مشكلتنه الناس ما تعرف تحبنه
وبد الناس تعرف بس تغثنه
واحنه حتى ضماد ما عدنه لجرحنه
جروحنه نشدهن بادينه
ومن يسألونه شبيدكم
ما نگلهم بيهه دم نگول حنه
*****************************
نائل ـ هذا الصخام ما جاي تاخذ نفسسس رفعت الجهاز انفخ بحلگهه واضغط على صدرهه فتونه حبيبي يله لخاطري
ولج لخاطر اطفالج المن يبقووون فتوووون انفخ وارجع بالجهاز لما وصل مجاهد هيه شهگت حيل ونزلت دموعهه
مجاهد ـ فتوووون وخر خلي ناخذهه بسرعه
فاتنه ـ جريت ايد مجاهد واشرتله لا گعدوا يمي على اعصابهم بديت اتنفس احسن جريت الجهاز من وجهي مجاهد نائل الاطفال يبجون
نائل ـ يا اطفال هسه صيري زينه يله اني هسه اروح بس صيري زينه
فاتنه ـ جيبهم يمي واصير زينه
مجاهد ـ وين يخليهم بالگااااع تعالي بله تعالي
فاتنه ـ رفعني مجاهد اخذني للسرير تمددت ونائل جابلي الاطفال حضنتهم والجهاز على وجهي لما صرت شوي احسن همه راح صوتهم من البجي
گوه رفعت نفسي ارتجيت رفعت حسن وبسمه وخليت مخده على رجلي ونيمت سدل اهز بيهه نائل سوالهم الرضاعات واني گوه اتنفس واهز بيهم
ودمعتي على خدي مجاهد عصبي كلش يفتر وينافخ ما يدري شنو صاير رجع نائل اخذ حسن يشربه الحليب واني بيدي بسمه شربتهه وسدل هدأت شوي
رفعت الجهاز من وجهي مسحت عيوني نائل اخذ بسمه واني اخذت سدل ولميت رجلي طلعوا نائل ومجاهد من الغرفه وسدوا الباب وراهم
مجاهد ـ نائل هسه تحجيلي شبيهه فتون ليش هيج وضعهه شنو صاير متعاركين متحاجين متگاصبين احجي
نائل ـ ما ادري والله عفتهه نايمه وابوي اتصل بيه طلعت لگيتهه متمدده بالگاع وشفتهه زرگه گوه تجر النفس
مجاهد ـ ابووووووك ليش من شوكت ذكرك ابوك مو محملك فوك طاقتك ويحرض الناس كلهه عليك شنو ذكره بيك هسه
نائل ـ سالفه طويله
مجاهد ـ احجيلي فارغلك ينعل ابو العياده احجي اسمعك يله غرد لا تحرگ اعصابي بجمودك
نائل ـ صعبه والله صعبه مجاهد شلون اشرحلك ما ادري
مجاهد ـ هو هسه غير يحجي هسه اكتلك وروح العزاز احجي ولك والله فتيت گلبي
نائل ـ ابوي يريد وحده من البنات لاخوي مرتضى
مجاهد ـ شنووووووو انته غبي مخك بيه شي
نائل ـ اششششش صوتك لا تسمعك مجاهد اهدأ شبيك
مجاهد ـ هو شنو صوتي تحجي الصدك يردون يكسرون بفتينه وتريدني اسكت وانته بله شنو رأيك
نائل ـ مستحيل افرط بيهم لأي احد لو مو اخوي قطعه مني همه شلون انطيهم مستحيل والله ما اسوي هيج شي
مجاهد ـ اي عبالي والله ادفنك ومحد يدري بيك دير بالك نائل دير بالك والله انهيك وما يرفلي جفن لو مو متواعدين عالخوه للموت كلشي ولا كسران اختي
نائل ـ شنو مخبل گدامك لا افرط بيهه ولا افرط بيهم اني بيهم عايش بيهم اواجه الدنيا شلون اتخلى عنهم
مجاهد ـ نائل اعتقد فتون سامعه حجيك ويه ابوك قبل شوي
نائل ـ شلون يعني شنو قصدك
مجاهد ـ اي شبيك نطت عيونك حالهه هيج الا اذا مصدومه بشي لو متعرضه لشي قابل حالتهه جديده عليك
نائل ـ اي والله صحيح شلون ما انتبهت
مجاهد ـ اسمع منهه بهدوء وافهم منهه حكّم عقلك واتصرف زين
نائل ـ اعرف والله اعرف مجاهد تعبت والله جاي يحملوني اكثر من طاقتي احس هلكت كلش
مجاهد ـ دگيت على كتفه لا تشيل هم انته معدل يله اني اترخص واي شي تحتاجه تلگاني يمك ووياك
نائل ـ الله وياك قفلت باب الشقه ودخلت هيه صافنه وبس دموعهه تجري وسدل نايمه على ايدهه اخذتهه منهه فزت
فاتنه ـ لااااا عوفهه
نائل ـ شبيج فتون هذا اني
فاتنه ـ نائل لا تنطيهم لاهلك حتى لو اموت
نائل ـ ما انطيهم لا تخافين
فاتنه ـ نائل اخاف من ابوك كلش خايفه منه
نائل ـ لا تخافين اني يمج
فاتنه ـ واذا اخذهم
نائل ـ ما ياخذهم شجلبتي لخاطر الله ما يگدر ياخذهم
فاتنه ـ تمام تمددت وسدل يمي خليتهه على ايدي واشم بيهه صار عمرهم تقريبا شهرين رجعت طبيعي اعتني بيهم وادرس
امتحنت امتحاناتي النهائيه وخلصت اليوم اول يوم عطله الي گعدت بال 10 الصبح نائل بالدوام اندگت الباب ردت افتحهه بس شفت من العين هذا مرتضى وامه
رجفت لاااا اكيد يردون اطفالي رجعت للغرفه امشي سريع خاف اركض ويحسون اكو احد بالبيت اخذت التلفون اتصلت بنائل رد
نائل امك واخوك بالباب
نائل ـ لا حول ولا قوة الا بالله لا تفتحين الباب لو يفلشونه مفهوم خلي اشوف بله شنو تاليهه
فاتنه ـ لا شنو افتحه مخبله بقوا يدگون بالباب وين يله راحوا واني بالغرفه قفلت الباب علي اني والاطفال واللي يبجي بسرعه احضنه
لا يزيد بجي ويعرفون اني هنا للظهر اني عايشه بقلق مو طبيعي رجع نائل دخل وگال تفضلوا هنا لزمت گلبي
نائل ـ فاتنه تعالي وينج فتون
فاتنه ـ طلعت شوي شوي من الغرفه امه صارت گبالي گوه بلعت ريگ سلمت عليهه وگعدت بالصاله جبت ضيافه واحضر بالغدا
سألت على الاطفال هنا لزمت گلبي ركضت شفت نائل جابهم الهه عيني بعينه بجيت واهزله راسي لا شفتهه حضنتهم وبوستهم وخلت بملابسهم فلوس
نائل رجعهم ويحجي وياهه واني روحي راحت لا تكون جايه تاخذ واحد منهم اموت والله روحي بيهم اطفالي شفت الموت لما صاروا شوي وصاح
نائل ـ تعالي فتونه اگعدي ويه امي تريد تشوفج
فاتنه ـ اي اجيت مسحت عيوني وگعدت قريب عليهم واشوفهه تبوس بيهم وتضحك
ام نائل ـ صلاوات على النبي يوم عين البارده عليهم يحميهم الكم ويحفظهم
فاتنه ـ تسلمين عمه
ام نائل ـ ليش خايفه يوم
فاتنه ـ اني لا ليش اخاف ماكو شي
ام نائل ـ جاي ترجفين والجو زين شبيج
فاتنه ـ ها لا ما بيه شي
ام نائل ـ لا تخافين مستحيل اخليهم يفرقوهم اني ام واعرف البزر عزيز وما يتبدل بكنوز الدنيا لا تخافين اني وياج مو ضدج
مستحيل اخليهم يقهرونكم انتم تعبتوا وهاي رزق ربكم الكم كلهم سر واحد فراقهم اذيتهم ومرتضى تزوج وزوجته حامل وبعد فتره تجيب
