ادمنت حدة عينيه

بارت 28

لا تلومني انته السبب

والصار كله من ايدك

وياك واصل مرحله

احتاجك وما اريدك

********************************

ابو سليم ـ نسوي قرعه فريق القائد مالته انتم منو تردونه

فاتنه ـ الكل صاحوا فتون گلت العب يله وانتم صاحو توفيق

توفيق ـ راح نمرعج فتينه

فاتنه ـ فاز باللذات من كان جسورا باباتي اذا عندي نائل وجوجايه وبقور ورهف خانم ومسره خانم وبعد منو يصير وياي

فرزدق ـ اني ومريتي ويه فتينه

فاتنه ـ لك هلا بالعلم تعال تعال

فرزدق ـ سلااااام عليكم يا قوم

الكل ـ اهلا بالزير سالم

فرزدق ـ مو صوجكم والله يله فتينه وياج البدايه غير منو الخصم مالتنه

فاتنه ـ بابا وعمامي ونبأ وسباوي وزاهد والحكم وياهم ههههههههه

فرزدق ـ منو الحكم بس لا

فاتنه ـ عمورتي

فرزدق ـ ولك رحنه بيهه فتينه راح صدك يمرعونه وعلي

فاتنه ـ افا واني موجوده احيرهم وداعتك يله جدوتي منين نبدي منكم لو من عدنه اختار

ابو سليم ـ نبدي وياكم يله

فاتنه ـ من عيووووني تتدلل اها اول واحد صار بيده نائل وربحنه اول نقطه ونضحك ونگمز مره ثانيه بيد فرزدق وهم ربحنه

لما بالمره السابعه بيد مسره اخذوه من عدنه وصار الهم صارت الهم 6 واحنه 7 نائل گال

نائل ـ اني اسحب المحيبس منهم وخري فتون

فاتنه ـ يله تعال گعد يباوع بوجههم ويشوف اديهم شاف نبأ مرتبكه ضحك گال

نائل ـ جيبيه نبأ

توفيق ـ غشششش والله غششش هذا اسلوبك استفزازي مو هيج ترا ما يصير

نائل ـ اللعب لعب عموووو

فاتنه ـ احنه المحد يندك بينه وها وها وها وها يله شباب شابات اطلبوا واتمنوا ابوي الحلو توفيق يجيبلكم اللي تردونه

توفيق ـ اي اجيبلكم بس مو تفلسوني شرط اللي اجيبه اكل

مجاهد ـ ايييي صينية بقلاوه على زنود الست وبرمه يبوووووووو شتگولون شباب

الكل ـ اييييي وياك

توفيق ـ خرب يومكم هواااي ولكم شدعوه هالگد

فاتنه ـ حبيبي باباتي حرك جيبك يا حلو وكلهه مجتمعه يعني من كل وحده صينيه خلي روحك رياضية حبيبي

توفيق ـ ههههههه اخليهه ليش لا يله سمير خلي نروح نجيب ونجي بسرعه

سمير ـ اي ونتقاسم الخساره سوا يله سليم ساجد ورقوا بعد روحي كلمن يحرك جيبه شوي وعوفوا عگاربكم على صفحة ما يلدغن ترا

ساجد ـ اني بالنسبه الي ما عندي مفلس

سليم ـ انته شوكت ما شفناك ما عندك شوكت يصير عندك ما ندري عمي اني اشيل صينية البقلاوه بعد

سمير ـ واني البرمه وانته توفيق

توفيق ـ واني زنود الست يله امشي هم يله نلحگ حتى نرجع على الغدا قبل لا يصبون

فاتنه ـ اي بسرعه اذا ما اجيتوا نخلص الاكل ترا هنا افواه وارانب ناكل الاخضر واليابس ههههههههههه

ابو سليم ـ بهاي صدقتي هههههههههه

توفيق ـ اي نجي نجي ليش لا مو تبدون قبلنه

فاتنه ـ لا ابددددداااااااا هههههههه راحوا شوي وجابوا الحلويات خلوهم بالمطبخ وكمل الاكل نقلناه للصاله كلهه گاعده صغار وكبار ناكل ونضحك ونتشاقه ونسولف ونحشش وشوي تصنف شي

خلصنه ولملمنه كلشي وغسلنه وانطيناهم جاي شربوا لزم ايدي نائل گتله احجي اني وياك ما اعوفك والله يله حبيبي

نائل ـ اي ادري بيج والله احم يا جماعة الخير عندي وياكم سالفه وين عمتي اريدهه هنا

ابو سليم ـ خير بويه احجي وينج ام سليم تعالي

ام سليم ـ ها اجيت شكو

نائل ـ عمه تعالي هنا بصف عمي عندي وياكم سالفه واريدج انتي اول الحاضرين هنا

ام سليم ـ هاي گعدت گول عمه شكو صاير شي بيك شي

نائل ـ كلكم تعرفوني اني ابن منو ابن محمد صح بس الحقيقه اني مو ابن محمد كلهه انصدمت لزمت ايد فاتنه حيل

ابو سليم ـ شتگول انته شنو مو ابن محمد شنو تعرفوني شكو احجي فهمنه بله

نائل ـ جان عمري 7 سنوات واني اشتغل لا خليت سوك لا خليت مطاعم محلات اخر شي اشتغلت سايق وياكم

جنت كل عمري اگول ليش ابوي مدلل مرتضى ويطلعني اشتغل حر وبرد صيف وشتا واگعد من الفجر ارجع لليل

حدي بس المدرسه اداوم وارجع ركض حتى لا انكتل واتعاقب

جنت اداوم الصبح واشتغل العصر واجيب مصرف للبيت جان يحسب علي اللگمه وشربة المي

اذا شافني مرتاح ما يرتاح ولا تغمض عينه اذا ما يطلعلي سالفه من جوا الگاع يورطني بيهه ويشلع گلبي

جنت اشك اني مو ابنه بس جانت امي تگلي لا يوم لان انته الجبير وهو يعتمد عليك بكلشي حتى بسالفة الفصليه راد ياخذ فاتنه لمرتضى ويذلكم بيهه ويجرعهه المر

بس اني اشتريتهه منه مشترى اي لا تنصدمون اشتريت حرية فاتنه بعقد لهسه جاي ادفعله فلوس عنهه من صارت بلسم جان ساكت ما يحجي

ومن ماتت بيوم العزا من فاتنه گالت طاعنه المجرم اللي ما ندري بيه لهسه عايش او ميت وبنفس الوقت ما ندري هو مصورهه صوره وصوت ومصور اعترافهه وجاي يبتزني بيه

ام سليم ـ يمممممه عزا العزاك محمد شلون هيج يسوي شنو من گلب عنده ولج يمه وشلون هسه

نائل ـ اي عمه اخوج اخذني من دار ايتام ورباني وياخذ عن رباي فلوس كلشي انطيته وكلشي وفرتله لحد ما مرتضى طلعت زوجته فاطمه عقيم ما يصير عدهه اطفال

هنا بدت المحاربه بعد ما صاروا التوأم اطفالي جاي يبتزني لو يسجن فاتنه لو ياخذ سدل بقيت ادفعله فلوس اكثر حتى ما يسجن فاتنه

لان اذا انسجنت ويتسلم المقطع للشرطه تنتهي حتى دراسه بعد ما يخلوهه تدرس ويتحطم حلمهه ومستقبلهه

ابو سليم ـ وانته ليشششش سكتتتت هااااا والله اطلعهه من عيونه النذل لك هذا باع اخته واشترى نفسه بوقت اللي ردنه ناخذ فصل منهم ما انطانه ودفع اخته النه بداله

هو اللي سلم فيروز النه وجابهه بيده لابوي وگله هاي اختي عن الفصل واخذ الفلوس وطلع من المحافظه

بقوا اهله بعازة اللگمه وحسره عليهم العيشه واللگمه الزينه شلون امنت بيه وسلمته بنيتي الله يلعنك يا حقير

نائل ـ عمي من رخصتك خليني اكمل اي لما قبل فتره من صار وياهم حادث ورحت لبغداد بعد الحادث اللي صار مرتضى بعد ما يصير عنده اطفال

ابنه معوق وزوجته حامل هسه اعتقد على ابواب ولاده او بعد هنا ابوي محمد شدد علي الا ياخذ سدل بالرضا وبالغصب ياخذهه

لما حجيت وانفعلت ساعتهه اعترف اني مو ابنه وجايبني من دار ايتام بقيت ايام وليالي اتوسله ينطيني اي معلومه عن اهلي

