لبوة على شفا الثار

بارت العاشر

لبوة على شفا الثأر

                                      بقلمي :leo Alfatlawi

Ins:le_m3r

بارت العاشر ٠٠٠

هذه انا عشت وحيده بقدر ماقيله لي

انني صديقه عظيمة٠٠ حبيبه لاتتكرر ٠٠واخت لاتعوض٠٠ وابنة لامثبل لها !

بعدني احجي وياها وهي  صرخت بوجهي --شوووو

--معتازه افلوس كلش  فدوه لاتعارضين بس ترجمي

--شو عم تحكي انتي لكي لساتك ازغيره ليش هيك بتبيعي حالك

--وليش لسه لبالج مابايعتها  فدوه گليله وشوفي شنو يگول اني احجيلج ضروفي بس  گليله اريد افلوس مقدمه

صفنت اشويه وبعدين ترجمت رد كالت نفس اليوم بيعطيكي

--تمام گليله اذا عنده مشتري ابيعها حتى لو اليوم

حاجته وكف طلع فونه وخابر ضلو يحجون هي ويا وبالفون نفس الوقت خلص مخابره كالت متاكده بدك تبيعيها

--اي متاكده وكليله كون شغله قانوني ومااريد بمستشفى مشبوه كون دكتور وفحوصات واكو عقد تسليم بين الطرفين

--ليش كل هاد بدك

--احسن حتى مينوكل حقي شعرفني ماياخذني ويبيع اعضائي كلها لو مياخذ الكليا ومينطيني افلوس

--تمام كالتها ورد تحجي ويا كالت

--اديش عمرك

--هاا اه عبرت ال ١٨

--تمام عم بيؤل ولايهمك متل مابدك كلشي ئانوني ازا عندك كملك او چواز سفر فيني اخدك للمريض وهنيك بنتفئ على المبلغ والعمليه

--اشوكت تره كلش مستعجله

--هلا انتي مرضانه مافيگي بتروحي وكمان بيؤل لازم بكون عندك  هويه مشان المشفى امته مابدك بياخذك

--كليله باجر اجيب الجواز والهويه ونروح

اتفقت ويا رجع خابر واشرلها كله تمام طلع واحنه رحنه يم الصوبه كعدت ادفه كالت بس اشوي استني هلا برجع

--وين رايحه فدوه تره اخاف وحدي

--لاهون في جاره عندي كمان من بلدك بدي اندها تجي معانه مشان نتسلى

--لاتتاخرين لان شكل منطقتكم اتخوف

اشر اي وطلعت الجهال نامو خطيه  اباوع لوجوهم كل البرائه بيها بس مبين عليهم التعب يكسرون الگلب

دقايق ودخلت المره وياها وحده زغيره يعني تطلع بالعشرينات كالت سلام وضحكت

--هلاو وعليكم السلام

--عراقيه اووف واخيرا غير بديت انسه اللهجه وين جنتي كالتها وكعدت  اندارت للبنيه كالتها  وين لكيتيها

--بحاره النواب تحت السئيفه تحتمي من  المطر

--شنو بزونه وجوه السقفيه وين اهلج يحلوه

--ماعندي اهل بالعراق واجيت ويه زوجي اتعاركته طردني

--الله ياخذهم من زلم مابيهم حظ من عنده هيج وحده املونه ويطردها لعد اشكد زمال

--انتي كلتيها زمال مجتمع ذكوري حقير لبالهم من دونهم نضيع ميدرون اندير كوكب كامل بمزاجنه

--اوووي فدوه لهالسان الي ينگط عسل انتي جماعتي اي حبيبه شنو مشكلتلج اجت زهريه تشكي منج

--ماعندي مشكله بس معترضه لان كلتلها ابيع الكليا

--اصخام الصخمج لعد اندير وهالله هالله شنو اول شي فكرتي اتبيعين روحج

--ماعندي حل ثاني متوازيه على افلوس ماما عدها الكانسر وتعتاز جرع وعلاج واني هالتشوفيني صفيت بالشارع ماعندي لافلوس ولااحد شسوي كليلي

--اشتغلي شنو ناقصه ايد رجل

--محد يشغلني بلا هويه وحتى الراتب ميكفي لان علاجها غالي

--والمن راح اتبيعيها لاتكولين لسامو

--ماعرف هو هذا الولد اني كلها والمره هزت راسها كالت ايوا الو  واتفئت معو كمان

--ليش اتوافقيها هااا ماكفاج الراحو ماخفتي ربج موعندج اطفال اشلون هيج

--والله مانصحت بس هيه مصره مابدها تسمع من حدا

--وانتي يحلوه ماتدرين هذا اذا لكفج يبيعج تفصيخ يخليج بس كشر

--لاكلتله قانوني بالمستشفى

--هههه ضحكتيني وهو بسرعه نفذ وراح بنطيج الفلوس هم وعليهن بوسه شوفي غير البوسه والحضنه متحصلين منه هذا حده ينطيج شغله قذره  قبل العمليه وانتهت بعد متصحين وراها

--عزه لعد اتفقت ويا ورضه يعني شنو جذب

--تلكي خيل عليج لو كايلتله هسه اريد مبلغ جان انطاج بس حتى يجيبج للدرب مالج شغل باجر اكله جانت سكرانه ومتعرف شنو تحجي اصلا بيها ايدز واهلها شمروها لحد يقرب عليها

--لكي ازا سمعو ايدز راح يئلعوها من هون

--محد يكدر تجي وياي لحد مترجع لرجلها الاغبر لو لهلها

--مااكدر ارجع لهلي اشلون راح اعالج ماما اذا رجعت مااكدر اشتغل اهناك مامتوفر شغل عدنه تعرفين

--لعد خلي اكلج ترحين للموت برجليج يبيعج تفصيخ بالاخص انتي عرف ماعندج احد وجايه وحدج حسبيني اخيتج وسمعي مني وروح نرجس يأذوج وانتي بدايه عمرج حرمات هالجمال يصفه جوه التراب

--لعد كليلي شسوي نصحيني شنو ارجع اتوسل بزوجي واذل نفسي واعرف راح يطردني لو ارجع لخالي الي اذا فكر يرحمني راح يذبحني بعد السويته

--ابد لاتنزلين نفسج لبشر اعتمدي على نفسج اكو الف طريقه طلعين روحج واهلج من هالشي ورجلج الزمال لاترديله من شمرج بالشارع وعرف ماعندج احد هذا واحد ناقص غيره

--من ناحيه ناقص ناقص اني وياج ورجعله ماارجعله بعد السوا وياي لو اعرف موبس ابيع كليتي لالو اعرف ابيع نص اعضائي ولا ادوس على كرامتي وارجع لواحد مثل هذا

--فديت  العراقيه واهلها اي هيج اريدج سباعيه وتوكفين بوجه الوكت لاطخين راسج خليج انتي فوك الكل وماكو واحد يموت جوع ولاربج يخليج محتاره

--والله من ناحيه الحيره لاتسولفين بيها لان واكعه بنصها ولازم اتصرف قبل لايخلص الوقت واندم

--متندمين ماطول وصلتي الي بنت بلدي اني موجود واخليج هيج محتاره

--حملي ثكيل انتي هيج تحجين  لان الكلام سهل تعرفين لازم احول افلوس لهلي باجر لان ماما متخربطه واذا اتعطلت تروح مني ولازم احصل سكن اضل بي ووو كومه شكلج منين ابلش ماادري واشلون ادبرها هم ماادري

--تعالي وياي وتفرج قبلج اول مااجيت اهنا جنت مأيسه من الحياة ومتمنيه الموت وهاي اني هسه اشحلاتني عايشه ولامتلي كم دينار يفيدني

--انتي تختلفين يمكن بروحج اني لا عندي اهل وراي اذا تردين اتساعديني دوريلي على شغل وكون سريع ومقدمه ينطوني

--ياشغل تره بس تعب وربع النحصله اهنا ينطوج تعالي ويانه اشتغلي انتي ربج يحبج من خله زهره اتشوفج بطريقها

--ششتغل الم من الحاويات قصدج

--انلم من الحاويات ونمسح ابيوت انحصل اضعاف الشغل كل بغشيش  بيت واحد طاگ بأجره يوم كامل بمعمل

--مااكدر اكولج لازم استعجل مواضل انتظر بغشيشات

--لعد اشلون ناي لاتحيريني وياج

-- مااعرف دااكلج راسي راح يطگ من التفكير احتمال ارجع حتى بلكي الحگ ادخل ماما مستشفى حكومي

