ام منصور:ابشر يالله اجل بروح اتجهز واقول لها
ببيت ابو سعود كانو جالسين ام سعود وابو سعود ف الصاله جا خالد من دوامه :الله طيور الحب جالسين يتقهوون بدوني
ام سعود ضحكت:الله يقلع بليسك سلم اول
خالد :السلام عليكم وراح باس راس امه وابوه
ابو سعود :وعليكم السلام والرحمة شلونك
خالد :الحمدلله بخير دامني شفتك بخير
ام سعود :وش ذا الشغل الي ماخذك مننا
خالد :هذا يمه التحقيق نخلص من شي يجي شي ثاني
ام سعود: الله يوفقك و ييسر امرك يا وليدي
خالد ابتسم :آمين ما ابي الا دعواتكم الا وين قعدتس
ام سعود :نايمه ياروحي تعبانه عقب الجامعة
خالد :ايه زين
ابو سعود :يا وليدي تحتاج فلوس او شي ل سفرتكم
خالد:لا يا ابوي مشكور انا ما احتاج شوف عن ليال كنها تبي
ابوسعود:زين اجل حول ل اختك من حسابي فلوس
خالد قام حب راس ابوه:الله يديمك لنا اجل بروح اصحي اخر العنقود وابطلع لشغلي اخذ اجازة
ام سعود :شوي شوي لا تهبل فيها ياويلك
خالد ضحك :من عيوني
راح يصحي ليال وخرشها وقامت من نومها وهي تدعي عليه وطلع يضحك من غرفتها وامه من تحت تصارخ عليه ودخل ياخذ له شور وطلع لبس وتعطر وراح للمسجد يصلي المغرب
في بيت فهد كانت ميسم ف المطبخ تسوي حلا وقهوة للمغرب جافهد من عند جده :السلام عليكم ميسم وينتس
ميسم من المطبخ :وعليكم السلام هذاني ف المطبخ تعال
دخل فهد المطبخ ومسك ميسم من خصرها وباس راسها :عساك ع القوة
ابتسمت ميسم :الله يقويك
فهد :جهزتي الشنط
ميسم :اي بس للحين ما سكرتهم قلت يمكن تبي شي
فهد :زين اذا تبين السوق ترا البنات بيرحون المول بكرا تبين تروحين معهم والا اوديك اليوم
ميسم :لا ما ابي اروح ما احتاج شي وبعدين شلون اروح معهم اخاف يشكون اننا بنروح معهم وحنا ب نفاجئهم
فهد :اي صح نسيت
ميسم:شرايك نروح ل اهلك اليوم اذا هم فاضين
فهد:زين ابسال امي وارد لتس بروح اتوضى الحين
ميسم:زين وقول لهم اذا ماعندهم شي تراني مسويه قهوه لا يسوون
فهد:ابشري
ميسم:تبشر ب الطيب
راح فهد يتوضى ل الصلاة بعد ما خلص وضوء دق على امه ردت افنان فهد:هلاب الغالية هلا بجنتي
افنان :هلا فيك ما رحت تصلي
فهد هاذاني ب امشي بس حبيت اشوف اذا عندكم شي او طالعين
افنان:لا والله ما عندنا شي وجالسين ف البيت
فهد:اجل انا وميسم ب نسير عليكم
افنان بفرحه:الله يحييك ببيتك ياوليدي وهاذي الساعة المباركة
فهد :اجل ما اطول عليك وترا بنجيب قهوة وحلا مصلحتهم ميسم
افنان:الله يجزها خير ما تقصر اجل بروح اقول لخواتك وجدتك
فهد:زين يالله مع السلامة
افنان :الله يحفظك
سكر فهد وارسل ل ميسم تتجهز ودخل المسجد عند افنان قالت لبناتها وراحت عند امها تقولها وتسوي قهوه زياده لهم بيلسان كانت تسولف ب القروب مع البنات
[قروب البنات
فاتن:انا خلصت شنطتي واغرضي بدري الحمدلله 💃🏻💃🏻
هيام:ياحظك انا ابغى اروح للسوق اخلص اغراضي🙁
بيلسان:كان علمتينا نشريهم لتس يوم نروح
ليال: هو الواحد يفكر بشي وقت الاختبرات
هيام:ايوالله صادقه ما جا ببالي
نوره:ما عليك نروح بكرا نخلص كل شي
هيام:انشاءالله
لينا:السلام عليكم
فاتن:وعليكم السلام صح النوم
لينا :صح بدنك
بيلسان:خلصتي اغراضتس
لينا:اييي الحمدلله
يمامة:احتاج مساعدة 📣📣
فاتن:بسم الله شفيك
ليال:خرشتينا
يمامة:بنات اكتشفت انه ما عندي شنطة سفر كبيرة
لينا:حسبته صايره مصيبه طلع ماعندك شنطة
يمامة:يعني وين احط اغرضي
ليال :ماعليك تبين شنطتي
يمامة:صوري اشوف كبرها
فاتن :تراك مو رايحه تسكنين هناك كلها اسبوع ونرجع
يمامة:بس ولاو لازم اخذ ملابس شتويه وكذا عشان البرد هناك
بيلسان:عندي انا خوذيها
يمامة:شكراً لك انتي وليال
لينا:الا اقول ما تدرون وين مختفية اسرار
لولو دخلت :رايحه مع امها لخوالها
نوره:لايكون ما جهزت للحين بتجلس تبلشنا بكرا
لولو :شكلها مخلصه لان لو مو مخلصه كان ما راحت لخوالها
ميرا:احسكم مستعجلين ترا باقي بكرا
لينا:هو صح باقي بكرا بس الطياره الساعة ٨الصبح
ميرا : ما عليكم يمدي انشاءالله ]