اي شي يوصلني الهم ويشوفني گدامه احترگ وهو متونس بعذابي وماكو منه اي حجايه بس

اللقيط لو ما اني لامك ببيتي انته بالشارع تنهشك الجلاب اكرمكم الله وبحسرة الخبزه والبيت والعيشه

واني اللي عشته وياه عيشه عبد وخادم جواه لما بيوم اتصلت ود وگالت سامعتهم وعارفه اسم الميتم وامي عايشه

بيومهه رحنه اني وفاتنه اسبوع دورت لما تعبت كلش فقدت الامل ايام واني ادور بس فاتنه وياي ما فقدت الامل بالعكس

جانت تشجعني جانت نعم الزوجه والصديقه وگفت وياي وتدور اسم اسم من بداية الدوام لنهايته

لا تعبت ولا ملت ابد لما لگيناه وهنا جانت اول بوادر الامل الي حتى اعرف اهلي منو

مجاهد ـ يعني هسه انته مو ابن محمد صح

نائل ـ الاصح اي جايك بالحجي وراح تفهم شنو رجعنه لان خلصت اجازتي وبقيت اتواصل ويه جماعه ببغداد على امل يعرفون بالمستشفيات او القابلات القديمه بوقت ولادة امي الي

وحده تعرف اسم سماهر .... ولدت بتاريخ اليوم والشهر والسنه نطيتهم كلشي وجان ماكو اي دليل يثبت مره بهيج اسم ولدت بهذا التاريخ هنا فقدت كل امل بعد ما الگاهه

لان ماكو الهه سجل ولاده باسمي اللي هو مو نائل بالحقيقه

ام سليم ـ ليش يوم شنو اسمك

نائل ـ اسمي الحقيقي هو فرقد مو نائل

ابو سليم ـ انته جاي تحجي الصدك لو هيج سوالفك مثل كل مره تلعب بيهن علينه وتخلينه نصدگ وتاليهه تگول جذب

نائل ـ لا عمي جاي احجي الصدك والله ومن رجعت بعد اكثر من شهرين ابوي محمد بعد ما مرتضى طلك زوجته فاطمه من عرف بخياناتهه اله وبيوم الحادث اختفت ومحد يدري عنهه شي

ورجعت بعد 4 ايام بكل عين صلفه وبيومهه مرتضى ضربته جلطه وطلگهه واجوا اهلهه اخذوهه من خلصت عدتهه راح ابوي محمد واتزوجهه زوجه ثالثه على امي

ابو سليم ـ نائل انته بيك شي لا تخبلنه ترا گوه گاعد على اعصابي ما اگوم اكسر عظامك عظم عظم على هاي سوالفك الجايفه تريد تخبلني

نائل ـ والله يمكن اني بعد اللي صار لو متخبل احسن ولا هذا اللي مريت بيه كله اي ف ود سامعته يگول لامي ولفاطمه انو امي الحقيقية بدار المسنين

رغم صغر سنهه بداية الاربعينات يعني من متزوجهه ابوي عمرهه 14 سنه رجعت بعد مده اخذت اجازه اسبوعين

هنا انته عمي بنفسك شكيت بينه وحجيت لفاتنه بعد عرس الولد مجاهد وباقر بيوم طلعنه لبغداد

صرنه ندور بالمراكز مال رعاية المسنين على وحده بهيج اسم بقينه 6 ايام ما خليت دار مسنين ما دورته اطلع بدايه الدوام وارجع نهايه الدوام

ختمت سجلاتهم ختم من گد ما ادور عليهه وفاتنه وياي بكل لحظه شاهده على كل اللي مريت بيه

لما لگيتهه اول ما شافتني انصدمت وذكرت اسم زوجهه اللي هو ابوي واثق ال عباس من الجنوب

ابو سليم ـ هسه انته من ال عباس بيت ال ....... من محافظه ال........ صدك تحجي

نائل ـ عمي وانته هسه عرفتهم اي اني ابنه الجبير من لگيتهه بقينه يوميه نروحلهه الصبح ونرجع الظهر لما بيوم گالت اليوم يجي ابوي يسدد الفواتير

بقيت گاعد على اعصابي لان كل اعتقادهم اني ميت وامي ذابتني بالشارع ودليلهم بس قطعة قماش كلهه دم يعني من اثري

وعلى اساسهه ابوي ذب امي بدار المسنين وهيه بعز شبابهه بعدهه ما واصله لل 15 سنه

لما اجه ودخل ما جنت ادري بيه اسولف ويه امي واحفظ بشكلهه واني ظهري اله واحجي بس فاتنه عرفته نفس الشكل والمشيه والحركات وعگدت الحاجب

يعني اني ماخذ منه كل هاي الصفات وصل وحجه ويه امي واللي عرفت سبب زواجه منهه اهلهه منطيهه فصليه اله

بعدهه عرفت انو ابو امي قاتل ابو ابوي بسبب فلوس وسياره جانوا شراكه بيهه من حجه وياهه وگاللهه الفصيله ما اسولفلكم هجوم فتون ساعتهه

خلته يبجي دم على كل لحظة معاناة يعيشونهه هيج فئه من البنات بسبب الاعراف والتقاليد

صارت تحجي وياه وتدفع بيه وهيه نار بركان وتهدد بيه بسبب كلمه حجاهه لما وگفت گباله من شافني حلف وقسم حتى بالقران اني ابنه

لما سوينه التحليل وعرفت فعلا اني ابنهم وهذا جان مفتاح خلاص امي من عذابهه من دار المسنين وهسه هذا اني گدامكم وگفت وعدلت ملابسي

اني مو ابن محمد وبعدني لهسه اتهدد بفتون وسدل وحده منهن تبقى وياي واخسر الثانيه وابوي اسمه واثق مو محمد واسمي الحقيقي فرقد مو نائل

تخلون بنتكم تعيش وياي ونكمل حياتنه مثل ما بديناهه واصيرلهه اهل وعزوه واشيلهه برموش عيوني واحطهه بنص روحي مو بس گلبي

وادللهه مثل ما جنت واكثر او القرار الكم شنو تردون اني حاضر وتحت امركم اللي تردونه يصير

فاتنه ـ گمت وگفت يمه واني قابله بيك بكل حالاتك لزمت ايده شنو تقررون اني وياه مو ضده

ابو سليم ـ يعني انتي جنتي تعرفين كل هذا وسكتي ما حجيتي النه ولا شي ولا نطقتي حرف زين لو طلع ابن غير شرعي تتوقعين اخليج وياه دقيقه

فاتنه ـ جدو اعتقد اني جبيره واعرف اتصرف مو ذيج الطفله اللي كلكم تشوفوهه باوعتلهم واحد واحد اني فاتنه توفيق عمار زوجة نائل

او بالاحرى فرقد واثق ال عباس ال...... قبلتوا بيه مثل ما هوه اني وياكم ماكو اني الي زوجي واطفالي وانتم تبقون اهلي مهما كبرت وعشت

ابو سليم ـ هذا قرارج الاخير يعني

فاتنه ـ مسحت دمعتي اي نائل زوجي ويبقى زوجي وابو اطفالي وما ابدله بكل الدنيا

مجاهد ـ روحي وياه وصيري وياه ضد الزمن فتون اني وياج مو عليج

باقر ـ واني وياج فتون نائل يستاهلج والله

فرزدق ـ واني وياج ووياه اثنينكم اعزاز علي

ظاهر ـ واني وياكم حبايب روحي

نائل ـ ها عمي شتگول توافق لو ترفض القرار الك

ابو سليم ـ بابتسامه اني اعرفك زلمه معدل مو مهم منو ابوك انته اثبتت بهاي افعالك انك نقي ومو ابن محمد

جنت خايف لا تسوي بفاتنه مثل ما ابوك سوا بفردوس بس لا انته صدك مو ابنه تعال ولك ابو هبطه تعال

نائل ـ ههههههه اروحلك فدوه عمي تاج راسي والله

مجاهد ـ تعال ولك ههههههه هسه شنسميك فرقودي بعد

نائل ـ هههههههه لا نائل هذا الاسم عاش وياي كل هذا العمر ابقى نائل

ظافر ـ علم والله انته سبع اخوي الغالي ابو حسيون

نائل ـ تسلم يا غالي حبيبي والله

باقر ـ هسه بعد ما تحقد علي البعير ابو برطم خاب احبك وعلي

نائل ـ ههههههههه واطيح حظك هم اخوي الغالي باقر

فاتنه ـ خب وخروا موتوه اريده شنو هاي بس الكم عابت حتى عابت خلولي شوي منه لا تخلصونه

