#أسيرت داعش
#الكاتبه اسينات
لا تنسون التصويت وتعليقاتكم الحلوه بين الفقرات وتابعو حسابي الواتباد @lrayh1234
•~••~•~•~•~••~•~•~••~•~•~••~•~•~•~••~••
نور
جنت كاعده بالبيت خالتي بالدوام وورده بالعياده اتصلت بضياء ما رد استغربت مو من عوايده
مرت نص ساعه رجعت دكيت جاوب يمه هوسه
:-ها نور
:-ها ضياء جا وينك اليوم
:-بالمستشفى
:-خير شكو شبيك
:-عمار حالته خطره وهسه الدكاتره يمه
شهكت :-ياا عزاا وهسه
:-مندري بس ادعيله
ما حجيت بس ضليت خايفه حيل وخايفه من رده فعل ورده هيه كل شي ولا عمار مرات من احجي بالشقه متقبل
رجعت خالتي وكتلها بسرعه اتصلت بخالتي ام حسن وضلت تحجي وياها وتستفسر كلتها أنتي بس ادعيله
لمن اجت ورده وكتلها صارت تبجي وتكمز بمكانها تريد تروح وخالتي بس تهدي بيه
وتكلها انتضري الباجر وهيه ماكو اخر شي اتصلت بحسن وهوه يكلها بأجر تعالي مو هسه دنيا ليل
اسمعها اكله :-ما شنو بكيفك اخوي حالته خطره وتريدني اكعد هنا اتفرج ...لا حسن حباب اريد اجي ..واذا حسن قابل شراح يصير ....ما دخلني اريد اجي اذا اضل هنا اموت والله ..تمام روح ما اجي بأجر اطلع ..تمام كتلك باجر ..شبيك متصدكني حسن كتلك اجي بأجر ..تمام اتصل بيه
سدته حجيت :-ها ورده وهسه
:-نروح خاله ترحين لو تبقين
خاله:-يا يمه وين اعوفجن اروح وياجن وين ترحن بهل الليل
رحت بسرعه لبست ولفيت حجابي وطلعت لمن خالتي هم لبست العبايه وطلعنه جانت الساعه ب 11 ونص حرفيا خوف
وخالتي بس تدعي ولازمه السبحه نوصل بخير وسلامه
رحنه فولنه السياره بانزين ورحنه طلعنه قران ضلينه نسمع وهيج محد جايله النوم صرت كل شوي اسوق عن ورده حتى لا تتعب
جنه بالطريق نحجي وخالتي تهدي بورده باوعت من الجامه استغربت كلت هاي شنو
استغفرت ربي كلت عادي سياره بس بعدين صرت افوت بافرع وهيه ورايه حسيت شي راح يصير واحنه ملاحكين
صرت شوي شوي اسرع لمن ضيعتهم يالله ارتاحيت للصبح وصلنه يم منطقه واتصلنه بضياء يدلينه دزلنه الموقع
وصلنه الهوسه مو طبيعيه والناس هذا الي عنده مريض وهذا الي عنده فقيد
تنهدت دخلنه نركض تلكانه ضياء سلم على خالتي
ومشى ليكدام وي خالتي يسولف وياها وهيه تستفسر وورده تكمز من وحدها
ورده:-وهسه شنو شراح يصير
وهوه يخزر بيه تصرفاتها لبالك طفله
وصلنه الكل موجود وهوسه شافنه حسن تقرب سلم على خالتي وضل يحجي وياها راحت هيه يم خاله ام حسن باوعلي نوب باوع الورده الي خنست وتباوع للغرفه تريد تشوف حجه
حسن:-انتي متعقلين
ما ردت اصلا ما سمعته ندسته باوعتلي
:-ما ناويه تعلقين شجابج هسه لو صاير شي
ورده:-هاي شبيك حسن
حسن:-انتي شبيج
جرني يحجي
ورده *
:-شبيج انتي جبتي العالم بهل الليل وها بله لو صايرلكم شي وماكو رجال وياكم ها احجي
باوعت:-يا ليل شبيك حسن عوفنه حباب بعدين عود رزلني هسه عمار شلونه شصاير كلتلي نور
حسن:-تعبان حيل جنه بالبيت واتصلو بينه جنه مخلين يمه جم واحد وكالولنه حالته مو زينه تعالوله وتعرفين العائله كلها عرفت وهسه منتضرين دخلوه للعنايه يكلج تنفسه ما ادري هسه غير تطلع هاي الدكتوره
سكتت كلت :-بلكت اني احجي وياهم
صفن يتنهد درت وجهي بحركه سريعه شفت نرجس خزرتني وهيج عيونه شوي وتاكلني صرت كبال حسن حجيت
:-حروح اسلم على عمه
هز رأسه رحت سلمت عليها وسلمت على خاله ام عمار خطيه روحها رايحه
رجعت وكفت يم حسن وهوه مبين تعبان ووجهه اصفر وكوه واكف جنت كاعده وهوه واكف
كمت حجيت :-حسن تعال اكعد
هز راسه بلا :-اكعدي ورده
:-لا حباب اكعد مرتاحه هيج واساسا تعبت من الكعده
