ادمنت حدة عينيه

بارت 21

شايف من بعد ما يستفزك شي

ما تفهم الناس احساسك المبهم

شايف من خساراتك تصير هواي

شايف من بعد ما بيك تتندم

من يوگف وراك الموت ما تندار

واعز اشيائك من تروح ما تهتم

******************************

نائل ـ طلعنه وابوي متحامل علي كلش لان صار شهرين ما محوله فلوس وهو استغلهه فرصه من حجت فاتنه وضربهه تخبلت ابوي ما اگدر امد ايدي

بس شفت مجاهد دفعه استهضمت منا ابوي ومنا زوجتي اخذتهه لسيارة ابوهه صعدتهه ورجعت گتله بس شهرين بعد ادزلك وتحلم غيرهن يوصلن بعد

وروح بنيتي بعد ما الك يمي شي وهاك هاي السياره الك وهاك بعد طلعت محفظتي بيهه 200 دولار عفتهم وطلعت

مجاهد اشرلي اصعد وياه عفته ورحت لفاتنه اخذني جدهه صعدت وجريتهه لحضني خايف عليهه كلش لازم اتواصل ويه دكتورهه ضروري

فاتنه ـ رجعنه بالطريق واني عيوني تجري وصلنه للمكان اللي انذبحت بيه بلسم فزيت صحت هنا هنا ذبحوهه هنا

ونائل يدور وجهي على صدره صحت نزلوني هنا بلكي الگالهه شي نزلونييي نزلوني

نائل نائل خلي ينزلوني فدوه اريد شي من اثرهه فدوه نائل والله اذا ما نزلتوني انزل واروح بنص السيارات تموتني نزلوني

نائل ـ عمي اوگف رحمه لاهلك خليهه شوي تنزل

توفيق ـ وين بويه المنطقه خطره

نائل ـ عمي ما تشوف حالتهه فدوه اروحلك خليهه خلي يبرد گلبهه

توفيق ـ صار هاي هيه راح اوگف

فاتنه ـ بس وگفت السياره نزلت اركض ادور بالتراب شبر شبر لما شفت الدم ركضت عليه امسحه بس اثر باقي

شفت ترجيتهه ويه الدم اخذتهه يمه بلسمي ماما
رجعت ادور وافتر بالمكان بلكي اشوف بعد شي

لگيت الشباحيه مالتهه صايره قطعتين وحرفهه اللي بيه مكسور ركضت شلته وگف يمي نائل شوف شوف هاي مالاتهه والله مالاتهه

جنت ادري مبقيتلي شي ارجع بيه من اثرهه شوفهن نائل شوفهن صحت بكل صوتي بنيتيييي بلسميييي وينج عني وين رحتي لج مامااااا حضني نائل ويبجي وياي

نائل ـ كافي يروحي كافي هاي هيه قدر وصار كافي يروحي انتي

فاتنه ـ نائل والله ما جاي اتحمل فراگهه والله شلون هيج راحت مني شلوووون بيه من ادخل واشوف العابهه وملابسهه واغراضهه

كرسيهه والحجله سريرهه مشطهه لو طباقاتهه شرايطهه وين اوديهن وين المن البسهن بعد حليبهه اللي باقي على حاله ما شربت منه شي

صار اسبوع نائل بنيتي جوعانه والله جوعانه جاي احس بيهه افهموني

نائل ـ كافي ولج گلبي يتگطع عليهه لا تزيدين قهري عليج وعليهه كافي يروحي كافي يله امشي هاي دورتي كل المكان وين تلگين بعد

فاتنه ـ اي اي نروح نمشي واني عيني للمكان وللدم اليابس هناك صعدوني لميت رجلي لصدري وحضنت اغراضهه ماماتي بنيتي بلسمي ماكو غيرهن بلساني

نائل ـ فاتنه شبه تخبلت لان حالتهه مو طبيعيه وهذا حقهه اللي ينذبح ابنه گدامه شنو راح يصير بيه وهذا حالنه

وصلنه للبيت وهيه نفس گعدتهه رجليهه لامتهن وتبوس باغراض بلسم جدهه طلب ياخذهه يمهم گتله اني اعتني بيهه عندي اجازه

طلعنه للبيت اول ما نزلتهه وهيه تمشي مثل الميت دخلتهه للغرفه خليتهه بالسرير وغطيتهه

طلعت سرير بلسم وفتحته ضميته بالمخزن والعابهه كل وحده اشيلهه واشمهه بيهه ريحتهه والله حتى دبدوبهه اللي تحبه بيه ريحتهه

خليتهم بكارتون وضميتهم وكلشي بقى بس كنتورهه متروس طلعت فاتنه من الغرفه

فاتنه ـ نائل وين سريرهه وين اغراضهه وييييين منو اخذهن منووو احجيييي وينهن لا تنطيهن فدوه لاااا
نائل لا تدفنهه انته هم خليلهه ذكرى وياي

نائل ـ ضميتهن والله ضميتهن مستحيل انطي شي من اغراضهه كلهن بيهن ريحتهه مستحيل افرط بيهن

فاتنه ـ اريد دبدوبهه جيبه الي

نائل ـ اي هسه جبته انطيته الهه شفتهه حضنته واخذته ورجعت للغرفه رجعت بدلت وجريتهه لحضني جانت نايمه بسرعه صرخت

فاتنه ـ لاااااا لا تقترب لااا وخررر وخر لااا والله ما اريد وخرررر خليني الله يخليك لا تمد ايدك عليييي روح رووووح

نائل ـ اني نائل فتونه حبيبي يروحي والله نائل اني نئوله شوفيني هذا اني اني والله اني لا تخافين مني اني احميج والله احميج تعالي

اني اتقدم وهيه ترجع تزحف لما وصلت للمكتب لمت ملابسهه حيل عليهه لا فاتنه لا حبيبي والله اني نائل شوفيني نائل

حبيبي هذا اني والله حالتهه تكسر الگلب اللي شافته صعب لزمت ايدهه بهداوه ها شوفي نائل اني شوفيني

المخنزر اني شوفي شوي شوي فكت تعالي بحضني تعالي تنامين مو تنامين انتي نعسانه

فاتنه ـ اي اي انام اي بس لا تلمسني فدوه والله ما اگدر نائل يحبني والله

نائل ـ ادري والله ادري محد يلمسج اني نائل شوفيني يروحي لزمتهه من راسهه خليته بصدري شوفي نائل مو

فاتنه ـ اي اي نائل اي نائل

نائل ـ اي شوفي يله تعالي وياي اخذتهه حضنتهه شوفي نائل والله نائل

فاتنه ـ اي اي نائل

نائل ـ مسحت على راسهه وبستهه يعمري لو ميت ولا ماخذج ذيج الساعه ربييي رحمتك الهي اختبارك صعب والله صعب حضنتهه وبجيت

شيتحمل گلبي عليج فتينه شلون بيه بدونج اضيع والله اضيع حضنتهه حيل وهيه بس تشهگ نمت بعد ما تعبت وراسي مصدع

فزيت على صوتهه تبجي وهيه نايمه رفعت وجهه فتونه حبيبي كافي يروحي

فاتنه ـ نائل وين اني

نائل ـ بالبيت يروحي

فاتنه ـ شنو صار وياي

نائل ـ جريت نفس ما صار شي

فاتنه ـ خفت منك مو

نائل ـ لا يعمري انتي

فاتنه ـ نائل رادوا يعتدون علي والله احجي وابجي نائل نائل يجروني من ملابسي هيج منا ومنا واني والله قاومت ما گدروا يسوون شي

ربي دزلي الجنود ساعدونه نائل والله قتلته لان قتلهه ضوگته من نفس كاس الالم ضربته قريب لگلبه 5 طعنات والله حسيته مات لو ما باعديني منه جان ذبحته والله

نائل ـ كافي حبيبي مصدگج والله مصدگج كافي بستهه بخدهه لا تخافين واني بظهرج اني امانج والله صاروا هواي علي وما گدرت احميج

فاتنه ـ ادري شفتهم يضربون بيك نائل گلبي حيل يوجعني شلون انطاه گلبه هيج يسوي

نائل ـ بعد مجرم وهذا اسلوبه

فاتنه ـ بس حرام ما يصير

نائل ـ وهمه يحبون الحرام

فاتنه ـ نائل اريدهه والله شلون اگدر اعيش بدونهه

نائل ـ الله كريم حبيبي انتي شوي ورجعت نامت جنت انطيهه ابر مانع حمل شهريه حتى تكبر بلسم بس هسه لا گطعتهم