ابو سليم ـ هههههههه هو كله الج

نائل ـ ها عمه تبقين عمتي وتعتبريني ابنج وابن اخوج لو لا

ام سليم ـ يبعد عمري تعال عمه تعال شلون اعوفك انته الغالي يروح عمته وعافيتهه

نائل ـ حضنتني وبجت بستهه براسهه كافي يا حيلي انتي سلموا علي كلهم وكلهه تحضني وتباركلي لان لگيت اهلي من صدك رن تلفوني ابوي رديت الو هلا يابه

واثق ـ ها بويه شلونك شخبارك طمني عنك

نائل ـ بنعمه افتح كامرا شوف عائلتي الثانيه وجهت الكامرا عليهم وهو سلم عليهم وكلهه تحجي وياه گال

واثق ـ وينهه الذيبه ام لسان

فاتنه ـ ههههههه هنا عمو هاي اني شلونك شخبارك

واثق ـ بشوفتكم بخير بابا وين احفادي خليني اشوفهم

فاتنه ـ هسه اجيبهم رحت جبتهم تعالوا نشوف جدو ركضوا بحضن ابوهم گعدوا وبقى يحجي وياهم وهمه يردون لو يتعاركون حتى يجاوبونه وهو يضحك وياهم گال

واثق ـ بويه فرقد جيبهم خليني اشبع منك ومنهم راح ادزلك سياره لسليمانيه تاخذكم مناك وتعالوا يمي كم يوم

نائل ـ ما اگدر والله عندي دوام وصعب اخذ اجازه هسه بس خلي اداوم شهر على الاقل ووراهه اجيبهم واجي والله اخذهه مني وعد اجيبهم وتشوفهم وتشبع منهم

فاتنه ـ عمووو تلحك تلحك تشبع من عدنه احنه ناس نشلع الگلب من هسه اگلك مو تگول ما گلتوا وتورطت بيكم وتطردنه بليلة ظلمه ما بيهه ضوا هههههههه

واثق ـ اشيلكم بعيوني لو ما تكفيكم الگاع بس تعالوا خلوني اشوفكم لهسه ما مصدك القماش اللي جابوه جذب والتحليل اللي صار صدگ وابني طول وهيبه وشخصيه قويه ومعدل

نائل ـ تسلم يابه نجيكم والله نجيكم تتدلل

فاتنه ـ شوي وسده نائل ورجعنه لبيتنه فرحانين بتقبل بيت جدو اله گتله مو گتلك راح يتقبلونك اهلي واعرفهم كلش زين

مستحيل ياخذون احد بذنب احد وحتى جدو من سألني لو جنت انته ابن غير شرعي صدك احبك بكل حالاتك انته حبيب روحي

مستحيل افرط بيك الا اذا صدك خالو محمد اخذ سدل اني گلتهه الك وارجع اگولهه ينتهي كلشي بيناتنه اطفالي بالدرجه الاولى

ضيعت من ايدي مره طفله مستحيل ارجع اعيدهه مره ثانيه حضني وگال

نائل ـ جاي اشتريكم كل شهر والله اشتريكم حتى وقعني على ورقه بيهه ادفع كل شهر مبلغ عنج وعن سدل

مصر الا ياخذ سدل ما اعرف شنو نيته بالضبط فتينه انتي روحي وبلياج اموت والله اموت بيج عايش ومكمل حياتي

فاتنه ـ ههههههه حبيبي يروحي انته مرت ايامنه بين اتصالات امه وابوه واخوانه وبين سهى وود اللي ما بطلت تنقل اخبار اهلهه اول باول وشنو ناوين

قررنه نطلع لسليمانيه وابوه يدزلنه سياره تاخذنه نبقى ببيتهم اسبوع حضرت كلشي لبست جينز وقميص جوا الخصر ورفعت شعري وطلعنه ايد بايد

وصلنه لبيت جدو نودعهم حتى نلحك نطلع لسليمانيه ورانه هواي مشي لما نوصل للغربيه

دخلنه سلمنه وجدو يوصي بينه ويبوس بالاطفال وبيبي تبجي عليهم لان راح تفارگهم

تحبهم كلش وصلنه للباب الخارجي حتى نصعد بالسياره اندك الباب فتحه مجاهد دخل خالو محمد ونائل بهت وجهه 

لان جياته مو هيج الا بيهه شي ما ندري ليش اجه بهذا الوقت گال

ابو نائل ـ سلام عليكم

الكل ـ وعليكم السلام

ابو نائل ـ وين العزم ان شاء الله خير

نائل ـ اعتقد مو شغلك يااااا ابوي بالتبني

ابو نائل ـ هههههه وصايرلك لسان وتحجي مو تفضلوا يا جماعه

فاتنه ـ شوي ودخلوا مجموعة عساكر لزمني نائل من ايدي حيل وصرت ورا ظهره گال

نائل ـ خير شكو المن جايب عساكر وياك

ابو نائل ـ كل مجرم ياخذ جزائه مو لو اني غلطان

نائل ـ بس هنا ماكو مجرمين كلنه مدنيين عاديين

ابو نائل ـ لا اكو سيادة الضابط هاي اللي مبينه بالفديو فاتنه توفيق عمار قتلت شخص بريء اثناء انقاذهم بعد اعتداء جماعه مسلحه عليهم

نائل ـ جذذذذذب والله جذب مو هييييه مو هيه اني اني اخذوني اني ولك مو جاي تاخذ فلوس كل شهر مني مو جاي احولك كل شهر مبلغ شلون تغدر بيه شلووون

ابو نائل ـ هههههه انته خليت بالاتفاق حسب الاتفاق لازم انته مسلمني سدل قبل عشرين يوم مو لو اني غلطان

نائل ـ لاااا غلطاااااان غلطان والله مو هذا الاتفاق والله كل الاتفاق انو ادفع عنهم فلوس وجاي ادفعلك شكو بعد

فاتنه ـ من وين التسجيل الك اصلا ماكو تسجيل

ابو نائل ـ ججججج يا مرت ابني لانج غبيه وحماره واعتمدتي على الاغبى منج اللي هسه تنتظرج بس بغير مكان سيادة الضابط هاي هيه اللي بالفديو

ام سليم ـ محمد متأكد انته اخوي

ابو نائل ـ اي اخوج ليش اكو شي

ام سليم ـ لا انته مو اخوي انته شيطان بهيئة بشر مستحيل تكون اخوي مو هيج خلف ابوي مو هيج ربانه وعلمنه

ابو نائل ـ رحم الله والديج

فاتنه ـ اعتقد صاحب الحق ما ينظلم حضرة الضابط

الضابط ـ شي اكيد

فاتنه ـ اني جايه وياكم

نائل ـ لااااا فتون لا مستحيل والله ما اخليج خطوه وحده تخطين وياهم اني بدالج اروح اني انتي ما تروحين

فتون اخاف عليج والله اخاف عليج من روحي شلون ياخذونج عساكر

فاتنه ـ لزمت وجهه بايدي خلي بالك من الاطفال دزهم لابوك يحميهم هنا اهلي ما الهم سلطه عليهم اخذهم وروح أمن عليهم اني انتظرك حبيبي

بسته بخده ومشيت وياهم راد الجندي يخلي الكلبجه بايدي گلت متهمه مو مجرمه جناب الضابط

الضابط ـ اوگف ابني خليهه هيج تمشي وحدهه

فاتنه ـ طلعت وياهم صعدت بالسياره مشينه وطلعت ورانه سيارة ابوي ومجاهد وباقر وصلت للمركز نزلت وياهم گعدوني بغرفه وحدي بيهه ميز وعليه اسم ضابط التحقيق

ضحكت والله وكت خلاك يا محمد تتطاول بس اردهه الك والله وتشوف سمعت صوت اهلي برا ونائل وياهم يردون يدخلون يمي وما يقبلون يدخلوهم

ونائل شلون يصيح وابوي وجدو يهدون بيه جريت نفس صاحبة حق مظلومه مو ظالمه اي اني مظلومه مو ظالمه

فاتنه انتي قويه شجاعه الايه تگول وبشر القاتل بالقتل ولو بعد حين انتي اخذتي حق بنتج من مجرم قاتل قتلهه بدم بارد وهو يضحك

انتي قويه ام مقاتله شجاعه لا تهتزين تحت اي ظرف واجهي صيري بوجه الموج ولا تخلينه ياخذج ويشمرج

اوگفي واستمري وواجهي بطله انتي بطله انتي قوة نائل لا تهتزين وتكسرينه بيج اطفالج بحاجتج لا تستلمين انتي بريئة صاحبة حق

