106
واللفعة ديال بنتها تاهي لي شافها تحمقو بحالا كتسحرليهم وزايداها عارضة عليا بغاتني قالك بنتي تونس بنتها.
لبنى:حشومة اماما هادشي والله راختك هاديك.
الهضرا كاملة دازت على مسامع واحد الشخص لي ملي بداو الهضرة وعيونو سايلين بالدموع وكيتصنت عليهم.لبنى ومها هبطو التحت يعاونوهم زعما اما مﻻك طلعو عندها عيالات خوتها فاش ودن العصر حيت قرب الوقت لي غيجيو فيه دخلو لقاوها متوترة كتمشي وتجي وكتبان ماشي هي هاديك ومشاو جلسوها نشفو ليها شعرها حيت كان باقي فازغ من الحمام وعاد كانت جامعاه كملوه ليها جاها زوين اول مرة تصاوبو وطبعا حيت عارفين الغالية متخليهاش تعريه خلاوها بيه شوية عاد تلبس باش توجد راسها بقات طالقاه وكضور بيه وكتقيسو عجبها وهوما كيضحكو عليها حتا دخلات ثورية كانت هازة غندورة زعما تلبسها اليوم كتسحاب واش مموجداش حيت عرفات بلي جا داكشي بالزربة دخلات بابتسامة صفرا شافتها طالقة داك السالف طويل فايت تريمة شوية وكيبان قوي وكثيف كيبري وتالوين لي فيه زوين كيبان كحل ولكن لاكان الضو كيبقا يميل للقهوي زيرات على الكندورة وشافتها مﻻك ونطقات:خالتي مالكي
.ثورية عاد وعات وتقدمات بضحكة مغللة:هه ابنيتي جبت ليك هاد الكنيديرة تلبسيها عارفا جا هادشي بالزربة وقلت راك مشاريا والو.
ناضت حليمة كطلع وتهبط فيها مكتحملهاش ﻻهي ﻻعيالات لوخرين:ﻻ مانساوهاش خوتها مساكن جابو ليها متلبس
ثورية شافت فمﻻك وكدبل عويناتها:الله يابنتي وتشهيت نشوفك ﻻبساها.
ملاك توترات مبغاتش تحشمها وتقلقها وفنفس الوقت باغا تلبس القفيطين لي جاب ليها خوها:ولكن اخالتي راعندي .ثورية هبطات راسها دايرة فيها مقلقة:واخا ولكن هانتي لبسيهم بجوج لبسي هادي فلول وعاد لبسي لي جابو ليك خوتك بدلي باش تباني زوينة ومغيرة.مﻻك حشمات ومدات يديها تمدهم ليها حتا
107
حتا دخﻻت لبنى شافت فمها مادة ليها شي حاجة بيضة مع مطوية معرفتهاش شنوهي مي مجاتهاش غريبة:ماما شنو هادا.ثورية شافت فيها بثوتر:هادا اه غنيديرة جبتها لبنتي مﻻك تلبسها ليوم.لبنى باستغراب كتشوف فلغندورة عاد عرفتها ديالها شراتها باش تلبسها اليوم:ولكن اما ياك ديالي وعاد مﻻك ضروري متكون واخدة شي حاجة.ملاك جمعات يديها فاش سمعت لبنى شقالت جاتها من الجنة والناس.ثورية بغضب مخبي فهماتو غي لبنى حيت حافضاها:ومالها شفيها ﻻخليتيها مسيكينة تلبسو غي اليوم.لبنى حنات راسها معرفاتش مال مها ولكن لي متاكدة منو من ورا هاد المحنة غي شي موصيبة:اه ﻻ ماشي موشكيل.ثورية عاد ضحكات ومداتو لمﻻك لي شداتو من عندها وتبسمات ليها مﻻك فوق قلبها ممرتاحاش ليها كيف ديما ولكن دابا كثر.خرجو وثورية بدات كتعاير فيها والشخص تخبا فور ماشافهم خارجين.هبطو التحت وثورية كتسنا بفارغ الصبر خطتها تنجح كانت دايرة فالغندورة والزيف ديالها عشبة مطحونة كتنوض اللحم ديك الساع هي بحال الحريغة ﻻكنتو تعرفوها هههه لكن هادي كثر كتكون مخلطة وفيها تالحريغة مطحونة معاها المهم كتخلي اللحم داغي كيولي حمر وكيتنفخ ويقدر يتسلخ غاع الله يستر.