🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 461
اريا هزات راسها بالفني
جاد : مكينش شي أخ يتعمد يدير اكسيدون باش ياذي ختو واخا تكون خايبة معاه ميأديهااش ... واش عارفة خوتك الى شافو غير دمعة فعنيك يحرقو الدنيا وما فيها حيدي هاد الافكار من راسك هادشي لي طرا كان مقدر ومكتاب عليك هاخوك موقع ليه والو وكان معك فنفس طوموبيل ونتي ضربة خفيفة شللااتك يعني حتى كون مكنتيش فطوموبيل مع خوك كان ممكن توقع شي حاجة .. للي تكون سباب فهاد الشلل ربي لاكان مكتب عليك شي حاجة مكينش للي يقدر يحيدها ليك سواء كان مرض اولا فرحة ( آريا كتشوف فيه وتنخصص) فهمتني !
آريا مدات يديها كتمسح دموعها وهو كيشوف فيها و يتنهد مكنش باغي يبكيها عرف راسو قصح معها فالهضرة وهادشي كولو على قبل مصللاحتها نزل على ركابيه قدامها وبدا يمسحهم ليها بدييه وهي غير كتشوف فيه وتسرط فريقها متوترة
جاد : هبيييل انا والله تا هبيل بكيييت هاد لعوينات يشوفني خوك يعلقني ( اريا ضحكات وسط دموعها ) هادشي الى مامشيتي تشكي بيا لحبيبك
آريا : ( بدون شعور ) معنديش
جاد : ههه ! .. زعما مكاين تا شي واحد فحياتك ...
اريا : ( كتهز راسها بلا بزربة ) لا
جاد : عمرك بغتي ولا تعجبتي بشي واحد ؟
آريا : وحدة بحالي فنظرك غيبغيها شي واحد !!
جاد : ( تبسم ابتسامة خفيفة ) كاين لي كيتمنى غير شوفة منك وملقهاااش
آريا : تال دابا باقي مبانش هادا لي غيعجبني و نبغيه
جاد : غادي يبان هادشي الى مكاانش غير حداك
اريا عضات على شفتها وهبطت راسها لارض وهو ضحك بصوت خافت و رجع علا ليها راسها
جاد : غنبدل عليا ونرجع عندك باش نزلو نحركو رجيلات شوية
اريا حركات راسها بآه وهو ناض لباب حط يدو على البواني وضار شاف فيها
جاد : غيكون محظوظ هدا للي غتبغيه من دابا وليت كنحسدو
سد الباب وخرج كيينهج جملة معرفش راسو كيفاش نطق بها و خرجها على فمو .. قلبو كيحس به كيضرب و الريق نشف فمو ... مشاعر كانو جداد عليه عمرو حس بهم مع روسيل لي قال كيبغيها حتى فاش كان كيشوفها ويهضر معها مكيطرا عليه حتى تغيير تا قلبو مكيضرش ولكن علاش اريا ؟ علاش ملي كيشوفها كيوقع معاه هاكا !! علاش فاش كتكون فبيتها كيحس براسو مشتااق يشوفها !!!! .... وفاش كيجمعهم شي حديث كيبقى مركز مع عينيها كثر من هضرتها عقلو كيتبلوكا مكيبقاااش واعي بلي ضاير بيه كيولي يشوف غير فيها ... زعما يكون معجب بها؟؟ مسح على وجهو نافض هاد الافكار من راسو ومشااا لجناحو مخلي قلبها لداخل كينبض آريا لي كانت حاطة يديها صدرها كتحس بقلبها غيطير من بلاصتو جملة كان لها آثار كبير على قلبها لاول مرة غتسمعها ... 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 462
جاد خرج من دريسينغ لابس شورط كحل و تيشورت كحلة وكاسيكيط كحلة ،خرج من جناحو هو يتلاقا بآنا طالعة عندو وهازة كوستار فالزرق مغلووق جاية لعندو مبتاسمة
آنا : جاد هدا طلبتو ليك على قبل سواغي ... ( شدو من عندها ) شوف وااش عجبك ...
جاد : الرومانية ختارتو بذوقها وجابتو على قبلي وميعجبنيش !! ...
آنا : بصحتك اولدي .. امظرا آريا وافقاات ؟؟
جا : لقيتيني غادي عندها نهبطها
آنا : متفورصيش عليها بزاف ... ملي تبان ليك عيات جيبها لبيتها وقول لكارولينا طلع دوش ليها ..
جاد : واخا
دخل الكوستار لبيتو علقووو و خرج مشى عند اريا لقاها بقى على وضعيتها
جاد : زرقة العينين واجدة !!
آريا : ( تبسمات ليه ) واااجدة
هبط عندها هزها بين يديها حتى غوتات
جاد : مالنااا !!!
