ادمنت حدة عينيه

بارت 52

مگابلهه اظل طول الوكت

ونظرت عيوني بلا وعي

مشدوده وي نظرتهه

من تبتسم اني ابتسم

ومن تستحي اني استحي

حسبالك مرايتهه

*****************************

نائل ـ فتون ابد ما خلتني احتاج احد من اهلي مهتمه بيه بشكل رغم اشوفهه تعبانه بس ابد ما حسستني بشي

مجاهد واهلهه كلهم يروحون ويجون وبالليل يجتمعون ببيت اهلي يغيرولي جو

صرت اگدر احجي والزم شغلات خفيف لان بديت علاج طبيعي وتحفيز صحت فتون

فاتنه ـ ها حب

نائل ـ اگلج شوفيلي رجلي شو منمله

فاتنه ـ شبيهه رفعت الغطا ما بيهه شي

نائل ـ وهاي منا اكتوفي توجعني

فاتنه ـ تعال گعدت يمه تتمدد وادلكلك اياه

نائل ـ لا هيج واني گاعد

فاتنه ـ دلكت ظهره وهو ماخذه الواهس ضربته ها ماخذك الواهس كلش

نائل ـ هههههه مستخسره بيه الدلال الفيله

فاتنه ـ المخنزر مو صوجك والله گمت وهو مجلب بالهودي مالتي وخر يله مو فيله وما عاجبتك

نائل ـ واحلى فيله ردت ابوسهه انفتح الباب دفعتهه ضحكت شفته زيد ها شتريد ناس گاعدين بامان الله شكو تجفت علينه

زيد ـ هههههه گاطع رزقك دوم يله تعال راح نطلع تطلع ويانه

نائل ـ لا وين اطلع ما تشوف حالي

زيد ـ اي جنك داعشي ههههه

نائل ـ انجب البارحه عمر حلقلي لحيتي ويني ووين الداعشي احلى منك المصنهر

زيد ـ ههههه احلى منك بيه خيط بلجيكي انته شبيك

نائل ـ بيه شيب الخلفك يمي نفاظه شلتهه وشمرتهه عليه

زيد ـ ولكم بالعباس بي حيل ويجذب عليكم هذا المهبوط

نائل ـ گوه حركت رجلي نزلتهه من السرير ردت اگوم وراه نسيت حالتي شنو ما سيطرت وگعت شفت فتون ساندتني

فاتنه ـ شفته تحرك بسرعه ركضت ويه وگعته سندته عفيه عليك هاي اول خطوه بطل والله تعال نكررهه

زيد ـ ولج فتينه تحرك مو

فاتنه ـ ههههههه اي تحرك هسه نعيدهه طلع زيد يضحك ويصيح

زيد ـ خاب ولكم تحرك والله تحرك ولكم نئوله المهبوطه تحرك

فاتنه ـ نسمعه ونضحك بالغرفه يله ساعدني شلته وگف ورجليه يرجفن اگعد يله گعدته على السرير يله نعيدهه بقيت ساندته رجع يريد يوگف واني لازمه ايده هم ما سيطر وگع لزمته

نائل ـ كافي تعبت بعد ما اگدر والله وجاي اتعبج مددتني جريتهه علي البذاته الگطعيه شبيج ولج

فاتنه ـ هههه هسه يجي زيد وخر ايدك

نائل ـ واذا ما اوخرهه شسوين

فاتنه ـ نائل عيب الباب مفتوح

نائل ـ لا مو عيب

فاتنه ـ شبيك لا تتخبل اها نائل بسرعه دخلوا عمو وعمر شمرني ضحكت وجريت كبوسة الهودي ضميت وجهي يا فشلة الفشلة كله منه الفاسد

واثق ـ هههههه شكو مفتوح الباب سدوه لو حبكت ولك الفاسد صار بيك حيل وطلعت سوالفك

نائل ـ ههههه ولكم الله اكبر لا كهرباء لا مي لا طرگاعه سوده مخليني بالحسره كل شوي وجافتين علينه ادري وين بالشعبه الخامسه

عمر ـ ههههه تنلام فتينه من تسميك الفاسد وفسودي وانتي هيوو طلعي وجهج ما شفنه شي

فاتنه ـ عفتهم وشردت وهمه يضحكون صار بوجهي ايهاب

ايهاب ـ ها الكوريه جنج هذول الارمن ما ادري شسمهم الكوريين

فاتنه ـ ههههه شبيك گاعدلي بكل مكان ادري مرت ابوك اني وخر دفعته وهو يضحك راح للغرفه يشوف نائل گعدت بالمطبخ اشرب مي وهذن يضحكن ها ولجن شكو

نبأ ـ اگول سبيو مو جنهم خطيه جفتوهم

سبأ ـ ههههه اي والله خطيه شوفي وجوههم حممرررر

نبأ ـ اي والله هم اني اگول اليوم هواي عدنه طماطه ما نوصيهم

سبأ ـ اي احسن وانوب شلون طماطه تخبل

نبأ ـ اي بعدهه تازه ومتفحه

سبأ ـ هههه اي والله تخبل

فاتنه ـ هسه اطمطمجن اطمطم يا فاسدات ولو انتن ماخذاتمن اذا رجالجن واحد ابن واثق وواحد اخوه

واثق ـ وشبيهم ولد واثق

فاتنه ـ ها

واثق ـ وصخماه شبيهم ولد واثق

فاتنه ـ افا شنو الما بيهم غير واحدهم مصنهر وككوي اقصد جماله سومري

واثق ـ ههههههه غير يطلعون على المصنع

فاتنه ـ هسه عاد شلونه من مصنع احجي على كيف

واثق ـ شگلتي

فاتنه ـ لا شگلت اصلا ساكته بس انته تتحارش بيه الا تريدني احجي واني بنيه فقيره وحبابه والله

واثق ـ منو هاي

فاتنه ـ اني

واثق ـ شبيج

فاتنه ـ فقيره وحبابه

واثق ـ انتن شفتنهه فقيره وحبابه

نبأ وسبأ ـ لا وين ما شفنه شي

فاتنه ـ يا فاسدات يا نسوان الفاسدين جريت الجفجير وركضت وراهن شردن للممر واني وراهن وعمو يضحك علينه حتى شرك بالمي وبقى يگح واني اركض وراهن

شردن شمرت الجفجير على نبأ اجه بوجه عمر خليت ايدي على وجهي ااااا عمر ترا ما ادري والله اسفه

عمر ـ ولكم شعلييييهههههه تعالي ام راس والله اموتج الجلبه كلشي وتشمرينه براسي

فاتنه ـ غير راسك جنه باجه

عمر ـ العظامه والله اكسرج تعالي

فاتنه ـ شفته ركض علي شردت ولكم الحگوليييييي اجاني الثور الهايج انوب اني لابسه احمر لا هاي هيه ركضت حيل وصرت ورا عمو الهث

وثوقي تعال لاخوك بقيت اگح ولج يمه گلبي راح يوگف وصل عمر يريد يجرني صرخت وعمو مجتفه وهو يتهدد علي الا يكتلني گلت ما بيك خير شوف وثوقي المجعد احسن منك

عمر ـ واثق وخر بالعباس اكتلهه ادري تركضين ورا اختج اني شكو تشمرين عليهه ليش كلشي يجي براسي مرت ابو هبطه

تعالي واثق وخر ما اگدر امد ايدي وخر بروح ابوك وخر هاي فايتهه كتل

فاتنه ـ شفته هيج وركضت للشارع اروح لاهلي ما حسيت الا انجريت وانسد حلگي شفته عمر اشرتله لا وهو يضحك

عمر ـ هههههه تشردين مو والعباس اورم جلدج اليوم

فاتنه ـ وخرت ايده لا عمر لا بالخوه لا شفته لازم الجفجير لا والعباس ما اسويهه وخر والله هيه مرتك جلبه تحجي علي شتريدني اسكت لا والله ناخذ الحك مربع

