🎈الخفة لي فيا درتها ليا🎈
🖋️بقلم :رميسة عبيدين & Safae Safae🖋️
❇️البارت 61❇️
عند هود لي بقا متبع العين ل صوفيا كيف كانت غادة وحابسة لبكية قلبو كلاه عليها عض لسانو من لداخل على هاد خفة لسان لي فيه
هود :(كيخاطب نفسو) الشيت اهود كتبغي تكحلها كتعميها (مكرهش انوض اتبعها
قاطعو سي يوسف)
يوسف :اوا اولدي مادرتي فيها مايصلاح جيتي بغيتي دي لينا الفليفلة ديالنا شكون يبقا يدير لينا شغب ومشاكل
بقاو فيا غير البنات لي بحال خواتاتها كنا مأمنين عليهم ومهنين من جهتهم حيت هوما مع صوفيا و عارفين صوفيا فران وقاد بحومة دابا غادي تخليهم بوحدهم موحال يسلكو رأسهم
هود:(جوبو بكل رزانة)لحاج ماعندك علاش تخاف عليهم لبنات بحال خوتاتي و انا مستعد نتحمل مسؤولية عليكم تما الى قبلتو وشعرة شر ماتقيسهمش وهاد الشي راه قلتو ليهم قبل سولهم
دارو عند لبنات
لبنى ومنال بداو يضورو في عينهم ودارو ليهم ضحكة صفرة زعمة اه عندو صح
لبنى ومنال:😬😬
يوسف :اوا الله يكتر خيرك اولدي هدا مضنون فيك
السعدية:دبا ارتاحو من جيهتهم الله اكتر خيرك عتبرهم خوتاتك ورد لهم لبال هوما طيشين بزاف
هود :مرحبا الله يا ودي متحتاجيش توصيني
(كملو حديتهم وهود بالو مع صوفيا
اما لبنات بقاو يوشوشو بيناتهم)
منال :قودناها اساطة صافي هادي لخرة لينا هاد لخرا لي مداروش فصوفيا باغي يكمل علينا
لبنى :ناري بقا فيا غير داك فار دقيق ديال عادل لي كحل ضواصة معه قبل
منال :ياختي الله يبعد نارو على حطب سيدي ومولاي عادل 🥲
لبنى: (ميقات فينا)بقا فيك عادل اطحبة مابقاش فيك راسك لي هاد زمر غادي يعاود لينا تربي من جديد
منال :تعقلي اول نهار عودات لينا صوفيا قالت لينا لقيت لي يربيني وقلنا ليها يربينا مجموعين
لنبى؛اه عقلت
منال ؛اوا نوضي على سلامتنا الى الهلاك مع هود
بقاو مقشبين حتا نغزتهم نزهة
نزهة ؛ادوك لفعات براكة من توشويش وسيري طلو على صوفيا وعونوها تقد رسها
منال :لا اخالتي خالينا جالسين حتا نتعشاو
نزهة ؛والله وما تنوضي لا دقتيه
ناضو لبنات يشتفو برجليهم لعند صوفيا لي ملي خرجات من عندها ماماها بدلات عليها نصلات داك قفطان حيت خنقها بقات غير بدباردور وشورط ديالو مسحات الماكياج بزعاف وتلاحت فوق ناموسية ماكتبكيش فقط كتخايل كون كانت بصح بنت نزهة ومحمد وكون كانت متبتة ومرزة وعفيفة دخل الخاطر ومتكونش كطير كون راها دابا فرحانا بهاد زواج حيت جا على أصولو ماكاين لا اغتصاب ولا بوسان نشان الدار كانت غادي تكون فرحانة بزاف ولكن واقع عكس خانتها دمعة وشقات خدودها مسحاتها بزربة وحمدات الله وشكراتو على كل حال
دخلو لبنات عندها بحال العاصفة
لبنى :تفو هادشي اللي بقا ناقص
صوفيا:مالك
منال؛داك خانز لقزيبة ديال راجلك قالك باغي يربينا ويدير علينا مراقبة تما شادة والفادة يعرفها علينا تفو
صوفيا:اجي علاش كتقولي ليه خانز لقزيبة واش شميتها
منال: (مصدومة حيت كدافع عليه )لا مشميتهاش علاش
صوفيا : بغيت غير ناكد ليك بلي راه بصح خانز لقزيبة
لبنى :باز ليك نتي وجهك
