انا عندي بدايتنا ؟ بداية عمرك وعمري

الــبـارت١٢

هيام:لاحد ينسى اغراضه
ميسم ابتسمت : انتي لاتنسين اغراضتس مو حنا
هيام:لا ما عليتس ما بنساهم
راحو البنات للعيال وعلطول راحو للفندق البنات كلهم راحو عند ليال ولينا
ميسم جلست على الارض : يوهه ليتي موديه اغراضي للغرفه احس مافيني حيل اشيله الحين
فاتن وهي منسدحة على ميسم: عندتس فهد وش حاجته يجي يشيلهم ولا خليهم عند ليال
ميرا:صدق خليه يجي ياخذهم
ميسم :تلقينه الحين بسابع نومه ماشاءالله
ليال منسدحه بسريرها:العذر والسموحة منكم بس بنام خلص شحني
ميرا قامت:حتى انا خلاص الطاقة زيرو بروح باي
نوره:خذيني معك
راحو للغرفه وفاتن عدلت جلستها: اخسس سحبو علينا
ميسم فيها نوم بس تقاوم : حتى انا بسحب عليك وبروح انام
لينا : فاتن روحي نامي لان بيصحونك بدري
فاتن قامت : طرده محترمة
ميسم كانت تلبس جزماته (يكرم القارئ)واخذت اكياسها بتطلع
فاتن: ميسم بنت اصبري بروح معك
ميسم ناظرت فاتن ب استغراب : ترا الباب ف الباب غرفتتس
فاتن حكت جبهتها : اييه صح نسيت
ميسم ابتسمت : شكله بدت خرابيط النوم حقتس ف احسن لتس روحي نامي لا تفصلين علينا
فاتن:اجل تصبحين على خير
طلعت ميسم وشافت فهد جاي وهي ما قالت له يجي بس ارسلت له انه بترجع الحين عشان ما ينام ويخليها لان مامعاها مفتاح للغرفه
ميسم: بسم الله شجابك
فهد لف لها: ليه ما تبين اجي
ميسم : لا لا مو قصدي كذا بس انا ما قلت لك تعال واستغربت انك جيت بس
فهد مسك يدها واخذ الاكياس الي معاها:اشو حسبتك ما تبين اجي
ميسم حطت راسها على كتفه لاشعوريا بعدها تكلمت : تبي الصدق
فهد : ايه
ميسم : قالو لي البنات ارسل لك تجي تشيل الاغراض لان منهد حيلي بس قلت لهم انك يمكن نايم
فهد ناظرها : وليه ما سمعتي كلامهم
ميسم : ماحبيت ازعجك وبعدين هذاك جيت بدون لا اقولك
فهد : زين اني جيت
ميسم ظلت ساكتة ومتسنده على كتف فهد بعدها بشوي وصلو غرفتهم تكلم فهد :يالله ادخلي ونامي علطول
ميسم همهمت وراحت بدلت ملابسها ودخلت دورة المياه(يكرم القارئ) وطلعت وراحت لـ السرير تمددت فوقه ونامت
عند فهد دخل وحط اغراضها فوق الطاولة وبدل ملابسه وراح تمدد جنبها على السرير وكان يتأملها ونام وهو يتأمل وجهها
من بكرا الصبح تقريباً ٨صباحاً الكل قام ويستعدون عشان يطلعون بعضهم نزلو يفطرون تحت
مهير:منصور ايش المكان الي بتودينا له
منصور نزل جواله على الطاولة وعدل جلسته: شوفو هو متحف بس حلو الناس كثير تروح له
همام بتفكير : لايكون متحف .....
منصور: ايه اذا ما تبون نغير الوجهة
أدم:اصبر اذا اجتمعو كلهم نشوف رايهم
مهير وهمام:اي احسن نشاورهم
جا فهد وعزيز ومحمد وخالد
خالد :هاه وش صار على المكان اتفقتو
منصور قاله المكان وانه بيشوفون راي البنات اول
فهد : الصراحة عن رايي صح المكان حلو بس هم يبون كذا مولات واشيا يدورون فيها
أدم:اي اتفق معك فيه مكان ثاني براسك ولا لا