--ابكيفج بعد بس لاتجازفين وتبيعين شي من جسمج وكتها تصفين جوه الكاع

ضلينه انسولف وينصحن بيه اضل وياهن  لوجه الصبح لااجار ولافواتير وشغل هم موجود وبي فلوس

اتعرفت عالعراقيه اسمها بيارق و زهره عربيه اثنينهن حبابات بس التعب ماكل منهن والدهر مكمل الباقي

صح احجي وياهن بس گلبي كله يم لحن وماما ماعرف اخذ القرار الصح

وانوب فوني طفه مااكدر اخبر لحن حتى تنصحني بس شنو تنصح وهيه اسوء من حالي

طلع الضوه  وهنه بعدهن يسولفن عالاماكن البيها رزق وياوكت يطلعن حتى يلحكن لاتجي البلديه تشيل الحاويات

احس راسي مصدع من البرد شافتني بيارق افرك براسي كالت تجين وياي لو تنامين اهنا بين متشوفين وين تستقرين

--ماعرف ابكيفجن

زهره. انه انام ساعه وبطلع استرزق فيكي تاخذيها معك

--لعد كومي وياي يلا اني شغلي تالي وقت

كمت وياها اخذت ملابسي  طلعنه من غرفة
الممر طويل وضيگ الغرف كلها بيبانها امكسره الي مسدود والي مفتوح بداخلهن عالم مبين عليهم الفقر بس اتحسهم عايشين بداخل دفو عائلي

ريحه الجاي تطلع من الغرف كل مكان نمر عليه يباوعولنه مستغربين وجودي بينهم لمن وصلنه

واني كامشتها من ابلوزها

وصلنه غرفة فتحتها وضحكت كالت خايفه مو يله تتعودين يابت بلدي

--اووف يهالبلد الماشفنه بي بس التعب

--لوضالين على تعبه تهون اقلها نعيش بين اهلنا ونموت بحضنهم  دخلي داده

دخلت شفت مره مربوطه جبيره شعرها منثور لامه روحها  رجعت للخلف كلتلها منو هاي بس لاامج

--اتخسى هاي امي هاي اقذر بشر على وجه الارض كالتها وتفلت عليها

تعالي خيه دخلي لاتخافين رابطتها هالحيوانه متأذيج

دخلت الغرفه تعبانه كلش بس مفروشه ودافيه بيها كنتور زغير وتدفئه

مفروش دوشگ وعليه بطانيه

كعدت وهيه راحت شغلت الهيتر  سوت جاي

اباوع للمره تاكل بشفتها و تباوع لبيارق بغضب وبخوف بنفس اللحظه خفت من شكلها درت وجهي عنها  كلت لبيارق ماعندج شاحن فون

--شنو مبايلج

--هذا

-- لا ماعندي هذه جهازي عادي بس اذا معتازته خابري منه عادي

--بس عمو اخبره والله قلقه على ماما

--براحتج عيني هاج

فتحت جهازها وانطتنيا  خليت رقم عمو وخبرت استوه صاير الصبح هواي رن ماكو 

-- شربي جاي هذا نايم

--يمكن مااريد شكرا بس اريد انام فدوه دااحس راسي منتهي

--ناي اخذي راحتج واني اكعدج قبل لااطلع كالتها واندارت عالعجوز -وانتييي هيييي اذا سمعت نفس منج اتعرفين شسوي هيج اريدج كاعده مثل الجلب اتحرسينه سمعتي

--اي اي ماانام

--اي احد يمر من الغرفه كعديني كونج اتنامين اله اشلع لحمج واوكلج

--لالا ماما انام لااااا

--بيارق خطيه

--منو خطيه هاي نامي داده كون جايه قبل فتره وطايحه بيدها وهيه اتلعمج الخطيه اشلون

--ليش شنو مسويه

--ناي ماطولج ضاله وياي لاتسألين عنها حتى لا افقد وازعلج يله  نامي ورانه كعده عندي شغل وانتي   انشوف وين تصفه وياج

--اذا ماحصلت شغل احتمال  ارجع لان شكو ضاله هنا اقلها هناك يم ماما بلكي اكدر اعالجها بالمجاني

--والله اذا عندج احد فنصيحه ردي احسلج هنا ماكو غير الضياع والموت

خليت راسي عالمخده غمضت اجت لحن بعيني يربي شنو حالها هسه اكيد تبجي بسكته مثل عادتها خايفه

وماما شنو وضعها بالبيت بالمستشفى راح تتحمل منا لمن ادبرلها الفلوس اتروح مني

اشلون ادبرها منين اخاف صدك ابيع الكليه وتالي كاتليني وراها شيضملي مايسووها صدك

ربي ماعندي غيرك دليني الطريق الصحيح

احس الرجفه بعضامي اريد اسيطر مااكدر على روحي ماادري من البرد التعرضتله ماادري من الخوف

سمعت شخره قويه وخرت البطانيه لكيت العجوز لامه روحها وتشخر غافيه بدون غطه  لعد اشكد تعبانه الي هيج متحس بالبرد

شنو قصتها هاي ليش هيج مربوطه ومظروبه
وليش متقبل اسألها عنها

يمها جان دبه ماي وصمونه يابسه

هذا العالم اشكال بي لبالي بس اني اعاني اثاري كل واحد همه وقصته شكل

اباوع لبيارق وين اهلها وهيه بهالعمر هم مثلي ماعدها اهل لوشنو ومنين جايبه هالعجوز ليش هيج حاقده عليها مع العالم امبين عليها طيبه

غطيت راسي ولميت روحي حتى ادفه غمضت ماادري اشوكت رحت بالنوم بس نمت بتعب من اثر الصخونه ماحسيت على روحي لمن كعدت على صوت بيارق كالت كومي شنو حلتلج النومه

فتحت عيوني اشتميت ريحه جاي كمت ابتسمت بوجها

-- اشتعل ابو ابو اشلون تركج من هيج ضحكتج حلوه انوب الرصعه يررربي

--هههههه وينه هسه يكلج منيلها جمال كل عين شكل وتك غمازه

--مم هو هيج يكلج  لاهذا مغسول حظه دكومي اكلي يله

--خلي اغسل وجهي اكو حمام

--اي بره تعالي اوكفلج حتى لاتاكلج الزعاطيط

--حتى اهنا نفس الشي لبالي بس بالعراق

--ليش ربهم وحد هنا هم منطقه شعبيه وتعبانه نفس الخلقه والاخلاق بس اللغه تختلف

--جنت اتصور تركيا كلها عماير مابيها هيج مساكن مغلقه

--لابيها هاي حارات شعبيه بس للفقره حتى امن قليل هنا لان اكثرها عالم بدون كملك وتعبانه يادوب مدبره لكمتها

بس اتخوف

بعدج ماشايفه شي هنا ماتحسين روحج بتركيا مكان مقطوع نهائيا عنها وناسها ماتنحزر مثل عدنه منطقه بغداد ال ------

--عزه يعني اتخوف خطره

--اي خطره ومحد يدخلها غير اهلها عود اذا صارت مشكله لو حاله قتل تجي الشرطه وهم توگع بيها النسبه الاكثر همه العرب يكرفوهم قسم يضيعون بالسجون وقسم ينشمرون عالحدود 

--هاي كلها غرف تتأجر ماكو بيوت

--اكو بس اجارها هواي محد يكدر عليه انتي منين من بغداد

--كراده مريم

--مبينه  فايخه ولج مسيحيه انتي

--اهلي مسيح احنه مسلمين والابهه التگولين عنها ضال منها بس الكشر لوتدرين وين جنت عايشه بعد بغداد ماحجيتي يله دنگوم

كامت رحت  وياها طلعنه بره حمام واحد ومحطم دخلت بي فتحت المي دافي الحمد الله

استغليتها سبحت بسرعه حيل حيل لان جنت معتازه حمام حار احس الوصخ بيه من المطر وهم نحاسيه الصخونه تروح

لبست بدون تنشيف وطلعت صار بوجهي سامو خفت رجعت ليوره عض شفته وتقدم اريد احجي ماگدر كمشتني الرجفه  وصل يمي حاوطني من الجهتين  عالحايط حجه شي بس مافتهمته كلتله فدوه وخر مداافتهم

رد اف اف ودنه يشتم ركبتي صحت بيارررق لحكينيييي ودفعته

طلعت بيارق اريد الحك على لسانها بعد مااكدر نزلت ترطن باللغه عليه

ماعرف شنو بس امبينه رزاله وهو يضحك اجه يمها كرص خدها كالها يواش يواش وباسها بالهوا رد انداري راد يكرصني من خصري طفرت ضحك بصوت عالي وراح للحمام

