أسيـرة "داعـش"

part 46

#أسيرت داعش

#الكاتبه اسينات

لا تنسون التصويت وتعليقاتكم الحلوه بين الفقرات وتابعو حسابي الواتباد. lrayh1234

انتسا soso1.913

•~•~•~•~••~•~•~••~•~•~•~••~•~•~•~•~•~•
بسم الله الرحمن الرحيم

ورده

من كالت هيج بسرعه وجهت نضري الها وهيه تباوعلي ومبستمه محجيت ضليت ساكته وصافنه خايفه

حجت:-ها يمه شكلتي

تحمحت وحجيت:-ما ادري بكيفج خاله حسن شكال

ام حسن:-والله يمه بعدني ما حجيت وياه بس بعد عمار صار احسن وعرسكم انتو اتاجل

ورده:-اي بس بعدنه خلي شوي يصير وكت

ام حسن :-هههه ادري بيج هسه انتي خايفه من وجهج الي صار اصفر وجاي ترجفين

ورده "باوعت الايدي وحجيت :- لا وين اخاف بس كلت لنستعجل

ام حسن تقربت مني وحجت :-تره اكو وحده حاطه عينها على رجلج انتبهي زين

شهكت وكلت :-منو يا هيه عمه

سوت حركه بحلكه ما ادري عافتني وراحت ضليت اتحرمص وافكر منو هاي وبالي مو يم احد ما انتبهت الا لمن حسن حجه وياي وأيده على كتفي

حسن:-ها حبيبي بيج شي

ورده:-ها لا ما بيه

حسن:-وجهج اصفر شنو امي حجت وياج شي

ورده:-شسمه كالت خلو زواجكم بعد اسبوعين انتَ شتكول

صفن شوي وحجه:-بكيفج انتي شتشوفيه مستعده مجهزه امورج

ورده:-ما ادري اشوف خالتي ونور يالله

هز رأسه باوعت يميني ويساري فتحت جنطتي طلعتله المبلغ باوعلي هز رأسه شنو

:-هاك حسن اني اتصلت بضياء وكلي المهم هذا المبلغ فكو دينكم وخلصوا

:-هاي شنو ورده اني شكتلج

:-يووو يحسن لا تعاند أخذهم وكافي شبيك فكو دينكم وخلصوا بلا هاي حالتكم حاله شوف وجهك شلون مهموم وتعبان حسن اني ما متعوده عليك هيج اغلب وقتك ساكت حتى تلفون متتصل بيه واذا اني اتصل انته مشغول

ما حجه حطيت الضرف بحضنه وحضنت أيده :-تره اني مرتك حسن واساسا المفروض اساعدك ابدا لتستحي

باوعتله يباوعلي كال :-اريد ابوسج بس عيب

ضحكت ضربته وخرت منه احجي :-ادبسزز

:-شوكت يطلعوه العمار

:-اذا شافو وضعه وزين بأجر أن شاء الله

هزيت راسي كمنه دخلنه ووهوه بعده يسولف ويضحك اصفن عليه والله

رجع باوعلنه اني وحسن :-ها وين جنتو

باوعت الحسن الي كال:-وانته شدخلك

:-شارد بالبنيه شنو اني شدخلني ولك عيب

بس ابتسمت وحسن راد يضربه المشكله عيب الدكتوره موجوده وكل ما تريد تطلع ميخليها ويسوي سوالفه الطايح حضها

لمن رجعنه للبيت اني وخالتي حتى بأجر الصبح نطلع وويانه نور لانو ام عمار مسويه عزيمه ببيته و حسن أصر نجي وصدك الثاني يوم بدلنه ورتبنه نفسنه وطلعنه ما وصلنه الا الظهر البيت حسن والكل مخبوص صعدت الغرفتي رتبته ونزلت جنت واكفه يم الدرج ويمي ليان احجي وياه شفت نرجس ياخي ما ادري شبيها كل اشوفه تخزرني حرفيا لعبت نفسي ما حجيت تجاهلته ، رحنه البيتهم

البيت نترس وزلم هم يعني حرفيا صارت هوسه اخر شي خلو الزلم يرحون البيت حسن هناك لانو بيتهم اكبر وصارت هوسه جابوا عمار للبيت سوله مكان بالاستقبال ينام بي لانو ميكدر يصعد

رحت اساعدهم واسوي وياهم الاكل البنات كلهن طلعن ينقلن بالاكل بقيت بس اني اصب الحلاوه

