الخفة لي فيا دارتها ليا ❇️مكتملة❇️

❇️الجزء 98❇️

الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️ البارت 98❇️
صوفيا جرينها لبنات كل واحدة شادة فيها من يد وهي كتسرط فريقها عرفات ايبداو فالاسئلة لي هي متعرف لهم جواب دارت بالعرض البطيئ شافت ورها فهود لي كان جلس فلوطو شافها دارت عندو بتاسم ليها وسيفط ليها بوسة فالهوا مع غمزة وتحرك

صوفيا :(مع رسها) ولد لحرام هرب وخلاني تاني واحلة اش نقول لهدا الحلاقم كيف مسميهم هو انا كنت كنقول ليهم عاونوني نكرهو فحياتو ونشيبو ونسطيه ونخليه كيلوح حوايجو ونطلق منو حيت كنكرهو ومكنحملوش وهوما فيما جاو على غفلة يلقوني يإما تحتو ولا كيشلقم فيا وانا محلولة ليه علاش مكيجيوش لقح&اب فاش نكون كندابز معه اش هاد الحصلة اسدي ربي (دورات عنيها شافت فلبنى لي بتسمات ليها بشر ومزال شادة فيها بدلتها صوفيا الابتسامة ودارت شافت فمنال لي نفس شي شافتهم غدين بيها بحلا غيعدموها)
صوفيا:لبنات غير نشرح ليكم راه والله
منال:والله حتا كتبغيه اطحبة
لبنى:عتارفي بنتنا كتبغيه سمحتي ليه عطتيه فرصة اش واقع بنتكم عودي لينا
منال:اه بزربة راه تحمسنا
صوفيا: ندخلو دبا حيت بدا درس ملي نخرجو نعاود ليكم حيت شلا ميتقال وقعو بزاف دالحوايج جداد فحياتي وخاص الوقت باش نعودهم مهم حتا نخرجو ونهدرو ولمكملناش نكملو فدار هود ايخليني نبات معكم حيت خدام بليل ميرجع حتا صباح
لبنى:(نسات تعاويد وفرحات حيت اتبات معهم صوفيا) ياس انربلوها تاني ناري شحال توحشت نباتو فبلاصة وحدة (حضنتها وكتنقز)
منال:احسن حاجة دار دك صعصع طلع ضريف وخا هكاك
صوفيا:مبقاش صعصع ولا حنين وضريف بزاف
لبنى :غير معك اختي اما حنا كاع محملناش شفتي كيف دار فينا دبا وصباح فقت وبغيت نصبح عليك قمعني قاليك منجيوش
صوفيا :تي لي صونتي عليا مع نبوري واش هبلتي كون سكتي حتا تجي لدار كاع ميقول ليك والو نتي صونتي فيفتيه
منال:اي هاي هاي على ناس ولاو يدافعو على زمانهم سبحان مبدل الأحوال

صوفيا :وشنو ندافع عليه حيت كيدافع عليا حتا هو(تفكرات لبارح واش وقع)
لبنى :اه بصاح كيدافع عليك ومكيبغي حد يأديك راه نسيبنا عسل وسكر
صوفيا :(خنزرات فيها) سميتو هود متعنبيش على راجلي ابب
منال:هاهي بدات تغير تاني
لبنى :هداك خويا ابب وغيجي عز اخطبني منو مع معنديش خويا لكبير هو قالها ليه
منال:علاه تصالحتي مع عز باش يخطبك نتي فضحتيه لبارح من بعد لي دارو فيك (قرصتها لبنى باش تسكت)
صوفيا:(طلعات حاحبها فيهم) اش واقع لبارح اش دار ليك
لبنى :هو حاول اتعدا عليا 😭
منال:(خبطتها لضهرها شوية وتقصمو ليها) سكتي لبوحاطية غتبداي تاني
صوفيا:خليها تهدر داك  الحمار والله لا بقات فيه(قطعاتها منال)
منال:الشريفة بلا متدي على هدرت هدا لبوحاطية قوليها تشرح ليك كيف تعدا عليها فجوج داقيق
صوفياا:(شافت ف لبنى) اش وقع دوي ونتي كتغبني عليا
لبنى:داني حدا لفيلات وبسني فمي وصرفقتو
صوفيا :(دربات على وجها وهي تنزل حيدات سبرديلتها ولبنى غير شفتها وهي تعلق هربات وشيرات علييها صوفيا بيها) القح&بة الله انعل حسك
لبنى:(هربات وكتهدر) والله ما انا لي درت هو لي باسني الصوفي عافك
صوفيا:لقح&بة هو غير باسك ونتي جلسة تغبني وطيحي علييه لباطل كون كان هنا كون دبزت معه غير حيت قالتي حاول اتعدا عليك