عمر ـ ههههه هسه اسمعج اكتلج رسيني على بر

فاتنه ـ اول شي وخر راح تخرب ملابسي وخر ايده عدلت ملابسي اي هسه راسك جنه باجه دوخر احترمتك هواي

عمر ـ هههههه ومن اگللهم عظامه محد يصدك

فاتنه ـ عظامه براسك ابو راس الباجه شردت للغرفه وسديت الباب ولج يمه مو ناس ظيم ظيم هسه رگعت راسك بالجفجير اسكت وانجب الا تركض وراي

ااخ ولج يمه گلبي طلعت علاجي ناسيته شربته التفتت شفته ميت ضحك شبيك

نائل ـ ههههههه شكو شبيج انهديتي كتلتي انكتلتي خلينه نعرف

فاتنه ـ افا اني انكتل يا گاع انشگي وطمي عمر ابو راس الباجه مو نسيب ظيم صوجي بالعباس مخليته يركض ورا نبيوه وطايحات ركبه وذالته

عضيت اصبعي بس اني صوجي عود صرت كريم وبالكرم معروف ومدحته امداني اي والله

نائل ـ ههههههه ولج يمه بطني كافي سدي حلگج سديه الدلاله تعالي بله خليني اشوف

فاتنه ـ شتشوف شتشوف الفاسد ولكم حتى نوم ما اگدر انام گبل ما تحس الا الامن فوگاك ادري مكافحة الارهاب وين گاعدين وانوب واحدهم دنگه

نائل ـ ههههه تعالي نامي محد يجي تعالي

فاتنه ـ وين راح يصير الغدا وياكلونه ويخلوني جوعانه

نائل ـ ههههه احجزلج من المطعم

فاتنه ـ لا اريد طبخ سمهوره يله شوي مجال يله دفعته وتمددت لف ايده على جسمي سكنت

نائل ـ ها شو سكنتي

فاتنه ـ اي نعسانه

نائل ـ هههه والركض قبل شوي مو مال نعسانه

فاتنه ـ اهوووو وخر دفعته على كيف لان اخاف عليه وهو مجلب

نائل ـ عيونك يول

فاتنه ـ شبيهن بقيت اباوع بعيونه

نائل ـ متيهاتني دربي

فاتنه ـ ههههه فديت اني

نائل ـ بستهه شوي وابتعدت فتيناتي شجازي منج ولج جميلج مغطيني

فاتنه ـ مثل ما تعبت علي اتعب عليك مثل ما داريتني اداريك مثل ما اشتريتني من الموت اشتريك شعندي غيرك يول يله خليني انام شوي والله نعسانه

نائل ـ يله نامي حضنتهه ونامت دخل علاوي يريدهه ها بابا

علي ـ بابا وين ماما

نائل ـ هاي نايمه شتريد منهه

علي ـ رجلي توجعني

نائل ـ ليش تبجي تعال

علي ـ لا أاذيك

نائل ـ لا تعال يله تعال هنا على ايدي يله تمدد ونزل رجله من السرير ليش نزلتهه

علي ـ توجعني كلش

نائل ـ اي هسه تصير زين تنام شوي

علي ـ لا ما اريد خالو يريدني

نائل ـ منو

علي ـ خالو مجاهد اجه هسه يريدني

نائل ـ ها يله روح شوفه

علي ـ مو يريد ماما

نائل ـ اي هسه فتون حبيبي اگعدي اجه مجاهد يريدج

فاتنه ـ ها شيريد

نائل ـ ما ادري روحي وشوفي شيريد

فاتنه ـ اي هسه گعدت عدلت حجابي ورتبت نفسي اندك الباب فتحته مجاهد هلا جوجايتي

مجاهد ـ يروح جوجايه شلون صرتي

فاتنه ـ زينه تعال

مجاهد ـ هلا نئوله شلونج مريتي

نائل ـ ههههههه هلا بيج مريتي مشتاقلك ولك طاگه روحي مليت من النوم والگعده اريد ارجع امشي اشوف الدنيا

مجاهد ـ عادي نطلع

نائل ـ وين تحتار بيه يمعود دشوفني گوه اتحرك

مجاهد ـ ميخالف ناخذ كرسيك وياك قابل شايلك على ظهري يله تعال نتغدا برا وهم نتناقش بخصوص سفر علاوي ترا بعد اسبوع لازم يلبس المسند

نائل ـ اي ادري والله ادري شسوي وهذا حالي منو يروح وياه ومنو ياخذه

مجاهد ـ اني اخذه

نائل ـ ومنو وياك وهو متعلق بفتون كلش وهيه ما تقبل تروح

مجاهد ـ اخذ رهف وياي

نائل ـ ما يريد غير فتون جاي تفهمني يحسهه بس هيه تفهمه حتى امي ما يريدهه مجلب بفتون

مجاهد ـ ناخذ فتون ونخليك مثل الجلب ههههههه

نائل ـ ههههه يا عار يا سافل مثل الجلب شنو

مجاهد ـ ولج مريتي سمنانه فتينه خوش تعلف بيك مكبره ثربك

نائل ـ ههههه ادري تريد تذبحني

مجاهد ـ يله ابدلك ونطلع

نائل ـ لا صيح لفتون

مجاهد ـ انجب اخاف على اختي منك يله هسه ابدلك

نائل ـ ههههه ولك اوگف ما سمع مني طلعلي ملابس ولبسني ومشط شعري گعدني على الكرسي وطلعني للصاله

واثق ـ ها بويه وين العزم

مجاهد ـ والله يا عمي واثق العملاق نريد نديح اني ومريتي صار هواي ما دايحين

واثق ـ ههههه وليش تديحون

مجاهد ـ هيج جاي على بالنه واحنه ناس صايعه دايحه سايبه ما النه رداد

واثق ـ ههههه روحوا بويه روحوا عينك عليه

مجاهد ـ افا مريتي نئوله شعندي غيرهه احبل اجيب يله مريتي يله ام جهالي ام فروخي زعاطيطي

نائل ـ هههههه ولك كافي انهديت

مجاهد ـ انجب يله

نائل ـ نزلني على كيف هو وزيد سندني وصعدت بالسياره ومشينه يسولف وياي ويضحك ومشغل اغاني ويرگص وكل شوي وضاربني على متني ويضحك واني اضحك وياه

صدك مخبل جنه فتينه وصلنه للمطعم گعدني قريب الميز ما اسيطر على شي گوه گعد يمي يوكلني ويمسح بحلگي ويسولف ويضحك

ما حسسني بشي واني متحسس مو مثل فتون اگدر اخذ راحتي

مجاهد ـ شبيك نائل ترا اخوك اني شبيك

نائل ـ خلص كافي شبعت

مجاهد ـ جذاب والله هسه انته وين اكلت بعده اكلك على حاله يله هاك

نائل ـ لا مجاهد خلص

مجاهد ـ مستنكف مني الخايس

نائل ـ لا والله بس ما اريد اثگل على احد

مجاهد ـ خاب انجب يثگل هو هاك اكل يله ولك رهيفه ما مداريهه هيج والله من تدري تذبحني ههههه

نائل ـ ههههه داريهه شكو منو لازمك

مجاهد ــ مو تدري بيه اوخجل استوحي

نائل ـ ههههه منو هذا انته

مجاهد ـ ابن الجلب اكل يله اليوم نديح لليل لو نرجع لو لا

نائل ـ لا مجاهد اتعب والله ووراي علاج

مجاهد ـ جبته وياي هههههههه عبالك يله هاك اشرب

نائل ـ يوكلني ويشربني ويسولف ويضحك وياي مثل قبل من نطلع لو بالدوام كافي مجاهد شبعت والله