اجينه نشوفكم ونرجع واعذريني يوم ما اجيتكم من قبل
فاتنه ـ لا عمه تمونين والله بس انتي ام واكيد تعرفين معزة الاولاد بگلوب اهلهم عمه اني روحي بيهم
تدرين والله شفت الموت بعيني لما صاروا مرتين اخذت الاوكسجين خلال الولاده وانتي اعرف بحالتي
يعني انتم اذا اخذتوا واحد منهم تحكمون على علاقتنه بالخراب والفشل اني جاي اگلج هذا الشي
اطفالي مستحيل اخلي واحد يفرقهم لو اعرف اموت ولا واحد يفرقهم
ام نائل ـ لا حبيبتي خلي راسج بارد واطفالج الج فاطمه صوجهه هيه السبب جانت تريد تعاقب مرتضى وتسوي شغلات تمنع الحمل
ما مخليه شي ما مسويته لما ربج سبحانه خلاهه تتحسر عليهم ماخذه شغلات مسببتلهه العقم وهاي نتيجة افعالهه
حاولت هواي ويه خالج وتقنع بيه تريد واحد من اطفالج بس الشاهد الله ورسوله لا اني ولا مرتضى وگفنه وياهه
وهسه هيه ببيت اهلهه لان ما حصلت منج طفل ولا قبلت مرتضى يتزوج عليهه
فاتنه ـ عمه اني ما الي شغل بيهه لاعبه بنفسهه مخربطه معاقبه اني بعيده عن كلشي هاي گدامج يوم اجيت وطالبت وردت حاجه
هذا نائل ما گتلكم اخذوه بالعزا من اهلي رادوا ياخذوني وياهم اني مستحيل أأذي بشر مهما غلط بحقي
بس عمه هذا الشي صعب والله صعب شلون خالو اجه من گلبه يحرمني من وحده من بناتي ترا صعبه والله صعبه احجي وابجي
نائل ـ كافي عمري كافي هاي امي وياج وبجانبج مستحيل واحد يوصللهم
يبقون بحضنج وانتي تربيهم على ايدج وتشوفيهم يكبرون گدامج مو هيج يوم
ام نائل ـ اي حبيبي ربي يهنيكم ويسعدكم لا تخافون من اي شي
فاتنه ـ ان شاء الله صبيت الغدا وگعدوا يتغدون مرتضى منصي راسه ما يباوع بوجهي ابد حتى من سلم عينه بالگاع
بس الخوف اللي بداخلي الله وحده يعلم بيه كل شوي واروح للاطفال اشوفهم خلصوا وانطيتهم الجاي شربوا وطلعوا
لملمت كلشي وصرت اهتم باطفالي فتره وطلعت النتائج معدلي جيد جدا الحمد لله صار الدوام واطفالي كبروا صار عمرهم 7 أشهر تقريبا
طلعت اول يوم للدوام واخذتهم لاهلي بيبي اذا ما تشوفهم يوم تتصل كامرا الا تشوفهم وتحجي وياهم
وهمه بس يلعبون باديهم ورجليهم يردوهه دخلتهم للبيت وطلعت ويه نائل يوصلني للجامعه وصلت ودخلت
گاعده بالقاعه واتفرج بتلفوني على صورهم والمقاطع اللي مصورتهه الهم واضحك
رهف ـ شلونك يا حلو
فاتنه ـ هلا رهوفه شلونج
رهف ـ الحمد لله حب شلونهم الاطفال
فاتنه ـ الحمد لله
رهف ـ اگول السنه مرشحينج انتي للمجموعه الطلابيه تقودينهم
فاتنه ـ اهووووو هم رجعنه لنفس السيره
رهف ـ اي ومصرين عليج والله
فاتنه ـ ترا هاي واگفه كلش شنو مو جاي ارفض هاي الشباب تارسه القاعه اني شكو
رهف ـ بعد حتى والله سوو انتخاب الصبح قبل لا تجين وانتي الاكثريه الج
فاتنه ـ مستحيل اصير ممثل للمجموعه الطلابيه افهموني لخاطر الله ورسوله
رهف ـ حتى يردوج ممثل القسم
فاتنه ـ استغفر الله اني بروحي تعبانه ومسؤوليتي مفلشه راسي خلوني بهمي الله يخليكم ما عايزه والله اللي بيه مكفيني وزايد
رهف ـ انصحج توافقين
فاتنه ـ ههههه وليش بله
رهف ـ هيج ضمان الج تستحقين بيهه حصانه من الطلاب
فاتنه ـ والله لا حصانه ولا هم يحزنون اني جايه هنا ادرس هاي السوالف خلوهه بعيد عني
رهف ـ كيفج اني گلتلج
فاتنه ـ وكيفي ما اريد هيج شي
رهف ـ ماشي براحتج
فاتنه ـ بعد احسن راحت رهف اجه سالار
سالار ـ مرحبا
فاتنه ـ مراحب
سالار ـ شنو اخبارج
فاتنه ـ الحمد لله
سالار ـ تعرفين اختاريناج ممثل للقسم
فاتنه ـ واني ما موافقه احجي وعيني بكتابي
سالار ـ مستحيل الاغلبيه تريدج وانتخبوج وبجانبج
فاتنه ـ سديت الكتاب ونزلت النظاره سالار اني مستحيل اقبل بهيج شي ليش محمد من شنو يشتكي
شاب مثل الورده والعام مشى القسم مثل الساعه على شنو تبدلونه الولد ما منه اي قصور
سالار ـ هو كل سنه ممثل غير وحسب اقتناع الطلاب
فاتنه ـ واني ما مقتنعه اصير ممثل
سالار ـ بس الاغلبيه الج ومختارينج
فاتنه ـ واني مستغنيه عنهه شوفوا غيري اكو مشكله
سالار ـ لا بالعكس نشوف غيرج براحتج
فاتنه ـ تمام رجعت اقرا بالكتاب لما دخل الدكتور ياخذنه محاضره واني ادون ملاحظات لان على لحظة شرود الذهن يسأل ويحرج واني ادون گال
اي فاتنه توفيق اشرحي الموضوع اللي قبل شوي طرحته وشرط هنا گدام الطلاب وگفت رتبت سترتي وگفت گدامهم وصرت اشرح واقدم ماده
استمريت نص ساعه شرح بدون ما اركز بشكله لانه استفزازي لابعد الحدود ويسوي حركات يلهيني او يشتت تفكيري
بس الحمد لله شرحت عن الماده اكثر منه التفتت اي اسئله ثانيه او استفسار گال بالعكس احسنتي صفگولهه
گلت دكتور احنه كبار والتصفيق للاطفال رجعت امشي مفتخره بنفسي گعدت ورجعت ادون اللي يحجيه
ومن ارفع راسي اشوفه مثبت تركيزه علي بشكل مو طبيعي واني كلشي ولا واحد يركز بكلشي اسويه
خلصت المحاضره طلعت للنادي ويه رهف اخذت گهوه وكيكه خلصنه اني ورهف رجعنه للقاعه نمشي اعترضني دكتور قسور
دكتور قسور ـ فاتنه ممكن شوي من وقتج
فاتنه ـ لزمت بايد رهف اي اتفضل دكتور
دكتور قسور ـ على انفراد اذا ممكن
فاتنه ـ اعتذر دكتور اذا عندك شي گول اسمعك
دكتور قسور ـ شوي شي خاص
فاتنه ـ دكتور ما اعتقد اكو بيناتنه خصوصيه
دكتور قسور ـ لا ماكو داعي
فاتنه ـ من رخصتك امشي وارجف ورهف تهدي بيه
رهف ـ كافي فاتنه شبيج حتموتين
فاتنه ـ اششش اسكتي رهف هذا العوينجي الله نقذني منه بوجودج وياي شكرا لان اجيتي وياي
رهف ـ ههههههه على شنو ما تگليلي
فاتنه ـ امشي وارجف حلفت بعد ما اطلع من القاعه وابقى ويه الطلاب كلشي يصير مشت ايامي واقمار حياتي كبروا
