᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
-اغصان يتيمة-
الكاتبة وَرْد حيدر
قبل كلشي لتنسون التصويت + التعليق بين الفقرات + متابعة الحساب
يگــــٓـꪆل?
هوة ذنبي!! لاسكنت وية الاجوني ولا تبعت الراحلين.
᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
الغصن ١٦ :-
بين حين وحين وبين ثناية الاثام يوجد البغاء والدعر تنحصر تلك الاماكن بين الفروع واماكن التجمعات يتجمع حولها متلذذ المعاصي وشارب الاخمار
تنتشر بين المناطق وبين حين وحين تلك الاماكن في كل مكان وفي كل زمان وحتة الان يتجمع داخلها ومن حولها مئات الشباب لرؤية ماذا؟ بعض من الرخيصات لاشباع غرائزهم المسمومة
توجد تلك النقطة السوداء وان كان الثوب ابيض !
..
نداريت حاجيتهم شوية وهاذ اليشرب مـטּ القوطية الرصاصية خلة النرگيلة بيدي ولامست ايدة القذرة اصابعي انداريت حتة اوديلة النرگيلة نفتح باب الگوفي نصعقت مـטּ شفت جاسر بلباب جاحض عيونة لجگارة مشگلة بحلگة يباوعلي بنضرات مردت گلبي مرد
لطمت خدي طاحت مـטּ ايدي النرگيلة تفلشت ماي مالها ترس الكاع غمضت عيني اريحها فتحت حسيت ؏ جسمي يرعش رجعت بخطواتي للخلف انتجيت ؏ الحايط وانه اتنفس بالدقيقة الف مـטּ خوفي وعيني ؏ الباب اباوعلهة ولعرگ يصب مني
بدون ماينطق حرف تگنبص منتچي بيمينة ؏ حافة الحايط صفن مبحلج مثبت عيونة ؏ ام الكوفي الجان صوتها يدوي وينتر ايقنت النتر جان بسبب كسر النرگيلة شفتة وكف ويأشر ؏ واحد بصابعة اشرلة بصبعة السبابة نحوة بمعنى تعال ثواني معدودة وكف كدامة بقة يحجي وياه ويهز براسة گانة يستجوبة شفتة ندار عليه طلع هاذ ابو القوطية الرصاصية الجاي يستجوبة دهار شاغت روحي بلزايد حسيت الدنية نسدت بوجهي هوة هاذ سكران مـטּ الرئيسي شمفهمة
نزل راسة مد ايدة بجيبة شفتة طلع محفضتة وأشر بصبعة تجاهي ندار علية ابو القوطية ورجع اندار الجاسر مـטּ بعد ماسكتت ام الكوفي تبينلي دفع التعويض مال النرگيلة الفلشتها
دكات كلبي صعدت البلعومي بعد ماشفتة يخطي خطواتة تجاهي انفاسي الاهثة نكطعت كتمت حسي بيدي عيوني مليانة دموع تقرب مد ايدة قبض متني شنطة بقبضتة بدون لاينطق حرف سحبني بيدة خلفة يخطي ويتلفت بعيونة تجاه المكان والالفاض الجانت تنحجي خلفنة منهم ليكولون اخذها راح....
طلعني خارج الكوفي رفع راسة يبحلج بلمكان جانت اكو لافتة مكتوب عليها كوفي و ـــــــــ باوع للدربونة جانت ضيگة سيارتة ميگدر يطلع منها شارع مسدود لازم يرجع بلعگس ميگدر يلوف السيارة دقق بلمگان گانة حفض كل شبر وزاوية بيه
مد ايدة فتح باب السيارة بدون مايحجي حرف نضراتة جانت كفيلة تشرح كلشي تقربت اعصابي ترجف دخلت رجلية ودخلت گعدت روحي ترعش طبك الباب غمضت نازة مخروعة اباوع الجهت الجامة انتبهت للجامة بدت تتنقط مطر خفيف شكد اتمنيت اوگف بنص ساحة جبيرة وافتح ادية بكل حيلهن اغمض وارفع راسي ليفوك وابقة فاتحة حلگي وافتر ويدخل قطرات مي المطر بحلگي تمنيت اعيد هاية الحضة الطفولية اتمنيت ارجع ذيج الطفلة الجانت ماتعرف شنو الموت وشنو الحزن كل همها العب والهو اتمنيت ارجع ذيج الطفلة الجانت وسادة ناعمة بين احضان والديها
بدت تتحرك السيارة وماسحات السيارة تتحرك تمسح بقاية المطر المغطيها هدوئ جامح مريب مررعب مخيف گانة الهدوئ ماقبل العاصفة
عگس السيارة يمشط بشواربة انتبة الايدي ترجف مد ايدة ليگدام شغل تدفئة داراها عليه لفحني هوة دافي بوجهي صرت اغمض بثكل وفتح
جان اگو بطل بصف البريگ محطوط بيناتنة بنفس الحضة الردت الزمة لزمة هوة انتبهلي اريدة هدة واني كذالك هديتة
دار عينة مني وحجة حجاية وحدة فقط
::- اخذي
جان ريگي يابس عطشانة حيل غثيان لازمني احس بأي لحضة اوگع من طولي لزمتة وايدي ترجف شربت منة ارتويت حسيت طاقتي رجعت قدمت ايدي تجاها مقدمتلة لبطل حجيت بحس ناصي
::- هاك اشرب
باوعلي ونزل عينة يباوع للبطل ابتسم ابتسامة باردة بتك خد ودار عيونه عني
مديت ايدي سديت البطل ورجعتة النفس مگانة رجعت ضهري منتچية مگرفصة نفسي لامتها وحاضنة روحي باثنين ادية اجاني صوتة
::- بردانة؟!
باوعتلة وهزيت راسي نافية رجعت النفس وضعيتي مجلبة بنفسي حاضنة روحي حيل غمضت عيوني اريحهن واسترجع بذكرياتي صحاني من غيمة افكارية صوتة
::- المكان الجنتي بية تعرفينة شني لو لاء؟!
كعدت اباوعلة ومتكتفة ناصتة الكلامة جاوبتة اهز براسي مثل الشطورات وگلت
::- اي كوفي
رفع تك حاجب ندار يبحلج بوجهي صفن بيه وبوز شفايفة شلون ليريد يبوس هز راسة عافس وجهه
::- جيد..
رجع انعاد نفس ذاك الهدوئ غمضت حيل طاقتي معدومة مالي طاقة احجي وداهر بية روحي تعبانة بعدها نفس الرجفة والهبطة بيه من شفتة دخل جسمي بعدة كله يختض مرتعد سكتت حرف ماگلت انتبهلي ارجف قطع الكلام وياية ونهى بــ
::- انزلي
عصرت اليدة مال الجنطة باثنين ادية شفتة داير وجهه عني لازم الآمراية اليكدام بيدة ويمشط بشواربة الهدوئ والبرود الجان شايلة فضيع نداريت نص جسمي مديت ايدي حطيتها فوك اليدة مال الباب سحبتها ونزلت طبگت الباب اخطي خطواتي صرت گدام الباب دنگت جريت الطابوگة ودخلت..
دخلت شفت عمتي بعدها نايمة اجت عيوني ؏ آصف جان ايدة جوة راسه طابگهن وخدودة متفحة تقربت علية حضنتة بكل قوتي شميتة حيل ابوس براسة وبخدودة
دموعي تنزل اباوع للطفلة منا منين ادبرلها حليبها اذا خلص صرت اكل بروحي بلزايد الدنية سدت بوبها بوجهي سرحت بتفكيري غفيت ماگعدت غير ؏ صوت
الباب يندگ فزت من نومتها عمتي مخروعة حركت عيونها تجاهي بمعنى شكو رفعت عيوني بادلتها النضرات وعفست شفتي بطريقة ممهتم
ردت اگوم أشرتلي بيدها بمعنى گعدي وكفت بالف يالله لازمة مفاصلها وتذب برجلها صاحت منوو؟
بقت تحجي بهمس بصف الباب مادة اذاني متر ونص وكلشي ماسمعت شفتها طبگت الباب وندارت تخطي بخطواتها جوة تفرك بيدها الجو باررد حيل تلگيتها
::- منو؟!
::- ابن عمج بارود يگول معزومين يمنة ؏ الغدة كتلة انشاء الله خير
::- اني ماروح اذا تردين روحي بس انتِ
::- شني ماترحين چاا غير گلنة خوماا وحدي اروح شيگولون ناضدة بطني وجايتهم
::- ماريد اروح شكو يعزمون مو مانتحاجة وياهم؟!
::- چاا غير عزمونة زحمة يدادة مـטּ يجينة بشر بلصلح ونردة بلضغينة حتة لو جان الگلب مفرفح ميخالف
::- عمة مادري روحي انتِ وآصوفي واني هنا اريد ابقة يم الطفلة زايدتها ناقصتها اني يمها وداريها ماريد اروح
::- يمة ياقة لاتبطين جبدي اكثر من ماهوة مبطوط عزمزنة نروح ونحضر ، عزيمة هاية مو ؏ المزاج زحمة ماترحين فشلة شگلهم
::- مايرادلها روحة للقاضية گليلهم تقرررة
رفعت عيونهه خزرتني وصاحت
::- ياقوووتة
::- اهوو هية گوة واحد مايريد يروح گوة خوماا گوة ماريد كليلهم ممروضة ميتة شتگليلهم گليلهم
::- وروح حويتم ترحين
بهت وجهي ملامحي بادت حلفتني بروح ابوية نزلت عينها انتبهت الملابسي
::- جنتي طالعة؟!
::- اي مريت ؏ الحجة شروق هم حاجيتها ؏ الفلوس گلتلها اردهن الج ماتأخر وحاجيت بندقة
::- شعدج طالعة من الصباحيات شحاجيتيها؟!
::- اءء ؏ موضوع عباس...
::- عوفي عباس معليج ديربالج تتدخلين
::- گلتلها الولد خوش ولد مايستاهل ومن هلحجي
::- امي معليج عوفيهم بحالهم
::- چاا عمة اني شمسوية داخلة احنن الگلوب
::- لا تحننين ولا تدخلين عليج ابروحج يامي معليج تجيبين الحجي الروحج باچر عگبة وگلشي يصير انتِ التتحملين المسؤلية والدعاوي تكسر ضهرج
::- عود قصدج تزوجة ويطلع عباس مو زين وتضل تدعي عليه؟!
::- كلشي يصير امي مالج دخل الدنية ماتتعارف ماريدج تتدخلين بشغلات ماتخصج
::- ولله عمة اني اشوف عباس خوش عباس مايخيب املي بية وداعت فرسدق ابصملة بلعشرة
::-واني اگول مصبحة مـטּ صباحية الله ليكول طالعة عمالة ثاري شلون سويلفات تلوك لحلكج ياقوتة وجتها سالفة تهدها؟
::- ابدددد
::- لا امي لاتتدخلين عوفي الخلق للخالق الله اليدبر شؤونهم
::- انشاء الله ، صدك عمة هسة شنو اريد اببقة..؟؟
::- ترحين حلفت بروح حويتم بعد
هزيت راسي وجريت نفس عميق وصحت
::- تلزميني من ايدي التوجعني
::- سايريني يابعد عيني ونضرها هية منا لهنا
أردفت بحس ناصي
::- الي الله
شافتني اريد اروح صاحت
::- وين؟
::- اشوفلي شي البسة
::- ابقي بملابسج حلوات
::- تدمرن طين
::- شني مطرت؟!