نائل ـ صحت وراهه ردت ما التفتتلي ام مجاهد اخذت الاطفال بغرفة بناتهه وقفلت الباب صحت عمه اخوج كسرني والله مو هيج الاتفاق

وقعت بس على الفلوس والله گبل اتصلت بساهر رد ساهر الحگلي ساهر خالك سواهه وجاب الشرطه اخذوا فتون

ساهر فدوه الحگلي بدونهه ما اعيش والله طلعهه وشنو تريده گدامك كلشي انطيك كلشي گدامك بس رجعهه الي

ساهر ـ شبيك اهدأ نائل ولا يهمك اني وياهه والادله كلهه يمي ما الك علاقه هسه واحد من المحامين اللي وياي يجي يتكفل بيهه

لو ادزلك واحد من اربيل معارفي اللي گلتلك عليه واحنه مثل ما اتفقنه نقاوم نائل لا تضعف زوجتك واطفالك بحاجتك اكثر من قبل اصمد وقوي نفسك

هدي شوي وياك مو عليك اخوي انته وفاتنه اختي اطلعهه لو يوصلونهه اعدام اطلعهه وعيونك ومحمد دباره يمي الا ازوعه حليب امه واخليه بحسرة هوا الله

نائل ـ ساهر وقعني على ورقه يريد ياخذ مني سدل حلهه الي حلهه اروحلك فدوه سديته اتصل ابوي رديت ها يابه

واثق ـ وينكم بويه تأخرتوا السياره وصلت من الصبح وانتم ماكو

نائل ـ بويه فاتنه اخذتهه الشرطه الحگلي ما اعرف شسوي تربطت ايدي ورجلي ما اعرف شسوي

واثق ـ ليش بويه شصاير

نائل ـ تعال وافهمك تعال اخذ الاطفال يمك أمن عليهم قبل لا ياخذون سدل يردون ياخذون بنيتي يابه خذوا روحي وراح ياخذون بنيتي تعال بسرعه

واثق ـ جايك والله لاطلعهه من عيونه منو هذا السوا بيك كل هذا

نائل ـ اللي تبناني يابه اللي اعتبرته ابوي وبريت بيه كل عمري طعني والله وكسر بيه احجي وابجي

واثق ـ وعيونك ودمعتك يا بويه مو ابوك اذا ما رجعتهن اثنينهن الك لو اعرف اشتريهن مشترى

جايك جايك اليوم اگلبهه على راسه واسويهه جحيم مو ال عباس اللي يندك بيهم وانه ابوك فرقد

نائل ـ سديته منه ركضت للسياره وللمركز گبل اريد بس اشوفهه وين راح يصير بيهه الحال لو بقت بين اديهم

ولج فتينه هديتي حيلي والله وصلت گبل نزلت اركض وينهه وين اخذوهه

ابو سليم ـ هنا بغرفة التحقيق هسه بس يجي الضابط نشوف شلون نتصرف

فاتنه ـ اسمع اصواتهم برا عصرت ايدي حيل صح متوتره اول مره ادخل مركز شرطه شوي ودخل الضابط ضخم بشكل وگفت نزع النظاره وگعد على الكرسي وگال

الضابط ـ شنو اليوم الوجبه غزال

فاتنه ـ لا رد

الضابط ـ تفضلي انسه مدام لو شنو بالضبط

فاتنه ـ رفعت عيني بعينه مدام

الضابط ـ حلو يعني بيج صوت مو خرسه

فاتنه ـ لا رد

الضابط ـ اي نبدي وياج مقدمين عليج شكوى من قبل المدعي عليج محمد .... صح

فاتنه ـ اي صح

الضابط ـ نوع الجريمه قتل

فاتنه ـ يحجي رفع عينه من السجل اللي گدامه صارت عينه بعيني خزرني گعدت عدل وافرك بايدي حيل گتله شنو الدليل

الضابط ـ واثقه من نفسج ههههههههه كلش زين هذا الواهس المطلوب نكرز بيج اليوم ما دامج سكوتيه

فاتنه ـ لا رد

الضابط ـ شنو اسمج

فاتنه ـ فاتنه توفيق گام واجه وگعد گبالي

الضابط ـ حلو اي ست شنو سبب الجريمه خلينه نعترف ما دامنه على البر ما نريد ندخل بالعميق

فاتنه ـ يا جريمه

الضابط ـ عض شفته الجريمه الكتكوته اللي مسويتهه حضره جنابج

فاتنه ـ ما مسويه جريمه

الضابط ـ عزيزتي اعترفي بالتي هي احسن ما اريد أأذيج صدگيني وانتي مبينه بنية عز وترافه مو مال سجون وحبوس وتعذيب

ولو غيرج هسه گدامي كم راشدي على كم بوكس يكت الاول والتالي خليني مراعيج لانج بنيه واعترفي

فاتنه ـ بأي حق تأذيني جايبيني هنا متهمه صح لو كلامي بيه غلط جنابك

الضابط ـ اهااااا اي يابه المتهمه شلون قتلتيه وشنو سبب الجريمه

فاتنه ـ لا جريمه ولا مقتول موجود ما جاي اشوف شي

الضابط ـ ههههههههههه حلوه هاي سوالف المحقق كونان بطليهه مبينه انتي من هذا الجيل

بعدين يجيج هذا ابو نظاره وينوم هذا ويكشف المجرم وانتي تطلعين برائه وين گاعدين افلام كارتون

فاتنه ـ الا شوي جان ضحكت رغم الخوف اللي بيه گبل طفر لزمني من فكي فززني خزرته وجلبت بايده حيل جريتهه

الضابط ـ تدرين انتي كلش حلوه حرامات تنسجنين وتتعذبين ووووو فاعترفي احسن حل گدامج واسهل وهم تخلصين بسرعه

فاتنه ـ رجف گلبي گتله الزم حدك واحترم نفسك

الضابط ـ عض شفه وضرب الميز قوي اخاف احجي حجايه واطلع سافل بس حلوه بنت القندره

فاتنه ـ فزيت من ضربة الميز بس قهرتني حجايته وشعلت بروحي النار گلت احترم نفسك سيادة الضابط واحترم مهنتك اعتقد اني هنا مو حتى يتغزل بيه حضرتك

بس حبيت اذكرك بواجبك اذا جنت ناسي مهنتك شنو اعراض الناس مو لعبه ياااا حماة الوطن وبكيفكم هيج تسوون

الضابط ـ ههههههههههه ضحكتيني والله بس الله عليج شنو تشتغلين لو تدرسين

فاتنه ـ مو شغلك على ما اعتقد

الضابط ـ لا شغلي هاي من ضمن اسئلة التحقيق يله ردي ولا تدوخيني

فاتنه ـ ادرس طب

الضابط ـ حلو هسه يله احجيلي شلون قتلتيه

فاتنه ـ تذكرت ساهر من گال راح يبقى يضغط عليج بس انتي استمري بالهدوء حتى لو ضغط عليج لا تعترفين بشي گلت منو

الضابط ـ شوفي ذرة الصبر اللي عندي راح تخلص بعدلج شوي اعترفي باللتي هي احسن هم احسن الج وهم احسن الي مو

فاتنه ـ ما مسويه شي اعترف عليه انتم عدكم اتهام بجريمة قتل والقاتل حر روحوا دوروا عليه افضل

الضابط ـ اللهم صبرج يا روح وانه خلگي گد زرف الابره وهاي يرادلهه خلگ الجمل تعااااال ادخل

فاتنه ـ فززتني دگة الباب وهو من عاط عليهم دخل جندي بس شافني انصدم التفت على الضابط وگال

الجندي ـ سيدي اجه محامي فاتنه توفيق

الضابط ـ خلي يتفضل بله

فاتنه ـ جريت نفس يعني ساهر دز واحد من جماعته المحامين گال عندي معارف محامين باربيل

دخل وصاروا يحجون والمحامي يسولف وياه وهو گصني گص ويركز بوجهي ويخزر شوي وگال

الضابط ـ هذا گدامي الدليل مصور كامل باعترافهه

المحامي ـ هاي تقارير تثبت جانت المتهمه تعاني من مرض نفسي بسبب قتل بنتهه گدامهه

الضابط ـ شلون يعني وضح بله

المحامي ـ جماعه ارهابيه اعترضوا طريقهم على احد اطراف بغداد وجانت الضحيه طفله بعمر 6 اشهر تنذبح گدام امهه

اللي هسه جايبيهه متهمه بجريمه قتل واللي ما معروف منو المقتول شوف زين وركز هاي حركات شخص اعتيادي يعني

