🌟♥
بارت29
بهيده يچويات العمر راحت ملامحنه .
♡
&&&&&&&&
.
.
.
ريم :بعد ما رفض ابو جوري عدي والجو متكهرب بين عدي وابو
وعمتي مقهوره على حاله عدي اللي عزل نفسه عن الكل وملتهي بشغله واغلب المرات فهد يروح يمه ويرجع ضايج
لان عدي تغير مو مثل قبل لايشاقه ولا يضحك يجاوب على كد السوال وامه خطيه مكضيتها تبجي وتدعيله واني بطني كبرت وبديت اتعب وحركتي ثكلت بقالي كم يوم واخلص السادس وفهد يخاف عليا من الهوا شنو اطلب على لساني وعمتي شايلتني بل صلوات ومره نظفنا البيت اني وفهد وعمتي وشطفنا خلصت وصعدت لغرفتي حتى ابدل ملابسي ما حسيت الا رجلي زلكت ووكعت من الدرج حسيت ظهري نكرم اجه فهد يركض عليا بعدها ما حسيت
فهد: رييييم تسمعيني ريم افتحي عيونج
ام فهد: ربي سترك ولج يمه افتحي عيونج
فهد: مييييي بسرعه جابولي مي وذبيت على وجه ريم
فتحت عيونها بتعب
ريم: ابني عمة ابني لحكو جاي انزف
فهد: عبدالله شغل السيارة بسرررعة يمه عباية
ام فهد: هاك يمه خلي نلحك على البنت
ريم:فهد ماريد ابني يموت اموت ورا والله
فهد: شلتها للسيارة لاتخافين حياتي مابي شي ان شاء الله الطريق كله ريم بحضني وتبجي وتصيح بطني وظهري بسررررعه عبدالله
عبدالله: ماضل شي ونصل
ريم: بطني موتتني وعمتي الطريق كله تدعي وتقري ايات وصلنا المستشفى فهد صيح عليهم اجو عليا بسرعة صعدت بعربانة لان مكدر امشي اخذوني لقسم الولادة واني كضيتها بجي خفت لا اخسر ابني فحصتني الدكتورة وكالت بعده عايش والنزف بسب الوكعة لازم اضل شهرين ما اتحرك من مكاني وعمتي سجدت شكر ونذرت ذبيحة لوجه الله على سلامه الطفل كتبتلي مثبتات وانطتني مقويات وابرة توقف النزف طلعنا وفهد يفتر بل ممر شافنه اجه يركض بتجاهنا
فهد: ها يمه بشري
ام فهد: الحمد لله يمه الطفل بخير ومريتك هم بس لازم ما تتحرك من مكانها لان مهدده بل اسقاط
فهد: الله يبشرج بل خير يمه وريم من اليوم ما تشيلين خيط بابرة وغرفتج ما اصعديها بعد
ام فهد: يلا يمه خلي نطلع
ريم: طلعنا وفهد ساندني وصلنا السيارة عبدالله تحمدلي على السلامه عمتي صعدت كدام واني وفهد ورا
فهد: لحد هسه الرجفه بيه من شفت منظرج كدامي
ريم: الحمد لله عدت اني توقعت اخسر طفلي
ام فهد: يمه ريم من اليوم تصعدين للمشتمل مالتج وكلشي يوصل العندج واهم شي ما تتحركين
ريم: ان شاء الله خاله
فهد: مو ان شاء الله وتنزلين اعرفج خلي هل شهرين تعدي على خير
ريم: تمام وصلنا البيت وفهد شالني وصعدني فوك
فهد: من اليوم حتى ما اتقرب منج وخالة ميعاد موجودة لاتشلين هم
ريم: صار وهسه انطيني علاج خلي انام شويه شربت العلاج ونمت كعدت العصر رحت للحمام شويه وصعد فهد
فهد: همزين كعدتي جدتي ومرت عمي اجوي يتحمدولج بل سلامه رادو يصعدون يمج كتلهم نايمه هسه انزل ابلغهم
ريم: تمام نزل فهد باوعت للغرفة مرتبه شويه وندك الباب وفاتو بقوا يمي نص ساعة يوصون بيا وخطيه مرت الشيخ قررت ادز فاطمه يمي تساعدني شويه وترخصن بقيت اني وفهد وحدنا اباوع علي اريد اطلب منا يساعدني بس استحي منا
