🎈الخفة لي فيا درتها ليا 🎈
🖋️بقلم :رميسة عبيدين & Safae Safae 🖋️
❇️البارت 48❇️
بلاصة هود لوطو قدام لافاك ومقابل معه ولكن بعيد من الباب خوفا تشوفو صوفيا وتهرب تاني بقا جلس تما كيتكيف وكيتسنها حتا بانو ليه طلابا كيخرجو
عند لبنات لي كانو خارجين من لافاك من بعد ما سلاو الحصة لوحيدة لي كانت عندهم فيها ساعة ونصف تلاقاو مع عادل وعز العرب وخرجو معاهم أما حتى صفوان والوجه لي يجي بيه لافاك ويقابل بيه صوفيا خصرو ليه هود
عادل :دراري خوكم مزال مافطر يلاه نجلسو في شي قهوة نفطرو نردو لمزاج
منال:شمن دراري ولا نمي بان ليك مربين مسطاج
عزالعرب:وشنو بغتي نكون وسطكم ويقول لبنات مجاتش اختي
لبنى :حنا كتار وانت بوحدك يعني ايقول لبنات
عزالعرب:نتي بعدا مسطاجة غير سكتي راكي محسوبة منا ابوشعيب
لبنى :حشاك(بدات دبز فيه)
عادل:وخا تحبسو ونمشيو ناكلو شي حاجة لبغيتو
البنات دارو شافو في صوفيا كيتسناو رأيها
صوفيا لي كانت باغا ترفض ولكن نضرة لبنات خالتها تبدل رأيها زيادة غادين غير القهوة يفطرو عادي تنهدات ونطقات
صوفيا :اه واخا يلاه
تحركو دراري غادين وكيهضرو وهدشي كامل داز تحت انضار هود لحاول يهدن راسو ويتحكم فيه ويقول بلي هاد دراري اصداقاء ديال منال ولبنى وخصوصا ملي ماشافش صفوان معهم شد فراسو و بقا متبعهم بعينه يشوفهم فين غادين حتا دخلو لكافي
عند الدراري لي كل واحد واش خدا باش يفطر من غير صوفيا لي مخدات والو بحجة مافيهاش جوع
عز العرب :عرفتي واحد البروف طلع ليا المرض جالس تيقول لينا البقرة تأكل العشبة ادن البقرة تعطينا الحليب
لبنى:هههه حنا البقرة عندنا كتعطينا زيت البلدية
كلهم بداو اضحكو من غير صوفيا لي غير ساهية وعادل لي مراقبها وقلبو ضرو عليها باغي يعرف اشنو كاين بضبط وفي نفس الوقت ما باغيش يضغط عليها
قاطعو هود لي وقف عليهم بحال سحت ليل كان حاضي نضرات عادل لصوفيا وفسرهم نضارت اعجاب شي لي خلاه اتعصب ويدخل عندهم
هود وقف عليهم بحال قباط رواح كيهضر مع صوفيا وتيخنزر في عادل لي ناض واقف ملي شافو. وبحال فهم لبلان ملي سمع كلامو
هود: (بصيغة امر )تهزي انت ياله معايا
عادل :(وقف قدامو ودفعو) مغادا معاك فين شكون انت باش تأمر فيها
هود :(رجع خطوة لور ودخل فيه براس كان كيتسنا غير سبة عليه) وانت اش دخلك از&امل
البنات ناضو يتغاوتو ملي ضرب عادل حتا تلاح على طبلة وعز العرب شنق على هود لي عينها على صوفيا كفاش خايفة على عادل
عز عرب:شكون انت از&امل باش دربو شكون
صوفيا دارت ملي شافتهم مشانقين مشات تجري تفك فيهم قبل ميخلط عزالعرب حتا هو شدات فيد هود لي كان غيدرب بيها عز
صوفيا: (بخوف على عز حبسات هود ودارت شافت فعز )عفاك اخويا طلق منو عفاك(دارت عند هود)طلق منو انا نمشي معاك غير طلق منو
عزالعرب:صوفيا اشمن تمشي معه شكون هو اجي رجعي وريا
صوفيا:عز عافك مدخلش انا انهدر معه
هود غير سمع اش قالت طلق منو دافعو الارض وشدها من معصمها غادي جارها وهي كتهدن في عز وتقولو بلي كتعرفو
عادل:عز حبسو متخليهاش تمشي معه (ناض جمع الوقفة باغي يتبعهم وهي توقفو منال)
منال: (عينها مغرغرين)عفاك بلاما دخل خليها على خاطرها
عادل :(نتر ليها يدها وهضر بعصبية)اشمن خاطرها ولا نمي كفاش بغيتي نخليه يديها وحنا مربعين يدينا و كنتفرجو 😠😠
لبنى :( كتبكي)عفاكم الى ما غير تهدنو خليو صوفيا تصرف راه عارفة اش كدير
عز عرب :شي واحد فيكم يشرح ليا اش واقع وشكون هاد الكيدار لي مع صوفيا
لبنى :من بعد ملي تجي صوفيا تشرح لينا دابا جلسو وتهدنو ناس كيشوف فينا
رجعو دراري جلسو وعادل كيحك فراسو ومعصب
عند هود لي جار صوفيا لوطو بلا حتا كلمة وهي تتحاول تنتر منو حيت زير ليها على معصمها
صوفيا: (كتجابد معاه يطلقها والو )وااااطلق احمار الز&امل(قبلما تكملها كان هود زيرها من فكها ودفعها لصقها مع لوطو وجا قدامها )