ركضت للغرفه  دخلت كالت يمعزايه كلتي ابول مواسبح

--شعرفني يمه متت خوف

--كولي والله لو متاخره دقيقه جان هسه حاصرج بالحمام ومحبلج

--اي  تكمل وبعدني بأسم غيث  حتى كتلي حلال

--اسم الشفيه غيث

--تركج من غيث هاي كسرت كلبي ليش هيج اتباوع للاكل انطيها

--ناي كلمه ثانيه اربطج يمها كعدي اكلي لاتخليني اشوفج الوجه الثاني

خفت منها ولاتكول زغيره بالعمر تصرفاتها رجوليه وجاده حتى صوتها خشن واني هم ماعندي مكان وين اولي ماعونت ربي يدزلي احد

كعدت صبتلي جاي ونطتني نص صمونه اكل واباوع للعجوز لان جانت عينها ويه كل لكمه اكلها

اشويه وبطلت

-- ناي كمليها تره اشمرها للجلاب وماانطيها لاتتأملين

--لاشبعت

--شبي صوتج تعبان

--من البرد جنت مريضه استوني صحيت بس صوتي بعده مطبگ

--هذا جهازج شحنته الج يم السكط

--شنو كلج عالبارحه هم حجه

--اي نكرت كلتله ماكو هيج هجي اصلا هاي جنوبيه وزهره  ماعرفت شنو تحجي جانت تسالك عني واتريد تبيع جهازها كال اني اشتري منها

--ليش هيج كلتي يجوز مااحصل شغل ولازم ابيع انطي صبر

--صدك اكو واحد اسمه الغثيث الف مره اتصل بيج لمن مليت وغلقته منو هذا

--ههههه زوجي

--انعل ابو ابو شرايد هذا

--شعرفني يمكن يريد يطلگ همزين ذكرتيني خلي اخذ جوازي منه وهم اطلك فرد مره حتى اخلص اصير اقلها حره حتى اتحرك براحه

شلت الفون فتحته لكيت المكالمات متنعد
اتصلت بي اول رنه كال وينج يغضب الله

--هسه جاي تسال بعد وكت  ليش مو البارحه شمرتني بالشارع 
اخذت نفس وكلتله غيث  جوازي اريده 

--ياطرگاعه  نااااي وين انتيييي

بعدني مامجاوبه بيارق اخذت الفون وخبرته ابسرعه كالتله لاتنطيها الجواز تره راح  اتبيع كليتها

سحبته واسمع صوته طرم طبله اذني يصيح نااااي  ابسرعه غلقته وباوعتلها

--اشلوني؟

--ليش هيج حجيتي

--عصفورين بحجر اولا حتى اتبطلين عن غبائج وتبعين روحج والثانيه امبين عليه خايف عليج خلي يقلق بالاكثر

--لاحبيبتي غلطانه هذا ماخايف عليه خايف على روحه  لاينفضح لان بعدني اباسمه تره يحب وحده صار سنين

--وليش قبلتي بي لاتكولين حبيتي

--لا جان اتفاق اجيبله طفل يسجلي شقه تالي اسبوع واشويه  وشمرني بالشارع بطل

--ياخسيس شبع غريزته بيج وشمرج تفوو على هيج زلم  هسه شراح اتسوين

--ماعرف ماعندي غير ارجع للعراق لان اشعندي باقيه اهنا بس خلي اخبر عمو اشوف شنو حال ماما حتى ابيع مداليتي واحجز

--يلا لعد اشلون اتفتحين جهازج وهذا هسه يرد يتصل

--ماارد تركي يولي كلتها وفتحت جهازي وصدك اتصل رفضته وحضرت رقمه

اتصلت بعمو ابسرعه اشكد رن يالله رد كال ها عمو حولتيلي الفلوس

--عمو مادبرتهن

--لعد خلي امج هيج واصلا راح ادزها لخالج لان اني مامعوزني مرضه كوه امدبر امي وعائلتي

--عمو والله اتموت يم خالو اني راح اجي واشتغل

--وييين وين تجين بيتي ميستقبلج خلي اكلج

--لعد وين اروح اشبيك عمو ماعندي غيرك تعرف زوجي طردني

--طبعا يطردج شكامش من وحده شردت من اهلها واتزوجت غصبا عنهم كلك هم اتبوكني مثل ماسوت بيهم وتنهزم مني وتفضحني ناي لو اشوفج بالشارع نايمه ماادخلج بيتي

--هو اني بالشارع عمو ترضاها

--اي ارضاها وامج راح اوديها لخالج

--اني جايه واخذها للمستشفى اعالجها ولامنيتكم

--يامستشفى بس لا الحكومي ضحكتيني اذا طولت يومين هناك تعالي عتبيني انتي واعيه اكلج تعبانه كوه اتجر النفس وبعدين الحكومي حتى جرع ماكو اله تشترين من بره يلا اذا تجين روحيله لهناك اني راح اوديها لخالج

--لالا  خليها يمك واني احولك افلوس اليوم وكل كم يوم راح احولك مبلغ راح ارجع لزوجي بس لاترجع ماما لخالي

--يلا خلي اشوف روحي عندي شغل وهاي اختج اتصلي بيها عقليها تره شالعه كلب مرتي متشتغل بس تبجي بزعتنه شنو بس امكم مريضه وهااا اخاف اتكلج جوتني لاتصدكيها

--شنووو عمو ليش جاويها

--محد جواها بالغلط الخاشوكه حاره اجت بيها البارحه ويلا ولي كالها وغلق الفون باوعت لبيارق

-- ذوله اهلج

لميت رجليه ودموعي نزلت
-- وانتي منعتيني من ابيع الكليا جان عالجت ماما وجبتهن

--مااتلحكين راح اتموتين ويضيعن وراج من هنه عد هيج ناس قذره لاتبذرين بروحج حافضي عليها مولخاطرج لالخاطرهن اختج اشكبرها

--اكبر مني بسنه بس  اتشوفيها عقلها زغير متكدر ادبر روحها

--يعني متكدر اترد عمج لو تطلع اتساعدج بالشغل

--اذا طلعت من الباب تضيع انطيها تبجي بالختلات حتى اتخاف تبجي كدام احد اتشوفين الطفل ابو اربع سنوات افهم واشجع منها طالعه على ماما

--ميخالف فقيره انتي اتگدرين اتعدليها ايدج وايدها تگدرن تساعدن روحجن

-- مريضه بالقلب اذا تحركت اشويه تتعب حالتها ميأوس منها اكثر الاطباء مانطونه امل اذا الله رحم بحالها وكتبلها عمر جديد  يعبرها  لل١٨ بس بعدها اذا ماسويته العمليه يتوقف گلبه مايتحمل اكثر

--خطيه شنو حالها من تسمع هالحجي

--ماتحجي بس دوم اشوفها صافنه ودموعها تنزل برجفه  ادري بيها خايفه من الموت بس متريد اتضوجنه

--ربي يرحم بحالها وينطيها العمر وانتي  عليمن طالعه على والدج

--ماادري  بس اكدر ادبر روحي مومثلها عاشق الله يرحمه جان هم احسن من لحن هيه فرد مره بالاخص من شافت الحادث الرعب انزرع بداخلها صارت اتخاف  من اتفه الاسباب ضعيفه شخصيه كلش

--مثل  نرجس

--منو نرجس اختج

ماردت صفنت عليه  ونت

مسحت ادموعي  اباوعلها عاصره نفسها وتبجي برجفه كسرت كلبي ذكرتني بحالتي من اذكر عاشق واوصل لمرحله الاشتياق واليأس من شوفته

كمت رحت يمها  كعدت اشرت لاااا ودموعها تنزل عالسريع

سحبت راسها لحضني شهكت بصوت عالي مهضومه حضنتها حيل

--كولي يالله ليش البجي لعد اتعلميني القوه وانتي اكثر وحده معتازتها

--راحت  يناااااي تركتني

--وين راحت

--اااخ  مشتاقتلها ولج مشتاقه لعطرها وضحكتها

--اختج هيه ؟ وينها عايشه لو ميته

وخرت راسها  وكامت  راحت يم العجوز  دفرتها حيل وكالت كليلها وينهاااا كليلها شسويتي بيهااااا

ردت دفرتها بصدرها انطوت العجوز على بطنها 

اتهسترت مثل الي انجنت   اتولتها دفرات بدون رحمه كل دفره اقوه من القبلها  والعجوز بس اتون بدون صوت