فاتنه ـ بقى يركز بالفديو ويرجع يباوعلي واني من انذكرت سيرة ذبح بلسم عيوني جرت

الضابط ـ بس شنو سبب هذا الاعتراف

المحامي ـ صدمه نفسيه وهلوسه عدهه صارت بعد الحادث بحيث فقدت الاحساس باللي حواليهه

وعاشت بس بالجو اللي صار وياهه وقت الحادثه وصارت تتخيل هواي شغلات ما صايره

وهاي التقارير جنابك اقراهن جانت متوهمه انو هيه قتلت شخص وهذا احد الامراض العقليه على ما اعتقد يسموه الهلوسه

الضابط ـ بس اللي جاي اشوفه غير شخصيه تختلف جذريا عن اللي بالفيديو صح لو اني غلطان

المحامي ـ لانها ما زالت تتعالج لحد الان

فاتنه ـ بقوا يتناقشون شگد ويرجع يسألني واجاوب بس بقى ببالي بس لا اخذ سدل وين يله طلب المحامي يدخل يمي نائل شوي ودخل ركض علي حضني

نائل ـ طول المحامي واني طلبت منه ادخل اشوفهه من يقدم كل تقاريرهه جنت اجددهم ويه الدكتور النفسي حسب طلب ساهر

اكثر من ساعتين صاح الجندي ادخل يمهه ركضت عليهه اني يمج حبيبي يمج ما اعوفج

الضابط ـ بله بلا زحمه انهي هاللحظه الحميميه وتعال اگعد هنا

نائل ـ گعدت وهو عيونه بفاتنه گتله گول جناب الضابط

الضابط ـ زوجتك جانت تعاني من امراض نفسيه صح

نائل ـ اي صح

الضابط ـ اي شفت اوراقهه منو يگول المراجعه حقيقيه يعني مو مزوره او بأسم غيرهه وجايبينهه باسمهه

نائل ـ اخذك للدكتور وتتأكد بنفسك

الضابط ـ حلو نگدر هسه نروح ونعرف

نائل ـ اي نگدر ليش لا

الضابط ـ كلش زين انتي جنابج يا المتهمه ابقي هنا وانته تعال وياي

نائل ـ ارتاحي حبيبي ابوي جاي بالطريق ياخذ الاطفال امج اخذتهم بغرفة اخواتج وقفلت عليهم الباب

عمامج موجودين بالبيت وباقي ولدهم راجعلج انتظريني ولا تتوترين خليج هاديه يمج حبيبي

فاتنه ـ الله يبشرك بالخير يعني ما اخذ سدل

نائل ـ مستحيل ياخذهه واني مصور العقد من وقعته ما جانت هاي الفقره من ضمن العقد يعني هاي الفقره مضافه بعدين ولاعبين بالتوقيع

كلشي بيد ساهر ما كسر ظهري غير المقطع اللي مصوره الج ولج هديتي حيلي

فاتنه ـ ان شاء الله يبين كلشي طلع نائل ويه الضابط واني بقيت وحدي بالغرفه تعب وملل وتوتر عمو واثق مستحيل يخلي خالو محمد ياخذ سدل

لان تعلق بيهه بشكل من سوالفهه وحركاتهه وما يمر يوم اذا ما يحجي وياهم وشرط الا سدل تحجي اول شي وياه وتضحك وتسوي حركات

بقيت تقريبا 3 ساعات تعبت كلش بديت اختنك لا الجهاز ولا البخاخ ولا علاجي وياي فركت گلبي واني اهدي نفسي تنفسي فاتنه مثل من يوصيج نائل من تقلقين وتتوترين تنفسي

بقيت شوي حسيت احسن بس بقت النوبات تتكرر علي كل نص ساعه واني احاول ويه نفسي اخر شي تعبت كلش لازم اخذ علاجي ضروري

دخل الضابط وحده گتله خلي نائل ينطيني علاجي بسرعه

الضابط ـ وتتأمر بعد شنوووو اشتغل عندج

فاتنه ـ اسمع اني عندي قلب بسرعه العلاج الله يخليك سندت نفسي على الميز واني اشهك حيل اختنگت وگلبي صار يوجعني شوي وطلع يركض صاح

الضابط ـ منو نائل

نائل ـ اني

الضابط ـ تعال بسرعه زوجتك شنو بيهه من شنو تعاني

نائل ـ قلب وقصور بعمل الرئه ليش شبيهه فاتنه

الضابط ـ ما اعرف تعال شوفهه بنفسك

نائل ـ دخلت اركض شفتهه گوه تجر النفس فاتنه فتونه حبيبي فتووون افتحي عينج يروحي خليج وياي لا تغمضين ابد

صرت اضغط على گلبهه صحت صيح مجاهد بسرعه سياره اريد سيااااره

مجاهد ـ ها نائل شبيهه

نائل ـ مجاهد اختنگت الحگلي سياره اريد سياااارررره شلتهه وركضت والضابط و 2 جنود وياي طلعنه مجاهد يمشي بسرعه

لما وصلنه للمستشفى اني بس انفخ بحلگهه لو اضغط على گلبهه نزلتهه بسرعه على سديه جريت الاوكسجين ركبته نفس المستشفى اللي اشتغل بيه

صحت دكتور بسرعه اريد دكتور اجه دكتور اعرفه وهو متابع حالتهه گال هسه ننقلهه للعنايه اخذوهه وروحي راحت وراهه

فتينه ولج ليش فتينه مو گتلج لا تتوترين اني وياج
گعدت وايدي على راسي مجاهد يمي يهدي بيه صحت كله من وراه هو السبب هو

اذا صار بيهه شي والله بيدي اوقع اعدامه صرت افتر يم العنايه لما طلع الدكتور گال استقرت حالتهه الحمد لله

الضابط بس يباوع علينه گتله شفتتتتت جنابك هذا اسلوبكم الاستفزازي شفت شيسوي

الضابط ـ صووووتك لكككك تريد تعلمنه شغلنه اذا ما سكتت اسجنك واخليك تعفن يا كلب صوتك ما اسمعه

نائل ـ ردت ارد عليه سد حلگي مجاهد وخزرني

مجاهد ـ نائللللل فاتنه بحاجتك سد حلگك الله يخليك خلي اليوم يمر على خير

نائل ـ رن تلفوني رفعته الو

واثق ـ وينك بويه

نائل ـ بالمستشفى

واثق ـ ليش شكو

نائل ـ فاتنه تخربطت ونقلناهه قبل شوي

واثق ـ جايك

نائل ـ لا تجي اخذ الاطفال وروح

واثق ـ اخذتهم بس حسن وبسمه سدل ماكو

نائل ـ شلوووووون ماكو شلون وين راحت سدللل وين راحت بس لا اخذهه ولكم ااااخ بويه بنيتي اخذهه والله اخذهه

واثق ـ يمكن ماخذهه بس ارجعهه وعيونك ارجعهه جايك بالطريق

نائل ـ مجاهد ولك اخذهه اخذ سدل سواهه النذل واخذهه تتخبل فتينه لو عرفت والله تتخبل تمحيني من حياتهه والله تموتني واني عايش

هيه گالت وادري تسويهه مجاهد شوفلي حل شوف شلون اخذهه اسأل امك لو عمتي وشوف

مجاهد ـ اي هسه

ها يوم الله يساعدج

اي يمهه احنه

لا ماكو شي

وين سدل يوم

لييييش اخذهه وشلوووون انتي مو قفلتي عليهم الباب ويه نبأ

اي شفناج اني ونائل

شلوووون ضارب نبأ وضاربجن كلجن

والله اشلع عيونه اليوم شلون تخلونه يتجرأ ويمد ايده عمامي وين

وين كلهه اجت ورانه ماكو بس اني وابوي وجدي وباقر ونائل وظافر وين راحوا البقيه وييييين شلون يخلونجن وحدجن

صوريلي نبأ وسباوي ودزيلي اياهن ما طول قريب المركز الا اخيسه بالحبوس هذا الكلب والله اطلع عيونه واشرب من دمه

نائل ـ ها مجاهد شلون اخذهه

مجاهد ـ عمامي طالعين ورانه من طلعنه وباقي هو ويه النسوان ضارب بيبي وامي ونبأ وسبأ

وماخذ سدل بعد ما كاسر الباب والله اخيسه بالحبوس والله جناب الضابط اگدر اشتكي غير

الضابط ـ اي تگدر اكيد

مجاهد ـ خلي نروح اريد اقدم شكوى

نائل ـ اني ابقى هنا يمهه ما اخليهه وحدهه الا تصير زينه روح مجاهد طلعوا مجاهد والضابط وبقوا الجنود وياي اتصلت بساهر وگتله تخبل