::- اي بس مطر خفيف مو قوي اتدمرن من الگاع وخطواتي التتناثر ليورة يصير طفار
::- خوش جيبيلي وياج تراك الآصف مرتب خليني ابدلة هم يالله
::- هسة ، زين عمة ماگلتيلي اذا سئلو ؏ الطفلة شنگول؟!
::- نحجيلهم قصتها
::- انتِ احجي اني ماريد احجي شي
::- يااااع شمالج اليوم
جلبت بيها متوسلة
::- حبابة
::- چاا وين راح السانج؟!
::- موجود باعييه
::- چاا شمالج
::- ماريد احجي هسة مو زين راح اروح
مدت ايدها جرت الجيس مال الگلنس المبلل مال الطفلة ونگدتني براسي بلهدف اجت گبل
::- تعبتيني يمگرودة
ابتسمت ودخلت جوة احوش بلغراض طلعت ترك الآصف نيلي نگثتة جان مغبر رجعت شفت عمتي گاعدة شافتني گالت
::- انطيني اني ابدلة روحي بس حيري بروحج
::- هاج
اخذتة منيدي وصارت تدغدغ بية وتگرص بخدودة انتبهت للطفلة فزت وصارت تصرخ كعدت بصفها سويتلها ممية بسرعة ارضع بيها شفتها غفت يطلع منها صوت واهن وشهكات رفعت البطانية دثرتها عدل عمتي خبصتني تأخرنا ماتأخرنة
دخلت بسرعة للحمام خليت جفوف رجلية جوة البوري مال المي وصرت اغسل بيهن واحگهن بلصبة مال الحمام جانن مليانات طين الحذاء مالتي مشگوگة من جوة بيها فتحة ف الطين يعبر ويضل برجلي يابس
نضفتهن ودنگت اشطف بوجهي ورفع المي اعبرة فوك راسي ورة اذاني غسلت ايدي وطلعت امشي ؏ اطراف اصابعي حتة لاتدمر رجلية طلعتلي ملابس بسرعة
شمرت هدومي وبديت البس بيهن عيوني مورمة شوية جريت خط كحلة بطنهن وشوية حمرة سحرية لخدودي ولشفتي طلعتلي شال شمرتة فوك راسي ودنگت البس بحذائ صيفي جان مفتح ابو السير فشلة بس شسوي البوت مـטּ جوة مشكوك الحد الان اتذكر مـטּ دست ؏ الجير الحار وشلت رجلي نشالت وياه قطعة مـטּ حذائي
رتبت روحي جريت نفس الجنطة لبستها وطلعت شفت آصف شحلاتة واكف فرحان شارك الابتسامة وعيونة تلمع صرت بصفة اگرص بخدودة
::- شهلجمال عيني
رد بنبرة طفولية بريئة يزلغ بلحايط مستحي
::- لولو انتِ احله
شفطتة بوسة مديت ايدي الاعب بية ادغدغة شوية ووخر ايدي خاف يفحط اريدة يضحك بس ماريدة يفحط ويتعب گلبة
شفت خشمة منشول دنگت فتحت الجنطة اطلعلة كلنس صار گبال عيوني القلادة النطتنياها ليال جان سيف الامام علي علية السلام ومگتوب فوك السيف لا فتى الا علي ولا سيف الا ذو الفقار لزمتها بيدي وبدت عيوني تدمع مشتاقتله مشتاقة احضنها مشتاقة ابوسها مشتاقة لسوالفنة القديييمة الدنية فرضت علية افارك العزازز
فاركت اهلي بلنجف وفاركتج ياليال بلانبار
ذرفت دمعة مـטּ عيني حسيت ؏ نفسي اهتز باوعت آصف يهز بية من رجلية ويردد بحس واهن
::- لولو ليش تبجين
مسحت دمعتي بحافة اصبعي هفيت ؏ عيني جريت نفس بيه حسرة زفرت بفتور
::- ماكو شي حبيبي هاية الكحلة مو اصلية تحرك عيني كل ماحطها يرجع نفس المنوال ينعاد
::- لاتحطينها بعد
دنكت صرت گبال وجهه حضنتة حيل وهمست
::- آصوفي راح نروح خطار معزومين حبيبي مو تغافلني وتركض لو تلعب ضل گاعد بصفي خوش؟
هز راسة بنعم حضنتة اكثر وبتعدت ابوس بجبينة وردد
::- عفية بلشطور عفية يابو خديدات الحلوة
صار يضحك فرحان مجلب بيدي لازمني وكفت وايدي بيدة شفت عمتي كملت مدنگة تلبس جواريب سود تكول حرام الرجل تطلع
دنگت شالت الطفلة دخلتها جوة عبايتها شكد جنت فشلانة لحيت عليها اكلها مو هسة نروح يمكن بعد وكت للغدى تكلي لا هسة امشينة كلبها رجيج اعرف داخلة تريد تشوف اخوها وجهال اخوها وتزيح الزعل
اباوع للساعة بعدها حتة ماصايرة ب١٢ وعمتي تسوحل بية منيدي
::- عمة راح تخزينة صدك جذب بعدة حتة مامئذن عاد خلي الناس تصلي
::- انتِ شمفهمج دمشي شو
طلعنة وبقت مجلبة بلباب بتك ايد تأشرلي احط الطابوگة وراه دنگت احط بلطابوگة وهية وراي تسترني
بقت تمشي واني الفشلة ماكلة وجهي مستحية احس الحرارة تطلع من خشمي صارت گدام الباب دگتة دقايق وفتحت الباب تمنة اتشابگن وفضن الزعل البيناتهن ماجنت اعرف هاذ ضلع الحايط شنو راسم براسة بعد هلصلح ولعزيمة
تقربت حضنتني وصاحت تفضلو خطواتي تتعثر اطرافي ترجف مستحية حيل نزعت البرجلي ودخلت للهول جان جبير ومفروش يحاوطة داير مداير ديوان شيوخ وبلوسط جانت دلات مال گهوة وبصفهن قوري جانن للعرض محطوطات جواهن قطعة دائرية جانت محيوگة مال غجر مليانة الوان مگعدين فوكهن الدلات ولقوري منضر مريح للعين جان التصميم عتيق ذو طابع مميز جميل شكد حبيتة وحسيت ايام قبل جيل اهلنة وجيل الاجداد گدامي جريت عيوني تجاه الحايط جان اكو سيف متعلك بلحايط بلعرض ونازل جوة سناسل من هاية الحافضة اليدخل بيها السيف جان نابع منها سنناسل لامعة باوعت للحايط الثاني جانت اكو رشاشة ماعرفت اسمها بس جانت ضخمة حيل وهواية تفاصيل جانت موجودة ماگدرت اطيل النضر خاف ياخذون عني نصرة ماشايفة لو من هاي الامور
تقربت گعدت وبقيت مرگزة عيني ب الهول مالهم جانو يكولون المضيف دخل بارود سلم وگعد مبتسم
::- عمة شلونة التصميم الجديد مال المضيف
::- يخبل عاشت ايدكم خوش تصميم معدل
::- انتِ ماشايفة القديم ياقوتة شايفتة ، ندار بعيونة عليه ، شلونج ياقوتة شخبارج شلونة المضيف ياهو احلة هاذ لو القبلة
تذكرت شكل القديم جان عادي حمحمت بحس ناصي
::- زينة الحمد لله ولله اني اشوف هاذ احلة
ندار بعيونة الجهت امة وگال
::- شكتلللج هاا هم كولي للاا ايع وين مرجعنة لعهد جدي عمي غير انتقام مو مضيف صاير حامض حلو
هزت ايدها مبتسمة وتضرب فوك فخذة بخفة ايدها
::- اي يمة بهاي صدگت مال حامض حلو ماتشوفة صاير كله الوان ماكو لون ماعاتب عليك ماحاطة
::- تمن عمبر انتَ شفهمك بهاية الامور عمي استجن
جرتها ضحكة ملاطفة مغيرة للجو ابتسمنة لا ارادياً كلش حبيت علاقتها وية ولدها جانت الهم صديقة اكثر من ماهية ام
دخلت ليزة سلمت وصارت بصفي لزك جان تدخل غصون اختهم من غير ام مجان اكو فرق بيناتهم معاملتهم كلهم نفس المعاملة ونفس الحنية احسها اليصير زين وية جهالها تشيلة وتحطة ؏ راسها واليضوجهم تتخبل علية حسيت گلبها هيج تعلگ بيهم من بعد ماتطلگت ونحرمت منهم سنين ، تباوعلهم گانها اول مرة تشوفهم بيها تحاجي هاذ وتمازح ذاك بسبيل ضحكتهم وفرحتهم
عبرتي صارت بلعومي دعيت الله يحفضها الهم ويرحملي امي
باوعت الغصون جانت حيل حلوة شعرها حيل طويل مغطي گامل ضهرها مسويتة ضفيرة وعيونها شهل صفر يخبلن جانت بيضة وجمالها عمارجي اصيل توها اجت بصفنة وستلمها بارود
::- اتحداج تگولين مرمر مراية تمرمر مرمرتج
::- ماا
تمنة: عوفها عاد بسسك
::- يلا غصون شبيج الخاطري
::- معليه
::- مو گلت الخاطري ثولة
::- باغود شبيك ماعغف
جرها ضحكة قوية وتدنة بصفها
::- شسمي انه؟!
::- باغود
گام يضحك وهية وياه تضحك وتضرب بية
::- شوفي ولله اذا گلتي مرمر مراية تمرمر مرمرتج شتردين انطيج
::- گول ولله !!
::- ولله
::- بعد حلفت
::- اي ديالله
باوعت تجاهنا ابتسمت عيونها تلمع بيها البرائة وحجت
::- مغمغ مغاية تمغمغ مغمغتج
ضحك حيل وامة تكفخ بية وجها مبتسم
::- يالله اغيد تشتغيلي تلفون
::- شتسوين بية
::- مو گلت شتغدين انطيج اغيد تلفون
::- عود من تگولين ربعي ربع ترباع ربعتهم ارباع من تنربع الراء تتربع الكاع
ليزة: بااع باع هايه منين يولو منين تجيبهن
::- اسهر اليل كله اطبخهن الغصونة
مدت ايدها غصون قبضتها وضربتة
::- زاعلتك حقيغ
::- رايدة تلفون؟
::- اي
::- دكولي ربعي ربع ترباع ربعتهم ارباع من تنربع الراء تتربع الكاع ، ولله هلمرة صدك
::- معلية بعد ماگول
::- ولله بس تگولينها اشتريلج تلفون
::- لاء جذاب
::- ولله حلفت بالله ثولة ماتصدگين؟؟!