نرجعو لعند مﻻك لي كانت ﻻبسة ولكن ملبساتش غاع هاديك لبسات لي جاب ليها خوها جات رائعة دارت ليها مرت ايمن شدة زويونة لزيف ووقفات قدامهم بداو كيطلعو ويهبطو وكيدكرو الله وناضت حليمة لساكها جبدات شي حاجة من ساكها وضارت عندها:دابا يالالة خاصك غي شوية من هادا وباراكة.مﻻك شافت بانت ليها الباطة ديال المكياج:ولكن عنداك مي تخاصم.جراتها حليمة جلساتها بعيد على المراية:اشمن تخاصم اليوم نهارك زعما انا متاكدة مغتدير والو غي تهناي.تنهدات وجلسات ومن الداخل مخلوعة من مها من ديما ضد فكرة انها يكون عندها مكياج وﻻ ديرو حليمة كمﻻت
108
كمﻻت ليها بقا ليها غي العكر شافت مع شنو ﻻبسة وهي تجبدو حمر كيالدم باش يبان ودارت ليها شوية بقات كتشوف وهي تعاود دارتو من الفوق عاوداتو مزيان ضربتها ليها بتعكيرة فمها وﻻ كيبان اراك من بعيد نوضاتها وبدات كضحك بحاﻻ دارت انجاز وداتها للمراية ومﻻك تاهي بدات كتفرنس تاشقات:ويلي مالك اختي درتي ليا هاد العكر حيديه ليا مبغيتش غتخاصم عليا مي.حليمة ضارت بالزربة غمزات لخرين يسكتو وضارت عندها:راه مكيتحيدش راه ديال 24.غي كدبت عليها باش تخليه جاها زوين وتاسنانها بانو بيضين واخا ماشي كشعشعو ولكن ميحشموها ﻻضحكات كيبانو زوينين.جلسوها وهوما يسمعو لوطوات والدقايقية مشاو كيطلو وكيبرغو ومﻻك غالسة مقداتش تنوض وكتسمع فالهيﻻلة باش جايين اكيد صافي عوالين بحالا متافقين وكلشي.الغالية طلات من شرجم الكوزينة وبدات كتويل وضارت عند ختها لي تاهي كطل ومغددة باينة غامن طموبيﻻت ناس واصلين.الغالية:اويلي الناس جاو.ثورية ميقات فيها ومشات جلست فكرسي كان تما فالكوزينة نيت:ايوة مالك شكون بحالك جايين لديك بنتك بطبالة والغياطة.الغالية متسوقاتش ليها تالفة حيت جايين بالهرج كلشي ساق الخبار لي اصﻻ عهد دارها بلعاني بغا كلشي يعرف البنت الوحيدة لي كاينة فديك الدار صافي ترشمات مشات الغالية كتجري لعند فؤاد لقاتو كيمشي ويجي فالصالة وولادو جالسين مبردين وكيفرنسو وعﻻش ﻻ وختهم غتمشي بعزها كانو خايفين لواليديهم يديرو ليها داكشي سكوتي ساعة سدق عهد داير ليهم الشوهة الغالية وفؤاد شافو فبعضياتهم ونطقو فدقة:جايين بالشوهة.نطق خالد مخنزر فاش سمعهم:ﻻش الشوهة مالهم كيديرو شي حاجة حرام نعلو الشيطان وسيرو حلو الباب تلقاو ليهم بالحليب والتمر.الغالية شافت فحوايجها باقي ممبدلة ومشات كتجري تبدل وكتهضر:حلو عليهم ودخلوهم داغي انا نخرغ عليا شي حاجة
109
فؤاد شاف فولادو متوتر:شغنديرو دابا.الدراري ناضو كلهم:امالك الواليد بحاﻻ جاين عندك البوليس يديوك ماشي الخطاب.فؤاد كيمشي ويجي:ومالهم راجايين يديو ليا بنتي راباغين ياخدوها ليا ﻻ صافي انغوليهم معاطيش معندي بنات اش داني نغوليهم اجيو غاع.