گال اقدم عليه شكوى بمركز شرطه ببغداد حتى اذا ما لزموه هناك باربيل ينلزم ببغداد بحجة التعدي على حرمة بيت وضرب النساء واختطاف طفله

سديته منه والحيره تاكل بروحي منا فتينه ومناك سدل شلون هسه شلون حالهه وهيه ما تعرفه وتخاف من كل غريب

فاتنه ـ گعدت اني بالمستشفى شفت نائل يمي والجنود بالباب واگفين لزمت ايده ورفعت الجهاز نائل الاطفال بخير

نائل ـ اي حبيبي بخير ويه ابوي اجه قبل شوي شافج وطلع اخذهم وياه

فاتنه ـ اي الله يبشرك بالخير بس تدري گلبي ما مرتاح بيهم شي

نائل ـ لا ما بيهم بالعكس زينين بس محتاجيج وياهم

فاتنه ـ نائل انته متأكد ما بيهم شي

نائل ـ اي حبيبي صيري زينه المحامي يگول نگدر نرجع للبيت لما يكملون باقي الاجراءات يومين ونطلع لبيت ابوي

فاتنه ـ اي خوش اريد اشوفهم شلون راح افارگهم صح اهلك زينين بس شلون أأمن عليهم هو ويه اهلي وكل شوي اتصل بيهم شلون وهمه بعيدين

نائل ـ الله كريم حبيبي يله نطلع هسه نروح للمركز المحامي يخلص كلشي ونرجع للبيت

فاتنه ـ اي وگفت گوه بس ارجف سندني نائل وگوه امشي اخذوني بسياره وصلنه للمركز امشي واگعد لما وصلنه لغرفة الضابط دخلت وگعدت

مجاهد يسوي شكوى من شافني سكت گعدت ما بيه حيل كلش

الضابط ـ الحمد لله على سلامتج

فاتنه ـ الله يسلمك شكرا لزمت ايد نائل حيل گلت نائل علاجي فدوه ما جاي ارتاح اكو شي والله اكو شي

نائل ـ لا ماكو شي ارتاحي

فاتنه ـ ليش ما مرتاحه اااخ يمه گلبي حيل يوجعني والله

نائل ـ اهدأي حبيبي اهدأي هسه يجي المحامي يخلص كلشي ونرجع للبيت ترتاحين

فاتنه ـ اي احس اختنگت هنا شوي واجه المحامي كمل كلشي وطلعنه اخذوني لبيت جدو دخلوني للغرفه ما شفت واحد منهم ابد

شوي واجوا جدو وابوي بس مبينين ما مرتاحين اكو شي صاير الغضب تارس عيونهم ترس گلت شكو شبيكم اكو احد بيه شي

ابو سليم ـ ماكو شي بابا ارتاحي

فاتنه ـ اطفالي بيهم شي

ابو سليم ـ لا ما بيهم شي روحي ارتاحي

فاتنه ـ تمام رجعت اريد انام ما اگدر والله بيهم شي ليش ما مرتاحه گوه نمت گعدت من حلم مو زين اطفالي صايرين قسمين

بسمه وحسن يضحكون ومرتاحين وسدل تبجي خايفه وتصرخ يمه بنيتي دورت تلفوني لگيته اتصلت بعمو واثق رد گلت عمو وين اطفالي

واثق ـ هلا بابا نايمين

فاتنه ـ عمو عليك بمحبتك لنائل كلهم زينين

واثق ـ اي زينين هاي منيمهم يمي بعدنه شوي ونوصل للبيت وتاخذهم بيبيتهم لا يضل بالج

فاتنه ـ اي طمني فدوه اي شي يصير گلي گلبي ما مرتاح والله

واثق ـ حقج يرجعلج بويه

فاتنه ـ الله كريم سديته منه اتصلت ب ود ما ترد وجهازهه مغلق يعني صدك عرف بيهه

يمه شنو سوا بيهه الظالم رجعت اتصلت بسهى ردت سهى ابوج وصل

سهى ـ هلا ليش هو وينه

فاتنه ـ سهى ابوج اجانه لاربيل وقدم بيه بلاغ للشرطه قبل شوي رجعنه من المركز ومقدملهم مقطع فديو مو حذفته ود ليش بعده يمه ليييشششش

سهى ـ اعصابج فتون والله ما ادري اليوم ما اتصلت ولا سمعت صوتهه

فاتنه ـ اييي طبعا ما تتصل لان ابوج ما اعرف شنو مسوي بيهه ولج ابوج صاير نسخة فاطمة نفس الخباثه والحقد نفس الخسه والنذاله

لج سلمني للشرطه بدم بارد ويضحك وشمتان بينه ويطالب يريد ياخذ سدل

سهى ساعديني اروحلج فدوه شوفيلي حل ولج گلبي ما مرتاح اشك ابوج ماخذ سدل

سهى ـ الله كريم هسه اشوف امي لو العصر اروحلهم

فاتنه ـ اعتمد عليج سهى

سهى ـ ان شاء الله لا تخافين ماكو شي

فاتنه ـ سديته منهه للعصر ماكو خبر اتصل ما ترد اكو شي والله اكو شي رجعت اتصل وماكو دخل نائل ركضت عليه نائل وين سدل احجي

نائل ـ ويه ابوي

فاتنه ـ اييي ويه ابوك محمد موووووو نائل بنتي بيهه شي والله ولك گلبي ناااار والله نار حسوا بيه شوي نائل اريدهه هسه تجيبهه الي هسه روح جيبهه

گتلك اذا اخذ سدل كلشي ينتهي بيناتنه نائلللل رجعهه لك هو يحب الفلووووس اشتريهه منه فاطمه تموتهه والله تموتهه

ولج بنيتي ولج يمه هسه يموتونهه واخسر مره ثانيه ولكم جيبوهه جيبوهه ولك رووووح روح جيبهه خلي ابوك يجيبهه حس بيه يا بشررررر ولك حسسسس

نائل ـ اهدأي فتون اهدأي حبيبي تقربت احضنهه دفعتني

فاتنه ـ ما اهدأ ما اهدأ ولك بنتي ما ادري شبيهه وكل شوي منطيني علاج شكل ومخليني نايمه انته بلا گلب والله بلا گلب

ركضت لبست جاكيتي واخذت تلفوني وطلعت اركض جرني مجاهد صحت عوفني ولكم بنتي بيده والله بيده رايحه اجيبهه منه

اخذوني الهم اريد اخذهه منه اجيبهه تموتهه فاطمه والله تموتهه مجاااااهددددد اخذوني والله بيهه شي شوي ورن تلفوني شفتهه ام نائل رديت الو

ود ـ فاتنه الحگي علينه فاطمه حابستنه اني وسدل بغرفه وتعاركت ويه ابوي تريد تحرگهه ولج الحگي ما اگدر احميهه وحدي فتون فاطمه تريد تموتهه

فاتنه ـ جنت فاتحه سبيكر وكلهه سمعت وتلفوني يسجل المكالمات گتلهه جايتج ود ابد لا تسلمينهه لفاطمه جايه اني مسافه الطريق

شفت نائل ركض ركضت وراه طلعنه بسرعه اتصل بابوه يطلع مناك لبغداد وانطاه العنوان طلع عمو ببغداد يعني قريب عليهم

وصلنه ناس هواي متجمعه بالباب ومسلحين هواي
شي تهد على شي ركضت على عمو واثق گتله وين سدل

واثق ـ جوا ما يقبل ينطيهه منا لخمس دقايق اذا ما سلمهه احرك بيته عليه

فاتنه ـ لا عمو لا بنيتي يمه يحرگوهه والله اسمع سمعته التسجيل تخبل ولده وولد اخوانه ضربوا الباب وخلعوه

دخلت اركض ادور بالبيت طلعت ام نائل اشرتلي على غرفتهم فتحت الباب ماكو مقفول صحت فاااااطمه انطيني بنتي وانطيج اللي تردينه بس سلميني اياهه

فاطمه ـ ما انطيهه من تموتين والا احرك گلبج عليهه

ود ـ فتون حرگتهه والله بنتج احترگت فتووووون

فاتنه ـ يمه سدللللل بنيتي شوي وانجريت كسروا الباب دخلت اركض سدل بحضن ود واثنينهن محترگات

سدل رجلهه وايدهه و ود نص وجهه وايدهه ونص ظهرهه صرخت لااااااا ولكم بنيتي نائل حرگوهه مثل ما حرگوني والله الله ينتقم منكم