فهد: شبيج حبيبي تحتاجين مساعدة بس كولي عيوني الج
ريم: اريد اسبح ومستحيه منك لان ملابسي كلها دم
فهد: لاتخجلين مني يا روحي مو انا حبيبج وروحج ومحد يخجل من روحه
ريم: كل يوم احبك اكثر من اليوم القبله
فهد: ههههه تردين انا اسبحج غالي والطلب رخيص اني امنيتي اسبحج بيدي
ريم: خجلت منا شوف انت بس حضرلي ملابس وانا اسبح
فهد: لا احنا ولد شيوخ ما نعوف احد مريض ويحتاجنا
ريم: استسلمت وطبيت للحمام وفهد معايا سبحني شلون الام تسبح طفلها وما خلاني اخجل منا كضاها يسولف معايا خلصت وجاب المنشفه ونشف جسمي وشعري ولبسني الملابس وكعد يمشط شعري وضفر شعري صحيح ما يعرف بس احسن من الماكو وبقا يمي حتى لا اضوج وحدي اذن مغرب صلينا وبعدها عمتي جابت صينه الاكل اكلنا اني وفهد وحدنا انقهرت بداخلي اول مره ناكل وحدنا مو مع العيله نزل فهد الصينه
ريم: فديت الصاير ابو بيت
فهد: ههههه ماكو مكافاه منا منا
ريم: بوسه غيرها اعذرني
فهد: عمي انعم الله بس شرط من الشفه
ريم: امري لله قرب وجه عليا وبسته بشفته
فهد: اوف الله ربي صبرك
ريم: هههه من ايدك مو تريد جهال استلم
فهد: غلطه الشاطر بالف اكلج حبيبي الشباب متجمعين عد وطن وخابروني اروح معاهم لو ابقى يمج
ريم: لا عمري روح ويا جماعتك اذا احتاج شي ادك عليك
فهد: يلا لعد مع السلامه
ريم : الله وياك طلع فهد وصعدت يمي عمتي ام فهد بقينا نسولف وتحجيلي على ايام عرسها على طفوله فهد واني اضحك صارت الساعة ١١ نزلت عمتي لان هذا وقت نومتها ضليت اكلب بل جهاز نعست وفهد بعده ما اجه طفيت الموبايل ونمت حسيت على فهد من اجه فزيت الصبح فهد ماموجود .طبيت للحمام غسلت وجهي وميته جوع طلعت للمطبخ مالتي لكيت الريوك كامل ويمه ورقه مكتوب بيها صباح الخير يا وجه الخير هذا الريوك اكلي واخذي علاجج ابتسمت تريكت واخذت
العلاج اجتي فاطمه يمي تساعدني
فاطمة: الحمد لله على سلامتج
ريم: الله يسلمج
فاطمة : اجيت اساعدج واشوف شمحتاجه بس مكدر ابات عدكم
ريم،: ماكو داعي حياتي جيتج كافية
فاطمة:عود تستحي هسه تحجين لو انتف شعرج شو بالله هههه هاي منو مسوي هيج
ريم: ههه فهد مايعرف
فاطمة: طلع رومانسي ابن عمي
ريم: انجبي اكلج عندي ملابس بل حمام اغسليهم
فاطمة: تمام ويلا ارجعي تمددي مو زين عليج الوكفه
ريم: تمام اذا احتاجيتي شي راسليني طلعت فاطمه راحت تسوي غدة وتغسل الملابس ماطولت خمس دقايق ورجعت
فاطمة: ماكو ملابس بل حمام
ريم: شلون اني اخر شي نمت وهنا بل حمام
فاطمة:عيني الظاهر فهيدان غاسلهم
ريم: فديت ابن عمج الحنون
فاطمة:اي عمي عيشيها ايامج يلا اني رايحة اساعد خالة ميعاد
ريم:خوش صعدت عمتي ام فهد تطمن عليا شويه ونزلت كملت فاطمة الغدة وراحت لبيتها ماقبلت تبقى اجه فهد تغدينا سوه وانطاني علاجي ونمت بقيت يومين على حال وفهد يغسل ملابسه وخطيه فاطمه ماقصرت يوميا ترتب البيت وترجع واني استحي اطلب منها تخدمني مرات ابجي من وجع ضهري فهد قرر يجيب وفاء تساعدني لان عمتي عدها مفاصل متكدر تصعد وتنزل وفهد اغلب الوقت بل شغل
..........