ما حجه جريته وكعدته أيده ترجف صرت بصفه واكفه وحاطه ثكلي على أيده وادعي
شوي وما احس الا العنايه انملت صرت ابجي والكل يبجي حيل خفنه والولد نخبصو وشوي يبجون
هيج شوي وصار هدوء طلعت الدكتور تحجي
:-اهدو رجاءا وهذا قضاء ربكم بس المريض دخل بحاله غيوبه
من كالت هيج ام عمار اغمى عليها وخواته هرجن المستشفى بالصريخ الكل يبجي واني ابجي متت بجي شجاي تحجي الدكتوره
كعدت صرت ابجي والولد يبجون وما مصدكين محد مصدك يعني عمار مستحيل والله ما جنه متوقعين ابداا رحت
تقربت والكل ملتهي
:-دكتوره فدوه اروحلج صدك دخل بغيبوبه
:-اي حبيبتي انتو بس ادعوله يطلع منها سالم
:-زين شكد مدتها يعني هاي الغيبوبه تأثر بي
:-شوفي مدتها حسب يعني هيج 6 اشهر إلى سنه ،اما الأضرار من يصحى ان شاء الله نعرف ونشخص حالته
حجيت وياها وعرفته اني دكتور وهيه عرفتني طلعت دارسه وياي
كعدت ارجف ومحد مصدك وهيج مرت الايام رجعت البغداد بس على تواصل وي الدكتوره اخذت رقمها وكل ما يصير حدث تحجي وياي
وحسن ما اشوفه ومن اتصل على حوراء تكلي اغلب وقتهم يم عمار ما يفاركونه صرت كل ما يصيرلي مجال اروح اشوفه نفس وضعه الاجهزه محاوطته
ولا حركه والي عرفته ام عمار ضلت بالمستشفى البيت ما طابتله هذا كله تسولفه الي حوراء ليان جبتها يمي لانو هناك خاف يهموله وحسن مو يمها
وخايفه من نرجس
مرت 3 اشهر وعمار نفس حالته الا بيوم اخذت اجازه ورحت للمستشفى اجيت بس اني وخالتي نور ضلت هناك يم جيارنه لانو عده امتحان
دخلت بوجهي رحت على الدكتوره وسلمت عليها وكالت نفس وضعه نتأمل انو تصدر أي حركه منه
صعدت ليفوك :-يا خاله شسوي ما اكدر
:-يا يمه هم ميصير عيب شيكولون علينه هسه
:-لا كلشي ميكولون هسه بس استعجلي
:-اطارد شبيج
سكتت وصلنه جانو كاعدين ام عمار ووحده من خواته وضياء وحسن وكم واحد من الولد
حسن وضياء جانو كاعدين كبال غرفته تنهدت رحت سلمت كام حسن سلم على خالتي واجاني
ردت احجي لزم ايدي واخذني ما حجيت طلعنه بره بالحديقه كعدنه حط رأسه بحضني حجه وصوته بي بحه جنه باجي
:-راسي ياذيني ورده
تنهدت صرت اسوي مساج الراسه وهوه مغمض عيونه
باوعت داير مدايري بسرعه بسته برأسه فتح عيونه باوعلي حضني يحجي :-تعبان ورده تبعاان
:-بيه ولا بيك حبيبي فتره وتعدي لتخاف أن شاء الله يطلع منها ادري بي عمار قوي هسه يكوم على حيله ويرجع مثل قبل وهسه تملون من سخافته
حجه باستنكار :-والله ما امل اريد بس يرجع الا اخلي يحجي وماكو وما اخلي يسكت بس خل يصير زين
مسحت على شعره :-ان شاء الله ما بي شي حسن أن شاء الله يكوم وينهض انته بس ادعي ورب العالمين ميضلم عباده واني نخيت أبو الحسن ميقصر
ما حجه باوعت الوجها:-حسن لتكتم مو زين طلع الي بكلبك ماكو احد غريب اني ورده حسن
صرت بس اسمع صوت نفسه العالي كلت هذا هوه جاي يبجي صرت ابجي بصوت عالي وياه اختنكت حيل ما متعوده تعبت حيل وكلبي حيل صار ياذيني
ماكو انسان يتحمل والله كل انسان الى طاقه تحمل واني طاقتي خلصت
كام يحجي وياي وخافي وجهه مني :-هسه احير بيج احير بيمن
:-حسن تعبت اني وكعت والله وكلبي حيل ماذيني من جهه اخوي الي كل يوم ادعي ليلي ونهاري انو يكوم اني بعد ما اتحمل اكثر من هيج راح اطك واموت
:-اشش وردايتي حبيبي
حضني الصدره واني بس ابجي :-يعني جاي احاول انسى بي مجاي اكدر كل يوم اني صورت اهلي متفاركني حسن اشتاقيت الرقيه محتاجه حيل الرقيه اريد اشكيله هسه لو عايشه جا هسه هيه أحسن دكتوره ويجوز متزوجه والها اسمها وصيته حسن محد يحس بيه والله اني حيل تعبت تبعتتت