ميقو فيها لبنات وبداو يضحكو شوية وهي تسكت صوفيا ونطقات تاني
صوفيا:وانتوما علاش بسلامة مابغيتوش يرد ليكم البال اش ناوين ديرو ملي مانكونش الشيخات
منال : الله يهديك راه غير مابغيناش الحصار وصافي تفو عليك
لبنى :وييه ماما وعمي يوسف حط رقبتنا فيدو وعطاوه الاوكي باش ابدا اتحكم فينا
صوفيا:اودي غير خليوه اتيق راسو ويتسحابو ايدير فينا مبغا حتا لتما ونباليو بيه
منال:ياي غدي نشطو تاني
قطعاتهم نزهة لي دخلات من بعد ما دقات
نزهة :البنات باركة من لحتيت ويلاه تعشاو (شافت في صوفيا محيدة لقفطان )بنتي علاش حيديتي حوايجك راه مزال خاصك تخرجي تعشاي مع راجلك
صوفيا :لا اماما مافيا لي يتعشا غير عتاذري منهم عيت بزاااف وراسي درني
نزهة :(شافت فيها عرفات لاتكون تسدات ليها شهية حيت حتا نزهة دازت من هدا الوضع نهار تزوجات تخلط عليها كولشي الخلعة والحشمة والحزن حيت اتبعد على ولديها تنهدات ونطقات) على خاطرك بنتي مانبزز عليك والو وانتوما البنات باغين تعشاو
لبنى :وشفتك كتسولي مزال اكيد اتعشاو
ناضو لبنات يتعشاو عونو السعدية ونزهة حتا حطو العشا حطو ليهم هوما فبيت لي جنب لكوزينة ورجال في صالون تعشاو وشبعو مزيان اما هود لقمة مادازتش ليه هو بالو غير مع مراتو
من بعد ماسلاو العشا تحط اتاي تاني والحلاوي
هود :(نطق مخاطب سي محمد )سي محمد واش نقدر نشوف صوفيا قبل ما نمشي بغيت غير نسولها على شي حوايج
سي محمد :اكيد اولدي هي راه مراتك دابا من حقك واخا كان عليكم تجلسو قبل من كتاب الكتاب ولكن ماشي مشكيل مادمتو متفاهمين
هود بتاسم ليه وناض تابع نزهة لاشارة ليه لبيت ديالها لي كانت ناعسة فيه صوفيا
غير وصل ودخل مدق ماوالو بانت ليه ناعسة فوق سرير بحال ملاك احم بغيت نقول مليوحة في سرير بحال بغلة رجل في شرق ولخرة في غرب ومخدة تحت رجليها مهم حالة خاصة هدا صوفيا مخالفة فكولشي حتا من نعاس
ضحك هود على نعستها وتوجه عندها جالس جنبها عند راسها كيمرر بحنان على شعرها وكيحاول يفيقها
هود :صوفي فيقي بغيت نهضر معاك
صوفيا تململات وناضت مغمضة عين وحالة عين كيبان ليها مضبب بزز وضاح ليها صورتو وهي تنوض قافزة واقفة فوق سرير هزات ليزار تغطات بها بحال شافت سحت ليل
صوفيا :واش انت هرب ليك ولا مالك اش كدير هنا دابا يجي شي حد ويشوفنا
هود :(جرها من يدها حتا جات جالسة) والى شافوني راه وليت راجلك فهمتي ماكاين لي يقول ليا شحال في ساعة تانيا هوما لي دخلوني عندك وراو ليا بيتك
صوفيا: (مخنزرة هاد راجلك مبغاتش دخلها لدماغها)اشمن راجلي ولا ز(حبساتها ملي بان ليها حمر فيها وجاي قاصدها) ولا زمر 😐
هود : الله يهديك على راسك اهاد موصيبة
صوفيا: (ميقات فيه )انت لي الله يهديك على راسك ونوض خرج عليا من هنا سير فحالك ازمر
هود جرها حتا جات ناعسة على ضهرها وهو يطلع فوقها مزيرها مزيان
صوفيا :(شهقات بصدمة) 😳 وزام&ل واش هبلتي
هود:( تلاح على شفايفها عضها مزيان منهم حتا داق دم عاد هز راسو من عليها وهو كيمص في شفايفو) هادي باش تعلمي تخصري لهضرة مرة اخرا
