اريد اشكيلك بشكوه
احبك والعشگ بلوه
احب البيك والما بيك
ثلثين العشيرة تروحلك فدوه
*******************************
نائل ـ هسه اشوفج اللزگه شيسوي ركضت عليهه طلعت تركض للحمام وياهه ملابسهه وقفلت الباب
فاتنه ـ لك الخبل ههههه والله يا الله بدلت واخذت فستاني ورجعت للغرفه شفته ما موجود
لميت شعري ومسحت المكياج ونزلت لملمت كلشي ونظفت وحضرت العشا كله وحدي محد اجه وساعدني
وبعد الخبز وراي يا ربي وهذن معتكفات غطيت الاكل صح خبزي مو مضبوط بس ماشي حاله رحت اخبز اخاف من النار
صرت انصي النار وادگ الخبزه وارجع انطي غاز لما كملت الخبز هلكت ولج يمه مو ناس ظيم لا احساس ولا ضمير
رجعت للمطبخ غسلت وجهي وحميت الاكل نقلته وصحتلهم گعدوا ياكلون واني بالاخير كلش اكلت شوي وگمت جبت الجاي وصبيتلهم
كملت كلشي وصعدت انام روحي رايحه من التعب گلبي يوجعني باوعت بالمرايه شفتي صايره زرگه شربت علاجي مال القلب واتمددت
حسيت نفسي بدا يضيگ هاي كلما اتعب كلش هيج يصير وياي جريت البخاخ اخذت كم بخه صرت احسن شوي ودخل نائل
نائل ـ فتنتن وينج التفتت واشوفهه رايحه روحهه
هاااا شبيج گلبج مو
فاتنه ـ اشرتله براسي اي
نائل ـ اخذتي علاجج
فاتنه ـ اي اخذته
نائل ـ وتنفسج شلونه
فاتنه ـ هسه احسن اخذت البخاخ
نائل ـ اوگفي خلي احضرلج الجهاز
فاتنه ـ لا ماكو داعي
نائل ـ لا اكو داعي وهاي جبتلج وياي ابر
فاتنه ـ ما بيه حيل اجادل بشي اخذت الجهاز خليته على وجهي شوي ونعست لان كلش تعبانه نمت
نائل ـ فتونه فتحت عيونهه ذبلانه انتي زينه
فاتنه ـ گوه اشوفه اشرتله اي جريت الجهاز نعسانه بس راقبلي الجهاز
نائل ـ ماشي نامي نامي شوي وارفعه نامت بسرعه شفتهه شوي وجهه صار لونه احسن
رفعت الجهاز ومددت يمهه لابسه برموده وكيمونه البربوك جريتهه حضنتهه ونمت
فاتنه ـ گعدت بالليل عطشانه اريد مي شفت نائل معبر رجله على رجلي وما اگدر اتحرك
دفعت رجله وگعدت جريت البطل شربت مي وقفلته رجعت انام فتح عيونه شوي وابتسم
نائل ـ ها گعدتي
YOU ARE READING
ادمنت حدة عينيه
Humorما بين مريضة بالقلب وشاب منطوي يتخرج ليصبح صيدلاني تحكمهم الاعراف والتقاليد يا ترى من سيفوز بينهم الحب ام الاعراف تحت وطأة الثأر
