فهد:ما سوولك شي بس يبون يغيرون جوك
سعود:واهو صادق نبيك تغير جو
منصور :امش انزل بس
نزلو العيال ودخلو الكوفي
فهد نزل :بروح اطلب وانتو دورو لكم طاولة
سعود : ادق على العيال يجون اذا فاضين
همام:دق مع انه ماضنتي يجون
جلسو على طاولة وجلسو يسولفون وجا عندهم آدم:سلام
العيال :وعليكم السلام
فهد:ارحب
آدم :البقى
سعود:اعلومك
آدم:بخير الحمدلله انتم شلونكم
فهد بمزح:حنا بخير بس الي يمك ماهو بخير ابد
آدم:افااا شفيه همام لايكون عشان بنت العم
منصور:ايي عشان بنت العم
همام متنرفز:شكلي ب اصير محور حديثكم اليوم
سعود ابتسم:من الواضح لانه مافي شي نسولف فيه
آدم ضرب كتف همام :وانت شفيك عجل مردهم بيردون عليك والبنت ماهي طايره
منصور:فهمه تكفى مدري شفيه عجل واهو امس خاطب طبيعي مابنرد عليك علطول
همام:زين ب احاول
جا طلبهم وجلسو يسولفون وخلصور وراحو يصلون الظهر ورجع كل واحد بيته وادم راح بيت الجد دخل ولقاء جدته جالسه ف الصاله تتقهوى:السلام عليكم
الجده نوره:وعليكم السلام هلا ب اوليدي
آدم يحب راس جدته:هلا فيتس وشلونها نوره اليوم
الجده نوره:بخير يوم اني شفتك انت شلونك عساك مرتاح ف شغلك
آدم يصب لجدته قهوه:ابشرتس الحمدلله مرتاح
الجده نوره:زين الحمدلله الا وش جايبك هالحزه
آدم بعبط:افاا ماتبينني اقوم اطلع
الجده ضربته:اقول اجلس بس ماهو عادتك تجي عشان كذا اسالك
آدم:جيت اسلم عليتس واشوف علومتس وابارك لـ عمتي فاتن
الجده بـ استغرب:تبارك له على ايش
آدم: مو هي مخليتني اساعدها تتوضف ب المستشفى ألي إشتغل فيه
الجده:ايي اقبلوها
آدم:اي ابشرتس تبدا تداوم بعد اسبوع
الجده استانست وبدت تزغرط جا الجد ومعه فاتن وزهرة:ماشاءالله الله يديمها من وناسه وشعندتس تزغرطين
الجده نوره بفرحه:بنتك صارت دكتورة
فاتن باستغراب:مين انا
آدم:فيه احد غيرتس
فاتن:احلف وظفوني عندهم
زهرة:مبروك فاتن عقبال المناصب العليا
فاتن:الله يبارك فيتس
الجد :مبروك يا بنيتي عقبال ماتترقين لاعلى المناصب
فاتن راحت تحب راس ابوها:الله يبارك فيك يبه وجزاك الله خير يا آدم
آدم:عاد الحين عطيني شي اعزميني اي شي مقابل ذا الي سويته لك
فاتن:تبشر والله ب الي يسرك
الجد جلس :آدم صب القهوة
آدم:ابشر يابو البراء
بدا ادم يقهوي جده وعماته وجلسو يسولفون مع بعض صارت الساع٢ قام ادم :يالله ياجدي تمسي على خير
الجد :وين رايح اجلس للغداء
آدم:والله معليش امي بوديها ل السوق وابي اريح قبل الصلاة
الجد:اجل براحتك رح ل اهلك ومرني العشاء ابيك ب موضوع
آدم:ابشر يالله مع السلامة
الجده:بحفظ الرحمن سلم لي على اهلك
آدم بصوت عالي:يوصل انشاءالله
طلع آدم وراح لبيتهم دخل وسلم على ابوه وامه وراح لغرفته تروش ولبس وراح ينام
ف بيت ابو سعود ليال كانت نايمه وخالد ف شغله مافيه الا ام سعود وابو سعود جالسين يتقهون جا سعود :هلا ب الغالين
ابو سعود :هلا فيك بس الواحد يسلم مو يقول هلا
ام سعود ابتسمت:هلا ب اوليدي تعال تقهو
سعود راح وجلس عند امه : والله توني شارب قهوه مع العيال بس بشرب فنجال عن خاطرتس
ابو سعود :الحين انت ما مليت من جو العزوبيه الي انت فيه
سعود انصدم من سوال ابوه ورد:يبه فيه احد يمل من راحته
ابو سعود:ياوليدي ابي ازوجك وافرح فيك قبل لا اموت
سعود:بسم الله عليك عسى يومي قبل يومك لاتقول كذا يبه
ام سعود :ودنا نشوف عيالك ونفرح فيك