وهاي اسبوع فاتنه بالليل اجيبهه يمي بالغرفه وبالنهار بغرفة بلسم اهلهه گالو ما يطلعهه من حالتهه هاي بس اذا صار طفل ثاني والتهت وياه

وهاي الايام تمر وراح يصير شهر واني ما تقبل اتقرب منهه مجرد بوسه على الخد وگوه لان تخاف وهذا الشي اعتيادي بعد اللي صار

خصوصا وهيه 2 لازمينهه وواحد يجردهه وهيه بينهم ناعمه وضعيفه رغم هذا قاومت

رجعت من الدوام كلش تعبان ريحة اكل بالبيت يا الله واخيرا بدت ترجع للحياة دخلت ماكو بالمطبخ ولا بغرفتنه

رحت دخلت لغرفة بلسم شفتهه حاضنه ملابس بلسم ونايمه رفعتهه فزت من شافتني ضمت وجهه برگبتي اخذتهه وياي نامي يروحي هسه اجي يمج

فاتنه ـ صرت اخاف من اي قرب الي حتى بوسه نائل اخاف منهه رغم هو حنين وياي وما حسسني بشي غرفة بلسم مسكني

انام وارتاح بيهه على ريحة ملابسهه بيبي حجت وياي وارجعي لبيتج وكافي وربج يكتبلج مثلهه واحسن واني اخاف كلش من كل قرب يصير بيناتنه

صرت اخاف من علاقتنه اذا لزم ظهري خفت ودفعته تمددت على السرير طلع من الحمام ينشف بشعره لحيته حيل عاليه ووجهه تعبان گمت تقربت منه حضنته من بطنه نائل

نائل ـ عيونه وروحه

فاتنه ـ زعلان مني

نائل ـ لا ليش ازعل

فاتنه ـ لان ما جاي انطيك حقك رفعت راسي باسني بخدي

نائل ـ لا اذا مو برضاتج ومن نفسج ما اجبرج

فاتنه ـ بس انته تحتاج واني ما اگدر خايفه جاي تفهمني

نائل ـ اخذتهه گعدتهه افهمج حبيبي بس من شنو خايفه

فاتنه ـ من كلشي

نائل ـ يعني هسه لو حضنتج تخافين

فاتنه ـ لا تعودت

نائل ـ زين لو بستج بخدج تخافين

فاتنه ـ لا

نائل ـ بستهه بطرف شفتهه وهسه

فاتنه ـ لا

نائل ـ اخذتهه وبستهه وهيه ساكته وهسه

فاتنه ـ لا

نائل ـ تعالي نتغدا وارتاحي جسمج كله يرجف

فاتنه ـ ها

نائل ـ اي حبيبي لا تجبرين نفسج اني احبج وما ابدلج بكل الدنيا

فاتنه ـ احبك والله

نائل ـ واني هم يله تعالي اخذتهه من ايدهه گعدنه صبت الاكل واني احضر وياهه يله تعالي اكلي اكلت شوي وگامت

فاتنه ـ ما اگدر اكل اكثر

نائل ـ ليش

فاتنه ـ اذا اكل وهيه جوعانه تزعل والله

نائل ـ لا ما تزعل انتي اكلي واشبعي يله حبيبي زين اسألج سؤال

فاتنه ـ جواب

نائل ـ نسويلهه اخو او اخت تشوفهم وتفرح بيهم

فاتنه ـ ليش

نائل ـ حتى نفرحهه

فاتنه ـ انته هيج تشوف

نائل ـ اي

فاتنه ـ خلص اذا هيج عادي نسويلهه اخوان بس مو هسه خليني ارتاح يله

نائل ـ براحتج مر الشهر الثاني واهلهه شنو وشنو وليش ماكو طفل لهسه واني ابررلهم بتعبهه وهيه اصلا رافضه القرب

گاعد اشتغل بالحاسبه وادقق واردات الاشهر واقارن بيناتهن ومندمج حضنتني ها يروحي بيج شي

فاتنه ـ نائل اني موافقه

نائل ـ على شنو نزعت النظاره

فاتنه ـ نسوي طفل

نائل ـ ابتسمت بدون ضغط

فاتنه ـ بدون ضغط

نائل ـ متأكده

فاتنه ـ اي متأكده جريته من ايده وحضنته اريد مثلهه بنيه حلوه

نائل ـ بعد ارادة رب العالمين شنو كاتبلنه يصير

فاتنه ـ ان شاء الله تدري شنو

نائل ـ حضنتهه حيل اي شنو

فاتنه ـ جاي امشي على الجدول الصيني

نائل ـ وشنو بيه

فاتنه ـ حتى تصير عندي بنيه

نائل ـ شميتهه وبستهه تتدللين كم فتونه عندي

فاتنه ـ احبك يا احلى بشر

نائل ـ واني اموت بيج نبض شرياني ابهرت گلبي زبدايتي الحلوه

دعيني اقاوم شوقي اليك

واهرب منك ولو في الخيال

لاني احبك وهما طويلا

وحلم بعيني بعيد المنال

دعيني اراك هداية عمري

وان كنت في العمر بعض الظلال

فاتنه ـ نائل

نائل ـ عيونه

فاتنه ـ حبيبي ممكن يصير حمل

نائل ـ ان شاء الله اذا الله راد

فاتنه ـ يعني اگدر ارجع مره ثانيه واربي طفلي وما يبتعد عني

نائل ـ ان شاء الله

فاتنه ـ نائل شگد تحبني

نائل ـ بگد خبالج وهدوءج بگد شقاوتج وحنانج بگد قوتج وثقتج بگد كلشي حلو بيج احبج حب مستحيل اگدر اوصفه الج لو تردين روحي انطيهه الج وما اتردد

فاتنه ـ لهالدرجه

نائل ـ واكثر بعد

فاتنه ـ حضنته لا تتركني ابد

نائل ـ ابد يله نامي حتى العصر اخذج لبيت جدج

فاتنه ـ تمام نمت والعصر صدك اخذني وياه وصلت وبيبي تهلي وترحب بيه وتجيب وتخلي گدامي وتسولف وياي تغيرلي جو

وامي واخواتي واخواني وجدو اللي ما تركني ابد
حضروا العشا گتلهم انتظر نائل جدو اتصل بيه يجي يتعشا ويانه وهو اجه

گاعدين اثنينه سوا ويسويلي لفات وينطيني واني اكل وكل شوي مقرب يمي شي

مجاهد ـ اكل يمعود هسه هيه ما تعرف تاكل

نائل ـ ابتسمت اعرف بيهه تعرف تاكل بس اني اوكلهه احسن

مجاهد ـ يا بختج يفتينه يوكلونج واحنه لا نائل بداعة امك ما تتزوجني

نائل ـ هههههههه وليش بله

مجاهد ـ حتى تدللني مثل هاي البومه

نائل ـ التفتت شفتهه ضاجت گتله حتى لو بومه تبقى هيه كل حياتي فتونه ورده

مجاهد ـ يبوووو يالجفاف العاطفي ولكم متت زوجوني احترك مدري منو زوجوني خلوني ادللهه وتدللني اوكلهه وتوكلني اسبحهه ووو

ابو سليم ـ اي كمل كمل لا مستحه ولا خجل يحجيهه گدام الموجودين ولك ما استحيت منا اخواتك ما متزوجات انته شلون بلسانك الفالت

مجاهد ـ اوووي عموري شبيك حوبيبي

ابو سليم ـ هسه اگوم اطيح حظك عموري شنو جدك اني جدك شنو زحت الاحترامات

مجاهد ـ اهووووو هسه هاي الصاكه فيروزه مو تگلك عموري هاي الفيله مو تگلك عموري وصلتلي ولبست لباسهه