يمه بنيتي يمه سدل ركضت عليهه تشهك ونايمه سدل ماما اجيت والله اجيت ولج فضلت السجن حتى ما ياخذج واخذوج وحرگوج

الله ينتقم منك محمد العار الله ياخذك

ركضت عليه حاضن فاطمه بالزاويه واضرب بيه الله ياخذك يا حقير شلون انطاك گلبك شلوووون جرني عمو واثق

واثق ـ عوفيه والله الا احرگه واضوگه اللوعه شلونهه اخذي سدل للمستشفى هيه والبنيه قبل لا يلتهب جرحهن يله بابا

فاتنه ـ اي اي اخذتهه ولزمت ود يله تعالي ما تبقين وياهم بعد تعالي اخذنه نائل وعمر وصلنه للمستشفى گتله نائل ما اتحمل ينظفون الحرك روح انته وياهن روح

نائل ـ صدمتي من سمعت ود تگول يردون يحرگونهن يعني جان يريد ياخذهه حتى يحرگهه ركضت على السياره يا طريق يوصلني لبغداد اسرع ماكو غير الطريق المباشر رغم خطر كلش

اتصلت بابوي يوصل اسرع مني وفاتنه وياي وصلت ويا ريت لو ما وصلت بنتي سدل محترگه مثل حرك فاتنه گعدت بالگاع صحت

كله مني سايرته كله مني اني السبب ابوي يهدي بيه اخذناهن للمستشفى اني وعمر دخلت وياهن و ود تتوسلني بعيونهه گتلهه والله اخذ حقجن مربع والله الا اخيسهم بالسجن

نظفوهن وبكل صرخه منهن روحي تروح وياهن اخذناهن لبيت ابوي واثق عنده بيت ببغداد خليتهن وطلعت اني واخواني واولاد عمامي اللي ما اعرفهم اصلا

رجعت عليه ما طالع من البيت بجه توسل گال فاطمه حرگتهن اخذتهم اثنينهم شمرتهم بالغرفه جوا

گتله سناء حرگت فتون وحلفتني بشيباتك اعديهه صحت طلعوا امي وعيال مرتضى من البيت بسرعهههه طلعوهم عمر والولد وامي تبجي گتلهه وحك دمعاتج الا اموته

ام نائل ـ يمه خليه ياخذ جزائه ربك عادل ما يخليه بطغيانه

نائل ـ لااااااا ابد والله مو اني اللي اسكت مرتين على نفس الغلط الا اطفالي خط احمر وانتي تعرفيني كلش زين اطلعوا كلكم من البيت صحت مرتضى

مرتضى ـ ها نائل

نائل ـ طلعت مرتك واطفالك وانته تعال اخذ حقك منهم مو جنت تگول اريد اخذ حقي منهم

مرتضى ـ اي

نائل ـ هاك نصيبك عفته ووگفت بعيد دخل يركض رش البيت بانزين ويصيح عليهم ويفشر شعل الجداحه وشمرهه

بدت النار تركض عليهم وهمه يصرخون بكل صوتهم صحت ضوگوا اللوعه وشوفوهه يا انجااااس

عفتهم وطلعت ومرتضى يصرخ گتله انته حرگتهم مو اني عفتهم وطلعت لفاتنه اللي كرهتني وكرهت وجودي

دخلت للبنات نايمات و ود حاضنه ايد سدل ودموعهن على خدهن تقربت عليهن گلت اخذت حقجن والله حتى من مرتضى

ود اخذت حقج مو تگولين ذالج مو بطلج من المدرسه وياخذ كل مصروفج اللي ادزه الج

هسه خذته دورية الشرطه وراح ينحكم ود وحق دمعاتج اخذت حقج بست ايد سدل يروح ابوهه وعمره ريت جروحج بروحي ولا بيج بابا

شلون گدر شلون انطاه گلبه مو بشر والله مو بشر التفتت فاتنه تبجي تقربت منهه فتونه

فاتنه ـ نائل وخر مني امنتهم يمك واخذهه وحرگهه روح كلشي بيناتنه انتهى رووووح لو مو تحرگهم لو اشوفك گدامي هسه تحترك ما اسامحك ولا تاخذني بيك رأفه ولا رحمه

ولك فضلت السجن حتى ما ياخذهه تحارش بيه الضابط وسكتت لخاطر بنتي جرني من وجهي وتغزل بجسمي لما مل

ما بقى شي ما حجاه وياي فصلني تفصل من راسي لرجلي وسكتت

خاف احجي شي وبنتي تروح مني دفعته حيل من صدره روح ما اسامحك والله روح وخليني اريد اطفالي جيبهم من ابوك وبعد ما الك شي يمي

اطفالي الي وانته لگيت اهلك روح وياهم عيش حياتك واسس عائله رووووح شكلك ما اريد اشوفه

نائل ـ فاتنه بس اسمعيني ولج والله عفتهم امج اخذتهم لغرفه اخواتج وقفلت الباب وهو طلع من البيت وعمامج موجودين بالبيت وولدهم امنت ما ردت اخسرج والله فتون

فاتنه ـ ماااا اسمععععع ما اسمع روح لابوك رووووح دفعته بكل قوتي طلعته من الغرفه وقفلت الباب گعدت وخليت راسي بين رجليه كرهتك گد ما جنت احبك كرهتك

فرطت بيهه وهيه اقوى اطفالي هسه صارت تخاف من الخيال اللي جانت تركض وراه حتى يكبر

صارت تخاف لو شافت بخار لو نار وهيه جانت تركض تشمر خشب بنص النار من نطلع سفره ونشوي وتفرح بالدخان

اااخ ولج سدل ماما الله يحرگك يا محمد بالدنيا قبل الاخره الله لا يوفقك يا سبب دماري ودمار علاقتنه وزواجنه الله ينتقم منك يا حقير

بجيت لما تعبت ونمت بمكاني گعدت على بجي سدل ركضت عليهه شلتهه ها ماما حبيبي اواه منا اي يروحي وهيه تشكي وجعهه

ادري بيه ادري يخلب الروح جربته مره جربته فتحت الباب وطلعت اركض ويييننننه خليه ينطيهه مسكن صخااام ولك نااااائل الله ياخذ اليوم اللي عرفتك بيه

نائل ـ ها شبيهه

فاتنه ـ بيهه شيب الخلفك ولك روحهه تسعر انطيهه شي مسكن صخام يصخم وجهك

نائل ـ اي اي هسه اخذت شراب مسكن وانطيتهه وهيه تبجي جيبيهه

فاتنه ـ ما تاخذهه لو تموووووت بعد ما أأمن يمك احد لو تبقى بس انته بالدنيا اجه عمو واثق

واثق ـ ها بويه شبيكم

فاتنه ـ عمو هذا ابنك ما اريد اشوفه بس تصير سدل زينه اخذه يمك هو الك واني الي اطفالي ما أأمن بيه بعد

امنت مره وحرگوهه شوف شوف روحهه تسعر جربته هذا الالم جربته محد بيكم يحس بوجعهه

واثق ـ اهدي بابا كلشي ينحل بالتفاهم

فاتنه ـ يا تفااااهم يا تفاهم اني حذرته وگتله اذا اخذوا سدل كلشي بيناتنه ينتهي

وهسه ترجعولي اطفالي هسه فووووورا اخذهم واطلع لاربيل ما ابقى هنا دقيقه وحده

واثق ـ نرجعهم والله نرجعهم خلي سدل تصير زينه ونرجعهم تتدللين

فاتنه ـ عفتهم ورجعت للغرفه رگعت الباب حيل شفت ود تبجي نطيتهه مسكن شوي وصارت زينه

بقيت تقريبا 10 ايام لما شوي بدت جروحهن تطيب وصارن زينات گتلهم

جيبولي حسن وبسمه وهسه اطلع لاربيل ما ابقى دقيقه وحده

نائل ـ ارجع وياج ما اخليج وحدج

فاتنه ـ ههههههههه لا بله بس من عفت بنتي وحدهه ما شافت واحد يمهه شايف من بشر هيج حاقده عليه اني حاقده عليك هسه

كارهتك كره العمى احجي بله شناقصني حتى ما تخليني ارجع وحدي ها روح لابوك واني اخذ البنات وارجع

نائل ـ فتون لا تسوين هيج بيه

فاتنه ـ ليش واللي صار وياهن شويه انته مجرب الحرك لا ابد وانوب الحرك بمي حار شايف من تنسلب الروح