::- غاح اگول بس اعرف تجذب عليه
::- مو جذب وداعت امحمدنننة
::- غبعي غبع تغباع غبعتهم اغباع من تنغبع الغاء تتغبع الكاع
جر ضحكة قوية فرك وجهه شلع عيونة ضلن يدمعن من الضحك ضربتة
::- يالله اشتغيلي تلفون
حجة كوة لازم ضحكتة
::- بس تصير عندي فلوس اشتريلج تلفون ولله
غنتبت شفايفها عفستهن ليجوة كفختة حيل وكامت تدردم علية
::- عغفتك تجذب عليه باغود الجذاب
صار بوجهه جاسر جان سابح لابس تراك اسود راسة اصلع شاربة محدد ضخامتة مطبگة تشيرتة من جهت متنة ، عقد حاجبة حرگلها عيونة يمين ويسار بحرگة سريعة مقدم ايدة يأشر
::- منو وياج
وگفت گدامة شلون الطفلة وتشگي الابوها رافعة اصابعها وتشكليلة بين كل سالفة وسالفة ترفع اصبع تعددلة
::- جاسغ هاذ باغود يكلي اشتغيلج تلفون بس گولي هيج واني اگول كلمات بيهن حرف الغ ومن اكول يكول ماعندي تغضاها؟!
ابتسم بخفوت
::- لا مارضاها
رفعت اصبعها السبابة تأشر تجاه بارود
::- يضحك علية شوفه
ندار بعيونة عض اصابعة خزرة انتبة الوجودنة مد راسة
::- السلام عليكم
جاوبتة عمتي گامت تريد تحضنة وهوة يرجع ليورة مايريدها تلمسة
انهضمت سودة علية اباوعلها گامت تطحن بروحة طحن عبالها مايريد يسلم عليها وفشلها رجعت بصفي وعيونها مدمعة سوت نفسها ملتهية بلطفلة ، تلافت الموضوع امة
تمنة: ههههه ها حنينة مخلفة من ورانه
باوعتلها عمتي وبدت تحجيلها القصة.. جرت نفس زفرتة بحسرة
::- شني من اب هاذذذه ولله انة دلام روحة بجهالة ماعندة هاية بنية وذاك ولد اثنينهم معزة وحدة عود هايَ صدك هيج اكو زلم ؟!
::- كلشي اگو عيشي وشوفي ..!!
بقن يسولفن واني ابحلج بعيوني شفت ازهر اجة تقرب سلم وكعد دخلت رجاء سلمت تقربت گعدت گدامي وتحجي مبتسمة
::- شلونج عيني؟
::- الحمد لله
::- شعدج كاعدة هنا دكومي هوة بيت عمج من شني مستحية
::- مو قصت مستحية بس مرتاحة بمكاني
::- كومي شبيج هنا شتسمعين كلها تسولف عندي وياج موضوع ضروري اريد احجي وياج بية
::- شنو؟!
::- كومي..
گمت وراها وليزة وراي جلبت بية وهمست باذني
::- وين رايحة؟
::- تريد تحجي وياية مرت اخوج
::- ششتريد؟
::- هوة گايمة اشوفها شتريد
::- خوش انتضرج
طلعت صار بوجهي جاسر مشگل الجگارة بطرف حلگة لازم بيدة قفيص يريد يضب الصوندة مال الماطور جانت فالته مفيضة الگاع شافاني ونزل عينة باوعلي من جوة ليفوك عينة تصعد نعسانة لم شفتة لداخل فمة وندار طفة الدگمة مال الماطور وبدة يسوي بلصوندة
زفرت بكل حيلي اشتميت ريحة اكل نابعة من الممر عرفت هناك المطبخ اخذت خطواتي شفتها منتجية بصف الكاونتر اول ماشافتني عدلت وكفتها وبتسمت
::- شجنتي تردين تحجين شكو صاير شي؟!
طلعت السانها بللت شفتها حجت بحس ناصي
::- ذاك اليوم من صارت المشكلة گلتي جاسر متحارش بيج مووو لو اني غلطانة ؟!
::- هوة هاذ الموضوع التردين تحجين بية؟
::- مو اريد افهمج شغلة
::- ياشغلة
رادت تحجي فات جاسر للمطبخ اختلست ، دنگ يبحوش بلجرارة انتبهت لعيونها ضلت تتلامع تباوعلة بس.. نضرات ماجنت اعرف افسرها مركزة ؏ رگبتة وشفايفها تتحرك گانها تحجي بداخلها
نصت صوتها كلش وگالت بلطف
::- تريد بلايس؟
::- همم
::- البارحة ازهر اخذها الصاحبة يصلحولة الدراجة
ندار بنص راسة يأشر بيدة ليفوك يشمر بيها بنتر
::- رجعها لو انشفطت
::- رجع ايدة فارغة
::- دراجة تتصلح ببلايس؟ قضية واكفة هايه
::- هههههه
دخل ازهر شاف رجاء تضحك عيونة نشنطن صارن بلطول بقة واگف بصف الكاونتر تقريباً بصفي وعيونة ؏ جاسر گام جاسر شافة واكف
::- لبلايس وين
::- انطيتها
::- خير بعد گلبي ولعطلات التارسة البيت بيش اشدها بصابعي
::- نمونة هية
::- يحح ارعن احتاجها
::- لاتتجاوز وحترم نفسك وعرف حدك مو زعطوط كدامك وتگلي ارعن رجال مزوج وعندي ولد اب صاير شوية اعرف حدودك
ندار يبحوش بنفس الجرارة ورد مبتسم
::- اعصابك بابة لايطك بيك عرج مو زين عليك
حجة بنبرة حادة ناترة عيونة تجاه رجاء مزرزرهن حيل
::- اني شششششكلت؟؟!!
غمضت بجزع شمرت البيدها وزفرت طاگة روحها
::- افتهمتتتت
عافت گلشي وطلعت تدردم وتدبج برجلها بلكاع بعصبية ندار ازهر طلع لحگها بقيت بس اني وضلع الحايط
حجيت بفضول
::- شبية وياهاا؟!
تجاهل كلامي مد ايدة اخذ اليحتاجة وطلع
تنرفزت منه ضليت اخذ نفس واذبه نار وشتعلت بيه ردت اطلع اجت ليزة بسرعة تلگتني
::- ها شحجت وياج؟!
غمضت عيوني اريحهن زفرت بنزعاج
::- كلشي ماحجت اذا اخوج هاذ ضلع الحايط الف مرة قاطعنة
::- هههههه منو ضلع الحايط؟
::- اخوج الشفية ابو الوسواس القهري
ضحكت حيل وجلبت بية
::- شبية وياج
حسيت ؏ وجودة بصف الباب صاح اليزة اجتة اشوفة يبسبس وياها غاد من ابعيد ويأشر بصبعة السبابة بتهديد خلص كلامة وياها شفت ليزة راحت للهول غير ترجعلي للمطبخ؟ شمرت بيدي حيل وطلعت من المطبخ رجعت للهول شفت ليزة گاعدة بحدها تقربت گعدت بصفها لزك شفتة وكف گبال الباب كامت من يمي وطلعت نمردت روحي بلزايد هاذ شحجة للبنية؟!
شفت حتة غصون ضلت متباوع بوجهي وتتجنب تتقربلي رجعت بصف عمتي روحي مختنگة اليطخني ابجي مدو سفرة وفرشو الاگل حتة ماباوعت شحطو ماحطو منزلة عيني عاصرة ايد آصف عيوني واجرة قهر التمو گلهم ؏ السفرة دخل عمي دلام سلمنة علية تقرب گعد وگال
::- مدو ايدگم ليش ماتاگلون
رجاء: عمو شلون نمد ايدنة قبل الاگبر من عدنة غير انتة الخير ولبرگة ننتضرك تجي يالله ناكل من اصول الاحترام ماناكل قبل الاكبر من عدنة
تربع حاط ايدة ؏ فخذة أردف
::- عمي شعلي الاحترام بلاكل انه مو نبي حتة الناس تنتضرني احنة مجرد بشر عبيد الله ماكو واحد اعضم من الثاني العضمى لله سبحانة وتعالى مدو ايدكم وكلو لاتعضمون بشر حالة حالكم هاية امور سووها الناس الماعدها شغلة وعملة وطرقها وربط الاحترام والتقدير بانتضارة ؏ الاكل
؏ طاري الاحترام ذاك اليوم بفاتحة وصبو الغدى ف واحد ادحج بية جدامي ابنة مد ايدة جوعان يريد ياكل سطر ايدة خلة الحمة توگع من ايدة بلبلم ويعلي بصوتة عود انه خوش اربي يصيح بية
" ايدك بابه لاتمد ايدك قبل الاكبر منك"
عجل ادري الجبير بيش احسن من الزغير هاية روح وتريد تاكل وذاك روح وهم يريد ياكل
قضية تفشل ومابيها ربط ولاتحل ولاتربط وذا نرجع للقرآن ف ماكو هيج شي ابد يالله سمو بسم الله ومدو ايدكم .
مدو ايدهم ياكلون واني نفسي مسدودة عبرتي متجمعة ابلعومي اباوع صابين دليمية ودولمة وقلية موصلية ريحتها صارت بخشمي اخذت منها لگمة اكلتها بلعتها ماحسيت بطعمها صارت زقوم عبرتي تجرحني بالي متشتت افكر شگال الاخواتة عني؟؟!