ابو سليم ـ ولك انته شلون بلسانك هااااا اسكت لا اهينك

مجاهد ـ سكتت سكتت عائلة وكلهه معقده امداني اي والله

فاتنه ـ وين تريد توصل صارلك ساعه تگمز

مجاهد ـ انتي انجبي البومه

فاتنه ـ اي بومه ولا قرد عصر ايدي نائل وخزرني

مجاهد ـ اي قرد واضحك وياكم ولا بومه مثلج

ابو سليم ـ مجاهدددد

مجاهد ـ الحمد لله شبعت رزايل دايمه

نائل ـ شفتي شلون ضاج ليش تقهرينه مو زين يغيرلج جو

فاتنه ـ جريت ايدي منه وگمت گلت الحمد لله سفره دايمه ورحت غسلت ودخلت للغرفه تمددت وتغطيت

طلعت صور بلسمي واني اتلمس بالصوره معاني وجهه وينج مامي حبيبتي وينج يروحي تعبت بدونج والله اكثر من تعبي من جنتي وياي

بلسمي مرتاحه يروحي بعدج تحبيني طلعت مقطع فيديو من تلعب ويه نائل وهو يضحك

جرت دموعي لما بجيت بصوت عالي ليش الا بنتي ليشششش ليش شلون انطاه گلبه شلون صرت ابجي لما تعبت انرفع الغطا نائل عيونه مدمعه

نائل ـ لشوكت فاتنه لشوكت جاي تتعبين واتعبيني وياج مو مثلج اني هسه هيه غير بنتي خليهه ترتاح كافي بجي جاي تأذينهه والله

واني ما ارضالج تأذينهه گومي يله كافي خلي نرجع للبيت يله

فاتنه ـ ما ارييييد ما اريد تعبت والله تعبت هاي راح يصير شهرين وهيه مو يمي ولج ماماااا ليش شوي وسحب مني التلفون

جيبه جيبه نائل جييييبه لا تمسحهن الله عليك لا تمسحهن تموتني اذا مسحتهن امووووت تعرف شنو اموووت

جيبه فدوه گعدت بالگاع وابجي لا تمسحهنننن لا تمسحهن ابوس ايدك لا تمسحهن كافي تذبحوهه مرتين تذبحوني وياهه والله

كافييي جيبه نائلللل جيبه اذا صدك تحبني لا تمسحهن جريته منه دورت ماكو ولا صوره ليشششش ليش ليش ليش مسحتهن ليششش

والله ما اسامحك والله حرمتني منهه شمرت التلفون تفلش بالحايط شكو يمي اغراض تتفلش فلشتهه واني اصرخ وارجف

ايدي ما اسيطر عليهن من الرجفه جدو دخل على صريخي وصوت الكسر

ابو سليم ـ شبيج بابا شبيج نائل شبيهه فتون

نائل ـ خليهه عمي خليهه تطلع اللي بداخلهه اذا بقت تكبت مو زين خليهه تطلع غضبهه لما تهدأ

ابو سليم ـ شنو الخليهه انته مخبل

نائل ـ اذا بقى هذا حالهه تتخبل خليهه تفرغ

ابو سليم ـ انته ابد مو صاحي صدگ تحجي شوفهه شلون تخبلت

نائل ـ صحت ايييي مو صاحي انييي مو صاااااااحي شفتهه گعدت ساكته مو صاحي مخبل خوووش ليش تطلعون الواحد من طوره

انتي شنوووو ما تفكرين بيه ما تحسين مثلج اني مثلج واكثر هم فقدت بنتي وانذبحت گدامي شنووو قابل گلبي من صخر وبس انتي الحنينه عليهه

كافييي تحملت اكثر من طاقتي كافييييي گلولي هسه كلكم منو يتحمل زوجته تخاف منه منوووو

منو يتحمل زوجته ترفض قربه منو

منو يتحمل يشوفهه ليليه تنازع ساعة الاعتداء منوو

منو شاف طفلته الوحيده تنذبح گدامه منووووو

منو بعينه يشوف حبيبة عمره وهمه يجردونهه من ملابسهه وهو يضربون كل مكان بجسمه ورابطيه وعيونهه تتوسله منووو بيكم منووو

اتحداكم كلكم واحد صار بيه اللي صار وياي واتحمل وقاوم هاي بتكم خلوهه يمكم اني تعبت تعبتتتت عفتهم وطلعت طلعت تركض وراي

فاتنه ـ كلشي حجاه نائل صحيح هو اتحمل اكثر مني بس اني ام يا ناس ام گلبي محترك عليهه شفته راح يعني ما ياخذني وياه لاااا نائل ركضت وراه نائل نائل بس اسمعني نائل

نائل ـ شنو اسمع شنو خلصتهه وياج كله اسمعج مره جربتي تسمعيني تعرفين من شنو اشتكي من شنو انقهر لا

حاولتي وياي لا

مره وحده حسستيني انتي مهتمه لامري لا

ولج حتى اهلي تبروا مني بسببج لان وكفت وياج ضدهم

عصيت ام واب خذلت اخ واخت لخاطرج دمرت كلشي لخاطرج امي وابوي فشلت علاقتهم بسببج لان ساوموني بيييييج

فضحت كلشي وهسه جايتني روووحيييي هذول اهلج وابقي يمهم اشبعي بجي وعياط ونويح لما ترتاحين

وبعدين الصور والمقاطع ما مسحتهن كلهن حولتهن لتلفوني وابقي هنا اشبعي بجي كلللللششششش

جريت سترتي وطلعت الدنيا ليل بقيت امشي بالشوارع ما اريد ارجع رحت تمشيت وصلت للمتنزه گعدت يم النافوره والمي يصعد وينزل بيهه

مديت ايدي بالمي رغم برودة الجو بالليل صرت اخذ مي واغسل وجهي لما تبلل قميصي كلش بقيت گاعد لما هدأت

طلعت التلفون مكالمات هواي من اهلهه واني مخليه صامت اخر شي رن عمتي رفعته گولي عمه

فاتنه ـ نائل لا تقفله الله يخليك اسمعني

نائل ـ ما ارييييد اسمعج روحييي سديت التلفون بوجهه ما تفكر بيه والله تفكر بس بنفسهه انانيه لابعد حد لج حاربت الدنيا حتى نبقى سوا وهاي تاليهه رن التلفون رفعته الو

توفيق ـ نائل وين انته

نائل ـ بالمتنزه

توفيق ـ تعال اخذ زوجتك وبلا مشاكل

نائل ـ ما اريدهه خليهه تشبع بجي خليهه بنتك انانيه بنتك ما تحب الي بس الاذيه شنو اللي تريده جاي كلشي اوفرلهه

اطلعهه اخذهه تغير جو مخليهه على راحتهه شنو اللي تريده البنيه من زوجهه اكثر من هذا اهتمام مراعاة دلال حب

شنو اكثر بعد شنو احبهه اكثر من روحي والله شاهد علي شنو التالي ها شنو خليهه يمكم لما ترتاح وساعتهه اجي اخذهه

توفيق ـ لا تكبر الفجوه بيناتكم ارجع اخذهه وروحوا حلوا مشاكلكم بينكم احنه صح اهلهه بس انته زوجهه مشاكلكم لا تخلوهه بحلگ غيركم

كلما تبتعدون تكبر ويله تعال اخذهه وروحوا خلصونه منكم الله اكبر بس تتغالطون واحد على الثاني انته مناك وهيه منا زعاطيط انتم

نائل ـ جاي مسافة الطريق اخذت تكسي وصلت لبيتهم اتصلت بابوهه طلعت صعدت وصلنه للعماره حاسبت السايق ونزلت

وصلنه للشقه فتحت الباب ودخلنه قفلت الباب وهيه عيونهه وراي خليهه شوي تحس رحت اخذت ملابسي بدلت واخذت غطا ورحت لغرفة بلسم

قفلت الباب وسويت المنبه ونمت گعدت نص الليل على فتح الباب خليهه والله الا اطلع الدلال من عيونهه

رجعت نمت بدلت الصبح واكلت فاكهه وطلعت للدوام شوي انشغل بلكي انسى اللي صار

فاتنه ـ اكثر شي يأذيني تجاهل نائل موجع لدرجه انو ما يشوفج گدامه مثل اي قطعة اثاث موجوده بالبيت

طلعت بالليل ردت اطيب خاطره صح هو مهموم والدنيا متعبته هواي افتح بالباب ما ينفتح رجعت للغرفه حضنت مخدته ونمت

گعدت بالعشره ركضت اگعده لگيته ماكو بجيت ليش نائل ليش نظفت وطبخت وكملت كلشي انتظرته يجي بس وصل حتى السلام ما يرد علي