ما احس الا شي وجرني باوعت نرجس جرتني صحت بيها :-ولج هاي شبيج مخبله وين ماخذتني

:-عندي حجي وياج

جرتني طلعنه بره جان وره المطبخ اكو ممر يجي صغير دفعتني وحجت بتهجم

:-انتي ليش لازمه بحسن ها حسن يحبني واني راح اصير ام بنته انتي اجيتي حشرتي روحج بالنص ليش احجي حشرتي نفسج ولزكتي بي تره ميحبج بس هيج والله هوه يحبني الي ومعترفلي بحبه

ما حجيت بس ضليت ساكته اسمعلها :-انتي وحده حقيره ههه اكلج بس لا ساحرته ها كليلي بله يا سحاره رحتي ههه احسلج عوفي احسلج لانو والله اذا كبت عندي اسوي بيج شي اخليج تضلين طول عمرج تتمنين انو سمعتي كلامي ولا لبالج ما أسويها أسويها تره جا هوه منو الي هجج مرت حسن غيري ها

ابتمست:-ههه يعني انتي شكد ما عندج كرامه مثلا حسن ما فكر ياخذج اذا هوه ضل أكثر من أربع سنين ليش ما فكر يتزوجج على كولتج تره هوه ما مكلبج وانتي شنو من كرامه تركضين وره رجال

:-انتي الما عدج كرامه لازكه بي

:-اني لو انتي معشعشه وراه وين ميروح عيونج بي مو حتى عيب الكل منتبه عليج رجال عرسه بعد اسبوعين وانتي حايره تركضين وراه

باوعتله من فوك ليجوه:-يعني هسه انتي لابسه هذا البس ومكياج اوفر لبالك رايحه العرس بربج بيا زمن احنه والايشادو لونه وردي ها ؟
مو حتى عيب ولج طالعه تخزين هاي ابوج ميشوفج من طلعين امج ميشوفوج ابدا

وباعي سالفه مره الثانيه تهدديني اكص لسانج تره اني ورده مو ياهو الجان اشك حلكج هسه وما اخاف من أكبر واحد بعمره وحياته محد هددني والكل يحسبلي الف حساب مال انتي تجين وتهدديني لا تره هاي هواي

:-ههههه وليش منو انتي كلج وحده لاعبين بيها الدواعش ،تدرين منو دز هذاك الشخص الاختج

بسرعه عدلت وكفتي

:-اني وهيه اختج وحده ينضحك عليها بسرعه جنت اسحب صورها وصورج واخلي يبتزها وهذا الكلام الي جانت تحجي كلهه تهديد مني وها لعلمج صديق اخوي ومن هسه اكلج اخوي تره حاط عينه على اختج فاحذري مني حبيبتي ديري بالج على نفسج وعلى اختج تره أسويها ولا لبالج اقلب حياتكم جحيم ردت تعوفيني حسن بس طلعتي كلشش فديري بالجج

ضلت تباوعلي ومبستمه واني ساكته ابتسمت حجيت

:-صدك يعني هذا كله انتي مسويته

:-ههه اي كلهه سويته وبعد وبعد

حجيت:-انتي متخافين ؟

:-وليش اخاف محد يخوفني تره اني نرجس

:-اكول عمار ليش كارهج وبس بالغلط يذكرج

سكتت بعدين حجت:-عمار الكلب خلي يولي ابو البنات

:-الكلب كتيلي مو ؟

ابتمست هزت راسها اني هم ابتسمت شوي باوعت وراه نور اجت

اجت تحجي :-صارلي ساعه ادور عليج ورده وينج

حجيت:-جنه نتناقش اني ونرجس وحجتلي شغلات حرفيا خلتني مصدومه

ضحكت نور وحجت باستهزاء:-شنو بله سولفينه نرجس

ما حجت نرجس بس ضلت ساكته رجعت حجت نور :-ها جنتن تحجن اني تدرين ما سمعت ضلت بنفسي اسمع شنو السالفة يله غير مره

نرجس:-ايعع الاخت نفس اختها

راحت وعافتنه بسرعه باوعتلي نور وعيونه تغرغرت بالدموع حجت بقهر :-كتلج اني ما دخلني كتلج

بسرعه حضنتها وهيه تبجي وتحجي :-كتلج يهددني وهاي انتي سمعتي طلعت هيه واني ما دخلني والكلام الي سمعتي والله مو اني جانت تهددني اني لو اعرفها هيه جان طيحت حضها