اريا : ( سرطات ريقها ) نزلني
جاد : ( غادي بيها الباب ) ماحدي معكم هنا مغتبقااايش محتاجة لداك الكرسي باش تحركي .. ( شاف فيها قبل ميخرجو من البيت ) هاد المدة لي انا معكم انكون انا هو رجليك
آريا تبكمات معرفت باش تجاوب بقات ساكتة وهو ضحك ونزل هو وياها فدروج وهي متمسكة به بيديها بحالا خايفة لاطيح وكل مرة ترمي عينيها تشوف فيه حتى دخلها القاعة حطها على سرير طويل بيض ديال جلد جلسات وهو طلق ليها رجليها بجوج كانت لابسة غير كسيوة قصيرة حد الفخاد موردة وقف حداها شد رجلها ليمنية وبدا معها بالحركات بحال شكل ترويض ... كيتني ليها رجليها ويعاود يسرحها وهي محساااش برجليها كاع مرقباااه بعويناتها حتى كتسهى فيه مدة وغير كيشوف فيها كترجع تحدر عينيها ..
ساعة و النص وهو معاها حتى شافها بدات كتعيااا ليه هو يحبس ....
جاد : غنطلعك لبيتك دابا خودي دوش ورتاحي
آريا : ( كتشوف فلارض متوترة ) عدبتك معايا
جاد : ( عوج عنقو معاها ) معليش .. غير هو فكري فكلامي ا آريا
اريا : واخا
تبسم ليها وخربق فشعرها وهزها تاني بين يديها دخلها لجناحهها و مشاا عيط لكارولينا طلع دوش ليها وتاهو دخل لحمام لي فجناحو باش ياخد دوش 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 463
ساعة 18:00
كانت روسيل جالسة فوق كرسي قدام مرايتها .. لابسة غير بينوار حريري قصير ... وشعرها مطلوق مبوكلي ... والميكاب ارتيست كتوضع اخر لمسااات .. كانت دارت ليها مايكاب خفيف ليلي لامع ... رشات ليها الفيكساتور ... وجمعات ماتريالها وخرجات وهي باقا على نفس الجلسة و كتشوف فكسوتها البيضة موراها معلقة .. تصميمها كان بحال لي غوب دالعروس .... وقفات بشوية وبدات كتحل حزام بينوار تا طاح كامل عند رجليها وبقات بدوبياس بيضين وقربات لجهة دفستانها حتى وصلات حداه وبدات دوز بيديها عليه فستان بسيط وراقي تصميمو كيوحي لرسمية هاد المناسبة و هاد الزواج لي دخلات ليه مع رازفان .. مع اول حب ليها عمرها كانت كتحلم بهاد الليلة و مع رجل بحال رازفان كانت كظن غيكون توفيق هو زوجها و سندها لكن كلشي جا عكس توقعاتها تبسمات بطرف شفايفها ....حيدات سوتنيناتها و
لبسات لاغوب لي كانت طويييلة وفيها فتيحة من واحد الجنب ومن لفوق دانتيل و لتحت توب ستان فالابيض وفتحة فالوسط مبينة صدرها .. لاغوب جاتها مزيرة على خصرها ومن لتحت واسعة شوية .. جلسات فوق السرير ولبسات صندال طالون بيضة .. ووقفات غادة لمرايتها هزات عطرها طوم فورد عطرات به نفسها
وجلسات على الكرسي .... ودارت سلسلة فعنقها رقيقة فيها حجرة لامعة ، لبسات خاتم فإبهامها واحد فسبابتها ... وعينيها كيشوفو فالمرايا تاسمعات لڤيب فتليفونها هزاتو كتقرا فالميساج لي وصلها وتبسمات " مدام روسيل راني سلمت لاغوب لمادموزيل جيسيكا " .. عضات على شفتها و دخلات كتبات ميساج لرازفان .....
- اِجْعَلنِي سعادةََ لك كما جعلتُكَ سعادةََ لِي
حطات تليفون وبدات كتمشط فشعرها بصبعانها كتحل لي بوكل وكتسنى فالرد ديالو
عند جيسيكا ....
دخلات ضاحكة لدار هازة كارطونة من ديور ستلماتها غير شي ثواني دخلات بها لبيت عند لورا لي كانت قدام مرايتها كتجهز راسها
جيسيكا : ماما خالتي آنا صيفطات ليا هادي
لورا : ( شافت فيها مستغربة ) شنو هي ؟؟
جيسيكا حلات الكارطونة هي تحل معاها فمها كانت غوب بيضة أنيقة هزاتها من بواط ديالها كتشوف فيها وضحك
جيسيكا : لاغوب كاتحمق اماما
لورا : لعجب للي ختي فكرات فيك وصيفطات ليك لاغوب .. غتلبسيها !!!
