မူပိုင် အပိုင်းငါး။ ။
" ဒေါ်လေးမြ "
အရင်ကလို ကုမ္ဗဏီအလုပ်များမရှိတော့သောကြောင့် တစ်နေ့တာသည် အတော်လေးအားလပ်နေ၏။ ပျင်းလာတိုင်းဖတ်ဖြစ်သော ဝတ္ထုစာအုပ်များသည်လည်း အရေအတွက်မနည်းတော့ပေ။ ထို့ကြောင့် အစ်မရီ၏ အကြံပေးချက်အတိုင်း အပျင်းပြေအောင် ချည်ထိုးဖြစ်လေသည်။
တစ်ယောက်တည်း ဧည့်ခန်းထဲတွင် ချည်ထိုးနေခိုက် နံဘေးသို့ ခပ်ကျုံ့ကျုံ့ရောက်ရှိလာသူသည် မေပုံ့။ မေးဆက်ပြသော်လည်း စကားဆက်မလာခဲ့ပေ။ ထို့ကြောင့် ထိုးလက်စချည်အား စားပွဲပေါ်ခဏတင်ကာ စကားစပေးလိုက်သည်။
" ဘာကိစ္စတုန်း မေပုံ့ "
" သခင်မလေးပြန်မလာတာ ဆယ့်သုံးရက်တောင်ရှိနေပြီနော် ဒေါ်လေးမြ "
ဟုတ်ပါရဲ့။ ဆယ်ရက်ဟုပြောကာ ထွက်သွားသူသည် ယခုဆိုလျှင်ဖြင့် အချိန်လွန်ချေပြီ။ လန်ဒန်သို့ မူပိုင်စတင်ထွက်ခွာသွားသောနေ့မှစ၍ စိတ်တို့ပေါ့ပါးခဲ့သည်မှာ ယခုသူ့အကြောင်းမစခင်အထိပင်။ လွမ်းနေဟုပြောခဲ့သော်လည်း သတိတစ်ချက်လေးမှမရခဲ့ပါ။ မေ့မေ့ပျောက်ပျောက်နေနိုင်ခဲ့မိ၏။
" လန်ဒန်ကို မြန်မာပြည်ထက်တောင် သူကကျွမ်းဦးမှာပါ။ သိပ်စိတ်မပူနေနဲ့ မေပုံ့ "
မေပုံ့သည် သူ့သခင်ကိုတော့ အတော်လေးတွယ်တာရှာ၏။ အလုံးစုံမသိသော်လည်း မေပုံ့အား လူကုန်ကူးသူထံမှ မူပိုင်ပြန်ဝယ်လာခဲ့သည်ကိုတော့ သိထားခဲ့ပြီးဖြစ်သည်။
" ဦးမင်းပိုင်ကို မေးကြည့်ပါလားဟင်။ သခင်မလေးနဲ့ အဆက်အသွယ်ရရဲ့လားလို့ "
" မမေးချင်ပါဘူးကွယ်။ သွားတော့ လုပ်စရာရှိတာလုပ် "
မေပုံ့ထွက်သွားသည့်အခါ ဆိတ်ငြိမ်သွားသော ထိုအရပ်အဝန်း။ နံရံထက်မှ နာရီသံတဂျောက်ဂျောက်နှင့် အသက်ရှူသံ ခပ်တိုးတိုးသာ ပျံ့လွင့်နေခဲ့သည်။ တစ်ဆယ့်သုံးရက် .. စိတ်ပူရမည်လား။ ဝမ်းသာရမည်လား။
မှေးစက်နေကျ ကုတင်သည် ယခုကာလများတွင် အတော်လေးကျယ်ဝန်းနေခဲ့၏။ တစ်လဆိုသော ကာလတိုထဲ အကျင့်ဖြစ်သွားခဲ့ပြီဖြစ်သည့် ဘယ်ဘက်ခြမ်း၌သာ အိပ်စက်တတ်ခြင်း။ တစ်စုံတစ်ဦးမရှိနေသည်ကိုပင် ကျူးကျုးကျော်ကျော်မအိပ်ဖြစ်။ မနက်ခင်းတိုင်း နာရီသံပတ်ပေးကာ အိပ်ရာထသော်လည်း မူပိုင်၏ ထတော့လေဟူသော လူနှိုးစက်လေးမဟုတ်သည်ကြောင့် နားထဲတော်ရုံနှင့် တိုးမပေါက်ခဲ့ပါ။ အနွေးဓာတ်ပေးသော ရင်ခွင်နှင့်လှစ်ဟာခဲ့သည်မှာ တစ်ဆယ့်သုံးရက်တိတိရှိလေပြီ။
