احلام محطمه بقيود الزواج

البارت الثاني

مساء الخير حبايب🤍🦋

البارت الثاني

حبايب
لاتنسون التصويت+ومتابعة حسابي
والتعليق بين الفقرات+دوسو النجمه للتصويت🤍🦋

حبايب بارت طويل لعيونكم🤍
ــــــــــــــــــــــــــــــــــــــــــــــــــــــــــــــ🦋

- كنت مهربي الوحيد ، فأين سأهرب لأن!!

ـــــــــــــــــــــــــــــــــــــــــــــــ

-سلمان: ولج شنو هل حجي هااا

-شذر: بويه الله يخليك ماريد اتزوج

-سلمان: تردين تكسرين كلامي وماتوافقين

-شذر: معاش الي يكسر كلامك بويه بس والله مو مال زواج بويه بعدني زغيره الله يخليك فكر بيه

هد شعري وكام يحجي بعصبيه

-سلمان: لا مو زغيره بعد كم شهر ادخلين 16سنه والمثلج عندها اطفال وانتي تكليلي صغيره

-شذر: بويه انطي اختي امال مو هيه الجبيره

-سلمان: ولج انتي تفهمين اكلج خطبوج الج اجه وكالي اريد شذر البسام يعني ماكال اريد امال يريدج انتي

-شذر: لعد اسمع بويه والله العضيم اذا اجبروني على الزواج منه احرك روحي ومزوج مستحيل

هوه اني كلت هيج لو احس شياطين الدنيه كلها انجمعت براس ابوي لزمني من شعري يعت بيه ويحجي وياخذني يمنه ويسره

-سلمان: ولج هاذا الحجي المن كلب.. ه اكتلج والله اذا سويتي شي اني احركج بيدي حقيره

-شذر: يحجي ولزمني دك راشديات نمت بلكاع وهوه يضرب بيه وامي تريد توخره مني ماتكدر انتهيت بيده اجو اخوتي يوخرونه ومحد يكدرله سبق وكلت ابوي ضخم كلشش بحيث ايده تعادل اديه 3مرات على ضخامته ابوي صح حنين بس وقت الي يعصب ينسه منو الي كدامه بعدين من يهدء ويكلوله انت سويت هيج مايصدك يكلهم لاتجذبون اني ماسويت هيج

وخرو اخوتي عني واني ميته من الكتل دخلن اخواتي عليه يبجن وامي ونهى مرة ابوي حاطاتني ويسكتن بيه لان ارادد بيهم من ورا الباب وهنه يصمن حلكي لان يخافن من ابوي

سكتت وابوي سكت واني بس ابجي كعدن يقنعن بيه علمود اوافق واني مقابله افكر شلون ازوج واحد مشايفته بعمري واحد محبه شلون راح اعيش وياه ياربي ساعدني

-حميده: ولج يمه وافقي والله اذا سويتي شي ابوج يذبحج ولج والله الولد ورده من الله وين تلكين مثله وهم شخصيه وحلو

-نهى: اي ماما حبيبتي والله احسن الج من المشاكل اخلصي وتزوجي بسام والله متلكين مثله

-امال: يكلبي كافي بجي بلكي همه مايوافقون

-شذر: هنه يحجن واني صافنه افكر واباوع الجسمي كله شطب وخطوط ايد ابوي مكدر ارفع ايدي ودموعي تنزل تحرك خدي مثل النار

حتى الولد كرهته قبل لا شوفه بحيث من يجيبون اسمه كدامي هيج ابدي اموتهم

عفتهن وكمت طلعت من الغرفه لان يحجن يمي واني مالي خلگ الهن اريد افكر شلون اطلع من هاي المشكله

طلعت من الغرفه البيت صنطه ابوي بغرفته نايم لان ورا دوام يكعد من وگت اخواتي الصغار من شافني اجي وابوي ضربني  ختلن يخافن يرجع عليهن عندي اختي لقبل الصغيره رحاب كلش متعلقه بيه ودئما ادرسها واحبها هواي

طلعت بوجهي للمطبخ الورا البيت شبعت بجي على حضي شمسويه اني وهيج يجبروني على شخص معرفه شلون راح اتعايش ويا بس مجرد تفكير بلموضوع يسببلي رعب

طبعا هوه يصير ابن حماى عمتي وهيه خطبتني من ابوي البسام هيه ورجلها لان ابوي كلش يحب عمتي ورجلها فمايرد الهم طلب اكيد راح يوافق