ما حجه ضل ساكت لمن هدئت حجيت :-شكد تمنيت كل هذا الي مريت بي حلم واكعد منه بس كل ما اكعد الصبح الكه نفسي بعدني اني بهاي الدنيا
شلي بدنيا ما بيها اهلي خصوصا اذا الأهل زينين
صرت اناشغ شوي وما احس الا اجت اخت حسن الصغيره تركض صاحت الحسن وهيه تبجي ركض واني صرت ارجف حجيت :-شكو الله عليج احجي
:-ما ادري ما ادري
ركض واني هم ركضت لمن وصلنه والولد يصيحون يردون يعرفون شكو والدنيا نكلبت ام عمار تصيح راح ابني
واني بس ابجي ظلت الدكتوره أكثر من نص ساعه واحده ميتين خوف وشويه ونموت نريد بس يطلعون والممرضات يطلعن وميرضن ينطن معلومه وحده واحنه هيج مصلوبين ، لمن طلعت الدكتوره تمشي على كيف راحوله الولد يركضون ويحجون يردون يفتهمون شكو حجت:-اهدو يجماعه صوتكم
اخر شي عاطت بيهم:-خلي احجي بلا زحمه
سكتو واحنه كل واحد مخلي أيده على حلكه خايفين ابتسمت:-الحمدلله المريض صحه هسه شوي ويجون ينقلو للغرفه
خبر اجانه مثل الصاعقه صرت اكمز الكل ما مصدك وام عمار شكد ما اكول حتى كامت تهلهل
باوعت الحءن الي صار يبجي رحت ركض حضنتنه ابجي واحجي :-الحمدلله ما قصر ابو الحسن ما قصر ابو الفضل كتلك والله كتلكك
وهوه حاضني حيل يبجي ويدعي ويحمد برب العالمين
هيج لمن صارت ساعه الكل نخبص والمستشفى نخبصت لمن سمحلونه نشوفه طبينه لكينا كاعد بس يون
بسرعه راحتله أمه تبجي :-يمه ابني ولك شسويت بيه عمار شسويت
الكل يبجي عليه منضرهه يبجي تمسح دموعها بشيلتها ووجهه اصفر وكوه واكفه
صرنه نتحمدلله بالسلامه حجه :-شبيكم تره ما متت
ضحكت باوعلي :-هاي زهره
ابتسمت نوب صرت زهره :-تره ورده مو زهره
:-ميفرق نفس الشي بس بلغة المثقفين زهره
الكل ضحك احس ضحكو عليه والله الكل صار يغلط علي ويحجون عليه وهوه بس يضحك ومن يكولوه خوفتنه يكول احسن نضل فاتحين حلوكتنه
ويحجي:-احلى شي بعد اني 4 اشهر ما انام اللله
واحنه نموت ضحك والدكتوره تكله بالعكس هسه انته تكوم تنام وهوه من دير وجها الدكتوره يعيب
لحكت الدكتوره بسرعه احجي :-ها دكتوره بشري شنو الأوضاع
:-لا الحمدلله جنت شاكه بكم شغله هسه لا الحمدلله صار احسن والحمدلله على سلامته
ابتسمت :-عمري تسلمين الله يسلمج
:-وجداا فرحانه انو تعرفت عليج دكتوره ورده
:-ههه حبيبتي بلقيس واني أكثر واكيد نضل على تواصل وشكرا
:-ههه باي وقت عمري
استفسرت من عدها وشوي وراحت واني ركضت رجعت للغرفه شفت ضياء يضرب بي ويحجي
ضياء:-جلب خوفتنه
عمار:-اي انته كلتها
حسن:-كافي شبيكم وانته ضياء كافي لتعبه
عمار:-يا صخام حسن يخاف عليه تره أنه ما اتحمل هيج تؤ تؤ شفتو رجعوني لغيبوبه ما اريد ارد اسمع ها الكلام الحلو واريدكم تخافون عليه شلون هسه وجهكم صفر لبالكم صفار البيض
ضحكت باوعلي وغمني :-وانتي ولا لبالك هستوني راجع من الموت وباوعو الوجهه احمر
حجيت:-هاي شبيج
حسن:-شبيك عمار متشوفه وجهه اصفر يا احمر هيه ورده يا يوم صار وجهه احمر يجوز بس من شفتها من اجينه البغداد هذا هوه وهم شوي ورجع وجهه صار اصفر
تقرب لزم وجهي ويحجي واني صافنه واحس متت خجل عمتي ام حسن هنا والكل حرفيا بدي الكاع تنشك وتبلعني على هل الفشله وهوه ما همه
تقربت عمتي ام حسن لزمتني واشرتلي برأسها طلعت ليبره وهيه وياي تحجي
ام حسن :-يمه مدام عمار صحه الحمدلله والشكر
ورده:-اي الحمدالله والشكر كله بفضل رب العالمين رجعلنه سالم
هزت راسها
ام حسن:-مدام هيج عرسكم يمه انتي وحسن بعد اسبوع .....
يتبع ....
شلونه البارت ؟
شتتوقعون شراح يصير ؟
تفاعلكم قلبي وتابعوا راويتي الجديده العنكبوت
وحسابي الانستا soso1.913
اشتركوا بي ..