دلام: عجل وين دويهر؟
تمنة: بلمطبخ يسويلة لگمة ياكلها
::- شيسوي مايجي ياكل هينة خيررر من الله
::- لا دلام ماياكل تعرف سالفتة الا من ايدة وكون بطاوتة وبماعونة وبخاشوكتة الخاصات يطبخ وياكل
شكد صعب ومكروة ادري شبية الاكل شفتة اجة وبيدة لازم طاوة مسوي بيها كبدة وبصفها ماعون مال تمن ابيض رگزت عيوني علية صاير عجين مبين هوة طابخة معجن تعجن ضل يخبط علية كبدة وياكل
واني بقيت ملتهية اوكل بآصف مسدودة نفسي من الاكل جان تجيني من الله وتصرخ الطفلة بحضن عمتي گمت شلتها وشاورت عمتي توگل آصف التقطتها بيدي وبلتك الثاني لزمت الممية طلعت بيها برة للحوش اسمع ام دهار تصيح
::- ديربالج يمة لاتنصگع باردة
هزيت راسي وگعدت بصف الحايط ؏ الدچة مال الزرعات كرفصت روحي لامة رجلية وحاضنة الطفلة لصدري الهوة عالي خضيت الممية وخليتها بحلگها اسمع عمي دلام يسأل بعمتي يريد يعرف منو هايه الطفله؟ حجتلة السالفة ومابيها
بقيت برة گاعدة وعيوني للسمة دموعي بعيني شفتها غفت حسو بيها نامت صاحتني ام دهار
::- وينج امي تعاي كملي اگلج
اردفت بحس ناصي
::- شبعانة الف عافية
صاح بية عمي دلام
::- بنيتي تعاي اگلي هوة شگلتي حتة شبعتي تعاااي بابة ويينج
كمت دخلت وهمست
::- ولله عمو هاية قابليتي شبعت
نز من مگانة بارود
::- يول بلطلاااك الاا تتغدين
استحيت ماردت اصير بموقف وخليهم يتوسلون بية واني لا ما لا زحمة وعيب مديت ايدي اكلت شوية وبتعدت شفت ضلع الحايط گام راح للمغسلة مد ايدة غسلهن وفرش اسنانة وليزة وغصون لمن السفرة
بقيت اندس برجل عمتي حتة نروح وهية تخزر بية وتهمس
::- گصري صوتج بعدنة يالله لايسمعونج عيب
بقيت مجلبة بآصف شوية وجان يندك الباب طفر بارود فتحة جانت روزة شافتنة شمرت جنطتها بسرعه ؏ صفحة واجت تسلم تقربت مني تحجي بفرح
::- شهلفرحة هايية ولله گلبي راح يطططكك
انتبهت الضلع الحايط أشر الغصون اجت بصفة همس بذانها اجت بصفنة وگالت
::- غوزة جاسغ يغيدج (روزة جاسر يريدج)
ندارت نص جسمها هزت راسها وحجت من مگانها
::- ها جاسر گول
مد ايدة ليفوك باصبعين اشرلها تجاها ندارت ابتسمت بوجهي
::- هسة اجيج دقيقة
شفتها راحت بصفة بقة يهمس بذانها ونفس الشي يرفع بأصبعة السبابة ويكرر عليها كلام شفتها ندارت ورجعت گعدت بصف امها
أردفت بصوت مخنوك وعيوني كلها دموع
::- عمة اني راجعة
مديت ايدي اخذت من حضنها الطفلة نداريت ، تعال آصوفي يالله حبيبي گوم ، لزمت ايدة ترخصت وطلعت خليت عمتي يمهم جانت مشتاقة العمي دلام فتحت الباب وطلعت عيوني مليانة دموع شفت عباس وستار بلشارع يتعاركون بدون ماصدر اي رد فعل عفتهم يتگاونون وكملت طريقي تعديتهم ودخلت جوة
طبگت الباب عدل ودخلت للهول شغلت الضوة وگعدت ؏ الفراش خليت الطفلة لفلفتها عدل ضلت تصرخ ساعة كاملة واني افتر بيها اروح منا ورجع منا اريدها بس تسكت نطت گوة غفت رجعت ؏ كيف نومتها بلفراش باوعت لعيون اصف المليانة غيرة
گرصت خدودة وركضت طلعت العلاگة مال الحلويات الشتريتها بليل خليتها بحضنة وعيونة وجتت فرح گام يفتح وياكل مد ايدة انطاني اخذت منة ابلعم بلگمتي
حسيت تلفوني يرج فتحت الجنطة جانت اشعارات ربطت ؏ الشبكة شفتها ليزة مراسلتني گاتبة
»- ليش رجعتي ؟!
قوست حلگي سحبت نفس بيه حسرة زفرتة مختنگه نداريت ذبيت التلفون ؏ صفحة عيوني مليانة دموع صارت عيوني ؏ آصف جان مشغول ياكل ويلعب والفرحة ماواسعتة شفت الطفلة نايمة غرگانة بنوم عميق
باوعت للساعة دنية عصر صارت ، جرتها عمتي يمهم جر اريدها ترجع اخاف ابقة وحدي بلبيت ولبزازين كلساع وحدة توگع شي بلحوش وطلع ؏ الصوت اشوفهن موگعات السطل مال الصبغ مخلينة للزبالة مطشراتة وگعد الم بية ورجعة ودردم رجعت جوة شفت آصف يتراجف سديت الباب وتقربت غطيتة من راسة لاخر اصبع رجليه بس وجهه مبين حضنتة وتغطيت امسد فوك راسة شفت وراه نستلة فاتحها ومبقيها بلگاع ماماكلها جريتها اكل منها وضاربة صفنة
رجع تلفوني يرج نداريت جريتة اشعار من ليزة گاتبة
»- ردي
ماعرفت شرد عليها شكلها اخوج شكلج عليه؟ وتكسر عيني تكلي كال شايفج بكوفي شعدج هناك؟!! بقيت ساكتة خالة گلبي بشيشة ماريد اخذ ونطي بلحجي حتة لانهضم
الدنية غربت واحنة ؏ هلگعدة متلفلفين والهدوئ مقتحم كل زاوية داخلية وخارجية بينة نزلت عيوني شفت آصف نام فرحت وردت اگوم عزف مسامعي صوت خطوات بلحوش تسارعت ضربات گلبي وبديت امشي ؏ اطراف اصابعي وباوع خلفي خاف يگعد آصف ماريدة يخاف گلبة تعبان مو مال يخاف وينرعب صرت لزك بصف الباب مال الهول نزلت ايدي لزمت اليدة بأيد ترعش وصابع تهتز ابلع بريگي ضربات گلبي شگت صدري
ميلت اليدة مال الباب ، فتحتة ؏ كيف احاول اشوف منو بلحوش ؟! ، خليت عيني بلزاوية المفتوحة مال الباب وايدي ؏ اليدة تررعش شاغت روحي مـטּ شفت بين هلضلام احد يتحرگ ، مجان اگو گلوب بلحوش حتة اگدر اشوف تفاصيلة دقيقة جان الضلام خافية
بلعمت بريگي عيوني ثكلت انفاسي الاهثة انعدمت روحي وعضامي بادت حسيت رجلي متعيني بعد صارت هرولة سريعة وگانة يتقدم تجاهي ايدية رجفت دفعت الباب بروح مرجوجة
جاهدت اسرگة لكن رعشت ايدي الهمجية جانت تمنعني حسيت ؏ انفاس صارت ورة الباب ودفعة خفيفة تدفعة نحوي صرت ارجف بلزايد كاتمة صوتي بيدي ماريد اصرخ ندفع الباب اكثر وگانة متيقن اني خلف الباب صرت اشهگ ودفع بلباب باثنين ادية ودموعي تغطي وجهي بجيت بحس مايسمعة بس ربي بجيت وصرت امرددد بروحي اضرب بوجهي دموعي غرگتني ندفع الباب اقوة دفعتة بيدي دموعي تزخ اضرب براسي بلباب بنيتي ضعيفة توازني اختل عيوني ؏ آصف الاتحرك وندار للجهه الثانية نايم سودة علية اخاف اصرخ وينهبط ويوكف گلبة نمردت روحي
للحضة توقفت دفعات الباب بقيت متجمدة بمگاني ناصتة لمسامعي خلف الباب احاول اتأگد راح لو بعدة؟! ولكن لا حياه لمن تنادي جان لاحس ولا نفس ماكو اي حرگة نابعة خلف الباب مديت ايدي فتحت الباب شوية باوعت من حافة الباب محد بقيت اباوع ماگو اي حركة طلعت راسي من الباب جان انعتتت بقووووة
نصدم راسي بلحايط حيل عيوني غوشت رفعت عيني احاول اشوف الگدامي منوو؟! جاهددت اانطق جاهدت احجي ماگدرت حسيت ؏ جفية تمسح وجهي بيها ريحة دم روحي لعبت ردت استفرغ غمضت حيل وفتحت دققت بلجفية جان لونها وردي تتحرك فوك خدودي تمسح الدموع المغطية كامل وجهي
معقولة هاية نفس الجفية؟؟!! معقولة هاذ هوة؟! تذكرت من عضيتة وغرست اسناني بيدة تذكرت نفس الجفية الصار يمسح بيها الدم
صرت اشهگ اجاني صوتة يحجي بفحيح
::- نبعة
صوتة دخل جوف اذني غمضت وهزيت راسي ارجف وسط هلضلام فتحت عيني الصورة مغوشة گدامي والجفية قريبة من عيني اتمعنها واشوفها لونها صاخب وردي يشع بلضلام
تردد صوتة قرب اذني اشتميت ريحتة عطر زيتي قوي صابني الغثيان ثكلت انفاسي ازيد همس بفحيح
::- اتجردي
جاهدت انطق ماكدرت راسي ثكل ؏ عيوني نضربت حيل بلحايط مديت ايدي احاول اضربة احاول ازلغ وجهه احاول اسوي اي شي يخلصني منة جلبت بيدة صارت حرارة باطن ايدي انلسعت تيقنت هاية جگارة بين اصابع ايدة جان لازمها وطفت بيدي
جان حاط فخذة ؏ الحايط وضهري مستند علية لازمني بتك ايد والايد الثانية جان لازم بيها الجكارة شافني انلسعت مد ايدة بجيبة شغل ضوة الجداحة خله بوجهي
::- اتأذيتي؟!
سكتت دموعي تنزل اباوع للجفية الصايرة فوك صدري ريحتها دم روحي لعبت اريد استفرغ شفتة لزم ايدي جان لابس كف اسود بدة يفتح بصابعي ويضوي بلجداحة حط اصابعة ؏ مگان السعة حركهن بلطف ورجع ركز الضوة بوجهي نزلة الجهت رگبتي وبقة صافن
طلع منة صوت زافر بنبرة دافية همس تحت انفاسة بصوت ناصي بس سمعتة
::- بلاء
مد ايدة لمسها احس روحي اتبنجت عصرت عيوني دموعي يجرن ، بعد ايدة عنها وحجة
::- اتجردي يله
شافاني شهگت عبالة مافتهم قصدة كرر نبرتة
::- يعني انزعي
لميت شفتي بأسف شكد كرهتة شكد امقت مليق زفر لعبت كل نفسي منة حسيت ؏ ايدة صارت ؏ قميصي يرفع ، والجداحة جان حاطها بحلكة يضوي بيها بوجهي
نزلت ايدي الجانت ترعش خليتها ؏ بطني ورردد
::- اريد امي..
هد القميص وصارت حرارة فوك وحمتي شكد بجيت ساعتها حكم اسنانة عليها والتهمها روحي شاغت صرت ادفع بية احاول اشلعة عني رفع ايدة المحول بيها الجداحة حطها بنص وجهي ورفع راسة يعاينلي
::- مناا وغاد اتعودي ؏ هلوضع
رفع الجفية مسح دموعي بيهَ وگال
::- خايفة؟ هه مامتعودة يعني معقولة؟!
ترددت لمساتة فوك وحمتي طلعت مني شهگات رفع فخذة نرفعت عدل وگفتة وصار قريب وجهي
::- يله نبعة لاتعطليني اتتجردين لو اجردج بيدي
انتبه لدموعي رجع التقط الجفية يمسح بيهن
::- هيچ خايفة؟!
شاف حالتي المزرية قبض انفاسة زفر بجوف اذني
::- والگوفي ماخفتي منة؟
شفتة ركز بصابعة يباوعلهن رد گال
والتحرش الجسدي اليصير بجسمج بدون فراش ماخفتي منة؟!