فكرة وتوصلت الحل ماكو غيره ممكن يساعدني ومايقبل بموضوع خطوبتي كمت مسحت ادموعي غسلت وجهي شويه ارتاحيت لان حسيت عندي امل انو مستحيل تصير اذا هوه تدخل بلموضوع

رحت للغرفه الكاعدين بيها البنات وامي من دخلت باوعلي وحجن

هااا وين جنتي شبيج ليش هيج مسويه بروحج

باوعت عليهن ومن دون اي تفكير او ارد على اسئلتهن وجهت نضري لمي وكلت

-شذر: يمه خابري عمو حسن يجي

-حميده: ليش يمه شتردين منه

-شذر: يمه ماكو غيره ممكن يخلي ابوي مايوافق لان هوه يحبني ومستحيل يخلي ابوي يزوجني واني بهل عمر

-حميده: يمه لا تسويلنه مشكله ويه ابوج

-شذر: لا ماتصير مشكله ابوي يحب عمو حسن ومستحيل يرفضله طلب

طبعا هاذا عمي الصغير اني ما عندي غير عمين حسن ومحمد عمي حسن هذا عمره سنتين ومات جدي وابوي رباء ويه اخوي الجبير بينه وبين عمي بس سنتين فلهاذا السبب ابوي يعتبره ابنه ويموت عليه روحه من الدنيه هوه فأكيد ابوي يسمعله ومايوافق

-حميده: مادري يمه هسه اشوفه

-شذر: راحت امي تخابره واني افتر وراها اريد اعرف شيحجي

-حميده: الووو

-حسن: الوو

-حميده: الوو هاا ابو جنه شلونك اخبارك

-حسن: هلوو خويه شلونج الحمدالله بخير انتو شلونكم

-حميده: الحمدالله خويه بس والله جايتك بطلب

-حسن: خير خويه شصاير امري

-حميده: والله معرف شكلك بس اجو خطابه على شذر وابوها يريد ينطيها وهيه مقابله وهوه معند

-حسن: شنو هل حجي ومنو الي خطبها

-حميده: خويه اليوم رائد خطب شذر لبن اخو بسام

-حسن: شنوو من كل عقله سلمان يريد ينطيها بعدهي صغيره وينها اوين الزواج صدك بالله

-حميده: خويه فدوه اروحلك حاجي وقنعه البنيه راح تموت بجي

-حسن: انشالله خويه احاجي واقنعه هاي اذا قنع لان هوه يحب رائد وميرفضله طلب

-حميده: الله ينطيك خويه يلا اخذ راحتك

-حسن: الله وياج خويه

-شذر: سدت امي التلفون من عمي وباوعتلي كبل حجيت

-شذر: هااا يمه شكال!!!

-حميده: يكول انشالله باجر احاجي وقنعه والله كريم

-شذر: يمه والله اموت اذا صدك صارت الخطبه وتزوجته

-حميده: يمه انشالله ماتصير واذا صارت فـ ربج عنده ارأده بيها وانشالله خير

-شذر: عفتها ورحت لفراشي انام بس جذب اجذب اذا كلت نمت ضليت ساعه افكر ساعه ابجي لمن الوجه الصبح يلا اخذت عين نوم ونمت

كعدت على اصواتهم كمت من افراش قبل لا يجي ابوي من الدام علمود اغسل واطب للغرفه وبعد مطلع منها لمن يرجع لدوامه لان بوقت الي مو واجبه واجب صديقه يجي ساعتين او ساعه ونص يلا يرجع

كمت غسلت وشربت مي ورجعت للغرفه
صليت وكملت وصافنه بلغرفه

للضهر اجه ابوي على الغده شويه واسمعه يحجي ركزت بكلامه يكول

-سلمان: حميده النسوان باجر راح يجن يشوفن شذر ماريد هوسه وطلايب والله السمع الها صوت احسب الله مخلقها

-حميده: هاا انشالله بس منو ومن وتجي

-سلمان: مثل منو تجي هيه مرت ابو و زهراء (زهراء تصير اخت ابوها عمتها)

-حميده: وشوكت يشوفها الولد

-سلمان: من تتفقن انتن النسوان يشوفها يجوز ثاني يوم

-حميده: هاا خير انشالله

-شذر: اني اسمع هيج واشيط من العصبيه شلون هيج يسوون بيه وينطوني واني ماراضيه وماخذو رئي اصلا ميهمهم المهم يزوجوني