هاي فاقده تضرب بدون شعور وهاي مطويه حتى مدافع عن نفسها خفت  تموت وتبلينا  كمت ركضت كمشتها  

-- فدوه حتموت اهدي

--متموت هيه ماتت ماتت ناي ابين ادين ماتت تعرفين من بت روحج اتربيها وتروح بديج متالمه وانتي عاجزه هاي نرجس ماتت بدمعتها

--الله يرحمها طير هاي بدون ذنب بس اهدي

--اهده من اشوف هاي تاكل بلحمها بس حتى تموت مثل موتتها

--ليش اشلون ماتت هيه

دفعتني وراحت كعدت خلت راسها بحضنها بس ساكته

اباوع للعجوز تعصر بنفسها  من الضرب ماطلع نفس منها  ولاصرخت ابد

ردت اكعد كامت بيارق مسحت ادموعها   كأنما ماكو شي  استغربت من تصرفها حسيها موعاقله  

--يلا هسه شنو قررتي اريد اطلع

--ماعرف

--اشكد عمرج ناي

--راح ادخل السن القانوني

--يعني طفله ومراهقه ماتقودج غير مشاعرج تشتغلين بدون عقل  امرج محير اني اكبر منج بدهر  وعايشه بين عالم وسخين اكثر من العشتي اربع مرات وكوه جايبتها للطريق 

--لعد شسوي يله نصحيني هاي كدامج اتشوفيني عاجزه عن كلشي لااكدر ارجع اهلي ميستقبلوني وزوجي طردني اختي اذا اتأخر العلاج تروح مني من غير ماما احسها ربطتني وشمرتني بحر بهذا مرضها  

-- كومي جربي الشغل وياي يجوز يفيدج

--اول ابيع هالمداليه واحول افلوسها لعمو وهم  سالفتج اجرب  لان ماكو حل ثاني حتى اصدقائي كال لاتوصلين يمهم

--عندج اصدقاء

--اي بس هم كل واحد عنده عائله ومبتلي حامل الغربه لخاطرهم مااريد ازيدها عليهم وهم يخربون ويه صاحبهم

--يلا لعد غيري ملابسج ابسرعه وشغلت الطفل شيليها من راسج  فكري بالموت ولاتفكرين تنطين جزء من روحج بيج بخت طردج قبل لايصير

رحت غيرت لبست ملابسي وهي هم لبست بنطلون وقمصله لفت المشمر عدل طلعت كدامي اكو صمونه زغير بسرعه شلتها وشمرتها للعجوز وطلعت ركض

سدينه الباب طلعنه بره اشوف الشارع

حاره زغيره بس بيوتها تعبانه ومتروسه زعاطيط ولاتكول برد

براميل شاعلين نار بيها واكفين قسم يدفون.

جهه الثانيه شباب هواي كاعدين بمكان مثل الكهوه يلعبون دومله واصواتهم طالعه يضحكون

نسوان يسولفن من البالكونات والي تشر فراش لو ملابس

مكان رغم تعبان ومبينين فقره بس بي روح يذكرني بدرابينا وحياتنه القديمه

ماعرفت اني وين ولاشايفه هيج مكان قبل هنا اشكد افترينا اني وكرم  بس ماوصلنا لهيج مناطق

سحبتني كالت يلا فضيني

--ؤك

--الاؤك تنسيها والنعوصه ماكو صيري قويه حتى اتكدرين اتعيشين

--اقوه من هيج مااتصور اكو بعد

--لااكو راح توكفين على رجليج وتساعدين اهلج تعالجين امج  وتلميت افلوس عمليه اختج وتاخذين ثارها  من عيون اكبر واحد وهذا رجلج اترديله الصاع صاعين كون كل يوم مره وانتي بحضنه مستمتع بيج اطلعيها من روحه

--كون صدك وهيج اصير

--بس خليج وياي والله لطلع حقج مثل ماطلعت حق اختي بس كونج تتحملين لاتصيرين مثلي متردده وخايفه تره عمرج كله اتعيشين بندم ومايشفه غليلج باي شي اتسوي

--لااخاف ولااتعب ولااحن ذني موبقاموسي

باوعتلي وضحكت مدت ايدها كمشتها عصراها كالت خليج مكان نرجس واني اخليج   ادوسين على روسهم

--هههههه وين لحن عنج جان كالتلج جانت  معتازه اجيتي اتكمليها

--وانكملها شورانا ماطول قررتي اتبيعين روحج معناتها واصله للنهايه وماكو شي يخليج تخافين بعد لو تتراجعين

هزيت راسي باي

رحنه  للصايغ نزعت المداليه كلتلها هاي الطلعت بيها من الزواجه

--انعل شرف امه بيعيها مثل ماراح اتبيعي

--والحلقه

--لاتركيها لمن تعتازين هيه ومحبسج الهن يومهن

بعنه المداليه حولناهن للدولار رحنه لمصرف ماعرف احجي هيه اتولت الشغله انطته الحساب مال عمو وحولو الفلوس على اسمها لان ماعندي هويه دزينه مسج لعمو وصلنه الفلوس على هذا الاسم 
رد ١٥دولار ميتحولن كالت ضميهن

--لاتعالي ناكل فد شي تره جوعانه

--ههههه وين انروح

--انروح للمطعم الي جنت اشتغل بي هم اشوف اصدقائي مشتاقتلهم

--اكبر غلط من تردين اتبلشين بحياة جديده تنسين شكو قديم حتى تكدرين تتخطين شكو شي يمر وهم زوجج راح يندل مكانج وانتي متردين يعرف شنو راح تشتغلين

--هم صح يلا وين نروح هسه

--ناكل و انروح للعمارت انشوف من اتريد تنضيف

--تره اكومنضفات خاصه لان العماره الجنت بيها تجينه وحده مسؤوله عن هيج شي

--اي واني المسوؤله عن  تنضيف ذني العمارات وهم ادخل للشقق انضفهن  امشي وياي خوش بخشيش انحصل منهن لان ناس فايخه ذوله

رحنه صرفنه الدولارات واكلنه لفات شربنه كهوه  كالت هسه صحصحنه يله للعمل

كمنه صار طريقه بالدلمش على مطعمهم لكيته معزل اول مره هاي ليش شنو الصاير
فززتني بيارق كالت شكو صافنه

--مطعمهم معزل اخاف صاير شي

--مايصير كو---د تلكيهم للصبح بالملاهي وهسه نايمين

--مومالتهم همه عمال يجوز المدير عنده شغله لو صيانه اكو

--لاتشيلين هم غير نفسج لان محد يفكر بيج اصلا

--حتى لوكانت صيانه جود مايترك المكان مغلق ياربي كون ماصايرلهم شي بس لاكرم مريض دوم يطفر بالمطر

-- ام گلب الارهيف وصلنه للموقف خلي ننزل ونكمل مشي 

اشرت اي نزلت قبلي واني وراها  رحنه مسافه موكلش بعيده بس تعبنه بسبب البرد وصلنا عماره كلش عاليه

البواب يعرفها اول ماشافنه دخلنه

صعدنه  بدت ادگ البيبان عالناس كل شقته ادكها وتحجي وياهم يردون اليوم مامعتازين   لمن وصلنه طابق خامس طلعت عجوز كالت اي

دخلنه اني استلمت المطبخ وهيه الارضيه والملابس ساعتين خلينه الشقه تلمع انطتنه اجرتنه اتشكرنه وطلعنه

رحنه لغير شقه هم سمحولنه ندخل وهيج من مكان لمكان ومن عماره لعماره لليل احس حيلي بهت صح اشتغل كل يوم بس موهيج تعب لان العالم مزاجات وكل واحد يريد على كيفه تنضيفنه

احس رجليه وكعت من والوكفه والفر دنگت افرك بيهن

--هاا تعبتي

-- كافي فدوه

--بس هالعماره حرمات ولج ذوله طاكين خوش افلوس ينطون

--متت

--امشي ماتت انتي وعيونج ولج شو اضن صدك كل لون شكل

--يبوو غيث ثاني امشي لاتوصلين للغمازه

--هههه والله انتي فاهيه كون عندي شكلج جان خليته يسحل روحه وراي

--حبيبته حلوه

--لعد ليش ماتزوجها واختارج

--مدمنه وخته رافضتها

--لا اكو شي ثاني اشبيها المدمنه لايضحك عليج بهالحجي وحتى اخته شنو اكو واحد بهالايام يسمع بعد من اخته