:-اشش كافي خلي تولي الجلبه اني اعلمها المهم انتي سجلتي كلشي

هزت راسها مسحت دموعها ابوس بيها وهيه بس تبجي حجيت:-هاي شنو ولج تبجين أم دميعه

مسحت عيونها:-نجبي ورده

ضحكت صرت اتلاوه وياها وهيه بس تضحك حضنتني تحجي :-ورده احبججج يا احلى واحن اختت

ابتسمت :-واني هم احبج فدوه لبنيتي الحلوه ، ولج يله امشي هسه اتاخرنه

ركضنه جانو جاي يأكلون حجت خالتي :-وينجن يمه صارلي ساعه منتضرتجن

:-اجينه خاله

اشرتلي عمه ام حسن على مكان كعدنه اني ونور صرنه ناكل شوي وكملت رحت غسلت وكعدت اسولف واضحك وياهن شوي دخل حسن يصيح

:-جاي جاي

حجت عمتي :-كومي يمه شوفي رجلج شيريد

اني هم كمت وعيوني على نرجس الي جانت تريد تكوم رحت واتمايل رحت ركض الحسن جان بالمطبخ :-ها حسن

باوعلي :-جاي تعرفين تسوين

رفعت حاجبي :-لا بربك

ضحك:-سوي جاي كملو اكل

اني هم بسرعه سويت جاي وهوه كاعد يدخن

واحس يباوعلي كل ما اتحرك حركه

انتضرت لمن فار الجاي هدرته ورحت كعدت يمه حجه وهوه يمسح على خدي :-اكلتي

هزيت راسي حجيت :-انته أكلت ؟

:-اي

حطيت راسي على أيده جانت على الميز وهوه حط رأسه على راسي ويحجي بهمس

:-شهل الجمال

حجيت:-تحبني

:-اموت على طاريج اعشكج مو بس احبج

ابتسمت بمكاني :-ما اصدك بعد فتره كلش قليله وتصيرين يمي وبغرفتي

حجيت:-تره بعدني ما حجيت وي خالتي

:-ليش

:-يجوز اليوم من نرجع

:-شنو اليوم ترجعون

:-اي

:-لا خليها الباجر احسن

ما حجيت بس دخل أيده جوه الحجاب يسويلي مساج :-شعرج شكد احبه

ضليت ساكته حجيت :-ليان وين

:-يم ضياء لازكه

:-جيبه يمي تره شفتها بس الصبح شنو هاي

هز رأسه كمت أحضر بالستكاين مالت الجاي وهوه يكلي بعد هواي حسيته صار قريب مني حجه:-استعجلي وردايتي صارلج ساعه

اني هم بسرعه حضرت هوه اجه صب الجاي الحمدلله ما تفشلت وطلع الجاي لونه اصفر لا الحمدلله

راح واني كعدت العب بالتلفون دخلت نرجس :-ها ضحكتي ؟

ما حجيت رجعت نضري بالتلفون رجعت حجت بقهر

:-عساج دومج تبجين ومتشوفين يوم حلو بحياتج والله يأخذ كل عزيز على كلبج ويحرمج منه ومتتهنين بحياتج

بسرعه كمزت أصيح :-انتي شجاي تخرطين شهل الدعاوي

وهيه مستمره تدعي :-وان شاء الله تموتين واخلص منج ..

رحت عليها جريتها حيل أصيح وعيوني حارات طبت امها صاحت بيه ودفعتني :-ولج يالماتستحين بعدج ما طابه للبيت وتتعاركين وي اسيادج

ما حجيت بس مقهوره حيل ونرجس تبجي :-مستحتين ولج بكتي رجلها بعد الج عين صلفه

مسحت عيوني وحجيت:-ربي بنتج الماتستحي الي تركض وره رجال متزوج

بس كلت هيج الكل دخلوا يردون يفتهمون وكامت ام نرجس تالف قصص من يمها ونرجس تبجي اجتني خالتي ونور واني عيوني شوي ويطكن بس احس بحرورتهن

حجيت :-جذابهه اليوم بنتج بس تهدد وصارله ساعه بس تدعي عليه

دخل حسن ما مفتهم السالفه بيده صينيه يحجي :-صلن على محمد صوتجن وصل الباب الشارع

حجت ام نرجس:-احجي وي مرتك ام المشاكل بنتي حجت كلمه ومرتك انفجرت بس تغلط عليها

واني فاتحه حلكي حجت نور بهمس :-صدك

هزيت راسي بلا حجيت :-جذابهه والله حسن هيه صارله ساعه تدعي عليه وبس تهدد بيه واني ساكته والله