صبيت الغدا وما اجه رحت لكيته هم قافل الغرفه رجعت ضميت الاكل ونمت للعصر شفته من طلع للصيدليه وبالليل ماكو لنص الليل رجع كله ريحة جكاير يخنك

سبح وطلع احجي وياه اريد ماكو ما يسمع شي اسبوعين وهو ما يشوفني ابد حسبت فات الموعد كتبت ورقه وخليتهه على الباب يجيبلي وياه تحليل حمل ونمت

خليه مثل ما هو ما يشوفني اني هم ما اشوفه صرت كل نقوصات البيت اكتبهم بورقه لو اعلگهم على الثلاجه لو باب الغرفه

صرت اشتهي الاكل واكل شفته من دخل للغرفه والعلاگه بيده شمرهه على الميز وطلع

اخذتهه حللت حامل بجيت يله صار اللي يريده غسلت وجهي وطلعت خليته على الميز بالصاله ودخلت للغرفه

سمعت باب الغرفه انفتح غمضت عيني ما اريد شي منه بعد وهو كلشي ولا انقهر واني حامل يتخبل من هيج شي حتى لو يضغط على نفسه بس لا انقهر

نائل ـ شمرت التحليل عليهه وگلبي لهسه شايل عليهه انتظرت ساعه تقريبا قفلت بابهه بس بقيت انتظر لما تنام طلعت شفته على الميز يعني اكو حمل

جريت نفس الحمد لله والشكر ربي كون هذا الطفل يهديهه ويخلصهه من حزنهه تعبت وتعبتني وياهه رحت تمددت يمهه شفتهه نايمه

خليت وجهي بوجهه مشتاقلج بس انتي من ايدج كلشي جاي يصير اخذت خصلة شعرهه شميتهه وخليتهه على جهه رمشت عيونهه يعني گاعده ابتسمت

هيه فرصه جريتهه بستهه وهيه ساكته عود نايمه وادري بيهه تمثل نايمه عضيتهه حيل وابتعدت انطيتهه ظهري ونمت

فاتنه ـ ادري بيه ما يهون عليه زعلي خليته براحته بس من عضني اذاني حيل وراهه انطاني ظهره خليته نام وبحجة النايمه دفرته حيل ودرت وجهي

نائل ـ الفيله

فاتنه ـ لا رد

نائل ـ ادري بيج گاعده الخبيثه

فاتنه ـ لا رد

نائل ـ بسيطه اني اعلمج

فاتنه ـ لا رد

نائل ـ جريتهه حيل من شعرهه صرخت

فاتنه ـ ااااخ الخبيث

نائل ـ ليش تزاگطين

فاتنه ـ والله ما يعرف التزگط بس اللي يزاگط

نائل ـ هو مثلج الفيله

فاتنه ـ المخنزر

نائل ـ انجبي

فاتنه ـ انجب

نائل ـ اسكتي لا اموتج

فاتنه ـ اني اموتك

نائل ـ ولي يله

فاتنه ـ دروووح خابصني هسه لو حلو شسويت كلك على بعضك املح ازرك

نائل ـ اي ما مجبوره تبقين ويه ازرك

فاتنه ـ اي غير تورطت شسوي هيه هم قسمه ونصيب

نائل ـ شنو تورطتي يعني تورطتي بيه اني

فاتنه ـ اي طبعا ردت اكوم جرني

نائل ـ وين

فاتنه ـ معليك

نائل ـ احجي لا اطلع عيونج

فاتنه ـ اريد اكل عندك مانع

نائل ـ لا

فاتنه ـ خوش رحت للمطبخ جذب لا اكل ولا شي شربت مي وگعدت شوي ما اريد ارجع يمه بعده يأذيني وقربه يأذيني اكثر

دنگت راسي على الميز خليت ايدي جوا راسي عيوني جرت شنو اللي تريده نائل والله حيرتني وين تريد توصل شنو اللي تريد تثبته الي

احتاريت بيك وبدونك گمت غسلت وجهي جريت نفس ورجعت شفته منطيني ظهره

تمددت وانطيته ظهري ما گدرت انام جريت تشيرت بلسمي من جوا المخده شميته ونمت على ريحتهه

نائل ـ ادري بعقابي الهه صعب كلش صعب لان اني نفسي مشتت ما اعرف شنو اللي يصير وياي درت وجهي جريتهه الي حضنتهه وشميته فتينتي

فاتنه ـ وخر نائل وخر ايدك شذكرك بيه ها صارلك قريب الشهر انته لسانك ما نطق ولا حرف وياي شنو هسه يله حنيت واجيت

نائل ـ بكل دقيقه احن والله بس ما ادري شبيه فاتنه اني تعبااان كلش عقلي وفكري وجسدي كلشي بيه تعبان

وانتي تزيدين علي ما تنقصين من حملي اللي على اكتافي تعبتيني وتعبت وياج

فاتنه ـ اممم صحيح تعبتك مو اذا متعبتك لهالدرجه ليش ما خليتنه ننفصل وكلمن يروح بطريقه ليش هسه يله حجيت لما صرت حامل يله واليوم دخلتك للغرفه لان اني حامل مو

نائل ـ فاتنه عوفينه من هاي السوالف خليني شوي ابرد راسي يمج

فاتنه ـ ما اعتقد وخرت ايده وگمت رحت لغرفة بلسم ونمت وعيوني تجري تعبت والله تعبت بقيت ابجي لما نمت

نائل ـ اااخ يا گلبي شيتحمل هذا البعد اللي جنت خايف منه حرت يا ربي ولا تحير عبدك گمت وراهه للغرفه لگيتهه نايمه

شلتهه ورجعتهه لغرفتنه حضنتهه ونمت گعدت على المنبه غسلت وبدلت وطلعت للدوام

فاتنه ـ گعدت الصبح اني بغرفتي ليش ما حسيت عليك وانته تجرحني بكل وقت صاير كلشي بيك يأذيني

گمت غسلت واكلت فاكهه طلعت اكل البارحه حميته وسويت حلويات غطيت كلشي ورجعت

اريد التهي بشي ماكو تلفوني وكسرته وهو ما جاب واحد جديد طلعت اوراق وبديت ارسم واشخبط لما تعبت ونمت على المكتب

نائل ـ دخلت للبيت الاكل على الطباخ وهيه ماكو رحت ابدل واشوفهه نايمه وجواهه رسومات مرعبه الى درجه

شي دم وشي مقطوعه اجزاء منهم رجف گلبي منهه اخذتهم ذبيتهم برا بسرعه ورجعت بدلت وگعدتهه فتونه حبيبي گومي اكلي شي ما يصير تبقين بدون اكل

فاتنه ـ ما اريد وخر عني ما ارييييييد كلشي ما اريد

نائل ـ عيونهه مخبوطه بدم گتلهه فاتنه شبيج

فاتنه ـ ههههه شبيه صدك عود شبيه ااايييي بيه اللي انته ردت تنقذني منه وما گدرت هههه اي تدري شنو مشتهيه هسه

نائل ـ اي شنو

فاتنه ـ هيج هاي ايدي كون الزم واحد اخنگه لما يموت حتى ارتاح لو اذبحه مثل ما ذبحوا بلسمي بجيت اي مثلهه بالضبط

هيج بالهداوه حتى اشوفه شلون يتعذب مثلهه لو لا يعيش احساسهه لو لا ههههه اي اي يعيشه هو راح يعيشه بس ما راح يگدر يحجي مو

ما راح يحجي لان راح يموووت ههههه يموت اي يموت مو

نائل ـ فتونه حبيبي تعالي ارتاحي تعالي يروحي

فاتنه ـ شنو قصدك هاااا اني مخبله گول مخبلللهههه ليش ساكت گوووووول لو تخاف مني خاف اسويلك شي مو

نائل ـ لا انتي ورده ماكو منج فتونتي تعالي حبيبي اخذتهه وياي غسلت ايدهه ووجهه تاكلين جوعانه

فاتنه ـ اي جوعانه هسه اصب

نائل ـ براحتج خليتهه تصب وعيني عليهه لازم اخلي كامرات بكل البيت ممكن تسوي اي شي بنفسهه

حتى لاهلهه شلون اخذهه احتمال كلشي يصير حالتهه مو طبيعيه ابد خلت الاكل وتباوعلي بحقد ابتسمت صاحت