--ايي اكو هو وعائلته مخربطه اكثر من حياتي يلا
تركي ودكي الباب خلي نخلص

دخلنه للعماره اول شقته دكينه بابها همزين طلعت ام البيت  راجعه

جانت مسافره وحامل كيفت بينه عاد جلفنه بيتها واتفقنه نجيها مرتين بالاسبوع خوش انطتنه افلوس

رحنه لغير شقه هم دخلونه طلعت مالت المختار  شاف شغلنه حجه ويه بيارق ردت عليه من طلعنه كالت تره  حجيتله عنج واتفقت ويا تجين مرتين بالاسبوع اتنضفين العماره درج ومصعد هيج كلها

--ليش اني موانتي

--مواني الشقق من زمان كلي واني ارفض لان مالحك هسه عاد اجت عدله يلا نزلي خلي ناكل نرتاح ونطلع للحاويات

--شنو بعد شغل لافدوه مااكدر

--لعد شعبالج يله لاتفاهين لاتنسين علاج امج واختج دوم خليهن كدام عينج حتى نرجع نحسب الوارد ونقسمه بالنص

سكتت صدك تحجي مومحل فهاوه لازم اقوي روحي لان صدگ  ماما اخر امل بالحياة ضلي اذا راحت يروح كلشي حلو وياها

رحنه لمحل فلافل كعدنه اكلنه فلافل شربنا كولا  ارتاحينه اشويه  كالت يله

-- لاتكولين اهنا لان اهنا اصدقائي اخاف احد يشوفني

--لاهنا شنو افكور تعالي وياي اوديج مكان كله اقواطي وشياء ابهه وبعدين نتلثم محد يعرفنه يلا لج

--تدرين الماخذته اشلونه واشكد عنده افلوس

--وشنو الفايده اذا ناقص وماخذج بتفاق اول مامل اتراجع وشمرج

--الصوج مومنه من حظي عرفته من طلعنه من عز ابونه وبيتنه لمخزن خالي والقحط العيشنه بي

--كومي داده هذا الحجي ميجيب غير المغثه وحرگان الدم اذا ظليتي اتذكرين العز الجنتي عايشه بي عمرج ماراح تشتغلين ولاتوكفين على رجليج

--هم صدك وين انروح هسه

--عالحاره نرد انغير ملابسنا

كمت وياها رجعنه  للحاره  امشي وباوع للسمه اندعي ربي يشافي امي ويطول بعمر لحن لحد مااجمع افلوس عمليتها 

وصلنه  دخلنه لغرفتها  بعدنه بالباب اول مانفتحت اجتنه الريحه تكتل  طلعت   العجوز مسويتها جواها

شلهت اديه بيارق دفعتني بره   لبالي راح تنظف بس اندارت لقامجي وره الباب جرته ركضت  كمشتها

--بيارق  خطيه جبيره بالعمر

--نااااي وخررر كالتها ودفعتني بغضب راحت لجتها وشالت ايدها ضربتها ضربه من يمي طفرت مرعوبه

اجه ابالي الواير مال غيث من ضرب سامر وشكله بالنهايه من وكع بلا نفس

رجعت ليورا خفت منها لان جان وضعها موطبيعي نفس الحركه حسيتها

العجوز بس تتلوه  بلا صوت تحمي بروحها وهاي تصلخ بيها بدون ضمير  لمن اكتفت من وحدها بس لحدمن لمن سنحت

شمرت القامجي مسحت وجهه اخذت نفس تفلت   عليها و فتحت اديها كالتها الج ربع ساعه اريد المكان يلمع

كامت تسحل ابروحها وتبجي مصلوخه  للحمام

اني على وكفتي  بالزاويه خايفه بدون صوت

راحت للكنتور فتحته طلعت ملابس شمرتهن عليه كالت لاتصفنين فضيني

--تمام دقايق كلتلها وشلتهن

جانن بجامه صوف وبلوزات اثنين  اكلاو ومشمر بس كلش تعبانات 
--بس قمصلتي هم البسها بارده

--بالمكلوب لبسها تتوسخ

هزيت راسي بدون عتراض وينج ماما تكولين عليه عرمه وخبله تعالي شوفي شنو كدامج حتى تعرفين شلون جنتي ضالمتني وتحمدين ربج عالجان بيدج

ابدل وعيني بالعجوز الي دخلت سابحه وتمسح بالكاع وتبجي بكتمه

شما اشوف اكو مصيبه لان بيارق حسيتها طيبه بس من تشوف هالجوز تتحول

كملت لبس كعدت البس جواريبي اتذكرت جواريب كرم

ضحكت هم تذكرني ابو التنمر لو شي عابر مر من كدامكم وانتهى

اكيد هسه كاره شوفتي بعد مااختلفو غيث وجود صدك واجه اليوم الجنت خايف ابسببي يتعاركون الله اعلم هسه سوه لو كلمن صار بطريق

--نااااي شكو تبتسمين

--ماكو شي كملت يله

كمت سدت الشباج شفت العجوز مكمله كلشي مطلعته بره وماسحه المكان ردت لمكانها

رجعت بيارق ربطتها انطتها مي وصمونه طلعنه قفلت الباب اخذنه كواني اتلثمنه طلعنه

ساعه نمشي لمن روحي خلصت يالله وصلنه  منكدر ناخذ دلمش لان ملابسنه اتخزي

وصلنه المكان بي حاويات كومه جان  جبيره وبي عالم مثل حالتنه هم اتفتش بالحاويات الي شايل جيس مثلنه والي عنده عربانه هم ملبسها جيس جبير

وكفت اتعلمني شنو اشيل وشنو اترك

اشيل وكوه كامشه روحي عن لااتقيئ اصعب شعور مريت بي

اتذكر  العز الجنت عايشه بي ويه اهلي  وهسه

بابا بعد دلالك كمت  الم بقايه الناس حتى اعيش اهلي

غمضت عصرت روحي صعبانه عليه نفسي اتذكرت شهكت لحن ودمعت ماما
فتحت اعيوني ودنكت ابحث بالنفايات حتى اطلع شي مفيد

اشكال اشوف قذاره وغراض تعبانه اكل قديم ريحته طالعه 

اتنكبت عدل لان ريحته خنكتني  ورجعت ادور اباوع لبيارق واسوي مثلها

ضلينه لوجه الصبح واحنه بعدنه لان طلعنه متاخرين صح لمينه خوش وجبه  بس اريد احرك روحي مااكدر

كلتلها بتعب  تره بعد مااكدر والله مونعوصه بس تعبت

--ههههه بس لاتبجين ليش دمعتي

--اخاف تحجين عليه واتكولين مابيج خير اشتغلي بعد

--لاهاي هي كافي خلي نرجع صح اني ماارجع هيج وقت بس لخاطرج بين ماتتعلمين

--وذني الكواني وين انخليهن لاتكولين نرجع الطريق كله شايليهن

--طبعا لعد وين انخليهن حتى يجي احد ياخذهن ويضيع تعبنه شليها على ضهرج متحسين بالثكل

--ناخذ تكسي

--منو يصعدج وبيج طن عفن وسخ يلا لج صيري سباعيه

شلتها مثل ماكالت بس احسها كسرت ضهري من الثكل

رجعنه كوه نمشي وعيوني كوه فاتحتهن الطريق كله ادعي على خالي وعمي وحتى غيث ماسلم من دعائي هم جان اله حصه بي

نص الطريق احس النفس انكطع نزلت الكونيه وخرت المشمر كعدت كلتلها انتهيت بعد

--ناي ماضل شي

--بس اخذ نفس راح اموت

--احسن ماتموت امج وتضلين ضايعه بعدها مثلي  كومي يلا ماضل للفجر هواي تره انبين يشوفونه

كمت هم صدك فوك التعب فضيحه وخاصه اذا لكفني غيث يمه غير احرگ روحي

شلت الكونيه رحنه للمنطقه اشلون منطقه هيه اسوء منطقه بالعراق احسن من هاي

دخلنه للمنطقه رحنه يم محل جان كاعد واكو واحد يتحاسب يمه انتظرنه خلص اخذ منه الكواني فرغهن

بده يعزل هو والعامل عالسريع باوعهن وزن قسم وقسم عزلهن حسب افلوس انطانه رجعنه للغرفه دخلنه شمرت ملابسي لبست غيرهن وشمرت روحي عالفراش اخر نفس  اسمعها تحجي بس مابيه ارد غمضت  بس أشر اي بدون لااحجي لمن رحت بالنوم