مجاهد ـ خاف بعدك جوعان وتستحي مني يول

نائل ـ لا والله شبعت خلص اخذت كلنسه امسح حلگي مسحه بسرعه

مجاهد ـ ها

نائل ـ شنو

مجاهد ـ شبيك عيونك مغورگه

نائل ـ ها لا ما بيه شي

مجاهد ـ علينه ولك خلي اغسل واجيك

نائل ـ براحتك راح يغسل واني صافن هاي تاليتي وهذا حالي الحمد لله والشكر ربي حسيت على ايده من لزمني التفتت ها اجيت

مجاهد ـ اي وصار شگد احجي وياك وانته صافن شبيك احجي

نائل ـ شاحجي تنهدت شگول هواي هنه مجاهد هواي

مجاهد ـ احجيلي اسمعك يله احجي

نائل ـ بيمن ابدي ما تگلي من هذا حالي ومن حال علاوي اللي محتاره بي فتون لو امي اللي تريد ترجع للبيت لو منين الناس تعبت وياي مجاهد جاي اتعبهم كلهم

مجاهد ـ اول شي ما بيك شي الحمد لله جاي تتحسن واذا على علاوي هاي المره اني اخذه متعود علي واذا على فتون وهيه ما مشتكيه من شي

واذا امك شو الحمد لله بيبي ما مخليتهه تحس بالفرق لا هيه ولا امي بعد شنو هاي ها

نائل ـ لا مجاهد مهما كان تبقى صعبه

مجاهد ـ عوفك من هاي السوالف شتريد جاي لو عصير

نائل ـ جاي

مجاهد ـ صار

نائل ـ راح مجاهد جاب جاي واجه يشرب واني يشربني من كوبي ويسولف ويضحك يحاول گد ما يگدر يغيرلي جو

وراهه اخذني للحديقه گعدنه الجو حلو نص الشهر الثالث والاطفال تلعب والناس صح قليل بس اكو راحه شفت مجاهد صافن علي ها شبيك

مجاهد ـ ما بيه شي واخيرا ابتسمت من وحدك

نائل ـ ههههههه عضيت شفتي خليهه سكته بقيت اتفرج وايدي ما بطلت رجيف بس احسن من قبل لزمت بالكرسي حيل

ربي توكلي عليك ساعدني وخليني ارجع اعتمد على نفسي كافي جاي اتعب الناس وياي بيه ما بيه وگفت بس مو كلش

بقيت لازم الكرسي يا الله يا حيل علي دخيلك يا ابو الحسن عينّي وخرت ايدي من الكرسي وگفت گوه مسيطر واريد ابقى واگف

مجاهد ـ ولك لا توگع

نائل ـ لا مجاهد لا خليني اوگف ههههههه وگفت والله وگفت ردت احرك رجلي بس ثگيله كلش گوه مشيت خطوه اختل توازني وگفت

رجعت خطوه ثانيه هم ووگفت واني ادعي بگلبي ما خليت واحد ما دعيته من اهل البيت بكل خطوه اخطيهه شفت مجاهد قلق لا تخاف شبيك خليني امشي اعتمد على نفسي

مجاهد ـ ادري والله ادري امشي براحتك هذا اني وياك ما اخليك

نائل ـ اي مشيت بعد اختل توازني ماسيطرت وگعت لزمني مجاهد

مجاهد ـ الله الله الله بطل والله بطل خلص تعال يله اگعد ارتاح يله

نائل ـ گوه اتنفس الهث گعدني على الكرسي ردت مي شفته فتح البطل اخذته وايدي ترجف اريد اشرب صار ينكت على ملابسي

اخذه من ايدي وشربني وين يله ارتاحيت گلت مجاهد رجعني للبيت بعد ما اگدر ابقى گاعد

مجاهد ـ اي صار هسه نرجع

نائل ـ اي رجعني اخذني صعدني بالسياره ورجعني ما الي خلك شي تعبان كلش دخلني وشفت فتون ابتسمت

فاتنه ـ تغدينه وهمه ماكو وخلصنه كملت كلشي علاوي دلكت رجله ونيمته بقيت وحدي ماكو شي اسوي طلعت برا بالصاله عمو يتفرج اخبار

گعدت يمه وبقيت عيني على الكامرات لما رجعوا ركضت للباب شفته دخل مبتسم مشيت يمه حضنته الله يساعدك حبيبي

نائل ـ ويساعدج حبيبي ولج فتينه وگفت ومشيت والله

فاتنه ـ بصدمه شنو مجاهد شيگول سمعت لو بس اني

مجاهد ـ اي سمعت وشفت مشى خطوات صح متقاربه وما متوازن بس وحده مشى الله شاهد وحده مشاهن

واثق ـ شششنو عيد بعد عمك يعني هسه نائل مشى واحنه هسه بدينه بالعلاج الطبيعي

مجاهد ـ اي عمي اي مشى والله

نائل ـ جريت نفس وحاولت اوگف كل ما بيه وگفت ههههه شوفوا وگفت فتون مسافه قليله عني بس ابوي لا

تحديت نفسي امشي واوصل اله بديت اخطي تقربت فتون لا لا تتقربين خليني امشي اگدر والله اگدر صح اسحل برجليه وحده  ورا الثانيه بس اگدر

بعد تقريبا اربع خطوات او اكثر واوصل لابوي اللي مصدوم وهو يشوفني امشي اختل توازني وما سيطرت على وگفتي ردت اوگع كلش شفته حضني ويبجي

واثق ـ بويه وليدي نائل بويه يا فرحة عمري مشيت والله مشيت بويه رجع وليدي يمشي اااخ بويه نائل ريتني رحتلك فدوه بعد ابوك من حيلي على حيلك حبيبي

نائل ـ كافي يابه كافي والله ما بيه شي وراح استمر بعون الله لما ارجع امشي ربي يديمك النه ويخليك

بقيت هيج حاضني ويبجي اجوا الولد على صوت بجيته ابتسمت هم عبالهم بيه شي

عمر ـ واثق شبيه نائل احجييي واثق گول شبيه ابنك شبييييهههه لا تخبلنه واثق

واثق ـ عمر نائل مشى خطوات والله شفته بعيني محد وياه وحده مشاهن وحده ولك عمر راح يرجع زين ادعيله يرجع ااخ يا حيلي يا بويه

عمر ـ يعني هسه انته مشيت نائل احجي وياي مشيت

نائل ـ هههه اي مشيت وبالحديقه هم مشيت يله اخذوني جوا ترا كلش تعبت

فاتنه ـ بس عيوني وراه مشى والله مشى صار يمشي اي والدكتور گال ورا شهر لو يمشي لو لا اخذوه جوا واني على وگفتي ايدي ترجف واتنفس سريع حضني مجاهد

مجاهد ـ شبيج فتون شبيج بنيتي شبيج

فاتنه ـ نائل نائل يمشي نائل مجاهد نائل يمشي احجي وعيوني تجري يعني راح يصير زين مو اي اي راح يصير زين شفته لو بس اني شفته يمشي

مجاهد ـ شبيح فتون اهدأي ما صار شي والله زين شوفي زين يله روحي يمه روحي شوفي يله اني اروح هم يله وراي افتح العياده اتأخرت كلش اتصل السكرتير يگول هواي حجز اليوم

فاتنه ـ الله وياك انتبه للطريق راح مجاهد سديت الباب وراه واني الرجفه بعدهه بيه

رجعت للغرفه اخذت الحبه شربتهه بسرعه وعمو بعده ويه نائل يسولف وكلهم وياه عمر وزيد وايهاب

گعدت على جهه بعدني تعبانه ما ادري مصدومه ما ادري فرحانه رفعت راسي شفته يباوعلي واني روحي رايحه