ما حجه وام حسن ضلت تهدي بالامور اشرلي برأسه رحت وراه صعدنه الغرفه عمار واني بس احجي وابجي :-جذابه حسن والله اني كلشي ما سويت هيه تدعي عليه والله

فتحلي الباب دخلت هستوني جاي ادير وجهي حضني من وره واني بس ابجي حجيت بقهر :-ما دخلني ما دخلني ما سويت شي جذابه هاي حسن جذابهه

:-ادري بيج ،بس تعالي فهميني السالفه

كعدت حجيتله السالفه وهوه يدري بيها حتى التسجيل سمعته احسن بعدين لتصيرلي مشكله

هوه عيونه صارت بكصته غلط وفشر عليها لزمني من ايدي يريد ننزل حجيت :-شتريد تسوي

:-امشي ورده اريد اخلي حد

بسرعه جرني نزلنه وهيه بعدهي تبجي شافتنه ازدادت بالبجي

حجه حسن :-بعد الي يتقرب يم ورده خلي يحسب حساب تره مو تايهتلكم تره مرتي تحترموه مثل ما تحترموني وانتي نرجس عندي وياج حجي بس مو هسه

وحوراء ونور كاعدات ويضحن حجت حوراء :-عفيه عجبتني

باوعله هيه بسرعه سكتت كعدني يم أمه وأخذ تلفوني وراح مسحت على ايدي عمتي ام حسن تهديني واني عيوني هيج شوي ويطكن ونرجس بس تخزر بيه حجت ام نرجس

ام نرجس :-ساحرته وكولن ما كلت ضحكت علي بكلمتين ونزل يدافعله ما ستحه مرت عمته ميصدكني يصدك مرته

ام حسن:-عيب أم نرجس تضل مرته واحترامها من احترامه ورجاء جنتي ما اقبل تحجين عليها احترمي البيت الي كاعده بي

ام عمار :- عيب ما يصير تتهجمين على بنيه وحدها ونوب انتي وبنتج عيب مرته

وكل ما يكولن مرته نرجس تزداد بالبجي

حجت حوراء :-هسه نرجس انتي شبيج كاتله نفسج وتبجين تره مكياجج خرب وتره ما حجت شي ورده وانتي تبجين اشو احزن ندري بيج عادي متعوده يعني

بسرعه خزتها نرجس وهيه ميته ضحك

شوي واجت ليان شايله بايدها علاكه وموبايل أني جنت ما منتبها

اجتني تركض تصيح :-خالهه ورده

من كالت هيج بسرعه وجهت نضري الها وهيه اجت بتجاهي وحضنتني حضنتها اضحك وهيه تبوس بيه

حجت عمتي ام حسن وياها :-ولج ليونه اني شعلمتج

بسرعه راحت يم ام حسن وكالت :-استحي بيبي

ابتسمت تحجي وياها تشاورها وهيه بس تهز برأسها اجتني تريد تحجي بعدين سكتت كالت :-بابا يكول خلي نصعد الغرفه عمو عمار

هزيت راسي لزمتها من أيدها :-ليش

:-ما ادري ،جابلنه حلويات وهذا موبايلج

هزيت راسي صعدنه وهيه تسولفلي :-صدك يعني

:-اي

اخذت التلفون شفت رساله من حسن اتصلي عليه

اني هم طلعت حلويات اليان هيه تاكل واني اتصلت على حسن

:-ها حسن

:-لا ورده بال 8 تعالي انتي ونور وجيبن وياج نرجس أو عوفيها اني اجيبها المهم تعالي انتي ونور وحوراء هم

:-ليش ؟

:-بعدين تعرفين ،اكلج منو سجل التسجيل

:-نور جانت تسجل همزين سجلت

:-كفوو والله

ابتسمت :-ليش سكتي احجي

:-شحجي

:-اي شي المهم احجي خل اطهر مسامعي بصوتج

:-حسن ..