صاروا يزحفون وعمرهم 10 اشهر واحد احلى من الثاني وكلمة بابا وماما ما توگع من لسانهم اذا آخذ واحد منهم الثاني يبجي وهمه دباديب
اضطر اگعد بالگاع واخليهم بحضني كلهم وهاي ناخذ ربع ساعه ببيت جدو بعدهه نرجع وبيبي وامي كل يوم يسوولي طبخه شكل عالغدا
واهل نائل قفلوا سيرة ياخذون وحده من بناتي وخلصنه الحمد لله ومرتضى صار عنده ولد بس معوق خطيه عنده حنف القدم رجله مقوسه
نائل اتكفل بعلاجه بلبنان وحجزلهم دكتور بس همه ما قبلوا يرحون لان ابوهم معارض
نائل ـ فتونه حبيبي
فاتنه ـ يروحي گول
نائل ـ باجر عطله مو
فاتنه ـ اي عطله راحه شوي اشبع نوم ههههه
نائل ـ مشتهي دولمه
فاتنه ـ ههههههه تتدلل
نائل ـ وشرط حامضه ولاجعه
فاتنه ـ تتدلل وبعد
نائل ـ ها هيه
فاتنه ـ صار جيبلي الاغراض واني اسويهه
نائل ـ لا هسه نمر على الاسواق وناخذهم
فاتنه ـ اي انته انزل اني ابقى ويه حبايبي اخاف عليهم يبقون وحدهم كلشي يصير
نائل ـ لا اقفل البوب زين
فاتنه ـ مستحيييييل انزل وحدك يله هاي وصلنه هذا الاسواق عنده كلشي
نائل ـ ههههه ماشي يله هسه اجي ما اتأخر
فاتنه ـ نزل نائل واني بقيت بالسياره وملتفته عليهم وحسن يضرب بسمه وسدل تضربه ما تقبل واني اهدي بيهم لما رجع نائل عطت بيهم يله سكتوا
نائل ـ شبيج وياهم
فاتنه ـ يتمالخون شوفهم
نائل ـ اي لا تعيطين عليهم
فاتنه ـ انته ابقى دلل بيهم لما تخرب اخلاقهم
نائل ـ لاااااا خاف ما تقبلين ست الحسن والدلال
فاتنه ـ اي طبعا امهم اني امهم مو مرت ابوهم
نائل ـ افتهمنه افتهمنه صوتج لج بربوك
فاتنه ـ لسانك الفالت الزمه عود صيدلاني وخبصه ولسانك زفر
نائل ـ شبيهه البربوك تخبل ترا مو غلطه ههههههه
فاتنه ـ باوعتله بطرف عيني وعوجت حلگي اي الزگهه بس ما تلزك وياك لو تنتحر
نائل ـ جريت ايدهه بستهه شبيهه فتنتن
فاتنه ـ سحبت ايدي ماكو شي نائل سؤال
نائل ـ جواب وعيني على الطريق
فاتنه ـ انته فكرت بيوم تخوني
نائل ـ لا ليش اكو شي
فاتنه ـ يعني تقربت على بنيه حتى لو غلط
نائل ـ هههههههه لا اصلا انتي الوحيده اللي ماليه عيني وغيرج بعيني سراب
فاتنه ـ طمنتني
نائل ـ ليش ولج تشكين بيه
فاتنه ـ لا بس اخاف منك لان الولد سر ابيه واخاف على ابني
نائل ـ هههههههه لا تخافين مكتفي بيج صدگيني دلالج الي يغنيني عن كلشي
فاتنه ـ احبك
نائل ـ اموت عليح ابهرت حياتي زبدايتي الحلوه
فاتنه ـ بسته بخده ضحك وصلنه للبيت لان نائل باع الشقه واشترينه بيت صغير قريب لبيت جدو مسافة 10 دقايق مشي سياره
نزلت بيدي حسوني وقسم من الاغراض ونائل بيده البنات فتحت القفل ودخلنه لگيت شباك المطبخ متفلش صاير الجام مثل التراب
التفتت نائل دخل يضحك ويه البنات ويبوس بيهم گلت نائل شوف
نائل ـ بصدمه شنو هاي
فاتنه ـ وين اعرف علمي علمك
نائل ـ تعالي اشوف الكامرات
فاتنه ـ دخلنه گوه نمشي من اثر الجام اللي بالگاع طلع تسجيل الكامرات ولد ضخم فلش الجام وماكو ما ينفتح الباب
شوي وتقرب للكامرا بعد ما فلش الباب من الجام واشر بحركه نائل شاط من الغضب
نائل ـ والله الا ابيعه هذا البيت ونغير المكان
فاتنه ـ نائل شكو شنو هاي
نائل ـ واحد ادبسز شنو اترجى منه
فاتنه ـ عرفته منو
نائل ـ هههههه اي بس اللي يندك بيه امه بعدهه ما جايبته ولا مفكره تجيبه بسيطه
فاتنه ـ نائل لا تخوفني فدوه منو هذا وشنو رايد
نائل ـ ماكو شي تعالي اخذي اغراض للاطفال وكلشي مهم وخلي نروح لبيت جدج اليوم
فاتنه ـ تمام
نائل ـ اخذتهه وصلتهه واني اعرف كلش زين هذا جوقي بس شنو اللي جابه وشنو يريد بالضبط وشلون عرفوا مكاني واني ما منطيه لأي احد
نزلنه وعمتي مستغربه رجعتنه فاتنه رادت تحجي خزرتهه گلت عمه اليوم احنه خطاركم ترحبون بينه لو نرجع لبيتنه
ام سليم ـ يا يمه عين غطا وعين فراش شلون ما ارحب بيكم وانتم ويه النفس والروح
نائل ـ مشكوره عمه ما تقصرين گعدنه شوي واجه ابو سليم والولد گعدنه تغدينه وسوالف على الوضع والدوله والسياسه شوي وكل واحد دخل لغرفته واني وفاتنه بغرفتهه اللي ببيتهم
فاتنه ـ نائل شنو ناوي عليه گول فدوه
نائل ـ الج الصافي
فاتنه ـ اي غير اعرف شنو ببالك
نائل ـ تعرفين بعدين بس لا تحجين لاي احد
فاتنه ـ نائل لا تقطرهن علي كلمه كلمه احجي شي برد گلبي
نائل ـ ناويله الليله انعل شيب اهله
فاتنه ـ لا تروح نائل فدوه خايفه
نائل ـ ليش اخليهم يسوون اللي يحبون ويمشون براحتهم شنو سايبه هيه
فاتنه ـ نائل اخاف عليك والله
نائل ــ لا تخافين ربج موجود جريتهه حضنتهه مشتاقلج ولج
فاتنه ـ رغم خوفي حضنته حيل وبسته بخده
نائل ـ ااااخ خنگتيني هههههههه
فاتنه ـ خايفه عليك
نائل ـ لا تخافين
فاتنه ـ حضنته حيل وتكورت بحضنه رفعني للسرير نمت واني حاضنته لا يروح واني ما اعرف بيه
نائل ـ خوفهه قلقني كلش وزاد توتري خليتهه نامت سحبت نفسي شوي شوي گعدت بالحديقه على المرجوحه وصافن
يعني معقوله جوقي ليش بشنو قصرت وياك ليش تطعني هسه اكيد اليوم يرجع بالليل يشوف شنو
قدمت بلاغ للشرطه وگالوا نأمن البيت گتلهم اريد بس كم عنصر وياي داخل البيت نشوف شنو يصير وانطيتهم تسجيل الكامرا وافقوا
المغرب رجعت للبيت ووياي 3 عناصر جبتلهم عشا وگعدنه بالصاله كملنه واخذت الزايد رجعته بالثلاجه وگعدنه وكلنه عيونه بالكامرات
وفاتنه موتتني بالاتصالات وبس تبجي اهدي بيهه وهيه ماكو اتصلت بمجاهد يبقى بالبيت لان بس هنه يبقن صعبه نسوان وحدهن
رغم زاهد اخوهه الصغير موجود بس مو مثل اذا واحد جبير صارت بال 11 ووگفت سياره مسافة بيتين بعيده علينه سياره سودا
نزلوا اثنين منهه دفعوا الباب اني قافله حتى لا يشكون بشي الشرطه تحضروا گتلهم نشوفهم يدخلون هنا ونلزمهم