نعست كلش ما ادري شلون نمت بمكاني وعيوني عليه وهو يحجي وياهم

نائل ـ يابه شوف فتون شبيهه الله يخليك شوفهه

واثق ـ اي هسه فتون بابا بنيتي فتون تعال عمر شوف ضغطهه

عمر ـ شبيهه واثق

واثق ـ ما ادري اديهه بارده شوفهه

عمر ـ اوگف هسه

نائل ـ عمر هنا جهاز الضغط عفيه شوفهه ردت اگوم گوه وما قبلوا الولد زيد وايهاب وياه يمي يدلكون رجلي كل واحد من جهه لان اليوم ما دلكتهن فتون الظهر طلعت ويه مجاهد

عمر شاف ضغطهه هابط اخذوهه للصاله ابوي شايلهه ايهاب زيد اخذوني اشوفهه ما اريد شي اخذوني يمهه

زيد ـ شبيك هسه تصير زينه ويجيبونهه يمك شسالفه

نائل ـ لا زيد لا اخذوني يمهه ما ارتاح ولك ما ارتاح هنا وخروا وخروا جريت رجلي نزلتهه ورجعت على الثانيه هم نزلتهه

جريت الكرسي وهمه يحجون وياي ما اسمع اريد اشوفهه شبيهه ردت اگعد على الكرسي سندوني اثنينهم وگعدوني

اخذني زيد يمهه لزمت ايدهه فتون حبيبي افتحي عينج فتينه

واثق ـ ما بيهه شي بعد ابوك هسه تصير زينه عمر جاب لبن مالح شربته الهه وشوي عسل وراه هسه شوي ونرجع يقيس ضغطهه لا تنسى هيه تعبانه وما تنام هواي

نائل ـ اي صحيح جاي اتعبهه هواي اتعبهه وهيه ما تشتكي كلشي تسويه وهيه تضحك لو مبتسمه من غير الجهال كلهم عليهه وعلاوي متعب كلش

واثق ـ لا تهتم بعد ابوك كلنه هنا وياهه انته ارتاح يله اخذوه بعد ابوكم اخذوا اخوكم يرتاح

نائل ـ لا خليني يمهه ما اگدر اروح بعيد خليني هنا لما تصير زينه يله اروح

واثق ـ ما يصير يا بويه ما يصير مو مال عناد صحتك جاي تتحسن الحمد لله انته هسه احسن لا تضيع تعبهه بعد ابوك روح ارتاح لخاطرهه يله

نائل ـ لا ما اروح والله ما اروح اتأكد واشوفهه زينه يله شيصبر گلبي واني بعيد عنهه خليني هنا

واثق ـ شسوي وشنو احجي خليك عمر تعال شوف ضغطهه

عمر ـ بعد لازم عشر دقايق يله خلي جسمهه يرتاح

نائل ـ شفتهه مغطيهه بغطوه التفتت نبأ واگفه من بعيد وبس عيونهه تجري وسبأ وياهه

شوي وطلع علاوي من الغرفه على عكازته ويمشي سريع وصل يمهه وگعد يبوس باديهه ويبجي كافي بابا خليهه ترتاح

علي ـ شبيهه ماما شبيهه

نائل ـ ما بيهه شي حبيبي بس تعبت شوي

علي ـ من وراي اني متعبهه هواي

نائل ـ لا حبيبي انته اسدي السبع ما متعب احد روح ارتاح

علي ـ وانته

نائل ـ شبيه اني

علي ـ ليش ما تروح ترتاح خليني اني ابقى وياهه مثل ما هيه تبقى وياي

نائل ـ اذا اگول ما غرت منه جذب مشاركني بمريتي گلت روح بابا روح يم اخوانك وعينك عليهم يله حبيبي ومن ترتاح ماما وتصير زينه راح تجيكم يله

علي ـ انته هيج تشوف

نائل ـ اي يله روح شفته راح وعيني وراه شوي واجه عمر يشوف ضغطهه بلكي استقر عيني على الجهاز وهو يعد لما شافه زين بس هيه تعبانه ونايمه

واثق ـ يله هسه عوفهه وروح ارتاح يله خليهه مستقره بنومتهه وانته نام وارتاح اخذت علاجاتك

نائل ـ لا بعدني اجه زيد اخذني بالكرسي للغرفه واخذت علاجي شربته اكو بي نسبة منوم

نمت واني ما مرتاح اريدهه يمي ما متعود هيج انام رغم العلاج بس كل شوي وافز اگول بلكي اجت يمي

فاتنه ـ گعدت وين يله احس شبعانه نوم كلش شفت عمو يم راسي گعدت بسرعه

واثق ـ ارتاحي بابا ارتاحي شلون صرتي

فاتنه ـ الحمد لله ليش شكو

واثق ـ هبط ضغطج وبقيتي نايمه

فاتنه ـ صار شگد باوعت للساعه والتفتت لعمو صارلي 4 ساعات نايمه صدك عود

واثق ـ ههههههه اي التنبل اكو واحد ينام العصر 4 ساعات ولو هيه سالفتج مو غريبه

ولا جنج من جبتي فضل نمتي شهرين واسبوع بحجة النعسانه وتردين تعوضين تعب الحمل

فاتنه ـ ههههه شبيك وثوقي بس لا غيران مني لان نمت

واثق ـ هههه اي والله ليش الجذب

فاتنه ـ اي ما تنام منو لازمك

واثق ـ هو انوس يخلي واحد ينام صوته شعلوه جنه صفارة انذار

فاتنه ـ صوجك منو گلك خلف وانته شايب ووجهك مجعد

واثق ـ ههههه ادبسز لا تصيرين ويله روحي لابو هبطه موتنه ينوح عليج ادري انتي ما فاطمته

فاتنه ـ فد فشلت عفته وركضت للغرفه وهو يضحك سديت الباب شفت نائل صافن گعدت يمه ها يروحي ها يگلبي شبيك حبيبي

نائل ـ فززني صوتهه التفتت عليهه حضنتهه فتينة روحي شلون صرتي

فاتنه ـ الحمد لله

نائل ـ ما خلوني ابقى يمج اسف حبيبي

فاتنه ـ على شنو عادي ترا اهم شي انته مرتاح نمت اخذت علاجك شسويت احجيلي

نائل ـ اي اخذته ونمت بس انتي طولتي بالنومه هيج تعبانه ونمتي هالگد

فاتنه ـ ههههه تعال ادري بيك شتريد تعال تمددت يمه وخليت راسه على ايدي وحضنته

ضم راسه ويبجي اهوو نائل شبيك ترا ما متت گبل سد حلگي ببوسه شوي ووخر

نائل ـ اشش اسم الله عليج لا تحجين هيج تموتيني والله

فاتنه ـ خلص خلص ما اعيدهه يله نام شوي ونام وهذا مشواري اليومي مثل كل يوم اخلصه ركض من الصبح لليل وكلهه تحجي علي ارتاحي وارتاحي

شلون ارتاح وكلشي يردوه ويحتاجوه نائل صار وضعه احسن وعلاوي لازم ناخذه للبنان وهو ما يريد بيبيته تروح وياه الا اني ويبجي

نائل اتصل بالدكتور وكله ميخالف يتأجل كم يوم اذا كلش اسبوع لان لازم يشيلون الجبيره ويثبتون المسند حتى يتشافى بسرعه

نائل يلح الا اروح ويه مجاهد واني شلون اروح وهو وضعه بعده صح اتحسن بس بعده يعتمد علي ومنا اخلي برگبتهم 5 اطفال وياه صعبه