جيسيكا : خالتي كبراات بيا ومنلبسهااش حشومة 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 464
جناح روسيل
كانت بقى جالسة فكرسي وعنيها محيدوش على تليفون كتسنى الرد تاع رازفان على الميساج لي صيفطات ليه حتى تحلات الباب شافت من المرايا شكون داخل وتبسمات عاضة على شفتها عرفاتو غايكون قرا الميساج وتاهو فضل يجي لعندها على انه يجاوبها فميساج سد الباب و تقدم عندها وهي كتشوف فيه بنظرات كلها حب و إعجااب بهاد الطلة .. كان بكوستيم كحل و الشوميو البيضة مخشية تحت السروال جاتو مزيرة على صدروو و لفيست خلاها محلولة ريحتو كانت محاوطة المكان ...... قرب عندها بخطوات تابثة حط صاك لي كان فيه مجوهرااتها وهي ناضت وقفات قدامو وشد يدها بلابقة وقبلها وعينيه الزووورق كيشوفو فعينيها ديريكت و هي مبتاسمة و عينيها كيلمعو بالفرحة
رازفان : اوا امدام المتوكل .. فرحانة ؟
روسيل : الحفلة دايراها على قبلي وخبيتيها عليا
رازفان : كون قلتها ليك اضيع المفاجأة
روسيل : ملي شفت لاغوب عرفت بلي هاد سواغي درتيها وعلى قبلي و باش نعلنو على زواجنا
رازفان : كنواعدك غير يفيق باباك ندير ليك عرس عمرك تنسايه
روسيل : ان شاء الله .. وقووول لياا ( بضحيكة دوباتو ) كي جييييييت
بدات كضور حداه وهو تبسم غير بعينيه ...
رازفان : بيوريفل ( ميل راسو فيها ) غير هو الكسوة معيقة شوية
روسيل : ( ضارت المرايا ) مامعيقااااش غير كيبان ليك
ضورها لعندو من كتفها و روسيل شافت فرازفان لي مد ليها يديه خشا يدو فجيبو جبد لبوطات بجوج حط ديالو لي فيها خاتمو فوق الكوافوز وحل ديالها وهي مدات ليه يديها شد صبعانها وعلا عينو شاف فيها وهي تبسمات ضاحكة ضحكتها الخفيفة ... وركب ليها الخاتم ... هزات تاهي بواطة لي فيها خاتمو فتحاتها وهزات منها خاتمو ومد ليها يديه وهي كتركبو ليه وكتشوف فعينيه
روسيل : كنواعدك اني غنكون ليك الزوجة للي كتمناها
رازفان : ( كيشوفها كدخل الخاتم فصبعو بشوية ونطق ) وانا كنواعدك غنكون ليك السند
روسيل : ( دخلات الخاتم فصبعو كامل وقالت ) كنبغييك
رازفان جبدها لعندو عنقها وهي زيرات عليه بيديها معنقاه تابعد عليها وحاوط وجها بيديها
رازفان : كنبغيييييك 🔥آهـــات_قـاتـلة_Razvan🔥
💞الفـصـل الـثــاني : عــواصف الــحب💞
🌠الـبـارت: 465
نعت ليها بيديه لصاك لي موراها ...
رازفان : هادوك ديالك .. خديتهم ليك مع الخاتم ... و المهر ديالك غنعطيه ليك
روسيل : مابغيت والو منك يكفي انك حدايا ومعايا
رازفان : راك مرخيصاش عليا ...
روسيل : خالتي آنا خدات ليا كادووات حمقوني
رازفان : حمقوووك غير ديال خالتك آنا وديالي انا ؟
روسيل : ( عنقاتو من عنقو ورجعات راسها للور كضحك وقربات عندو حاطة جبتها على جبهتو ) ديالك باقي مشفتش خدمتو باش يحمقني ( غمزاتو وهو تبسم ليها )
رازفان : دابا تشوفيه بعينيك عندك غير نجبدو ليك وتهربي ليياااا
روسيل : على هاد الحساب نوجد راسي هاد لليلة
رازفان : مغنبااتوش هناا غنمشيو لوطيل
روسيل : علاش ؟
رازفان : نخاف تشوهني مع الواليدين
روسيل : لاااء .. متخافش مغندير والو ومغنقول والو
وهبطات عينها لشفايفو يلاه غاتبوسو هوما يسمعو الدقان وتنهدات بفقدان صبر .....
روسيل : ( غوتات باش يسمعوها ) كارولينا بلاتي شوية و رجعي
رازفان : مالها ؟
روسيل : عيط عليها قبيلا طلع عندي
رازفان : ( زير على خصرها بيديه ) اشنو دابا .. هممم !
روسيل : ( معسلة فيه عينيها ) همممم !!
سمعو صداع من البالكون و الهضرة فالجردة وحس طوموبيلات داخلين الحال كان ظلام و الساعة كانت السبعة والنص
رازفان : نخليك نمشي نشوف اريا واش وجدات
روسيل : واخا