🎈الخفة لي فيا درتها ليا 🎈
🖋️بقلم :رميسة عبيدين 🖋️
❇️البارت 138❇️
هود :اش كين لاش وقفة عليا (كيهدر وهو كيبان معصب)
صوفيا:نعم
هود:قالت ليك لاش وقفة عليا هكاك
صوفيا:جيت نزور فيك
هود:سيدي عبدالرحمان انا تزوريه
صوفيا:(مفهمات والو وهي تمد يدها هزات ليه لبيسي من حجرو باش اشوف فيها) علاش كتنخل فيا بحال هكاك
هود:كنخلك لا بالعما غير بان ليك
صوفيا:(عنيها غرغرو خصوصا فاش تفكرات هدرت مرام وكيف هزها خافت يكون هود حن لماضي تاعو ومرام قدرات تقنعو وهو باغي اسوس صوفيا) انت مزال كتبغيها مزال كتحس بشي حاجة من جيهتها ياك انت كذبتي عليا
هود:(زير على يدو حتا برزو عروقها وكتم الغضب لي فقلبو ونطق) اش بان ليك الالة (قالها بستفزاز)
صوفيا:(هزات لبيسي حتا سما وهي تخبطو قدامو وقربات ل هود شداتو من قرفاطو) ااااانت كتبغنييييي اااااانا ااااانت رجلييييي اااانا باباااااات ولدي انااااااا ... ااااانت ديااااالييي انا وانا بوحدي لي فقلبك (نفعلات وهي كتهدر وتبكي شي لي خلا هود يوقف وكيحاول اهدنها ) انت ديالي رجلي انا وكتبغني كيف كنبغيك حتا انا وانا ماشي مجرد وسيلة باش تنسها كيف قالت قول هداشيييي اااهود قول ااااانت كتبغنيييي وانا بوحدي لي فقلبك(كتهدر ودرب ليه جيهت قلبو بقبضة يدها وتبكي سيدة حسات بالغيرة وبالخطار وكمل عليها لهرمون دالحمل خلها تفقد سيطرة وتخرج كاع لي كان ضرها وكتحاول تخبيه بالانسانية لي فيها )
هود:(بدون سابق انضار شدها جرها وخشها فصدرو بكل حب وكيبوسها فرسها) ششش صوفيا حبيبة تهدني ششش
صوفيا:هئ هئ هئ انت ديالي وكتبغني انا بوحدي وانا بوحدي لي فقلبك قولها
هود: منحتاج نقولها ليك سمعيه بودنيك سمعي قلبي كل دقة فيه كدق بسميتك وعمر شي بنت لمرة اتاخد بلاصتك فيه كنبغيك حبيبة وعمري نفكر فغيرك
صوفيا:(حضناتو بكل قوتها وتمخشاشات فيه) علااااش مقلتهاش لهديك علااااش
هود:(فهم من كلمها بلي شافت مرام فاش كانت تهدر معه) قالتها ليها اجي نمشيو لبيتنا تهدني ونهدرو
بعدها عليه ومسح ليها عنيها وبسها بينهم بكل حب وشد ليها فيدها وطلعو فدروج غافلين على لبنات لي كانو يطلو عليهم حيت سمعو لبيسي فاش درباتو صوفيا مع الارض وجاو اجريو خافو عليها
منال:اوف اختي قلبي غيوقف اش هدا الحب واش هديك صوفيا لي قالت دكشي كامل
لبنى:وييه هي اختي ناري خرجتها مني خلعة قالت اينوض هود ايفرشخها فاش هرسات ليه لبيسي كنت لوم فرسنا حيت حنا لي عمرنها عليه ومشات ليه تسرسر فوق راسو
منال:ياختي كون غير عمرنها شحال هدا راه سيدة قالت ليه بلي كتبغيه وبلي رجلها وبابات ولدها
لبنى:شنو قالت؟