قنعت عمو هو وعمه سماهر ياخذوه وعمو معارض يگلي يزيدون عليج بعد طفلين وين تلحگين

گوه قنعت علاوي تروح وياه بيبيته واني ابقى اتصل بي ويسمعني واشاركه كلشي يله قبل

اخذهم مجاهد واخذ وياه رهف وبنته وابنه وراحوا مخبلهم بصياحه

اضطروا يخلوني احجي وياه وهمه يثبتون المسند واني اسولف وياه واضحكه واوعده من يجي هيج اسويله وهيج اسويله

منا لما خلصوا تثبيت المسند حلگي يوجعني من الحجي والاقناع وبعد لازم يبقى يومين يعلموه شلون يمشي

نائل ـ فتون باجر يرجعون مو شنو گال مجاهد

فاتنه ـ اي بعون الله گول محتاج شي يجيبولك وياهم

نائل ـ لا بس خايف عليهم هذا علاوي خابص الجو عليهم

فاتنه ـ عادي مستوعبيه لا يضل بالك انته ارتاح حتى ترجع تمشي زين وتستقبله مو

نائل ـ اي اتمنى اروح بس خاف ما يخلوني اروح

فاتنه ـ اني وياك نروح تمام

نائل ـ ان شاء الله تشتغل وعيني وراهه صرت اگدر اوگف بس مو ثابت كلش عمر سوالي اجازه بدون راتب لما اصير زين

الدكاتره اللي يعرفوني والصيادله والمدير وكل المستشفى اللي يعرفوني اجوني وشافوا حالتي المدير مصدوم ما جان يعرف حالتي هيج كلش

گمت گوه لزمت بالكرسي ووگفت سحبت نفس اريد اوصل للحايط حتى اطلع برا گوه وصلت للحايط تعبت بس بقيت واگف لما سحبت نفس زين

رجعت امشي وساند نفسي على الحايط طلعت للصاله ابوي والولد گاعدين ويتناقشون ما انتبهولي

بقيت اجر بخطواتي لما وصلت للتخم لزمت بي قوي وگعدت الهث كلش تعبت

واثق ـ نائل بويه بيك شي شبيك منين تشكي احجيلك كلمه

زيد ـ بصدمه يابه شوفه اجه بدون الكرسي يابه نائل اجه يمشي والله اخر شي بيدي جنت مخليه بفراشه ومغطيه شوف المسافه اللي مشاهه

واثق ـ ها اي صدك نائل اجيت تمشي بويه

نائل ـ بصوت تعبان اي بللت شفتي اي اجيت امشي كافي خليني اعتمد على نفسي بعد

عمر ـ بطل والعباس بطل شفت ابو العلاج الطبيعي شگال

واثق ـ ليش شگال

عمر ـ گال اذا مشى 5 امتار بدون مساعده حتى لو هو يتمسك بشي وحده يعني اعصابه بدت تستجيب والتلف بدا يروح هو بنفسه سمعه

نائل ـ اي صحيح هسه اني مشيت بحدود ال 10 متر بس استندت على الحايط

عمر ـ كلش زين

زيد ـ هسه شتحس يعني رجليك واديك الرجفه اللي بيهن بدت تختفي

نائل ـ اي احسن من قبل الحمد لله

فاتنه ـ كملت عصير نائل ورجعت للغرفه ما انتبهت للصاله ما لگيته

طلعت بسرعه شفته گاعد انطيته العصير شربه عبالي الولد همه مطلعيه گلت اگول زيد ليش ما جبتوا كرسيه وياه

زيد ـ ما يحتاجه بعون الله نائل اجه من الغرفه لهنا يمشي

فاتنه ـ بقيت اباوعله واباوع لزيد يعني مشى طلع يمشي مو طلع يمشي هههههه

اي اي عمو طلع يمشي مو عمر نائل يمشي مو اي يعني من شفته يمشي مو جذب اي مو جذب

نائل ـ تعالي تعالي لزمت اديهه وگعدتهه يمي وهيه تباوعلي وعيونهه تجري وامسحهن

كافي كافي شگد تبجين هاي گدامج صح حجيي ما مضبوط مثل قبل بس احسن وان شاء الله ارجع امشي

فاتنه ـ حجي نائل ما مضبوط كلش ويحجيهن كلمه كلمه بس اني اتعودت عليه ان شاء الله ترجع تمشي وترجع عافيتك

واثق ـ كافي فتون شسالفه بابا كافي مو زين هسه وصار وضعه احسن ليش البجي

فاتنه ـ عمو ما ادري ما ادري هنه وحدهن ينزلن دموعي ما جنت هيج والله جانت دمعتي صعب تنزل اسأل نائل هسه من اتفه موقف ينزلن

اخذني من ايد نائل وحضني بجيت حيل احس محتاجه جدو كلش محتاجته گتله عمو اريد جدو عفيه اخذوني اله

واثق ـ كافي يا بويه كافي فتينه گلبي يوجعني عليج لا تبجين اصيرلج جدو بس لا تبجين بنيتي انتي كافي بويه كافي

نائل ـ ابوي يبجي على بجيهه ولامهه بروحه ردتهه ما قبل ينطيهه كافي يابه جيبهه اني اسكتهه

گوه اخذتهه من ايده حضنتهه ومسحت على ظهرهه وبقيت اقرا عليهه قرآن لما هدأت وسكنت فتون حبيبي

زيد ـ نائل ترا نامت يمكن داخت من البجي

نائل ـ لا ما نايمه مسكنه بس فتون حبيبي رفعت راسهه وهيه تشهك بدون دموع بس مسكنه لان بجت هواي افتحي عينج فتون گوه فتحت عيونهه ومبرطمه مثل الطفل

كافي حبيبي كافي لخاطري اروحلج فدوه يله كافي وينهه فتينه الجسره ما حبيتج بضعفج حبيتج بجسارتج بقوتج بجبروتج باستخفافج للامور بكبريائج بمكابرج

فاتنه ـ تعبت نائل كلشي بيه تعب

نائل ـ تعبتي مني مو

فاتنه ـ لا مو منك تعبت من المكابر تعبت من المقاومه تعبت من كلشي من كلشي هاي روحي تعبت منهه النفس اللي جاي اتنفسه تعبت منه

نائل ـ ادري والله ادري جاي تتحملين اكثر من طاقتج اسف لكلشي جاي تعيشيه بسببي زودت عليج الاطفال من جبت اطفال مرتضى

واني منا وامي كلهه صارت مسؤوليتج وانتي بعدج بعمر لازم اضمج بروحي من كل مسؤوليه لازم اشيل وياج الحمل

بس ربج راد وهاي حالتي گدامج ولو جنت زين ما اقصر والله وانتي تعرفيني

فاتنه ـ ادري والله ادري خلص هسه خليني اروح اجهز مكان علي حتى باجر من يجيبوه يشوف مكانه مرتب

وصيت باقر جاب كلشي جان يريده لان الولد يمك باقين خليني ازين غرفتهم شي ورا شي والاطفال يساعدوني

نائل ـ لا ابقي ارتاحي وبعدين الولد يساعدوج

فاتنه ـ لا ما الحك هم يله ابدي عفتهم ورحت للمطبخ غسلت وجهي ورجعت لغرفة الاطفال زينت الباب وخلصته صار وقت العشا ساعدت البنات وتعشينه

رحت صليت ونائل عيونه وراي بس يراقبني رجعت كملت الزينه ورتبت الالعاب اللي رادهم على سريره وكلهم فرحانين ويضحكون

رجعت للغرفه قفلت الباب وذبيت حجابي وبدلت ملابسي وتمددت تعبانه كلش

نائل ـ فتينتي يروحي تعالي فتحتلهه حضني وضميتهه اسف بنيتي جاي اتعبج هواي

تلمست خدودهه رايحات وكلش ضعفانه حتى ضلوعهه مبينات وگوه تجر النفس لان تعبت

بقيت ادلك بظهرهه واديهه لما سكنت ونامت لو شسوي ما اجازيج على تعبج بعدج ورده وجاي تذبلين