لثاني يوم الضحويه  كعدتني كالت يلا كومي بده شغلنه

--بعدني حتى مالحكت اغفه صدك دتحجبن

--اي ناي لعد شعبالج دقيقه تتاخرين يروح رزقج لغيرج كومي عيني لاتاخريني اني بنيه اخاف على مكاناتي تروح مني

--بس ربع ساعه والله جسمي متكسر  ميصير اليوم استراحه

--لا ماكو وذني افلوسج دشوفيهن اشكد حتى يصيرلج واهس اخذيهن وكومي اخذي حمام حتى نطلع ناكل اكله طيبه تسندنا وتنسيط التعب

خذتهن حسبتهن صدك هواي باوعتلها ضحكت

-- موكلتلج

--لعد اذا هيج الشغل زين ليش كاعده اهنا

--حتى اشفي غليلي بهاي كالتها وكامت دفرتها 

--تركيها متشوفها اشلونها تعالي كليلي ذني اشكد بالدولار يصيرن

--موهسه للجرعه الثانيه لاتصيرين غبيه هذا عمج مامرتاحتله

--والله تردين الصدگ حتى اني بس شسوي اذا لحن تكول مثل ميكول يعني مابيها جذب

--شكلج يله المهم لميهن وعينج بيهم شوفي الحساب ودزي على كده موتضيعين افلوس تعبج لكروشهم

--لاعلى كد العلاج بلكي اكدر اجمع اكثر حتى اجر غرفه لو شقه زغيره حتى اجيبهن واكمل علاجها هنا

--لعد كومي يلا شفتي تعب ايدج وماكو منيه احد  اشلون طعمهن

--اي والله لو شايفه من دز افلوس غيث لهلي رغم ماجنت دافعه ثمنهن اله حسيت بالرخص وكرهت نفسي من صدك بس ماجان بيدي حل ثاني

--وهذا الحل اجاج وصرتي بطريقي

--الله جابج الي بس كون مو مثل ذاك الطلع بوجهي وكلتله الله جابك لطريقي وكملت ويا بغمضت عين ردني لبدايته

--هذا حسابه يجي اذا ماكرهته بشكو بوسها اخذها منج لو ليله نيمج بحضنه وستمتع بيج مااطلع بيارق بت الحاره

--ماعرف اشلون اشكرج رجعتيلي احساس فاقدته  من زمن الراحو

--ديلا شكريني بعدين كومي  لاوحده تخمط شغلنه  رادلج تعديل ساعه من الصخام البوجهج

كمت اخذت ملابسي للحمام ذبيت ذنيج بالغساله وسبحت جلفت حيل لان اهم شي النضافه عدهم حتى يدخلونه للشقق

لبست ملابسي وطلعت ملابس اليل شريتهن رجعت للغرفه شلت شعري شمرتلي قلم ملمع وكحل

--شنو ذني

--لازم نطلع ابرنسيسات احنه صح نشتغل بس مواقل من غيره خليج انثى متكامله لاتخلين نقص يمر بيج بكل وقت كوني احسن من الكل

--كملي جميلج ونطيني مسكاره

وكفت مكيجت خفيف شلت شعري كبايه لبست اسكارف منها ضحكت كلتها اليشوفنه اليوم ولايكول نفسنه بالزبل للصبح

--هوايه هوايه تره مو معتازين

--اي صدك هوايه بالاخص من شلت العلاكه وطلع بيها يع لاتذكريني

--هههههههه هاي بعدج بالبدايه اليوم اوديج مكان خاص بالملاهي

--لادخيلج لاتذكريني بيهن مااروح

--ليش شنو جنتي تشتغلين هناك

--لااول ماوصلت خطفوني وردت انتحر ماعرف اشلون ربي طلعني مناك

--اغتصبوج

--لا مالحكو شمروني بمطبخ بين ميسالون عن هويتي كم يوم وهربني الطباخ

--ماطول ماغتصبوج من اول ليله ذوله ما جانو يسألون عن هويتج لا جانو ناوين يبيعون اعضائج بس يحصلون بيج سعر زين اشلون شرد الطباخ

-- اووو سالفه طويله ايام بس ابجي ومااكل شبعت ضرب من الحرس حتى لااتعاند وياهم تالي الطباخ انكسر كلبه لان طلعت عنده ابنته بكدي وتلكين صدك جان يعرف بيهم راح يبيعون اعضائي ربي يسره بطريقي هالكد ما ماما تندعيلي

--لاتره صح بلد الغرب هنا بس اكو عالم هواي حبابين وصاحبين نخوه وعدهم خوف من رب العالمين راح تشوفين بعد اشكال هنا بعدج بالبدايه لو اسولفلج قصتي يوكف شعر جاجبج من الصدمات

--من نرجع وسولفيلي لان صدك صار عندي فضول اعرف هسه وين انروح ليش مو لمكان البارحه

--غير البارحه طلعنه روح ابو ماخلينه شي اليوم المكان متروس ابطاله وقناني نلكي حتى سوع اسوارات انتي وحضج

--هسه يطلع شبشب حظي واعرفه يلا نتريك اهنا لوهناك

--لاهناك يله

--بيارق لخاطري انطيها شي تاكله بس لاتعصبين بس حتى الله يفتحها علينه

مارد باوعتلي بضوجه سكتت طلعت وعافتني

رحت للجيس بي بقايه صمون اخذته وديته الها ابسرعه وترست الكلاص مي وطلعت ابسرعه

قفلنه الباب طلعت لكيتها اتسولف ويه ولد حلو شكله رحت يمها حجه اشرتله مااعرف رد يحجي ويه بيارق ضربته بصدره ضحك كمشت ايدي وباسها دفعته  ومشينه ضايجه كلتله اشبيج

--ناي بديتي تاخذين معجبيني تره اطردج

--صدك لعد شذنبي همه عيونهم وسخه

--ههههه اشبيج اتشاقه شنو هذا ميسوه حذائج امشي ماعونت وحده اتشاركني مكاني نفس وياي التهي ويا احس روحي عايشه الي قيمه

--شكلج وضوجج

--اتغزل بيج كلتله متزوجه تركها

--عفيه الزواج اشلونه دخلت وطلعت  كلشي مامفتهمه  منه

--عبنج عوبه وطريه رادلج هواي حتى تتعلمين

--من ناحيه طريه طريه وملكوفه اتصرف بتسرع بدون تفكير دائما مشاعري هيه الي تمشيني

--ماطولج وياي راح تنسين شي اسمه مشاعر راح تمشين على مبدء اسحگ تعيش

رحنه اتريكنا ومثل البارحه شغل وتعب بس مثل ماكالتلي خليت افلوس العلاج كدام عيني بعد من صدك مااحس بالتعب واتغالب عالشغل حتى احصل بخشيش اكثر

دخلنه شقه  بيها عائله بيارق كالت انتي كمليها لان ذوله مينطون هواي اني انزل اكمل الدرج احسن

دخلت بالشت بالشغل الام تأمر واني وراها اكرف بس انتبهت عين ابوهم زايغه جانت تتجول على جسمي

اضطريت البس قمصلتي واتحمل الحر في سبيل يبطل بس مبين حيوان  كوه كامشت روحي كل دقيقه اريد افشخه وانعل الشيطان ماعونت اخلص
كملت المطبخ اشلون مجان  بس ردت اطلع

اجت امهم اشرتلي عالغرفه  كتبت الها اريد اطلع

ردت كتبت ماانطيج الاجره اذا ماكملتي الغرفه

سكتت ودخلت وياها من لاجاره  شفت بتها بعدها نايمه

اشتغلت على كيفي حتى متكعد السنيوره وحنه داخلين الضهر الي عمري  كله اتمنيت اوصل لهالوقت ولو مره وحده

ماعرف اشلون وكعت من ايدي تحفيه وهيه كمزت وضلت اعيط دخلو اهلها الام نزلت والابو عود حنون صارت نيته يحضني

اني روحي طالعه جنت كوه لازمه نفسي وهاي كملتلها ماشفت نفسي اله واني اشمر  الام بالمزهريه اتفلت عالابو

طعلت ابسرعه ركض لكيت بيارق ابوجهي بدون لااوكف كلتلها شردي ابسرعه ضليت على سرعتي

متدري شكو اجت وراي طايره صاحت شكووو ولج

--كلتلهم

--عزا العزاج سرعي ولج لايكمشونه  كالتها وطلعت  طايره  تركض كدامي

خلصنه الشارع وكفنه وحده وباوعت للثانيه ضحكنه هزت ايدها كالت صدك تحجين

--ولج حركو كلبي انهدو بيه واني بالغلط وكعت مني حتى ماطلعت صوت

--لعد شعبالج ذني يشتمن الهوا بطرف خشمهن اوف بس بردتي كلبي من زمان اريد اكتلهم واخاف الزم واترحل

