#រាត្រី
__ក្នុងក្លឹប
ស្ថិតនៅក្នុងក្លឹបកន្លែងដែលរាងតូចបមគ្យូធ្លាប់ធ្វើការបង្ហាញឲ្យឃើញអ្នកប្រុសទាំងបីកំពុងតែអង្គុយផឹកស្រានៅតុVIPឆ្ងាយដាច់ពីគេ ពួកគេផឹកបណ្ដើរជជែកគ្នាបណ្ដើរអំពីរឿងដែលកើតឡើងកាលពីព្រឹកមិញ
"នែ៎!! អាជីនសម្រេចថាឯងនិងសិស្សប្អូនអ៊ុនចូម្នាក់នោះជាអីនឹងគ្នាឲ្យប្រាកដ?"យ៉ុនជុនអកស្រាអស់ពីកែវហើយដាក់ចុះលើតុទើបឯងមកសួរមិត្ត
"ក៏គេជាសិស្សប្អូនយើងហ្នឹងហើយ"ហ្យុនជីនតបវិញទាំងលើកស្មាបន្តិច
"ហឹស សិស្សប្អូនក្បាលឯងអីហួងហែងឯងថ្នាក់នេះ?"ស៊ុងហ៊ុនសើចដើមកបន្តិចពេលឮចម្លើយរបស់ហ្យុនជីន
"អឺ អាហ៊ុននិយាយត្រូវប្រាប់យើងតាមត្រង់មកឯងលាក់បាំងអីពីពួកយើង"យ៉ុនជិនស្របនឹងសម្ដីស៊ុងហ៊ុនហើយងាកមកចង្អុលមុខហ្យុនជីនជម្រិតសួរចម្លើយ
"លាក់បាំងស្អីឯង យើងគ្មានស្អីលាក់ពួកឯងទេឯងក៏ដឹងចរឹកយើងមិនចឹង?"រាងក្រាស់ប្រកែកនឹងមិត្តព្រោះតែគេមិនបានលាក់បាំងអីពិតមែន
"អឺ អញ្ចឹងសិស្សប្អូនម្នាក់នោះស្រលាញ់ឯងតែម្ខាង?"ស៊ុងហ៊ុនងួកក្បាលតិចៗគិតពីសម្ដីមិត្តទើបងើបមុខមកសួរគេ
"ប្រហែលហើយ"នាយតបបែបហីៗព្រោះតែគេមិនដែលខ្វល់ខ្វាយរឿងអស់ទាំងនេះទេ
"ចុះសិស្សប្អូនមិត្តរបស់ស៊ុននូនោះ?"យ៉ុនជុន
"គេយ៉ាងម៉េច?"
"ឯងមានគិតអីលើគេឬអត់?"
"យើងគ្មានគិតស្អីទេ"
"អឺ មិនគិតល្អហើយបើមិនអញ្ចឹងទេគេច្បាស់ជាពិបាកហើយ"យ៉ុនជុននិយាយចប់ក៏លើកស្រាមកផឹកបន្ត គិតទៅគ្រាន់តែរឿងព្រឹកធ្វើឲ្យគេអាណិតរាងតូចខ្លាំងណាស់
__ភូមិគ្រឹះមីន
បមគ្យូដើរចូលក្នុងភូមិគ្រឹះដ៏ធំស្កឹមស្កៃទាំងអារម្មណ៍ភ័យខ្លាចព្រោះតែប៉ាធំរបស់គេបានខលហៅគេមកផ្ទះដោយប្រាប់ថាមានរឿងចង់និយាយជាមួយគេដឹងច្បាស់ប្រាកដជារឿងព្រឹកមិញហើយ
"មកដល់ហើយហេសកូនសម្លាញ់"សំឡេងត្រជាក់ស្រឹបរបស់អ្នកជាប៉ាធ្វើឲ្យបមគ្យូកាន់តែភ័យ
"បា...បាទលោកប៉ា"នាយតូចតបទាំងមិនហ៊ានសម្លឹងមុខរបស់គាត់ឡើយ
"មកអង្គុយជិតប៉ាមក"ជីមីនងៅកូនប្រុសឲ្យទៅអង្គុយជិតពេលឃើញទឹកមុខភ័យខ្លាចរបស់គេ