الهي انطيني القوه ارجع مثل قبل وخليني اعوضهه عن تعبهه نمت وشعرهه على وجهي

فاتنه ـ گعدت اليوم لازم نطلع للمطار قبل 12 الظهر لان الطياره توصل ب12 شفت نائل گاعد ابتسمت صباحو حبيبي

نائل ـ صباحج راحة بال وصحه وعافيه حبيبي

فاتنه ـ يروحي بسته بخده خليني البس واجيك

نائل ـ لا خليني اعتمد على نفسي

فاتنه ـ لا حبيبي هسه رحت بدلت ورجعت يله تعال سندته واخذته يغسل كمل ورجعته ساعدته يصلي كمل اخذته بدلت تراكه

اخذت حجابي لبسته يله تعال لزم وجهي ويعدل بحجابي واني اضحك ترا زين مرتب

نائل ـ لا بعد شوي منا وهاي شوي منا قربتهه مني وبست خدهه اروح فدوه

فاتنه ـ يروحي يله عبرت ايده على كتفي وسندته يمشي طلعته للمطبخ يمشي لما گعد انطيته الشوربه مسويتهه عمه سماهر اكلهه

جبتله بيضه سلك هم اكلهه اخذته غسل ورجع گعد بقى يسولف ويه امه وابوه واخوانه رحت گعدت الاطفال سريع لان يردون يستقبلون علاوي من يجي

غسلوا واكلوا وسبحتهم وتجهزنه كلنه نطلع اخذونه عمر وزيد صرنه قسمين عمو ونائل ومريومه وحسن ويه عمر واني وسدل وبسمه وفضولي ويه زيد

وصلنه للمطار بقينه گاعدين شوي وشفت مجاهد گتلهم هذا خالو مجاهد دنك وشال علي واجه يركض بي وعلي يضحك وحاضنه

وصل يمي ونزله حضنته وشلته يماااي حبيبي رويحتي وليدي البطل وهو حاضني حيل ما يقبل يعوفني

بقيت هيج لما هو نزل من وحده بوسته يروحي الحلو بله اشوف يمشي گدامي يعمري يگلبي حبيبي وراهه راح لنائل هم حضنه ويبوس بي

سلمت على مجاهد ورهف وام نائل ورجعنه للبيت عمر اخذ علي شايله ويفر بي وزيد ياخذه منه ويلعب وياه وهو مرتاح وفرحان كلهه تحاول تعوضه الحرمان اللي عاشه

اهلي اجوا كلهم وتحمدوله السلامه وجايبين هدايا وهو فرحان ومن حضن لحضن لما نام بحضن بيبي

اخذته لمكانه وبقينه گعده وسوالف بعد الغدا اگول ظفور ما وراك تتزوج ترا نريد عرس

ظافر ـ ههههه من وين يحسره دوريلي عروس على ذوقج ومن هسه اتزوج

مجاهد ـ فتينه جذاب هذا الخوينس

فاتنه ـ هههههه هسه شلون جنت متأمله سما تنخطب ورفضت يا بعدي وايهاب افندي ماكو ما يريد يتزوج شلون بله نريد عرس

واثق ـ اي عدنه عريس بعد هم خطيه نريدله عروس

فاتنه ـ ها منو هو بقى بعد بس زاهد

واثق ـ لا عدنه بعد واحد خطيه لازم يجدد شبابه مرته مجلده

فاتنه ـ منو هذا

واثق ـ هذا الخطيه اليمي

فاتنه ـ باوعت نائل يهز براسه لا وعمو يضحك ها وثوقي صاير مو راحه تلعب بالنار

واثق ـ ههههههههه امداك اي والله بخزره انلصم

فاتنه ـ هههههه عبالك رفعت ياختي كفخني مجاهد لك ااااخ

مجاهد ـ امداج بس خزرتيه گومي اخذيلج منه جم كف هيج فري وجهه فر لان مبين جاي يفكر بالموضوع

نائل ـ ولك مجاهد استر علي هسه صرت زين وهاي صدك تسويهه

فاتنه ـ شنو قصدك مخبله لو عربانه ها سرفنت رداني وگمت ركض زيد صار گدام نائل وخر انته لا تاخذ نصيبك وخر

زيد ـ ههههه لا فتون شبيج

فاتنه ـ يجي ويعض شفه عود سايريني گتله ابد والله وخر ولك وخر خلي اشوفه شلون يفكر يتزوج علي وگلبناهه عليهم اني وزيد وكلهه مصدگه عبالهم اريد اضرب نائل صدك

شالني مجاهد وركض بيه لبيت اهلي ويضحك وعمر يركض وراه يگله ولك رجعهه شوي ورجعت لبيت عمو واثق اضحك بس شافني زيد ضحك

يگلي مصدگين كلهم ونائل يضحك ها المخنزر شبيك تضحك

نائل ـ الفيله عبالي صدك راح تكتليني هسه كون حيلي ذاك جان مردتج بس هسه وين اگدرلج تغلبيني

فاتنه ـ وشبيك عيوني جفك اكبر من امنياتي

نائل ـ ههههه هاي علي

فاتنه ـ اي قابل على جوجايه فديته بست مجاهد گدامه وهو احترك يغار من احضنهم شلون لو بستهم

اشرتله بحواجبي شكو وهو يهزلي بايده بسيطه ضحكت شافه مجاهد

مجاهد ـ لك ابو هبطه هاي گدامنه كلنه وتتوعدلهه شلون لو ورانه

نائل ـ اني متوعد شوكت

مجاهد ـ ههههه لا بله شفتك ولك خايس عمي واثق العملاق ترا احنه نخاف على فتينه راح ناخذهه ويانه

واثق ـ اذا هيج السالفه حقكم اخذوهه وخلوه يتيم وانوب ما مفطوم غير يشلع گلبنه اخذوه وياهه ونوديلكم نفقه

فاتنه ـ ههههه هاي شنو غير اهلي ماخذيني منه شكو ماخذته وياي

نائل ـ اي كيفت فرحت الجلبه بالعباس تطلعين منا اكسرج

فاتنه ـ ها گدامكم يهدد رايحه لاهلي شكو مخليني هنا ابنكم مو راحه فسودي

واثق ـ هههههه تعالي كيفت النسره تروح تعالي

فاتنه ـ جرني عمو واثق من قميصي ضحكت هاي شبيك ادري سولتك لو تشگك قمصاني لو تشك الهودي

واثق ـ ههههههه اسهل شي اسحلج

فاتنه ـ ههههههه هسه شلون ابقى واگفه على طرف اصابعي ادري ارگص باليه شغلولي موسيقى

واثق ـ ههههه جايهه واهس الرگص اليوم ولكم شغلولهه معزوفه صخام خلوهه تفوخ گلبهه

فاتنه ـ هههههه اي واني وياك بداعتي گبل كفخني

واثق ـ ههههههه كلشي واجيتيني ادري مخلفج وناسيج الخنفسانه

فاتنه ـ روح ما اريدك تعال جوجايه تعال ظفور بوبايه تعالوا نرگص عمو معقد ما يرگص وانتم زيدو عمرمر تجون

عمر ـ ههههه عن نفسي اروح وياج

زيد ـ واني هم

مجاهد ـ واني هم

باقر ـ وياكم يالربع

ظافر ـ هلا كملنه

نائل ـ ينعل ابو خيركم تعالوا

فاتنه ـ ههههه اتحداك تلزمنه شفته وگف گوه ويمشي محد يدري بي يمشي مسافه هيج بس اني وجنت بعيده كلش عليه

اشرتله يله تعال مشى لما وصل يمي راد يوگع لزمته بطل والله بطل عفيه عليك التفت شوف ابوك