وفاء: كاعدين اني وانس نتابع فلم وشيهانة تدرس لان اجلت مادتين بل وزاري كعدت امي من النوم
ام وفاء: يمه حلمت بريم وبالي يمها كلبي عليها مثل النار
انس: خير ان شاء الله اني البارحه خابرتها زينه
ام وفاء: مو مرتاحه احس صاير شي وياها
وفاء: هسه اخابرها واحجي معاها دكيت على ريم واجاني صوتها
ريم: هلا وفاء
وفاء: هلا حياتي هاي امي تريد تحجي معاج
ريم: وينها
وفاء: انطيت الجهاز لامي ورجعت اكمل الفلم ومندمجه اجتي امي تبجي
ام وفاء: والله كلبي حسني اختج بيها شي
وفاء: بخوف شبيها ريم احجييي
ام وفاء: يمه اختج واكعة من الدرج قبل يومين
وفاء: شنووووو وهسه شلونها وطفلها شلونه
ام وفاء: صاير عدها نزف ومخذيها للمستشفى ومنطينها ابر وعلاجات وهسه بل فراش مالازم تتحرك بس للحمام وفهد جاي بل طريق حتى ياخذج تساعدين اختج هناك
انس: ليش جذبت عليا من سالتها كالت زينه
وفاء: يجوز استحت منك
اكلج ماما ياترى بابا يوافق اروح يمها
ام وفاء: معرف يمه خلي يجي فهد والله كريم
وفاء: نقهرت على ريم ياترى شنو حالها هسه
نص ساعة والباب اندك طلع انس يفتح الباب طب فهد ووطن معا تفاجئت من شفته صار اربع شهور ماشايفته فاتو للاستقبال وحضرت المي وانطيته لانس وسويت عصير وقدمه انس الهم واني يم الباب اسمع حجيهم وبابا وافق وطبعا يوصي بفهد عليه وهو يكله بعيوني ومن هل سوالف اجتي امي كالت حضري نفسج واني هم اروح اشوف اختج صعدت فوك بدلت بسرعة واخذت جنطه ملابسي وشيهانه تفتر يمي وتغمز
شيهانة : اي رايحه لديرة حبيب الكلب حظوظ
وفاء: ليش ما تنجبين بعدين اني من اخر موقف يحلم اباوع لخلقته هل مغرور
شيهانه: اممم صدكت المهم سلملي على ريم وفاطمة
وفاء: صار ديري بالج على نفسج ودراستج بوستها ونزلت لكيت امي منتظرتني طلع فهد سلمت علي وغلست عن وطن امي خزرتني وسلمت على وطن من طارف خشمي ابويا يحضن بيا كدام وطن
ابو وفاء: ارجعي بسرعة البيت ضلمه بدونج معرف شلون راح اتحمل فراكج
وفاء: البيت منور بوجودك ان شاء الله يوميا اخابرك دير بالك على نفسك ولاتنسى علاجك بوسته وطلعت صعدت بل سيارة فهد كدام واني واني ورا ووطن يسوق امي وفهد يحجون واني مخليه راسي على جامه
وطن مشغل اغنيه عشرين عام وصل مقطع (انابياع من يشتري حلمي ومواويلي ينطني كلبه الخلي وياخذ سهر ليلي مليت من حسرتي والي هدم حيلي بيعوني تالي كلب ماضل كلب بيا وانطوني تالي كلب مضل كلب بيا) رفعت راسي واجت عيني بعين وطن يباوعلي من المرايا خزرته ودرت وجهي اكيد يحن لحبيه الكلب اكيد يحبها ولا ليش يريد يبيع كلبه