--يلا هسه انكتلو تعالي نرتاح احس كلبي انگطع

كعدنه عالدجه كالت ولج اخاف يخبرون كومي نروح غير مكان 

--ميكدرون لان الابو اتحارش بيه والام جانت منتبهه بس مبينه ناقصه مثله الي موافقته 

--الغسل اني من شفت  بتهم نايمه بحضن صاحبها بالبيت غسلت  ايدي

--يله خلي انروح ناكل متت جوع وهم اشتري رقم جديد

--بدون جواز محد يبيعلج اني انطيج رقمي واشتري مكانه

--لعد اخذي افلوسه

--مابي رصيد اوشاله ضاله

--لعد مااريد

--انطيني نص الفلوس ولاتضلين اتعاندين تره روحي بخشمي ناي مااتحمل اني على ساعه تلكيني فاشختج

ضحكت مارديت عليها

لليل كملنه شغلنه رجعنه للغرفه غيرت ملابس واتمددت ارتاح حتى نطلع خليت الرقم الجديد وخبرت لحن ردت منو

--اني ناي حبيبتي شوفي راح اطلب صداقتج من صفحتي الثانيه قبليها ماعندي رصيد

--شسمها

--اشكد غبيه لو اسمها ممسحه المفروض تعرفها لان داادزلج هسه المهم اسمها لحن عاشق ولي يلا

--هههههه والله عرفتها بس ردتج انتي تكولين اريد اسمع اسمائنا منج يلا قبل لاتجي الشحروره مرة عمج

سديت الفون  طلبت صداقتها وافقت خبرت كلتلها اشبيها وياج

--والله دتضربني وبالاخص من ماما اتصلي اتموتني اتكول كفار انتم مااريدكم بيتي

--يله بالله شهالعنصريه الي احنه بيها خالي يكول كفار عمي يكول كفار تركج مهم مجموعه حيوانات ميعرفون ربهم منو مو انوب الدين يحجون بي كليلي ماما اشلونها

--هياتها زينه اليوم صبحت  تكدر تحجي

--وداها عمو للطبيب

--اي اليوم الصبح وانطانه امل كال اتلحگون بس عينكم بيها واستعجلو

--لحن المرض صدك لو عمي اخترعه حتى يسحب افلوس

--اني هم شكيت بس اليوم اتأكدت اكثر من راواني الدكتور الغده ضاهره بصدرها

--الله كريم ان شاء الله ربي يباوعلنا ويشافيها على عينه

--لاناي ربي مامعقوله هيج يظلمنه وياخذ حتى ماما يدري بينه انضيع وراها صح ساعات مو بعقلها بس من اقلها من اخاف لو انقهر اتذكر اكو حضن انضم يحميني واشكي همي بي

--احسدج لان قريبه منها لحن فدوه اروحلج عينج بيها لاتغفلين عنها

--لاوالله ابد صدگ ناي رجلج اتصل بعمي كله هم اتصلت ناي

--اي وعمي شرد

--ولج نكر وكاله اني كلتلك تاخذها بعد لاتتصل بينا وتسال عنها باگتك انهزمت مالنه شغل لانريد نعرف اخبارها ولاواحد عنده تواصل وياها حتى فون لحن اخذته اجفونه شركم

--لاياكلب يعني ماگله دااز افلوس ولاماما مريضه

--لااصلا كال اذا اتصل بيكم غيث نكرو كولو منعرف شي هاي بايگه منه افلوس وددز النه وهذا مجرم يسويلنه مصيبه اخذ فوني حضرج وحضر غيث هم

--جبان بدل مايگول بت اخوي وين يتبره مني هيج نذل لعد ماگال اشلون نتواصل لخاطر ادز افلوس بعد

--يدري بيج ادزين ويعرف بيه راح اتواصل وياج بالبسكوت  بس هيج حتى كدام غيث يبرء نفسه   ناي وينج

--بخير لاتخافين عليه وداشتغل شغل مريح وبي افلوس هواي لايضل بالج بس تتحسن حالتي اجي اخذكم

--هاج هاي ماما كعدت ماطولها بذاكرتها اخذي حاجيها

غمضت اشكد  مشتاقة اسمع صوتها كالت بتعب  ها ناي ماما وحسها اخذت روحي شهكت كلتها اشلوني بدونكم ميته عليكم ماما

--يروحي والله بالي يمج يماما اشلونه زوجج وياج

--زين لايضل بالج المهم صحتج رحتي للدكتور شسوالج

--بخير والله يماما  مابيه شي زينه وهم مرتاحين بس عوزنه شوفتج

--اعرفج دتتألمين بس متردين اتقلقيني

--لايعمري اصلا كلشي مابيه داكوم واشتغل بس كلبي يوجعني عليج

-- وليش حتى يوجعج كلبج عليه عايشه احسن عيشه وسعيده ماما صيري قويه لخاطري بس اتعافي لحد مااحضر شقه دااشتغل وان شاء الله ماضل شي واخذكم

--ناي سامحيني اني السويت بيج كل هذا اني التركتج يماما

--لاتخلين ابالج نسيتها اصلا يلا جان مقسوم ابسبب هالسالفه اتزوج ماما عينج بالحن منا لمن اكدر اجي اخذكم

--مره عمج صعبه ولحن صايره تتذمر هم متوكحه لان دتلاحض الفرق بينها وبين بت عمج لان نفس العمر تعصب وتصيح تالي يكتلوها وخايفه عليه يرجعوها لخالج

--لاتخليهم ماما ترديني اسامحج احميها لاتعيدين الغلط نفسه بيت جدها هذا وين بيبي عنهم

--والله مااخليهم اخذها بحضني وتعارك وياهم  بس مااكدرلهم  اني مريضه حتى بيبيتج هم تعبانه لمن يسمعوها اتشحرج يالله يتركوها

--هسه لحن مالكت وكاحتها اله هسه ياعيني بس صبرو هالايام  ماما اريدج اتصيرين قويه وتتجاوزين المرض فدوه حتى يسهل عليه اجيبكم لهنا

-- امانه يااخت عاشق مرتاحه ماتجذبين مثل عادتج

--ماما موتزوجت وكبرت بعد مااجذب ليش هيج تحجين وهياتني ماعندي شي زوجي حباب وكلشي متوفرلي بس دااجمع حتى اخذلكم شقه واجيبكم يمي محد يمن عليكم

--ان شاء الله ديري بالج على روحج صدگ رحنه لقبر ابوج وعاشق سولفتلهم عليج كلتله امنو ناي عقلت واتزوجت مرتاحه بعد بس لحن حتى اجيكم

--لاماما لاتكولين هيج فدوه ماعدنه غيرج لاتكسرينه بيج كافي الشفناه وشوداج وانتي مريضه

--من رجعنه من الدكتور كلبي وجعني على شوفت عاشق رحتله اذا ماامن عليجن مااتركجن لاتخافين

--لعد راح اتخليني ادعي انضل تعيسات حتى متركينه

--لاماما لاتكولين هيج ربي يحميجن وينور طريقجن  يلا حبيبتي العشه صبو خلي اكوم فشله من بيبيتج كاعده وحدها

--روحي الف عافيه على كلبجن

سلمت وغلقته  كمت لبست الحذاء لكيت بياق مخلصه باوعت العجوز مخلصه ميها وتباوعلي بترجي اتخاف تحجي عرفتها عطشانه

كلتلها بيارق طلعي اخذي الكواني بين مااشمر ملابسنه بالغساله حتى نجي نلكاهن مغسولات بس انشرهن

--تمام لاتتعطلين استعجلي لان المنطقه الرايحيلها بعيده كالتها وطلعت

ابسرعه ركضت ترست الكلاص مي خليته يمها همست اريد اكل جوعانه

--ماعندي شنطيج

--ذيج صمونه يم الكدر

--يابسه صارلها يومين

--ميخالف انكعها بس جيبيها

رحت جبت الصمونه وطاسه مي خليته يمها همست ربي يحميج

تركتها  وطلعت بسرعه  قفلت الباب

رحت لكيت بيارق تحجي ويه  سامو  شافني غمزلي وضحك درت وجهي كالت بيارق يلا ناي

--ولج سامو شكله  صايع يذكرني بالمسلسلات التركيه

--ههههههه يعجبج مو بس شكل  هذا حامي المكان دباوعلي اشلون ديگصج

--اخاف احجي ويا ويبيع ميانه وهم يتنمر على شكلي

--محد يتنمر اذا ماتكونين عاجبته وداخله راسه يله داده

اتلثمنه ورحنه بس هالمره منطقه مقطوعه مابيها بشر بس اجلاب

طمر الصحي ماعرف شنو بس حتى شرطه ماكو قريب عالبحر اكو قوارب محطمه وحديد مشمر واكو مكبات نفايات هواي