نائل ـ شبي التفتت شفت ابوي صافن علي ومتعجب وزيد وعمر يضحكون اجه مجاهد يركض علي حضني حيل وبجه هههههه شبيك صاير تبجي

مجاهد ـ ولك صدك مشيت انته مشيت هاي المسافه كلهه وعلي فرحان الك من گلبي خويي حزام ظهري

نائل ـ ههههه بعون الله اسبوع لو اسبوعين ارجع زين

مجاهد ـ الا اجيب فرقه بالشارع هنا

نائل ـ ههههه لا لا فرقه ولا شي تبقى وياي خطوه بخطوه

مجاهد ـ وياك عضيد

نائل ـ ضربنه ايد بايد ورجع حضني حيل وشالني فرني ولك اگعد ادوخ بعدني ما متوازن الخبل

مجاهد ــ فرحان والله فرحان بويه مريتي نئوله

نائل ـ ههههه خزيتنه ولك كافي وگفني ما سيطرت على وگفتي گوه لزمت بايده من جهه وبفتون من جهه ثانيه

فاتنه ـ ها حبيبي تعبت

نائل ـ اي اخذيني اتمدد احس ظهري كلش يوجعني

فاتنه ـ يله تعال عبرت ايده على كتفي ومشيت وياه ومجاهد من الجهه الثانيه لما خليته على السرير وغطيته گعدت يمه ها يروحي هاي بس اني وياك لزم ايدي وباسهه

نائل ـ لا تعوفيني فتون

فاتنه ـ ابد والله شلون اعوفك يله أمن ونام بقيت العب بشعره وهو حاضن ايدي وتمشي ايامنه نائل رجع يمشي طبيعي ورجع لدوامه

واخيرا رجعنه لبيتنه ولحياتنه ما اتقيد لا بلبس ولا بحجاب علاوي صار اقرب الاطفال الي متعلق بيه كلش

نائل ـ فتنتن فتون

فاتنه ـ ها حبيبي شبيك

نائل ـ حضريلي شي البس واكل شي وراي اروح للصيدليه

فاتنه ـ اي صار رحت للغرفه طلعت بنطلون وقميص وستره يعني لبس كجول هيج وحضرت ساعته ومحبسه يله حب

نائل ـ حضنتهه ولج شلون بيه ها فتينه روح الروح زبدايتي ابهرتي اروحلج فدوه يا عشگ الشروگي على گوله ماهر

قربت وجهه الي وخشمي يم خشمهه اطيب نفس الله خلقه بديت بوس بخدودهه وهيه متشنجه لما بستهه حيل ابتعدت عطشانج يول

فاتنه ـ كافي نائل فدوه

نائل ـ ههههه شبيج سرسحتي

فاتنه ـ ما اگدر اوگف والله بقيت لازمه بي حيل لما شوي صرت زينه وگفت عدل يله بدل وراك تطلع خليني احمي الاكل حتى تاكل شي

نائل ـ ههههههه افديج اني حضنتهه من ظهرهه وشميتهه اطهر عطر

فاتنه ـ بس اني ما مخليه عطر

نائل ـ وهذا العطر يسحل روحي مو شرط تخلين عطر يله حبيبي روحي جاي وراج

فاتنه ـ تمام حضرت بسرعه وصبيت اجه نائل گعد ياكل ويوكلني وراه رجعت شوي احسن من قبل من جان ما يوكلني مرات حتى ما اكل

نائل ـ مسحت طرف شفتهه اتلفت

فاتنه ـ ليش مسحت شفتي باصبعك وما غسلته خليته بحلگك

نائل ـ بي عسل ههههه

فاتنه ـ فسودي ضربته على ايده خفيف كمل وغسل سريع جبت المحفظه والتلفون هاك حبيبي

نائل ـ بستهه بخدهه ادعيلي حبيبي طلعت بسرعه للصيدليه وبقيت لليل رجعنه اني ومجاهد لان ما اگدر اسوق مرات ما اركز مجاهد ياخذني ويرجعني

فاتنه ـ ظافر حجه وياي يريد يتقدم لسما وبابا وعمامي طلبوهه من عمو واثق وعمو واثق رجعلهم الموافقه والخطبه بالغربيه

عمو رجع قبلنه باسبوع واحنه بيوم الخطبه طلعنه من الصبح وصلنه كلش قريب وقت الخطبه

بابا وعمامي وباقي الناس دخلوا للمضيف واحنه للبيت سلمنه وگعدنه سما تجنن رحت يمهه ها يول طالعه صاكه

سما ـ فتون

فاتنه ـ ههههه اي شبيج ترجفين اهدي شوي يله بقيت اسولف وياهه واغيرلهه جو وانسيهه التوتر لما گالوا يعقد الشيخ

عقدولهم وكلهه تهلهل وتهوس واني حفظت هوسات من الفيس وصرت اهوسلهم واهلهل

ود ونبأ شغلن الديجي وكلنه نرگص لما گالوا راح يدخل العريس اكو لبسوا اني واخواتي والبنات بقينه هيج

دخل واني اهلهل من الباب لما وصل يمهه وهو يضحك باسهه براسهه وگعد يمهه نطيته الذهب ولبسهه وگفت يمه ها اگول

ظافر ـ شنو

فاتنه ـ اشرت لنبأ افتهمتني احم احم وجان صاحبهه وخذاهه وجان صاحبهه وخذاهه هو بهت وجهه وهيه هم والبنات شغلنهه وصرنه نرگص وهمه يضحكون

جريتهم ويانه ونرگص كلنه گلت يول ترا ادري بيك تراسلهه وحبياتكم عابره تركيا

ظافر ـ ههههههه بعد فتينه ينضم عليج شي المحقق كونان

فاتنه ـ الله يسعدك يا عمري بقينه لما كملت الحفله عمو ما قبل نطلع بس احنه لازم نرجع البيوت كلهه فارغه وويانه جماعة الولد

رجعنه وصلنه للبيت تقريبا ب11 بالليل هلكانين تعب هم حفله وهم سفر الاطفال كلهم نايمين نزلناهم اني ونائل شي ورا شي

حضرتله ملابسه يله حبيبي اسبح وذب التعب لما افتح حجابي واحضرلي شي البسه

نائل ـ زبدايتي ام خصر ما تملين من الرگص

فاتنه ـ هههههه صوروني الك ادري هاي ريا مو

نائل ـ ههههه لا ربى

فاتنه ـ عائله وكلهه فاسدين

نائل ـ اگلج شنو هاي جان صاحبهه وخذاهه

فاتنه ـ ههههه غير العصافير جانوا يحبون يا بعدي

نائل ـ عليج الله

فاتنه ـ ههههه والله شوف سالفة عمر ويه نبأ رجعهه الكم ظافر ويه سما شوف ومن اگلك احنه المحد يندك بينه ما تصدك

نائل ـ هههههه والله انتي كارثه

فاتنه ـ هههههه يله ترا ادخل قبلك واخليك

نائل ـ لا صديقي تعال ندخل سوا

فاتنه ـ ضربته روح فسودي روح ادري بسوالفك يله يله صرت ادفع بي للحمام وهو يضحك راح يسبح واني فتحت شعري الكب كلش مأذيني احسه عاصر راسي

حضرت ملابسي طلع بسرعه دخلت غسلت بس جسمي لان اذا اغسل شعري اتأخر كملت وطلعت شفته متمدد ومكنك ويضحك اكيد ويه مجاهد

رتبت شعري وعطرت تمددت يمه شفته يحجي ويه مجاهد وحجيهم فشك بالظيم نطيته ظهري وتغطيت