هاي حالهن طول هاي الايام دفعته وخر اروح اتصل بمجاهد يجي ياخذنه

نائل ـ لا اني اخذكم

فاتنه ـ ابد ولا توصل ولا تجي واذا رحت ما انجمع وياك بمكان وحق من خلقك وسواك

نائل ـ فتونه حبيبي والله شفت امج من قفلت الباب عليهم وهو طلع من البيت يله اجيت

فاتنه ـ لك استغفر الله شلون أمنت بيه وتدري بيه كلش زين يغدرك مثل ما سواله عقد ووقعك عليه هذا ابليس نايم براسه

تخليهم وتطلع وبيبي وامي واخواتي ينضربووووون لان ما قبلوا ياخذهم انته عقلك شبييييه شبيه لا تخبلني گوه متحملتك روح خلي ابوك يجيب الاطفال وارجع ما محتاجتكم روووح

نائل ـ فتينه وحق ربج اذا رجعتي بدوني فگرج اسود

فاتنه ـ لااااا والله واثق من نفسك روح مني لا احرگك هسه والله بگلبي حقد عليك گد السما واللي بيهه

نائل ـ اني شكوووووو جاي اگلج صرت بين نارين بينج وبينهم انتي ما تفتهمييينننن

فاتنه ـ اييييي ما اريد افتهم اني اهلي اجو وراي انته اطفالك منو الهم بس النسوان تحميهم شلون اسمك ابو لعد هاااا شنو من اب انته شنوووو

ليش ما اخذتهم لبيوت عمامي ليش ما اخذتهم لاهل رهف وهيه هناك وبهيج حاله ما يعرف مكانهم

نائل ـ ما فكرت بشي ما فكرت كل عقلي جان يمج شلون اخليج تدخلين مركز وشرطه وكلشي بيه خفت لا يعذبونج

فاتنه ـ ما عذبونييييي ما عذبوني بس شفت الاكثر وهسه وخر من گدامي وخلي ابوك يجيبهم

جريت تلفوني اتصلت بمجاهد يجي لبغداد ياخذني اني وياهم واخذ ود وياي لان خوالهه مو امان ومرتضى بالسجن

مجاهد ـ ها فتونه

فاتنه ـ مجاهد تعال رجعني لاربيل ما ابقى بعد

مجاهد ـ نائل گال هو يرجعج غير ترجعون سوا

فاتنه ـ لا ما اريد ارجع وياه

مجاهد ـ فتونه حبيبي اخيتي هو خايف عليكم والله اسمعي منه

فاتنه ـ مجاهد انته ما عشت عذاب الحرك شايف من يگعدن يبجن ويصرخن والله اتذكر ايام الحرك مالتي مشوهينهن والله احجي وابجي

مجاهد هاي نصهه محترك لان لامه نفسهه عليهه ما يحرگوهه وهاي رجل وايد

تعال اخذني الله يخليك اريد ارجع ما اريد ابقى هنا بعد لحظه وحده وهو عرف اهله بعد خليه يروح ويه ابوه

مجاهد ـ يصير خير فتون خلي اشوف شلون اجيكم

فاتنه ـ الله كريم

مجاهد ـ محتاجه شي

فاتنه ـ سلامتك حبيبي سديته منه گلبي محترك منك حيل يا نائل شسوي وتبرد ناري ما اگدر والله واني اشوفهن كل ليله يعيشن عذاب الحرك لقريب الفجر يله ينامن

رجيت راسي على الكنتور واني لامه نفسي وابجي اندگ الباب مسحت دموعي وفتحته

واثق ـ ها بابا شلونكم

فاتنه ـ الحمد لله عمو تفضل

واثق ـ ها بويه شبيج تبجين تعالي

فاتنه ـ يحجي ويمسح على راسي گتله ما بيه شي جرني حضني حيل

واثق ـ ابجي بويه ابجي لا تكتمين بگلبج

فاتنه ـ بجيت حيل گتله عمو رجعوني لبيتي ما اريد ابقى بعد جيبولي اطفالي فدوه روحي ملهوفه عليهم اريدهم والله اريدهم

واثق ـ ادري بيج والله ارتاحي وبيدي ارجعج

فاتنه ـ ابتعدت منه مسحت وجهي لا راح يجي مجاهد ياخذني

واثق ـ مستحيل الطريق كلش خطر راح اخليهم ياخذونج لسليمانيه واخوج يستلمج مناك

فاتنه ـ اي كلش زين

واثق ـ ونائل

فاتنه ـ شبيه خليه يمك

واثق ـ فتون بويه خطيه على كيفج وياه

فاتنه ـ عمو فدوه ما اريد نحجي بهيج موضوع اني گايلتله لو مجرد تضحيه بواحد منهم كلشي بيناتنه ينتهي

عمو انته ما عشت وشفت شلون گدام عينك ينذبح طفلك والمجرم يذبح بيه ويضحك وهو جواه مثل الطير يرفرف

عشت ايام اتمنى الموت وما اشوفه تدري من عرفت اخذهه ويردون يحرگوهه گلت راح تموت احجي وابجي

عمو تعبت والله تعبت بهذا عمري واني شبعت من القهر يوميه صاير شي جريت البخاخ اخذت منه ورجعته يمي صاير هاي الايام بيدي البخاخ ما اعوفه

واثق ـ كافي بابا كافي باجر العصر يجيبونهم الج

فاتنه ـ وارجع ما ابقى

نائل ـ ترجعين ترجعين يله ارتاحي

فاتنه ـ رجعت للغرفه گعدت سدل تبجي اخذتهه بحضني شبيج حبيبي يروحي كافي مامي كافي حبيبي

بقيت العب بشعرهه وابوس بيهه حضنتهه حيل لما نامت تعبت من البجي نمت وياهه

نائل ـ بس من تنام ادخل يمهه لان اذا تعبانه ما تحس على اللي يمهه سألت عليهم گال ابوي راحت لسدل لان تبجي

دگيت الباب ماكو رد فتحته شوي شفتهن كلهن نايمات گعدت يمهه على ركبتي اخذت خصله من شعرهه شميتهه

فتينة روحي ليش تكرهيني بعت الدنيا واشتريتج

خليت وجهي بوجهه اتنفس انفاسهه بستهه خفيف حتى لا تگعد شلون ارجع المج بعد دليني تعبت بدونج والله تعبت

رفعت شعر سدل من وجهه وبستهه ود وياهن نايمه مبينه باجيه لما تعبانه بستهه براسهه وطلعت شافني ابوي

واثق ـ وين جنت

نائل ـ يمهن

واثق ـ كافي تعذب بروحك عليهه ترجعلك هيه بس ملجوم گلبهه

نائل ـ مستحيل ما تعرفهه بعدك لو رفضت شي بعد هاي هيه لو تصير روحهه بيه ما تريده وهسه اني صرت هذا الشي

خليت راسي بين ايدي ضغطي معلك صار يومين وراسي يوجعني جريت حبه شربتهه

واثق ـ شبيك شنو جاي تشرب

نائل ـ مسكن

واثق ـ جيب نائل جيب اشوف

نائل ـ يابه رحمه لاهلك گدامك صيدلاني واعرف العلاجات لشنو

واثق ـ اي جيب اشوف

نائل ـ هاك شوف من قراه انصدم

واثق ـ تاخذ حبوب ضغط انته مخبل

نائل ـ اي لان عندي ضغط بيهه شي

واثق ـ من شوكت

نائل ـ من بعد استشهاد بلسم

واثق ـ ليش ما حجيتيلي

نائل ـ ليش احجي شي صار وخلص لا تحجي لاي احد بس مجاهد يعرف ومحلفه ما يحجي رن تلفوني مجاهد رديت ها اخوي

مجاهد ـ نائل شبيهه فتون تريدني اجي اخذهه بعدهه رافضتك

نائل ـ اي مجاهد تعبت والله اختك راسهه يابس كلش كلشي صار غصب عني شسوي گلي شنو اللي اسويه وابعد الكره اللي بعيونهه

مجاهد ـ ابتعدوا فتره احسن حل هيه تهدأ وانته هم وراهه تتصلح الامور

نائل ـ ما تتصلح ليش انته ما تعرفهه مجاهد لو رفضت شي بعد لو تصير روحهه بيه تكرهه

مجاهد ـ الا انته صدگني روحهه بيك خليهه تهدأ هسه هيه محترگ گلبهه اختي واعرفهه تحبك وتموت عليك خليهه براحتهه

بعد اسبوعين دوامهه من ترجع تداوم شوي يخف عليهه الضغط النفسي

نائل ـ اي وصيت عمر عليهه بالدوام

مجاهد ـ كلش زين بعد يومين اجي اخذهه

*******************************

علقوا على الفقرات حبايبي

صوتوا للبارت

تابعوني على الانستا