اريد اعرف منو هيج يتجرأ يتعدى على بيتي المفوض اللي وياهم وافق على فكرتي دخلوا ويتلفتون فتحوا باب المطبخ وخربوه ودخلوا لان جنت قافله
احنه صرنه اثنين باثنين على الجانبين دخلوا للصاله واحد يگول للثاني
الاول ـ اگلك شنو نايمين هذول
الثاني ـ هو هذا ينام يبقى للفجر جنه بومه
الاول ـ هسه وين نروح
الثاني ـ غير ناخذ صخام وحده من بناته نسيت شنو وصانه
الاول ـ والله انه خايف من هاي الشغله بس انتم شلون بيكم عاندتوا
الثاني ـ هسه ديله خبصتنه صارلك ايام تلوم بينه سوي اللي اتفقنه وياهم عليه وخلينه نرجع
الاول ـ نشوف تاليهه وياكم
نائل ـ المفوض اشرلهم وراهم بقيت واگف شوي وجتفوهم الشرطه وهمه يصيحون وگلبوا الدنيه والشرطه لازمتهم
گتله من رخصتك جناب المفوض اريد اشوفهم وهمه تخبلوا لا ولا رفعت النگاب من وجهم اثنين ولا واحد عرفته منهم شگد ركزت بوجههم ما عرفتهم ابد
گعدت گبالهم گتلهم منو دزكم علي هاااا وشنو تاخذون وحده من بناتي منو سمحلكم هاي سوالفكم كلهه سجلتهه والتصوير الي بالكامرا يم جناب المفوض
المفوض ـ اسمحلنه استاذ نائل خلينه احنه نتصرف وانته الك الجاهز
نائل ـ جنابك انته هسه سمعت باذنك يعني اني عائلتي شلون أأمن عليهه بهيج وضع اطفالي بخطر
المفوض ـ لا تشيل هم استاذنا العزيز هسه نشوف منو السبب وتتدلل اليوم الضيافه يمنه غير
نائل ـ مشكور جناب المفوض اتمنى تبذلون جهدكم لان انتم حماة الوطن
المفوض ـ تتدلل يله شباب اخذوهم
نائل ـ اخذوهم يجرون بيهم وهمه يتوسلون باسوا حتى الرجلين واني عيوني طافره المفوض دز سياره تراقب البيت اني رجعت وصلت لبيت عمتي بال 1 بالليل تقريبا ابو سليم منتظرني
ابو سليم ـ نائل وين جنت
نائل ـ عمي سالفه طويله والله واني تعبان كلش فاتنه نامت هيه والاطفال
ابو سليم ـ اي نامت تعال احجيلي
ناؤل ـ عمي تعبان والله خليهه غير وقت
ابو سليم ـ اي ادري بيك تعبان احجيلي يله تروح تنام
نائل ـ بس مو هنا بداخل البيت نطلع برا بالحديقه
ابو سليم ـ اي نطلع ليش لا تعال
نائل ـ طلعنه للحديقه گعدنه وسولفتله كلشي وهو مصدوم گال
ابو سليم ـ بويه ولو ما يصير اتدخل وهذا الشي بينك وبين اهلك بس اعتقد السالفه وراهه اهلك لان ابوك جان رايد وحده من بناتك صح كلامي لو غلط
نائل ـ صح
ابو سليم ـ وهسه جاي تگول يردون ياخذون وحده من البنات صح
نائل ـ اي صحيح بس مرتضى صار عنده طفل وصح معوق وگتلهم يطلعونه ويعالجونه واني اتكفل بكلشي علاجه وسفرهم بس ابوي رفض لان يگله احنه متبرين منه شنو يشفق علينه
ابو سليم ـ شوف هذا اكو مشتمل قريب كلش بعد بيتين جنت ناوي اشتريه لمجاهد بس انته احق بيه تعال واخذه بدل بيتك
نائل ـ لا عمي ما يصير لمجاهد لمجاهد على شنو اني اشوف مكان قريب وابيع ذاك البيت
ابو سليم ـ لا تصيرلي صاحب كرامه ابو هبطه تجي وتاخذ المشتمل مو لخاطر عيونك المخنزره على گولة فتينه بس لخاطر اطفالك لا يصير بيهم شي لا سامح الله
تعرف هاي المنطقه مؤمنه بشكل وما يدخلون بيهه بس اللي يعرفونهم بالمنطقه والصبح راح احجي ويه صاحب المشتمل واتفق وياه
نائل ـ الله كريم عمي
ابو سليم ـ روح ارتاح بويه روح الله يبرد گلبك ويسهل امورك
نائل ـ تصبح على خير عمي
ابو سليم ـ وانته من اهل الخير وليدي
نائل ـ گمت وكلماته ترن باذني صدك اللي حجوه يردون وحده من البنات شنو اللي يمنع ابوي ما يفكر يرجع ياخذ وحده من البنات
وهو مصر الا ياخذ سدل اللي اعتبرهه اقوى اطفالي وكلش نسخه من بلسم يعني قصده يكسر گلبي يريد يأذيني ليش وبشنو ولخاطر منو
معقوله هيج كلش مستقتل على مرتضى دخلت للغرفه شفتهه نايمه على الكتاب وحلگهه مفتوح
سديت الباب شوي شوي فتحت الجنطه اخذت تراك وبدلت رحت يمهه فتونه حبيبي عمري احجي وابوس بخدهه
فاتنه ـ متت قهر من گعدت وما لگيته صرت بس ابجي اتصل ما يرد واني روحي رايحه امي اجت اخذت بسمه ونبأ اختي اخذت سدل وبيبي اخذت حسن
يردون يفتهمون مني شي واني ما احجي شي بس ابجي لان نبهني ما احجي شي لاي احد
تعشوا واني بس شربت عصير وغيرت للاطفال ملابسهم وكل واحد اخذ الرضاعه مالته وناموا لزمت كتابي عندي محاضره شوي صعبه
دكتور عمر شديد الى درجه وراهه محاضره دكتور قسور اللي اخاف من مجرد وجوده بالقاعه لان نظراته مو مطمئنه ابد
ما حسيت بنفسي نمت وين يله گعدت على صوت نائل وگفت بسرعه حضنته وين جنت
نائل ـ هاي اجيتج لزموهم
فاتنه ـ منو
نائل ـ الشرطه قابل منو
فاتنه ـ عرفتهم
نائل ـ لا
فاتنه ـ وشلون هسه
نائل ـ باجر اعرض البيت للبيع تبقين هنا واني ابقى بالبيت لما ابيعه ونشتري هذا المشتمل القريب على بيت جدج ونستقر هنا أأمن مكان ما اگدر بعد اضحي
فاتنه ـ حبيبي والله ما يهون علي اشوفك تروح للبيت وحدك شلون هيج
نائل ـ تهون حبيبي تهون حضنتهه حيل وبگلبي اگول شلون تهون وهو ما يخليني اتهنى نمت بوسط معارك بين افكاري
فاتنه ـ نائل يله اگعد راح نتأخر وراي اول محاضره دكتور عمر
نائل ـ صباحو كاهي وگيمر
فاتنه ـ بسته هههههه صباحك عسل مثل وجهك حبيبي يله اسبح وبدل
نائل ـ ماشي سبحت سريع وبدلت رتبت شعري وعطرت اخذت الستره بيدي وطلعنه سوا من الغرفه الاطفال نايمين وعمتي وام مجاهد گاعدات گلت صباح العافيه
ام سليم ـ يمه يا محلى هالصباح صباحك راحة بال يوم تعال شلون سياح وبيض يلوك لهالحلگ
ام مجاهد ـ صباح الخيرات يوم اتفضل اگعد
فاتنه ـ احم احم ترا اني هناااااا شنو نسيتوني
ام سليم ـ هههههههه شلون ننساج وانتي فرحتنه تعالي يوم
فاتنه ـ يمااااي يالحنينه حضنتهه وبست راسهه صباحج حلو مثلج فيروزتي
ام سليم ـ هههههه صباحج عافيه يوم
فاتنه ـ رحت لماما حضنتهه صباح الورد يا ورد