صوفيا:(كتنين ) نن اح تفو عليك احمار قصحتيني الله يغبر ليك الشقف تفو
هود :انت لي مبغيتيش تحشمي وتقدي فمك شحال من مرة تبريت منك
صوفيا :انت لي
قاطعها عوتاني بقبلة حابسة فيها نفس وهي كتركل تحتو
هود خدام كيشفط في شفايفها كيفرغ وحش هاد الاسبوع لي كانت تهرب منو
بقا هكاك كيشفط ويشلقم ماحس غير بالباب تفرع عليهم كانو لبنات لي دخلو عند صوفيا هازين نصاص ديال خبز وسطو دجاج ولحم وهازين موناضة جايبنهم لصوفيا ومنها نيت يكملو عشاهم معاها حتا كيشوفو داك المنضر قدامهم صدمة تلاتية ابعاد منال وحلات ليها دغمة لي كانت في فمها ومقدرتش تكحب بالخلعة تجيفات وبقات غير حالة فمها فيهم وعنيها
اما لبنى شدتها سخفة بهول المنضر ولات تفافا غير بوحدها
لبنى ؛واااااواااااوااااا واش كديرو المسخ 😳
هود لي كان فصل قبلة بهدوء ودار عند لبنى ومنال مخنزر حيت قطعو عليه لحضة ياله بغا يبدا يعاير حتا حس براسو مدفوع وجاتو دقة لفخضو قريب لمستقبلو شدها كيحك فيها كانت صوفيا لي دفعاتو من عليها ودرباتو برجلها وناضت هربات و تخبات ورا البنات
هود : الله ينعل اصلكم كاملين ابرهوشات 😠
صوفيا: الله نعلك انت ازمر تفو عليك خرج عليا (مخبية ورا لبنى وكتعاير)
هود :(تنهد ودار عند لبنى ومنال) انتوما ماكتعرفوش دقو قبل ما دخلو ولا داخلين لكوري اااه؟
منال: (بغباء)؛لا لا احنا غير جبنا ليكم مالكلة تاكلو في استراحة مابين الشوطين تسترجعو طاقة احم
صوفيا :(دفعاتها حتا جات على فومها) الله يغبر بوك شقف شمن طاقة انجمعو
لبنى :هاي هاي شتكم درتو فينا في بلاصة ماتحشمو على المسخ لي كنتو ديرو فيه(قالتها ل صوفيا وهود)
هود: (هاز فيها حاحبو )سبحان الله اشريفة راه واقيلا مرتي هادي وانا وياها فبيت مسدود نتوما لي دخلتو علينا
لبنى ؛ وايلي 🙂
هود :خرجو حسن ما نتسيف عليكم لبرهوشات
بنات معطلوش ديك ساعة خرجو يتشاتفو وغرقين في حوايجهم من الحشمة وحتا صوفيا تابعاهم لايحة عليها داك ليزار تغطات بيه
هود شدها من دراعها قبل متخرج لبرا معرية كلاها مع حيط وسد لباب بزربة صوفيا يالاه بغات تستوعب اش واقع حتا عاود هبط هود بشفايفو عند شفايفها يبوس ويبرد ديك فقصة لي قاطعو عليه لبنات
صوفيا عضاتو على حر جهدها حتا طلق منها بزز منو
هود :الله ينعل اصلك واش انت جهلتي الكلبة (زير ليها على فكها مغدد) هاد تگلبين لي ولا فيك غادي نحيدو منك غير صبري نفارد بيك
صوفيا:انت لي غير صبر عليا نفارد بيك ونشوف واش مزال تعاود تحط عليا يديك الحمار دبا سكت ليك غير باش مبسمعونيش لي على برا
هود: (قهقه )دابا نشوفو الآلة ممم فراسك شنو (بعد عليها) عند سمانة وجدي راسك غادي نمشي لرباط والعرس في اول عطلة تكون عندك نديروه
صوفيا :هاي هاي معامن تشاورتي باش تقرر هداشي عرفتي حتا حاجة من هد الشي ما تكون غير هني بالك زواج لي تافقت معك عليه راه تزوجنا وسير تخرج فحالك دبا
هود:برهوشة ( باسها في خدها وخرج وخلاها تندب غير بوحدها