هود :اتقاي شري وسدي هاد الفم قبل نهرسو ليك راني شاد راسي عليك بزز وداك لبلان لي درتي ليا مغاديش ندوزو ليك بساهل نوريك تخليني بحال لحنش مقطوع ليه راسو لا ما لا ضو وداخل مهجم على عباد الله في ديورهم بسباب فعايلك المبرهشة
صوفيا: (مخنزرة فيه وكتنين من الم )اي ممم طلق
هود شاف كيف كتالم وكتخنزر فيه نعل شيطان ورخف عليها
هي غير رخف عليها وهي تبدا تعرعر عوتاني
صوفيا: الله ينعل ال&امل بوك اولد الهازة انت سباب انت لي حبستيني عندك بحال عاهرة اش كيسحاب ليك راسك اه
هود تجاهلها حسن ما تبقا تزايد معاه في هضرة يصدق مخلطها وماشي هاد شي لباغي باغي ليوم يشد ليها لخاطر باش يوصلو لشئ حل
حل لباب لوطو ودخلها بزز منها ودار لبلاصتو من بعد ما سد عليها وخلاها تخبط فيه باغا تخرج
خدم كونطاك وزاد مكسيري مع طريق وهي كتسب فيه وضرب ليه في كتافو
هود:رصاي الموك راك غادي تقلبنيا البرهوشة
صوفيا :ماشي سوقي اش بغيتي عندي علاش ديما خارج ليا في عودي علاش الله يخاد فيك الحق بعد مني ياك انا غير برهوشة لاش جاي تبرهش معيا
هود خلاها كتهضر وكمل سوقان مركز مع طريق حيت صوفيا مرة مرة تخطف ليه لفولا من يديها حتا الطومبيل تبغي تقلب كون ما هود لي متحكم في طريق كون تقلبو
فرانا قدام. لبحر لي كان خاوي خصوصا جو صباح مغيم شوية ولكن رغم ذلك منضر زوين ولبحر هايج الشميسة ديال الصباح مرة تبان مرة تخبا من ورا الغيوم
صوفيا مزال كتغوت عليه يرجعها عند البنات
صوفيا:شوف داك شي لي داز بيناتنا نسيتو وحتا انت نساه ونساني بعد من طريقي خليني نعاود نبني داك شي لي دمرتي ونسا اش درتي ليا
هود: (جرها عندو حتا جات جالسة قدامو وزير ليها يديها لي كانت تنتر بيهم كيشوف في عينها ويهضر بصوت بلكاد تقدر تسمعو غير صوفيا)اول مرة شفت هاد العوينات حمقوني اصوفيا قلبي بدا يخبط بجهد حسيت احساس عمري حسيتو قبل خفت بزاااف .... خفت منك ا صوفيا خفت تعاودي تحيي جروحي كنت اخر حاجة نطلبها هي نعاود نشوفك مرة أخرى لكن وقع العكس كل مرة تعاودي تباني في نهاري كاع العصا لي كنت نعطيك وردة فعلي معاك كانت ناتجة على خوفي منك كنت كنحاول نبعدك مني حيت خفت بزاف (سكت تيشوف فيها كيف حالة فمها ومسمرة في بلاصتها كتشوف فيه ) ولي خفت منو طحت فيه (قرب عند ودنها وكمل بصوت ناقص كتر من لول ) دخلتي لقلبي وخاليتني نبغيك مابقيتش قادر ندوز نهار بلاما نشوفك ( خدا شهيق، مستنشق ريحتها لي كتهبلو) ولا بلاما نشم ريحتك فراقك في هاد الشهور محني كتر من فراق بويا ومي اش درتي فيا ممم ؟؟(سكت كيسمع لانفاس صوفيا لكانت مغمضة عينها تتصنت ليه وكتنفس هز راسو شاف كيف مغمضة عينها سها فيها بدا تيمرر ابهامو على كافة وجها كيتحسس بشرتها رطبة هي غمضات عينها على اتر حركة ابهامو
حط جبهتو على جبهتها كيتنفس من نفسها
ابهامو وصلو الشفايفها حلهم ليها باغي يبلل صبعو برحيقها وصوفيا مساعفاه زاد دخل صبعو تيلعب بلسانها حتا حس براسو تزير عوتاني
صوفيا غير حسات بداك شي قاصح.تحتها وهي تحل عينها بجهد وكرشات عليه بعضة لصبعو ما بغات طلق منو
هود:( بديك العضة فيقاتو من نشوتو وبدا يعاير وينش بصبعو باش يبرد عليه الحر) الله ينعل حسك واش وليتي كلبة ومفراسيش اااه جهلتي لموك🤬؟
صوفيا: (مربعة يديها وكتشوف فيه وفي صبعو لي سنانها بقاو مصورين فيه ولا فيه اتار دم )تستاهل باش تعلم تشد صبعك عندك
هود :(شاف فيها )انت اصلك متعرفي لا رمينسية لا هم يحزنون غير ديال تفرشيخ تفو
صوفيا:رومنسية خليتها ليك ابا حل عليا خرشاشتك نمشي فحالي 😏
هود: (معطلهاش حل عليها وهبطو بزوج شاد ليها من يديها مزيرة عليها وهي باغا تفك منو )زيدي قدامي وهنينا من تبرزيط
صوفيا:(كتحاول تفك منو)واش انت داخ ليك ضمير ولا اشنو واش بغيني نمشي معاك بزز
هود :اه الالة بزز ولا بخاطر لي عجبك نديروه