بلعمت بلعابي وصرت اختض بيدة مثل السعفة صار يحگم ايدة فوگ القميص ويردف قرب اذني انفاسة تلفحني اشتميت ريحة معجون اسنان ، بدة يعت بلقميص واني ارجف ودفع بيدة روحي تتراطم مهضومة
يردف قرب اذني ويكرر
::- اشش نبعة اشش
احس دگات گلبي صعدت البلعومي جلبت بيدة حيل عصرتها وردد بحس ناصي مغمضة وهتز متهسترة
::- الله ياخذك..
ابتسم بخفوت
::- انشاء الله ورة ماجردج
صرت ادفع بية بكل مابية حيل احاول افتح عيني ضوة الجداحة عماني اغمض وفتح ورجع اغمض حاطة بنص وجهي شفتة رفع القميص حيل جلبت ودموعي تصب بطني طلعت خليت ايدي استرها ندفعت براسي علية ارجف وردد بشهگة
::- ش.. شتريد مـ.. ممني ششـ.. شتريد
شاف حالتي تهسترت رفعني بيدة والجداحة بحلگة دخل راسة للغرفة شافهم نايمين خنگ حسي المتعالي الشاهك وزفر ب اشش جرني ودخل لداخل الغرفة
جان حافض تفاصيل البيت هوة الاجرة النة كبل فات للحمام لازمني بيدة روحي تفرفح بيدة فتح البوري قربني وبيدة الابس بيها الجف صار يغسلي بوجهي ويقبض بيدة يترسها مي ويشربني
شافني هديت بديت التقط انفاسي وعاصرة راسي شعري طالع حالتي تعبانة ناسية روحي كل تركيزي جان اريد يطلع بررة
شفتة منزل عينة مركزها ؏ وحمتي شافني اباوعلة وايدي فوكها ، اندار شغل البوري مال المي نزع كف واحد وصار يغسل بحلكة بقيت اباوعلة وشهكاتي تهز جسمي نزع الكف عود لان صار ؏ وجهي غسل ورجع لبسة وصار گدامي زفر حيل وگال
" نازلة من عيني هواي يلجنتي راية "
ركز بوجهي شفتة ضم الجفية بجيبة ندار عافني ؏ حطت ايدة اسمع صوت شلون التسلق گانة يعبر حايط بقيت بلحمام روحي مهضومة اتراجف صار هدوئ طلعت برة اشوف محد باوعت ماكو طبگت باب الهول وسرگتة روحي تتراجف رگض للحمام اسفرغ اتذكر ريحة الجفية وزيد بلزايد
لزمت وحمتي گرصتها بصابعي حيل شكد زاد كرهي الها بعد مالامست شفايفة لونها كرهي زاد الها ضعف كرهي القديم شغلت بوري المي بارد حيل صرت جواه ارجف وغسل بوجهي وبجسمي وبوحمتي الجانت اكثر جزء احسة نگس وقذر بية غسلتها ودموعي تجري مديت ايدي غسلت وجهي وطلعت للغرفة لبست بسرعة ورحت لفراشي تمددت اتراجف المي بارد نگعت راسي ينگط مي مابية امشطة
رفعت البطانية فوك راسي واني اتذكر الصار عضيت اصابعي بندم صرت ابلعم بعبرتي رج التلفون باوعت رسالة جايتني فتحتها هاذ هوة اي هاذ هوة كاتبب نفس العبارة يريدها تترسخ براسي صفنت منين جاب رقمي؟ تذكرت من اخذ تلفوني مني گال سجلت رقمي
بقيت ابجي وبصابعي امسح بدموعي وعض بحافة البطانية حيل ماريد يطلع صوتي
باوعت للساعة جزت ٩ بليل وعمتي بعدها ماجاية...
،،
حنينة: ولله ياخوية السوالف وياك حلوة وكت صلاه وياقوتة وحدها بلبيت
دلام: خوية هية منا لهنا گدامنة گلنة اهل بلمنطقة ماكو الغريب صلي يمنة
گمت صليت بخشوع خلصت صلاتي دخل بارود يصيح خشمة طاگ دم نهبطنة گلنة گام دلام جرة يصيح
::- ويامن متعارررك؟؟؟؟!
::- ماكو شي يابة
جر وجهه صار كدامة
::- مو احجي ويياك
::- تضاربت وية ستار
::- ليش
::- لازم عباس لاعب بية خلقة يتگاونون بنص الشارع علمود خاتووون بنت الحجة شرروق زلم تتذابح عليها
تمنة: اني مو كتلك عوفة شو بلة خشمك اشوفة... اوف يايمة يأذييك؟ سودة عليييه
::- مابية شي
رفع راسة دلام بيدة حتة ينگطع الدم هز راسة بأسف،،
-امشي اخذك خاف كاسرة
::- شحدة يكسر خشمي وداعت محمدنة الزمة وكسر راسة ومرغل ضهرة ودوسة دوسة المديوس يكسر خشمي هلدوني هية هاية العايزة
صاح بية ازهر
- يول طب غسل ترست الكاع
خلة اصابعة ؏ خشمة عصرة وجر خطواتة يمشي ويدردم شوية وفات جاسر وكف لازم التلفون رجعة الجيبة ودخل ينزع بلجفوف البيدة تلگتة تمنة
::- دويهر ماتشوفلنة هاذ شيريد من اخوووك؟!
::- ياهو
::- ستار
::- شمالة
::- لازم بارود وطايح بية كاسر خشمة
::- شننننني
ووين بارود هسسسة؟؟!!
::- بلحمام يغسل
تعداها يركض ودلام ينتر بيها شلون تكليلة وشلون تحجين بالله ونهبط وهية مفرفحة
درت اريد اشيل المصلاية جنت مطرگتها وعايفتها بنص الگاع تقربت شلتها اريد احطها فوك المعرض اسمع مرت ازهر تگول
::- ياستار شني هلفگر شو اليوم المصايب التمن علينة فوگة فوگة
حطيت المصلاية فوك المعرض استمعلها..
::- قل اعوذ برب الفلق ليكول عين وصابتنة
اخذت ؏ روحي بلعت ريگي جنت اگدر اكلهم يابة هاية هيج تگول بس عديتها ماريد تعلگ بسببي وابن اخوي يحجيها بضهري ويكولها عمتي طبت طلعت مرتي زعلانة بلعتها وكمت البس بعبايتي
شافتني تمنة تقربت
::- ها وين؟!
::- ولله ياقوتة بحدها وبالي يمها
::- عذرينة دادة شسويلة يومية الا طلابة وية ابن عمة متعلميين
::- الله يساعدكم
اترخصت ودلام ضل يصيح بعد وكت ضلي وانة اجرجر بروحي سلمت عليهم ونداريت اريد اطلع جلبت بية تمنة
::- عذريني حنينة
::- عليمن يمعودة تصير
::- بعد انه گلب والدة وجيتي هادة تصيحين ابنج متحارش بياقوتة خليتي اخوة ازهر يعير بية وهمة منا علاقتهم تعبانة
::- الماضي لا يذكر الله كريم
::- ديربالج ؏ نفسج وزحمة طلعتج ماتعشيتي ويانة
::- لا دادة الغدة بعدة ؏ گلبي العسل ماشتهي ، يله اترخص منكم
،،
ياقوتة: لازمة البطانية مجلبة بيها باثنين ادية ارجف جواها ندك الباب عصرتها حيل گلبي يدك بلدقيقة الف تكررت دكت الباب گمت امسح بدموعي مديت ايدي فتحت باب الهول لفحني الهوة البارد راسي يبزني مأذيني عصرتة وسرعت خطواتي فتحتلها الباب فاتت قبلي مبينة ضايجة مديت ايدي سديت الباب ولحگتها
اشوفها تنزع بلعباية وعيونها مدمعة باوعتلي وگالت
::- خوما بچت
::- لا ما بچت..
تقربت التقطت من ايدها العباية اريد اضمها جلبت بية جمدت بمگاني مدت ايدها لوجهي دارتة بقيت خافضة عيني عقدت حواجبها
::- شو باوعي بعيني
رفعت عيني اباوعلها وبيدي اعصر بلعباية
::- ليش هيج عيونج ممرودة مرد تبچين جنتي؟
شديت ايدي اكثر فوگها الافكار تتراطم داخلي تمنيت احجيلها بلبگلبي تمنيت افتح گلبي وراويها الضيم الشايلة تمنيت احضنها وصير اصرخ ، جنت خايفة خاف احجيلها عن جاسر ويكللها شفتها بگوفي جنت خايفة من الفكرة الراح تاخذها عني
بلعت ريگي وهزيت راسي
::- شوية اختنگت وگعدت ابجي
::- ليش تبجين
::- تذكرت اهلي...
مدت ايدها حضنتني تمسد فوك راسي بحنية
::- سودة علييية عرفت ولله عررفتت...
::- عمة امنيتي اروح يمهم
::- يمة اسم الله كافي يبعدي وبعد حيلي كافي ياروحي انه امج وانه ابوج واختج وخووج
حضنتني حيل حضن ام البتها عصرتني لصدرها وتردد
::- بسج يمة
شكد كرهتة شكد مقتتة شكد لعبت روحي منة شكد حيلي ينهد واني اذكر تلاعبة بعصابي ولمساتة القذرة كرهت روحي تعبت تمنيت المووت ولموت مامتمنيني
تقربت لفراشي تمددت عيوني تحرگني غمضت بثكل اجت بصفي عمتي عدلت غطوتي وردت الباب تقربت صارت بصف راسي مدت ايدها الدافية خلتها فوك راسي تلولي علية وتدندن بگلمات ماسمعهن انعدمت من عندي الرؤية ونمت ،
،،
ليال:-
مجلبة بلتلفون وامشي منا ورجع منا انتضرة يرد ، رفعت التلفون ورجعت اتصلت الحد مافصل ماشالة بقيت اطحن بروحي طحن اريدة يجاوب نزيت من مكاني تلفوني يدك شلتة بسررعة وصحتت
»- خرب لشت ابيييك
مهند: رحم الله والديج
بهت وجهي جنت عبالي البطول التيل حمحمت بحس هادي متأسفة
»- مو عليك اعذرني جنت منتضرة اتصال غيرك وصارت بوجهك
»- عوفج من هلحجي فهميني ليال ماخابرتي احد يطلعة قبل شوية خابروني يگولون اخت خنجر راحت انتهت تريد اخوها تصررخ البنية متعلقة بية
»- شسوي جاي اخابر ولله
»- مادري وعلي انوب لايموت
»- ياستار ليشش يموت؟؟!