فاتنه ـ انته تضحك علي مووو ليش تراقبني بعيونك

نائل ـ لا ليش بس احبج واحب مشيتج

فاتنه ـ اي اگول خاف اكو شي ثاني

نائل ـ فتونه شتحسين حبيبي

فاتنه ـ ههههه گول شنو ما احسه مو اللي احسه

نائل ـ گولي اسمعج

فاتنه ـ ليش شنو السبب

نائل ـ نتشارك الحديث

فاتنه ـ ليش اتذكرت تحجي وياي

نائل ـ اي

فاتنه ـ اي خوش كلش زين

نائل ـ شنو يوجعج

فاتنه ـ ولا شي قابل يهمك الموضوع

نائل ـ باوعيلي رفعت راسهه شتحسين من تشوفيني

فاتنه ـ ولا شي اصلا ما شايفتك من گاعك

نائل ـ يعني بعد ما تحبيني

فاتنه ـ اي عندك اعتراض

نائل ـ ليش

فاتنه ـ لان كسرتني

نائل ـ تعالي تقربت منهه حضنتهه ليش يعمري شوفي مثلج اني واكثر فتونه ترا مو كلشي نحكم على المقابل

اني نفسي ما اعرف شنو اريد 3 اشهر اني ما مرتاح الندم ماكلني اكل تدرين شنو

فاتنه ـ شنو

نائل ـ تمنيت لو ميت ولا ماخذكم ذيج الساعه رفعت وجهه دموعهه تجري مسحتهن ريتهن يغسلني دموعج حبيبي

فاتنه ـ نائل تعبت والله

نائل ـ ادري يعمري ادري راح اقدملج هذا الاسبوع معدلج زين يطلعلج طبيه

فاتنه ـ يعني تتوقع اگدر اداوم واعيش طبيعي

نائل ـ اي ليش لا انتي قويه وبطله جنتي تهتمين ببيت وزوج وطفله وتقرين وطلعتي هيج معدل

يعني انتي قويه لان بس الاقوياء يقاومون ظروفهم وما تتحكم بيهم

فاتنه ـ يعني هسه اني اگدر بس فكري مشوش ما اعرف شنو اريد بالضبط

نائل ـ نروح نقدم ونخلص كل الاجراءات وشنو يطلع مقتنعه بيه داومي ما مقتنعه ادخلج اللي تردينه على حسابي بعد

فاتنه ـ الله كريم اگول نائل

نائل ـ نعم

فاتنه ـ جرت عيوني تدري هسه حسيت بوجع امك من فقدت اخوك وجانت بهواي مواقف تگدر تصيح على اخواتك وما يضربني

وجانت تسكت هسه يله عرفت والله وجنت الوم واگول ليش ما تحجي وهيه تشوف بعينهه كلشي يصير

نائل ـ لا تخلين ببالج فتره راحت وانتهت يله خلي نلملم سوا ونروح اريد انام تعبان

فاتنه ـ روح نام هسه اخلص اللي بيدي واجي وراك

نائل ـ لا اساعدج شعندي قابل

فاتنه ـ براحتك صار يغسل وياي ويرتب خلصنه بسرعه واخذني من ايدي تمدد وضمني بحضنه

نائل ـ لو تدرين شگد احبج

فاتنه ـ اي ادري

نائل ـ درت وجهه تلمست خدودهه تدرين شنو اتمنى

فاتنه ـ شنو

نائل ـ تصير عندي بنيه مثلج نفس القوه والشجاعه

فاتنه ـ بس اني ضعيفه مو قويه صدگني

نائل ـ لا انتي قويه صبرتي وتحملتي وقاومتي كلشي وهسه تلمست بطنهه بنتج راح تطلع تشبهج

فاتنه ـ هههههه يعني هيج برأيك

نائل ـ اي من اروح فدوه لهاي الضحكه الحلوه هيج اريدج ابتسمي اضحكي عيشي لا توگفين بمكان ماشي

فاتنه ـ تمام

نائل ـ فتحت المجر اليمي طلعت كارتون هاج هذا الج

فاتنه ـ جبتلي تلفون

نائل ـ اي من زمان جبته وگلت هسه تدور وتلگاه بس ما اخذتيه اتصفحي بيه وشوف شغلات مفيده وحلوه

فاتنه ـ شكرا يعمري حضنته وبست خده تلمست شفته ليش لحيتك عاليه

نائل ـ ابتسمت لان انتي زعلانه مني

فاتنه ـ روح اليوم رتب نفسك ما احب اشوفك ما مرتب احب اشوفك دايما مرتب وحلو مثل ما عرفتك

نائل ـ ماشي اروح وانتي تتحضرين نطلع اليوم ما نبقى بالبيت ماشي وباجر اخذت اجازه

فاتنه ـ وين نروح

نائل ـ معليج انتي سوي اللي اگوله والبسي فستان حلو يا اميرة روحي

فاتنه ـ ان شاء الله نمت لاول مره مرتاحه گعدت هو طالع سبحت وسشورت شعري ومكيجت خفيف عطرت وانتظرته يجي حتى نطلع

نائل ـ حلقت ورجعت للبيت اسبح حتى نطلع شفتهه تجنن فستانهه الاسود القصير ابتسمت وحضنتهه جاهزه عمري

فاتنه ـ اي يله كمل حتى نطلع

نائل ـ اي اخذي وياج غيارات لان احتمال ما نرجع بالليل

فاتنه ـ ليش وين نروح

نائل ـ سوي اللي گلت عليه ماشي حبيبي

فاتنه ـ تمام طلع بدل وكمل مشتري سياره جديده ابتسمت هاي شنو

نائل ـ لعيونج يا حلوه يله تفضلي

فاتنه ـ صعدت وخليت الغيارات ورا شغل

عليكم جذب الگال اني مرتاح

يا راحه البلياكم تجيني

العطش ذبل شفافي وعافني وراح

متت لكن روني دموع عيني

وبكل مقطع يباوعلي ويبوس ايدي ويشمهه حسيته يريد يعوضني الايام اللي قسى بيهن وياي لزمت ايده نائل

نائل ـ روحه وگلبه

فاتنه ـ تدري من تصير هادئ وتعاملني بحب اموت عليك

نائل ـ واني اموت بدونج فتينتي

فاتنه ـ مشينه طريق طويل وصلنه للمصايف التفتتله جايبني للمصيف

نائل ـ هههههههه اي حلو

فاتنه ـ يخبل نزلنه ومشينه ايد بايد

نائل ـ تنزلين بالمي

فاتنه ـ اي لزمني من ايدي ونزلني شوي شوي المي بارد يجنن شعري صار بالمي

نائل ـ ها

فاتنه ـ شنو

نائل ـ مرتاحه

فاتنه ـ اي كلش حلوه بقيت امشي شوي شوي وهو واگف يبتسم زلفت رجلي لزمني من خصري ورفعني

نائل ـ غير تنتبهين

فاتنه ـ ما حسيت من وگعت

نائل ـ عادي يله ارجعي

فاتنه ـ اخاف اوگع مره ثانيه

نائل ـ لا اني يمج يله بقت تمشي وتضحك لما وين گالت

فاتنه ـ يله نطلع كافي

نائل ـ ها هيه لو بعد تبقين

فاتنه ـ لا ها هيه طلعنه من المي وبقينه كاعدين نتفرج الناس تلعب بالمي لزمني من ايدي

نائل ـ حبيبي

فاتنه ـ ها

نائل ـ مرتاحه لو نغير المكان

فاتنه ـ لا مرتاحه شوف شلون الناس فرحانه شگد حلو التفتت بنيه صغيره تجي بعمر بلسمي بكرسي واهلهه يمهه تمشيت يمهم گلت

مرحبا اگدر بس اشيلهه

وافقوا شلتهه وتلمست وجهه گلت شنو اسمهه گالو ودق تجنن بستهه وشميتهه انطيتهه لاهلهه ورجعت نائل قلق