منال:هي قالت بلي كتبغيه وهو ديالها بوحدها وهي لي فقلبو وهو بابات ولدها وشنقات عليه طلعات مسهلاش هذا صوفيا
لبنى:الحب العنيف هدا اختي
منال:وييه مهم ها مسمارة صوفيا سلينا منو دبا شنو نديرو فديك خيتي لي لفوق
لبنى :تفو مجاتنيش ندير فيها يدي غير على قبل دكشي لي فكرشها اما كنت نوريها لعب معنا كيف داير
منال:وييه اختي تفو وخا نبغيو نعودو ليها ترابي منقدروش كرشها ل فمها نخاف توقع شي
حاجة لبيبي
لبنى :اجي نكملو لغدا ونفكرو فشي حل بلا منأديو لبيبي ولا حتا حد منقصنا حبس اختي
منال:اه عندك لحق نسيلو شوكة بلا دم
رجعو لبنات كيكملو طياب ديرين بيتزا مع روز بالخضرة وصلاط
عند صوفيا وهود
عند صوفيا وهود
دخل هود صوفيا لبيت جلسها فوق سرير وهو مهزاهش دنيا فرح حيت هي كتقول بلي هو ديالها بوحدها وكتبغيه وبابات ولدها عرفها غارت عليه من مرام وهداشي أكد ليه بلي هي سمحاتو ولات تبغيه من قلبها ماشي غير هدرة قالتها هو فاش كانت عترفات ليه بلي كتبغيه قال ربما غير حيت تهلا فيها وقف جنبها فداك لوقت ولاكين دبا هدرتها الغيرة وهنا تأكد بلي فعلا كتبغيه كيف كيبغيها
هود:حبيبة شوية دبا (مسح ليها دموعها وبسها فرسها)
صوفيا:احم اه انا تعصبت دكشي علاش نفعلت وحتا انت كتنخل فيا بحلا مكيناش
هود:(تنهد هو مكانش باغي اعصبها كون عرفها اتعصب مكانش انخليها) سمحليا حبيبة انا مكنتش بغيت نعصبك انا غير مقلق منك.
صوفيا:علاش اش درت ليك
هود:(لي كان جلس قفازي قدمها شد فيديها بجوج ونطق) علاش قالتي لبنات بلي ديك الخانزة حبيبتي (شاف فيها كيف كدور فعنيها) انتي عارفة اش كين وانا مخبيت عليك والو وصرحتك قبل زواجنا قالت ليك بلي كانت فحياتي وانا كان اسحاب لي كنبغيها ووفاش تلقيتك نتي عرفت معنى الحب تما كتشفت بلي كانت غير ولفتها فحياتي حيت من صغر وانا ويها مع بعض حتا كبرنا هداشي قلتو ليك ولا لا
صوفيا :اه قالتيه ليا
هود:ايوا وعلاش هدا الحالة كاملة
صوفيا:انا فاش سمعتها اش كتقول كانت كتهدر بكل تيقة وانا تعصبت بزاف وحيت شدات ليك فيدك وانت هزيتيها بين يديك حسيت براسي انا لي دخلة بنتكم طلعت لهنا كنبكي حتا سمعت صوت لبنات وانا خرجت وقالت لبنات بلي هي حبيبتك بغيتك تأكد ليا العكس باش نطمن قلبي
هود:(شاف فيها وهو يحط يدو على قلبها) غير طمنيه حيت قلب هود فيه غير صوفيا وتسد مكيناش كيفاش دخل ليه شي وحدة اخرا واصلا طريق ليه صعيب بزاف
صوفيا:(قربات ليه وحضناتو وخشات وجها فعنقو) كنبغيك بزاف
هود:ممم عوديها
صوفيا:بزاف
هود:لا ماشي هديك لخرا
صوفيا :ههههه كنبغيك وبزاف
هود:حتا انا حياتي كنموت عليك (زيرها لحضنو وكيشم فرحتها ويدوز يدو بحنية على شعرها) اح الله على ريحة
صوفيا: هود
هود:نعم عيون هود