»- سمعت مخابرين ؏ اهلة وهمة يكفخون بية رايدين كفالة مسمعينهم صوتة وهوة يصرخ يسولف ابن عمة يحلف ويتكفر يگول كلشي مافتهمت من المكالمة غير الراجديات والغلط والااخ والصريخ شابعينة كتل صالخين جلدة
دبجت رجلي بلكاع وصحت
»- مهند تحرك بكلبي حتة اخابر لو شني؟ ترة الحجيت ولماحجيت هيج ماهيج اني مخابرة !! ڤ لاتمرد بگلبي هوة اني گلبي منا مشلووع شللع مـטּ الضيم وجايني انتَ تكمل علييه
»- ليال الحجي مو مـטּ جيبي هاذ الصار بلحرف لواحد ضباط ثلاثة گبار مستلمينة وكلساع يخابرون يلعبون بعصاب اهلة يسمعونهم صياحة
جريت نفس زفرتة مختنگه أردفت بحس فاتر
»- مهند شوية وخابرك
نزلت التلفون شمرتة ؏ صفحة وعصابي تلوب باوعت للساعة بعز الضهر فركت ايد بيد منتجية بصف الحايط مجلبة بلكرسي المتحرك ادفعة ورجعة بقلق وتوتر
دفعتَ مـטּ ايدي لزك بلحايط رجعت للتلفون التقطتة ورجعت احاول ويه
ولكن لا حياه لمن تنادي مابقة گدامي غير الملازم عابس ترددت اخابرة بسبب اخر مرة وحجي بثينة مـטּ كالت رجال عندة شغل مو كلشي يصير تحجيلة بعدين كلت خل اخابررة شيصير خل يصير
اتصلت بية فتح خط صوتة يلهث ويفشر ولا گانة الملازم عابس الي اعرفة نعم جان بغرفة التعذيب
حجيت بحس يرجف
»- سيددي
»- وياج
- جاي تضرب بخنجررر؟!
»- تعرفينة؟!
- اي زميلي هاذذ
حمحم وشمر شي من ايدة صار صوت قوي جاوبني باريحية وصوت موزون
»- وهلكتكوت هيج بايع روحة
- شعليه هوة
»- اسمعيني ليال وياي غير؟
- وياك سيدي
»- نصت المادة 410 من قانون العقوبات انه من اعتدى عمدا على آخر بالضرب أو الجرح أو بالعنف أو بإعطاء ماده ضارة أو بارتكاب أي فعل آخر مخالف للقانون، يعاقب بالسجن مدة لا تزيد على 15 عاما.
عصرت كف ايدي ناصتة بمسامي لصوتة رد گال
اي بالاحرة ان عقوبتة شنو؟ ١٥ سنة هايَ بقانون العقوبات العراقي بحكم هوة مد ايدة متعمد ؏ ضابط برتبة نقيب ضابط جبير المفروض ينحكم حالاً بس تساهلنة وياه
»- سيدي علمود حرك السيارة هيجِ تسوي بيه خطيه
»- حرگها عمدا وهلشي شاملتة المادة 410
»- وهسة شنو مصيرة
»- تنعاد تربيتة صدگيني واگع بناس طيبين مخلينة بيدنة ثقي غير ضابط ينطي بي ابلاغ يحولة محگمة گبل يخلي يروح بلرجلين ويحكمة 15 سنة يخليه يروح عمرة بلسجن
»- سيدي فدوة العينك اختة واصلة للموت
ابتسم بخفوت سمعت صوت انفاسة زفر وگال
»- ليال گلبي ميت اتعامل بلقانون مو بأختة
»- فدوة العينك سيدي ولله هوة مامسوي شي هوة ذااك المخبل ابو المحارم ابو الرگونة يجيني يم الكلية شكال خنجر بس كلة شعدك وياها شو ذاك جلب بية من خوانيگة هوة هم رجال شي اكيد يدافع ؏ نفسة خوما لان ضابط يسكتلة ولله اضربة وكسر راسة
»- تضربي وتكسرين راسة وتبلعين ١٥ سنة زي الفل ؏ كولت المصريين ، نقطة راس سطر قانون هاذ
»- وهوة شلون قانون گادرين بس ؏ الفقرة
اسمعة يضحك ويردد
»- كارثة هههههه
»- ولله ، تعيلون بلواحد گوة وتردونة مايضربكم بحجة ضابط وسلطتة قوية يلزم الفقير يكسرة تكسر وشحدة يفتح حلكة بسرعة حكمة عمي الله لايوفقكم
»- اكو شي اسمة حد واشخاص امامهم خط احمر امج ابوج غير عن صديقاتج ايضاً استاذج غير تعاملج عن زملائج اكو حدود ومعاملات تفرق هاذ طالب جامعي بطول بسطالي توة نابتة عروگة يتجاوز عن ضابط عمرة بگد ابوة ترة كارثة ليال بلعقل ماتدخل "الجبير الا احترام" مو استهتار يحرك السيارة ويخلي راسة ينفك گبال العالم استهتار علني صار
»- خطية كافي عوفووة
»- دقيقة هوة هاذ نفسة الجنتي بفاتحت امة بيوم الشالج العميد زياد؟!
»- اي
»- اي اگول شايفة مو غريب عليه
صار صوت ضربات متكررة بصف الملازم عابس جحضت عيوني وصرت اردد
»- سيدي فدوة كافي عووفوووه الخاطر كل عزيز ؏ گلبك خلية يهددة السالفة ماتستاهل ولله
صاح بية عابس
»- كافي ذنب هدة شوية
اسمع صار صوت راجدي احس مـטּ قوتة شرايين خدي طگت بقيت لازمة خدي ليكول اني النضربت صاح بية عابس
»- عراد كافي عوفة
اسمع البطول التيل يلهث يگلة ويامن تحجي جاوبة وية ليال صار صوت حركة سريعة تغيرت النبرة
عراد: ها شيخت الاستگـ**ب
»- امك شيخت الاستگ**ب ياقذذر هد الرجال مو تعيل بية وتفرض رجولتك برتبتك هاية ليكول نعال لاستيك ولازك ؏ جتفك هددددة يللاااا
»- سبيتي رتبتي عرمة وهايَ بلقانون عليها عقوبة تلوگ للدشبول مالج ويلاخ تمووت هههههه
»- ابو المحارم اختة راح تمووت هددة خطية ماعندك گلب انتَ ماتخاف رربببك شنو من گلب شايلل
»- اختة شنو ميزاتها؟ دشبول خلفية شلونهن؟ حتة اذا لوز انضر بالامر
»- لك ؏ الاقل هاذ ماحاط عينة ؏ اختة مايدور محارم يا ابو المحارم ياقذر تباوع للناس بعينك النجسة
»- صبيح لتعبني من الاخير لغاوي زايدة ماريد فضيها كبد شتردين؟!
»- طلعة
ضحك بصوت عالي ورد گال
»- هههههه ها كبد شلقضية داخلة مداهمة طلعة شنو
»- لاتستخف چاي اكلك طلعة مامسوي شي
»- خابريني عابس يريد التلفون
سد بوجهي الخط دبجت رجلي بلگاع حيل خابرتة شالة بسرعة الصوت يمة هدوئ مبين غير المگان
»- ام كفيشة
غيرت اسلوبي وياه گلت خل احجي وياه بحترام شويه سالفتي يمة يكلك اذا مصلحتك يم الجلب دلعة جلوب
نصيت صوتي حيل وگلت بلطف
»- فدوة الطولك طلعة
جدح بلجداحة ورثلة جكارة زفر باريحية وگال
»- نيتي خايسة هاي مال طلعة لتكولينها يطبك براسي عنترة غيريها كبد
»- عنترة ابن شداد ششعلييييه دخلتة بلنص
»- بريئة زعرورة هههههه مو عنترة ابن شداد هاذ غيرة واحد ثاني عنتور
»- دانطم ترة افتهم كلشي بس اسوي روحي مافتهم
»- ادري بيج يبعد عنتررة ههههههاي
غمضت متحملة غيرت الموضوع وحجيت بسلوب وبرائة ولطف
»- عُررراد
»- قلبة
»- خلي خنجر يطلع ماسوالك شي خطية
»- نو
»- حباب
»- ابد
»- ليش
»- هيج طبگت براسي
»- الخاطري
»- كبد انتِ بس لاتطلعين حبيبتي لو مرتي
»- ليش
»- اشوف ماخذج الواهس
»- يعني شنو ماعندي خاطر يمك؟
»- لا ماعندج
»- زعلت
»- ليال لاتصيرين زهراء اعرفج صبيح ماحبج هيج
»- تحبني؟!
»- گلاوجية ماتقشمر وعلي هههههه
»- اني اقشمرك امداني
»- كيدهن كيدن عضيم
»- ماتكايد عليك
»- صبيحححح
»- ها عيني
»- ويلي
»- صوتك حلو تدري
»- شلون بله
»- بي بحة تخبل
»- لا كبد هاي مو بحة مزنجر من الصياح
»- حقك احس بيك
»- انتِ منو
»- ليال
»- لا زهراء
»- زهراء صبيح اليحلالك گوله
»- ههههه سربلوتية ماتقشمر وداعتج
نعمت صوتي وصحت
»- عُررراد شبيك
»- زعرورة تعاي وشوفي شبية اني نفسي ماشايف البيه
»- اممم زين غنيلي صوتك يسرسح الواحد تدري
»- اطربج كبد امكانيات متعددة عندي
»- ابهرني
»- شتردين تسمعين
»- ابكيفك
»- شو بله
سكت يتذكر شتلني نص ساعة بس زفرات الجكاير اسمعهن من ينفخ شوية وعزف مسامعي صوتة يدگ ؏ الميز لبصفة
يمذذذبل جفونك خجل يلشفتة مرطوبة
خايف عليك من العب لاتنكسر بلطوبة
ااه ياشايل وجوه السفررر
كلها بسواليييفك
عايشلك بكيييف الغررب
بس مييت بكييفك
تغيبوون وصوركم تضل مرسومة بين عيوني
ناس العوادل ولزمن ماگدرو يغيروني
ابتسمت برود
»- الله هاية المن
»- الخالتي
»- عبالي اليه ههه
»- سمعي هاية الاغنية
»- حزينة لو ردح؟!
»- لا كبد تحجي عني
»- هسة تطلع زائد ١٨
»- هيج اني ساقط
»- اي كُلش
»- اسمعي زهراء
»- ليال شنو زهراء
»- الله هداج وصرتي زهراء
»- ترة ارجع صبيح
»- لا ضلي هيج كبد شوية تعبان ههههه
»- اوكي
»- دقيقة اجيب تلفون صاحبي
»- غنيها بصوتك احلة
»- لاء يابة شنگلبت حاتم العراقي استجني كفوشة لاتصبغين زايد
»- صوتك احلة من حاتم
»- واو
»- شو ممصدك شبيك جد احجي مو جذب
»- دقيقة
اسمع صوتة يصيح ذنب تلفونك شوية.. وذاك يكلة شتسوي بية.. كالة اسمع اغنية لصاحبتي وخرطها ضحكة
صار صوت اجاني صوتة
»- ام كفيشة وينج
»- ها
»- سمعي
شغل الاغنية بلجهاز وقربها من السماعة اسمعة متأثر بكلماتها ويدندن وياها
❊:- شلك عليه يازمن وشرايد
أنطيتك الي ردته مني وزايد
ضحيت بأغلى أحبابي
وخسرت كل أصحابي
وشتريد تاخذ بينت ومعاود
وشلك علي يا زمن وشرايد
نيشان أكثر من جرح مو كافي
گضيت عمري وياك ما متصافي
الماي يمي والعطش بشفافي
راضي بحياتي بهل الشكل خليني
صدمات ما أحمل بعد تدريني
مضحكني مره دومك امبجيني
زفر حيل وگمل وياها بصوت زرف گلبي يحجيها كلمة كلمة
»- ضحيت بأغلى أحبابي
وخسرت كل أصحابي
»- عُراد
طفة الاغنية وگال
»- قلبة
»- شبيك
»- تعبان شوية هههه
»- مـטּ شنو تعبان
»- مـטּ الزمن
»- شصاير وياك
»- كلشي بالج
»- احجيلي ليش اغتصبت اختك وحركتها
»- بدت رحمة الله
»- اسغفر الله
»- ماكفرت ترة
»- شنو بدت رحمة الله حرام ترة
»- مابيه شي كبد
»- حرام الله رحمتة بكل وقت مو ينضرب بيها المثل بلمواقف المو حلوة
»- همم
»- لتحجيها بعد
»- خليني اعلسة
»- نتخارب؟
»- اخ يلسان العرمان علس ينعلس
»- عُررراد
»- ها يبعد محجر عيني
»- احجيلي
»- نو
»- ليش
»- اخاف عليج
»- مـטּ شنو؟!