نائل ـ ها حبيبي

فاتنه ـ نائل اسمهه ودق شوف بعمر بلسمي

نائل ـ اي حبيبي حبيتيهه

فاتنه ـ اي فدوه تجنن بقت عيوني وراهم اخذوهه وطلعوا نائل خلي نطلع ضجت

نائل ـ يله نطلع عرفتهه ضاجت من طلعوا اهل الطفله

فاتنه ـ رجعني للبيت

نائل ـ لا تعالي اخذتهه من ايدهه صار الليل اخذتهه للمطعم تعشينه واخذتهه للفندق

فاتنه ـ نائل وين جايبني اريد ارجع للبيت ما اريد هنا

نائل ـ لفيت ايدي على خصرهه خلينه اليوم نعيش برا البيت ونغير جو

فاتنه ـ لفيت ايدي على رگبته عود انته ليش حلو

نائل ـ ههههههه لان احبج

فاتنه ـ واني هم احبك نائل لا تعوفني

نائل ـ صار

فاتنه ـ ولا تأذيني

نائل ـ وبعد

فاتنه ـ تدري مشتهيه ايس كريم

نائل ـ هسه اجيبلج

فاتنه ـ اي شفته جوا وحسيت اريد اكل منه كلش بنفسي

نائل ـ تعالي اخذتهه من ايدهه نزلنه بالمصعد وطلعنه يله اختاري النكهه

فاتنه ـ ترا كلهن احبهن

نائل ـ ههههه طماعه يله هسه وصيت الولد يخليلهه من كلهن بعلبه دفعت ورجعنه للغرفه بدلنه وبدت تاكل لما شبعت

فاتنه ـ صرت اكل بيهه واحس شي بداخلي ينطفي لما شبعت كلش يااااي كلش طيبه وتنعش الروح

نائل ـ الف عافيه بعد بنفسج شي

فاتنه ـ لا نعسانه

نائل ـ تعالي غسلتلهه وفتحت شعرهه نعسانه

فاتنه ـ اي كلش بس حضني نمت بسرعه تحلمت بالوقت اللي جنت اقاومهم بيه صرت اريد افرغ نفسي وابجي واصرخ فزيت نائل حاضني حيل

دفعته بعدهه استوعبت هو نائل مو الملثم بجيت كافي كافي حتى بالحلم هم يجوني تعبت والله تعبت

لشوكت يبقون وراي شوكت يعوفوني شوكت مو تعبت منهم ومن ضحكتهم المقززه

نائل ـ شبيج عمري شبيج تعالي تعالي شفتهه بيهه حراره خفيفه نزلت بسرعه صيدليه قريبه اخذت علاج رجعت گومي عمري هاج اشربي

شربتهه ولامه نفسهه مثل الجنين بعدت رجليهه رخي جسمج رخيه اي يله عفيه اي هسه تمام تعالي حضنتهه شنو شفتي

فاتنه ـ نائل نفسهم همه نفسهم حتى ضحكتهم تتردد باذني تعبت منهم والله تعبت

نائل ـ اسألج سؤال وجاوبيني بصراحه

فاتنه ـ اسأل

نائل ـ تروحين وياي للدكتور النفسي

فاتنه ـ ليش نائل عبالك تخبلت

نائل ـ لا عمري مو شرط اللي يتخبل يروح لدكتور نفسي هاي اني گدامج بيه شي

فاتنه ـ لا

نائل ـ اني كل اسبوع عندي مراجعه للدكتور النفسي هو شنو تشرحيله مشاكلج ومخاوفج تمام بعدهه ينطيج علاج وتصيرين زينه وخلص ترجعين فتونه الورده

فاتنه ـ يعني اسولفله كلشي بحياتي

نائل ـ اي اني تحفظت بس على علاقتنه اللي يصير بيني وبينج فقط

فاتنه ـ اي يعني قصدك علاقتنه الزوجيه مو

نائل ـ اي عفيه وهسه تروحين وياي من اروح

فاتنه ـ ما اعرف اخاف اخطي هيج خطوه

نائل ـ لا تخافين خليهه بينج وبين نفسج فقط

فاتنه ـ يعني ما اگول لاي واحد

نائل ـ اي

فاتنه ـ واذا واحد سألني

نائل ـ على شنو يسألوج انتي راح تتحسنين بعون الله يعني ترجعين قويه ولا تنسين عندج طفل بداخلج محتاجج لازم تصيرين زينه حتى تگدرين تهتمين بيه

فاتنه ـ تدري نسيت نفسي حامل

نائل ـ هههههههههه زهايمر مبكر

فاتنه ـ لا تقلد

نائل ـ لا ما اقلد جريتهه وبستهه خفيف خليت وجهي بوجهه ها شبيج

فاتنه ـ نائل ليش انته حنين وياي

نائل ـ لان انتي زوجتي وحبيبتي وطفلتي المدلله

فاتنه ـ احبك اني كلش احبك

نائل ـ اموت عليج

انته يا الانواع بيك من الجمال

گلي هم تنباع حتى انه اشتريك

يم المرايه الخلگ توگف تشوف

وانته المرايه تجي تباوع عليك

حبيبتي مريتي گليبي

فاتنه ـ ها نئولتي

نائل ـ بوياااي كون يروحلج فدوه نئولتج تعالي وين اضمج ها

فاتنه ـ ههههه كسرت ضلوعي كافي

نائل ـ ههههه خليهن اكسرهن شلون اضمج ها

فاتنه ـ ضمني هنا واشرت على گلبه

نائل ـ انتي بروحي مو بس بگلبي تتذكرين من بستج قبل الزواج

فاتنه ـ ههههههه اي ودفعتك وانضربت بالكاونتر وظهرك بقى يأذيك

نائل ـ اي جانت اول بوسه لهالشفايف الحلوات

فاتنه ـ تدري وراهه عشت بندم شلون خليتك تسوي هيج وياي

نائل ـ وهسه يوميه اكلهن مو بس ابوسهن

فاتنه ـ هههههه كافي يله نام ترا نعست

نائل ـ يله نامي شعندج ما تنامين تنبل يا ربي تنبل

فاتنه ـ ثاني يوم رجعنه لبيتنه حالتي شوي احسن وقدمت على الجامعات وصرت بالاسبوع مره ياخذني نائل للدكتور النفسي

صرت احسن من قبل بهواي حسيت بالفرق طلع قبولي بغداد ونائل متخبل ما نرجع لبغداد ابد

حاول يخليهه الي باربيل وما صارت لازم يروح للوزاره گال اروح وحدي ما خليته يروح لا يصير بيه مثل اللي صار ويانه

والدواعش هالمره جاي يزيدون ما يقلون والجيش والحشد جاي يضحون هواي حتى خايفين من الموصل لا يجون منهه لاربيل

لغيت التقديم ونائل متخبل لما قدملي على حسابه مسائي وسويت استضافه على الصباحي صرت اداوم هو ياخذني ويرجعني من الدوام

واشاركه يومي شنو يصير بالجامعه وشلون صادقت بنات والتجمع الطلابي والاقتراحات وگتله عرضوا علي اصير ممثل القسم بس ما قبلت

لان تعب واني حامل اخاف وهو موافقني بكلشي بيوم صار على حملي 7 اشهر واني على ابواب امتحانات نصف السنه

رن جرس الشقه اكثر من مره شفت من العين ابو نائل وجوقي ردت افتح الباب واتذكرت هو مانعني افتح الباب لاي شخص بس لاهلي اتصلت بيه نائل ابوك وجوقي بالباب

نائل ـ شنوووو شيسوون

فاتنه ـ ما ادري جاي يدگون الجرس جاي تسمع هسه افتحلهم الباب لو لا

نائل ـ ابد فاتنه ابد اياج وبالج تفتحين الباب خليهم شوي ويروحون احتمال يجوني للمستشفى انتي حضري غدا واني اشوف شنو يريدون

فاتنه ـ تمام حضرت دجاج لان سهل بسرعه ينطبخ سلگته وحضرت تمن طبخته وكملت كلشي اتصل بيه ما يرد گلت اكيد وياه وما يرد شوي ورد