ام مجاهد ـ صباح العسل گلبي ماماتي اگعدي اكلي شي وراج دوام
فاتنه ـ ما الحك والله بعد ساعه الا ربع محاضره دكتور عمر ونص ساعه زين اذا وصلت وراهه مشي الممرات
نائل ـ اي مو هاي لابسه جينز وشوز اركضي هم تخففين وزن وهم رياضه صباحيه
فاتنه ـ هاااا شوفوا گدامكم يحجي علي وراكم شلون
ام سليم ـ ههههه اي البسيلج شي فوگاهن مبينات فخاذج
فاتنه ـ بيبي يا حبيبتي يا عمري فيروزتي هذا شوفي طويل البسه
ام سليم ـ اي خوش الستر احسن
فاتنه ـ رحم الله والديج يله نئوله مو اخذك الواهس على السياح والبيض انوب يشرب الجاي بگلاص گوم
اجر بايده وهو ياكل ويضحك وبيبي تحجي علي سويت لفه واخذتهه يله اوكلك بالسياره بس امشي
نائل ـ انطي مجال شوي گمت غسلت واخذت الستره ودعناهم وطلعنه وصلت فاتنه وهيه توكلني بالسياره وتاكل وياي وتضحك
نزلت وعيني وراهه لما دخلت بداية الممر شفت واحد يمشي وراهه صفيت السياره سريع ونزلت امشي بسرعه وصلت قريب عليهه
دكتور قسور ـ صباح الخير فاتنه
فاتنه ـ شفته وانخمش گلبي گلت صباح النور دكتور
دكتور قسور ـ البارحه ردت احجي وياج بس صديقتج جانت موجوده
فاتنه ـ شنو الموضوع دكتور گول وگفت وحضنت ملازمي وملابسي مستوره الحمد لله الستره طويله مغطيتني
دكتور قسور ـ تعرفين درجتج بمادة استاذ عمر مو زينه
فاتنه ـ بالعكس دكتور درجاتي زينه ومستواي زين
دكتور قسور ـ لا اقصد يعني بالماده مالتي هذا الشهر مو زينه
فاتنه ـ اعتقد دكتور هذا شي خاص بيه اذا جانت درجتي زينه او مو زينه بالاول والاخير الي ومستقبلي يهمني اني شكرا لاهتمامك
دكتور قسور ـ احنه بالخدمه اذا احتاجيتي اي شي
فاتنه ـ مد ايده يريد يخليهه على كتفي ابتعدت بسرعه رغم المسافه بيناتنه بس يتقرب ويه كل كلمه يگولهه وعيونه تتفحصني
درت وجهي اريد امشي شفت نائل اجه من رخصتك دكتور حسيت اذا بقيت بعد شوي تصير مصيبه رحت لنائل لزمت ايده بسرعه وهو نار
نائل ـ منووو هذا فتون وشنو يريد
فاتنه ـ يحجي ويصك على اسنانه وقسور يباوع علينه گلت نائل اعصابك حبيبي هذا دكتور وحده من المواد
ويگلي ما مجاوبه هذا الشهر ودرجتي مو زينه واني مستواي كلش زين حباب لا تفشلني فدوه اعرف اتصرف بس اهدأ شوي حبيبي انته
نائل ـ ها اي افتهمت تعالي نسلم عليه ليش لا اخذتهه واني عاصر ايدهه وصلت يمه مديت ايدي سلام عليكم دكتور
دكتور قسور ـ وعليكم السلام اهلا وسهلا منو حضرتك
نائل ـ اني زوج فاتنه تشرفت بمعرفتك
دكتور قسور ـ الي الشرف اكيد وفاتنه طالبه مجتهده بس حبيت اساعدهه لو جانت محتاجه مساعده بأي ماده
نائل ـ حسيته كلش مو راحه ضميت ايدي بجيبي وايد لازم فاتنه اللي الرجفه ماخذتهه گلت تسلم دكتور لو احتاجت مساعدهه اني اساعدهه
يله فاتنه اخذتهه من ايدهه ابتعدنه شوي اي شبيج تردين تموتين اهدي شوي شوفي الرجفه ماخذتج شبيج
فاتنه ـ اسكت نائل حموت والله گلت راح تتعارك وياه وتصير سالفه بنص الجامعه وشيخلصني بعد
نائل ـ لا ما يصير شي وبعدين اني مو كلشي واتعارك اكو عقل لازم نستثمره يله هاي قاعتج مو
فاتنه ـ اي هيه
نائل ـ يله ادخلي وهذا دكتورج مو راحه كلش تجنبيه
فاتنه ـ اي هو متجنبته بس هو لزكة جونسون
نائل ـ ابتسمت يله يحلوه ادخلي للقاعه مصروفج بالجنطه
فاتنه ـ شكرا حبيبي دخلت للقاعه ورهف فاهيه گلت شبيج
رهف ـ لج هذا منو الصاك ابو عيون
فاتنه ـ هههههه زوجي شبيج
رهف ـ ااااخ يمه گلبي شمالني يربي شبيه عوجه ثوله جگمه ارزقني مثل هالكيكه هاي واني مكيفه اگول سالار حلو امداني اي والله
فاتنه ـ هههههههه شبيج ترا عادي شكله مو فد شي
رهف ـ يا عادي امداني تگول عادي بله تعالي اذا عندج صور العائله الكريمه خصوصا الرياجيل خليني اشوف
فاتنه ـ ههههه راح يجينه دكتور عمر يسوينه برياني للعائله الكريمه اگعدي صدك بس گعدنه دخل ووجهه ما يگصه السيف
صاح طلعوا اوراق بسرعه اختبركم رهف شهگت ضربتهه طلعت ورقه سريع كتب سؤالين كلش صعبات اللي ما مركز باليومي مستحيل يجاوب
واحد منهن شرحي البارحه للطلاب جاوبت وطلعت ورقه ثانيه ثبتتهه وياهه الطلاب سلموا اوراقهم وگعدوا واني مستمره اكتب
خلصت رفعت راسي ايدي راحت من الكتابه شفته فوك راسي گلت العفو دكتور اكو شي
عمر ـ لا كملي كملي
فاتنه ـ كملت هاي ورقتي سلمتهه وگعدت گال اللي يريد يطلع يطلع واللي يريد يبقى بكيفه صارت الطلاب تطلع طلعنه اني ورهف گال
عمر ـ فاتنه لحظة تعالي
فاتنه ـ لزمت ايد رهف وجريتهه وياي گلت نعم دكتور
عمر ـ اليوم منو الشاب اللي دخل وياج للحرم الجامعي
فاتنه ـ زوجي دكتور
عمر ـ اهااااا المفروض يستأذن يله يدخل قريب القاعات صح لو اني غلطان
فاتنه ـ حجاهه ورفع راسه خزرني گتله العفو دكتور جنت تعبانه ووصلني للقاعه مره ثانيه ياخذ اذن
عمر ـ ليش خيرج من شنو تشكين
فاتنه ـ دكتور هيه مجموعة امراض ما اعتقد من الضروري تعرفهه
عمر ـ لا ضروري كونج طالبه مجده احجي اسمع
فاتنه ـ التفتت لرهف واني دم ما بقى بوجهي گلت عندي فتحه بالقلب سويت عمليه قبل سنتين تقريبا وقصور بعمل الرئه
عمر ـ عندج العافيه روحي للعماده واخذي اذن وخليه يمج حتى مره ثانيه لو دخل وياج زوجج ما تجيج حجايه
فاتنه ـ تسلم دكتور طلعنه واني ارجف متت ورهف تهدي بيه طلعت البخاخ من جيبي بسرعه صرت اسحب منه واهدي بنفسي
گعدنه على جهه اريد ارتاح شوي يله صرت احسن وايدي بعدهه ترجف ورهف تمسح على ظهري اجو الولد محمد وسالار يستفسرون شنو صار
گتلهم بس تعبت شوي وراحوا طلع دكتور عمر وگال تعالي وراي رحت وراه امشي ورهف الحقيره ما قبلت تروح وياي اجه محمد يمشي يمي
محمد ـ امشي فاتنه لا تخافين اني وياج