صوفياا:شوف جيب خوك وزوج ليه ديك مرام باش تمشي من عندنا
هود:(بعد عليها وهو مطلع حاجب ونزل لاخور) وندير ليهم عرس تاع الف ليلة وليلة ياك ونجيب ليهم دقيقية وعساوة وكناوة ومنساش حتا طرب الأندلسي والغرناطي
صوفيا:كيفاش علاش اتحتاج هداشي كامل اديرو غير حفلة صغيرة بركة عليهم
هود:من نيتك كدوي
صوفياا:اه لغير قبل اتزوجها ويصلح غلاطو براكة اكتبو العقد صافي
هود:لا باين باغية طرطقي ليا شي عرق فراسي مفيهاش واش عارفة اش كتقولي ولا لا واش باغية نبدا ندرب بالحجر اصوفيا
صوفيا :هود مالي اش درت ليك
هود:لا مدرتي والو غير بسلامتك قلتي ليا نمشي نجيب خويا شماتة ونزوجو لهديك لخانزة بحلا انا مسالي ومعندي ميدار غير نمشي عند خويا لي اصلا عمرو عتبرني خوه وماشي قليل لي دارو معيا ونقول ليه اجي تزوج بديك لخانزة لي هربتي من عرسي وسيفطيها شكات بيا عند لبوليس بلي غتصبتها وكنت انخصر خدمتي بسبابكم وبسبابكم خصرت خالتي لي كانت كولشي فحياتي ودبا جي نزوجكم حيت مرتي دخلات لخانزة لي حملتي لداري ودبا هي كتغير وبغاتها تخرج من عندنا ولاكين لا خص طمن عليها ودخلها لدار رجلها حيت مجاتش تجري علييها لزنقة حيت صوفيا قلبها كبير وحنين
صوفيا بقات كتشوف فيه كيف تعصب وكيهدر وهي تكمش بلاصتها فاش شافتو جا جيهتها قرب وخبطها بصبعو لرسها ونطق
هود: غير قولي ليا اش قاليك راسك قبل متنطقي هداشي هأ
صوفيا:انا غير
هود:نتي غدي تكمشي وتسدي فمك هدا ساعة حسن ليك وليا لعار العداب صافي
خلها ومشا هز حوايجو دالخدمة كيلبس فيهم وهو مغدد وكنگر
هود:هداشي لي بقا لجد بويا وهداشي لي ناقصني خر يامي نقلب على داك ز*مل نجيبو نزوجو بخانزة بحلا انا حال هنا برنامج لالة للعروسة (لبس حوايجو ومشا لمجر جبد منو سلاح تاعو)
صوفيا:و هود انا (سكتات فاش شافتو ضار عندها كافر وهاز لفردي فيدو وهي تهز يديها لسما فوضعية الاستسلام) 🙆♀️
شاف فيها هود وشاف فسلاح تاعو وهو اردو ورا ضهور خشاه فسمطة تاع سروال وطلعها وهبطها بواحد شوفة ديالت القتيل وخرج خبط لباب وراه نزل فدروج بزربة
لبنى :هود اجي تاكل راه وجدت بيتزا انحطها
هود: شبعت تگهمت وتنفخت (عطها بضهر) غير كلو نتوما وبقاو مع صوفيا وبلا زبايل انا انتعطل فالخدمة
خرج وسد لباب
منال:(حطات شلاضة فوق سلامونجي وشافت ف لبنى) باين كان باغي ياكل الحلاوة وصوفيا حرمتها عليه وخرج معصب بقا فيا
لبنى:يلاه نطلو عليها اش وقع فيها
منال:يلاه
طلعو عند صوفيا لبيت حلو لباب لقوها جلسة فوق مدربة وباينة مهمومة
لبنى:الحب اش واقع مال صعصع درجلك خرج كاعي مجلس حتا اتغدا
صوفيا:لبنات محتاجكم بزاف عافكم بلا متزيدو عليا نعاود ليكم ونتوما حكمو