دنكت شالت حديده كالت دبريلج وحده انتي هم اخاف يجينه جلب هنه مأمنات بس يصح واحد فالت

--المكان فارغ يخوف بيارق

--احسن ولج هنا محد يجي هسه اشكال نحصل يلا قبل لاتجي سيارات التفريغ وياخذوهن

ضليت عيني بالكاع وعين بيها لكينه مره وبتها تقريبا من عمري  هم يدورن بالنفايات واصلات قبلنه امنت اشويه لان برد وليل حتى لويكتلونه محد يدري

لبست الجفوف وبلشت وياهن عالسريع اتعلمت الشغله خفت اتروح الغراض الزينه

اشيل وشمر بالكونيه والحاجه الماعرفها اراويها لبيارق اتأشرلي اذا زينه

لنص اليل والدنيا  بدت اتخوف اكثر مانسمع بس صوت الموج مال البحر وهذا وحده يسببلي الرعب لان اني والبحر موصحبه عندي فوبيا منا

خلصت عالسريع حتى مامليت الكونيه لان اريد بس ارجع

-- بيارق خلصت

--لاانتضري بلكي انحصل بعد خوش مكان مليان قواطي سم

--مابيها مجال كونيتي بعد وتعبت والبرد موتني

--موكلتلج لبسي هواي متسمعين روحي كعدي واني اكمل بعد مامتروسه كونيتي

سحلت الجيس ورحت لزويه يم سفينه محطمه دخلت جوه بيها مكانات تحميني من البرد حدايد لميت روحي واتكومت وره الكونيه ادور دفو

غمضت وكمت انفخ بأديه مرت نص ساعه ردت اكوم اصيحها حتى انروح اتكسرت وجمدت بنفس الوقت هاي اذا اتركها للصبح ماتشبع

استوني اكوم مااشوف غير ٤زلم  دخلو للمكان بيدهم ابطاله يتضاحكون  راحو يمهن وهنه بدن بالصراخ

شلت حديدة بيارق  ردت الحكهن بس شفت سجاجين بديهم وصوت بيارق صاحت نااااي شرديييي

خفت اتحرك اخاف ينتبهون رجعت لمكاني لميت روحي حيل واني اشوفهم اشلون اتولوهن كلمن اخذ وحده
ضل  واحد وكف منتظرهم

المريه سحلها سحل جانت تتوسل بس ماعرفت لهجتها شنو بس جانت  تترجاهم حتى يتركوها

الابنيه جانت اتصارخ وتبجي شالها اخذها على جهه اشوفه اشلون يملخ بملابسها ويغتصبها بدون رحمه مبينه ابنيه بعدها لان صوت صرختها مال متوجعه مومثلهن

بياق اندارو عليها ثنين واحد جان يبوسها بقرف من صدرها وجها والثاني يغتصبها

رعب منظرهن وصوت بجيهن وتوسلهن جانن كافيات اكتم حتى النفس غمضت وسديت حلكي عن لاتطلع صوت شهكتي

عصرت نفسي يم الحديد  وره الكونيه والرجفه احتلت جسمي كلبي حسيته يريد يوكف من الخوف

اشويه وسمعت صار هدوء فتحت عيوني لكيتهم مخلصين باقي بس واحد ويه بيارق غير الجان يغتصبها

راحو دقايق وكام سد بنطرون تفل عليها وراح

لمت روحها جانت تغلط وتشتم بحركه    اتاكدت عبرو المكان

كمت رحت يمها كعدت ابجي كلتها والله ماكدرت انقذج

--انتي لو بس امفكره توصلين يمنه جان حالج اتعس من حالنه لاتبجين مواول مره اتعرض لهيج موقف وخري منا لاتبجين

--اتكدرين اتكومين

--اي بس وخري عني لاتلمسيني نااااي وخررري

عرفتها خجلانه متريدني اشوفها نداريت لحد ماتلبس صارت كبالي المره اشلون حاضنه بتها وتبجي وبتها تحجي ماعرف شنو بس حسيته تشكيلها متألمه 

والام تبجي على بجيتها

كامت بيارق كالت يله

--خلي اساعدج انطيني ايدج

--مابيه شي شيلي كونيتج ويلا قبل لايجون غيرهم هسه بدو يطلعون من الحانه ماحاسين

--من اتعرفين المكان خطر هيج ومابي امن ليش جازفتي وجبتينا

--كلت بي رزق هواي ومحد يوصله كالتها ونزلت دموعها ماتحملت تكتم اكثر  شالت كونيتها وراحت تمشي كدامي

اني سحلتها لان ثكيله مااكدر اشيلها رحت وراها الطريق كله اسمع بس نشغتها ماحجت

اني وياها ادموعي تنزل احس روحي حقيره ماساعدتها

كل اشويه نوكف تاخذ نفس ترتاح بالخمس دقايق ونرجع انكمل لمن
وصلنه للحاره مالتنه كالت اخذي حاسبي انتي مابيه اني

--روحي ارتاحي اني رايحه مكانج

اخذتهن ورحت للرجال وكفت ماعرف لغه بس اشرتله وامسح بدموعي شافني استغفر وبده يعزل ويوزن

واحد ثاني حسب الفلوس وانطاني اشرلي وغمز اشكد لعبت نفسي مبينه الحاره كلهم البيها  مابيهم خير مكان مشبوه

واني جنت اتصور هذا موجود بس بالعراق لان ماعدنه امن طلع الدول كلها نفس الصخام

تركته ورحت للغرفه لكيتها بالحمام تسبح دخلت لكيت العجوز صافنه

باوعتلها اجاني الفضول اعرف شنو هاي وليش هنا

رحت بسرعه  كعدت يمها كلتلها شنو قصتج انتي ليش هيج حابستج واتاذيج

--اني مضلومه كالتها  بهمس وبجت

--احجيلي اذا مضلومه صدك اطلعج بس اذا جذبتي اخلها اتصلخج اكثر

--لالا مااجذب بس خلصيني

--ليش حابستج

قبل لاتجاوب دخلت بياق كمت كالت شتسوين يمها

--هيج دااسالها اذا تعتاز حمام عن لاتوسخ المكان

--تركيها وكون اتوسخ حتى هالمره اجويها اهناك اخليها بعد متبول عمرها كله

--ارتاحي واني اخذها للحمام يمعوده ريحه وانريد نرتاح احنه ماعوزنه وصاخه ثانيه كافي الي نشتمه كل يوم

ماردت اجت دفرتها ابحلكها كالتها كومي واذا اتعطلتي اغط راسج بالتواليت

فتحت اديها كومتها راحت للحمام اسمع صوتها داخل اتون يمكن من كثر الحصره متعذبه متكدر تدرر اخذت اشويه وطلعت كامشه بطنها

--لعد ماسبحتي

--ماريد  وخر ي خلي اروح ت تج تجويني

--استغفر الله روحي ولاتحجين وياها تره اليوم واصله كلش يمها

--اتنقذيني

--بس خلي اعرف شنو قصتج وبعدها اطلعج روحي قبل لاتسمعنه

--طلعي منا لاتضلين

--اششش روحي هسه تره اتعطلنه راح تجي

راحت تسحل بروحها كوه دخلت اني دخلت للحمام سبحت وطلعت الملابس اخذتهن وياي شريتهن بالغرفه

لكيت بيارق نايمه جفي

مشطت شعري اشلون مجان اباوعلها شنو شفتي بحياتج بحيث ماهمج من اغتصبوج

حتى بجي مابجيتي بس كم دمعه نزلن  وعرفتهن بسببي لان ماردتيتي اشوف ضعفج وانتي بين اديهم اعرف دمعه الالم عن الكسره

اتمددت من التعب والتفكير نسيت الباب مفتوحه   رحت بالنوم ماكعدت غير على  حركه بالغرفه وايد على شعري 

فتحت عيوني كمزت من مكاني واني اشوف كدامي ---