ادمنت حدة عينيه

بارت 24

والله الف هنيالكم جي مو مثلنه

والله الف هنيالكم من نكتبلكم

احنه محد يكتبلنه

محد يحس بينه نمشي نموت

نبقى جنازه وبديرة غرب محد يهتملنه

احنه من شمس المكابر والتجافي تراب صرنه

احنه المجافين واحنه اهل المحنه

احنه المتعبين اهلنه مدري المتعبينه اهلنه

*********************************

مجاهد ـ ولج فتينه هذا الزمال اليمج مصاحب عليج وحده جق بق

فاتنه ـ شنو مصاحب شنو جق بق

نائل ـ جذاب والله لا تصدگيه

مجاهد ـ اذا صدگتيه انتي اكبر زوج ومضحكه

فاتنه ـ جيب تلفونك اشوفه بسرعه

نائل ـ شنو تلفوني شتشوفين 250 اسم

مجاهد ـ اي نصهم امهات ال

فاتنه ـ يا ال

نائل ـ انته اسكت لا ادوس ابطنك تقربت منهه همست يم اذنهه والله جذاب بس انتي ابهرت گلبي

مجاهد ـ لا تقشمر عليهه جذاب جذاب تعالي على يوم وشوفيه شلون يتختل جنه مجرم حتى محد يشوفه

فاتنه ـ شنووو نائل هاي عود واثقه منك هيج تسوي بيه

نائل ـ جذاب وداعتج جذاب لا تصدكين انته اسكت لا اجيك والله

ابو سليم ـ جوجه استقري وانته ابو هبطه اكل خلينه ناكل مثل البشر وانتي ام كرش خلي عركتكم بعدين على هذا البرياني اللي يتعارك انيم الجفجير براسه والله

نائل ـ ههههه اي طبعا غير طبخ مريتي

مجاهد ـ انته انجب اختي

ابو سليم ـ والله انتم سفله هسه اللي ما يسكت اطرده

فاتنه ـ ناكل ونضحك وجدو يخوزر بينه من نضحك كملنه ورحت اغسل وياهم الماعين

نبأ ـ روحي فتونه اني وسباوي هنا انتي تعبتي كافي عليج اطفالج

سبأ ـ اي والله فتونه ترا كبرنه والله وانتي بعدج تخافين علينه

فاتنه ـ يروحي انتم حضنتهم اثنينهم الله لا يحرمني منكم تدرن شنو

سبأ ونبأ ـ شنو

فاتنه ـ مشتاقه للبنات كلش والله يگولون الطرق مسدوده وما يگدرون يجون يخافون

وبعد شهر لعيد ميلاد الاطفال وبيدق بس تبجي تگول ما يقبل يجيبهه سامر لان خايف عليهه

نبأ ـ الله كريم كون نخلص من داعش كلشي ينحل

سبأ ـ اي والله دمروا الدنيه بهمجيتهم ووحشيتهم جانت عندي صديقه من الموصل ونتراسل اني وياهه قبل بس انقطعت اخبارهه صار سنتين