"បាទអាប់ប៉ា"បមគ្យូក៏ដើរទៅអង្គុយលើសាឡុងជិតអាប់ប៉ារបស់គេ
"ប៉ាឮមកថាព្រឹកមិញនេះកូនមានរឿងនៅសាលាហេស?"គ្រាន់តែកូនដាក់ខ្លួនអង្គុយចុះភ្លាមយ៉ុនហ្គីក៏សួរភ្លែត
"អឺ...គឺ..."រាងតូចរដាក់រដុបមិនដឹងឆ្លើយបែបណា
"ពីមុនប៉ាមិនដែលឮថាកូនមានរឿងជាមួយអ្នកណាទេ ចុះពេលនេះម៉េចក៏កូនទៅជាបែបនេះ? សំណាងហើយដែលនាយកសាលាមិនដឹងចុះបើគាត់ដឹងតើកូនគិតយ៉ាងម៉េច?"រាងចំណាស់សួរកូនដោយសំឡេងមាំធ្វើឲ្យនាយតូចខ្លាចមិនហ៊ានសូម្បីងើបមុខឆ្លើយតប
"សូ...សូមទោសលោកប៉ា"បមគ្យូនិយាយសូមទោសលោកប៉ាដោយសំឡេងស្រាលឯមុខអោនចុះរហូត
"បង និយាយជាមួយកូនធម្មតាទៅ"ជីមីនលូកដៃមកចាប់ដៃស្វាមីប្រាប់ឲ្យនិយាយជាមួយកូនធម្មតាបានហើយ
"អញ្ចឹងប្រាប់ប៉ាមកមានរឿងអីបានដល់ថ្នាក់វាយគ្នាបែបនេះ?"យ៉ុនហ្គីសម្រួសអារម្មណ៍បន្តិចទើបសួរកូនប្រុបន្តទៀត
"គឺ...កូនគ្រាន់តែការពារមិត្តប៉ុណ្ណោះព្រោះពួកនាងមកធ្វើបាបគេ លោកប៉ាកុំខឹងកូនអីណាកូនសូមទោស"បមគ្យូចាប់ដៃលោកប៉ាអង្រួនតិចៗទាំងទឹកមុខកំសត់
"ក៏បានតែមិនត្រូវមានលើកក្រោយទេណា"
"បាទកូនសន្យា"រាងតូចឆ្លើយទាំងសប្បាយចិត្ត
"បានហើយកូនឆាប់ឡើងទៅគេងទៅមិនបាច់ទៅខុនដូវិញទេ"ជីមីនប្រាប់ឲ្យកូនទៅគេង
"បាទ អាប់ប៉ានិងលោកប៉ាឆាប់ចូលគេងផងណា រាត្រីសួស្តីលោកប៉ា អាប់ប៉ា"រាងចំណាស់ទាំងពីរងួកក្បាលតិចៗ រាងតូចក៏ឡើងទៅខាងលើ
__ខុនដូ
ថេហ្យុងដើរចូលក្នុងខុនដូទាំងទឹកមុខមាំព្រោះមានរឿងជម្រះបញ្ជីជាមួយកូនកំហូច ហើយរឿងដែលត្រូវជម្រះបញ្ជីនោះគឺជារឿងព្រឹកមិញនឹងហើយ រឿងអីក៏ដោយឲ្យតែយ៉ុនហ្គីនិងជីមីនដឹង ថេហ្យុងក៏ត្រូវតែដឹងដែរ។ ថេហ៍បើកទ្វារបន្ទប់ចូលទៅ គ្រាន់តែឈានជើងចូលភ្លាមដៃម៉ាប់ៗរបស់កូនប្រុសក៏លូកមកអោបចង្កេះគេជាប់ ច្បាស់ណាស់ធ្វើបែបនេះដើម្បីកុំឲ្យគេស្ដីឲ្យ មិញនេះបមគ្យូបានខលមកប្រាប់ស៊ុននូទើបគេរកវិធីលួងលោមឲ្យបានមុន
"ហឹស កូនកំហូចមិនបាច់មកយកចិត្តអីទេ"ថេហ្យុងតាមទាន់ល្បិចរបស់កូនក៏និយាយដោយសំឡេងស្មើ
"ហិហិ អាប់ប៉ា"ស៊ុននូពេបមាត់ដាក់អាប់ប៉ាដើម្បីឲ្យគាត់អាណិត