فاتنه ـ تسلم وصلنه للعماده دخلت ودكتور عمر شرح وضعي للاساتذه ومحمد يمي بهت وجهه ويباوع علي ويهز راسه بلا
ابتسمت هزيتله راسي اي العميد كتب ورقه يگدر نائل يدخل باي وقت يجيني بيه والدكاتره كلهم سكتوا حتى دكتور قسور دنك راسه ويفرك بايده طلعت ومحمد وياي گال
محمد ـ فاتنه صح اللي سمعته جوا
فاتنه ـ اي صح
محمد ـ ليش ما تحجين بله بيوم صار بيج شي لا سامح الله شلون راح نتصرف بهيج حاله خصوصا والمستشفى اللي يشتغل بيه زوجج مسافه مو قريبه كلش يعني صعب يوصل بسرعه
فاتنه ـ ماخذه احتياطاتي اعرف نفسي لان اذا بدت تتأزم حالتي انطيه علم وهاي البخاخ وياي ما افارگه
محمد ـ يعني قبل شوي تعبتي مو
فاتنه ـ لا هيج تعب خفيف
محمد ـ وگلبج شلون يعني قصدي العمليه
فاتنه ـ ماكو شي هيج يعني جنت مسويه عمليه قبل جانت فتحتين بس وحده رجعت علي وسويتهه وهسه يگولون راجع قليل منهه
يعني بالعلاجات ممكن تروح لان رجعت علي من قتلوا بنتي گدام عيني نزلت دموعي امسح بيهن وينزلن
محمد ـ اسف اسف ذكرتج والله اسف بس حبيت اعرف وضعج لا اكثر
فاتنه ـ لا عادي ماكو شي مشيت سريع دخلت للحمامات القريبه غسلت وجهي وارتجيت على الحايط واني اتذكر كل ضحكاتهه ولعباتهه
بلسمي ماماتي مشتاقتلج يروحي انتي اعرف انتي بمكان احسن بس شنو اللي يصبر گلبي عليج
حتى اخوانج ما يجون مثلج انتي روحي اللي راحت وياج يروح روحي رن تلفوني رفعته الووو
نائل ـ شبيج فتون
فاتنه ـ ماكو شي هيج يمكن فلاونزه
نائل ـ جذب لا تجذبيييين علي شكوووو احجي لا هسه اجي والله
فاتنه ـ نزلت دمعتي ماكو شي بس درجتي مو زينه
نائل ـ جذابه والله ترجعين ويصير خير
فاتنه ـ سده بوجهي مسحت وجهي وطلعت المحاضره بالبدايه ودكتور قسور علينه دگيت الباب
دكتور قسور ـ ادخل
فاتنه ـ العفو دكتور تأخرت
قسور ـ اخر مره يله تفضلي
فاتنه ـ دخلت گعدت راسي كلش يوجعني من البجي گوه مركزه ضاگ نفسي لان انقهرت فتحت الجنطه طلعت البخاخ الثاني اخذت منه مرتين وارتجيت شوي
گوه مركزه والدكتور يشرح اباوع ايدي ترجف حيل سديتهه ماكو بعدهه ونفسي بدا يتسارع جريت التلفون اتصلت بنائل والدكتور عينه عليه
بس انفتح الخط گلت نائل الحگلي وسديته نفسي قوي اخذ بالبخاخ وماكو رهف تفرك بظهري الدكتور انخبص اشرت على تلفوني نائل يتصل گوه لزمته فتحت خط
نائل ـ جاي نشتغل بالمستشفى الصيدليه حيل ازدحام خف الازدحام اتصلت بفاتنه حسيت اكو شي صوتهه مو تمام مبينه باجيه
سديته منهه ضجت رجعت اشتغل ويه الولد اتصلت واعرف هذا وقت محاضرتهه رديت بسرعه بس فتحت الخط حجت لو روحي راحت ركضت سويت زمنيه شفت مجاهد اجه علي
مجاهد ـ ها نائل شبيك لونك مخطوف
نائل ـ مجاهد فاتنه ما اعرف شبيهه مبينه مختنكه من تحجي رايح الهه
مجاهد ـ انتظر اسوي زمنيه واجي وياك
نائل ـ ما تلحك ما تلحك اخذت السياره واسوق سريع تحملي فدوه لعينج تحملي فتون جايج
وصلت للباب اتصل عليهه اريدهه ترد شفت هذا الدكتور بالباب اشر للحراس دخلت اركض گلت وينهه
قسور ـ بالقاعه وياهه البنات دبرتلك اذن دخول من العماده
نائل ـ شكرا ركضت بكل قوتي وصلت منتهيه كلش گوه تفتح عينهه طلعتهه من مكانهه رفعتهه وصديقتهه لملمت اغراضهه واجت وراي
واني امشي بسرعه اريد بس اوصل للسياره فتحت الباب مددتهه وصديقتهه صعدت وياهه واخذتهه بسرعه للمستشفى
مجاهد بالباب اخذهه مني انطوهه الاوكسجين والممرضين والدكتور طلعونه برا بقيت افتر روحي رايحه شبيهه شنو الخلاهه توصل لهالمرحله
خلصنه من الجهاز وظيمه قبل فتره شنو الرجعنه اله طلع الدكتور طمنه عنهه دخلت يمهه نايمه لزمت ايدهه بستهه فتينه شنو صار وياج منو قهرج
مجاهد ـ ما بيهه شي الحمد لله على سلامتهه
نائل ـ الله يسلمك خويي راحت روحي عليهه والله
رهف ـ الحمد لله على سلامتهه هاي اغراضهه جبتهم وياي
نائل ـ التفتت تذكرت البنيه گتلهه الله يسلمج اخذت منهه الاغراض مجاهد رجع البنيه للجامعه اجت ويه فتونه مشكوره خويه تعبناج ويانه
رهف ـ بالعكس فاتنه اختي والله ما بيهه غير العافيه اني اترخص
مجاهد ـ امشي اوصلج
رهف ـ لا شكرا اخذ تكسي عادي
مجاهد ـ لا ما يصير يله تفضلي
نائل ـ مجاهد اخذ البنيه يوصلهه بقيت ويه فاتنه ساعه تقريبا يله صحت تفرك براسهه جرت الجهاز من وجهه رجعته گلت خليه تنفسي زين
فاتنه ـ اني وين
نائل ـ بالمستشفى يروحي شبيج ليش هيج مو خلصنه من الجهاز وظيمه شنو خلاج هيج يصير وياج زعلتي مني مو
فاتنه ـ لا ما زعلت والله بس هاي الايام احس تعبانه حيل وتعب الدراسه وسولفتله على دكتور عمر وشنو صار بعدين لما وصلت من ذكرت بلسم وبجيت
گتله صار سنه ونص اني ما شامتهه نائل تعبت والله اريدهه احس محتاجتهه والله
نائل ـ حبيبي يروحي هاي عندج بدالهه 3 وهاي سدل وبسمه يشبهوهه ليش تنقهرين خليهه طير بالجنه راحت شهيده احجي وياهه وگلبي معصور حتى اني مشتاقلهه
فاتنه ـ ادري شهيده والله ادري بس ما جاي اتقبل هالفكره والله نائل من اتذكر كلشي احترگ والله احترگ جاي تفهمني روحي تنسلب مني والله
نائل ـ افهمج والله بس خلي ايمانج بربج قوي وخلي عينج على الحلوين واتخيليهه بيهم ريحتهم نفس ريحتهه والله
فاتنه ـ ادري والله ادري حتى سدل نفس تصرفاتهه بس مو بلسمي مو اول فرحه الي نائل ادعيلي ترا والله كلش تعبت
نائل ـ ادري يروحي يله نامي ارتاحي حتى ارجعج للبيت
فاتنه ـ بعد هواي يله يخلص الدوام
نائل ـ ميخالف اخذ زمنيه ارجعج وارجع لدوامي لو مجاهد يرجعج وترتاحين
فاتنه ـ تمام رجعت غمضت عيني بس ما نمت ابد حسيت ارتاحيت شوي گتله رجعني لاطفالي