سعود وهو خلاص مل من جو العزوبية ومن كثر ما يحنون عليه ب الزواج :خلاص يمه بفكر لي كم يوم وارد لتس خبر
ابوسعود فرح:اي هاذا الكلام الزين
سعود ابتسم وقام :اجل انا بروح ابدل واريح و قوموني قبل الصلاة
ام سعود:ابشر يا وليدي
سعود: تبشرين ب الطيب
ف بيت فهد كان فهد توه داخل بيته وميسم كانت ف المطبخ وما تدري ان فهد جاي كانت جالسه تسوي الغداء وترقص وتغني دخل فهد بيته ويسمع صوت اغاني من المطبخ وراح ينادي على ميسم ولا ترد وراح للمطبخ وتكى على الباب وجلس يبتسم ويتأمل ميسم وقال بدون ما يحس:تتمايل على قلبي هالبنت
ميسم حست ان فيه احد والتفتت بسرعه تشوف مين يوم شافت فاهد مفهي فيها صرخت وركض فهد يسكتها:اص اص ياطول السانتس
ميسم تتنفس بسرعه:بسم الله خرشتني الواحد اذا دخل يتكلم ينادي يسوي اي شي
فهد ضحك عليه واهو ماسك خصرها:انبح صوتي وانا اناديتس بس ماتسمعين من الي مشغلته ذا
ميسم استوعبت انه مشغله السماعة وعلطول سكرتها :ولو كن طقيت الباب علشان ادري انك فيه مو تجلس تتنح فيني وساكت كنك حرامي
ضحك فهد وباسها على راسها :ابشري بس غدينا تراي جوعان
ميسم استحت :ابشر بس اتركني لا يحترق الغداء
تركها فهد وراح يبدل واخذ شور ونزل
جت ميسم : ترا الغداء جاهز تعال
راحو يتغدون ميسم: فهد
فهد:عيوني
ميسم:تسلم لي عيونك ودي اروح اليوم ل امي اشوفه
فهد خلص اكل وقام:زين اجهزي المغرب
ميسم قامت:زين
جلست ميسم تنظف الطاولة واخذت المواعين وجلست تغسلهم
وبعد ما خلصت راحت لـ الصاله تتابع فلم وفهد راح ينام صارت الساعة ٣:٠٠و راحت تصحي فهد ل الصلاة وقام واهيا نزلت تكمل شغلها
فبيت ابو منصور محمد كانت ام منصور توها مخلصه شغل وراحت تجلس ف الصاله حطت الشاهي وشغلت التلفزيون
اسرار كانت بغرفتها فوق تستشور شعرها خلصت ونزلت عند امها تحت :يمه
ام منصور هبة:هلا
اسرار:يمه ابي اروح ل السوق ابي اغراض
هبة:قولي لمنصور او عزيز اذا جو من الصلاة
اسرار:زين ما جا ابوي اليوم
هبة:الا جاي وسأل عنك بس كنتي نايمه
اسرار قامت :اوكي بروح غرفتي اكمل اغرضي اذا جو اخواني علمين
هبة:زين
راحت اسرار غرفتها وجلست تكمل اغراضها ودخلت تكلم على تمارة
اسرار :تمارة صاحيه
جلست شوي وردت عليه تمارة
تمارة: اي صاحيه بغيتي شي
اسرار ب ملل:الصدق طفشانه
تمارة :حتى انا طفشانة امس مرتبه شنطتي وكسل مافي شي اسويه
اسرار:بروح بعد شوي ل السوق باخذ لي غرض وارجع تمام
نقول للبنات نجتمع ف الحوش حق جدي ولا فبيتنا
تمارة بتفكير :لا خليه عندي علشان انتي بتطلعين وانا ما عندي شي فاضيه
اسرار:تمام علميهم وقولي ف القروب عشان ليال وميسم ولينا يدرون
تمارة:اوكي بس اول ما ترجعين تعالي علطول عندي وعطي امك خبر
اسرار كانت تناديها امها :زين يلا بسكر انا امي تناديني بايي
تمارة:بايي
راحت اسرار ل امها :سمي امي بغيتني بشي
هبة:مو تقولين لا جو اخواني علمين شوفيهم جو
اسرار التفتت:عزوز ولا انت منصور واحد منكم يوديني ل السوق
منصور:خلي عزيز يوديتس انا عندي شغل
اسرار التفتت على عزيز وتاظر فيه بترجي
عزيز:زين بوديتس كم عندي اسرار انا
اسرار ضحكت:وحده بس
عزيز:يلا انا ب السيارة
اسرار قامت راكض تلبس عباتها:تمام
بعد ثواني طلعت اسرار وركبت بسيارت عزيز المرسيدس
عزيز:شوي شوي على الباب
اسرار:زين
عزيز حرك وطلع من بيتهم وقال :اي محل تبين
اسرار :محل ... عرفته
عزيز :اوكي بس لا تبطين
اسرار:ابشر
