(بديره)
وصلوا المدرسة وكان زحمه
رغد:شسالفة
نزلوا و راحت حور تسال وحده من البنات ورجعت
رغد:شسالفة
حور:في تفتيش
حنين :يليل
جت مها
مها:عندكم شيء تبون تخبونه؟؟
طلعت حنين جوالها و سماعه و عطتها و حور عطتها جوالها و رغد عطتها روايتها و جوالها
مها:الوعد بعد الاختبار
وكانت بتروح لكن مسكتها حنين من كتفها
حنين:ابيه قبل الاختبار
مها:مادري بحاول
و راحت
رغد:مادري كيف ذي تنط من وراء
حور:معليك منها
حنين:يلا خذي احفظي
جت المعلمه:هي انتوا تعالوا وافقين وراء شكله وراكم بلاء
حنين(بصوت واطي)البلاء وجهك قسم
المعلمه:قلتي شيءءء
حنين(ببرود)لا
وراحت ولحقوها حور و رغد
وصلت ديم عند التفتيش و بداوا يفتشون مريوله واصلا ما اخذت معها شنطه
المعلمه(بشك)متاكده ما عندك شيء ز
حنين:اي
المعلمه :طيب ادخلي
دخلت حنين وراحت فصلها وفي طريقها مسكوها بنتين على الزاويه
خلود:خلصتي؟
حنين:مجهزه الفلوس
خلود:اي ٣٥٠
حنين:وانتي
الجازي:اي ١٠٥
طلعت حنين من جوتيها الفلاش اختبار الجامعة
خلود:يربي الحين كيف اعطي اخوي برع
حنين:شوفي مها بس تراه ٥٠
خلود:تم
الجازي(وهي تمد الفلوس):يلا وانا
حنين:انتي تعالي الحمام
وراحت معها
دخلت حنين الحمام و طلعت مريولها وقلبته و كان فيه فتحه وطلعت علبتين دخان
ورجعت تلبس المريول وحطت العلب تحت المرحاض
وطلعت لصفها دخلت وحصلت البنات جالسين وراحت اجلس معهم
رغد:يلا بروح فصلي ابي اراجع مع البنات
هزت حنين راسها وراحت رغد
وكانت حور جالسه تسال البنت عن الدروس
وبعد خمس دقايق جت مها وهي تغمز لحنين من بعيد فهمت حنين و قعدت شوي وبعدين طلعت الحمام ودخلت الحمام الي على الزاويه و فتحت كيس الزبالة و حصلت الجوالات هناك خذت جوالها و جوال حور و رغد
و خبهتم زين و اول ما طلعت حصلت المرشده بوجها
المرشده:شتسوين هنا
حنين (بهدوء )يعني حمام وش بسوي فيه
المرشده:ارفعي ايدك
رفعت حنين يدها بملل ورجعت المشرفه تفتشها ولا حصلت شيء
حنين:ها ارتحتي ؟
وطلعت
المرشده:ادري وراك شيء يا قليلة الادب
دخلت حنين الفصل و عطت حور الجوال
حور:من وين جايبته
حنين:اخذته من عند مها ،روحي راقبي ابي اتصل
قامت حور وراحت عند باب الفصل وهي تراقب و اصلا نص البنات ماسكين الجوال
دقت على جدتها لكنها ما ردت توترت حنين شوي وهي تدق مره ثانيه ولا ردت راحت على طول دقت على زوجة عمها بلال
ام بلال:نعم حنين مو المفروض انتي في المدرسة
حنين:معلينا ادق على جدتي ولا ترد خلي احد يروح يشوف او فيها شيء ولا روحي انتي
ام بلال:تمام ..'