طلعنه اخذني مجاهد لان نائل طلبوه للصيدليه زخم مراجعين رجعنه ومجاهد يسولف ويضحكني واني بس ابتسم
مجاهد ـ خب هيووو الفيله
فاتنه ـ ها شبيك فززتني
مجاهد ـ ووجعا شبيج يوميه مهبطه نئولتي
فاتنه ـ ما بيه بس تعبانه
مجاهد ـ لا مو تعبانه جاي تكبتين بداخلج اطلعي للحديقه يوميه وسولفي كلشي يمر وياج بصوت تسمعينه مو تجعرين وتشهرينه بالمنطقه جنج خبل
فاتنه ـ ههههههه انته هسه تنصح ترزل تضحك علي
مجاهد ـ انجبي انجبي والله اذا بعد قهرتي نئولتي اموتج الفيله
فاتنه ـ اني وزوجي انته شكو بنصنه
مجاهد ـ خاب انجبي زوجهه ام زوج ولج والله لو زوجتي مثلج گبل اتزوج عليهه واخليهه مثل الجلب
ادري گلبج مشگك رئاتج مو زينه تدخنين من ورانه وما ندري بيج لو تشربين عصير ابطال
فاتنه ـ شنو هذا عصير الابطال
مجاهد ـ هسه انتي عفتي كلشي عجبج عصير الابطال امداج اي والله
فاتنه ـ ههههههه شبيك غير من تحجي شي تفسره
مجاهد ـ ما جاي على بالي يله وصلنه كروتج يله ما نوصل بلاش احنه
فاتنه ـ طلعت ربع گلت هاك الله لا يعوزنه الك
مجاهد ـ الجلفه مرت الجلف ربع ربع هاج هاج مكيفه بربعهه عشره غيرهن ما اقبل يله ورقي
فاتنه ـ بس ما عندي جوجايه
مجاهد ـ جذابه والله جيبي يله
فاتنه ـ امري لله طلعت العشره هاك بس خلصني هسه لو جايه بتكسي ارحم منك يمكن ياخذ مني 5 الا انته 10 ادري شايلني على ظهرك وتفتر بيه
مجاهد ـ انجبي وانزلي وانطيني جنطتج
فاتنه ـ ابد شنو انطيك جنطتي كروه وانطيتك جنطتي شكو تريدهه
مجاهد ـ عوفيهه لا اذبحج والله
فاتنه ـ امري لله اخذت ملازمي وكتبي دخلت تفاجئوا بيه امي وبيبي گتلهم تعبت ورجعوني دخلت بدلت وشفتهم حبايبي نايمين مبينين شبعانين
شوي وگعدت سدل اخذتهه يممووووي فديت خديداتج يروحي انتي بنياتي سدولاتي نامت على كتفي مسدت على ظهرهه ماميتي يروحي مشتاقتلكم يگلبي
نعسانه سدولتي نامي يگلبي انتي نامي بقيت اطبطب على ظهرهه خفيف لما رجعت نامت وهيه لازمه شعري
رجعتهه لسريرهه وفتحت ايدهه گوه طلعت شعري منهه طلعت اشوف امي وبيبي واگعد وياهم شوي گعدت بالمطبخ اشرب مي اجه مجاهد
مجاهد ـ هاج جنطتج
فاتنه ـ هههههههه عود شكرا جوجايتي
مجاهد ـ ههههههه عفوا الفيله
فاتنه ـ اخذت الجنطه فتحتهه حتى اخذ علاجي شفت فلوس هواي عرفتهن من مجاهد شربت علاجي ورحت وراه دگيت الباب
مجاهد ـ ادخل
فاتنه ـ حبحب
مجاهد ـ هههههههه تعالي تعالي
فاتنه ـ گعدت يمه حضني وباس راسي ليش مخليلي فلوس بالجنطه عندي والله
مجاهد ـ اعرف واعرف بنائل ما يخليج بدون مصرف بس انتي اختي وواجبي انطي ولو جزء بسيط الج
ومو بس الج هاي ميس احوللهه كل شهر ونبأ وسبأ مثلج وهذا ظافر رغم مدرس هم مثلكم وزاهد هم لان ابقى اخوكم الجبير
وواجبي ما اخليكم محتاجين اي شي حتى لو انتم متزوجات وازواجكم حالتهم الماديه زينه تمام يروحي
فاتنه ـ شكرا يا احلى اخ ربي ما يحرمني منكم تدري
مجاهد ـ شنو
فاتنه ـ حتى جدو ينطيني كل شهر يگلي راتبج يبقى مستمر طول ما اني عايش وموجود يمكم وبابا هم نفس الشي
مجاهد ـ اي حبيبتي انتم ورداتنه وبيكم نرفع راسنه
فاتنه ـ اموووت عليك حضنته وبسته بخده
مجاهد ـ ههههههههه واني هم اموت عليج يله اخذي علاجج وارتاحي واطردي كل الافكار السلبيه
ولا تهتمين لاي شي خلي اولوياتج اطفالج وزوجج واهلج ومستقبلج اهم شي تمام
فاتنه ـ تمام طلعت من غرفته واني مرتاحه مجاهد رغم هو يضحكنه ويشاقينه بس اسلوبه وتعامله كلش حلو
طبخت الغدا وياهم وامي ما تقبل وبيبي هم گتلهم اعرف والله طبخت برياني لحم وحضرت الحشوه على جهه وسويت لبن وسلطه وحضرت الخضره
رحت سبحت ورتبت نفسي ما اريد احسسهم اني تعبانه وصلوا اول شي بابا وجدو استقبلتهم وهمه متفاجئين اني واصله قبلهم گتلهم ماكو محاضرات مهمه
دخلوا وراهم زاهد وظافر هم وسباوي ونبا اخر شي نائل وصل شفته بالكامرات طلعت للباب راد يدفعه فتحته اله وحضنته حبيبي
نائل ـ يروحه وعمره شلون صرتي
فاتنه ـ احسن
نائل ـ فتونه شبيج ليش هيج سويتي بيه والله ما عرفت اشتغل بعد
فاتنه ـ ما بيه شي يروحي انته هيج ضغط دراسه وتعب الاطفال تعال بس ها شوف لا تگول لجدو وبابا اي شي
كلهم گتلهم تعبانه وضربت اخر شي من المحاضرات ومجاهد ما اعتقد يحجي شي
نائل ـ اي اني هم نبهته يله تعالي جوعان كلش
فاتنه ـ يخسي الجوع ومريتك اليوم طابخه الغدا
نائل ــ فديتهه النادره حلقومتي
فاتنه ـ ههههههههه ادللك غير وباجر ما عندي دوام رهف گالت دكتور عمر مسويلي اجازه يعني باجر اسويلك دولمه ومحاشي
نائل ـ ههههههه احبج اموووت على گلبج الحنين
فاتنه ـ افديك اني افديك گرصت خدوده وبستهن يله تعال اخذني بحضنه ودخلنه
نائل ـ سلام عليكم
الكل ـ وعليكم السلام
ابو سليم ـ هلا بويه اتأخرت اليوم
نائل ـ والله عمي اليوم گلبنه المخزن على سرنجات السكري وما لگيناهن تعبنه كلش وهنه ماكو
طلعوا مخلين كامرات باطراف المخزن تصور كلشي وواحد من الصيادله ماخذهن وهسه حالوه مجلس تحقيقي
مجاهد ـ صدك عود منو بله هذا
نائل ـ احمد اللي سولفتلك عليه
مجاهد ـ ههههههههه ما لحگ يتهنى
نائل ـ عضيتله شفه وهو ضحك
ابو سليم ـ شبيكم واحد فاطس ضحك واحد يعض شفه شبيكم
مجاهد ـ ههههههه جدو اسكت وخليهه من احجيلك تكتلنه اثنينه بالعصا
ابو سليم ـ ها ولك ابو هبطه حتى انته صرت مثله فسدكم المستشفى وطلع عيونكم
نائل ـ لا عمي جذب يتشاقى وياك مجاهد خزرته
مجاهد ـ جذاب والله لا تصدگه هههههههه والله لو تدري اااخخخخ بويه
ام سليم ـ يا شبيك يوم لا تشرگ من الضحك هسه نائل شنو حجه وانته موتت نفسك ضحك
مجاهد ـ بيبي تتذكرين اللي گال نائل عليهه حتى اخطبهه
ام سليم ـ اي شبيهه