منال كضحك عليهم وهي تبعهم شافت صوفيا نزلات هزات سبرديلتها لبستها بزربة وتبعات بوحاطية تاع لبنى كتعطيها لقفها ولبنى كتكالي على رسها حتا سخفو عاد دخلو لونفي  جلسو متبعين مع لبروف لي كيشرح ليهم درس دوزو ساعة وخرجو تاني قدام لافاك
جلسو لبنات كيتسناو ف هود اجي  اوصلهم لدار حيت قال ل صوفيا ملي تخرج يتسناوه

منال:صوفي قولي لينا دبا اش واقع بنما اجي هذا راجلك شفتو تعطل
صوفياا:راه حنا لي خرجنا بكري ابب
لبنى :مهم عاودي خلاص اش كاين
صوفيا:(تنهدات ونطقات) لبارح شفت ماما وبابا
منال: عمي محمد وخالتي نزهة جاو ومقلتيهاش لينا نشفوهم
لبنى:ياك هذي هي الصحبة
صوفيا:ماشي بابا محمد وماما نزهة احم (زيرات على يديها بجوج ونطقات) لي خراوني وخلاوني
لبنات:(شهقو) كيفاش
صوفيا:كيف كتسمعو
لبنى:فين شفتيهم واش قلتي ليهم اش واقع معك دوي
صوفيا:مشفتهمش ب جوج شفت غير هداك اما ديك خيتي غير شفتها فصورة هي كتشبه ليا بزاف طلعت كنشبه ليها تقول غير هي محطوطة عاد عرفت علاش ناس كيشبهوني بيها وطلعات من عائلت بابا محمد عندها نفس نسب نادية المسعودي
منال:(شافت ف صوفيا كيف كتهدر وتزير على يديها لبنى بدات تبكي مصبراتش شدات ليها منال فيديها) حبيبة متكمليش لمقدرتيش تهدري  مضغطيش على راسك وتعاودي عليهم
صوفياا:لا عادي انا غير معصبة حيت بسبابهم كان احم كان خويا غدي اتكرفس عليا مامرة ما جوج

لبنات وقفو بجوجات مصدومين وتفكيرهم مشا غالط اسحاب ليهم هود هو خوها
منال :هود خوك اويلي اش هدا المصيبة(قالتها بالغوات)
صوفيا :(خلعتها منال لي غوتات وهي تنطق) لا ماشي هود صفوان هو خويا
لبنى :(شذات فراسها وطاحت فشلات) الحفيط الله اش كتقولي
منال:(ترعات فمها حتى هي) كيفاش صفوان خوك
صوفيا:صفوان ولد داك راجل لي ضحك على ديك خيتي حتا خروني وكل واحد هرب لقنت وبقيت انا كندفع تمن غلطتهم (بدات كتعاود ليهم اش واقع بتفاصيل حتا وصلات ل هود وكيف لقاتو فجنبها وشي لي خلها تحس بالأمان معه وتعطيه فرصة حيت كونما هو معها ديك ساعة كون معرفات اش دارت فرسها سلات صوفيا هدرتها من بعد مشاركات اوجعها مع صحبتها لي بدورهم جلسو جنبها كل واحدة من جيهة وحضنوها كيبكيو هوماا اما هي دموعها نشفو لبارح)
صوفيا:(وقفات من وصطهم حيت شافتهم كيبكيو) لبنات عافكم سكتو بركة راه انا قلبي طايب خليوني نسا هداشي انعيط على هود واش قرب ايوصل