عند افنان جهزت القهوة وقالت ل بيلسان وميرا انه بيجون فهد وميسم وانبسطو
افنان جالسه مع امها يحترون فهد
الجده: وين بناتك ما نزلو
افنان: ميرا كانت تتروش وبيلسان شوفيها هاذاها نازله
بيلسان راحت تحب راس جدتها وامها : مسهم ب الخير
الجده:هلا هلا وينتس مختفية اليوم
بيلسان: والله كنت امس سهرانه اشتغل ولا نمت الا بعد الفجر
الجده:اي زين قمتي صليتي الظهر بوقته
بيلسان: ايه امي قومتني الله يجزاها خير
الجده: زين
فبيت فهد ميسم كانت تتجهز رتبت القهوة والحلا حطتهم ب سله وراحت لغرفتها تلبس دخلت اخذت شور سريع وطلعت ولبست فستان ناعم طويل لونه بنفسجي فاتح وفيه ورود صغيره مع اكمام طويله وفتحه من عند الساق
تعطرت وفلت شعرها رفعته من قدام شوي
دخل فهد بيته بعد ماطلع من الصلاة ينادي ميسم: ميسم وينك يابوي يالله تأخرنا
نزلت ميسم معاها عباتها وشنطتها الصغيره
ميسم : طيب هاذاني جيت
فهد تنح ف جمالها بعدها قال: ماشاءالله كل هالكشخه ل اهلي
ميسم استحت : واهلك ما يستاهلون
فهد بدا يهيم في ميسم شوي شوي :الا يستاهلون
ميسم واهيا تلبس عباتها :في اخوك اخذ جلال معي ولا لا
فهد :خوذي احتياط يمكن يكون فيه
ميسم راحت تطلع لها جلا من الدولاب وراحت تلبس نقابها : فهد شوف سلة القهوة ف المطبخ خذها لا انساها الحين
فهد :ابشري
راح فهد المطبخ وخذا السله واهو يفكر ب ميسم وكيف استحلت قلبه بلطافتها وجمالها وطلع وقال:يالله
طلعو وركبو السياره كان البيت ما يبعد عنهم كثير نص ساعه بس
وصلو ودخلو عليهم وكانت ميرا و بيلسان جالسين يسولفون مع جدتهم قال فهد : السلام عليكم يا اهل الدار
الجده: هلا بحفيد وزوجته اقلط ما فيه احد
افنان طلعت من المطبخ : هلا بوليدي وهلا ببنيتي
راحت ميسم تسلم على افنان الي جت لمهم حبت راسها :هلا فيتس يا خالتي
وراحت تسلم على الجدة حبت راسها وكملت تسلم على البنات جت ميرا ل ميسم واخذت عباتها وجلست ميسم عند فهد وافنان فهد : ميرا طلعي القهوة والحلا
الجده: وراتس مكلفة على نفستس
ميسم ابتسمت : لا كلافة ولا شي يا جده
بيلسان: والله وطلعتي سنعه يا ميسم
ميسم : هو ليه طايحة من عينتس انا
ميرا: ما عليك منها ذي
فهد :خلو السوالف وصبو لنا قهوة
الجده:وهو صادز صبو قهوة
قامت ميرا واخذت القهوة وبدت تصب لهم
جا فهد اخذ الحلا وفتحه وعطى جدته (كان الحلا عبارة عن توت محشي كاسترد ومغطى ب شكولاتة )وبعدها اخذته افنان وعطت البنات
افنان: ماشاءالله تسلم يدينتس ميسم خفيف ولذيذ
ميسم واهيا تعطي الحلا لفهد :الله يسلمتس يا خاله ب العافية
بيلسان:تسلم يدينتس حرفيًا لذيذ
ميرا: فهود عجبك حلا زوجتك
ميسم:ليه ما عجبك انتي
ميرا:لا والله لذيذ بس بشوف اذا عجب فهد عشان تسوينه كل يوم وترسلين لي منه
فهد ضحك :ماشاءالله لذيذ بس مو على كيفك تتعب يدينها عشانتس انتي سويه بنفسك
ميرا عبست وجهها: يوهه كسل اجلس احشي واغطيه ب الشكولاتة مرره طفش
ضحكت فهد و بيلسان و ميسم عليه
الجده: وش بيضرك بدال ما تجلسين على الجوال تسوين ل اهلتس حلا يحلون عليه بقهوتهم
فهد:صادقه امي نوره ما بيضرك شي
افنان: بكرا سوي لنا حلا نحلي عليه
ميرا:يصير خير
ميسم : الا وين فاتن ماله حس اليوم
فهد:اي صدق فاقدها اليوم
افنان:هي وابوي عند تركي اخوي
فهد :اي زين
بيلسان:ميسم هاتي الحلا بصوره
عطتها ميسم الحلا وصورته وكتبت عليه( سنع مرت اخوي ميسم😋)ونزلته سناب
جلسو يسولفون شوي الا جا أمير كان بيدخل الا قال فهد :أمير اصبر لا تدخل فيه ميسم
أمير:زين بروح اجل
ميسم : لا يروح معي جلالي
افنان: اصبر تلبس جلالها وادخل
فهد قام يسلم على اخوه : هلا والله بخوي شلونك
أمير:بخير الحمدلله انت شلونك
فهد:الحمدلله بخير امش تقهو
راح امير وسلم على امه وجدته وقال :السلام عليكم يا ميسم بشري عنتس
ميسم استحت: وعليكم السلام الحمدلله بخير انت شلونك
امير وهو يجلس عند جدته :بخير الله يسلمتس
فهد:شف ذا الحلا بيجوزلك
(سلام ها شرايكم ب البارت حطو نجمه تكفون واذا عندكم تشبيهات ارسلوها لي على الانستا rn5.81 وبس قرائه ممتعه)