نائل ـ ها حبيبي

فاتنه ـ ها شنو بشر

نائل ـ راحوا

فاتنه ـ شنو يردون

نائل ـ السالفه المعتاده فلوس

فاتنه ـ ليش وانته من وين الك فلوس مو عندك قسط السياره وقسط الشقه

نائل ـ اي بس ما يفكرون بيه المهم ياخذون مني يله اني راح اوصل

فاتنه ـ هلا بيك حبيبي غلقته من نائل اتصل جدو

ابو سليم ـ ها ولج فتينه شلونج

فاتنه ـ هلا بيك جدوتي حبيبي

ابو سليم ـ شنو تجون لا

فاتنه ـ ليش

ابو سليم ـ غير عازمكم على الغدا

فاتنه ـ بس نائل ما گال

ابو سليم ـ ليش ما گال والبارحه اتفقت وياه يجيبج ويجي

فاتنه ـ ما ادري جانت عنده شغله وهسه راجع للبيت

ابو سليم ـ اي انتي تجهزي حتى من يوصل ياخذج بسرعه

فاتنه ـ اوك تمام غلقته اتصلت بنائل

نائل ـ ها حبيبي

فاتنه ـ نئوله جدو يگول منتظرنه على الغدا تدري

نائل ـ اهووووو والله نسيت خرب تحضري تحضري حتى بس اوصل اخذج

فاتنه ـ تمام رحت لبست فستان حوامل اسود وشوز ابيض ورفعت شعري كعكه وانتظرت نائل وصل حضنته الله يساعدك حبيبي

نائل ـ ويساعدج يروحي جاهزه

فاتنه ـ اي جاهزه

نائل ـ بلا امر عليج بس حضريلي شي البسه مو حلوه اروح بلبس الدوام

فاتنه ـ يله غسل واني احضرلك حضرتله قميص وبنطلون سود وستره بيج طلع لبسهم باس ايدي وابتسم

نائل ـ احبج يبطه

فاتنه ـ ههههههه واني هم احبك

نائل ـ يله نطلع

فاتنه ـ اي اخذني من ايدي شوي شوي يمشيني طلعنه ووصلنه لبيت جدو باقر بالباب

نائل ـ استغفر الله تعال سلم

فاتنه ـ شبيك حبيبي

نائل ـ بيه صخام هذا شيسوي هنا

فاتنه ـ غير بيت جده وجدو عازم الكل اكيد يجي ما تريد تسلم عليه لا تسلم

نائل ـ ما يصير يله نسلم لخاطرك صديقي

فاتنه ـ ههههه افديك اني نزلنه سلم بثقل على باقر واني سلمت حضني باقر

باقر ـ هلا بطوط شلونج

فاتنه ـ الحمد لله شفت نائل يخزر حسيته عيونه راح تطلع من مكانهن مشيت وگفت يمه لزمت ايده عصر ايدي حيل

نائل ـ ضروري المحاضن اذا مشتهيه حضن اني موجود اشبعج حضن

فاتنه ـ ههههه حبيبي العصوبي الغيور

نائل ـ انجبي يله جوا والله اذا حضنتي واحد بعد اموتج

فاتنه ـ هههههههه صار سيدي اوامر اخرى

نائل ـ ابتسمت لا يله بالج على نفسج وعلى بنيتنه

فاتنه ـ صار بعيوني دخلت وسلمت على الكل جدو وبابا وعمامي واولادهم وبيبي وامي واخواتي والبنات جايات من بغداد

صايره جمعه تجنن وكلهه الا تحضن ونائل متخبل گعدنه سوالف وضحك وشقا

مجاهد ـ يا الله خب فتينه الملح

فاتنه ـ اي بس شلون انطيكياه

مجاهد ـ شمريه

فاتنه ـ ههههه تتحمل

مجاهد ـ يله

فاتنه ـ شمرته وگعدت المملحه براسه وتطشر الملح على وجهه

مجاهد ـ لج ااااخ الزماله هو هيج اااخ عيوني راحت خرب وجهج

فاتنه ـ گتلك وانته صرت عود يابه گدهه ادري بنفسي ما اشمر عدل صوجك

جمار ـ ههههه وراحت عيونك جويهد

جمانه ـ ولج خليه لا يروح يسوي بيهه شي وهيه حامل

ابو سليم ـ بعد ابوج بردتي گلبي حيل كون اقوى

ام سليم ـ يا شبيك حجي خطيه شوف عيونه راحت

توفيق ـ يستاهل هيه وين تعرف تشمر وهو بعيد عليهه هسه مو هاي مملحه لو الا من فتينه

ظافر ـ اي والله بابا هو مجاهد دايما يتحارش بيهه ويضوجهه

باقر ـ لوكي لا تصير يخبزك والله

فاتنه ـ لك باقر والله اشمر عليك المملحه الثانيه لا تحجي على ظفور

ظافر ـ لكم هاي الاخت هاي العلم مثلكم امداكم اي والله ما بيكم خير

فاتنه ـ ههههه اخويه حبيبي

مجاهد ـ اجتمعوا اللوگي والفيله

ابو سليم ـ ولكم الجفجير وينه خلي انيمه براسه

مجاهد ـ اي مو ابنكم حقكم لاگيني بالشارع شلون تحنون علي اهم شي الفيله

فاتنه ـ ههههههه شبيك مضغوط اجيبلك حبه جوجاتي

مجاهد ـ عيديهه مره ثانيه حتى اذبحج عكس القبله

فاتنه ـ لزمت ايد نائل قوي وصحت جوجاتي وضميت نفسي وراه ركض علي مجاهد

مجاهد ـ والله الا اخبزهه هاي الفيله

ابو سليم ـ ولك المخبل البنيه حامل الله يطيح حظك

فاتنه ـ وصل يمي مجاهد صار بوجهه نائل

نائل ـ ها جوجايه شبيج عمري منو وياج منو محاجيج ومضوجج

مجاهد ـ ها حبيبتي المهبوطه بس هاي مرتج الادبسز تگلي گدام خلگ الله جوجايه

نائل ـ اووووي يروحي لا تزعلين منهه تعالي اني احوبج انتي هنا بالگلب

مجاهد ـ اووووي خوجلتيني نئوله راح ارجع لمكاني لا يشوفنه ابوي ويسويهه وياكم عشاير وعباله نهبتيني

توفيق ـ لك مجاهددددد تمشي عدل لا هسه بالعصا اكسرك تكسر

مجاهد ـ هاي شبيكم نفسيات عابت

توفيق ـ ولك هاي المن العابت

مجاهد ـ لنئوله المهبوطه

نائل ـ ليش جوجايه مو محترمج هيج تسوين بيه

مجاهد ـ طلگني طلگني ينعل اليوم الشفتج بيه نئوله

نائل ـ انتي طالگ طالگ طالگ يله اشبعي من اهلج

ابو سليم ـ الحمد لله والشكر هاي عود انتم الجيل الجاي هذا الثور دكتور وهذا الثور الثاني صيدلاني وهمه جوجايه ونئوله المهبوطه

مشكور ربي على هيج قسمه حفيد طايح حظه ونسيب استغفر الله شبعتوا يله گوموا ينعل يوم اللي يلمكم بعد

مجاهد ـ اوووي عموريتي زعلتي والله ما يهون علي زعلج حبيبتي انتي وهاي معطه من خدج المجلد

فاتنه ـ ااااخ يمه ولكم بطني ههههههه جوجايه بداعتي معطه ثانيه

مجاهد ـ وهاي لعيون الفيله احلى معطه اشل بيهه خدك شل

ابو سليم ـ ينعلكم من احفاد طايحين حظ يله ولوا يله بلا مطرود كلمن يولي لبيته يله

جمار ـ هلووووووو شنو كلمن لبيته والماعين والجداري منو يغسلهن والله حالهم من حالنه يله مو كلمن ياكل ويمسح ايده بالحايط

يله جوجه وانتي نئوله وظفوره وبقوره كلجن تحزمن خلي نغسل وانتن الحوامل ابقن هنا

بيدق وجمانه وفاتنه ـ حااااااضرررر سيدي

نائل ومجاهد وباقر وظافر ـ هاااااي شنوو

جمار ـ والله تجون وياي تجون ماكو بالجفجير اكسركم يله شهاداتكم عليكم مو علي يله گدامي

مجاهد ـ اوووي اظافري حيتكسرن نزول عليك جسوم

نائل ـ ايدي ما تتحمل اوووي جوجه عندج كريم

ظافر ـ اني انطيجن اخواتي العزيزات بس امشن لا تجينه جميره تفلشنه والله

باقر ـ اجت جنهه الشمر ولكم اركضوا

جمار ـ هااااا ولجن شو بعدجن ما غاسلات شي

مجاهد ـ هسه نغسل بس روحي جنج قابض الارواح بالافلام اكو واحد يلزم طبر حتى يغسلون الماعين