»- مـטּ هواي شغلات
»- مثل ايش؟!
»- سدي الموضوع هاذة تتعب نفسيتي مـטּ احجي بيه
»- تمام
»- ام كفيشة
»- ها
»- شعدج وية هلسربوت شهل علاقة الماصخة البيناتكم يتمشة وياج وتصعدين بسيارتة ماخايفة ؏ نفسج يطلع بيج گبل لو هيج الثقة قوية بينكم
»- ترة هوه زميل مجرد صديق بعدين سؤال شنو انتَ تغار؟
»- نو ، اسئل
»- اذا متغار ليش هيج مهتم الامرة؟!
»- گلبي مامرتاحلة وانتِ بايعة الثكل فد مرة ياهو الشفتي وصعدتي وياه
»- ترة اني ماصعد وية ياهو الجان بس الاعرفهم والاثق بيهم
»- ها يعني اتثقين بية
»- لا اثق بس بيك
»- جذابة گلاوجية هههههه
»- اثق بيك انتَ جبير ورزن هاذ طايش كلشي يطلع منة
»- انه هم طايش لارزن ولا بطيخ
»- بس انتَ عكسة تختلف
»- شلون بله
»- تعرف تحجي تعرف تسولف هاذ بس يشكي ويبجي
»- شاكيلج؟
»- لا وين اصلن اني اكرها
»- تكرهينة وترگبين وياه بسيارة وحدة
»- حرجني وحلفني شسوي گلت خل اصعد
»- اختة شلونها
»- ترة زغيرة كُلش
»- ماتفيد
همست تحت انفاسي بس سمعني
»- ابو النسوان
»- صدگتي؟ هههههه
»- يعني اليحجي هيج الهلدرجة مالاعب بلحرام
»- نهائياً
»- لا ربحنة اني اول ماشفتك بلمرگز شفت رگبتك بيها اثر غسلت ايدي عرفتك من هاذا الدرب
»- اثر مال بوسة غير
»- اي بوسة لعد مال حجامة؟
»- هاذ سالفتة سالفة
»- شنو هيه
»- باعي عرمة هاذ واحد ابن سياسي فرخ ميولة يدور زلم يعني بيدي يصير مرة ضارب مزيل وحتة داخليات نسائية يلبس جوة هدومة
»- فلك طررة
»- كل مايجيني اشحتة لاطش رايدني ابن البربوكة
»- مو انتَ خير ماترد واحد
»- غير ازوع علية شهلعبان هاية ذكر وية ذكر شلون ترهم ماتگليلي
»- اي كمل
»- اي ف نايم واثناء نومي ماعطني
»- وحضرتك كيفت
»- نعلت سلفة سلفااة
»- عود بلجذب
»- وداعت محجر عيني
»- اي شسمة
»- دريد
»- متروح تحاجي ابوة تكلة ابنك لاطش بية
»- سواها ضابط قبلي انسلك بعقوبة طاح حضة انوب ابتلة فراها علية يگلة تتهم ابني
»- هاذ ملتهي بلبوك بحال ابنة
»- ابنة اذا اكلج نص الضباط وياااه يشوفونة ناعم ترف جسمة انوثي وكل يومية حلحجي لازمينة بعنترة خطية عنترة ابتلى على زمانة بلوة
»- ولضباط مايخافون يدري بيهم ابوة
»- شبيج ابنة راضي ذاك ؏ كولتج ملتهي بلبوك حتة اذا دررة يغلس وعلي صاير زيج ابوة ابنة ماخلاه بنفس واحد
»- هوة هاذ زمنة اليحجي الصدك يشبع دك
»- بلضبط
»- زين اذا الضباط نفسيتهم هيج قذرة ومستلمينة شكو لاطش بيك
»- حتة يحس بانوثتة هههههه
»- لا صدك سؤال
»- احجي
»- انتَ هم تدور ملاهي و ****
»- لا يابة
»- بدون جذب لاتصير شريف
»- شبيج كبد تلعب روحي منهن ولكرار الف واحد وياهن ادري شنو تواليت
»- شو مامقتنعة من كلامك
»- طبج طووبب
»- هاي علية؟
»- زهراء شلقضية شوكت تجي خفارت صبيح
»- عُررراد شبيك احجي وياك عوف الشقة
»- اخ يل استـ****
»- شهل حجي
»- السانج اريدة بسرعة وييينَ
»- بس اسمعني فدوة الطولك
»- اسرسح
»- مناوي تطلع خنجر
»- ابد
»- مالي خاطر يمك؟!
»- لا
»- ازعل؟
»- كبد هاذ التعب والتموع كلة علمود هلسربلوتي؟
»- لا اسمع
»- خلي ايولي لاتحاولين مايستاهل هلتعب
»- اني علمود اختة
»- شبيها
»- متعلقة بية حاسبتة مثل ابوها وانتَ حرمتها منة وهسة يگولون واصلة للموت
زفر بصوت مكتوم رج اضلاع صدرة رج
»- اتحبة..
»- اي طبعاً غير اخوها
»- تصيحلة خوية...
»- اي
»- يشاقون يتعاركون؟؟!
»- اي هواي
»- ماريد اطلعة يتمرد يضل علية
»- انتَ شخليت بية
»- شي بسيط هاذ
»- الخاطري واذا مو الخاطري الخاطر اختة
»- اطلعة بشرط
»- شنو
»- باچر عندج دوام ؟
»- اي؟
»- امر عليج اخذج
»- لا ولله
»- ماسوي شي بَس نسولف
»- لا ابد
»- ولله ماتقربلج
»- لا عُراد ماگدر عندي امتحانات ودراسة لا تجي للكلية بعدد
»- رايد اشوفج
»- تشوفني بس مو تاخذني
»- كبد لاتصير خواف سبق واخذتك وماسويت شي
»- كلشي يصير يمكن هلمرة تختلف
»- ازين شاربي وحطة بحضنج
»- لا شمرة بلزبالة شكو بحضني
»- لا بكفيشتج
»- عُررراد
»- قلبة
»- انگول اخذتني شتسوي؟؟!
»- اخذج للشقة لو تردين مطعم ابكيفج
»- مطعم شسوي بشقتك تخوف الوضعية هناك
»- بالله واحد شافنة بلمطعم بيج مجال حيل شوية ااثكلي
»- اذا مطعم بي خير وبعيد مو بلمنطقة منو يشوفنة لو خايف ؏ جيبك
»- جيبي ههههههه
»- فگر عود لفة فلافل ميخالف
ضحك حيل وحجة
»- راح اداين وبختج وبحضج
»- عمي اثنين جبس ابو الربع
»- اشاقة زعرورة امطر فلوس
»- لا مبين
»- وداعت كفيشتج
»- زين اذا طلعت وياك للمطعم تتطلع خنجر؟!
»- همم افكر
»- شنو تفكر شتفقنة هاا بددييينة؟؟؟!
»- تحبينة؟
»- لا ولله مجرد صديق حاسبتة
»- خوش عود مـטּ نطلع اشوتة
»- گلمت رجال؟
»- اي گلمت رجال زعرورتي
»- خوش باچر دوامي ضهري مرلي
»- وللعصر نرجع
»- اي بس حلفت ماتسويلي شي
»- مو گلنة اي
»- هاهية يلة رايحة صالي ساعة احجي وياك تعبت ايدي تشنجت تلفون خالتة فوك اذاني وكلساع احولة بيد
»- وين
»- اريد اولي اتغدى اصخم
»- عود خابريني من تفرغين
»- خوش باي
»- هلو..
سديت التلفون وجهي يصب عرگ اريد اقشمرة اطلع خنجر بأي طريقة شنو ذنب اختة جاهلة موصلينها للموت خابرت مهند ابشرة فتح خط بسرعة
»- ها ليال
»- ابشرك باچر يطلع رتبتها
»- حلفيي؟!
»- اي ولله طمن اهلة اختة حاجوها گلولها باچر يرجع اخوج فرحها خطية نمرد گلبي عليها
»- هسة اخابر بس شلون رتبتيها؟
»- رتبتها بعد
»- ولله عاشت ايدج
»- يالله روح بشرهم
»- يالله يالله...
سد التلفون وبقيت بمگاني احرك برجلي متوترة رحت للكنتور ابحوش بلهدوم طلعتلي بنطرون وقميص حضرتهن من هسة وعطرتهن سفطتهن على صفحة رتبتلي شال وحذاء وجنطة بيها حض وختلتهن بلكنتور جوة
نزلت جوة البيت حاليلي عفراء الصفرة يم اهلها اخوط وخربط بكيفي جنت اتجنب احجي اگول خاف تسمعني اليوم لا ساعة ولا ساعتين ححيت وية طول التيل
شفت مهيرة گاعدة نفس مكانها بلغرفة ولازمة التلفون و؏ وجهه ملامح النزعاج تقربت بصفها شفتها تراسل باوعت البثينة هزيت راسي بمعنى شكو؟ رفعت جتافها بمعنى مادري
سللت انضاري للمحادثة مالتها..
مازن:- خليها بالج اني ماطخ راس اخذيها وياج للمستقبل من هسة اكلج صلح انتِ التبادرين مو اني
مهيرة:- انتَ الغلطان اني شكو
- غلطان ماغلطان مابادر اني هلمرة بادرت مرة ثاني انتِ التبادرين حبيت انبهج ؏ هلنقطة
هزيتها عافسة وجهي وهز بيدي
ليال:- شو فتحيلي بصمة خليني انطي زيج معدل شجاي يمسلت هاذ شني انتِ تبادرين اشايف روحة انوب فوكاها ضالة تكتبلة اني منج مـטּ زمان اخرطهن هيج منك ومن امك ومن ابوك وشيصير خل يصير اهم شي كرامتج ترة چاي يمضرط ويريد يصير رجال براسج تلگينة حضينة وضبط براسسج
اباوع للمحادثة كتب
- لا تتأخرين بلرد وهاي هم انبهج عليها اتخبل مـטּ هلسالفة ردي بلثواني ماريد تعبر دقيقة
اباوعلها متبنجة والخنگة لازمتها مديت ايدي
- جيبي التلفوون خليني انعل والدية
- صبري تعبت هاذ مريض نفسي
- مو اگلج فصخي خطوبتج
بثينة: اي شجعيها تضل معيرة العفراء الحية
- تصير معيرة ولا تتسرع وتاخذلها واخد مريض نفسي يمرضها ويدفنها ويذبل زهرة شبابها اسمها بعدها مامتزوجة عدها فرصة تخلص
شفتها كتبت
- نعست باي...