شويه وحسيت ابوي يحجي بلتلفون اسمعه يكول

-سلمان: هاا خويه حبيبي شلونك
الله يسلمك
اي خويه
ليش
مانطيها
اي غير اريد سبب
شو الولد مادب وماكو منه
لا شنو اتراجع بكلمتي اني انطيت كلمه للناس ومستحيل اتراجع بيها
اي لعد شمسويلها بنتي
قابل اول وحده تزوج وهيه صغيره
شو اكو اصغر منها ومتزوجات
لاخويه عذرني مكدر
هاي هيه براحتك لاتحضر
هاي هيه

-شذر: سد التلفون اسمع اخوتي كالوله شكو شصاير كالهم

-سلمان: هاذا حسن يكلي لاتزوج شذر بعدهي صغيره كتله مكدر اتراجع بكلمتي يكلي اذا انطيتها تنسه اني اخوك ومحضر المشيه

-جعفر: ليش بويه خليته يزعل

-سلمان: حسبالك هين عليه زعله بس اعرفه يومين ويرجع ميكدر يزعل

-شذر: اني ابجي واسمعهم يحجون بمصيري وحتى الي فكرت راح ينقذني راح وابوي مستحيل يسمعله بعد هاي هيه يعني راح ينطين يعني اتزوج بس فكرت هيج انتفضت من مكاني وطلعت عليهم وكلت

-شذر: انتو شجاي تحجون شنو تقررون مصيري ترا اني انسان وعندي مشاعر وماقبل هيج تسوون بيه وتمشوني على كيف كيفكممممم

الكلمه الاخيره حجيتها بصياح مهيس غير طفرو اخوتي وابوي عليه يصيحون ويضربون بيه

-جعفر: ادبسزز تعلين صوتج علينه وعلى ابوي

-سلمان: اني اربيج اليوم كلب.. ه صاقط... ه

-شذر: مددت بلكاع وبدت الدفرات مدري منين تجيني بس حاطه اديه على وجهي لان اقل دفره تكلب خلقتي كلب اديه بعد محس بيهن من الضرب انتهيت بين ايدهم بس اخوي الجبير لا بس يحاجز ويدفع بيهم عني بلكوه وخرهم وامي تصيح

-حميده: عسى ايدكم بلكسر الله لاينطيكم شسويتو بيها

-شذر: كومتني امي للغرفه واني مبيه احرك ساكن شويه وهدء البيت وابوي رجع الدوامه وضليت على هل وضعيه هاي لمن ثاني يوم راح يجن النسوان يشوفني بس شنو اني امشي وانفذ من دون اي روح بس اهز براسي ويمشوني بكيفهم للعصر لبست وكملت واني اتصفن اجن النسوان اخته عمرها تقريبا12سنه ومرة ابو  وعمتي هم طبيت عليهن سلمت وكعدت مثل الصنم بس اباوع عليهن سئلتني مرة ابو

-ندى: اي حبيبتي شلونج

-شذر: زينه

-ندى: شكد عمرج

-شذر: 15

-ندى: حبيبتي بعدج صغيره وحلوه بعد شيريد بسام

-شذر: اباوع عليها هاي شبيه مارتاحيت النضراتها هيه صحيح شكلها حلو بس ماحبيتها مادري ليش

-ندى: عيني زهراء هاي شتصير جوه بسام شوفيها شكد ناعمه وصغيره وهوه ضخم وطويل

-زهراء: لا حلوه هيج ناعمه حتى اذا تكبر مايبين بيها

-شذر: اباوع عليها هاي شبيها بعدنه صمله هيج حجيها لعد من اتزوج شيصير اوفف الله يبعدني ومايوافقون

شويه وحسيت امي تئشرلي بعيونها عود اطلعي كمت ترخصت وطلعت ولكيت اخواتي متكومات يم الباب وحده تدفع بلثانيه يردن يعرفن شصار تقدمن وحجن

-ها ولج شصار

-شذر: انشالله ميصير شي واخلص منهم

-امال: ولج شبيج والله بسام حلو شبي وماترضين تزوجي

-شذر: ليش وين شايفته انتي

-امال: ماشيفته بس يمولون حلو وشخصيه

-شذر: لعد اسكتي وثاني شي اني بعدني صغيره على الزواج ماريد اتزوج هيه شنو جبر

-امال: اي والله عند ابوي اذا ماترضين بلعيني والغاتي ترضين ولدكيك😂

-شذر: ليش تضحكي مكو شي يضحك

-امال: اتخيلج بلبدله يالله يمكن مايلكون بدله على كدج لا طول ولا عرض انتي ضايعه بلكاع 😂