ချစ်လားဆိုတော့ တကယ်ကိုမချစ်တာပါ။ သို့ပေမယ့် အနေနီးစပ်ခဲ့ပြီးပြီမို့ ရှိသင့်သလောက် သံယောဇဉ်တော့ရှိ၏။ မုန်းသည့်စိတ်အား သနားတတ်သော အကျင့်ကဝင်ရောက်ဖယ်ထုတ်သောအခါ ဘယ်လိုမှမပြုစားရက်ခဲ့ပေ။
မဖြစ်သင့်တဲ့သူတွေကိုမှ ဘာလို့အတိအကျဆုံစေရသလဲ ကံကြမ္မာရယ်။ ဘယ်သူတွေကို ဘယ်လောက်အထိ နာကျင်စေဖို့ ဆန္ဒရှိနေရပါသလဲ။
ပရောဂျက်အသစ်နှင့် ပတ်သက်၍ လန်ဒန်ရုံးချုပ်၌ ပြဿနာလေးရှိလာခဲ့၏။ လက်ထောက်နှင့်လွှတ်ထားလို့ရပါသော်လည်း ဖေဖေ့ရဲ့ ကိုယ့်တာဝန်ကိုယ်ယူဆိုသော ရာဇသံကြောင့် လန်ဒန်သို့ ခရီးတိုထွက်လာခဲ့ရသည်။ အိမ်ကလေးဆယ့်နှစ်နှစ်ကိုပါ တစ်ခါတည်းခေါ်လာချင်သော်လည်း ဖြစ်မည်မထင်။ သူကလည်းငြင်းမှာဖြစ်သလို ကိုယ်တိုင်ကလည်း လူဖြူများကြားထဲ ကြွားလုံးမထုတ်ဝံ့။ ရှက်လို့၍မဟုတ် မူပိုင့်အပိုင်ကို မျက်လုံးနဲ့တောင် ပြစ်မှားခြင်းကို မလိုလား၍သာဖြစ်၏။
အလုပ်ကိစ္စမှာ ထင်ထားသည်ထက် ပိုစောကာအပြီးသတ်နိုင်လိုက်၏။ ထို့ကြောင့် ဆယ်ရက်ဆိုသော ခေါင်းစဉ်ကိုပြောင်းကာ ခြောက်ရက်ခရီးဖြင့် မြန်မာပြည်သို့ပြန်ရန် ဆုံးဖြတ်မိသည်။ သို့သော် အရာမတွင်ခဲ့ပါ။
ရာသီဥတုအခြေအနေ မူမမှန်ခြင်းကြောင့် လန်ဒန်လေဆိပ်ကွင်းအား ခေတ္တပိတ်ထားကြသည်။ စိတ်ရှိတိုင်း ကားနဲ့မောင်းထွက်လာရအောင်လည်း လန်ဒန်နှင့်မြန်မာပြည်သည် ဟိုဘက်ရပ်ကွက်၊ ဒီဘက်ရပ်ကွက် အကွာအဝေးမဟုတ်။ ယခုဆို ဟိုတယ်တွင်သောင်တင်နေခဲ့သည်မှာ တစ်ဆယ့်သုံးရက်ကြာချေပြီ။ ကျုပ်လွမ်းလှပြီ ဒေါ်ဒေါ်ရယ်။
" အစ်မရီ "
" ပြောလေ မြ "
" ဟိုတစ်ယောက်လည်း အိမ်မှာမရှိဘူးဆိုတော့ မန္တလေးဆင်းဦးမယ် အစ်မရီ "
" အယ် ဖြစ်ပါ့မလား "
အထိတ်ထိတ်အလန့်လန့်ဖြစ်သွားသော အစ်မရီအမူအရာကြောင့် မြ နှစ်နှစ်ခြိုက်ခြိုက်ပြုံးမိသည်။ မူပိုင်ကိုကြောက်၍မဟုတ်သော်လည်း အစ်မရီသည် မြတို့နှစ်ယောက်အား အချင်းမများစေချင်။ ဒါဟာ အစ်မရီ၏ တစ်ခုတည်းသော ဆန္ဒလို့တောင် ခေါင်းစဉ်တပ်နိုင်သည်လေ။