وجلس شاد فراسو الدراري بقاو كيشوفو فبعضهم باستغراب وخرجو عينيهم فاش سمعو لوطوات حبسو ولكن الطبالة باقين كيضربو بالزربة مشا خالد غوت على مرتو تقول للعيالات لوخرين تاهوما يهبطو يجيبو ليهم الحليب والتمر وهبطو تيجريو خلاو ملاك بوحدها متوترة اما فؤاد ناض مشا حل الباب هو كان مبدل ﻻبس فوقية فالباج وتبسم ببشاشة كيتسناهم يجيو كانو كيجبدو داكشي لي جايبين تقدمو عندو شمس ومحمد بضحكة سلم عليهم وكيرحب بيهم كيطلقهم لقا وراه عياﻻت وﻻدو هازين الحليب والتمر وكيرشو الماء ورد دخلو وعاد جا سلم اسامة وصفاء و عهد وسارة تاهي جات معاهم اما خالتها مشات لعند راجلها مقداتش تمشي معاهم من بعدما سلمو دخلو وعهد دخلو الخوف مخلوع ليطرا ليه كيلمرات لي فاتو واخا عيا ميطمن راسو بلي مغيكون تاشي مشكيل انشاءلله واخا هكاك وباقي مخلوع جلسو فالصالون ودخلات الغالية كانت عاد شدات الزيف دخﻻت كتسلم وترحب بيهم وجلسو كيضحكو وعاد جات ثورية سلمت ودغيا مشات رجعات لكوزينة مبانتش ليها بنتها وبقات كتسناها فالكوزينة دربات ليها فكرة فراسها والحسد عما ليها عينيها فاش تفكرات مﻻك غي بوحدها مشات عمرات كاس بالماء ومشات كتقلب فالمجورة وتبسمات فشر فاش لقات سم ديال الفيران ومشات كتخوي فالكاس:هانا يالبرهوشة القحيبة مال بنتي انا ميشوفو فيها نيت تموتي ونضور بنتي ليهم.خلطات داك الكاس مزيان وسمعات الحس وخبات السم بسرعة ضارت لقاتها الغالية لي كتشوفيها باستغراب:ثورية مالكي حشومة اجي جلسي معانا.ثورية بضحكة متوترة
110
متوترة:هه ﻻعاد لقيتيني نطلع عند مﻻك مسكينة بقات بحدها.وضارت هزت الكاس وتمات غادة مسطانعة بحاﻻ مطاري والو تاحبستها الغالية شافت فيها ثورية لقات وجها مافيه تاشي تعبير ونطقات بخوف:مالكي.الغالية شدات داك الكاس:حشمت نشربو ليك.و مشات خواتو وكتهضر:تالهاد الدرجة وصل بيك الحقد بغيتي ترزيني فكبدتي وهي لي عندي وليوم باغا نفرح بيها وعندك تانتي بنت ياحسرة.ثورية طاح ليها الما فالركابي حيت حصﻻت تلوا ليها اللسان ولكن لي غيزيد يصدمها هيا فاش ضارت عندها الغالية وعيونها مالية كره عمرها شافت ديك الشوفة فيها حيت الغالية غاع خوتها عزاز عليها عمرها حسدتهم على شي حاجة:تخايلي كون درت ليك السم فكاس بنتك نهار فرحها وبدل متزغرتي عليها فعرسها كنتي غتبكي وتزغرتي حيت مشات عزرية.ثورية بكره وحقد وغل:كنت نقتلك ونشرب من دمك(ضحكات بتهكم)ههه صافي يسحابليك زعما عتقتيها وسيري قلبيها لتكون طارت ليها الجلدة ديال ديك الكمارة لي فرحانة بيها.كيكمﻻت سمعات صوتها الباكي وضارت مخرجة عينيها****فﻻش باك***فاش خرجات ثورية ولبنى من عند مﻻك دخﻻت الغالية بالجرى وسدت الباب شافت بنتها هازة الكندورة مشات طايرة حيداتها ليها من يديها ﻻوحاتها فالارض مﻻك شافت فيها باستغراب:مي مالكي ﻻش.قبل متكمل كﻻمها بدات كتحك يديها:احح شهادشي.الغالية بسرعة شدات ليها يديها قلباتها لقاتها حمرا كلهم شهقو ومﻻك بدات كتبكي حيت حرقها وجراتها للدوش وقالت لحليمة تجيب لما بارد دخﻻتها وبدات كتفرك ليها يديها بصابون الكف غسﻻتها ليها مزيان وحليمة مدت ليها القرعة ديال الما بارد شدتها كباتها ليها على يديها مﻻك عاد سكتات حيت داغي بردات عليها خرجاتها ومشات للماء ورد حيت كان بان ليها قبيلة دهنات ليها شوية وخنزرات فيها:نتي غالي عطاك شي حاجة تشديها.مﻻك حنات راسها.... يتبع
بونوي