سكرت حنين الجوال اول ما غمزت لها حور وهي تجلس جنبها دخلت المراقبة و بدات توزع الاختبار الي كان على البعض سهل وعلى بعض صعب بعد الاختبار
رغد(وهي جايه ):اقففف الاختبار زفت
حور:يعني ما كان سيء
حنين:سهل يلا نطلع
طلعوا من المدرسه
رغد :يوهههه نسيت جوالي و الميكب
حنين (طلعت حنين الجوال وهي تدمه لها) خذي
رغد:بسم الله متى امداك تجيبينه
حنين :عندي من اول المهم قولي لاخوك لا يمر علينا ابي صيدلية
رغد :طيب
و راحوا يمشون و دقت حنين على جدتها و ردت
حنين:ها جده وينك ما تردين
الجده(وهي تكح)تعبت شوي ولا قدرت اتحرك
حنين:بسم الله عليك انا الحين رايحه اجيب الدواء
الجده:تمام
وسكرت حنين
حور:ايش فيها
حنين :تعبت شوي
رغد:يعمري هي
دخلت حنين الصيدلية و لما خلصت طلعت
حنين :يلا
راحوا يمشون لين وصلوا البيت
وصلوا البيت ودخلوا راحت حنين غرفة جدتها ودخلت حصلت ام بلال و الجده
حنين:السلام عليكم
ام بلال :وعليكم السلام ،الحمدلله ما تاخرتي بروح اسوي الغداء اهل البيت ينتظروني
حنين:طيب خلي بنات هنا يتغدون
ام بلال:اي تمام
حنين:كيفك جده
الجده(وهي تكح):الحمدلله الحمدلله
طلعت حنين ادواء وهي تعطيها
حنين:ان شاء الله يخف الألم الحين بروح اسوي غداء واجي
كانت حنين بتطلع بس دخلت رغد وهي تركض لحضن جدتها
رغد:جدهههه اشتقت لك
الجد(بابتسامة)اشتاقت لك العافية
ابتسمت حنين بهدوء وطلعت.
طلعت حنين من الغرفه و راحت غرفتها عشان تبدل و حصلت حور على الزاوية وهي تكلم
حنين(وهي منزله حواجبها باستغراب وتأشر بيدها يعني من؟
حور:اسمعي شوفي حنين جت
رحلت حور عند حنين وهي تحط السماعة باذنها
...:حنين كيفككك
حنين:اهاا نرجس الحمدلله بخير من زمان عنكم
نرجس :والله انتوا القاطعين
حنين:تعرفين الشبكه هنا يلا يلا توصل ما علينا متى ناويين تجون جدتي مره مشتاقة لكم
نرجس.:اوهه جدتي وربي ميته شوق لها صارحها لسا ما قررنا ننتظر اخوي ياخذ اجازة ونروح
حنين:اهااا المهم وش صار على طلبي جبتي؟
نرجس:تم الامور عندي
حنين :كفو
سحبت حور الجوال وهي تكمل سوالف
راحت حنين تبدل ولما خلصت لفت على حور آلي منسدحه على السرير
حنين:هي يلا ساعدين نسوي غدا
هزت حور راسها و حنين طلعت
(في الرياض)
بعد الفطور راح حسين و ماجد لشغلهم و كان سعود بالبيت وجالسين بصاله وأبو ماجد راح ينام وشهد نامت مع عيالها
كان سعود جالس على جواله نرجس ماسكه صيته و تلعب معها و ام ماجد تشوف الاخبار
نرجس:يا ورع تغشين اجل راجعي مكانك ولا ما اعطيك يلا
رجعت صيته مكانها و اشرت لها نرجس بيدها عشان تنط لكن ما نطت وهي تناظر فيها
نرجس:اهخ يا صيته ليه انتي مو نفس باقي القطط
جت صيته وهي تجلس بحضنها
نرجس:لالا الا ذي الحركه تحرك شيء بقلبي خذي يا قلبي انتي
وعطتنها مكافاة
سعود:حمد الله وشكر ماحد يقدر يتحملك كثرها
نرجس:انت خلك على جوالك واسكت بس...