" မဖြစ်စရာအကြောင်းမရှိပါဘူး။ သူပြန်လာရင်သာ ပြောပြလိုက်ပေါ့ ဟိုမှာ မြ နှစ်ရက်လောက်ပဲကြာမှာပါ "
" ကိုဘသောင်းနဲ့သွားမှာလား။ ရထားလက်မှတ်ပဲ ဖြတ်ပေးရမလား မြ "
" ကိုဘသောင်းနဲ့ပဲ သွားလိုက်ပါ့မယ် "
ညတွင်းချင်းပဲ မန္တလေးဆင်းဖြစ်၏။ ထွေထွေထူးထူး သယ်ပိုးစရာလည်းမလိုပါ။ ပိုက်ဆံအိတ်ကိုသာယူလို့ ကိုဘသောင်း၏ မောင်းနှင်မှုနောက် လိုက်ပါခဲ့သည်။
အနောက်ခုံမှ မောင်းသူနေရာသို့ တွေတွေလေးငေးနေသည့် ဒေါ်မြရံခြယ်။ ပျိုးပျိုးပျက်ပျက် ကြယ်တာရာတွေရယ်၊ ပြတင်းတံခါးမှ ဝင်လာသော လေငွေ့အေးအေးရယ်။
မလိမ်တမ်းဝန်ခံစမ်းပါဆိုရင် မြ သတိရနေမိသည်။ လက်တစ်ဖက်ထဲဖြင့် ကျွမ်းကျင်ပိုင်နိုင်စွာ စတီယာတိုင်ကို ထိန်းမောင်းတတ်သည့် မူပိုင်။ ခပ်မြန်မြန်အရှိန်ကို ဘယ်သောအခါမှမလျှော့။ အခြားလက်တစ်ဖက်ကိုတော့ဖြင့် ဟန်ပါပါတံခါးဘောင်တွင် တင်မှီထားတတ်၏။ ပင်ကိုယ်ဟန်ပန်သည် အတော်လေးစရိုက်ကျသော်လည်း ချောမောမှုအား တစ်ပြားတစ်ကျပ်လေးပင် လျော့သွားအောင်မစွမ်းနိုင်ပါ။
" ကိုဘသောင်း "
" ဗျာ မမမြ "
" အချစ်ဆိုတာ ဘာလဲ "
ခပ်ရိုးရိုးအမေးသည် ကိုဘသောင်းအား များစွာအကျပ်ရိုက်စေ၏။ ကားမောင်းနေရင်းမှ ခေါင်းကိုတဗြင်းဗြင်းကုတ်လို့ အကြံအိုက်ချေပြီ။
" အချစ်ဆိုတာ အချစ်ပါပဲ မမမြ "
" အင်းနော် အချစ်ဆိုတာ အချစ်ပဲပေါ့ "
နာရီအပိုင်းအခြားတစ်ခုအထိ မောင်းနှင်လာပြီးနောက် အနက်ရောင်စလွန်းကားလေးသည် မြရဝန်ဆိုင်းဘုတ်ကပ်ထားသော ခြံအရှေ့၌ ရပ်တန့်၏။ ကားဟွန်းသံနှစ်ချက်နောက် ပွင့်ဟလာသော ခြံတံခါး။ တလိမ့်လိမ့်ရွေ့လာသော ကားဘီးသည် စင်ဝင်အောက်သို့အရောက် တိခနဲငြိမ်သက်၏။
ကားပေါ်မှဆင်းလာသူသည် အစ်မရီကိုမြင်သောအခါ စိတ်အလိုမကျ မျက်ခုံးကျုံ့၏။ ထို့နောက် မေးခွန်းတစ်ခုအား ထုတ်မေးလေသည်။
" ဟိုတစ်ယောက်ကော "
" မြက မန္တလေးကို နှစ်ညအိပ်ခရီးထွက်သွားပါတယ် သခင်မလေး "
" ဘာ .. ဟာကွာ "