اوفففف مو علساس تنسي يا وفاء اول لقاء بينكم رجعتي تفكرين بي رجعت اباوع للطريق سمعت اغنيتي (شمسويلك ) استغربت من وطن شغلها امي ابتسمت بوجهي وحجت هاي انت هم تسمعها وفاء خابصتنا بيها
فهد: من يوم عزيمه عمو فارس عرفناها وصرنه نسمعها خاصة وطن
وفاء: جنت احبها وهسه بطلت
وطن رفع حاجبه وعلا الصوت واني مدي اخنكه مسوي حرب بارده هينه ياوطن
غمضت عيوني مر الوكت حسيت على امي تندسني رفعت راسي احنا واصلين ووطن ضايج احسن حيل بي نزلت ابتسم على عناده ام فهد استقبلتنا صعدت فوك لريم حالها حال خطيه متكدر تكوم ركضت عليها حضنتها ودموعي تنزل
ريم: خبله ليش البجي والله مابيه شي
وفاء: ادري بس ما تحملت اشوفج بهل منظر
ريم: صايرة حنونة ماعرفتج
وفاء: انجبي ماتستاهلين دموعي
ريم: ههههه هاي وفاء الاعرفها اي سمعت وطن جابكم
وفاء: اسكتي غير ردت ارتكب بي جريمه مشغل اغنيتي ويكل لامي وفهيدان يكول وطن يسمعها
ريم: ههههه هاي اول يوم وعلكت الله يستر من الايام الجايه
وفاء: اني ما اضمن نفسي اي شلون صرتي اليوم
ريم: نفس الشي وها دزيت عليج لان استحي من فاطمه وخالة ميعاد تغسل ملابسنا وتسوي شغل البيت
وفاء: انتي اشري ومعليج وها راح احط غراضي بل الغرفة اليمكم خما عبدالله يصعد يمكم علمود حجابي
ريم: لا من يطلع فهد اخذي راحتج ومن يجي اتفقنا يدك عليا
وفاء: حلوو وهسه راح ابدل واصلي واسويلكم احلى عشه
ريم: ماما ليش ما صعدت معاج
وفاء: كاعدة مع عمتج هسه شويه وتصعدلج
ريم: توضيت وصليت واني بمكاني خلصت صلاه وامي طبت حضنتني و تبجي
ام وفاء: يمه ريومه عمت عيني عليج شصاير بحالج
ريم: الحمد لله على كل حال فهد وعمتي ما مقصرين عليا بشي
ام وفاء: اكيد يمه جيت اموت من سمعت
ريم : اسم الله يومي قبل يومج
وفاء: اذا خلص الفلم الهندي مالكم اكدر احجي
ريم: ههه شنو
وفاء: اذا اسوي طبخ تاكلون لو خفايف
ريم: فهد يحب خفايف لان مسوي رجيم بس اليوم لازم طبخ لان ماما هنا
ام وفاء : لاتعبين نفسج يمه عشانا ابيت الشيخ
وفاء: اني ابقى يم ريم انتي روحي
ام وفاء: عيب من العالم عزمونا
وفاء: ما اروح واذا رحت اخزيكم
ام وفاء: اعقلي يمه احسن لا يطلع جناني عليج وتعرفني
ريم: علكت بين امي ووفاء اعرف وفاء ليش ماتريد تروح حجيت ماما اني احتاجها اريد اسبح وطلبت منها تبقى يمي
ام وفاء: ما تحجي ليش تخليني اضوج منها
وفاء: ليش انتي تخلين احد يحجي
ام وفاء: انجبي وكصري لسانج واذا سمعت بيج ياوفاء مطوله لسانج اكصه تسمعين
وفاء: افتهمنا نزلت امي وسويت العشه تعشينا اني وريم غسلت مواعين ورجعت يم ريم اسمع شصار على خطوبه عدي انقهرت على جوري اجه فهد ترخصت امي بقت جوا مع ام فهد نزلت البيت هدوء الظاهر الكل نايم صعدت فوك خابرت جوري وحجيتلها على سالفه ريم
