--بشقه غيث موو

--بنتي روحي ياشقه اني بره

--لعد ليش مينطيني المفتاح جود ناي طلعي فتحي الباب لاافلشه على راسج

فلشي اني منج افلش العماره كلها شنو مره عبده هيج يعاملج

--فتحي الباب

--نايمه الفرشه دافيه ماهون اتركها

--نااااي

--ومرض شكو تصرخين روحي لذاك الشامرج بره حتى شقته مايأمن يخليها بيدج

قبل لاترد غلقت الفون وحضرتها

-- منو هاي ساره حبيبت غيث

--اي صخام العثره

--شرايده منج هاي لاتكونين هم مدمنه انتي

--لايمعوده عوزي ادمان حتى تكمل وياي بس كولي لزكه تركض وراي من مكان لمكان هيج خالتني براسها متخبله ماعرف وين اتريد توصل

--الله يبعدنه عنها كومي يلا خلصت الاستراحه

مر كم يوم مستمره بالشغل

كرم يوصلني لحد ماسجلت خط العمل وياهم بس جان يوصلني لبدايه الشارع ويرد ابد ماوصل للمصنع

موذاك كرم الروحه مرحه جانت اكو غصه بكلبه من يشوف المكان اني هم ماسالته ماريد احرجه هو يحجيلي من وحده

قوت علاقتي برويدا بنيه حبابه كلش مؤدبه ومتدينه لابعد حد

اتبادلنه الارقام واتشاركنه امور العائليه وحده سولفت للثانيه على اهلها وحياتها طلعت من عائله كلش محافظة وابوها من جماعة الجامع

بالنهار اكضيها وياهم بالمطعم اطلع قبل ساعه ارد للشقه اكمل تنظيف وطبخ بين مايرجعون

نتعشى وكعد انتظر ابو الخط يمر عليه استغل الوقت اخبر لحن انسولف اشويه تنطيني حافز وتشجعني حتى استمر بالشغل

هواي اتشيل من خوفي لان جنت دوم اتخيل شردتي غلط وراح يجي يوم واندم على السويته بس من اسمع كلامها وتذكرني اشلون جنه يكثر دافعي واشمر روحي بالشغل حتى اكمل البديته

كاعده عالمكينه ويمي رويدا اترتب بالاقمشه رن الجرص مال الاستراحه

تركت البيدي ورجعت ليورا اعدل ضهري احسه انطبگ

-- ناي كومي دااصب ناكل

--شنو مسويه اليوم

--برياني بس يموت

--اني اشوف وراج راح اصير الدب ويني

--احسن ماتكونين مثل ساره معصعصه صدك بعدها وياج

--قافله عليه بس همزين كلما توصل بينه للضالين وتريد اتخبر جود يساومها بابره تبطل

--الاستاذ مارد

--باجر احتمال يجي سمعته البارحه يخبر الولد

--بس هو يكدرلها

--اي من باجر اذا ابوها بالامن

--هو ابوها تاركها يمه بسبب خوفه منه واله وين ابو يترك بته بعقد ورق ويه واحد

--هو شنو يشتغل غيث هنا

--محد يعرف

--امم كرم الثاني تذبون الكلمه وتشردون

--اشلونه كرم

--مثل لونج ضال عالاحلام عايش بغير عالم

--علاقتج قويه ويا

--اخوي

--يعني راح تستقرين يمهم

--لا بس استلم الراتب ارجع للعراق اريد اشوف ماما كلبي يمها بعد ماكدر اصبر اكثر بدونهن ومن ارجع ادور شقه مكان رخيص ماطول صار عندي كم دينار وكمت استغل

-- الله كريم كومي جيبي مشروبات لحد مااصب استعجلي برد الاكل

كمت رحت جبت كولا داادخل للصاله مال الاستراحه اجت وحده كالت ناي

--نعم

حجت بس سريع

--بنتي اشبيكم اتلبگون بالحجي على كيفكم

ردت نفس السرعه

--تعالي جوه خلي افهم رويدا مترجمين شنو اتريد هاي

حجت وياها اواني اخلي المشروبات يم الاكل شلت راسي لكيت رويدا صافنه كالت ناي امج وين

--شنو وين موتدرين بالعراق

--لعد هاي اتكول وحده بالباب اتكول اني ام ناي ---

لاتنسون التصويت ♥️