ကျယ်လောင်စူးရှသော ထိုအသံကြောင့် အစ်မရီအပါအဝင် ဘေးတွင်ရပ်နေသော မေပုံ့နှင့်ဒရိုင်ဘာပါ လန့်သွားကြ၏။
" ဘယ်နေ့ကသွားတာလဲ။ ဘယ်သူနဲ့သွားတာလဲ။ ဘာလုပ်ဖို့သွားရတာလဲ "
တောက်လျှောက်ထွက်လာသော မေးခွန်းတို့အား တုန်တုန်ရီရီပြန်ဖြေသူသည် မေပုံ့သာ။
" မနေ့ညကပဲသွားတာပါ။ ကိုဘသောင်းကြီးလိုက်ပို့ပါတယ် သခင်မလေး။ အကြောင်းကတော့ တူဖြစ်သူနဲ့သွားတွေ့မယ်လို့ ပြောခဲ့ပါတယ် "
" အထုပ်တွေ ကျုပ်အခန်းထဲထည့်ထားလိုက် မေပုံ့။ ကဲ .. ကားဆရာကြီး အဆင်ပြေသလိုသာပြန်လိုက်တော့။ နောက်နေ့ ကျုပ်ကိုယ်တိုင် အိမ်မှာကားပြန်လာအပ်မယ် "
မှာစရာရှိတာမှာပြီး ကားထဲဝင်သွားသူကြောင့် ဒရိုင်ဘာခင်ဗျာ ပြာပြာသလဲ။ ယခုကားသည် မူပိုင်၏ ပိုင်ဆိုင်မှုအောက်ထဲမှဖြစ်သော်လည်း တဇွတ်ထိုးယူဆောင်ခွင့်မရှိ။ အဖေဖြစ်သူ ဦးမင်းပိုင်သိလျှင် များစွာစိတ်ဆိုးပေမည်။
" နောင်နောင်လေး အခြေအနေဘယ်လိုရှိလဲ မမ "
မြအမေးကို မမကခေါင်းခါရုံဖြင့်သာဖြေ၏။ သက်ပြင်းခပ်ယဲ့ယဲ့ချလို့ ခြံဝင်းထဲသို့သာ ကျောခိုင်းကာလှည့်ထွက်လာလိုက်သည်။ နောင်နောင်လေးယခုကဲ့သို့ စိတ်ဝေဒနာကို အလူးအလဲခံစားရပြီးနောက်ပိုင်း မမဟာလည်း စကားနည်းလာခဲ့၏။ တစ်ကိုယ်တည်းအားဖြင့် ဒီသားလေးတစ်ယောက်ကို လူတစ်လုံးသူတစ်လုံးဖြစ်အောင် မြေတောင်မြှောက်ခဲ့ပြီးကာမှ အမြင့်မှရိုက်ချလိုက်ရသလိုနှယ်။
မြ အမှားဟုသတ်မှတ်ထားပေမယ့် ဘယ်သောအခါမှ မမသည် မြအား နာကျင်စေမည့်စကားကိုမဆို။ နောင်နောင်လေးရဲ့ ဘဝပေးကံဟုသာ တရားနှင့်ဖြေ၍ပြော၏။ သို့သော် မမ၏ရင်ဘတ်ထဲတွင်တော့ တည်ငြိမ်မနေခဲ့ပေ။ အဲ့လိုတွေမြင်ရတိုင်း မြ ပိုတိုးကာအားနာမိသည်။
" မြ .. ခြံရှေ့မှာ ဧည့်သည်ရောက်နေတယ် "
" ဟင် ဘယ်သူတုန်း "
" မြရဲ့သက်ဆိုင်သူလို့ပြောတယ် "
မဟုတ်ပါစေနဲ့ဟု ဆုတောင်းခဲ့သော်လည်း မပြည့်ဝပါ။ ခြံတံခါးဖွင့်လိုက်သည်နှင့် ကားပေါ်မှဆင်းလာသူကို မြင်ရ၏။ လောင်းကုတ်ရှည်မှာ မန္တလေးရာသီဥတုနှင့် မလိုက်မဖက်။ စတိုင်ပင်ဘောင်းဘီအောက်ရှိ ခစားနေရသော ပြောင်လက်လက်ရှူးဖိနပ်သည် နာမည်တံဆိပ်ဖြစ်မည်။ မြ စိတ်ထင်မမှားလျှင် ...