مجاهد ـ ابن اخوج لازمهم بنص الجق بق هيه وهذا الحرامي هالمره هو مو اني الله راد يبينله حقيقتهم
ام سليم ـ ياااا صدك ولك نائل
نائل ـ لا عمه لا تصدگيه جذاب هاي سمعة ناس وعوائل ما يصير نجيب سيرتهم
مجاهد ـ خاب گم ابو هبطه
نائل ـ مجاهددد اسكت مني احسنلك
مجاهد ـ لا دخيلك لا تخوزر عيونك نطت
ام سليم ـ هههههههه شبيكم الشرايج
مجاهد ـ بيبي هذا ابن اخوج مجلوب هسه والله اكو بنات شگد ويانه مؤدبات وعاقلات حتى من قسمهم ما يطلعون
الا احنه نروح نفتر مرات ونعرف اكو بنات بهيج قسم بس اليوم بويييييه شفت يمكن وقعوا على گلبي
ام سليم ـ ها ومنو اللي وقع على گلبك
ام مجاهد ـ يا الله واخيرا فكت عقدتك واقتنعت
ابو سليم ـ الحمد لله من اقتنعت
نائل ـ منو بله
مجاهد ـ ذولاك الناس اللي وصلتهم اخخخخ گلبي نسحل سحل
نائل ـ جوجايه استقري والله لو تعرف بيك فتينه
فاتنه ـ هاااااا سمعت اسمي شكو
مجاهد ـ تعالي تعالي انتي اختي مو خلي يولي هذا نئوله العار تعالي نسولف اني وياج
فاتنه ـ اخذني مجاهد على جهه ونائل يصيح عليه وهو يغمه ويعيب عليه وكلهه تضحك گتله ها گول
مجاهد ـ اليوم اجت وياج بنيه حلوه
فاتنه ـ هههههههه منو هاي البنيه الحلوه
مجاهد ـ ما ادري گالت صديقتج جابت اغراضج ويه نئوله
فاتنه ـ اي وشبيهه حتى ما ادري اجت وياي بنيه المهم كمل سالفتك مهمه الظاهر
مجاهد ـ اي لا تصيرين حيوانه مو محترمج هسه
فاتنه ـ هههههههه كمل كمل اسمعك
مجاهد ـ اي ردت اوصلهه وما قبلت تريد تروح تكسي ف أخوج شاب شهم وصاحب نخوه وصلتهه لباب الجامعه ورجعت
فاتنه ـ اييييييي وبعد
مجاهد ـ اريد تعرفيلي عنهه كلشي يعني كلشي كلشي تنخليهه نخل وترجعيلي خبر
فاتنه ـ وهسه وين اعرف هيه منو اجت وياي وانخلهه الك نخل
مجاهد ـ اعتقد اسمهه رهف
فاتنه ـ ها رهوف اصلا بنيه حبابه وما عدهه سوالف منا منا وكشكوليه وضحوكه
مجاهد ـ وبعد
فاتنه ـ مؤدبه ومن تمشي عينهه والگاع
مجاهد ـ حلو وبعد يعني مصادقه شي علاقات منا منا
فاتنه ـ جؤ ما اعتقد لان اكثر وقتهه وياي بالدوام
مجاهد ـ حلو اعرفيلي عنهه كلشي
فاتنه ـ هههههههه شنو تريد تخطبهه
مجاهد ـ اي
فاتنه ـ حلوووووو صفگت راح يصير عدنه عرس للللللليييييشششششش واهلهل وهو يسد بحلگي
نائل ـ ولك عوفهه خنگتهه الجلب
مجاهد ـ انته انجب اختي اخنگهه اعصرهه ما الك شي يمي يله ولي ولي المخنزر
نائل ـ هيج صارت جوجايه
مجاهد ـ اي هيج ابو هبطه
نائل ـ ولكم الله اكبر ابتليت انهبطت عساهه بعدوانكم ان شاء الله شلون ارجع بالزمن واخفيهه من بالكم يله
ابو سليم ـ ههههه اي بعد هاي حقيقتك ابو هبطه
نائل ـ حتى انته عمي ولكم الله اكبر عمه صيحي بيهم
ام سليم ـ اسكتوا منه هذا نئوله ابو هبطه حبيب عمته
نائل ـ هاااااا حتى انتي وياهم ماخذ فروخي ورايح وخلي هاي تفيدكم من وراهه طلعت علي سمعه
فاتنه ـ ههههههه انته بس اخذهم وشوف يا ابو الفروخ فروخه هو والله يا الله
مجاهد ـ هههههههههه سمعه ثانيه ابو الفروخ العببببب
نائل ـ راح اهج من وراكم والعباس ابو عبد الله
مجاهد ـ ولكم غدوووه گام يخربط ههههههه ولك العباس ابو فاضل الحسين ابو عبد الله شمالك تزلگ
نائل ـ ها ليش شگلت اني
فاتنه ـ ههههههه اخخخخ يمه بطني اسكت وسد حلگك رحمه لاهلك خلي اغديك وعود احجي ترا گمت تخربط تعالي جوجايه ساعديني
مجاهد ـ خب هييييي جوجايه شنو بعد احترميني وهذن اخواتج اثنين يساعدنج
فاتنه ـ خووووشششش روح بعد راح اكنسلهه
مجاهد ـ لا عليج بداعة عموره وفيروزه اجي حتى اغسل الماعين بدالج واغسل لفروخج هم وارضعهم لو تردين
فاتنه ـ ههههههههه اطفال جهال زعاطيط فروخ شنو
نائل ـ ديله الشافطين شلون اثنين الله باليني بيهم
ام سليم ـ وانته ثالثهم بعد عمتك
نائل ـ ها فيروزه حتى انتي گلبوج علي
ابو سليم ـ ولك فيروزه شني بس اني اسميهه فيروزه
نائل ـ اااخ شبيك عمي ايدك والكفخه هاي فوك ما موتوني جوع
ابو سليم ـ ابو هبطه هسه مو جاي يصبون
نائل ـ ههههه يله اروح ابدل واجي
ابو سليم ـ روح روح
نائل ـ دخلت للغرفه ابدل شفتهم حبايبي گاعدين ويردون ينزلون من السرير نزلتهم واحد واحد وكل واحد اشمه وابوسه يله
وهمه يلعبون بدلت سريع واخذت بسمه وحسن وسدل وراي تزحف ام مجاهد شالتهه وتضحك بيهه وهيه تبوس
شلون تلم شفتهه وتبوس تجنن وكلهه تضحك عليهه خليناهم كل واحد بكرسيه وگعدنه ناكل
بيهم طبيعه كل رجال وزوجته سوا يگعدون فاتنه يمي تاكل وتضحك على سوالف مجاهد اشوفهه هيج فرحانه گلبي يطير وياهه بعد ما هبطتني اليوم
فاتنه ـ مجاهد ينقل بالاكل ويكفخ بنبا وسباوي وهنه يتعاركن وياه وهو يضحك يروح ويرجع يكفخنه جماعي
ركضت وراه بالجفجير وهو شرد ويضحك رزله جدو گعد عود ضايج بس رفع وجهه بوجه نائل ضحك التفتت نائل لابس التشيرت مگلوب گعدنه ناكل وكل شوي وگال مجاهد
مجاهد ـ نئوله تشيرتج مگلوب يبعد ضلوعي
نائل ـ لا عدل وين مكلوب
مجاهد ـ وروح ابوك مگلوب
فاتنه ـ حبيبي والله مگلوب هههههههه شوف الحاشيه
نائل ـ خرب ما انتبهت يله غمضوا اعدلهه
مجاهد ـ خب انجب نغمض خلينه نتغدا ما نريد لعبان نفس
نائل ـ هههههههه هسه انته كلش تخبل هو جنك دجاجه مهلسه
مجاهد ـ اي دجاجه مهلسه مو نئوله احجي وافضج سوالفج يبربوك
نائل ـ احجي ما عندي شي
مجاهد ـ خوش يعني ما تخاف وسبع ونجر
نائل ـ اي طبعا
مجاهد ـ ولج فتينه هذا الزمال اليمج مصاحب عليج وحده جق بق
فاتنه ـ شنو مصاحب شنو جق بق
نائل ـ جذاب والله لا تصدگيه
مجاهد ـ اذا صدگتيه انتي اكبر زوج ومضحكه
فاتنه ـ جيب تلفونك اشوفه بسرعه
********************************
حبايبي علقوا على الفقرات
صوتوا للبارت
تابعوني على حسابي بالانستا