"បានៗ កុំធ្វើមុខបែបនេះ"ថេហ្យុងប្រញាប់ហាមឲ្យតែឃើញទឹកមុខកូនបែបនេះគេមិនដាច់ចិត្តស្ដីបន្ទោសនោះទេ
"អាប់ប៉ាកូនសូមទោស ហឹក ហឹក"ស៊ុននូចូលមកអោបអាប់ប៉ាពោលពាក្យសូមទោសទាំងទឹកភ្នែកគេដឹងថាគេខុសតែគេគ្រាន់តែជួយមិត្តប៉ុណ្ណោះ
"អា៎...កុំយំប៉ាមានទាន់ថាអីឯណា"អ្នកជាប៉ាពេលឃើញកូនយំបែបនេះក្នុងចិត្តសែនឈឺដូចគេច្របាច់បេះដូងលេងយ៉ាងចឹង
"កូនសូមទោស កូនសន្យាមិនឲ្យមានលើកក្រោយទេ"
"ហ៊ឹម ប៉ាមិនខឹងទេកូនឈប់យំទៅ"ថេហ្យុងទាញកូនពីការអោបលើកដៃទៅជូតទឹកភ្នែកចេញពីថ្ពាល់ប៉ិងៗរបស់កូន
"កូនស្រលាញ់ប៉ា"ស៊ុននូញញឹមឡើងលឹបភ្នែកដាក់អាប់ប៉ា
"អឹម មានអីញាំទេប៉ាឃ្លាណាស់"
"មានច្រើនណាស់កូនបានធ្វើទុកឲ្យប៉ា ម៉ោះទៅញាំទៅ"ស៊ុននូទាញដៃអាប់ប៉ាសំដៅទៅតុបាយ នឹងលើកអាហារដែលគេបានធ្វើមកឲ្យគាត់ញាំ
.......................
ថ្ងៃថ្មីបានឈានមកដល់មនុស្សម្នាទាំងឡាយក្រោកពីដំណេកដើម្បីបំពេគការងាររៀងខ្លួន អ្នកខ្លះទៅធ្វើការ អ្នកខ្លះក៏ទៅរៀនតាមតួនាទីរៀងខ្លួន។ ក្រឡេកមកមើលហ្វីលីកវិញ នាយតូចកំពុងដើរតាមផ្លូវដើម្បីមកសាលារៀន រាងតូចដើរលើដងផ្លូវយ៉ាងស្ងាត់ស្ងៀមរហូតដល់សាលា មកដល់មុខសាលាក៏ឃើញមិត្តទាំងពីរកំពុងឈរចាំគេនាយតូចក៏ប្រញាប់ចូលទៅរក
"ពួកឯងមកដល់យូរឬនៅ? ហេតុអីមិនចូលទៅ?"
"ក៏នៅចាំឯងនឹងហើយ តោះចូលទៅ"ស៊ុននូតបហើយក៏អូសគេចូលទៅ ពួកគេដើរចូលមកដល់ខាងក្នុងក៏ឮសិស្សស្រីនៅក្បែរៗនោះនិយាយពីហ្វីលីក ថែមទាំងសើចចំអករឿងដែលរាងតូចត្រូវគេធ្វើបាបកាលពីម្សិលមិញទៀតផង។ ហ្វីលីកដើរទាំងអោនមិនចេះមិនហ៊ានសម្លឹងមុខពួកនាងឡើយព្រោះតែខ្មាស់ ចំណែកស៊ុននូនិងបមគ្យូក៏ងាកទៅសម្លក់ពួកនាងធ្វើឲ្យពួកនាងខ្លាចលែងហ៊ាននិយាយទៀត ពួកគេក៏បន្តដំណើររហូតដល់ក្នុងថ្នាក់ អង្គុយចាំគ្រូចូលមកបង្រៀនព្រោះពេលនេះក៏ដល់ម៉ោងចូលរៀនហើយដែរ។
🌙🌙🌙🌙🌙🌙🌙🌙🌙🌙🌙🌙🌙🌙
សូមរង់ចាំភាគបន្ត...........................................
Lily-kim
enjoy your reading 😊