الخفة لي فيا دارتها ليا ❇️مكتملة❇️

❇️الجزء 116❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت116❇️

مشات صوفيا مع هود غادين في لوطو لبارطمة تاع هود لي فكازا وصوفيا  طالقا ديسك شعبي فلوطو وجلسة تشطح وتشالي بيديها عاد سلات لشطيح قبل كانت غير تاكل فالخطوبة

هود : (شاف فيها هكاك ونطق) مالك مزال مصدعانا ماشبعتيش الغنا من الخطبة
صوفيا :(خنزرات فيه ) نشبع على انت خليتيني نتحرك من بلاصتي
هود : واش انتي بكامل قواك العقلية نخليك تنوضو تلوزي ليا قدام رجال ممم
صوفيا: احح يخلي  ليا لتيغير عليا
هود :( هز يديها داها عند فمو وباسها بحب ) علامن بغتيني  نغير لمغرتش على مراتي حبيبتي ممم
صوفيا: ممم
هود : في راسك توحشتك ومشاهيك ليوم نفترسك ممم
صوفيا: لاءح انا عياانا ليوم راك عارف روينة ديال الخطبة 
هود :(صغر فيها عينها) على انتي اش كنت ديري ياك غير كنتي تاكلي وصافي
صوفيا: باز ليك علاه ماكلة ساهلة  مكتاخدش مني مجهود باش نمضغها ونصرطها
هود:من بعد ترديها احسن عوانك كدري مجهود بزاف

بقاو ضاحكين حتا وصلو  لبرطة ديال هود دخلو معانقين وتيضحكو ملي تفكرو المصايب لي دارت ليه صوفيا في هاد دار هي ولبنات

هود : ههه ديك ليلة جايبة لي ديك لبنى دارين ليها ديك لحالة في وجها باش تخلعني كون غير خليتو وجها نيت كنت غادي نتخلع حسن متعدبو باش تماكيو ليها
صوفيا: ناري داك نهار علام شحال ديال فلوس خصرت على قبلك ههه
هود :(هزها بين يديه طالع بيها في دروج)هه شحال خسرتي كاااع نردو ليك دبا
صوفيا: شريت براصلي ديال ضو وليصونص لمطوور وخلصت لغدا على لبنى عند با براهيم  وداكشي كامل بالفلوس لي عطتي ليا فاش جرتي عليا من عندك من الكوميسرية
هود : هههه مطوور  انت راه هارب ليك لفريخ بزاف
صوفيا:كنت مسطية صراحة فوجت على راسي بديك تسطية وخا اخرتها كانت اخزيت
هود:(وصل لبيت حطها وجرها عندو وحط يدو على كرشها بكل حب) لا حبيبة اخرتها كانت نعمة لي هازة فكرشك شوفي نساي داكشي لي سلبي فعلقتنا وحاولي تشوفي الايجابي فيها
صوفياا:(حطات يدها على يدو) وي عندك الحق احسن حاجة وقعات فدكشي هي لبيبي لي فكرشي
هود:الله اخليه لينا
صوفيا :امين يارب اوف عيت بغيت نعس
هود:اجي ندخلو ندوشو بعدا ونعسي
صوفيا: خليني ندوش بوحدي
هود: (خنزر فيها )علاش
صوفيا :(بغنج) عفااك

خرج هود
خلاها دخلات دوشات وعتنات ببشرتها مزيان كريم بريحة كراميل ختارت  شوميز في فضي لبساتو ودارت فوقو بنوار ديالو مشبك وكلو فتاحي من جناب حتا لفوق جاها وااعر مع طايتها وسيكسي طلقات شعرها عسلي على راحتو ودرات ريحتها خفيفة ومشات حتا لباب لبيت ورشات زوج رشات من نفس العطر
ومشات جلسات فوق لفراش تتبقشش في تيلي وكتسنا ف هود لي دخل كيدوش
وقفات صوفيا جنب المريا كتشوف فراسها وتبتاسم قررات حتا هي دير بحال لعيلات وتستعد العلاقة ديالهم

...تفرع عليها لباب باش يدخل هود لي كان كيدوش فدوش لي على برا كان جاي غير بشورط وعاقد حجبانو باغي يدير فيها مقلق حيت مخلاتوش يدوش معاها سرعان ماتفكو حجبانو ملي شافها اش لابسة ممولفهاش بهاد الجرءة

خلاتو يغمض عينيه وهو كيستنشق ريحتها لي كتسكرو
حل عينيه اتر لمسات يديها على عنقو ونفسها سخونة لي كضرب ليه فعنقو

شاف فيها كيف جات تعليقات فيه وتعلات على صبعان رجليها باش توصل ليه بتاسم هود  حط يديه على جنابها بعنف وعونها هزها مقرب وجها عند وجهو

هود: (بهمس )اش باغا ديري فيا ابنت ناس وعلاش كتقلبي
صوفيا :(خطفت بوسة من فمو)والو
هود:غير ممم

شاف فيها وهو اتحنا
هزها غادي بها سرير حطها وجا فوق منها وبداو  فلبتيز وبسالة وحك جر  دوزو ليلة حمراء كلها حب وفساد تمتعو ببعض  عاد نعسو فحضن بعضهم

اصبحنا واصبح الملك لله
فاقو مع 6 على صوت منبه ديال تليفون تاع هود
ناضو دوشو مع بعض محيدين جنابتهم وخرجو صلاو الفجر هود لقدام وهي وراه تيصلي بيها سلاو شدو مصاحفهم باش يقراو سورة الكهف بنية  يجعل الله لهم نورا في ايامهم القادمة ويصلح ليهم دورية  باغين يبدلو طريقة عيشهم ويعطيو كل حاجة وقتها وقت دين وقت الحب وقت الخدمة وقت الدراسة وقت العائلة باغين ينضمو حياتهم  وهداشي لي بداو اديرو فيه

غير سلاو تلاوة القرآن الكريم ناضو صلاو صبح وهبط هود فطر وخرج يشوف الخدمة  ويطل على سي عبد العزيز