راح للمحل ولبق سيارته ب احد المواقف ونزلت اسرار وراحت للمحل تاخذ الغرض الي تبيه وحاسبت وطلعت ركبت السياره وحرك عزيز اسرار :عزيز شغل اغنية درب الهوى
عزيز :شغليه انتي
شغلت اسرار الاغنية وجلست تغني معها ودخل معها عزيز
درب الهوى مافيه كاسب وخسران
دام الحبايب بين بايع وشاري
يجلط خفوقي كل حاسد وخوان
اللي يحاول يبعدك عن مساري
يا ناعس العينين يازهر الاوجان
اشكر جمالك وب جمالك اماري
بين النعومة والحسن مظهرك بان
قمرية متبخترة ب القماري
عزيز وقف غنى:يا حبني لذا البارت
اسرار:احس الكل متفق على حب هالبارت
دخلو على حوش الي يجمع بيتهم وبيت عمانه وجده اسرار قالت بسرعه :عزيز نزلني عند بيت عمي البراء
عزيز:زين
راح ووقف عند بيت عمه ونزلت اسرار وكان بيت ابو ادم قريب من بيت ابو همام وكان همام توه طالع من بيتهم وشاف سيارة عزيز ولا انتبه ل اسرار وراح يسلم عليه :هلا ب ولد العم
عزيز التفت له :ارحب
همام قرب وشاف اسرار تدخل بيت عمه وفز قلبه وصار يناظر فيها لين دخلت والتفت على عزيز :ترا بنجتمع اليوم عند جدي
عزيز:ايه اشوفه مرسل ف القروب يبينا عنده المغرب
همام:الا للحين عمي ما كلم اختك
عزيز ضحك على همام وكيف انه مستعجل:انت شفيك حسيت ان اختي بتطير اصبر ترا الدنياء ماهي طايره
همام:ادري ان الدنياء ماهي طايره بس اختك معذبه لي قلبي و بعزيمة فهد ذاك اليوم خاطبينها ناس
عزيز:وانت شدراك
همام : هيام قالت لي
عزيز يوم قال همام اسم هيام علطول جت ف باله وقلبه بدا يدق بسرعه
وقال بسرعه عشان ما يكشفه همام :اقول امش بس نروح نلعب ف السوني من زمان مالعبت معك
همام جلس يناظر ف عزيز وبعدين استوعب وراح معه
عند تمارة و اسرار
تمارة: ارحبي يا بنت عمي
اسرار تنزل عباتها :ارحبي مليون
تمارة:تعالي وخوذي راحتس آدام نايم بغرفته
راحت اسرار تسلم على ام ادم ميثى وطلعت للحديقه الخلفية لـ نوره
اسرار:سلام
نوره:وعليكم السلام
اسرار:للحين ما جو البنات
نوره:ميسم وليال ولينا ما راح يجون. وعمتي فاتن تقول بعد المغرب بتجي والباقين يقولون بيجون بس للحين ما شفنا احد
اسرار قامت:امشي نروح نساعد تمارة نجيب القهوة والحلا
نوره: تمام
راحو للمطبخ يساعدون تمارة
جت ميثى:نوره بنيتي تكفين روحي صحي اخوتس خليه يقوم قبل الصلاة
نوره واهي ترتب الحلا :ابشري يمه بس اخلص الي بـ يدي واروح اصحيه
اسرار من الحوش الخلفي بصوت عالي :تمارة جوالتس يرن
تمارة :جيبيه ولا ردي عليه
اسرار راحت تعطي تمارة جوالها وردت تمارة على الي يرن وقالت :اسرار هاذي هيام تكفين روحي افتحي لها الباب
اسرار:زين وراحت
تمارة من المطبخ :خلي الباب مطرف علشان اذا جو يدخلون
اسرار سمعتها ولا ردت وراحت تفتح لـ هيام
اسرار:هلا ف الهيام
هيام ابتسمت :هلا فيتس
اسرار:امشي ندخل
دخلو البنات وسلمت هيام على ام ادم وراحو للحديقه الخلفيه
عند نوره راحت تصحي آدم وماطلعت من غرفته لين قام
ونزلت للبنات
آدم قام وهو يسمع صوت ضحك وسواليف البنات وراح يتوضا ولبس ثوبه الكحلي وتعطر ونزل و راح يسلم على امه وطلع واهو يفتح الباب صادف لولو ويمامة جايين وعلطول صد ودخلو البنات واهو طلع راح ل العيال عشان يروحون للمسجد
(رايكم ف البارتات وادعموني بنجمه وانشالله بكتب وانزل لكم كثير بس اصبرو علي 💙💙)
DU LÄSER
انا عندي بدايتنا ؟ بداية عمرك وعمري
Äventyrsromanerالكاتبة :ريماز محمد انستغرام -rn5.81استقبل رسائلكم بكل حب 💙🦋