- خابريني وخلي التلفون مفتوح اسمع صوت انفاسج
- ماگدر
- يعني چاي تجذبين ماتردين تنامين رايدة تمزلگيني ماطول ماتسوين الاطلبة جذاببة
شفتها طفت الشبگة ايدها ترجف وترردد
- ماريدة تعبتت مخبل هاذه
ليال:- حاجي حسام مو وعدج گالج بَس تشوفين بية عيب تگليلي راوية المحادثات وهوة يحكم
بثينة:- ليال لاتذبين ؏ النار حطب
- غير المصلحتها دشوفي اكل وجها اكل شني هيتة گدامة
- اي ميخالف همة يتفاهمون
- ماكو يتفاهمون خل تخربها مايفيدها اكو الاحسن من عندة عشتو عندة معرض مال سيارات حتة ماگلف نفسة يسويلها خطوبة بيها خير البخيل
- مو كلشي بلفلوس اكو خطوبتهم صارت بچاي مر حتة ماكو شكر بية وتزوحو وعوضو ايامهم هية اهم شي الاختيار
- وختيارها مو شي
- شمدريج
- دشوفي حجية نافش ريشاتة مال احطة بماي حار مثل الدجاجة وهلسة
فزتت من صفنتها مهيرة وضحكت ؏ ضحكتها ضحكنة
،،
مؤيد:- گ العادة متمدد ؏ القنفة لازم تلفوني بلهفة واشتياق گلبي يلويني احبها دخلت ؏ المحادثة مبتسم كتبتلها
»- الو مريم حبيبتي موجودة؟
ردت علية بسرعة
»- ها حبيبي اي موجودة شلونك
»- هسة صرت زين
»- واني هم
»- حاجيتي عمتج؟
»- لا
»- ليش؟ احنة مو اتفقنة تحاجيها
»- مو كتلك طار الرصيد وماگدرت اخابرها
»- تردين رصيد؟!
»- شكد عندك
»- معبي ابو العشرة
»- دزلي حتة افضها ولله تعبت
»- دقيقة هسة احولج
طلعت بسرعة حولتلها العشرة بكبرها وصلتني رسالة استلام تحويل دخلت للمحادثة
»- ها حبيبتي وصلنج؟
»- اي
»- يالله خابريها
»- قبل لاخابرها اريد اخابرك
»- تخابريني صووت؟!
»- اي حبيبي
»- يعني راح اسسمع صوتج؟؟!!
»- اي حياتي تسمعة
»- يعني بعد هاية الاربع اسنين راح اسمع صوتج؟!
»- اي ليش متفاجئ يالله
اباوع اتصلت ابتسمت وگعدت بكل حيلي فتحت خط خال التفون فوك اذني وگلبي يددك
اجاني صوت ولد يضحكون ويصيحون هاا زووج ضحكنة عليك دك رصييدد طاح حضك زاحف
نهضمت وباوعت للتلفون عبالي هاذ مو حسابها لو اني مخربط شفتة حسابها أردفت
- انتو منو؟ وين مرريم
صاح واحد منهم يامريم يابطيخ اني ولددد بعد روحي يالله تكبر وتنسة يعوضك الله بغير مريومة هههههاي بس ولله صيدة حرامت كتلك جنت ابيع رصيد للجماعة براسك
- انتَ ولد؟
ضحك بستهتار اي ولد وجنت اضحك عليك وعلى غيرك اخذ رصيد وبيع للولد يالله مشكور ؏ ارصيد رايح ابيعهن صار عندي ٢٥ دولار براس الزواج
سد بوجهي الخط وحضرني !...
"ويَحسبون كَسر الرُوح هيناً وَهو عِند الله عظيم."
اتمنيت يطلع حلم! اتمنيت اصحة وشوفة كابوس وگوم اغسل وارجع مثل اي يوم اتمدد وراسلها شنو ذنبي؟ حب عابر ؏ النت اربع اسنين مراسلات يومية وغزل وسوالف ليش هيج ليش علقتني بشخصية وهمية خيالية شخصية كسرتني بسبب شنو؟ رصيدد؟! علمود كم دولار تلعب بمشاعر غيرك تتلاعب بگلب اتعلق وحب وتعود!! ماصفنت مافكرت بلعواقب الراح تصيرلي
حيلي نهد فرگت عيوني حيل تقربت من الجرارة المسفوطة بحافة الحايط فتحتها مديت ايدي وسطها طلعت دفتر المذكرات شميتة حيل مقربة لصدري غمضت عيوني ثكلانة نزلتة فتحتة عيوني متسللة للاوراق التخطها اول كلمة من الورقة
"مرمرتي يمريت بيتي"
زفرت بگل حيلي نزلت الدفتر للگاع گعدت رگبة ونص مديت ايدي لجيبي طلعت جداحة شغلتها شلعت ورقة شعلتها نار ذبيتها فوك الدفتر مركز عيوني تجاها ، اگلتة النار اقتضمت كل حرف يقترفة حولت اوراقة البيضة لسواد حولت اوراقة الكاملة لرماد متهالك ضعيف ، زفرت بقوة تناثر رمادة بلهوة غمضت اتحسب ودعي الله يجبر بخاطري ويصيبة بلمرصاد ،
فتحت مديت ايدي عاصر الرماد رجعت غمضت عيوني ورفعت راسي اردد بسورة ابراهيم
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ
وانتهت قصت مؤيد ومريم
وانهدت الجدران وتناثرت الغضبان
وانصب بريق الماء فوق البركان
وماتت الازهار
وذبلت الاثمار
وانعتقت الاشجار
واصبح الواقع خيال
واصبح ذلك الحلم نفسة كذبة
كذبة استباحت قلب عاشق
قلب رجل هائم
فسلااماً على من احب وهم ،
،،
ليال:-
گاعدين بلهول مهيرة بصف القنفة وبثينة صايرة گبال التلفزيون متربعة وتباوع ؏ مسلسل فريحة جان توة بادي واني متمددة راسي ؏ القنفة ومشلبگة رجلية عگس اتجاه الحايط لازمة تلفوني راسلني طول التيل گاتب
»- ميتة عدلة وين وليتي
كتبت بسرعة
»- وليتي شنو هيووو احترم نفسك
»- يا اهلا صبيح مويحة مويييحة يابعد محجر عيني
»- شلون بوسة مال ساقطين
»- تعااي اعلسة راسي يوجعني دايخ تعبان
»- اكو شي اسمة حضر سامع بية؟!
»- ههههه خابري
»- مابية حيل
»- خابري لا ابسطة للسربلوتي زميلج
»- وين انتَ بلمركز؟!
»- يس
»- هسة غير يستقر الاجنبي يس ونو شصخم بلمركز شعدك مگابل المگرودد حالة لو خبال لو طناگير تالي اليل
»- هههه خابرررري لا علسسسة
»- اخواتي گبالي
»- عادي كبد الوضع طبيعي احجي گدامهن
»- لا ولله
»- يالله شيخت الاستگ**ب
»- حقير
»- هههههههههه
تعاجزت اكوم الغرفتي خابرتة وصحت
»- ها نونة الحنونة شلونج
خرطها ضحكة مستهترة بكل حيلة يضحك بصوت عالي ويصيح
»- لك ها صبيييح عضيدي كتفي الايمن
»- شلونج مالونج يانونة
»- طاح حضج هههه بيج عضة افوخ گلبي ههههههه
»- نونة استجني شوية طولج طول التيل
ابتعد صوتة اسمعة يصيح
»- للك ذنب لذنب بيك ولله انطيني البيررررة
هزيت ايدي
»- ولله عمي دماغ سز انتِ
»- بيرة اسلامية اشرب مؤمن تقي افيدج وعلي
»- هجم بيتج
»- كومي غيري مكانج
»- اتعاجز
»- كومي شنو نونة الحنونة شنو هجم بيتج
قربت التلفون من شفايفي همست ؏ كيف
»- غير اخواتي يمي
»- شوفيلج زاوية تعدل الراس بسرعة
»- ترة گايمة الخاطري لان نعست
»- ادري عرمة
شفتهن مندمجات وية المسلسل ويحجن بيناتهن بگت نفسي وصعدت الدرج امشي ؏ اطراف اصابعي والتلفون عاصرتة بيدي اخاف انلگف صرت بلغرفة نداريت طبكت الباب وطفيت الضوة تمدتت وحجيت بجزع
»- ها ابو البيرررة
اخذ مجعة منها اسمعة يشرب من الصوت اليصدرة
»- كبد هايَ اسلامية ماتسگر
»- شكو تشربها لعد
»- بية حصوة
»- شنو تگرط طين
»- هواي
»- اكو واحد ياكل طين صدك جذب بيش مقصر الاكل شلون ناس تجيب الامراض الروحها
»- تدرين جنت اتغدى طين
»- شلون بالله
»- ولله شبيج جنت اجوع وتغدى طين
»- عود هايَ تحجي صدك؟!
»- ولله جنت اجوع اكعد اكل طين حد ماشبع
»- هاي شوكت
اسمع صوت جداحة شغل جگارة اخذ منها نفس زفرة
»- ابطفولتي
»- اي طلعت عليك من تالي
»- جانت اگبر گالو صايرة اگبر من حبة الفاصولية وينراد عملية
»- وسويتها؟!
»- اضحك عليج اذا اگلج سويتها جنت حافي ملطم فلس ماكو بجيبي هههههه
»- ليش جنت مامتعين؟!
»- جنت ادرس
»- زين اهلك وين ماعندك اخوة عمام؟ يعينونك
سكت ماعلق ؏ كلامي واستمر يدخن
»- زين هم جانت تأذيك؟!
»- ماردتني مرد ههههه اليل مانامة كفوشة حصوة وبمثانتج نايمة شتسوي تدغدغ
»- لا اسئل اشوف توجع لا
»- ضربة الابرة هههههههه
»- شو صاير مستخف وستهتارك فد مرة صاير
»- هايَ مال ضربت الابرة شكد تقشمرت بيها بنات خطية تروح تريد تلگة ابرة تلكة عنترة منتضرها
»- سوالفك تعبانة
»- الاستشراف تشگني مـטּ تبيع علية الاستشراف
»- غصبن عليك شريفة
گاعد احجي جان يندفع عليه الباب تسللت عيوني تجاه الباب شفتة اخوية حسام والاتبينلي جان سامع گلشي فاك حلكة مصدوم وجاحض عيونة عليه
⁘✹⁘
يتبببع...
📌:- حسابي الانستا _lolo743_ انشر بية تغشوشات .
والى هنا نقفل البارت فلذات قلبي
-الكاتبة وَرْد حيدر-