بقينا للفجر نحجي نعست صليت فجر ونمت
كعدت الصبح تعبانه وجسمي متكسر لان تغير مكان نومتي باوعت الساعة ثمانيه غسلت وجهي ورحت لغرفه ريم دكيت الباب اجاني صوتها
ريم :تعاي فهد جوا
وفاء: صباح الخير
ريم: صباح النور
وفاء: شلون صرتي اليوم
ريم: شويه احسن بس بعده ضهري يوجعني
وفاء: يلا على العلاج تصيرين احسن اكلج متريكه لا
ريم: لا انتظرج ناكل سوا
وفاء: حلو لعد اسوي ريوك واجي صدك امي راحت لو بعد
ريم: لا بعد فد شويه فهد يوصلها
وفاء: رحت للمطبخ سويت ريوك واخذته لغرفه ريم جاي ناكل وامي فتحت الباب
ريم: ماما تعاي تريكي ويانه
ام وفاء: بل عافيه تريكنا اني وام فهد يمه ريم انا شفتج واطمنت عليج وهاي اختج يمج بعد انا ارفع الزحمه
ريم: لا عفيه ماما ابقي اليوم يمنا ما شبعت منج
ام وفاء: لايمه ابوج وحده واختج شيهانه عدها درس مكدر اطول ويوميا اخابرج واطمن عليج
ريم: براحتج
ام وفاء: وانتي وفاء اسمعي زين باوعي عليا
وفاء: نعم
ام وفاء: انجبي واحجي عدل طول لسان مااريد حركاتج بطليها روحه منا منا ماريد تكعدين هنا وتنجبين
وفاء: صار ماروح بس للديوان احل فصول مع الشيخ
ام وفاء: حتى اكسر رجلج
وفاء: شتدرين بيا يوميا طابه وطالعة وها ترى على فطومه اروح مو تكولين بعدين
ام وفاء: اذا فاطمه اي غيرها لا تحلمين
وفاء: افتهمت وحفظت الدرس اوامر ثانيه
ام وفاء: دنشوف ويوميا اخابر ريم واسالها عليج
ريم: ماما ما عليج بيها ترى بس لسان
وفاء: حتى ريوك بطلت
ام وفاء: شكلنا زعل على اكل بطلي اريد بيت ابو فهد يكولون ربت ونعم ما ربت
وفاء: بعيوني وهاي بوسه يااحلى ام بل دنيا
ام وفاء: اي هيج صيري عاقله
يلا يمه ريم ديري بالج على نفسج وعلى طفلج وانتي وفاء ابقي يم اختج وكل فترة خلي تكوم تمشي شويه وترجع وعلاجها لا تنسي
وفاء: ان شاء الله نزلت جوا مع امي سلمت على الكل وطلعت شفت وطن واكف يم فهد مااهتميتله
ولا كانه موجود
ودعت امي فهد يوصلها طبيت للبيت شفت ام فهد تغسل مواعين رحت اخذتهم منها
ام فهد: عوفيهم هسه اني اغسلهم ما يسون كم ماعون
وفاء: لا خاله شلون انتي تغسلين لعد ليش اني هنا
ام فهد : حتى ادارين اخيتج مو تشتغلين
وفاء: خاله اني من اليوم اني انزل انظف البيت من يطلع عمو والولد والطبخ انا اطبخ فوك واحسب حسابكم ليش نطبخ كلمن وحد وتعبين روحج
ام فهد : لايمه زحمه منج انتي خطار
وفاء: ازعل منج خاله انتي مثل امي واني ما اقبل امي تتعب
ام فهد: الله يرضى عليج خاله وينولج البالج