" ကျုပ်ချက်ချင်းလိုက်လာတာ "
အတွေးပင်မဆုံးလိုက်ပါပဲ ထွက်ပေါ်လာသော စကားသံကြောင့် မြ မျက်ဝန်းများပြူးကျယ်သွားရသည်မှာ ဧကန်။ နာရီပေါင်းများစွာကြာအောင် လေယာဉ်စီးလာသူသည် မနားပါပဲ မန္တလေးအထိ လိုက်လာသည်တဲ့လား။ မဖြစ်နိုင်တာဟုပြောချင်သော်လည်း အမှန်အဟုတ်ဖြစ်ပြီးခဲ့ပြီ။
" ခရီးကပြန်ရောက်ရောက်ချင်း ကျုပ်မြင်ချင်တဲ့ တစ်ဦးတည်းသောသူက ခင်ဗျားပဲ ဒေါ်ဒေါ် "
" အခုပြန်တော့ "
" တစ်ပါတည်းပြန်လိုက်ခဲ့ "
" ဟင့်အင်း "
" မငြင်းနဲ့ ခင်ဗျားပြန်မလိုက်ရင် ကျုပ်တို့ရဲ့ ပတ်သက်မှုကို ချပြပြစ်မှာနော်။ မလုပ်ရဲဘူးထင်လား ဒေါ်ဒေါ် "
ဘေးကျပ်နံကျပ်အနေအထား၌ မြ အသက်ကိုပင် ရဲရဲမရှူနိုင်တော့ပါ။ မြတို့နှစ်ဦးကြားမှ လက်ထပ်ထိမ်းမြားမှုသည် ဦးမင်းပိုင်တို့ဘက်သာ အတိအလင်းဖြစ်သော်လည်း မြဘက်တွင်တော့ ပွဲတက်ရောက်သူ အစ်မရီနှင့် ကိုဘသောင်းသာ သိကြခြင်း။ မြ ဘယ်လိုနည်းနဲ့ အသိုင်းအဝိုင်းကြားထဲ ဖွင့်ချပြရမည်နည်း။ အနှစ်နှစ်အလလ ထိန်းသိမ်းခဲ့ရသော မြရဲ့ သိက္ခာတရားတို့အား ရေစုန်မြောမခံနိုင်ပါ။
" မင်းသိပ်ဆိုးတယ် "
" ယူစရာရှိတာ သွားယူတော့။ ကျုပ်အရမ်းပင်ပန်းနေပြီ "
" ကိုယ့်ဘာသာပြန်။ ကိုဘသောင်းကားနဲ့ပဲ မြ ပြန်လိုက်ခဲ့မယ် "
" မလိုက်ရပါဘူး။ ခင်ဗျားရဲ့ဆိုင်သူတစ်ယောက်လုံး လာခေါ်နေတာကို ဘယ်သူနဲ့လိုက်မယ်ပြောနေရတာလဲ။ ကျုပ်စိတ်မရှည်ဘူး မြန်မြန်လုပ် ဒေါ်ဒေါ် "
မနက်စောစောကမှ ရောက်လာပြီး ညတွင်းချင်းပြန်ရပေတော့မည်။ မမအား မည်သို့အကြောင်းပြချက်ပေးရမည်နည်း။ မြ ခေါင်းတစ်ခုလုံးထူပူနေချေပြီ။
" မမ "
" ဟင် "
" အလုပ်မှာအရေးကြီးကိစ္စလေးပေါ်လာလို့ မြ ပြန်တော့မယ်။ နောက်မှအေးဆေးလာလည်ပါ့မယ် "
" အင်းပါ ဂရုစိုက်ပြန် "
" ပြီးတော့ ကိုဘသောင်းကို ဒီမှာထားခဲ့မယ်။ မနက်ဖြန် တစ်ပတ်စာအတွက် ဈေးဝယ်ထွက်မယ်မဟုတ်လား။ အဖော်ဖြစ်အောင်ခေါ်သွားနော် "
" ဒါဆို မြကကောဘာနဲ့ပြန်မလဲ "
" အလုပ်ကနေ ကားလာကြိုပေးတယ် မမ။ အိမ်ရှေ့မှာတောင်ရောက်နေပြီ "