همام يفكر : تبون شي فيه اسواق وكذا
خالد :ايه
همام :فيه مكان اسمه ........قاله الاسم
خالد : حلو قولو لهم نشوف رايهم
فهد جلس يشرب قهوته وجلس معه خالد ومحمد
محمد: الموسيقى تجيب النوم
خالد ضحك: والله انك صادق
عزيز:ياخي شعرفك انت هاذي للروقان
محمد:امحق روقان
عند البنات محد نزل الا فاتن واسرار وهيام كانو جالسين على طاولة ويسولفون مع بض
جت هيام ومعها قهوة لها ول اسرار وفاتن
هيام:الحين ذا البقر ليه ما نزلو للحين
اسرار:اندري عنهم
هيام:امس نقولهم نامو بدري عشان نصحى وللحين ما شفت وجيههم
فاتن كانت تصور ونزلت جوالها:كنت بجر ليال ولينا مع شوشهم بس تعوذت من بليس
هيام :ليتتس جارتهم امس هم اول من نام وللحين ما صحو
اسرار:بدق عليهم
عند العيال
عزيز : القهوة مضبوطة
أمير:اشتهيت كروسون
عزيز :وش ذا الشهوه
أمير: من امس مشتهيها
محمد: اقول سواليفكم ماش بروح لعمتي فاتن سوليفه احسن منكم
راح محمد لعند البنات
محمد :هلا بعمتي المزيونه
فاتن عطته نظره استغراب: ماشاءالله شعندك تمدح
محمد يحك دقنه: ابد والله مليت من العيال قلت اجي اسولف معتس
هيام : حمود اذكر انك تحب القهوة يبيعون بن خذلك واحد معنا للقصيم
محمد : عشان تخلصينه علي
هيام: ماعليك ما راح اخلصها
فاتن:جب لي معك
محمد : ابشري اسرار ما تبي
اسرار: اذا بتدفع انت ما نقول لا
محمد : لا ما راح ادفع ماني ولي امركم انا كل وحده تدفع
اسرار لهيام : ماش اخوتس بخيل ماطلع عليك
هيام: تشوفين
فاتن :حمود متى بيمشون احس بيروح الوقت علينا
محمد : انتم ما بعد كملتو
اسرار:البنات هاذاهم بيجون
هيام :هاذي ليال وميرا ولولو نزلو ثلاث وين الباقين
محمد :شوفيهم جو اكتملت العصابة
فاتن ضربته بشنطتها:وجع لا تذب علينا
محمد يتحسس مكان الضربة:لا واضح شنطتك اصليه
اسرار ضحكت : حلوهه الذبه
محمد : وانا صادق لو نروح نسرق او نخطف احد ما قدرو علينا
ليال سحبت كرسي وجلست : سلام يا الربع
محمد : جا ابو الشباب وعليكم السلام
هيام :حمود شفيك مشخصنها معنى اليوم
ليال : شعندها سلوى معنى اليوم
محمد عرف انها تقصده : جاي اسولف مع عمتي
فاتن:خلاص حمود رح للعيال شف وش الوضع
محمد قام:كنت بجلس على قلوبكم بس عشان عميمه بروح
ميسم:شعنده جاي
هيام: جاي يرفع ضغطنا ويروح
ميسم اخذت جوالها وصورت له كم صورة
فاتن:بنات اسمعوني زين تو ارسل لي منصور
البنات كلهم تعدلو علشان يسمعونها
فاتن: بسم الله ليش تناظروني كذا
هيام:عميمه اخلصي
فاتن:طيب طيب منصور يقول فيه مكانين مكان ......ومكان......
فاتن:اي واحد تبغون
ميرا: الاول متحف صح
لينا:ايي بس احس مافيه شي بس تشوفين الي فيه
ميسم:ايه خلونا على الثاني احسن
فاتن:اتفقتو كلكم على الثاني
البنات كلهم :ايه
فاتن ارسلت لـ منصور:منصور خلاص الثاني الي نبيه
منصور :زين
قال للعيال وراح فهد ل الباط الي استاجره وقاله المكان وجو الباقين يركبون راحو للمكان

ادعموني بنجمة 💙