:-روحه وكلبه وشريانهه ولج من تكلوين حسن وتتنعوصين اشتعل أنه

درت وجهي على ناحيه ليان رحت الغير جهه :-شبيك هسه هيج تحجي عيب يمك ناس

:-ماكو أحد يمي ,يضالمه البارحه طبيت الغرفتي تلفحني ريحتج ونوب شلون مرتبه الملابس

شهكت:-حسن ميصير تشوف ملابسي أكلك شفت الكنتور الي بالنص فتحته جنت قافلته

:-هههه شفت الكنتور الثالث الي بالنص بتحديد الخانه الجوه شهل الالوان وردايتي

ضربت كصتي حجيت بتلعثم :-كافي اثول شهل السوالف الطايح حضها

ضحك نوب رد كال :-جبتلج حلويات وي ليان اكلهين

اكول صارلها ساعه تعزل وتكول :-عصير الج عصير الي كيتكات الج كيتكات الي هههه

:-فدوه يله روحي اكلي وشبعي بطنج

:-هوه اكيد اشبع بطني اني وليان

:-شلون اثنين يله روحي

:-الله وياك

سديته ورحت فرشت على الجربايه وكعدنه ناكل ونسولف ونصور وماكو صوره ما اخذناها

باوعت للساعه ب 6 ونص كمت رحت حجيت وي نور وحجيت وي حوراء وحوراء مكيفه

وصدك بال 8 طلعنه رحنه البيت حسن جان منتضرنه اجاني يحجي :-شعرج وردايتي حرام

حجيت :-كل ما تشوفني شعرج وشعرج وين عمي والله ما طالع قابل ما اعرف حرام

ضحك :-شهل اللسان

ما حجيت دخل جان كاعد ضياء وعمار ياكل لبالك ما شايف سلمنه وكعدنه وجان واحد هم ما اعرفه والثاني ابن عمهم محمد

لشويه وسمعت صوت ضحك بسرعه كمت بس لا البالي فتحت الباب نرجس تمشي ليكدام وحسن وراها وهيه تضحك وتكول :-شتريد حسن

بسرعه رجعت المكاني انفتحت الباب شافتنه انصدمت حجت :-شكو خير

دفعه كام الي عرفته اخوها :-هاي شبيك حسن ليش هيج تدفعه

صاح بي حسن :-اكعد لك اكعد لا بارك الله بيك وباختك

بس شافته نور كمزت تصيح :-الله لا ينطيكم يا جلاب كمزت نرجس تصيح وتغلط وتريد تهجم على نور دفعتها حوراء تصيح :-كافي انجبي حوراء اصبري تره جاي رزقج

الكل ما مفتهم لمن طلع تلفونه حسن وفتح التسجيل وهيه تسمع وتباوعلي وتخزر وأخوها يحجي وياها ويكله ضيعتينا شوي وما احس جنت ما منتبها اجتني جرتني وصارت تضرب بيه واني اريد بس الزمها وهيه لزمتني بحيث حجابي طاح من راسي وحسن بسرعه راح ضرب اخوها الي راد يضربني

وصارت هوسه وخرنها البنات واني لازمه شعرها بايدي

محد دخل بس عيونهم صارت تخوف يعني حرفيا البصمه تخوف من تحجي نرجس هيج لبالك من غير كوكب

كام ضياء لزم اخوها اسمه كرار شبعه كتل وعمار يغلط على نرجس وهيه تبجي :-جلبه ام *****منو الكلب ماكو كلب غير ابوج الما عرف يربيج يا جلبه زباله

كمزت تريد تضرب عمار شهل الصلافه منحس الا لزمها محمد طاحلها دك وضرب وهيه تصيح جواهه منحس الا طبو رجل حوراء وعمتي أم حسن وخالتي وكم وحده من النسوان بسرعه لبست حجابي

وحسن فهمهم وام نرجس تصيح وتكول جذابين وانتو مسوين الصوت مخليه نفس صوتها وحسن بس يغلط حرفيا تغير

ما احس الا خالتي لزمتنه اني ونور وحجت :-احنه راح نروح

وصدك جرتنه واحنه ما حجينه ابدا لانو صدك حالتنه حاله بس نبجي واني تعبت حيل كعدت نور تلفلي بالحجاب وتحجي :-كفوو والله من حسن همزين سمعهم التسجيل

واني بس اهز براسي لمن دخلت ليان تبجي وتكول وحالتها حاله

:-باباا ماما اجت .....

يتبع.....

اسفه على التاخير

شاركو القصه بين اصدقائكم خلي توصل

شتتوقعون شراح يصير

البارت اليجي جاي اكتب بي أريده طويل

قناه التلي تابعوها قلبي