မြ အကောင်းဆုံးကြိုးစားကာ လိမ်လည်ပြီးနောက် ပိုက်ဆံအိတ်ကိုဆွဲ၍ ခြံပြင်ဘက်သို့။ အလိုက်တသိဖွင့်ပေးသော ကားတံခါးမှ ဝင်ထိုင်လိုက်သည်။ အသံတိတ်ကားလေးသည် အရှိန်နှုန်းမြန်မြန်ဖြင့် ထွက်ခွာလေ၏။
" ဘာလို့ကျုပ်ကိုစောင့်မနေတာလဲ "
အမေးစကားကို လျစ်လျူရှူကာ တစ်ဖက်သို့စောင်းငဲ့နေသူကြောင့် စိတ်ကထောင်းခနဲ။ ပင်ကိုယ်အကျင့်စရိုက်ကိုက ဒေါသထွက်လွယ်သူမို့ ထိန်းချုပ်ရအင်မတန်ခက်ခဲသည်။
" ကျုပ်မေးနေရင်ဖြေ ဒေါ်ဒေါ် "
" အမိန့်လာမပေးနဲ့ "
" ကျုပ်ခရီးပမ်းနေတယ် ကျေးဇူးပြုပြီး အချေအတင်စကားတွေမပြောပါနဲ့လား "
" မင်းကိုဘယ်သူက လိုက်လာခိုင်းလို့လဲ "
ကျွီခနဲရပ်တန့်သွားသောကားသည် ရုတ်တရက်ဆန်ခြင်းကြောင့် မြ ကိုယ်လုံးလေးအရှေ့သို့ ထိုးယိုင်သွား၏။ မောင်းသူနေရာမှလူအား အကြည့်စူးစူးဖြင့် မျက်နှာချင်းဆိုင်လိုက်သည်။ ထိုတစ်ဖက်လူသည်လည်း သူ၏မူပိုင်ဖြစ်သော အေးစက်စက်မျက်ဝန်းများဖြင့်။
" ကျုပ်ကိုမျက်ရည်ကျအောင် မလုပ်နဲ့ "
" ဘာ "
ထိကပ်သွားသော နှုတ်ခမ်းတစ်စုံ။ အကြိမ်ကြိမ်ထိတွေ့ဖူးပါသော်လည်း အမြဲဆန်းသစ်နေသည့် နှလုံးခုန်ခြင်းများ။ လှိုက်ဖိုခြင်းများ။
" ခင်ဗျားချစ်တတ်လာမှ နားလည်ပါလိမ့်မယ် ဒေါ်ဒေါ် "
" ဟင့်အင်း "
" ကျုပ်ကိုချစ်လိုက်လို့ရပါတယ် ခင်ဗျားရယ်။ ဘာတွေများ အဲ့လောက်ခက်ခဲနေရတာလဲ "
" ဟင့်အင်း မချစ်ဘူး "
" ကျုပ်ပြောဖူးပြီးသားပါ ချစ်နိုင်အောင် ခင်ဗျားကြိုးစားရမယ် ဒေါ်ဒေါ်။ ဘာလို့ဆို ကျုပ်ကဘယ်တော့မှ ခင်ဗျားကိုလက်လွှတ်မှာမဟုတ်ဘူး "
ပြန်လည်ထွက်ခွာသွားသော ကားလေးနှင့် ပြန့်ကျဲနေသည့် အတွေးစများ။ လိမ်ညာခြင်းခံထားရသော နှလုံးခုန်သံ ခပ်တိုးတိုးရယ်၊ ဟန်ဆောင်ဖုံးအုပ်ထားသော အမုန်းမျက်နှာရယ်။
မြ မင်းကိုမချစ်ဘူး မူပိုင် ~
______
(အညို)
အပိုင်းလေးကို ပြန်ဖတ်ပေးကြပါဦးနော်။
အညိုမှားတင်မိလို့ရယ် personal ကိစ္စလေးတွေကြောင့် စိတ်ရှုပ်နေရတာမို့ အပိုင်းတွေပါမှားတင်ထားမိတယ်။
အားနာပေမယ့် ဇာတ်ရှုပ်သွားရင် အစကပြန်ဖတ်ကြည့်ပေးနော်