نائل ـ اگلك بس لا ابوك لو جدك ابو طبر لان هاي جينات

مجاهد ـ والله ما ادري اشك بيهم هاي العائله اصولهم ترجع للمغول

ظافر ـ وراكم جدي راح يمغلكم تمغل

ابو سليم ـ اي جوجايه كملي كملي احنه مغول ابو راس المصفح

مجاهد ـ هسه انته ما اجيت الا ويه هاي الكلمه دشوف بنتك هيه وطبرهه جاي علينه شوف التايت اكل ادينه ما تقبل تنطينه زاهي

ابو سليم ـ ليش جمار انطيهم زاهي

جمار ـ لا بابا الصابون والتايت ينظف احسن ويله انتم اشتغلوا

نائل ـ ديله احسنلك هسه مشتغلين بكرامتنه ومنجبين ولا هاي الرزايل تنطح بروسنه

ظافر ـ نئوله من يمج الصونده حبيبتي

نائل ـ هاج ظفورتي

باقر ـ ظفوره جيبي حبيبتي جيبي هذن البرابيك يضحكن علينه من الشباك

نائل ـ التفتت كلهن ملتمات ويضحكن ولج جوجايه انفضحنه جاي يصورن

مجاهد ـ والله دنعل ابوهن رايحلهن

فاتنه ـ طلعوا صدك يغسلون الماعين وجمار تنطيهم واحنه نضحك والبنات يصورن بيهم من شباك المطبخ

شوي واجه مجاهد يركض كلهن شردن الا اني اكو مكان بين الطباخ والكاونتر الا واحد يركز يله يشوفه

دخلت وجريت البرده وهو دخل يركض وراهن اني طلعت ورحت لنائل نئوله هذا الخبل راح يموتنه والله

نائل ـ ههههه شكو تصورن

فاتنه ـ والله هاي ميس وجمانه يصورن احميني فدوه والله يضربني ويأذيني

نائل ـ لا ما يضربج ابقي هنا يمي

فاتنه ـ شوي واجه مجاهد يركض علي وگف گدامي نائل

ناؤل ـ لااااا مجاهد لا عليك الله كلشي ولا فتونه اذا ضربتهه نتخارب والله لساني ما يطخ لسانك بعد

مجاهد ـ ولك يصورن امهات كفشه يردن ينشرنهن

نائل ـ لا ما ينشرن هيه ما صورت بس لا تضربهه ولك مو زين حامل

فاتنه ـ مجاهد والله هنه صورن مو اني ولازگه بظهر نائل

باقر ـ مجاهد لا تصير ارعن هسه شجلبت تعالوا نكمل حتى نطلع والله طاگه روحي

ظافر ـ اي والله خلي نخلص بسرعه وراي دراسه

مجاهد ـ هالمره سماح فتينه بختج برجلج المره الثانيه اموتج والله ميس وجمانه اكلن المقسوم وانتي طفرتي

نائل ـ كافي يمعود شبيك

فاتنه ـ والله ما صورت والله اذا تريد انطيك تلفوني ودوره

مجاهد ـ يله روحي جوا ما احاجيج بعد

فاتنه ـ والله

مجاهد ـ والله وعبد الله وگوگ الله بس روحي شوفي شلون رجليج توصخت

نائل ـ اني اغسلهن بس وخر منهه

فاتنه ـ جر الصونده وغسل رجلي لان ما اگدر ادنك بطني جبيره كلش مشيت گوه رجعت للصاله بيبي تضحك ها يحلوه

ام سليم ـ هههههههه هسه انتن الا ويه الخبل عوفوهم مو زين اخذوا عنجن الماعين وما تبقن تغسلن بيهن للعصر

فاتنه ـ بيبي متت والله عبالي يضربني ركضت لنائل بس هو يگدرله لان ضربته توجع انطيني رجليج خلي اتمدد عليهن تعبانه

ام سليم ـ شبيج ماما

فاتنه ـ بيبي تعبانه حيل بطني كلش ثگيله

ام سليم ـ رحتي للسونار

فاتنه ـ لا باجر عود نروح اني ونائل

ام سليم ـ الله يسهللكم يوم جاي اجهزلج اذا تردين اخذي اللي جهزتهم هسه

فاتنه ـ لا بيبي خليهم يمج اولهه واخرهه اخلص هنا شهر من اولد

ام سليم ـ الله كريم

فاتنه ـ نمت على رجل بيبي وهيه تلعب بشعري

نائل ـ خلصنه نسولف ونضحك وراهه غسلنه دخلوا الولد واني وراهم مهما يكون اني غريب عنهم وهمه اهل بيت دخلت مدنك راسي

جمار ـ نائل ارفع راسك شبيك ترا هذا بيتك

نائل ـ ابتسمت مشكوره وين فاتنه خلي تجي حتى نرجع للبيت

جمار ـ نايمه بحضن امي بس اگلك ما اخذتهه دكتوره شي بطنهه حيل جبيره وگوه تتحرك خطيه

نائل ـ باجر بعون الله اخذهه بس دوامهه متعب كلش وهيه الا طبيه

جمار ـ اي هيه من قبل تريد هيج وجانت تبذل كل جهدهه حتى تروح طبيه

نائل ـ اي اعرف بس حالتهه النفسيه مشكله يوم زينه وعشره لا

جمار ـ حقهه والله اللي صار مو شويه ترا زين وهسه هيج تسولف وتضحك غيرهه تخبلوا من زمان

نائل ـ اي صحيح بلا زحمه عليج گعديهه حتى نروح

جمار ـ لا شنو زحمه روح انته گعدهه واخذهه ارتاحوا بغرفتهه اللي هنا والعصر روحوا لبيتكم

نائل ـ لا ما يصير والله اخذهه ونجي غير وقت دخلت شلون عمتي تلعب بشعرهه وهيه نايمه تقربت من رخصتج عمه

ام سليم ـ تعال يوم تعال

نائل ـ فتونه فتون حبيبي يله نروح لبيتنه يله گومي

فاتنه ـ ها نروح

نائل ـ اي تعالي جيبي ايدج

فاتنه ـ اي هسه جلبت بايده وگمت گوه امشي اخذت جنطتي وطلعنه للسياره بس صعدت نمت

نائل ـ وصلنه للبيت وهيه نايمه تعبانه خطيه شلتهه وصعدت بيهه للشقه فتحت الباب گوه دخلتهه للغرفه ورجعت قفلت باب الشقه بدلت وطلعتلهه ملابس گومي حبيبي بدلي ونامي

فاتنه ـ ما اريد اريد انام

نائل ـ ابدلج اني

فاتنه ـ لااا لا اني اني جيب

نائل ـ ههههه يله بدلي تمددت وانطيتهه ظهري شوي واجت حضنتني

فاتنه ـ حبيبي

نائل ـ يروحي التفتت عليهه ها يعمري شبيج

فاتنه ـ نائل تدري هسه اني احسن من راجعت الدكتور النفسي

نائل ـ اي مو گتلج تصيرين احسن تعالي ولج شبيج گاطعه گلبي

فاتنه ـ ههههههه اگعد ما اگدر والله بطني حيل توجعني

نائل ـ نروح هسه للدكتوره

فاتنه ـ لا ما اگدر

نائل ـ لا نروح وضعج مو مال اسكت عليه گومي غيري ملابسج ونروح هسه اتصل واحجز

فاتنه ـ لا نائل فدوه تعبانه والله

نائل ـ گومي يله رحت اتصلت وحجزت گالت السكرتيره ساعه يله يوصل دورهه وهو بالضبط المكان من شقتنه للعياده

اخذتهه وصلنه ودخلنه استقبلتنه الدكتوره هيه وياي بالمستشفى فحصتهه وبعدين اخذت سونار گالت

دكتوره سمر ـ نائل انتم اكو بعائلتكم توائم

نائل ـ لا ما عدنه هيج شي ليش

فاتنه ـ اني عندي عمي عنده توأم

الدكتوره سمر ـ شنو نوع التوام

فاتنه ـ اثنين بنات

الدكتوره سمر ـ يعني ثنائي

فاتنه ـ اي

دكتوره سمر ـ حبيبتي انتي عندج 3 اطفال هسه اثنين بنات وولد

فاتنه ـ ششششنووو

نائل ـ دكتوره صدك واحس الفرحه ترست روحي

********************************

علقوا على الفقرات

صوتوا للبارت

تابعوني على الانستا