حُب في طرقات الجامعة

البارت الاخير

- على شَنو صافن ؟
عَليچ
- تَرى جگارتك طفَت!
مّو مشڪلَه أني شتعَلت .
.
&&&&&&
.
.

عدي....
  لاتخافين جوريتي ولزمت ايدها وبستها
جوري: من سمعت كلامه ارتاحيت شوية طلب عشا وكعدنا ناكل سوا انه كلش جوعانه  بدينا ناكل ونسولف
  جانت نظراته تتجول على جسمي  للحظه حسيت روحي مالابسه شي انسحبت ورحت للحمام اغسل  ذبيت الفستان ولبست   كلما اريد افتح الباب اتردد اخر شي قويت نفسي  وطلعت عدي من شافني بقى صافن  بعدين حس على روحه طب سبح وطلع صلى  وانا صليت ورا 
كعدت على طارف الجربايه  اجه كعد بصفي
لزم ايدي وباسها  تمدد على جربايه وسحبني لحظنه  يسولف شلون جان يحلم ننجمع سوا  ومع كل كلمه يطبع بوسه خفيفه  بدا يتمعق وووو صرت زوجته 
رحت للحمام سبحت
عدي: نعيما ياروح عدي
جوري: بخجل الله ينعم عليك
 طب يسبح  شويه واجه نام بصفي حضني ونمنا  

ثاني يوم الصبح
كعدت على بوسات خفيفه فتحت شفته عدي
عدي: صباح الحب والجوري 
جوري: صباح النور على احلى شى شفته بحياتي
عدي: تروحلج فدوة كل نسمه هوا داخله ب ريتي يلا بدلي خلي نطلع امي خبرتني محظره الريوك
جوري: تمام بدلت ولميت غراضنا كلها  عدي نزل الجنطه وانطا المفتاح  وطلعنا
وصلنا البيت واحتركت الدنيا بل رمي وطن يرمي هو وفهد وخالد خفت ولزمت بايد عدي
عدي: كافي يمعودين خوفتو مريتي
فهد: غير فرحانين بيك خال
عدي: ماقصرتو
ام عدي: بل مبارك يمه منك المال ومنها العيال
جوري: الله يبارك بيج خاله بوستها
ابو عدي: مبارك بويه شايفين كل الخير
عدي وجوري: خير يصيبك
عدي: اشرت لجوري حتى تبوس راس ابويا  هيا افتهمت  بسرعه  وباسته
ابو عدي: الله يرضى عليج وليدي
جوري: طبينا للبيت تلكني وفاء وريم بل هلاهل   جابو الريوك ما مخلين شي ما جايبنه  ومااكلت كلش لان استحي  انسحبت ورحت للمطبخ
ريم: اي جوري احجي شصار البارحه
جوري: مثل كل المتزوجين
وفاء: والله همزين كلتي جنا مانعرف
ريم: معليج بيها احجي
جوري: لابالله اسرار هاي وانتو بعدكم جهال من تكبرون الله كريم
وفاء: انجبي ماا صارلج بل قصر غير البارحه العصر
ريم: هلا شدو روسكم انجمعن جوري ووفاء  شراح يخلصني 
ام عدي: يمه جوري رجلج فوك جاي يصيحج
وفاء: غمزتلها روحي  ابو النسب يريدج داري ما اوصيج بعده عريس 
جوري: ادبسز من يومج
ريم: هههه اني اروح لبيتي احسن
وفاء: انا هم  يلا خاله اسمحيلنا العصر نمرج
ام عدي: هلا بيجن

وفاء: العصر رحنا لجوري نباركلها انا ووطن وريم وفهد وخالد اجه على واهس  كمت اقدم بمكان ام عدي وجوري وعدي جنهم بلابل حب  ولا جن احنا يمهم  وفوكاها يحجون انگلش بيناتهم
وطن: الظاهر وجودنا ماله داعي شتكول فهد
فهد: هيج الظاهر الخال ولا يمنا
عدي: همزين حسيتو على روحكم  رحم الله امرا زار وخفف
جوري: لا وين بعد ماشبعت من البنات
ريم: غير مرة انتو عرسان هسه  اخذو راحتكم
وفاء: ترخصنا منهم ورحنا كلمن لبيته  واجه خالد ويانه
خالد:خويه وفاء ما حجيتي مع بنت خالج
وفاء: والله  معرف شكلك
وطن: احجي شكو
وفاء: اي حجيت وياها وو
خالد: ووو شنو كملي
وفاء: رفضت   بس ما رفضتك الك  
خالد: شنو رفضت وما رفضتك  ترى دخت
وفاء: تكول انا مو رافضه خالد لشخصه رافضه البيئه الي عايش بيها  تكول انا عشت بريف وربيت بهيج اجواء  لاطبه ولا طلعه واهلي متشددين من ناحيه اللبس   وكلشي  فا اخذت عهد على نفسي انو اتزوج شخص يطلعني من هاي البيئه ياخذني مولات مطاعم  اسكن بل مدينه  شخص يكون متحرر  ويفهم عقلي
خالد: اذا هيج معاها حق 
وطن: لاتضوج ضلعي 
خالد : لا عادي بلكت اضبط وضعي واسكن بل مدينه واشوف تاليها مع بنت خالج
وفاء: هههه ترى الحجي بينا  معجبه بيك وباخر فترة تسال ليش مختفي  ومن هل سوالف
خالد: والللللله
وفاء: ههه والله بس مو تكول اني كتلك 
خالد: لا اطمني مشكورة خويه
وطن: شد حيلك  نريد نفرح بيك  ونلم شمل شلتهن