قاطعهم رن جوال نرجس اخذت نرجس الجوال و سعود يراقبها
نرجس:يمه هذي حور
ام ماجد:اي ردي ردي
وجاء سعود جنبها
نرجس(وهي تدف سعود) هلا حور كيفك
حور:الحمدلله قبل شوي ما رديت كنت في الاختبار
نرجس:خوفتينا عليكم المهم كيف كان اختبارك
حور:الحمدلله سهل
نرجس:اشوه الا جدتي وين؟
حور:داخل تعبانه شوي
نرجس:بسم الله عليها وش فيها
حور:مادري والله بس حنين شرت لها دواء و راحت تعطيها وان شاء الله يخف
نرجس:الله يعطها العافية حنين مادري كيف متحمله المسؤولية المهم كيفك وكيف عمي
حور :الحمدلله بخير
سحبت ام ماجد الجوال
ام ماجد:حور بنتي كيفك وكيف الاهل
حور:هلا خالتي الحمد لله كلهم بخير كيفكم انتوا وعمي وين
ام ماجد :الحمدلله احنا بخير وابو ماجد نايم
حور:متى ودكم تجون
ام ماجد(وهي تحاول تهدي نرجس الي نطت فوق سعود بعد ما همس لها) والله مادري قريب ان شاء الله اقل من سبوع وين اختك
حور:عند جدتي
ام ماجد:الا سمعت انه الجده تعبت فيها شيء
حور:لا معليك هي بخير الحمدلله
مدت ام ماجد الجوال لنرجس
نرجس(بعد ما رفست سعود)هلا ياقلبي اي
حور:انتوا خلصتوا الدراسه صح؟
نرجس:ايه انا خلصت بس فرح بكره بتخلص
حور:شوفي حنين جت
نرجس:حنين
لف سعود على نرجس اول ما نطقت اسمها هو ما كان يحبها بس يجيه فضول اتجاها ما يعرف عنها شيء غير انها صف ثاني ثانوي واسمها حنين
لحظت نرجس وابتسمت
نرجس:اي بخير الحمدلله
وبدات تسولف معهم لين قالت حور بروح اساعد حنين وسكرت
ام ماجد:يحليها حنين رغم صغرها الا انها شايلة جدتها ومهتمه لها
قاطعه دخلو عمر وهو يسلم على امه
ام ماجد:وينك عمر ما شفتك اليوم ابد
عمر:والله كنت عند اخوياي عندي مشروع بسيط وبعدين رحت الشغل اخذ اجازة وابشرك خذيت لمدة اسبوعين
سعود:غريب كيف عطوك بسرعه بذي انا خذيت اسبوعين بصعوبه و واسطه بعد
عمر:ياحبيبي انا مو كل ما زانت الجلسه اخذت اجازة
سعود:ولا انا ترا ما اخذ كثير
عمر :واضح يلا استاذن بريح شوي
ولف على نرجس
عمر:وانتي صحيني الساعه١٠
نرجس:ليههه
عمر:خلي عنك القافلة وقوميني وانتي ساكته
نرجس:هي انت تكلم معي باحترام ولا والله ما اقومك
مسك عمر الفنجان وقال:انطمي بس لا اصكك بذا لسانك طولان تعرفين وش اسوي لو ما صحيتين
نرجس:بسم الله خلاص طيب
عمر:اي خلك كذا
طلع
سعود:غريبه وشو الي بيسويه لك ابي اعرف و اضبطك ؟
نرجس:شدخلك انت
سعود:ورعه احترمي نفسك لا الحس فيك الارض
ام ماجد:عيب عليكم احترموني انا هنا
سعود:معليش يمه
قامت نرجس واخذت صيته
نرجس:سعود قم نلعب كوره طايره
سعود:تم
ام ماجد:استغفر الله وش البنت ذي
طلعت نرجس و وسعود وراها رمت نرجس صيته على الارض وهي تاخذ الكوره وسعود رفع ثوبه عشان يلعب
رفعت نرجس الكوره ورمته لسعود وهو يرميها لها وبعد خمس دقايق
سعود:اوبع الهدف السابع
نرجس:معليه اكثر مني بثلاثة
ورفعت كوره وتضرب بقوه وبنفس ألحظه دخلت فرح وجت الكور براسها وطاحت
نرجس:بسم الله
سعود:الكور قويه الله يقلعك
وقعد يحاول يصحي فرح
جت نرجس وهي خايفه
نرجس :ليكون ماتت؟
قام سعود وهو يحمل فرح ويدخلها اول ما شافت ام ماجد فرح ركضت بخوف
ام ماجد:شصار شصار؟؟
سعود:الكوره جت عليها نرجس روحي جيبي ماي
رحت نرجس بسرعه وجابت ماي
سعود(وهي يطبط على فرح)فرح هي بنت
جت نرجس وبيدها ماي واخذ سعود الماي وهو يرش شوي على وجهها وبدت فرح تصحصح شوي شوي
ام ماجد:الحمدلله
فرح:شسالفة
اول ما صحت حضنتها نرجس وهي خايفه
نرجس:احسبك متي
ام ماجد :بسم الله عليها الا وش الي صار
بدا سعود يحكي لهم وهم يضحك
ام ماجد(وهي تضرب راس نرجس)غبيه انتي
نرجس :ما كنت اقصد وربي
قامت فرح وهي تدعي على نرجس وراحت فوق
سعود:رحمتها يلا نكمل
نرجس:انقلع
وراحت فوق وهو يضحك عليها