وفاء: امين ويلا هسه روحي اخذي علاجج طلعت ام فهد واني غسلت المواعين ورتبت المطبخ ونظفت البيت وصعدت فوك غسلت ملابس ريم طبعا فهد هوا يغسل ملابسه مايقبل اني اغسلهم حطيت الاكل على نار ورحت رتبيت البيت وعطرته كملت الاكل اذن ظهر طبيت للحمام سبحت بسرعه ولبست دشداشة لون فستقي وابيض لبست شال ابيض وصليت ظهر سمعت صوت فهد
فهد: يالله يالله
وفاء: اصعد ابو النسب البيت بيتك
فهد: هههه وين مريتي مشتاكلها
وفاء: بغرفتها يلا صلي حتى اصب الاكل راح فهد لغرفته اني بديت اصب الاكل طبعا حسبت حساب اهل فهد صيحت فهد يجي ياخذ الاكل لاهله
فهد: عاشت ايدج خويه ولو جاي نتعبج
وفاء
: هههه كلو بل دين مسجل لاتخاف اطلعهن وحدة وحدة منك ومن مرتك
فهد: انتي بس اطلبي وتدللين
وفاء: يجي وكتهم يلا نزل الاكل لا يبرد
فهد: اكلي انتي وريم اني اكل معا اهلي حتى تاخذون راحتكم
وفاء: ماشي من تخلصون دك عليا حتى احضر الجاي
فهد: شدعوه ترى نعرف نسوي جاي
وفاء: ههه تمام نزل فهد ياكل مع اهله وتغدينا اني وريم ضحك وشقه
فهد دك على ريم حتى يصعد اني لميت السفرة ورحت للمطبخ كملته نزلت جوا لكيت ام فهد بل مطبخ اخذت المواعين وغسلتهم وهيا يمي تسولف صارت الساعة ٢ الكل راح نام اني صعدت لغرفتي نمت كعدت العصر صليت وكعدت مع ام فهد اذن مغرب ترخصت منها وصعدت لريم انطيتها علاجها صليت وبلشت بل عشه معرف شنو يحبون سويت سمبوسه وتبسي ونواشف نزلت الاكل لام فهد شافني ابو فهد وضل يتشكر مني صعدت فوك تعشيت مع ريم خلصنا لميت السفرة وكملت المطبخ خابرتني ماما طمنتها رحت لريم جان فهد يمه دكيت الباب
فهد: فوتي وفاء يلا ريم اني رايح للديوان الشباب كلها هناك محتاجه شي
ريم: سلامتك
وفاء: فهد عادي تاخذني بطريقك اروح اشوف فاطمه
فهد: يلا بدلي انتظرج
وفاء: رحت لبست احلى شي عندي عناد بوطن رتبت وجهي ورسمت عيوني
لبست عبايه لكيت فهد منتظرني وريم تغمز من ورا فهد
فهد : يلا مشينا
وفاء: وصلني فهد وراح للديوان طبعا بيت فهد طبك بيت وطن واكو باب بينهم من جهة الحديقه مارحت منا رحت من يم الديوان عناد بوطن دكيت الباب وفتحتلي فاطمه
فاطمه: بسم الله شجابج هنا انتي وفاء لو جاي احلم
وفاء: هههه لا جاي تحلمين واني مو وفاء اني عملج الصالح
فاطمه : ههه ياهلا بل ضلعه نورتي بيتنا
وفاء: منور بوجودج حياتي
حضنتها
فاطمه : ليش ما كلتي انتي هنا
وفاء: حبيت افاجئج ليش وطن ماحجا هوا وصلناالبارحة
فاطمه :عبالي بس امج وحدها اجتي وطن ما جاب طاري هذا انجر الحجايه منا جر
وفاء: راح تبقيني بل باب لو شنو
فاطمه: يمه منج فوتي
وفاء: طبيت اجتي ام وطن تستقبلني
ام وطن: اهلا وسهلا
وفاء: شلونج خاله وبوستها
ام وطن : الحمد لله انتي شلونج
وفاء: زينه