نائل ـ هههههه استحيتي ولج

فاتنه ـ طبعا انتم فاسدين

نائل ـ هههه غير هذا اخوج لسانه متبري منه

فاتنه ـ وانته مجاريه مو

نائل ـ غير خويي

فاتنه ـ حضني حيل وضم وجهه برگبتي ربي يديمكم حبيبي اگول تدري يردون يستعجلون بالعرس احتمال اسبوعين همه معرسين

نائل ـ صدك

فاتنه ـ اي والله ماما گالت اليوم لان ظافر ما عنده شي كلشي جاهز بعد بس سما تجهز

نائل ـ الله يسعدهم حضنتهه حيل بوياااي هذا الحضن

فاتنه ـ ههههه انته الا تكسر ظلوعي يله تحس بي حضن

نائل ـ طبعا هو هيج حضن الحبيب بوستهه بوجهه انتي ليش تخبلين

فاتنه ـ امممم ما ادري انته هيج تشوفني

نائل ـ واحلى ما نظرت له عيناي

فاتنه ـ ادماني حبيبي خنزوري

نائل ـ هههههه فيلونتي اي هسه اكو لحيمات واحد يلزمهن مو قبل بس عضام

فاتنه ـ هههه كافي اها

نائل ـ حلالي وبكيفي

شلتك من فراش اهلك لبالي

تمغط يالعبث نومك لبالي

طلبت من الله ما قصر لبالي

الطلب من جابك ودلاك بيه

فتيناتي يراحة گلبي وروحي زبدايتي الحلوه ابهرتي الجميله

فاتنه ـ مليك روحي حبيب قلبي ادماني ضميت وجهي بصدره واشمشم دفعني

نائل ـ فتون شبيج هيج تشمشمين

فاتنه ـ ههههه شبيك

نائل ـ فتون جاي تاخذين العلاج

فاتنه ـ اي

نائل ـ منتظم وما تزغلطين

فاتنه ـ اي شبيك اها

نائل ـ اي هسه امان بس ارجعج للابر اضمن

فاتنه ـ ههههه يله نام عرفته خايف لا اصير حامل وگلبي ما يتحمل هو اني اصلا مكتفيه باللي عندي نمت بسرعه

نائل ـ خايف منهه كلش هيه دايما تنسى العلاجات شلون واني هسه معتمد عليهه هيه تشرب اخذت شعرهه ونثرته على وجهي ونمت

فاتنه ـ نئوله نئولتي يله حبيبي اگعد

نائل ـ ابتسمت صباحو گليبي

فاتنه ـ صباحك عسل يله گوم اسبح لما احضر الريوك

نائل ـ اي يله گمت وراهه وهيه تلم بشعرهه خلينه ننام شوي

فاتنه ـ هههههه كافي يله حتى نروح لاهلي

نائل ـ ما حزرتي والله اخذتهه وتمددت وخليتهه فوگاي يله نامي

فاتنه ـ يوووو نائلللل

نائل ـ احترگوا اهل نائل نامي يله خلينه هيج

فاتنه ـ بس

نائل ـ ترا انفذ بيج والعباس يله نامي خليت وجهه قريب لوجهي وكل شوي ابوسهه وهيه تضحك لما نمت واني حاضنهه

فاتنه ـ شفته نام كلش شوي ورخت اديه نزلتهم شوي شوي بس سحبت نفسي منه گلبني وصار فوگي يمممماااا شبيك

نائل ـ هههههه انتي ليش ما تسمعين الكلمه ها اعاقبج هسه

فاتنه ـ گبل خليت ايدي على حلگي واهز راسي لا

نائل ـ ليش گمتي مني ها اجر بايدهه تخلي الثانيه لزمت اديهه وثبتتهن فوك راسهه وهيه عيونهه نطت وتهز براسهه

فاتنه ـ نائل لا فدوه والله اتأذه لك اااخ ايدي جاي تأذيني شبيك

نائل ـ تاخذين عقوبتج تگومين

فاتنه ـ لا فدوه نائل نئولتي حبيبي

نائل ـ ههههه جؤ هسه وين لاگيتلج هيج رجال رومانسي ها النسوان تتمناه وانتي شارده مني قربت وجهي منهه وهيه غمضت

فاتنه ـ نائل لا تأذيني فدوه

نائل ـ جؤ ما أأذيج بستهه شوي شوي وابتعدت جمالج سابي گليبي ولمعة عيونج حياتي احبج فتينتي

روحي متعلگة بهواج شمسويه بيه يمصگوعه وهيج اتنفسج من دون خلگ الله واحس الدنيا بدونج خنگه ما تنعاش

فاتنه ـ حبيب روحي حضنته حيل وتعلگت برگبته وهو واگف عبرت رجلي على خصره وبقيت هيج وهو حضني حيل ويشم بشعري واني اشم بي

حياتي بدونك عدم يا كل اهلي وناسي احبك بكل تفاصيلك بكلشي بيك بقيت هيج فتره رفعت راسي شفته مبتسم ها يروحي

نائل ـ جاي تعلقيني بيج اكثر واكثر رفعت عيني بعينهه احبج يا ملاكي ما اعرف شگد بس حابج اكثر من كلشي يله خليني اسبح وناكل من اديك الحلوات صديقي

فاتنه ـ هههه يله نزلني وباسني براسي وراح لميت شعري وعدلت تراكي وطلعت شفت ام نائل صباح الخير عمه

ام نائل ـ صباح النور يوم تتريگون

فاتنه ـ اي هسه بس احضر

ام نائل ـ لا اني حضرت وهسه راح اگعد الصغار ارتاحي يوم

فاتنه ـ فديت گلبج ليش متعبه نفسج ترا ما بيه شي والله اگدر

ام نائل ـ ميخالف اساعدج ما بيهه شي والشغل ما يموت بشر وهم اتحرك شوي ما ابقى گاعده مليت من الگعده

فاتنه ـ براحتج رحت حميت الجاي وحولته بالترمز حتى ما يبرد حضرت ماعين الجهال وكوابتهم

اجو همه ونائل وياهم انطيتهم كل واحد بيضه وكوب حليب بالككو واحنه وعمه اكلنه

خلصنه لملمت كلشي تنظيف ما عندي بس غرفة الجهال رتبتهه وعطرتهه وغرفتنه وغرفة عمه بعد ما عندي شي بيبي وامي يدزون غدا منهم

عمه سماهر بقت ويه عمو ووياهه التوأم اني ما اگدر اذا ما اشوف بلسم لو ابوسهه واشمهه احسهه بنتي اللي خسرتهه اتصلت بيهم فديو ردت عمه

سماهر ـ هلا يوم هلا فتونه شلونج

فاتنه ـ يروحي سمهورتي الحلوه الحمد لله شلونكم شخباركم

سماهر ـ الحمد لله يوم نائل شلونه وعمتج الجهال شلونهم

فاتنه ـ الحمد لله زينين ناقصتنه شوفتكم والله اليوم نحس تايهين حتى لاهلي ما رحت والبنات اتصلن ضايجات

سماهر ـ خطيه بنياتي ليش خلي يروحون لاهلج

فاتنه ـ يگولن عمر وزيد ما يقبلون وهسه نائل راح يمهم وين بلسمي وانوسي

سماهر ـ هههه نايمين ما يقبلون يگعدون

فاتنه ـ بس كون ما ضوجتج الحجيه

سماهر ـ يعني بس احاول اتجنبهه

فاتنه ـ اي عفيه واذا ردتي فزعه ادزلج نبأ هههه

سماهر ـ هههه اي البارحه من شافتهه تحجي علي اجت وانهدت عليهه اريد اسكتهه ماكو طفرت المره

فاتنه ـ هههه تربية عمر بعد

سماهر ـ اي گالت گلتلهه هاي تربية ابنج واذا تردين تربية اهلي روحي لفتون وسباوي

***************************

علقوا على الفقرات حبايبي

صوتوا للبارت

تابعوا حسابي على الانستا