-شذر: وخري عابت كون يامال يبت حميده تاخذين رعد الي تعيبين عليه ليل ونهار

-امال: عابت على هل دعوه بيش طالبتني اخذ رعد

-شذر: اي مو تعيبين على كرشه وهوه الرجال بس كرش عنده والباقي كله ضعيف وانتي حاطته گاله بحلك بگاله منو اجه ومثلتي يله عليه والله حرام عليج ترا

-امال: شو اسكتي لعبتيها النفسي خل اولي احسن الي

-شذر: خلت وطلعت واني بقيت بلغرفه لان ماريد اتواجه وياهم لان انغث من يحجون على الخطوبه وابوي اليوم ماعنده دوام بلبيت عطله

لليل دكو على ابوي كالوله باجر بليل يجي يشوفها الولد(الشوفه الشرعيه) ابوي كال لمي واني ولا كأنو اني العروس كاعده وتصفن يالله من هسه كرهته شلون باجر اشوفه مادري

نمت كعدت الصبح غسلت وصليت تغدينه وبلكوه اكلت لكمتين من القهر احس روحي مختنكه حيل من اذكر انو اليوم اشوفه ويشوفني

للعصر جهزن البيت ورتبنه بلكوه قنعني رتبت نفسي بليل اجو وابوي استقبلهم لان اجه من الدوام قبلهم بعد ساعه ويرجع لدوامه

دخلهم للمضيف والنسوان للصاله دخلن سلمن وكعدن واني سلمت عليهن شويه ودخل ابوي كال خل الولد يشوفها

احس حيلي باد بعد مابيه حيل احرك ساكن من الخوف والرهبه

دخل الولد يسلم واني مرفعت عيني من التوتر
كاعده امي يمنه وعمتي ومرة ابو ماكامن هوه كعد مقابيلي واني بسد امي هوه باوعلي اولا مادري بس اكيد باوع لان عليمن هوه جاي حسيت نضراته متوجها عليه واني ابلع بريگي والعب بصابع اديه

سولفو شويه واني منطقت بحرف واحد
شويه وكام يريد يطلع وي ماكام رفعت عيني شفته فكيت عيوني من شفته

شاب طويل وضخم جسمه متناسق شويه عنده لحيه مخففها ومخلي الشارب والسكسوكه نزلت نضري عنه وهوه خله وطلع شويه وهمه مشو رجعت لغرفتي وبدت اسئلت اخواتي

شلونه حلو مو حلو طويل قصير ضعيف ضخم اسمر ابيض هوه صع اسمر بس سماره حلو حنطي

بعد يومين المشيه والعقد اصلا ولا كأنو بعد يومين عقد قراني

شويه وخليت ونمت

ـــــــــــــــــــــــــــــــــــــــــــــــــــــــــــــــ

جنت ستوني راجع من الشغل اسمع عياط وهوسه بلبيت يستار خير شصار دخلت وشوفلك مصطفى ومرتضى يتصايحون دخلت عطت بيهم

-بسام: خير شكووو صوتكم طالع

-مصطفى: تعال اسمع اخوك شمسوي

-بسام: خير شبي شمسوي

-مصطفى: رايح ومتعارك ويه واحد ومتكاتلين ومخلي دمه بطوله

-بسام: يعني انته ماتوب يوميه مشكله بسببك اضل انهار كله وراك وراك التفت الشغلي لو الطلايبك

-مرتضى: اني مالي دخل هوه اجه ويستفز بيه واني متحملت وضربته يستاهل وانته اذا هيج اني مدوخك بمشاكلي ملك علاقه بيه

-بسام: انته شجاي تحجي هاذا لستنجته من كلامي ياخي اني اريدك تنعدل اصير رجال مو جنك زعطوط يوميه مشاكلك ونته وتعال يبسام حلها

-مرتضى: هاي هيه مالك علاقه بيه اني بكيف شريد اسوي اسوي محد يدخل بحياتي

-بسام: روح نارك تاكل حطبك
عفته ودخلت اخذ ملابس اسبح وفكر اوففف شكول عليج يمه خليت بركبتي 6جهال يربي صبرك اخذت ملابسي ومشيت اسبح واني افكر بيها ورجعت اذكر اسوء يوم بحياتي اي اصنفه من اسوء ايام حياتي لان بهاذا اليوم ادمرت ونبنيت من جديد

يتبعععععع

ـــــــــــــــــــــــــــــــــــــــــــــــــــــ

اعذروني ادري البارت متأخر والله ستوني كملته🤍

الاحداث الجايه 🔥
لاتنسون تصوتون على البارت دوسو النجمه
+تابعو الحسابي  +ضيفو القصه المكتبتكم حتى من انزل يجيكم اشعار

فاطمه الموسوي🤍🦋