ام وطن: دام انتي هنا ليش ما جيتي امس مع امج
وفاء: ريم جانت تعبانه مكدرت اعوفها وحدها وكلت اليوم اجي اشوفج واسلم عليج
ام وطن: دام الحجي هيج حقج يلا يمه اني اترخص انتن شابات اخذن راحتجن بل حجي
وفاء: لا خاله ابقي هسه نطلع للحديقة الجو يجنن بره
فاطمه: - لعد اجيب تليفوني واجي
وفاء: تمام شويه ونزلت فاطمه ترخصت من ام وطن وطلعنا للحديقة الخلفية كعدنا بل مرجوحه نسمع اغاني واني مخليه راسي على جتف فاطمه والهوا يرد الروح احنه بالمدينة حارة بس هنا باردة لان منطقه مفتوحه وصايرة على المي مر وكت هوايه واحنا على هل وضع
فاطمة: اروح اجيب شي ناكله وادز على حبشكلات تجين وياي لو تبقين
وفاء: لا ابقى دك تليفوني مرت ايمن اني مسميتها بل جهاز حارث على اسم ابنها وهوا نسخه منها فا بل بيت نسميها حارث ومشت عليها رديت عليها اجاني صوت حارث حبيبي اموت علي بقيت احجي معا واضحك سديت الموبايل
واجاني صوت وطن
فزيت
.......
وطن: طلعت من الديوان حتى احظر النركيله شفت ضوه الحديقة الخلفيه مشتغل وهذا ما نشغله الا اذا احد كاعد بيها رحت للحديقة حتى اشوف منو بيها
شفت وفاء تخابر تقربت حتى اسمع واني اسمعها تخابر شاب وتكله اني هم احبك واموت عليك معرف شحجا معها وهيه ترده اني هم مشتاقتلك يعمري لاتضوج يوميا اخبرك يلا حبيبي مع السلامه تعصبت حيل وحجيت بنبرة حادة مع منو جنتي تحجين
وفاء: نعم ويايه
وطن: اكو احد غيرج هنا مع منو جنتي تحجين
وفاء: ميخصك لا تتدخل مفهوم
وطن: وفاااااء احجي عدل منو هذا الي تكليله احبك ومن هل خرابيط وانتي جايه هنا احترمي المكان الي انتي بي اذا تردين تخابري خابري عد اهلج
وفاء: خلصت كلامك اللي يسم
وطن: وفاااء اخر مرة انبهج انتبهي لكلامج واحترمي نفسج
وفاء: اول شي اني محترمه نفسي وثاني شي مو من حقك تجسس عليا لا انت ابن عمي ولا انت ابن خالي
راح اكلك مع منو جنت احجي مو لان خايفه منك بس حتى تعرف شنو وفاء وشنو تربيتها دكيت على مرت اخويا وفتحت مكبر الصوت اجاني صوت حارث وامه
مرت ايمن : ها وفاء
وفاء: هلا اكلج حارث يمج
مرت ايمن : اي يسمعج احجي
وفاء: حبيبي حرثوي اني احبك ومن ارجع اجيبلك هديه
حارث: فوفو احبج ارجعي بسرعة
وفاء: تمام باي سديته وباوعت لوطن شوف اخر مكالمه ها ان شاء الله ارتاحيت وعرفت احب منو طلعت ركض من الحديقة ووطن يصيح ورايا ما اهتميت رجعت للبيت ضايجه ضليت اغلط على وطن لمن تعبت ونمت
مر كم يوم وفاطمه اجتي يمي وسالتني ليش رجعت ذبيتها براس ريم ووطن كثرت جياته لبيت فهد ومرة من المرات الشيخ عزمني يمه كلت فرصتي حتى انتقم من وطن المغرور حتى ما كلف نفسه واعتذر بل جذب
يتبع..... ♥🌟